Eus eige leedsjes Deil 7 Klikke um weijer te goon

In Hier dao is 'n hermenie Die besteit mer oet 'ne maan of twie Refrein:Fiederalala fiederalala fiederalalalala. In Hier dao is 'n voetbalklub Die laam en stief 't veld op krup In Hier dao is 'ne peliesieagent Dee loert de kinder op hun zóndagssent. In Hier dao is 'ne groete weeg Dee liekent väöl op 'ne boeteweeg. In Hier dao is 'ne Hebios Dao zitte alle steulkes los In Hier dao is 'nen herdershónd Dee löp dao in zien bloete kónt In Hier dao is 'ne Gemeinteraod Dee späölt mèt huive oppe straot. Met dit leedsje plaogde de Mestreechtenere die vaan Hier.Tot 1970 had Hier ‘nen eige gemeinteraod en zelfs ‘nen eige cinema, ”Hebios” geheite. In 1970 woort Hier door Mestreech geannexeerd. Calvéreklaam ( )

Dao ligk 'ne vreemde kerel in 't bèd Troederie-derie-derallala Heer heet ziech zellefs touwgedèk Troederie-derie-derallala. En Nèt heet achter 't Lómmelefebrik Troederie-derie-derallala De aw Sentroen häör hummekes getik Troederie-derie-derallala. Met lómmelefebrik weurt de pepierfebrik bedoeld.Pepier woort oa gemaak vaan aw lómmele. De aw Sentroen häör hummekes zalle wel op de bleik gelege höbbe.

Kom laten wij een wandeling gaan doen Al in het jeugdig groen Met een meisje van fatsoen 2× Kom laten wij weer vrolijk wezen Komt laten wij weer vrolijk zijn Kom laten wij een wandeling gaan doen Al in het jeugdig groen Met een meisje van fatsoen 2× Hijj weurt André senior bedoeld. Euzen André is vreug begos mer neet toen hij 6 of 7 jaor waor!

MEZIEK : GOUBLIER (WIJS VAAN “LE CREDO DU PAYSAN”) Tinus had 'nen hoege nómmer getrokke, Heer mos goon dene noe es soldaot. 't Ganse hoes dat laog 't oonderstebove, 't Ganse dörrep waor ten einde raod. D'n awwen os, dee leet ziech neet mie mèlleke, De roejen haon, dee lag gein eier mie. En Triene stoont in 'nen hook te beuke: "M'ne leve Tinus, zeen iech diech daan noets mie?" Refrein: Triene mie keend, iech zal diech noets vergete, Diech blijfs veur miech op eerd, Altied 't mieste weerd ! Wied vaan diech weg heet miech 't lot gesmete. Diech blijfs veur miech op eerd. } Altied 't mieste weerd. } 2 kier Wied vaan de bös en vaan de heuvelklinge, Wied vaan de häöf en vaan de modderpeul. Wied van de weije boe v'r appele gónge stele, Wied vaan dat alles bin iech noe gesjeid ! Wied vaan mien Triene, boe iech zoe dèks mèt praotde, Wied vaan de plaots boe iech häör 't ierste zaog. Wied vaan de plek, boe 'ch levensleech aonsjouwde, Wied vaan dat alles bin iech noe gesjeid Vaan 1810 tot 1938 mooste deensplichtege jonges lote um hun deenspliech te vervulle.Wee oetgeloot woort zat z’ne nómmer op z’n patsj en góng vaan plezeer flink aon de rol.Wee ingeloot woort deeg ‘t zellefde meh daan vaan sjagrijn.Me kos tot 1898 ouch ‘ne remplacant aonstelle.Dee woort betaold um d’n ingelote te vervaange.

En 't huidsvleis vaan de boer en 't huidsvleis vaan de boer 't Zien gekapde pieringe en flets 't tege de moer! En 't huidsvleis vaan de boer en 't huidsvleis vaan de boer 't Zien gekapde pieringe en flets 't tege de moer! Reklaam veur “Kwatta “sjóklaat oet 1951

Hop,hop hop mèt de brouwerskaar Jao dat beer is neet good gaar En 't begint al gaw te stinke En de kaans 't neet mie drinke 't Is zoe zoer es ezien En iech drink nog liever wien. Umslaag vaan e carnavalsleedsje oet 1950

Zeve elle in de brook vaan Fien Al in de brook vaan Fien Zeve elle in de brook vaan Fien Al in de brook vaan Fien. Duij ze daan mer in de wasmesjien Al in de wasmesjien Duij ze daan mer in de wasmesjien Al in de wasmesjien Affiesj oet 1911 vaan de SDAP ‘t Algemein Keesrech veur manne woort in 1917 ingevoerd.Vrouwe mochte pas in 1919 goon stumme.

Hakke stoont te kakke op 't heukske vaan de Brakke En toen kaome twie klabakke en die naome Hakke mèt ! Frisse stoont te pisse in d'n hoof vaan de Clarisse En toen kaome twie pelisse en die naome Frisse mèt ! Sije stoont te spije in de Wolderse kóntrije En toen kaome twie lakeie en die naome Sije mèt ! Niete stoont te sjiete in d'n hoof vaan de Zjezwiete En toen kaome twie bandiete en die naome Niete mèt ! Pluime stoont te fluime boe de bere wel 'ns druime Twie die snie op gónge ruime naome Pluime stiekem mèt ! Jeuke stoont te beuke bij de nonne in de keuke En toen kaome twie zoen leuke en die naome Jeuke mèt Knolske droonk ei bolske op de merret bij Pie Knolske En toen veulde ze aon ze polske en ze naome Knolske mèt ! Dasse stoont te plasse in de Staar achter de basse En toen kaome twie paljasse en die naome Dasse mèt ! Kleine stoont te greine bij z'n Ma achter de gordijne En toen kaome twie hiel fijne en die naome Kleine mèt ! Meeze waor aon 't peze, wouw de berreg op goon sjeze En toen kaome twie Chineze en die naome Meeze mèt ! Bolle laog te rolle mèt de maog vaan Oswald Kolle En toen kaome twie aw snolle en die naome Bolle mèt Dit leedsje is gegreujd in de loup vaan d'n tied.D’r kaome steeds mie koeplètte bijj. ‘t Kouplèt vaan”Bolle”sjijnt gemaak te zien door Sjarel Thewissen.Oswald Kolle waor ‘ne sexgoeroe oet deen tied.

Wee zouw dörve spotte met de keuning zien piotte zal de bak in goon dee zal de bak ingoon Wee zouw dörve spotte met de keuning zien piotte zal de bak in goon. Wee zouw dörve kakke op de keuning zien gemake zal de bak ingoon dee zal de bak ingoon Wee zouw dörve kakke op de keuning zien gemake zal de bak ingoon. Hijj weurt gesproke euver “de keuning” zien piotte.Willem III is gestorreve in 1890.Dit zouw dus e leedsje kinne zien vaan veur deen tied!!

Iech maag veur mien moojer neet vrije Mer iech daon 't toch Iech daon 't toch. Iech maag veur mien moojer neet vrije Mer iech daon 't toch Iech daon 't toch. Miene leefste heet gezag Tot heer kump um hallef ach Op 't heukske vaan de Groete Grach Iech maag veur mien moojer neet vrije Mer iech daon 't toch Iech daon 't toch.

Dit is ‘n affiesj oet 1906 veur ‘n ekspositie vaan de Mestreechse sjèlder Henri Goovaers.(Sjus,dee boe dee weeg nao genump is,den Henri Goovaersweeg!) Meister Jepkes höbder hieringe Nein,nein,nein die zien verkoch Achter de winkelbaank ligke de köpkes krijg ze uuch en et ze op! In de dertiger jaore,tijdens de krisis,deeg mevrouw Colijn (vrouw vaan de minister- prizzedent) de volgende oetspraok bedoeld veur de oetkieringstrèkkers:"Aon vèsköpkes zit nog zoeväöl vèsvleis dat geer dat röstig kint gebruke es geer gein sent höb um vès te koupe". 't Verhaol geit tot 'n aontal raozetege wèrrekloeze 'n enorm laojing vèsköp in häören hoof gekieperd heet. Of de oetspraok vaan mevrouw Colijn get met ‘t leedsje te make heet,weit iech neet.

Fleremoes kom saoves thoes Iech zal diech e bèdsje make Vaan twie gesja ̈ o ̈ rde lakes Vaan twie gesja ̈ o ̈ rde ko ̈ sses En dao kinste good op ro ̈ ste Dit leedsje woort door de kinder gezónge es ze ‘n vleermoes zaoge vlege. De volwassene zónge in plaots vaan “gesjäörde” ‘n aander woord wat neet zoe fetsounlik waor en wat iech hijj mer neet zal neume. De POLAR febrik stong in Mestreech en maakde vröchtesappe.In 1951 woort ze euvergenómme door oa Amstel en Heineken.

Bijj Lies Bosch al in dee groete zaol, Dao is nog plaots veur us allemaol Meh neet allein veur de groete luij Dao zien versjeie blozers bijj Viva d'n ölleger,viva d'n ölleger, Viva den ölleger vaan Lies Bosch Viva den o ̈ lleger,viva den o ̈ lleger Viva den o ̈ lleger al vaan Lies Bosch Es vreuger woort aongekondig “met groet orkes” daan wis me dat ‘nen ölleger späölde.Waor spraoke vaan “klein orkes “daan zaot dao ‘ne monikaspeuler.

Leef luij Dit waor ‘t weer veur dees kier. Iech gaon door tot iech gein leedsjes mie höb! Al de PPS-kes,tot noe touw gemaak, stoon allewijl op mien saajd: Dao kint geer de leedsjes ein veur ein beluustere of de PPS-kes downloade. Kómpleminte vaan TINY