BABILON SE OORDEEL Les 12 vir 23 Maart 2019

'n Alliansie van godsdienste, bekend as Babilon, die groot hoer. Daar sal drie hoofgroepe of alliansies wees in die laaste oomblikke van die Aarde: 'n Alliansie van godsdienste, bekend as Babilon, die groot hoer. 'n Alliansie van politieke magte, bekend as die konings van die Aarde, die sewe koppe of die tien horings. 'n Alliansie van God se dienaars bekend as die verseëldes, die 144,000 of die Oorblyfsel. Hulle is geroep, hulle is gekies en is getrou. Openbaring 17 openbaar die identiteit van daardie alliansies en verseker dat Christus en Sy Getroue Mense sal triomfeer (v. 14). Babilon en haar bondgenote. Openbaring 17:1-2 Babilon en die skarlakenrooi dier. Openbaring 17:3-7 Die skarlakenrooi dier: Dit was en is nie, en sal opkom. Openbaring 17:8 Die sewe koppe. Openbaring 17:9-11 Die tien horings. Openbaring 17:12-18 Die oorwinning van Christus. Openbaring 17:14

BABILON EN HAAR BONDGENOTE Wat verteenwoordig die vrou Babilon? “met wie die konings van die aarde gehoereer het, en die bewoners van die aarde het dronk geword van die wyn van haar hoerery.” (Openbaring 17:2) Wat verteenwoordig die vrou Babilon? Die vrou in Openbaring 12 verteenwoordig die kerk van God, rein en getrou. Babilon verteenwoordig die afvallige en ontroue kerk op die Eindtyd. Die kerk is die vereniging van baie kerke. Wie is haar bondgenote? Volgens verse 1, 2 en 15 is hulle skares, in twee groepe verdeel: Die konings van die aarde. Politieke leiers wat Babilon wil ondersteun met politieke-godsdienstige wette. Die inwoners van die aarde. Diegene wat dronk is met die valse leerstellings van Babilon. Hulle aanbid die dier en sy beeld.

“Baie van die Protestantse kerke volg die voorbeeld van Rome deur sondige verbintenisse met die “konings van die aarde” aan te gaan— naamlik die staatskerke deur hulle verhouding tot aardse regerings; en ander genootskappe, deur die guns van die wêreld te soek. En die benaming “Babilon”—verwarring—kan met reg toegepas word op hierdie liggame wat almal voorgee om hulle leer uit die Bybel te put, maar wat nogtans in ontelbare sektes verdeel is met wyduiteenlopende geloofsbelydenisse en teorieë.” E.G.W. (The Great Controversy, cp. 21, p. 383)

BABILON EN DIE SKARLAKENROOI DIER “En hy het my in die gees weggevoer na ‘n woestyn, en ek het ‘n vrou sien sit op ‘n skarlakenrooi dier, vol godslasterlike name, met sewe koppe en tien horings.” (Openbaring 17:3) Babilon verteenwoordig 'n godsdienstige mag en die dier verteenwoordig politieke magte. Teenoor die antieke tye sal godsdienstige en politieke magte maklik in die Eindtyd onderskei kan word. Babilon sit op die dier, godsdiens wil die politiek beheer en sal dit weer gebruik om dronk te word met die bloed van die heiliges. Babel probeer die Hoëpriester vervang deur pers en skarlaken te dra, asook juweliersware en 'n kopstuk met gravering daarop (sien Eksodus 28). GODSDIENSTIGE MAG POLITIEKE MAG

DIT WAS EN IS NIE, EN SAL OPKOM “Die dier wat jy gesien het, was en is nie, en sal uit die afgrond opkom en na die verderf vaar; en die bewoners van die aarde wie se name nie van die grondlegging van die wêreld af in die boek van die lewe geskryf is nie, sal hulle verwonder as hulle die dier sien wat was en nie is nie, alhoewel hy is.” (Openbaring 17:8) Hierdie dier het sewe koppe en tien horings soos die draak en die dier uit die see. Satan beheer hierdie dier. Dit verteenwoordig al die magte wat God se mense onderdruk het in die geskiedenis. Dit beweer dat dit God is, "wat is en wat was en wat kom" (Openbaring 1:8), maar 'n bietjie anders: “Wat was". Dit sluit die koppe in wat tydens die geskiedenis in Johannes se tyd en tot 1798 was. “Dit is nie" Dit is dodelik gewond. “Dit sal opkom". Dit sal sy mag terug kry.

DIE SEWE KOPPE. “En hulle is sewe konings: vyf het geval en een is; die ander een het nog nie gekom nie; en wanneer hy kom, moet hy ‘n kort tydjie bly.” (Openbaring 17:10) Die dier word eers geïdentifiseer as Rome, die stad met sewe heuwels (v. 9), maar 'n tweede interpretasie word bygevoeg (v. 10). Die sesde "koning" "is". Dit is Rome (die vierde dier in Daniël 7 en die horing in Daniël 8). Daarom is die vyf konings wat "geval het" Egipte (die eerste ryk om God se mense te onderdruk), Assirië, Babilon, Persië, en Griekeland. Die dier is die agste koning (Die Pousdom, herstel van sy noodlottige wond). Die laaste koning sluit aan by al die politieke magte om die doelstellings van Babilon te vervul.

DIE TIEN HORINGS “En die tien horings wat jy op die dier gesien het, hulle sal die hoer haat en haar verlate maak en naak, en haar vlees eet en haar met vuur verbrand.” (Openbaring 17:16) Daardie horings word gesien in die konteks van die val van Babilon, en hulle speel in daardie oomblik 'n belangrike rol (v. 16-17). Hulle kom dus ter sprake tydens die plae, en word duidelik geïdentifiseer as die konings van die aarde (v. 18). Hulle ondersteun aanvanklik Babilon in haar stryd teen die volk van God. Hulle verwerp haar uiteindelik en verlaat haar gedurende die 5de en 6de plae (v. 16). Hulle straf haar. Die straf word verteenwoordig deur die straf van ‘n priester se dogter as sy haar ontheilig het om te hoereer (Levitikus 21:9). Die drie sataniese magte oorreed hulle om weer teen Christus en Sy volk te veg (v. 17).

DIE OORWINNING VAN CHRISTUS “Hulle sal teen die Lam oorlog voer, en die Lam sal hulle oorwin want Hy is die Here van die here en die Koning van die konings en die wat saam met Hom is, geroepe en uitverkore en getrou.” (Openbaring 17:14) Net voor die einde is daar 'n laaste oproep om uit Babel uit te kom en die dier se merk te verwerp. Diegene wat hierdie boodskap aanvaar en getrou bly word deur Christus geroep, gekies en is getrou. Ons oorwinning word gewaarborg, want die Lam veg vir ons. Hoekom is dit so belangrik om rein en getrou te wees aan die boodskap wat God ons gegee het?

“Ons moet altyd voor oë hou dat die tyd kort is “Ons moet altyd voor oë hou dat die tyd kort is. Ongeregtigheid neem oral toe. Die regverdiges dien as lig in die wêreld. Deur hulle sal die heerlikheid van God aan die wêreld geopenbaar word. Onthou altyd die plegtige toekomsgebeure—die groot oorsig van die oordeel en die koms van Christus. Jy en jou gesin moet voorberei vir daardie dag.” E.G.W. (This Day With God, November 9)