WAARDIG IS DIE LAM Les 4 vir 26 Januarie 2019

Die visioen van die troon. Openbaring 4:1-3, 5, 9-11 Die 24 ouderlinge. Openbaring 4:4 Die 4 lewende wesens. Openbaring 4:6-8 Die verseëlde boek. Openbaring 5:1-4 Die Lam is waardig. Openbaring 5:5-14 Daar is vier reekse van sewe items in Openbaring: 7 kerke, 7 seëls, 7 trompette en 7 plae. Die hoofstukke 4 en 5 is die inleiding tot die tweede sewe, die sewe seëls. Die belangrikste vrae is: Wat sê die verseëlde boek? Hoekom is dit so belangrik om dit oop te maak? Waarom is die Lam die enigste waardig om dit oop te maak?

DIE VISIOEN VAN DIE TROON “En daar het weerligte en donderslae en stemme uit die troon uitgegaan, en sewe vuurfakkels wat die sewe Geeste van God is, het voor die troon gebrand.” (Openbaring 4:5) Johannes se visioen van die troon van God is soortgelyk aan die van Moses (Eksodus 24:9-10), Jesaja (Jesaja 6:1-4) en Esegiël (Esegiël 1:22, 26-28). Die reënboog om die troon is 'n herinnering aan God se beloftes en beskerming (Genesis 9:9-17). Ons kan met vertroue na die troon van Genade gaan (Hebreërs 4:16). Die Vader ontvang 'n drievoudige lof en Sy volgehoue en kreatiewe krag word erken (v. 11). In hierdie visioen word die Vader geprys vir Sy mag om die heelal wat Hy geskep het te regeer.

DIE 24 OUDERLINGE “En rondom die troon was daar vier en twintig trone, en op die trone het ek die vier en twintig ouderlinge sien sit, bekleed met wit klere; en hulle het goue krone op hulle hoofde gehad.” (Open. 4:4) Hulle is nie ouderlinge weens hul ouderdom nie, maar weens hul posisie. Hulle verteenwoordig 'n groep mense. Wit klere: Geregtigheid. Krone van goud: Koninklikes of oorwinnaars. Hulle kan die eerste vrugte wees wat saam met Jesus opgewek was en in die Hemel leef, verteenwoordig die mensdom (Mattheus 27:52-53) Hulle kan God se mense in die ou en die nuwe verbonde verteenwoordig: 12 patriarge en 12 apostels (Mattheus 19:28) Hulle kan verteenwoordigers van ander geskape wêrelde wees wat nie gesondig het nie, wat optree as die 24 priesters voor God (Openbaring 5:8)

DIE 4 LEWENDE WESENS “En die eerste lewende wese was soos ‘n leeu, en die tweede lewende wese was soos ‘n kalf, en die derde lewende wese het ‘n gesig gehad soos ‘n mens, en die vierde lewende wese was soos ‘n arend wat vlieg.” (Openbaring 4:7) Die aspek van hierdie wesens en die feit dat hulle 4 is, verbind hulle met die aarde. Leeu: Wilde diere Kalf: Mak diere Mens: Mensdom Arend: Vlieënde diere Hulle is nie mense nie, maar word “gérubs” genoem (Esegiël 10:2) Hulle verteenwoordig die engele wat ten gunste van die mensdom werk (Mattheus 18:10)

DIE VERSEËLDE BOEK “En ek het in die regterhand van Hom wat op die troon sit, ‘n boek gesien, van binne en van buite beskrywe en met sewe seëls goed verseël.” (Openbaring 5:1) Die Bybel verduidelik dat God records hou van die mens se geskiedenis (Ex. 32:33; Ps. 40:7-9; 56:8; 69:28; 139:16; Dan. 7:10; 12: 1; Fil. 4:3; Open. 3:5). Johannes gaan egter die toekoms sien, "dinge wat hierna moet gebeur" (4:1). Daardie kennis is verseël vir almal behalwe aan Hom wat dit waardig is om dit te onthul. Net Jesus kan die boek oopmaak, want Hy is die Leeu (Hy het oorwin) en die Lam (Hy het gesterf om ons te red). Die inhoud van die boek hou verband met die geskiedenis van ons verlossing. Dit bevat "die geskiedenis van God se voorsiening, die profetiese geskiedenis van die nasies en die kerk” (E.G.W., Manuscript Releases, vol. 9, MR No. 667).

E.G.W. (Christ’s Object Lessons, cp. 23, p. 294) “So het die Joodse leiers hul keuse gemaak [om Jesus dood te maak]. Hulle besluit was aangeteken in die boek wat Johannes gesien het in die hand van Hom wat op die troon sit, die boek wat niemand kon oopmaak nie. In al sy wraaksutigheid sal hierdie besluit voor hulle verskyn in die dag wanneer hierdie boek deur die Leeu van die stam van Juda oopgemaak word.”

DIE LAM IS WAARDIG “Toe sing hulle ‘n nuwe lied en sê: U is waardig om die boek te neem en sy seëls oop te maak, want U is geslag en het ons vir God met u bloed gekoop uit elke stam en taal en volk en nasie.” (Openbaring 5:9) Die Lam (Jesus) is waardig omdat Hy geoffer is. As gevolg van daardie offer is aan Hom alle mag en gesag gegee (Mattheus 28:18; Efesiërs 1:20-22). Die groot hemelse koor sing 'n sewevoudige lof, en verklaar dat Jesus waardig is om die volgende te ontvang: Mag Rykdom Wysheid Krag Eer Heerlikheid Seën Aan die kruis het Jesus oorwin en herstel wat Adam in Eden verloor het. Hy stel ons aan die Vader bekend en tree vir ons in (Hebreërs 7:25).

“Wanneer die verlostes saam met hulle Verlosser voor die troon van God staan, dan eers sal ons besef watter verskriklike losprys vir ons betaal is. Wanneer ons in verrukking ons ewige tuiste sien, sal ons besef dat Jesus dit alles verlaat het vir ons, dat Hy nie alleen 'n banneling geword het uit die hemelse howe nie, maar vir ons die gevaar geloop het om die ewige nederlaag te ly. Dan sal ons ons krone voor Sy voete neerwerp en die lied aanhef: ‘Die Lam wat geslag is, is waardig om te ontvang die krag en rykdom en wysheid en sterkte en eer en heerlikheid en lof.’” E.G.W. (The Desire of Ages, cp. 13, p. 131)