EUS EIGE LEEDSJES Deil 6 Klikke um wijer te goon

Sjele, zuugs tiech e vleegmasjien. Sjele, zuugs tiech ‘rs twie mesjien. Sjele, iech kin ‘t neet fele, Dats tiech ‘rs twie zuugs en iech zeen d’r geint. Affiesj oet 1928

Eén is één, ene God alleen, ene Zaligmaker, en anders geen. Twee is twee, twee stenen tafelen, die Mozes sloeg tot wafelen ene god alleen, enz. Drie is drie, drie patriarchen, Abram, Isaak en Jacobus, twee stenen tafelen, enz. Vier is vier, vier Evangelisten die de waarheid wisten, drie patriarchen, enz. Vijf is vijf, vijf geboden des Heren, die we moeten leren vier Evangelisten, enz. Zes is zes, zes kruiken wijn die er op de bruiloft te Cana zijn enz. Zeven is zeven, zeven Sacramenten zie wij moeten kennen, zes kruiken wijn, enz. Acht is acht, acht zaligheden waar wij naar moeten streven, zeven Sacramenten, enz. Negen is negen, negen vreemde zonden die wij stiekem konden, acht zaligheden,enz. Tien is tien, tien geboden des Heren die we moeten eren negen vreemde zonden,enz. Affiesj oet 1937

Lootre zjoer de ma zjaprette Ma zjaprette siejaonoo Zje fumee de sigarette Koesjee twa ee leveedoo. Do re mi fa sol la si do. L'autre jour dans ma chambrette Ma chambrette si en haut Je fumai des sigarettes Couchai tard et levai to ̂ t Do,re mi fa,sol,la,ti,do Caballeroreclaam oet 1966

De keizer vaan China Dee trouwde mèt Mina, Al achter de knóp vaan de deur. En wat e gerommel En wat e gesjommel Dao achter dee knóp vaan de deur. Hup, dao vluig miech ´n vloej op m´n bats Hup, dao vluig ze devaan Hup, dao vluig z'op de winkelbaank Houw häör mèt e gewiech op häöre straank En hup, dao vluig miech ‘n vloej op m’n bats En hup, dao vluig ze devaan Ze springk ziech kepot Op de rand vaan de pot En hup, is viedeldomda! Affiesj oet 1939 naor ’n oontwerp vaan Jan Hul.

Houw mer op die kis Tot e look debinne is Houw mer op die kis Tot e look debinne is En laat de boel maar waaien Want we hebben geen verdriet En we hebben geen verdriet En laat maar waaien Affiesj oet 1930 oontworpe door H.Pieters

Alle deenders höbbe ‘ne baard Behave d’n deender Franse, Dee liet de pupkes danse. Alle deenders höbbe ‘ne baard alle deenders höbbe ‘ne baard Behave d’n deender Franse, Dee liet de pupkes danse. ‘t Philipsfebrik stoont aon den Toongerseweg boe noe de Wiener steit. Ze maakde dao sigare, sigrètte en proumtouwbak. Bove, ‘n sigrettereclaam oet 1922, oonder ein veur proumtouwbak.

Teks: Fons Tuinstra - meziek: Th. Bosman 't Is goonsdagmiddag en gein sjaol, wat wèlt geer noe nog mie? Zègk jonges: Koume allemaol in de Koompe um half twie ! Daan trèkke veer in kompenei, 't trömke geit veurop. Kordaat mèt vere in de rij Sint Pietersberg op. Refrein: Rompete Pompete Pom Pom Pom Rompete Pom Pom Pom Rompete Pompete Pom Pom Pom Rompete Pom Pom Pom De veendel dee is vaan de Neus, dee weurt de baas, dat sprik. Kenon dat make veer de Reus en peerd dat weurt de Mik. En wèt geer wat veer speule goon ? De krieg vaan zeveteg. En dee daan doed blijf, wel, dee sloon veer ouch weer leveteg. En goon v'r saoves trök nao hoes, daan slete veer weer vrei. Want ruizing huurt gaaroet neet thoes in us gooj kompenei. Meh thoes gekoume veulste pas wie of de mäögske deit. 't Rammelt in die rammelkas of dao e trömke sleit. Nao 't ete gaon iech nao mie bèd, blij touw, iech bin doedmeuj. Meh miene sabel num iech mèt, dee lègk iech aon m'n veuj. Lang wakker ligke daon iech neet, iech slaop, iech vech, iech sjeet. Of loup sjoen in de pas, iech druim, dus ech: Iech weit 't neet. Affiesj oet 1927, reclaam veur ‘ne grammefoon. Met ”de krieg vaan zeveteg” meint de sjrijver de Frans-Duitsen oorlog oet 1870

Hupmerjenneke pupverjenneke tege de vastelaovend Hupmerjenneke pupverjenneke tege de carnaval Wee 't daan gedoon heet steek 'm in den olie Hupmerjenneke pupverjenneke tege de carneval

Es de boer e paar kloompe heet, Daan is de boer content. E paar kloompe mèt get stru d'rin, Dat is nao de boer z'ne zin. Boer, boer, boer, zègk höbste niks te sjachele? Nein, nein, nein, 't sjachele is gedoon. Es de boer e paar zokke heet Daan is de boer content. E paar zokke mèt e paar kloompe Kloompe mèt get stru d'rin Dat is nao de boer z'ne zin Boer, boer, boer, zègk höbste niks te sjachele? Nein, nein, nein, 't sjachele is gedoon. Es de boer e breukse heet, Daan is de boer content E breukske mèt e paar zokke, E paar zokke mèt e paar kloompe, Kloompe mèt get stru d'rin Dat is nao de boer z'ne zin. Boer, boer, boer, zègk höbste niks te sjachele? Nein, nein, nein, 't sjachele is gedoon Es de boer e jeske heet Daan is de boer content. E jeske mèt e breukske, E breukske mèt e paar zokke E paar zokke mèt e paar kloompe Kloompe mèt get stru d'rin, Dat is nao de boer z'ne zin. Boer, boer, boer, zègk höbste niks te sjachele? Nein, nein, nein, 't sjachele is gedoon. Affiesj oet 1950 vaan “Maison Louis”. Sjachele = handele

Zuug die lui ‘ns loere, ze meine veer zien boere, Veer zien de meidskes Vaan Mestreech, Bringe de jonges veur ’t leech. Roond is de wereld, de wereld dee is roond, en Adam puunde Eva, op häör bloete koont. Affiesj oet 1946

't Waore twie aordege meidskes Ze wèrkde op 't febrik. De ein had e kroezele köpke De aander 'n kouf met 'n strik. Hun awwers, die woende tesame Op kamers zès, zeve en ach. 't Waor op de derde verdeping Al in 'ne bouw op de Grach. En smörges gónge ze same Al nao ‘t febrik op en neer De koffiefles in e pepèrke Of in 't kalbeske vaan meer. En saoves daan zónge ze möpkes Of gónge ze stoon bij d'n tróp Of zaote gezèlleg te kletse Bij hun veur de deur op de stóp. De kroezelekop, die kraog kinnes 'ne Pottemaan kaom op häör aof. Heer heet häör zien leefde gezwore En zij häöm 't jaowoord belaof. De aander die trof e menierke, Dee vrijde mèt häör alle daog, Ze heet 't febrik laote loupe, Góng bij 'n femilie es maog. De kroezelekop zag:” Meh meidske, D'n awwers die deis te verdreet. Dee kale mesjeu, laot 'm stikke, Dee trouwt d’ch jao toch jummers neet." En 't is häör ouch zjus zoe gegaange Heer wouw häör al hiel gaw neet mie. Ze góng toen nao aandere zeuke, 't Snuutske vol ‘poudre de riz’. Te lèstig woort häör noe 't werk Ze waor noe zoe deftig gekleid. De bouw in de Grach waor vergete Ze heet mèt väöl hiere gevrijd. Nao jaore toen kaom me häör hole. Ze woort nao Klevarie gebrach. Ze storf en kraog toen twie kranse, Al vaan 'ne bouw in de Grach. 't Waore twie aordege meidskes, De ein góng te vreug nao 't graaf. De aander is moojer vaan kinder En bleef hiel oppassend en braaf. Reclaam veur Marres in de gez è t. De brouwerij vaan Marres-Ceulen laog in de Cappecijnestraot. Ze bestoont vaan 1859 tot 1959 en waor bekind um ‘t “Dobbel Aajd”. Lang lieverde ze aon “De Vogel Struys” boevaan ze eigeneer waor.

Mie wief en mie naobers wief Dat zien e paar lieleke wieve De ein houwt mèt de piezel in de pan En de aander begint te kieve. Miene maan en diene maan Dat zien m'ch twie sjoen jonges. De mijne heet 'ne kale kop En d'n deine is 'ne kromme. Eus kat en eus naoberskat Die hadde ziech flink gebete. Eus kat had eus naoberskat De start oet de vot gerete. Wie iech nog e kinneke waor Waor iech mie moojers Frenske. Wie iech e vetske awwer waor Houwde zie miech op me penske. Minckeleers dee gooje maan Dee steit al op de Merret. Lufste dee zie rökske op Daan zuuste ziene kerf. Tingelingeling de Brögkstraot in Kaom miech e vruiwke tege. Iech vroog aon häör wie laat of 't waor, En 't waor pas half nege. kerf = plat Mestreechs veur anus Affiesj oet 1951

En laote veer ‘ns hure wat de wijsvrouw zeet De wijsvrouw zeet, de wijsvrouw zeet. En laote veer ‘ns hure wat de wijsvrouw zeet De wijsvrouw zeet jao jao. Lot geit doed, Lot geit doed. Lot die ligk op sterve, Dat is good, dat is good, Daan koume veer aon’t erve. Póf mer Ferdinand, póf mer Ferdinand, Mörge sleit de boter op. Póf mer Ferdinand, póf mer Ferdinand Mörge sleit ze op. Affiesj oet 1950 Wijsvrouw = vroedvrouw

KOMPLEMINTE VAAN VAAN TINY Juni 2009 Met daank aon Sjarel Thewissen en Thei Bovens