Doctrine III – Les 5 Da Leri Abra Da Kerki II

Presentatie over: "Doctrine III – Les 5 Da Leri Abra Da Kerki II"— Transcript van de presentatie:

1 Doctrine III – Les 5 Da Leri Abra Da Kerki II
Bijbel Baptist Kerk Les Doctrine III – Les 5 Da Leri Abra Da Kerki II Robert D. Patton Da Froktoe foe da Jeje: Lobi 2/22/2019

2 Gado waarskow wi doro dem N.T. kerki geschiedenis
I Kor. 10:11 Now ala dem sani disi ben pasa nanga dem leki eksempre gi wi, en dem ben skrifi dem foe waarskow wi disi abi da kaba foe grontapoe kom na wi tapoe Les 1 Santa Jejej 2/22/2019

3 Da kerki foe Jerusalem A ben bigin nanga minstes 3120 mansoema:
Tori 2:41 Dan dem soema disi ben teki hem woortoe nanga prisiri ben teki dopoe, en da srefi dei wan drie doesoen soema so ben kom na ini da kerki. Tori 2:47 En dem ben prijse Gado, en dem ben abi boen nem na da heri pipel. En ala dei Masra ben poti dem soema na ini da kerki disi ben kisi verloesoe. .Da voorganger ben de Jakobus, da hafoe brada foe Jezus: Tori 15:13 En di dem ben tan tiri, Jakobus ben piki taki: Oen mansoema nanga brada, arki na mi. Les 1 Santa Jejej 2/22/2019

4 Da kerki na Jerusalem Tori 2:43 En ibri sieli ben kom frede; en dem apostel ben doe foeroe wondroewroko nanga marki. Tori 5: En foeroe marki nanga wondroewroko ben pasa nanga dem anoe foe dem apostel na mindri da pipel; (en dem ben de nanga wan hati na da gadri foe Salomo En no wan soema foe dem trawan ben abi dek'ati foe moksi hemsrefi nanga dem; ma da pipel ben gi dem bigi nem En moro soema ben kom bribi na Masra, foeroe mansoema nanga oemasoema.) Les 1 Santa Jejej 2/22/2019

5 Da kerki na ini Jerusalem
Wondroewroko ben de…15. En dem ben tjari dem siki soema kom na ini dem strati, en dem ben meki dem didon na dem bedi efoe dem matrasi, so dati da kowroepe foe Petrus sa tapoe som foe dem te a ben waka pasa En so srefi wan hipi soema ben komopo foe dem foto lontoe Jerusalem, en dem ben tjari dem siki soema kom, nanga dem soema disi dem takroe jeje ben kwinsi dem, en dem alamala ben kom boen baka. Les 1 Santa Jejej 2/22/2019

6 Da kerki na ini Jerusalem
Dem ben hori dem sani foe dem makandra: Tori 2: En ala dem soema disi ben bribi ben kom makandra, en dem ben hori ala dem goedoe makandra; 45. En dem ben seri san dem ben abi, nanga dem goedoe, en dem ben prati dem gi ala soema, ibri soema so leki a ben abi fanowdoe Les 1 Santa Jejej 2/22/2019

7 Da kerki na ini Jerusalem
Hori sani makandra: Tori 4: En da hipi foe dem soema disi ben bribi ben de nanga wan hati nanga wan sieli; en no wan foe dem ben taki dati hem goedoe ben de foe hemsrefi, ma dem ben hori ala dem goedoe makandra En dem apostel ben gi getuigi foe da opo baka foe Masra Jezus nanga bigi krakti; en bigi gnade ben de na tapoe dem alamala No wan foe dem ben mankeri wan sani; bikasi so meni foe dem disi ben abi gron efoe oso ben seri dem, en dem ben tjari da moni foe dem sani disi dem ben seri kom, 35. En dem ben poti dem na dem apostel foetoe; en dem ben prati gi ibri soema so leki a ben abi fanowdoe. Les 1 Santa Jejej 2/22/2019

8 Da kerki na ini Jerusalem
Dem ben de wan makandra: Tori 2:46 En dem ben go doro ala dei na ini da tempel, en dem ben broko brede foe oso na oso, en dem ben njan nanga prisiri nanga wan hati, .Dem ben teki foeroe tem foe begi: Tori 2:42 En dem ben hori doro nanga da leri nanga da gemeenschap foe dem apostel, en foe broko brede, en foe begi. Les 1 Santa Jejej 2/22/2019

9 Da kerki na ini Jerusalem
Teki tem foe begi Tori 3:1 Now Petrus nanga Johannes ben go makandra na ini da tempel na da tem foe begi, na drie joeroe bakadina. Tori 4:24 En di dem ben jere dati, dem ben opo dem stem na Gado nanga wan hati, en dem ben taki: Masra, Joe de Gado, disi ben meki hemel nanga grontapoe nanga da zee nanga alasani disi de na ini; Si Tori 12:5-17 di dem ben loesoe Petrus komopo foe doengroe-oso Les 1 Santa Jejej 2/22/2019

10 Da kerki na ini Jerusalem
Dem ben gi getuigi foe Jezus di dem ben abi wan kans: Tori 3:12 En di Petrus ben si disi, a ben piki da pipel taki: Oen mansoema foe Israël, foe san'ede oen verwondroe na disi? En foe san'ede oen loekoe fin'fini na wi, leki nanga wi egi krakti efoe wi santa-fasi wi ben meki da man disi waka? Tori 4:33 En dem apostel ben gi getuigi foe da opo baka foe Masra Jezus nanga bigi krakti; en bigi gnade ben de na tapoe dem alamala. Tori 5:42 En ibri dei na ini da tempel, en na ini ibri oso, dem no ben tapoe foe leri en foe preiki Jezus Kristus. Les 1 Santa Jejej 2/22/2019

11 Da kerki na ini Jerusalem
Dem ben sori Jezus na ini dem libi: Tori 4:13 Now di dem ben si da dek'ati foe Petrus nanga Johannes, en dem ben si dati dem no ben kisi skoro en dem no ben de koniman, dem ben verwondroe; en dem ben membre demsrefi dati dem ben de nanga Jezus. Tori 6:15 En ala soema disi ben sidon na da rai-groepoe ben loekoe na hem dorodoro, en dem ben si hem fesi kenki tron leki da fesi foe wan engel. Les 1 Santa Jejej 2/22/2019

12 Da kerki na ini Jerusalem
Dem ben hori demsrefi krin doro Gado srefi: Tori 5:1-11; 8:18-24 .Dem ben gro kom moro bigi Tori 2:47 En dem ben prijse Gado, en dem ben abi boen nem na da heri pipel. En ala dei Masra ben poti dem soema na ini da kerki disi ben kisi verloesoe. Les 1 Santa Jejej 2/22/2019

13 Da kerki na ini Jerusalem gro
Tori 4:4 Tokoe foeroe foe dem soema disi ben jere da woortoe ben kom na bribi, en da nomroe foe dem mansoema ben de wan feifi doesoen so. Tori 5:14 En moro soema ben kom bribi na Masra, foeroe mansoema nanga oemasoema.) Tori 12:24 Ma da woortoe foe Gado ben gro en panja. Les 1 Santa Jejej 2/22/2019

14 Da kerki na ini Jerusalem
Dem ben hori doro na ini vervolgoe: Tori 4: En di dem ben taki gi da pipel, dem priester nanga da kapten foe da tempel nanga dem Sadduceeman ben kom na dem tapoe. 2. A ben hati dem dati dem ben leri da pipel, en dati dem ben preiki da opo baka foe dede doro Jezus. 3. En dem ben fasi dem nanga anoe, en dem ben sroto dem na ini doengroe-oso te leki mamanten, bikasi a ben de mofoneti kaba. Tori 4:21 So di dem ben taki tranga moro fara nanga dem, dem ben gi dem pasi foe gowe, bikasi dem no ben feni wan fasi foe strafoe dem bikasi foe da pipel, bikasi ala soema ben gi Gado glori foe san ben pasa. Les 1 Santa Jejej 2/22/2019

15 Da kerki na ini Jerusalem
Dem ben seti diaken: Tori 6: Na ini dem dei dati, di da nomroe foe dem discipel ben kom moro hipi, dem Grieki ben klagi dem Djoe bikasi dem no ben sorgoe dem weduwe boen di dem prati dem fanowdoe sani aladei. 2. Dan dem twalfoe apostel ben kari da hipi foe dem discipel kom na dem, en dem ben taki: A no de wan boen sani foe wi sa libi da woortoe foe Gado go wroko na tafra. 3. Foe dat'ede, brada, soekoe sebi mansoema na oen mindri disi abi wan boen nem, disi foeroe nanga da Santa Jeje nanga sabi, disi wi kan poti abra da wroko disi. Les 1 Santa Jejej 2/22/2019

16 Da kerki na ini Jerusalem
Seti diaken:…4. Ma wi sa gi wisrefi dorodoro na begi, en foe wroko nanga da woortoe. 5. En da heri hipi ben prisiri nanga san dem ben taki, en dem ben verkisi Stefanus, wan man disi ben foeroe nanga bribi nanga da Santa Jeje, nanga Filippus, Prochorus, Nikanor, Timon, Parmenas, nanga Nikolaüs, wan man disi ben leri foe tron Djoe disi ben komopo foe Antiochië. 6. Dem ben seti dem na fesi foe dem apostel, en di dem ben begi, dem ben poti anoe na dem tapoe. 7. En da woortoe foe Gado ben gro, en da nomroe foe dem discipel ben kom foeroe na ini Jerusalem, en wan bigi groepoe foe dem priester ben kom na bribi. Les 1 Santa Jejej 2/22/2019

17 Da kerki na ini Jerusalem
Dem ben dopoe en dem ben abi avondmaal: Tori 2:41, Dan dem soema disi ben teki hem woortoe nanga prisiri ben teki dopoe, en da srefi dei wan drie doesoen soema so ben kom na ini da kerki En dem ben go doro ala dei na ini da tempel, en dem ben broko brede foe oso na oso, en dem ben njan nanga prisiri nanga wan hati, Les 1 Santa Jejej 2/22/2019

18 Da kerki na ini Jerusalem
Dem ben seni zendelingen go na doro: Tori 8:5, 14 Dan Filippus ben go na da foto foe Samaria, en a ben preiki Kristus gi dem.14. Now di dem apostel disi ben de na ini Jerusalem ben jere dati Samaria ben teki da woortoe foe Gado, dem ben seni Petrus nanga Johannes go na dem. Les 1 Santa Jejej 2/22/2019

19 Da fosi kerki seni zendeling
Tori 15:22 Dan a ben gi dem apostel nanga dem gransoema nanga da heri kerki prisiri foe seni wantoe mansoema disi dem ben verkisi foe dem egi groepoe foe go na Antiochië nanga Paulus nanga Barnabas; Judas, disi hem nem de Barsabbas, nanga Silas; dem man disi ben abi bigi nem na mindri foe dem brada; Si Tori 11:22 .Dem ben hori da belangrijk komakandra tapoe da vraag foe besnijndenis: Tori 15 Les 1 Santa Jejej 2/22/2019

20 Da kerki na ini Jerusalem
Dem ben foeroe nanga da Santa Jeje Tori 4:31 En di dem ben begi, da presi ben bewegi pe dem ben kom makandra, en dem alamala ben foeroe nanga da Santa Jeje, en dem ben taki da woortoe foe Gado nanga bigi dek'ati. Tori 15:28 Bikasi da Santa Jeje ben feni hem boen, nanga wisrefi toe, dati wi no poti wan moro hebi lai na oen tapoe dan dem fanowdoe sani disi: Si Tori 2:1-18 Les 1 Santa Jejej 2/22/2019

21 Da kerki na ini Jerusalem
Dem ben preiki da woortoe: Tori 6:4 Si Tori 2:16-36; 3:13-26; 5:42; 7:1-53 .Dem ben feti foe da troe bribi: Tori 15:1-21 .Moro lati, a gersi dati dem ben meki kompromis nanga Judaisme: Tori 21:18-25 Les 1 Santa Jejej 2/22/2019

22 Da kerki na ini Antiochie
A ben bigin na da vervolging disi ben pasa baka da dede leki martelaar foe Stefanus. Tori 11:19 Now dem soema disi ben panja di dem pina dem na baka da dede foe Stefanus ben waka go so fara leki Fenicië, Cyprus nanga Antiochië, ma dem ben preiki da woortoe gi dem Djoe nomo. Les 1 Santa Jejej 2/22/2019

23 Da kerki na ini Antiochie
Foeroe soema ben drai dem libi: Tori 11:21 En da anoe foe Masra ben de nanga dem, en wan bigi hipi soema ben bribi, en dem ben drai kom na Masra. .Da kerki na Jerusalem ben seni Barnabas go foe si fa ala sani ben waka: Tori 11:22 Dan da njoensoe foe dem sani disi ben kom na da jesi foe da kerki na ini Jerusalem, en dem ben seni Barnabas foe go te na Antiochië. Les 1 Santa Jejej 2/22/2019

24 Da kerki na ini Antiochie
A ben tron dem fosi predicant: Tori 11:23 Di a ben kom, en a ben si da gnade foe Gado, a ben breiti, en a ben taki gi dem alamala dati dem moesoe prakseri na ini dem hati foe tan getrouw na Masra. .Foeroe soema ben kom na ini da kerki na da tem disi: Tori 11:24 Bikasi a ben de wan boen man, en a ben foeroe nanga da Santa Jeje nanga bribi; en foeroe soema moro ben kom na Masra. Les 1 Santa Jejej 2/22/2019

25 Da kerki na ini Antiochie
Barnabas ben kari Saulus foe kom leki wan tra predicant: Tori 11:25 Dan Barnabas ben gowe na Tarsus foe soekoe Saulus; Dem ben wroko samen foe wan jari: Tori 11:26a En di a ben feni hem, a ben tjari hem kom baka na Antiochië. En a ben pasa so dati wan heri jari langa dem ben kom makandra nanga da kerki, en dem ben leri foeroe soema. Les 1 Santa Jejej 2/22/2019

26 Da kerki na ini Antiochie
Dem ben kari dem bribiwan Kristen foe da fosi tem dja: Tori 11:26b En dem ben kari dem discipel “Kristen” fosi na ini Antiochië. .Dem ben teki wan bigi lobi-ofrandi foe jepi dem potiwan na ini Jerusalem: Tori11: Dan dem discipel ben teki besroiti foe seni jepi gi dem brada disi ben libi na ini Judea, ibri mansoema so meni leki a ben man seni Dem ben doe disi toe, en dem ben seni hem go na dem gransoema na ini da anoe foe Barnabas nanga Saulus. Les 1 Santa Jejej 2/22/2019

27 Da fosi kerki foe seni zendeling
Tori 13: Now na ini da kerki disi ben de na Antiochië, wantoe profeti nanga leriman ben de; so leki Barnabas, Simeon, disi dem ben kari Niger, Lucius disi ben komopo foe Cyrene, Manaën, disi ben kweki makandra nanga Herodes, da basi foe fo kondre, nanga Saulus. 2. Di dem ben dini Masra en faste, da Santa Jeje ben taki: Seti Barnabas nanga Saulus aparti foe da wroko disi Mi kari dem foe doe. 3. En di dem ben faste en begi, dem ben poti dem anoe na dem tapoe, en dem ben seni dem gowe. Les 1 Santa Jejej 2/22/2019

28 Da kerki na ini Antiochie
A ben de da kerki disi ben seni dem fosi toe zendeling go - Paulus nanga Barnabas: Tori 14:26 En foe drape dem ben waka nanga sipi go na Antiochië, pe dem ben kisi da opdrakti foe da wroko disi dem ben doe nanga da gnade foe Gado. Les 1 Santa Jejej 2/22/2019

29 Da kerki na ini Antiochie
Moro lati, a ben tron da basis presi baka da fosi zendings reis (Tori 14:36) en baka da rai-groepoe na Jerusalem (Tori 15:35) Tori 15:35 Paulus nanga Barnabas ben tan na ini Antiochië toe, en dem ben leri en preiki da woortoe foe Gado, dem nanga foeroe tra soema toe Silas ben komopo foe da kerki foe wroko nanga Paulus: Tori 15:34 Tokoe, Silas ben wani tan drape ete. Les 1 Santa Jejej 2/22/2019

30 Da kerki na ini Antiochie
Paulus ben vermane Petrus abra legalisme dja: Gal. 2:11 Ma di Petrus ben kom na Antiochië, mi ben klagi hem na hem fesi, bikasi a ben meki foutoe. Les 1 Santa Jejej 2/22/2019

31 Da kerki – Antiochie /Pisidie
Paulus ben bigin da kerki disi na ini hem fosi zendings reis: Tori 13:14 Ma di dem ben komopo foe Perge, dem ben kom na Antiochië na ini Pisidië, en dem ben go na ini da Djoe kerki na da sabbat dei, en dem ben sidon. .Dja Paulus ben preiki hem fosi preek: Tori 13:16 Dan Paulus ben tanapoe, en a ben bewegi hem anoe, en a ben taki: Mansoema foe Israël, en oen disi de frede Gado, arki na mi. Les 1 Santa Jejej 2/22/2019

32 Da kerki na ini Antiochie-Pisidie
Dem ben bigin foe dem soema disi ben de na ini da komakandra disi: Tori 13:43 Now di da komakandra ben prati, foeroe foe dem Djoe nanga dem heiden soema disi ben hori nanga da bribi foe dem Djoe ben waka na Paulus nanga Barnabas baka; en dem ben taki nanga dem, en dem ben taigi dem foe hori doro na ini da gnade foe Gado. Les 1 Santa Jejej 2/22/2019

33 Da kerki na ini Antiochie-Pisidie
Paulus ben drai komopo foe dem Djoe: Tori 13:46 Dan Paulus nanga Barnabas ben kisi dek'ati, en dem ben taki: A ben de fanowdoe dati wi ben taki da woortoe foe Gado na oenoe fosi; ma di oen ben teki hem trowe, en oen ben koti kroetoe dati oen no de waarti foe libi foe teego, loekoe, wi drai go na dem heiden soema. .Paulus ben taigi dem abra fa Gado ben kari hem komopo foe hemel: Tori 13:47 Bikasi Masra ben komanderi wi foe doe so, di A ben taki: Mi ben seti oen leki wan leti gi dem heiden soema, so dati oen sa de foe verloesoe te leki da kaba-pisi foe grontapoe. Les 1 Santa Jejej 2/22/2019

34 Da kerki na ini Lystra Paulus ben bigin hem na hem fosi zendings reis: Tori 14:6 Dem ben kom sabi disi, en dem ben lowe go na Lystra nanga Derbe, toe foto foe Lykaonië, nanga dem birti lontoe dem. .A ben meki wan man disi no ben man waka kom boen baka: Tori 14:10 A ben taki nanga wan tranga stem taki: Opo tanapoe na joe foetoe! En a ben djompo en waka. Les 1 Santa Jejej 2/22/2019

35 Da kerki na ini Lystra Dem heiden ben wani aanbegi Paulus: Tori 14:11 En di da pipel ben si san Paulus ben doe, dem ben opo dem stem, en dem ben taki na ini da tongo foe Lykaonië taki: Dem gado ben saka kom na wi en dem teki libisoema-fasi. Les 1 Santa Jejej 2/22/2019

36 Da kerki na ini Lystra Dem ben fringi ston tapoe Paulus: Tori 14:19 En wantoe Djoe ben komopo foe Antiochië nanga Ikonium kom drape, en dem ben taki nanga da pipel, en dem ben fringi ston na Paulus tapoe, en dem ben hari hem komopo foe da foto, bikasi dem ben denki dati a ben dede kaba.; II Tim. 3:11 Mi pina, mi fonfon disi ben kom na mi tapoe na Antiochië, Ikonium nanga Lystra; sortoe vervolgoe mi ben verdrage, ma Masra ben verloesoe mi foe dem alamala. Les 1 Santa Jejej 2/22/2019

37 Da kerki na ini Lystra Paulus ben feni Timoteus dja: Tori 16: 1. Dan a ben kom na Derbe nanga Lystra, en loekoe, wan discipel ben de drape, hem nem na Timoteüs, da manpikin foe wan Djoe oema disi ben de wan bribi soema; ma hem tata ben de wan Grieki soema; 2. Dem brada disi ben de na Lystra nanga Ikonium ben taki boen abra hem. 3. Paulus ben wani hem foe go nanga hem; en a ben teki hem en besnijd hem, bikasi foe dem Djoe disi ben de na ini dem birti dati, bikasi dem alamala ben sabi dati hem tata ben de wan Grieki soema. Les 1 Santa Jejej 2/22/2019

38 Da kerki na ini Derbe Da kerki na Derbe: Tori 14: Tokoe, di dem discipel ben tanapoe lontoe hem, a ben opo, en a ben kom na ini da foto; en wan dei na baka, a ben gowe nanga Barnabas na Derbe En di dem ben preiki da boen njoensoe na ini da foto dati, en dem ben leri foeroe soema, dem ben drai go baka na Lystra nanga Ikonium nanga Antiochië, 22. En a ben meki dem sieli foe dem discipel kom moro tranga, en a ben taigi dem foe hori doro na ini bribi, en dati nanga foeroe pina wi moesoe kom na ini da kownoekondre foe Gado. Les 1 Santa Jejej 2/22/2019

39 Da kerki na ini Ikonium Paulus ben tjari foeroe soema kom na bribi na hem fosi reis: Tori 14: En a ben pasa so na ini Ikonium dati dem ben go makandra na ini da Djoe kerki en dem ben taki so wan fasi dati wan bigi hipi foe dem Djoe nanga Grieki soema toe ben kom na bribi. 2. Ma dem Djoe disi no ben bribi ben meki dem heiden soema meki opsteki, dem ben meki dem abi takroe prakseri agensi dem brada. Les 1 Santa Jejej 2/22/2019

40 Da kerki na ini Ikonium A ben wroko bigi wondroewroko drape: Tori 14:3 Foe dat'ede dem ben tan drape wan langa pisi tem, en dem ben taki nanga dek'ati na ini Masra, disi ben gi getuigi na da woortoe foe Hem gnade, en disi ben gi dem pasi foe doe marki nanga wondroewroko nanga dem anoe. .Dem Djoe disi no ben bribi ben jagi hem komopo: Tori 14:5 En di dem heiden soema nanga dem Djoe en so srefi dem fesiman foe dem Djoe ben proberi foe wroko wan takroe fasi nanga dem, foe kiri dem nanga ston, Les 1 Santa Jejej 2/22/2019

41 Da kerki na ini Filippi Paulus ben bigin da kerk na ini da oso foe wan oema disi ben drai hem libi na nem Lydia: Tori 16:15 En di a ben teki dopoe, hem nanga hem oso, a ben begi wi taki: Efoe joe loekoe na mi leki wan vertrouw soema foe MASRA, kom na ini mi oso, en tan drape. En a ben dwingi wi. Tori 16:40 En dem ben komopo na doengroe-oso, en dem ben go na ini da oso foe Lydia, en di dem ben si dem brada, dem ben troostoe dem, en dem ben gowe. Les 1 Santa Jejej 2/22/2019

42 Da kerki na ini Filippi Dan a ben poeroe wan takroe jeje komopo foe wan meisje: Tori 16:18 En a ben doe disi foeroe dei langa. Ma disi ben kwinsi Paulus, en a ben drai lontoe en a ben taki gi da jeje taki: Mi komanderi joe ini da nem foe Jezus Kristus foe komopo foe hem. En da srefi joeroe a ben komopo. .Da man disi ben loekoe na da doengroe-oso ben de da volgende soema foe drai hem libi: Tori 16:33 En da srefi joeroe na neti, a ben teki dem, en a ben wasi dem soro, en dan wantem a ben teki dopoe, hem nanga hem heri famiri. Les 1 Santa Jejej 2/22/2019

43 Da kerki na ini Filippi Paulus ben skrifi da kerki disi moro lati: Fil. 1:1 Paulus nanga Timoteüs, dem dinari foe Jezus Kristus, gi ala dem santawan na ini Kristus Jezus disi de na Filippi, nanga dem fesiman nanga dem dinari: Timoteus ben jepi da kerki disi: Fil. 2:19 Ma mi hopoe na ini Masra Jezus foe seni Timoteüs kom na oen na wan sjatoe pisi tem, so dati mi sa abi kowroe hati toe te mi sa sabi fa alasani de waka nanga oen. Les 1 Santa Jejej 2/22/2019

44 Da kerki foe Filippi Da kerki ben seni Epafroditus kom foe jepi hem di a ben de na ini doengroe-oso Fil. 2:25 Tokoe mi ben feni dati a ben de fanowdoe foe seni Epafroditus kom na oen, mi brada nanga mi mati wrokoman, en mi mati soldati, ma oen boskopoeman, en da soema disi ben dini mi nanga san mi ben wani. Les 1 Santa Jejej 2/22/2019

45 Da kerki na ini Filippi Wan gevaar ben de foe legalisme na ini da kerki: Fil. 3: Dan, mi brada, abi prisiri na ini Masra. Foe skrifi dem srefi sani na oen no de hebi gi mi foe troe, en foe oen a de moro betre. 2. Loekoe boen nanga dem dagoe; loekoe boen nanga dem takroe wrokoman; loekoe boen nanga dem soema disi koti demsrefi. 3. Bikasi wi de foe dem besnijde soema, disi aanbegi Gado na ini da Jeje, en disi prisiri na ini Kristus Jezus, en wi no poti wi vertrouw na ini da skin-fasi. Les 1 Santa Jejej 2/22/2019

46 Da kerki na ini Filippi Paulus skrifi gi wan “troe jepiman” foe meki toe kerki-oema kom boen baka: Fil. 4: Foe dat'ede, lobi brada, disi mi lobi en mi angri foe si, mi prisiri nanga mi kroon, tan faste na ini Masra, mi lobiwan. 2. Mi begi Euodia nanga Syntyche foe dem sa de nanga wan prakseri na ini Masra. 3. En mi begi joe toe, boen mati-wrokoman, jepi dem oema dati, di ben wroko nanga mi na ini da boen njoensoe, nanga Clemens toe, nanga ala dem tra wrokoman disi dem nem de skrifi kaba na ini da boekoe foe libi. Les 1 Santa Jejej 2/22/2019

47 Da kerki na ini Tessalonika
A ben bigin na da di foe 2 zendings reis foe Paulus: Tori 17:1 Now di dem ben pasa doro Amfipolis nanga Apollonia, dem ben kom na Tessalonika, pe wan Djoe kerki ben de. .Foeroe soema ben drai dem libi: Tori 17:4 En som foe dem ben kom na bribi, en dem ben hori nanga Paulus nanga Silas; wan hipi foe dem Grieki soema disi ben lobi Gado, nanga som foe dem bigi oema toe. Les 1 Santa Jejej 2/22/2019

48 Da kerki na ini Tessalonika
Dem taki dati Paulus ben drai grontapoe ondrosei go na loktoe: Tori 17:6 En di dem no ben feni dem, dem ben tjari Jason nanga wantoe tra brada go na dem fesiman foe da foto, en dem ben bari taki: Dem soema disi ben drai grontapoe ondrosei go na loktoesei ben kom dja toe; Alwasi dem soema ben faja, dem no ben stoeka da Bijbel boen: Si Tori 17:6 .Moro lati, Paulus ben skrifi 2 brifi na da kerki disi: Si I Tess. 1:1, II Tess. 1:1 Les 1 Santa Jejej 2/22/2019

49 Da kerki na ini Tessalonika
Dem bribiwan ben getuigi na wan boen fasi: I Tess. 1:8 Bikasi oen ben panja da woortoe foe Masra, no na ini Macedonië nanga Achaje nomo, ma so srefi na ini ibri presi dem ben panja oen bribi disi de na tapoe Gado; so dati wi no abi foe taki moro foeroe abra da tori dati. .Dem Djoe disi no ben bribi ben vervolgoe dem bikasi foe dem bribi: I Tess. 2:14 Bikasi, brada, oen ben waka na baka dem kerki foe Gado na ini Judea disi de na ini Kristus Jezus; bikasi oen toe ben pina da srefi fasi foe oen egi kondreman, so leki dem ben pina foe dem Djoe, Les 1 Santa Jejej 2/22/2019

50 Da kerki na ini Tessalonika
Timoteus ben wroko na ini da kerki disi: I Tess. 3: Foe dat'ede, di wi no ben kan hori wisrefi moro langa, wi ben denki dati a sa de wan boen sani efoe wi wawan ben tan na Athene, 2. En wi ben seni Timoteüs go, wi brada en wan dinari foe Gado, en wan wrokoman nanga wi toe na ini da boen njoensoe foe Kristus, foe seti oen faste, en foe meki oen kisi troostoe na ini oen bribi: .Som soema drape ben de lesi: II Tess. 3:10 Bikasi di wi ben de nanga oen, disi wi ben komanderi oen, dati efoe iniwan soema no ben wani wroko, dan a no sa njan toe. Les 1 Santa Jejej 2/22/2019

51 Da kerki na ini Tessalonika
Som soema drape no ben gi jesi: II Tess. 3: En efoe iniwan soema no wani gi jesi na wi woortoe na ini da brifi disi, loekoe boen na da soema dati, en no hori oensrefi nanga hem so dati a sa kisi sjem. 15. Ma no loekoe na hem leki wan feanti, ma vermane hem leki wan brada. Les 1 Santa Jejej 2/22/2019

52 Da kerki na ini Berea Da kerki na ini Berea: Da kerki disi ben sabi en lobi da woortoe foe Gado: Tori 17:11 Dem soema disi ben de moro boen soema leki dem soema foe Tessalonika, bikasi dem ben teki da woortoe nanga boen prakseri, en dem ben ondrosoekoe dem Skrifi ibri dei, foe si efoe dem sani ben de troe. Les 1 Santa Jejej 2/22/2019

53 Da kerki na ini Athene? Da kerki foe Athene: A no de zeker efoe wan kerki ben bigin baka da preiki foe Paulus na Mars bergi, ma efoe so, kande wan bribiwan na nem Dionysis ben de voorganger: Tori 17:34 Tokoe wantoe man ben hori nanga hem, en dem ben bribi; na dem mindri ben de Dionysius da Areopagiet soema, nanga wan oema disi nem ben de Damaris, nanga tra soema makandra nanga dem. Les 1 Santa Jejej 2/22/2019

54 Da kerki na ini Korinte A ben bigin na da di foe toe zendings reis foe Paulus: Tori 18:1 Baka dem sani disi, Paulus ben komopo foe Athene, en a ben kom na Korinte. .Paulus ben kisi jepi foe Aquilla & Priscilla: Tori 18:2 En a ben feni wan Djoe disi hem nem na Aquila, disi ben gebore na ini Pontus, en disi ben komopo foe Italië wan sjatoe pisi tem kaba nanga hem wefi Priscilla; (bikasi Claudius ben meki wan komanderi dati ala dem Djoe moesoe gowe komopo foe Rome,) en a ben kom na dem. Les 1 Santa Jejej 2/22/2019

55 Da kerki na ini Korinte Crispus ben de wan foe dem fosi soema foe drai dem libi: Tori 18:8 En Crispus, da fesiman foe da Djoe kerki, ben bribi na Masra nanga hem heri oso; en foeroe foe dem Korintiër soema disi ben jere ben bribi en teki dopoe. .Da volgende voorganger foe dem Djoe, Sostenes, ben drai libi toe: Tori 18:17 Dan ala dem Grieki ben teki Sostenes, da fesiman foe da Djoe kerki, en dem ben fon hem na fesi foe da kroetoe-stoeroe. Ma Gallio no ben abi trobi nanga dati.; I Kor. 1:1 Paulus, disi ben kisi da kari foe de wan apostel foe Jezus Kristus nanga da wani foe Gado, nanga Sostenes, wi brada: Les 1 Santa Jejej 2/22/2019

56 Da kerki na ini Korinte Paulus ben wroko dja 18 moen langa: Tori 18:11 En dorodoro a ben leri da woortoe foe Gado na dem mindri wan nanga hafoe jari langa. .Paulus ben skrifi wanlo brifi na da kerki disi, en toe foe dem wi abi na ini wi Bijbel I Kor. 5:9 Mi ben skrifi oen na ini wan brifi kaba foe no moksi oensrefi nanga hoeroe-soema; Les 1 Santa Jejej 2/22/2019

57 Da kerki na ini Korinte II Kor. 10: Bikasi dem taki: Hem brifi de hebi en nanga foeroe krakti; ma te a de na ini hem skin srefi, a de swaki, en da taki foe hem de wan soso sani Meki so wan soema prakseri disi; So leki wi de nanga woortoe na ini wi brifi te wi no de na wan presi, so srefi wi sa de nanga san wi de doe te wi sa de na da presi. Les 1 Santa Jejej 2/22/2019

58 Da kerki na ini Korinte I Kor. 1:2 Gi da kerki foe Gado disi de na Korinte, na dem soema disi ben kom santa na ini Kristus Jezus, disi dem kari dem santawan, nanga ala soema na ibri presi disi kari na tapoe da nem foe Jezus Kristus wi Masra, da Masra foe wi nanga dem: II Kor. 1:1 Paulus, wan apostel foe Jezus Kristus nanga da wani foe Gado, nanga Timoteüs, wi brada, gi da kerki foe Gado disi de na Korinte, nanga ala dem santawan disi de na ini heri Achaje; Les 1 Santa Jejej 2/22/2019

59 Da kerki na ini Korinte – dopoe
Dopoe: I Kor. 1: Now mi taki disi: Ibriwan foe oen taki: Mi de foe Paulus! Efoe mi de foe Apollos! Efoe mi de foe Kefas! Efoe mi de foe Kristus! 13. Kristus de prati pisi-pisi? Dem ben kruisi Paulus foe oen ede? Efoe oen ben teki dopoe na ini da nem foe Paulus? 14. Mi gi Gado grantangi dati mi no ben dopoe no wan foe oenoe, boiti Crispus nanga Gajus; 15. So dati no wan soema sa taki dati mi ben dopoe na ini mi egi nem En mi ben dopoe da famiri foe Stefanus toe; moro fara, mi no sabi efoe mi ben dopoe iniwan trawan. Les 1 Santa Jejej 2/22/2019

60 Da kerki na ini Korinte Grontapoe sabi: I Kor. 3: No meki iniwan soema kori hemsrefi. Efoe iniwan soema na oen mindri sori hemsrefi foe abi da sabi foe disi grontapoe, meki hem tron wan dom soema, foe a kan abi (troe) sabi Bikasi da sabi foe disi grontapoe de dom prakseri na Gado. Bikasi a de skrifi kaba taki: A kisi dem sabiman na ini dem egi koni. (Si I Kor. 1:26-31) Les 1 Santa Jejej 2/22/2019

61 Da kerki na ini Korinte Skin-fasi nanga stree: I Kor. 3: Brada, mi no ben kan taki gi oen leki jeje-soema, ma leki skin-fasi soema, leki dem njoen-gebore pikin na ini Kristus srefi. 2. Mi ben gi oen merki foe dringi, en mi no ben gi oen meti foe njan, bikasi fosi oen no ben man verdrage hem, en tokoe now oen no man verdrage hem ete. 3. Bikasi oen de na skin-fasi ete; bikasi djaroesoe nanga stree nanga prati de na oen mindri; oen no de skin-fasi, en waka leki soso libisoema? Les 1 Santa Jejej 2/22/2019

62 Da kerki na ini Korinte Koti kroetoe na wan falsi fasi: I Kor. 4: En dem sani disi, mi brada, na gersi-fasi mi ben taki abra Apollos nanga misrefi foe oen ede; so dati oen sa leri na ini wi dati oen no moesoe denki foe libisoema moro hei leki disi skrifi kaba, dati no wan foe oen sa kisi bigi-membre agensi trawan. 7. Bikasi soema meki oen difrenti foe trawan? En san oen abi disi soema no ben gi oen kaba? Now efoe soema ben gi hem na oen, dan oen sa prodo leki soema no ben gi hem na oen kaba? Les 1 Santa Jejej 2/22/2019

63 Da kerki na ini Korinte Immoraliteit: I Kor. 5:1 Foeroe soema taki dati hoeroedoe de na oen mindri, en wan sortoe hoeroedoe dati dem no taki na mindri foe dem heiden soema srefi, dati wan soema ben sa seti libi nanga hem tata wefi. Les 1 Santa Jejej 2/22/2019

64 Da kerki na ini Korinte Tjari bribiwan go na ini lanti kroetoe: I Kor. 6: Efoe wan foe oen abi trobi nanga wan tra bribisoema, oen abi dek'ati foe go na fesi foe dem onregtvaardiki soema foe koti kroetoe, en no na fesi foe dem santawan? 2. Oen no sabi dati dem santawan sa kroetoe grontapoe? En efoe oen sa kroetoe grontapoe, oen no abi waarti foe koti kroetoe foe dem moro pikin sani? 3. Oen no sabi dati wi sa kroetoe dem engel? Hoe moro oen kan kroetoe dem sani foe da grontapoe libi disi? 4. Efoe dan oen koti kroetoe foe dem sani foe da grontapoe libi disi, dan oen seti dem soema disi no abi bigi nem na ini da kerki foe koti kroetoe? Les 1 Santa Jejej 2/22/2019

65 Da kerki na ini Korinte Trow: I Kor. 7: Now foe taki abra dem sani disi oenoe ben skrifi na mi taki: A de boen efoe wan mansoema no meri wan oema. 2. Tokoe, foe hoeroedoe no sa pasa, meki ibri man abi hem egi wefi, en meki ibri oema abi hem egi masra. 3. Meki da man doe hem plikti na hem wefi, en so srefi da wefi na hem masra. 4. Da wefi no abi makti na tapoe hem egi skin, ma hem masra abi dati; en so srefi da man no abi makti na tapoe hem egi skin, ma hem wefi. 5. No hori oensrefi aparti da wan foe da trawan, boiti te oenoe miti mofo foe wan pisi tem nomo, foe oenoe kan gi oensrefi abra foe faste en begi; dan kom makandra agen, so dati satan no man tesi oen foe di oen no man dwingi oensrefi. Les 1 Santa Jejej 2/22/2019

66 Da kerki na ini Korinte Tra problemen:
Vrijheid foe bribiwan: Si I Kor. 8 & 9 .Avondmaal: Si I Kor. 11:17-34 .Jeje-presenti: Si I Kor 12-14 .Da leri foe opo baka: Si I Kor. 15 .Tiende tori: Si I Kor. 16 Les 1 Santa Jejej 2/22/2019

67 Da kerki na ini Korinte Moro lati, Apollos ben de voorganger foe da kerki disi: I Kor. 3:6 Mi ben prani, en Apollos ben nati da gron, ma Gado ben meki hem gro. Les 1 Santa Jejej 2/22/2019

68 Da kerki na ini Efesi Paulus ben bigin hem na hem di foe toe zendings reis: Tori 18:19 En a ben kom na Efeze, en a ben libi dem drape; ma hemsrefi ben go na ini da Djoe kerki, en a ben taki nanga dem Djoe. .Kande Apollos, Timoteus nanga Johannes ben de voorganger .Paulus ben doe foeroe wondroe-wroko drape en a ben si foeroe froktoe: Si Tori 19:11-41 .Dem ben bron tovroe boekoe .Dem ben stree nanga da falsi goddin Diane Les 1 Santa Jejej 2/22/2019

69 Da kerki na ini Efesi Paulus ben go zielenwinnen doro na doro: Tori 20: En a ben seni boskopoeman komopo foe Milete go na Efeze foe kari dem gransoema foe da kerki kom En di dem ben kom na hem, a ben taki gi dem taki: Oen sabi sinsi da fosi dei disi mi ben kom na Asia fa mi ben wroko nanga oen na alatem, 19. Fa mi ben dini Masra nanga saka-fasi, en nanga foeroe watra-ai, en nanga tesi disi ben miti mi di dem Djoe ben loeroe mi; 20. En fa mi no ben hori noti kibri gi oen disi kan bouw oen kom moro tranga, ma mi ben sori oen krin, en mi ben leri oen publiki en foe oso na oso, 21. En mi ben getuigi na dem Djoe nanga dem Grieki foe drai dem libi kom na Gado, en foe bribi na ini wi Masra Jezus Kristus. Les 1 Santa Jejej 2/22/2019

70 Da kerki na ini Efesi A ben de da wan enkri kerki foe kisi brifi foe toe difrenti foe dem Njoen Testamenti skrifiman: Paulus ben skrifi Efesi gi dem, en Johannes ben skrifi Openbaring 2:1-7 gi dem .Dem ben wroko tranga en dem ben abi pasensi .Dem ben hori hei standaard na ini da kerki .Dem ben pina foe Kristus .Ma dem ben libi dem fosi lobi .Dem ben abi fanowdoe foe membre, foe kenki prakseri en drai kom baka na Kristus, efoe Kristus sa poeroe dem kandratiki komopo. .Dem no ben lobi dem wroko foe dem Nikolaiten Les 1 Santa Jejej 2/22/2019

71 Da kerki na ini Troas Da kerki na Troas: Dja Paulus ben opo Eutychus foe dede baka da tem a ben fadon na sribi na ini da di foe drie verdieping en a ben fadon: Tori 20: En na da fosi dei foe da wiki, di dem discipel ben kom foe broko brede makandra, Paulus ben preiki gi dem, en bikasi a ben klari foe gowe da tra dei, a ben preiki dorodoro te leki mindrineti. 8. En foeroe lampoe ben de na ini da sodro kamra pe dem ben kom makandra. 9. Wan jongoe man na nem Eutychus ben sidon na wan fensre, en a ben fadon na ini wan dipi sribi; en di Paulus ben preiki langa, a ben fadon na ini sribi, en a ben fadon komopo na di foe drie sodro, en di dem ben opo hem, a ben dede kaba. Les 1 Santa Jejej 2/22/2019

72 Da kerki na ini Troas …10. Ma Paulus ben saka go na gron, en a ben fadon na hem tapoe, en a ben brasa hem, en a ben taki: No broko hede; bikasi a de na libi En foe dat'ede di a ben kren kom na loktoe agen, en a ben broko brede en njan, a ben taki wan langa tem te leki dei broko, en a ben gowe En dem ben tjari da jongoe man kom libilibi, en dem ben kisi foeroe troostoe. Les 1 Santa Jejej 2/22/2019

73 Da kerki na ini Rome .Wi no sabi soema ben bigin da kerki disi
.Priscilla & Aquilla ben wroko drape, en wan kerki ben de na ini dem oso: Rom. 16: Gi odi na Prisca nanga Aquila, dem wrokoman nanga mi na ini Kristus Jezus;4. Dem de soema disi ben poti dem egi neki na gevaar foe mi libi ede, en a no de mi wawan disi gi dem grantangi, ma ala dem kerki foe dem heiden soema toe.5. So srefi gi odi na da kerki disi miti na ini dem oso. Gi odi na mi lobi Epenetus, da fosi-froktoe foe Achaje disi ben teki Kristus. Les 1 Santa Jejej 2/22/2019

74 Da kerki na ini Rome Dem ben abi wan boen getuigi doro da heri kondre: Rom. 1:8 Na fosi presi, mi gi mi Gado grantangi doro Jezus Kristus foe oen alamala, dati dem taki foe oen bribi abra heri grontapoe. .Paulus seni odi na moro mati dja leki na ini wan tra kerki. A skrifi odi gi 26 soema . Les 1 Santa Jejej 2/22/2019

75 Da kerki na ini Galatie Paulus ben seti wantoe kerki na ini Galatië na hem fosi zendings reis .Dem alamala ben abi problemen nanga legalisme doro dem Djoe disi ben wani dem foe de na ondro da wet: Gal. 1: Mi verwondroe dati oen komopo so esi foe Hem disi ben kari oen kom na ini da gnade foe Kristus, foe go na wan tra boen njoensoe; 7. Disi no de wan tra boen njoensoe; ma som soema wani trobi oen, en dem ben wani kenki da boen njoensoe foe Kristus. Les 1 Santa Jejej 2/22/2019

76 Da kerki na ini Galatie 8. Ma efoe wi, efoe wan engel foe hemel, preiki iniwan tra boen njoensoe gi oen boiti da sani disi wi ben preiki gi oen kaba, meki Gado floekoe hem! 9. So leki wi ben taki kaba, so mi taki now agen taki: Efoe iniwan man preiki iniwan tra boen njoensoe gi oen leki san oen ben kisi kaba, meki Gado floekoe hem! Paulus ben skrifi Galaten na dem kerki disi: Gal. 3:1 O oen dom Galaten, soema ben wisi oen, so dati oen no sa gi jesi na da waarheid? Oen de dem soema disi ben si krin Jezus Kristus disi dem ben kruisi na oen mindri. Les 1 Santa Jejej 2/22/2019

77 Da kerki na ini Kolossi Da kerki na Kolosse
.Paulus ben bigin hem na hem di foe drie zendings reis: Kol. 1:7, Oen ben leri disi toe foe Epafras, wi lobi wrokoman makandra nanga wi, disi de wan vertrouw dinari foe Kristus gi oen, 12. Wi gi grantangi na da Tata, disi ben meki wi kom fiti foe abi wan pisi foe da erfenis foe dem santawan na ini leti; 13. Hem disi ben verloesoe wi foe da makti foe doengroe, en disi ben froisi wi kom na ini da kownoekondre foe Hem diri Manpikin. Les 1 Santa Jejej 2/22/2019

78 Da kerki na ini Kolossi Kol. 2:1 Bikasi mi wani oen sabi sortoe bigi stree mi ben abi foe oen ede, en foe dem soema foe Laodicea, en foe ala soema disi no ben si mi fesi na skin-fasi; Filemon nanga Onesimus ben go na da kerki disi Kol. 4:9 Nanga Onesimus, wan trouw en lobi brada, disi de wan foe oen. Dem sa meki oen kom sabi alasani disi pasa dja. Fil. 1: Paulus, wan boejeman foe Jezus Kristus, nanga Timoteüs, wi brada, gi Filemon, disi wi lobi foe troe, en disi wroko nanga wi, 2. En gi wi lobi Apfia, nanga Archippus, da soldati leki wisrefi, en gi da kerki disi de na joe oso: Les 1 Santa Jejej 2/22/2019

79 Da kerki na ini Kolossi Paulus ben gi wan opdrakti foe leisi da brifi foe Kolosse na ini Laodicea, en da brifi foe Laodicea na ini Kolosse: Kol. 4:16 Te dem leisi da brifi disi na oen mindri, meki dem leisi hem toe na ini da kerki foe Laodicea; en so srefi, oen moesoe leisi da brifi foe Laodicea. Les 1 Santa Jejej 2/22/2019

80 Da kerki na ini Babylon Da kerki na Babylon: I Pet. 5:13 Da kerki disi de na Babylon, disi Gado ben verkisi nanga oen, de seni odi, nanga mi manpikin Markus. .Foeroe soema ben pina drape: I Pet. 1:6 Nanga dati oen abi bigi prisiri, alwasi now foe wan pisi tem oen kan de nanga hebi bikasi foe foeroe tesi. Les 1 Santa Jejej 2/22/2019

81 Da kerki na ini Babylon Som foe da pina ben de bikasi foe sondoe: I Pet. 4: Ma no meki wan foe oen pina bikasi a de wan kiriman, efoe wan foefoeroeman, efoe wan ogriman, efoe wan soema disi de bemoei nanga tra soema tori Ma efoe wan soema pina bikasi a de wan bribisoema, no meki hem sjem foe dati; ma meki hem gi Gado glori bikasi foe dati Bikasi da tem ben doro dati kroetoe moesoe bigin na da oso foe Gado; en efoe a bigin nanga wi fosi, sortoe fasi a sa kaba nanga dem soema disi no wani gi jesi na da boen njoensoe foe Gado? (Som ben pina bikasi foe Kristus) Les 1 Santa Jejej 2/22/2019

82 Da kerki na ini Smyrna Da kerki foe Smyrna: Openbaring 2:8. En gi da engel foe da kerki na ini Smyrna skrifi taki: Da fosiwan nanga da laastiwan, disi ben dede, en disi de libi taki dem sani disi taki: 9. Mi sabi joe wroko, nanga joe pina nanga joe mofina libi, (ma joe de goedoe) en Mi sabi fa dem soema kosi Gado disi taki dati dem de Djoe, ma tokoe dem no de Djoe, ma dem de foe da Djoe kerki foe Satan No frede iniwan foe dem sani disi joe sa pina; loekoe, didibri sa sroto som foe oen na ini doengroe-oso, so dati tesi sa miti oen; en oen sa pina tien dei langa; hori vertrouw te leki oen dede, en Mi sa gi joe wan kroon foe libi Da soema disi abi jesi foe jere, meki hem jere san da Jeje taki gi dem kerki, taki: Da soema disi wini no sa kisi mankeri na da di foe toe dede. Les 1 Santa Jejej 2/22/2019

83 Da kerki na ini Smyrna A ben pina foeroe foe Kristus ede
.Dem Djoe foe da Djoe kerki foe satan ben pori dem nem .Satan ben sroto wantoe foe dem Les 1 Santa Jejej 2/22/2019

84 Da kerki na ini Pergamum
Da kerki foe Pergamum: Open. 2: En gi da engel foe da kerki na ini Pergamum skrifi taki: Hem disi abi da howroe disi srapoe na ala toe sei taki dem sani disi taki: 13. Mi sabi joe wroko, en pe joe de tan, pe da stoeroe foe Satan srefi de; en joe hori faste na Mi nem, en joe no ben taki dati joe no bribi na Mi, na ini dem dei srefi foe Antipas, disi ben de da getrouw soema disi ben dede bikasi foe Mi nem ede, disi dem ben kiri na oen mindri pe Satan de tan Ma Mi abi wantoe sani agensi joe, bikasi joe abi wantoe soema drape disi hori nanga da leri foe Bileam, disi ben leri Balak foe seti wan ston na fesi foe dem pikin foe Israël foe dem naki foetoe fadon, foe njan dem sani disi ben de ofrandi gi dem popki, en foe hoeroe. Les 1 Santa Jejej 2/22/2019

85 Da kerki na ini Pergamum
Open. 2:15. So srefi, joe abi dem soema disi hori faste nanga da leri foe dem Nikolaïeten soema, da sani disi Mi no lobi kwet'kweti Drai kom baka; noso Mi sa kom na joe es'esi, en Mi sa feti agensi dem nanga da howroe foe Mi mofo Da soema disi abi jesi foe jere, meki hem jere san da Jeje taki gi dem kerki taki: Na da soema disi wini, Mi sa gi hem da kibri manna foe njan, en Mi sa gi hem wan weti ston, en na ini da ston, wan njoen nem skrifi disi no wan soema sabi boiti da soema disi kisi hem. Les 1 Santa Jejej 2/22/2019

86 Da kerki na ini Pergamum
Da kerki disi ben de na ini da centrum foe pe dem ben aanbegi satan .Tokoe dem ben hori doro alwasi wan foe dem soema ben dede leki martelaar .Ma som foe dem soema na ini da kerki ben doe sexueel sondoe sondro foe strafoe dem. .(Dem ben abi soema doe afgodrei drape) .Dem ben hori nanga soema disi ben abi da leri foe dem Nikolaieten soema Les 1 Santa Jejej 2/22/2019

87 Da kerki foe Tyatira Da kerki foe Tyatira: Open. 2: En gi da engel foe da kerki disi de na ini Tyatira skrifi taki: Da Manpikin foe Gado, disi abi ai leki faja-vlam en Hem foetoe de leki fini kopro taki dem sani disi taki: 19. Mi sabi joe wroko, nanga joe lobi, nanga fa joe dini Mi, nanga joe bribi, nanga joe pasensi, nanga dem wroko foe joe; en dem laastiwan de moro leki dem fosiwan Tokoe Mi abi wantoe sani agensi joe, bikasi joe ben gi pasi na da oema Izebel disi kari hemsrefi wan profeti-oema, foe leri en foe kori dem dinari foe Mi foe hoeroe, en foe njan dem sani disi dem meki leki ofrandi gi dem popki. Les 1 Santa Jejej 2/22/2019

88 Da kerki na ini Tyatira 21. En Mi ben gi hem tem foe drai baka komopo foe hem hoeroedoe, ma a no ben drai baka Loekoe, Mi sa fringi hem tapoe wan bedi nanga dem soema disi hoeroe nanga hem go na ini bigi pina, efoe dem no drai baka libi dem wroko En Mi sa kiri ala hem pikin te leki dem sa dede, en ala dem kerki sa sabi dati Mi na Hem disi ondrosoekoe dem nieri nanga dem hati; en Mi sa gi ibriwan foe oenoe leki fa oen wroko de Ma Mi taigi oen, nanga dem tra soema disi tan abra na ini Tyatira, so meni leki dem disi no abi dem leri disi, en dem disi no ben sabi dem dipi sani foe Satan, so leki dem taki: Mi no sa poti no wan tra hebi na oen tapoe. Les 1 Santa Jejej 2/22/2019

89 Da kerki na Tyatira 25. Ma hori faste na san joe abi kaba te leki Mi kom. 26. En na hem disi de wini, en disi hori Mi wroko te leki da kaba, na hem Mi sa gi krakti na tapoe dem natie; 27. En a sa basi dem nanga wan isri tiki; a sa broko dem pis'pisi leki wan patoe foe wan pottenbakker; so leki Mi ben kisi foe Mi Tata En Mi sa gi hem da stari foe mamanten Da soema disi abi jesi foe jere, meki hem jere san da Jeje taki gi dem kerki. A ben doe foeroe boen sani .Ma a ben gi wan falsi oema profeti pasi foe taki dati joe kan moksi nanga grontapoe na ini sex & afgodrei Les 1 Santa Jejej 2/22/2019

90 Da kerki na Sardis Open. 3: En gi da engel foe da kerki na ini Sardes skrifi taki: Hem disi abi dem sebi Jeje foe Gado nanga dem sebi stari taki dem sani disi taki: Mi sabi joe wroko, en dati joe abi wan nem dati joe libi, en dati joe dede kaba. 2. Loekoe boen, en meki dem sani disi tan abra kom moro tranga, disi de klari foe dede; bikasi Mi no ben feni dati joe wroko de volmaakt na fesi foe Gado. 3. Foe dat'ede membre fa joe ben kisi en jere, en hori faste, en drai kom baka. Foe dat'ede efoe joe no loekoe boen, Mi sa kom na joe tapoe leki wan foefoeroeman, en joe no sa sabi sortoe joeroe Mi sa kom na joe tapoe. Les 1 Santa Jejej 2/22/2019

91 Da kerki na ini Sardis 4. Joe abi wantoe nem ete na ini Sardes disi no ben pori dem krosi, en dem sa waka nanga Mi na ini weti krosi, bikasi dem de waarti. 5. Da soema disi wini, hem sa weri weti krosi, en Mi no sa figi hem nem poeroe foe da boekoe foe libi, ma Mi sa bekenti hem nem na fesi foe Mi Tata, en na fesi foe dem engel foe Hem. 6. Da soema disi abi jesi foe jere, meki hem jere san da Jeje taki gi dem kerki. .Dem ben abi wan bigi nem, ma dem dede kaba .Dem moesoe meki dem pikin boen sani disi tan abra kom moro tranga Les 1 Santa Jejej 2/22/2019

92 Da kerki na ini Filadelfia
Da kerki na ini Filadelfia: Open. 3: En gi da engel foe da kerki na ini Filadelfia skrifi taki: Hem disi de santa, Hem disi de troe, Hem disi abi da sroto foe David, Hem disi de opo en no wan soema de tapoe, en A de tapoe, en no wan soema de opo taki dem sani disi taki: 8. Mi sabi joe wroko; loekoe, Mi ben poti wan opo doro na joe fesi, en no wan soema kan tapoe hem, bikasi joe abi pikinso tranga, en joe ben hori Mi woortoe, en joe no ben taki dati joe no sabi Mi nem. Les 1 Santa Jejej 2/22/2019

93 Da kerki na ini Filadelfia
9. Loekoe, Mi sa meki dem soema foe da Djoe kerki foe Satan, disi taki dati dem de Djoe, ma dem no de Djoe, ma dem meki lei; loekoe, Mi sa dwingi dem foe kom aanbegi na fesi foe joe foetoe, en foe dem sa sabi dati Mi ben lobi joe Bikasi joe ben hori da woortoe foe Mi pasensi, Mi sa kibri joe toe foe da joeroe foe tesi disi sa kom na tapoe heri grontapoe, foe tesi dem soema disi libi na grontapoe Loekoe, Mi de kom es'esi; hori faste na da sani disi joe abi kaba, so dati no wan soema sa teki joe kroon. Les 1 Santa Jejej 2/22/2019

94 Da kerki na ini Filadelfia
12. Mi sa meki da soema disi wini tron wan pilari na ini da tempel foe Mi Gado, en a no sa go na dorosei moro; en Mi sa skrifi da nem foe Mi Gado na hem tapoe, nanga da nem foe da foto foe Mi Gado, disi de da njoen Jerusalem, disi saka komopo foe hemel foe Mi Gado; en Mi sa skrifi Mi njoen nem na hem tapoe Da soema disi abi jesi foe jere, meki hem jere san da Jeje taki gi dem kerki. .Dem no ben de tranga toemoesi .(Ma dem no ben abi wan sani agensi dem) .Gado ben poti wan opo doro gi dem .Dem ben wroko doro foeroe vervolgoe Les 1 Santa Jejej 2/22/2019

95 Da kerki foe Laodicea Open. 3: En gi da engel foe da kerki na Laodicea skrifi taki: Da Amen, da getrouw nanga troe getuigi, da bigin foe san Gado ben meki taki dem sani disi taki: 15. Mi sabi joe wroko, dati joe no de kowroe en joe no faja; Mi winsi dati joe ben de kowroe efoe joe ben faja We dan, bikasi joe de pikinso waran nomo, en joe no de kowroe, en joe no faja, Mi sa spiti joe komopo foe Mi mofo Bikasi joe taki: Mi de goedoe, en mi abi foeroe goedoe, en mi no mankeri noti; en joe no sabi dati joe de mofina, en joe pina, en joe de poti, en breni en nanga soso skin. Les 1 Santa Jejej 2/22/2019

96 Da kerki na ini Laodicea
18. Mi de gi joe rai foe bai gowtoe na Mi disi ben tesi na ini da faja, so dati joe kan de goedoe; nanga weti krosi, so dati joe kan weri krosi, en joe no sjem foe de nanga soso skin moro; en foe salfoe joe ai nanga ai-salfoe, so dati joe kan si Mi klagi en Mi strafoe ala dem soema disi Mi lobi; foe dat'ede, wroko tranga, en drai kom baka Loekoe, Mi tanapoe na da doromofo, en Mi naki; efoe iniwan soema jere Mi stem, en a opo da doro, Mi sa kom na ini na hem, en Mi sa njan nanga hem, en a sa njan nanga Mi. Les 1 Santa Jejej 2/22/2019

97 Da kerki na ini Laodicea
.A ben de da moro slecht kerki na ini da Njoen Testamenti .Dem bribiwan no ben faja, en dem no ben kowroe toe .Dem ben taki bigi fasi abra dem goedoe, en dem ben taki dati dem no ben abi noti fanowdoe, ma foe taki troe, dem ben de poti, breni, nanga soso skin. .Gado ben taigi dem foe drai dem libi en gi Hem pasi foe kom baka na inisei en abi gemeenschap nanga dem. Les 1 Santa Jejej 2/22/2019

98 Da gro foe da kerki – Gibbons
Da faja-hati foe dem bribiwan: Dem ben teki dem leri foe Kristus leki dem ben skrifi, en dem no ben beni kompromis nanga dem heiden religie efoe dem grontapoe bribi. Wan tra historicus taki: dem ben prisiri, en dem ben kisi foeroe trobi toe. .Da leri foe dem Kristen abra da libi foe teego. Alwasi dem Grieki nanga Romeini skrifiman ben abi foeroe koni, dem no ben abi wan krin leri abra libi agen baka dede. Les 1 Santa Jejej 2/22/2019

99 Da gro foe da kerki… Dem wondroewroko disi ben pasa nanga dem fosi Kristen. (Tori 4:33) Dem discipel ben doe bigi wondroewroko foe sori dati dem leri de troe. Som foe dem wi abi skrifi na ini da Njoen Testamenti, ma foeroe trawan de toe. .Da krin moreel libi foe dem bribiwan; Dem no ben moksi nanga da immoraliteit foe dem heiden. Di dem ben drai dem libi, dem ben fika dem sondoe, en dem ben libi na wan krin fasi disi dem trawan no ben sabi na ini da tem dati. Da krin libi ben de moro hei leki libisoema froestan. Dem kibri-religie ben abi dem kibri-ritueel disi ben meki soema lobi dem. Ma dem fosi bribiwan ben sori wan “kibri-tori foe Gado-fasi”. Da fosi doel foe wan bribiwan de foe gersi Jezus Kristus. Les 1 Santa Jejej 2/22/2019

100 Dem fosi bribiwan… Nanga wan hati: Tori 2:44; 4:32; Efes. 4:1-7. Dem bribiwan ben tan makandra, en dem ben abi alasani samen. A ben de moro leki wan Kristen kerki. A ben de wan famiri. Dem ben tai demsrefi moro krosibei leki door broedoe srefi. Dem libi dei foe dei foe jepi makandra, en dem ben de aparti foe grontapoe. Dem leden ben agri na ini dem moro belangrijk sani na ini da kerki, bikasi dem alamala ben leri foe da wan Jeje. Dem ben de foe wan prakseri abra Gado, Kristus, da Santa Jeje, da sondoe natuur, fa wi moesoe hori wisrefi santa, en fa begi de belangrijk. Da Santa Jeje ben wroko fri bikasi dem ben de wan makandra. Les 1 Santa Jejej 2/22/2019

101 Dem fosi bribiwan Dem ben hori tranga: Tori 2:42; Efes. 4:14-16
Na ini leri: dem no ben drai go na wan sei komopo foe dem feit go na anansi tori, dem no ben wani leriman nanga switi woortoe, dem no ben degedege leki dem skwala tapoe da zee disi twijfel en lasi hati. Dem ben tan faste na ini dem bribi abra da woortoe foe Gado Les 1 Santa Jejej 2/22/2019

102 Dem fosi bribiwan Dem ben hori doro na ini gemeenschap: Kande efoe dem leden ben tapoe foe klagi, dem ben feni foutoe na ini da kerki, ma dem ben bribi dati dem ben de na ini da troe kerki, en dem ben hori doro. Dem ben si dem egi foutoe, ma dem ben teki langa foe klagi trawan Les 1 Santa Jejej 2/22/2019

103 Dem fosi bribiwan Dem ben hori doro na ini dem ordening: Kristus ben de da basis foe dem leri nanga dem aanbegi. Avondmaal nanga dopoe ben sori da wroko foe gnade na ini da hati foe dem bribiwan. Rom. 6:3-4; I Kor. 11:23-26 Dem ben hori doro na ini begi: Dem ben begi makandra en dem ben kisi so wan boen antwoord dati dem ben hori doro na ini begi. Da troe kerki de wan groepoe foe Kristen disi begi: Tori 1:3-4; 12-14 Les 1 Santa Jejej 2/22/2019

104 Dem fosi bribiwan Dem ben sori da lobi disi de gi: Tori 2:45; 4:34-35; Efes. 4:28-32 Dem ben seri dem goedoe en prati dem gi ibri soema disi ben abi fanowdoe. Dem ben lobi dem lasiwan so foeroe dati dem ben seri dem bedrijf, gron, en dem ben poti da moni na dem apostel foetoe. Dem ben gi abra da broko-hede foe dem grontapoe goedoe foe broko hede abra dem sieli disi noiti sa pori. Dem ben sori troe lobi en bribi disi no ben komopo foe dwingi, ma disi ben komopo foe da hati. Fa dem ben gi ben de wan bigi getuigi foe da lobi foe Kristus na ini dem libi. Dem soema disi ben loekoe ben kan taki: Loekoe fa dem Kristen lobi makandra. Les 1 Santa Jejej 2/22/2019

105 Dem fosi bribiwan Dem ben prisiri: Tori 2:46-47; Efes. 5:18-21 Ala dei dem ben de na wan hati na ini da tempel nanga prisiri na ini dem hati. Dem ben de nanga wan hati, en disi ben gi dem prisiri. Dem no ben abi wan prakseri foe grontapoe en wan trawan foe Masra, ma dem ben de 100% foe Masra Jezus. Dem ben prisiri na ini Masra, en dem no ben broko hede foe dem sani disi joe kan si nanga ai. Ala dem sani foe dem ben de foeroe nanga Gado, en bikasi dem ben prisiri na ini Gado, dem ben de foeroe nanga prisiri. Les 1 Santa Jejej 2/22/2019

106 Dem fosi bribiwan Sani ben go boen: Tori 2:41, 47; 5:14; 6:7; 13:44; 16:4; 18:8 Noiti wan kerki ben kisi so foeroe blesi leki da fosi kerki. A ben gro snel. Foe da fosi 200 jari, da kerki ben gro leki noti kan tapoe hem, en dem ben taki dati dem ben drai grontapoe ondrosei go na loktoesei. Les 1 Santa Jejej 2/22/2019

107 Dem fosi bribiwan Gado ben prisiri nanga dem: Masra ben gi dem fosi leden, en dem ben kom na ini Masra toe. (Tori 2:47b, 5:14) Da kerki ben kom moro bigi nanga troe bribiwan. O meni leisi dem kerki abi moro hipi leden, ma dem no meki da kerki kom moro tranga. Dem swaki en pori da kerki en tjari pori nem nanga sari tapoe dem kerki. A de troe dati didibri poti moro foeroe na ini da kerki disi no ben drai dem libi. Te Gado meki da kerki kom moro bigi, wan bigi verschil de. Dem leden de wan, dem hori doro, dem abi lobi nanga prisiri makandra. Da aanwezigheid foe dem sortoe soema meki da kerki gi na fesi Les 1 Santa Jejej 2/22/2019

108 Dem fosi bribiwan… Dem ben boen nem nanga libisoema. A de wan verwondroe sani dati alwasi dem kownoe nanga dem fesiman ben vervolgoe da kerki, tokoe da fosi kerki ben abi bigi nem na wan fasi disi wi no si na dem dei disi. Dem soema disi ben soekoe foe troe prisiri na grontapoe ben si dati dem Kristen soema ben abi troe prisiri nanga vrede. Dem ben bribi san dem ben si, en dem ben si da lobi, da eenheid, da prisiri nanga da bribi foe dem soema disi ben hori doro, en disi ben soetoe na ini da hati foe dem soema disi ben soekoe wan moro boen troe libi. Les 1 Santa Jejej 2/22/2019

109 Da kerki – da skin; Kristus da hede
Rom. 12: Bikasi so leki wi abi foeroe pisi na ini wan skin, en ala dem pisi no doe da srefi wroko;5. So srefi alwasi wi de foeroe, wi de wan skin na ini Kristus, en ibriwan de wan pisi nanga makandra. I Kor. 6:15a Oen no sabi dati oen skin de dem pisi foe Kristus? I Kor. 12: Bikasi so leki da skin de wan, ma tokoe a abi foeroe pisi, en ala dem pisi foe da skin dati, alwasi dem de foeroe, meki wan skin nomo; so srefi Kristus de toe Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje. Les 1 Santa Jejej 2/22/2019

110 Da kerki – da skin foe Kristus
I Kor. 12:27 Now oen de da skin foe Kristus, en oen alamala de pisi foe Hem. Efesi 4:4 Wan skin de, nanga wan Jeje, so leki Gado kari oen na ini wan hopoe foe da kari disi A kari oen foe doe; Efesi 5:30 Bikasi wi de pisi foe Hem skin, foe Hem meti nanga Hem bonjo. Kol. 1:18 En A de da hede foe da skin, da kerki; A de da bigin, da fosiwan gebore foe dede, so dati A sa abi da fosi presi na ini alasani. Les 1 Santa Jejej 2/22/2019

111 Da kerki – da skin foe Kristus
I Kor. 10: Da kan foe blesi disi wi blesi, a no de da gemeenschap foe da broedoe foe Kristus? Da brede disi wi broko, a no de da gemeenschap foe da skin foe Kristus? 17. Bikasi alwasi wi de foeroe soema, wi de wan brede nanga wan skin; bikasi wi alamala ben njan makandra foe da wan brede dati. Kol. 3:15 En meki da vrede foe Gado de basi foe oen hati, di ben kari oensrefi foe kom na ini wan skin, en gi grantangi. Les 1 Santa Jejej 2/22/2019

112 Da frantwoortoe foe da kerki leki da skin foe Kristus
Saka na da hede ondro .Abi eenheid nanga da hede .Wroko nanga prisiri gi da hede .Meki da hede tiri hem Les 1 Santa Jejej 2/22/2019

113 Da bruid foe Kristus = da kerki
II Kor. 11:2 Bikasi mi djaroesoe foe oen nanga wan djaroesoe foe Gado; bikasi mi ben gi oen foe trow nanga wan masra, dati mi kan gi oen leki wan krin wendje na Kristus. Open. 21:9 En wan foe dem sebi engel disi ben abi dem sebi kan foeroe nanga dem laasti sebi pesti-siki ben kom taki nanga mi, en a ben taki: Kom dja; mi sa sori joe da bruid, da wefi foe da Lam. Efesi 5:2 En waka na ini lobi, so leki Kristus ben lobi wi toe, en A ben gi Hemsrefi abra leki wan switi smeri ofrandi na Gado foe wi ede. Les 1 Santa Jejej 2/22/2019

114 Da kerki = da bruid foe Kristus
Efesi 5: Oen masra, lobi oen wefi so leki Kristus ben lobi da kerki toe, en A ben gi Hemsrefi abra foe hem ede; 26. So dati A kan meki hem kom santa, en A kan krini hem nanga da wasi foe watra doro da woortoe; 27. So dati A kan gi Hemsrefi wan glori kerki, disi no abi wan flaka efoe ploi efoe iniwan sani leki dati, ma dati a sa de santa en sondro foutoe Dem mansoema moesoe lobi dem wefi leki dem egi skin. Da soema disi lobi hem wefi lobi hemsrefi. Les 1 Santa Jejej 2/22/2019

115 Da kerki – da bruid… 29. Bikasi no wan soema hati de bron na tapoe hem egi skin, ma a sorgoe foe hem, en a lobi hem, so leki Masra sorgoe foe da kerki en A lobi hem Bikasi wi de pisi foe Hem skin, foe Hem meti nanga Hem bonjo Foe dat'ede wan man sa libi hem tata nanga hem mama, en a sa hanga makandra nanga hem wefi, en dem toe sa de wan skin Disi de wan dipi kibri-tori; ma mi taki abra Kristus nanga da kerki. Les 1 Santa Jejej 2/22/2019

116 Da lobi foe Kristus foe da bruid
Sondro voorwaarde .Sondro marki .Pasa san wi kan sabi .Sani wi no ben verdini .Pasa iniwan tra lobi Les 1 Santa Jejej 2/22/2019

117 Da druivibon nanga dem taki
Jn. 15: Mi de da troe druivibon, en Mi Tata de da djariman. 2. Ibri taki foe Mi disi no meki froktoe A koti poeroe, en ibri taki disi meki froktoe kaba, A koti wan pisi foe hem poeroe, so dati a kan meki moro froktoe. 3. Now oen de krin doro da woortoe disi Mi ben taki gi oen. 4. Tan na Mi ini, en Mi de tan na oen ini. So leki wan taki no kan meki froktoe komopo foe hemsrefi, efoe a no tan na ini da druivibon, so toe oen no kan meki froktoe, efoe oen no tan na Mi ini. 5. Mi de da druivibon, en oen de dem taki; da soema disi tan na Mi ini, en Mi tan na hem ini, da srefi sa meki foeroe froktoe; bikasi sondro Mi oen no kan doe noti. Dja wi si dem frantwoortoe foe da taki: Les 1 Santa Jejej 2/22/2019

118 Dem frantwoortoe foe da taki
A moesoe tan na ini da druivibon .A moesoe tjari froktoe komopo foe da druivibon, en gi da druivibon .Hem wroko de soso foe meki froktoe. A no kan doe no wan tra sani. Hem oedoe no de waarti foe noti A moesoe de bereid foe da djariman sa krini hem en koti sani poeroe. .A moesoe meki foeroe froktoe - disi de wan verschil foe Israel na ini da Owroe Testamenti, disi no ben meki froktoe: Les 1 Santa Jejej 2/22/2019

119 Israel na ini da O.T. Ps. 80:8 Joe ben tjari wan druivi taki komopo foe Egypti; Joe ben trowe dem heiden soema, en Joe ben prani hem. Ezek. 15:2 Soemapikin, fa da druivitaki de moro leki iniwan bon, efoe moro leki da taki disi de na mindri foe dem bon foe da boesi? Hos. 10:1 Israël de wan legi druivitaki; a meki froktoe gi hemsrefi; so leki hem froktoe kom hipi, a ben meki moro altari; so leki a go moro boen nanga hem kondre, so dem ben meki dem popki kom moro moi. Les 1 Santa Jejej 2/22/2019

120 Da skapoeman nanga dem skapoe
Jn. 10:11 Mi de da boen skapoeman; da boen skapoeman gi hem libi abra foe dem skapoe ede. Heb. 13:20 Now da Gado foe vrede disi ben opo wi Masra Jezus baka foe dede, da bigi Skapoeman foe dem skapoe dati, doro da broedoe foe da verbontoe foe teego, I Petrus 5:4 En te da hede Skapoeman sa kom, oen sa kisi wan kroon foe glori disi noiti sa pori. Les 1 Santa Jejej 2/22/2019

121 Da skapoeman nanga dem skapoe
So gi da kerki, Kristus de da boen skapoeman bikasi foe san A ben doe na dem dei na wi baka (A ben meki wi kom regtvaardiki na ini da ai foe Gado - Ps 22), da Bigi Skapoeman bikasi foe san A doe gi wi now (A de meki wi kom santa: Ps. 23), en A de da fosi Skapoeman bikasi foe san A sa doe na ini da toekomst - foe meki wi kisi glori:(Ps. 24). Les 1 Santa Jejej 2/22/2019

122 Da hogepriester & famiri foe priester
I Pet. 2:9 Ma oen de wan speri disi A ben verkisi, wan famiri foe dem kownoe-priester, wan santa folkoe, wan pipel disi seti aparti gi Gado, foe oen sa gi Hem bigi nem, Hem disi ben kari oen komopo foe doengroe, kom na ini Hem moi leti. Open. 1:6 En A ben meki wi tron kownoe nanga priester gi Gado nanga Hem Tata; Hem moesoe abi glori nanga makti foe teego. Amen. Les 1 Santa Jejej 2/22/2019

123 Da hogepriester… Open. 5:10 En Joe ben meki wi tron kownoe nanga priester gi wi Gado, en wi sa de leki kownoe na grontapoe. Open. 20:6 Da soema disi abi wan pisi foe da fosi opo baka de blesi en santa; da di foe toe dede no abi makti na dem tapoe, ma dem sa de priester foe Gado en foe Kristus, en dem sa de kownoe nanga Hem wan doesoen jari langa. Les 1 Santa Jejej 2/22/2019

124 Priester ofrandi Da priester na ini da Owroe Testamenti ben meki ofrandi foe meti. Ma da Njoen Testamenti priester moesoe meki wan tra sortoe ofrandi: Hem skin leki wan libi ofrandi: Rom. 12:1 Foe dat'ede, mi brada, mi begi oen nanga da sari-hati foe Gado, dati oen gi oen skin abra leki wan libi ofrandi, disi de santa en boen na ini da ai foe Gado, en disi de da juisti fasi foe dini Hem. Les 1 Santa Jejej 2/22/2019

125 Priester ofrandi Dem ofrandi foe prijse:
I Pet. 2:5, 9 5. So srefi oen moesoe de leki libilibi ston disi de bouw wan jeje oso; oen de dem santa priester disi meki jeje-ofrandi disi de boen na ini da ai foe Gado doro Jezus Kristus. 9. Ma oen de wan speri disi A ben verkisi, wan famiri foe dem kownoe-priester, wan santa folkoe, wan pipel disi seti aparti gi Gado, foe oen sa gi Hem bigi nem, Hem disi ben kari oen komopo foe doengroe, kom na ini Hem moi leti. Heb. 13:15 Foe dat'ede, doro Hem, meki wi gi da ofrandi foe prijse na Gado dorodoro, dati wani taki, da froktoe foe wi mofo-boeba disi gi grantangi na Hem nem. Les 1 Santa Jejej 2/22/2019

126 Priester ofrandi Da ofrandi foe doe boen: Heb. 13:16 Ma no frigiti foe doe boen en prati san oen abi gi trawan toe, bikasi Gado abi prisiri nanga dem sortoe ofrandi dati. .Da ofrandi foe dem sani wi abi: Si Heb. 13:16 Les 1 Santa Jejej 2/22/2019

127 Da hoekoeston & libi ston
Da hoekoeston nanga dem libi ston: Efesi 2: Now foe dat'ede oen no de vreemde soema nanga wakaman moro, ma oen de dem soema foe da kondre nanga dem santawan, en oen de foe da oso foe Gado; 20. En A bouw oen na tapoe da fondamenti foe dem apostel nanga dem profeti; Jezus Kristus Hemsrefi de da hoekoeston Na Hem ini, da heri oso de fiti makandra, en a de gro kom wan santa tempel na ini Masra En na Hem ini, doro da Jeje oensrefi de bouw makandra toe foe de wan tanpresi gi Gado. Les 1 Santa Jejej 2/22/2019

128 Libilibi ston I Pet. 2: Kom na Hem leki wan libilibi ston, disi dem libisoema ben trowe, ma Gado ben verkisi leki da moro diri wan. 5. So srefi oen moesoe de leki libilibi ston disi de bouw wan jeje oso; oen de dem santa priester disi meki jeje-ofrandi disi de boen na ini da ai foe Gado doro Jezus Kristus. Les 1 Santa Jejej 2/22/2019

129 Tempel… Toe Grieki woortoe vertaal da woortoe foe tempel:
.Naos - disi de da santa presi nanga da moro santa presi .Hieron - disi de da heri presi foe da tempel, na fesi, dem opo presi, enz. Da tempel disi wi feni na ini Efesi 2:21 de naos. Na grontapoe, Jezus noiti ben go na ini da naos. Disi de soso gi dem Leviet priester. A ben jagi dem man disi ben kenki moni komopo foe da hieron. Ma now, Hem kerki de tron da naos disi A no ben abi pasi foe kom na ini na da tem disi A ben de na grontapoe! Les 1 Santa Jejej 2/22/2019

130 Jezus, da hoekoeston Kristus meki dem Djoe nanga dem heiden kom wan leki da hoekoeston meki toe sei foe da gebouw tron wan. Na ini Kristus, da gebouw de steifi en a no sa fadon. Na ini Kristus, wi feni da heri kerki meki so dati a de wan na ini eenheid, en a sori disi na ini fa a loekoe. Les 1 Santa Jejej 2/22/2019

131 OT voorbeeld #1 – Eva A ben komopo foe da sei foe Adam, leki da kerki ben komopo foe da sei foe Kristus. Gen. 2: En MASRA Gado ben meki Adam fadon na wan dipi sribi, en a ben sribi; en A ben teki wan foe hem sei-bonjo, en A ben tapoe hem skin baka;22. En MASRA Gado ben teki da sei-bonjo disi A ben poeroe foe mansoema, en A ben meki wan oema, en A ben tjari hem kom na da man. Loekoe na Jn. 19:34 Ma wan foe dem soldati ben soetoe wan lansri go na ini Hem sei, en wantem broedoe nanga watra ben komopo. Les 1 Santa Jejej 2/22/2019

132 OT voorbeeld #1 – Eva I Jn. 5: Soema na hem disi wini grontapoe, boiti da soema disi bribi dati Jezus de da Manpikin foe Gado? 6. Disi de Hem disi ben kom doro watra nanga broedoe: Jezus Kristus; no doro watra wawan, ma doro watra nanga broedoe. En a de da Jeje disi gi getuigi, bikasi da Jeje de waarheid. Les 1 Santa Jejej 2/22/2019

133 OT voorbeeld – Eva Eva ben kom trow nanga da fosi hedeman foe da schepping, en da kerki sa trow nanga da laasti hedeman foe da schepping: Gen. 1:28 En Gado ben blesi dem, en Gado ben taki gi dem taki: Meki pikin, en meki foeroe pikin, en foeroe grontapoe, en de basi foe hem; en oen moesoe de basi foe dem fisi na ini da zee nanga dem fowroe foe loktoe, en na tapoe ibri libisani disi de bewegi na tapoe grontapoe. Loekoe na Open. 11:15 En di foe sebi engel ben blo; en bigi stem ben de na ini hemel disi taki: Dem kownoekondre foe disi grontapoe ben tron da kownoekondre foe wi Masra, en foe Hem Kristus; en A sa de kownoe foe teego. Les 1 Santa Jejej 2/22/2019

134 OT voorbeeld #1 – Eva Eva ben tron bonjo foe hem bonjo en meti foe hem meti, en da kerki ben doe da srefi nanga Kristus: Gen. 2:23 En Adam ben taki: Now disi de bonjo foe mi bonjo en meti foe mi meti; hem nem sa de “oema,” bikasi a ben teki komopo foe mansoema. Loekoe na Efesi 5: Bikasi no wan soema hati de bron na tapoe hem egi skin, ma a sorgoe foe hem, en a lobi hem, so leki Masra sorgoe foe da kerki en A lobi hem Bikasi wi de pisi foe Hem skin, foe Hem meti nanga Hem bonjo. Les 1 Santa Jejej 2/22/2019

135 OT voorbeeld #2 – Rebekka
Abraham ben seni hem vertrouw dinari go na wan farawe kondre foe feni wan bruid. A de wan prenki foe da Tata disi ben doe da srefi sani gi da manpikin: Gen. 24:4 Ma joe sa go baka na mi kondre, en na mi famiri, foe joe sa teki wan wefi gi mi manpikin Isaak. Mt. 22: Da kownoekondre foe hemel de gersi wan kownoe, disi ben hori wan trow-oso gi hem manpikin, 3. En a ben seni hem dinari go kari dem disi dem ben aksi foe kom na da trow-oso; ma dem no ben wani kom. Les 1 Santa Jejej 2/22/2019

136 OT voorbeeld #2 – Rebekka
Isaak, disi Abraham ben meki leki wan ofrandi kaba tapoe da bergi Moria, tan klari foe wakti te leki da bruid sa kom. A de wan voorbeeld foe da Pikin disi wakti na ini hemel te leki Hem bruid sa kom: Gen. 24:63 En Isaak ben go na doro foe prakseri na ini da firi na mofoneti; en a ben opo hem ai en a ben si, en loekoe, dem kameli ben kom. Heb. 10: Ma da man disi, baka di A ben meki wan ofrandi foe sondoe foe teego, A ben sidon na da letianoesei foe Gado; 13. En te leki now, A wakti te A meki Hem feanti tron Hem foetoe-bangi Bikasi doro wan ofrandi A ben meki dem santa soema kom volmaakt foe teego Les 1 Santa Jejej 2/22/2019

137 Rebekka… .Da dinari ben go na da farawe kondre dati foe wan doel: foe feni wan bruid. A de da voorbeeld foe da Santa Jeje. .Da tata ben seni hem go Jn. 14:16 En Mi sa begi da Tata, en A sa gi oen wan tra Troostoeman, so dati A sa tan nanga oen foe teego. .A ben kom na Pinkster foe teki wan bruid: I Kor. 12:13 Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje. Les 1 Santa Jejej 2/22/2019

138 Rebekka… A ben opo Kristus leki da dinari ben opo Isaak:
Gen. 24:36 En Sara, mi masra wefi, ben meki wan manpikin gi mi masra di a ben de owroe; en a ben gi hem alasani disi a abi. Jn.16: Tokoe, te Hem, da Jeje foe waarheid sa kom, A sa tiri oen na ini ala waarheid; bikasi A no sa taki abra Hemsrefi, ma alasani disi A sa jere, dati A sa taki; en A sa sori oen sani disi sa kom pasa A sa gi Mi glori; bikasi A sa teki dem sani foe Mi en A sa sori dem na oen. Les 1 Santa Jejej 2/22/2019

139 Rebekka… Di Rebekka ben jere foe Isaak, a ben eens foe go nanga da dinari. A ben tron da voorbeeld foe da kerki: .Leki da kerki nanga Kristus, a ben lobi hem bruidegom fosi a ben si hem: I Pet. 1:3 Blesi foe da Gado nanga da Tata foe wi Masra Jezus Kristus; nanga Hem bigi boen-ati, en nanga da opo baka foe da dede foe Jezus Kristus, A ben meki wi kisi libi baka nanga wan libi hopoe, Les 1 Santa Jejej 2/22/2019

140 Rebekka Leki da kerki nanga Kristus, a ben kisi wan panti foe dem goedoe foe Isaak: Gen. 24:53 En da dinari ben tjari moimoi foe sorfoe, nanga moimoi foe gowtoe, nanga krosi, en a ben gi dem na Rebekka; en a ben gi diri sani na hem brada nanga hem mama toe. II Kor. 1:22 En so srefi A ben stampoe wi en gi wi da panti foe da Jeje na ini wi hati. Efesi 1:14 Disi de da panti foe wi erfenis te leki A sa bai baka san A ben bai gi Hemsrefi, foe da prijse foe Hem glori. Les 1 Santa Jejej 2/22/2019

141 Rebekka Leki da kerki, a bigin wan langa waka foe miti hem bruidegom:
Gen. 24:59 En dem ben seni Rebekka dem sisa gowe, nanga hem kweki-mama, nanga da dinari foe Abraham nanga hem mansoema. I Pet. 2:11 Lobiwan, mi begi oen leki vreemde soema nanga wakaman, hori oensrefi aparti foe dem lostoe foe da skin-fasi disi de feti agensi da sieli; Les 1 Santa Jejej 2/22/2019

142 Rebekka… .Leki da kerki nanga Kristus, hem bruidegom ben begi gi hem:
Gen. 24:63 En Isaak ben go na doro foe prakseri na ini da firi na mofoneti; en a ben opo hem ai en a ben si, en loekoe, dem kameli ben kom. Rom. 8:34 Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. . Les 1 Santa Jejej 2/22/2019

143 Rebekka Leki da kerki nanga Kristus, a kom na ini da oso foe hem schoonvader: Gen. 24:67 En Isaak ben tjari hem go na ini da tenti foe hem mama Sara, en a ben teki Rebekka, en a ben tron hem wefi; en a ben lobi hem; en Isaak ben kisi kowroe hati na baka da dede foe hem mama. Jn. 14:2 Na ini Mi Tata oso foeroe presi de; efoe a no ben de so, Mi no ben sa taigi oen. Mi go foe meki wan presi klari gi oen. Les 1 Santa Jejej 2/22/2019