Eus eige leedsjes deil 2 november 2008 Klikke In Mestreech woort get aofgezoonge in de loup vaan d'n tied. Veur eder gelegenheid had de Mestreechteneer.

Presentatie over: "Eus eige leedsjes deil 2 november 2008 Klikke In Mestreech woort get aofgezoonge in de loup vaan d'n tied. Veur eder gelegenheid had de Mestreechteneer."— Transcript van de presentatie:

1

2 Eus eige leedsjes deil 2 november 2008 Klikke

3 In Mestreech woort get aofgezoonge in de loup vaan d'n tied. Veur eder gelegenheid had de Mestreechteneer z'n leedsjes. En es ze d'r neet waore daan woorte ze gemaak! Zoe is 'n sjat vaan oongekinde weerde oontstande. Me zuut aon de leedsjes tot de Mestreechteneer 't plezeer zeuk. Meh ouch zie chagrijn klink drin door. Soms geit heer middenin e leedsje inins euver op 't Hollands. Dèks is dat e teike tot heer serieus weurt. De leedsjes weure nogalins op versjèllende menere gezoonge. Dat kump, umtot ze vaan ginneratie op ginneratie mondeling euvergelieverd woorte. En daan wèlt wel ins get veraandere! Iech wins uuch va ̈ o ̈ l plezeer mèt 't beluustere en zinge vaan dees Mestreechter sjatte. TINY

4 Dit leedsje (couplèt 3, 4 en 5 bestoonte al) woort gezoonge mèt 'nen nuien teks (couplèt 1 en 2) nao de staking in 1896 op ‘t febrik vaan Regout. De zäöns vaan d'n awwen hier Petrus Regout maakde e pötsje devaan mèt 't benaodeile vaan de wèrklui. Um d'n haverklap woort op hunne kezjem geld ingehawwe, daan veur dit en daan veur dat. En dees kier woort 35 cent in mindering gebrach. Noe moot me weite tot 't loen vaan ‘ne jonge wèrkmaan nog geine go ̈ lle per daag waor! 't Laog mer draon wieväöl ervaring heer had en wat heer deeg. Aon "de hinne zien geplök, de vere zien gevloge" kin me zien tot ze ziech behuurlek verneuk voolte. Meh ‘t kin ouch verwieze nao ‘t kèrmesgebruuk vaan “d’n haon sloon”. Leuk vin iech de bedreiging tot ze seldaot woorte of nao Charleroi of ‘t kristalfebrik Val Saint Lambert in Luik zouwe goon! Dao waor 't, sjijns, get beter geregeld veur de wèrklui.

5 Dit aajd leedsje woort door de zengers vaan de "Mestreechter Staar" ins 'ne kier de ganse nach door gezoonge (in fiesstumming), naotot ze d'n hoegste pries gewónne hadde op e concour in Bergen/Mons. De inwoeners vaan Bergen dachte tot 't us volksleedsje waor en preze de “patriottiese instèlling” vaan de Staarzengers. Bronne: Sjarel Thewissen en Joseph Systermans)

6 Dit leedsje sleit op de kèrmes vaan Meersse boe gans Mestreech nao touw góng. Heer waor in 't oktaaf vaan Sakkerminsdaag. Hei klikke um mèt te zinge.

7 ' n Aajd vastelaovendsleedsje oet d'n tied, tot Mestreech nog e Hollands garnizoen had. Me vierde same mèt de piotte vastelaovend op straot. Vendao de Hollandse seldaoteleedsjes. Ouch naotot 't garnizoen hei weg waor bleve de lui dees leedsjes zinge.

8 Dit is ouch zoe seldaoteleedsje, zjus wie 't volgende, "Ach God waar mag mijne minnaar wezen".

9

10 Volgens Sjarel Thewissen is 'retteke poeh‘ of 'retche poeh' de verbastering vaan 'race de poux‘. Meh de meininge vaan historici versjèlle! Loert mer ins nao d’n oetlègk vaan dit leedsje op mien websaajt.

11

12 Zjannètteke is e meisterlek leedsje! 'ne Gouwe knievel mèt zèlvere häörkes draon. De mós mer drop koume!

13 D'n tombo waor 't mónnumint veur ginneraol Destombes. Dat stoont bij ‘t pepierfebrik. 't Waor de 'aofwèrkplek‘ vaan Nèt den Daanjel. Nèt waor 'n heurke oet 't Gräötsje in Wiek. 'ne Kier had Nèt ruizing gekrege mèt eine van häör klante. Dee had zoe aon häör kleier getrokke tot Nèt verrete en versjäörd op hoes aon góng. Deender Seegers brach häör nao 't pelitieburo umtot ze oon- zedelek gekleid waor. Op dees gebäörtenis woort al gaw e leedsje gemaak. Nèt den Daanjel waor de dochter vaan 'nen awwen Oosgenger oet ‘t Gräötsje in Wiek.

14 Vaan dit leedsje bestoon miejer versies. Iech zing ‘n versie die get aofwiek vaan wat hei steit.

15

16

17 Compleminte vaan TINY Mèt daank aon Sjarel Thewissen Thei Bovens en alle aw Mestreechtenere