Klikke um wijjer te goon Eus eige kinderleedsjes en aoftèlrijmpkes Klikke um wijjer te goon

Eun deun dip Kiene kanne kip Kiene kanne botermèllek Öpke döpke Reubesöpke Öpke döpke knaol Mojer heet e nieteköpke Vajer heet e krabbeköpke

Dit leedsje is e kietelleedsje. Bijj "Kiele-wiele-wenske" woort 't kinneke gekieteld. Iech góng nao de mèrret Iech koch 'n kooj E stökske lever veur de bever E stökske lóng veur de koejóng E stökske penske Kiele-wiele-wenske

Dao waor ins e menneke Dat sjeet in e penneke Zoe ’n hiel klein keutelke En dat lag heer op e sjeutelke Heer brach 't nao menier den Dis En zag: "Hijj is lekkere stokvès". Menier den Dis staok 't in ziene mónd En zag: "Foj, foj, dat is kattestrónt".

Hot hot bajke Wiele wiele wajke Hot hot juuuuuu

't Regent, 't zegent De panne valle aof Dao kaome twie boerinnekes en die loupe op en aof. De panne weure naat die vele op hun gaat.

Roed wit blouw de keuning mèt zien vrouw de keuning mèt zien kinderkes Ein twie drijj Pieke in de weij Pieke in zien ónderbrook

Ein twie drijj veer vijf zès zeve Triene vaan de bok die kaom us tege Triene vaan de bok die leet 'ne keek (sjeet) Nein vajer dat daon 'ch neet Wee deit 't daan 'nen Aandere maan Wie hèt dee maan Knuipjaan Wie hèt zien vrouw Knuddel in de mouw Wie hèt 't keend Snótsvink

Vreuger woort vaan d'n tore vaan 't aajd stadhoes um 10 oor e sienjaol gebloze. De kleppermaan reep bijj zien runde: "Tien ore heet de klok De klok heet tien". De kinder, die nog neet nao bèd waore, zónge 'm daan nao: "Luf d'n hónd zien stertsje op daan kinste ze vötsje zien".

Ónder d'n errem Is 't werrem Pie en Pow Keutel in de mouw Ónder d'n errem Is 't werrem Pie en Pow Goon veer same nao Sint Gillis touw

Achter 't stadhoes dao zaot 'n moes Is menier de Wit neet toes? Nein, dee is water hole. Raoj 'ns wee heer tegekaom? Twie iezere mennekes Twie potte en pennekes Twie mennekes zónder ziel Ach en ach is zestien.

Sè niekela petrao deséékoljee apottema de plume de ma mè soeljee sje dieree ma priejijr a mè petiepetao pour avwaar de bao-bao venee venee sè niekela tralalala Saint Nicolas patron des ecoliers apportez moi des sucres dans mes deux souliers je serai toujours sage comme un petit mouton je dirai mes prières pour avoir des bonbons Venez venez Saint Nicolas venez venez Saint Nicolas Tralalala

Sinterklaos dee heet gezag Veer mage speule Veer mage speule de gansen daag Krik krak Sjiemlala

Sinterklaos vaan hijjneve Dee heet 'ne breef gesjreve Mèt zien linkerhand En mèt zien groet verstand Sinterklaos vaan Heugem Vluig op eine vleugel Heer maak de kinder bang En stik ze mèt 'n spang Sinterklaos dao achter Ging 'ns nao de slachter Koch ziech dao e stumpke En lag 't in e klumpke Sinterklaos vaan oet Hare Dee leet ziech lekker vare Heer rijt vaan taak tot taak Al mèt e groet gemaak

Slaop kinneke slaop D'n mojer is e sjaop D'ne vajer is 'nen ossekop En este neet stèl bis daan krijgste 'rs trop D'n meer dat is e sjaop Dao achter kump e sjaop Dat sjaop dat heet 'ne zwarte poet En zeet dat 't kinneke slaope moot

't Vollegende leedsje is hiel aajd. Umstreeks 't jaor 1200 woort 't al gezónge in Gent. Zoe weurt 't gezónge en gespäöld: Ein keend, mesjuffelke, steit allein tegeneuver de aander kinder die in 'n lang rijj hand in hand stoon opgestèld mèt 't geziech nao mesjuffelke. Ónder 't zinge make de kinder 8 peskes nao väöre en denao weer 8 peskes nao achtere. De óneve koeplètte weure door de kinder gezónge, de eve door mesjuffelke. Op 't lèste weurt ein keend aongeweze es de "allerleefste". Dat geit daan neve mesjuffelke stoon. 't Speul begint vaan väöre aof aon, zjus zoe lang tot alle kinder euvergehaold zien. Iech höb dit späölselke in mien jäög mèt väöl plezeer gespäöld. Jaomer tot iech 't daonao noets mie höb hure zinge. Achter de beteikenis vaan ’t woord ”mesjuffelke” bin iech neet gekómme. Klikke

1 Vanwaar komt gij getreden mesjuf mesjuf mesjuffelke mesjuffelke? 5 Voor wie zal die wel wezen mesjuf mesjuf mesjuffelke mesjuffelke? 2 Ik kom van onder de aarde mesjuf mesjuf mesjuffelke mesjuffelke. 6 Voor mijnen allerliefste mesjuf mesjuf mesjuffelke mesjuffelke. 3 Wat hebt gij daarvan meegebracht mesjuf mesjuf mesjuffelke mesjuffelke? 7 Wie is uw allerliefste mesjuf mesjuf mesuffelke mesjuffelke? 4 Een mand met gouden rozen mesjuf mesjuf mesjuffelke mesjuffelke. 8 Dit is mijn allerliefste mesjuf mesjuf mesjuffelke mesjuffelke.

Drijj keuninge drijj keuninge geef miech 'ne nuijen hoed mienen awwe is verslete miene vajer maag 't neet wete mien mojer heet gein geld drijj keuninge in 't veld

Iech höb e wit-zwart spiegelke gevónde Ich höb 't aon mien hertsje gebónde Kieromme, kieromme En (Maike) drejt ziech ins um En es (Maike) ziech heet umgedrejd Dat heet häör vajer of häör mojer häör gelierd En veer drejje us allemaol um

Tösse Drijjkeuninge en de Vastelaovend trokke de kinder vaan Sint Pieter mèt 'nen verseerden tak bedelentere langs de hoezer. Vollegens miene maan, dee dao woende, kraoge ze in zienen tied vaan de mieste luij e paar sent. Heije heije klödsje zoe dik es e hödsje zoe dik es 'n boen God gief loen Hijj woent 'ne rieke maan dee us wel gèt geve kaan wèlt heer us niks geve heer zal neet lang mie leve D'n hoegen hiemel is opegedoon geef us gèt en laot us goon Veer höbbe nog niks gehad vaan 't verreke z'ne start Laot 't metske zinke snijj mer vaan de sjinke laot 't metske haange snijj mer vaan de laange heije heije hödsje

Iech weit niks zeker euver de gesjiedenis vaan dit leedsje. Meh, iech höb wel mien gedachte hijjeuver laote goon! Vreuger, veur 1874 (Kinderwètsje vaan van Houten), wèrrekde kinder ónder de 12 jaor ouch ’s nachs in de febrik vaan Regout. Umtot ze dèks nog haaf slepe es ze um 12 oor ‘s nachs naor hun sjiech mooste goon, zatte peer of meer hun wel ins op de blouwe leijstein vaan de Sint Matheiskèrrek um wakker te weure. Mesjiens waor Anna ouch zoe ’n kinneke. En Anna zat op de blauwe steen blauwe steen, blauwe steen. En Anna zat op de blauwe steen, blauwe steen.

Kómpleminte vaan Tiny Mèt daank aon de "ENCI" veur 't gebruuk vaan de teikeninge vaan Mathieu Vroemen Mestreech, november 2008