Owroe Testamenti III – Les 3 Da Prati Koninkrijk Fase

Presentatie over: "Owroe Testamenti III – Les 3 Da Prati Koninkrijk Fase"— Transcript van de presentatie:

1 Owroe Testamenti III – Les 3 Da Prati Koninkrijk Fase
Bijbel Baptist Kerk Les Owroe Testamenti III – Les 3 Da Prati Koninkrijk Fase Robert D. Patton Da Froktoe foe da Jeje: Lobi 2/17/2019

2 Profeti-taki Dati da samen wroko foe Egypti nanga Juda agensi Babylon no sa wroko: 37:5-10 .Babylon sa wini Egypti: 46:1-26 Jeremia taki foe da feti foe Karkamis na da momenti dati dem feti hem. Nebuchadnessar ben wini Egypti overduidelijk: 46:1-12 .Babylon sa tan na ini Egypti leki basi: 43:9-13 Les 1 Santa Jejej 2/17/2019

3 Profeti-taki Babylon sa hori Juda na ini katibo 70 jari langa
.Baka 70 jari, dem sa kom baka na Jerusalem: 27:19-22; 30:3, 10-11; 18-21; 31:9, 12, 38-39; 33:3-9 Jeremia pramisi dati te foe kaba dem sa kom boen baka: .Israel sa kom baka foe ala hoekoe foe grontapoe: 3:14; 31:10; 32:37-43 .Gado sa poti dem leider disi abi wan hati disi A lobi .Palestijn sa foeroe nanga da glori foe Gado nanga da pipel foe Gado: 3:16-18 Disi sa de moro bigi leki da fosi Exodus di Gado ben tjari dem komopo foe Egypti: 16:14-15; 23:7 Les 1 Santa Jejej 2/17/2019

4 Profeti-taki Wan regtvaardiki Taki (da Verloesoeman) sa sidon tapoe da kownoe-stoeroe foe David, en A sa de kownoe nanga wijsheid nanga leti kroetoe. 23:5-6; 30:21; 33:17 .Dem sa bouw Jerusalem baka nanga bigi prisiri nanga bigi grantangi: 38:18-20; 31:4, 7-9, 12-14, 23-25; 33:10-12 Da lasi foe Babylon baka 70 jari katibo: 25:12; 27:6 N.B. Wi bribi dati da strafoe foe Babylon na ini Jeremia taki no foe da strafoe foe geschiedenis wawan (Dan. 5), ma foe da vonisi na ini da toekomst: (Open. 18) Les 1 Santa Jejej 2/17/2019

5 Da Njoen Akkorderi Fa da njoen akkorderi sa de: 31:31-34
.A sa de abra da heri oso foe Israel .A sa de wan tra fasi leki da owroe akkorderi foe Mozes .Gado sa poti Hem wet na tapoe dem hati. Israel ben abi problemen nanga dem jeje-hati disi demsrefi ben meki: 17:1 Da sondoe foe Juda ben skrifi nanga wan pen foe isri, en nanga wan srapoe pinti foe wan diamanti; dem skrifi hem na tapoe da tafra foe dem hati, en na tapoe dem toetoe foe dem altari foe oen; Ma da chiruug (Gado) sa gi dem wan njoen hati. Les 1 Santa Jejej 2/17/2019

6 Da Njoen Akkorderi Da natie sa kom da folkoe foe Gado, en A sa de dem Gado B. Sortoe tem da njoen akkorderi sa kom? A sa pasa “baka dem dei dati” 31:33 en baka da “tem foe da trobi foe Jakob” 30:7 Dem toe woortoe taki abra da tem foe bigi trobi. So da njoen akkorderi sa bigin foe wroko baka da tem foe da trobi foe Jakob, na da bigin foe da millenium Les 1 Santa Jejej 2/17/2019

7 Da Njoen Akkorderi Fa da akkorderi de moro boen: A sa de so dati a noiti kenki, a no abi voorwaarde, en a sa tan foe teego, disi no de troe foe da akkorderi foe Mozes: Ex. 19:5-8. M.F. Unger skrifi na ini Unger’s Bible Dictionary, bl. 352 taki: Da Owroe Akkorderi ben de wan wet, en a ben bouw tapoe da basis foe da wet. Da njoen akkorderi (Heb. 8:8-12) de bouw tapoe gnade nanga da broedoe foe Jezus Kristus leki wan ofrandi, disi sa de da fondamenti foe da fasi dati Israel sa kom boen baka na inisei en a sa kom baka na ini boen relatie nanga Gado. Te Israel kom na ini da blesi foe da Njoen Akkorderi, (Rom. 11:1-26, a sa de wan natie foe teego. Les 1 Santa Jejej 2/17/2019

8 Da Njoen Akkorderi Da mindriman foe da Njoen Akkorderi - da Manpikin foe David srefi: 33:15-18; 30:9 VI - Bekende versi na ini Jeremia: .6:14 So srefi dem ben meki da skin- hati foe Mi pipel kom pikinso boen baka foe taki: Vrede, vrede; ma vrede no de. .7:11 Da oso disi dem kari nanga Mi nem, a ben tron wan tanpresi foe foefoeroeman na ini oen ai? Loekoe, Mi, Misrefi ben si disi: so MASRA de taki. Les 1 Santa Jejej 2/17/2019

9 Bekende versi .8:20, Da kotitem de pasa kaba, da warantem ben pasa kaba, en wi no feni verloesoe No wan salfoe de na ini Gilead; no wan datra de? Dan foe san'ede da mankeri foe da oemapikin foe mi pipel no ben kom boen baka? 10:7, Soema no sa frede Joe, O Kownoe foe dem natie? Bikasi a de taki abra Joe; bikasi na mindri ala dem sabiman foe dem natie, en na ini ala dem kownoekondre foe dem, no wan de leki Joe A ben meki grontapoe doro Hem krakti; A ben seti grontapoe doro Hem sabi, en A ben bradi dem hemel doro Hem froestan. Les 1 Santa Jejej 2/17/2019

10 Bekende versi 11:19 Ma mi ben de leki wan pikin skapoe efoe wan kaw disi dem tjari foe go slakti; en mi no ben sabi dati dem ben miti mofo agensi mi taki: Meki wi figi da bon poeroe nanga da froktoe foe hem, en meki wi koti hem poeroe foe da kondre foe libisoema, so dati no wan soema sa membre hem nem moro. .13:23 Wan Ethiopier soema kan kenki hem skin, efoe wan tigri kan kenki hem flaka? Dan oen kan doe boen toe, oen disi de gwenti foe doe ogri. Les 1 Santa Jejej 2/17/2019

11 Bekende versi 15:1, Dan MASRA ben taki gi mi taki: Alwasi Mozes nanga Samuël ben tanapoe na Mi fesi, tokoe, Mi no ben sa wani loekoe nanga boen ai na da pipel disi; poeroe dem komopo na Mi fesi en meki dem gowe. 16. Mi ben feni dem woortoe foe Joe, en mi ben njan dem; en Joe woortoe ben de da prisiri nanga da breiti foe mi hati; bikasi dem kari mi nanga Joe nem, O MASRA Gado foe dem legre. Les 1 Santa Jejej 2/17/2019

12 Bekende versi 16: Foe dat'ede, loekoe, dem dei sa kom: so MASRA de taki: dati dem no sa taki moro taki: MASRA de libi, disi ben tjari dem pikin foe Israël komopo foe da kondre foe Egypti; 15. Ma, MASRA de libi, disi ben tjari dem pikin foe Israël komopo foe da kondre foe da noord nanga ala dem kondre pe A ben jagi dem gowe; en Mi sa tjari dem kom baka na ini dem kondre disi Mi ben gi dem tata. Les 1 Santa Jejej 2/17/2019

13 Bekende versi 17: So MASRA de taki: Floe koe moe de na tapoe da man disi poti hem vertrouw na tapoe libisoema, en meki libisoema de hem anoe, en hem hati ben gowe libi MASRA. 6. Bikasi a sa de leki wan boesi na ini da drei woestijn, en a no sa si boen kom, ma a sa tan na ini dem drei presi na ini da woestijn, na wan kondre foe sowtoe pe soema no de libi. 7. Blesi foe da man di poti hem vertrouw na tapoe MASRA, en disi hem hopoe de MASRA. Les 1 Santa Jejej 2/17/2019

14 Bekende versi 8. Bikasi a de leki wan bon disi dem ben prani na sei foe dem watra, disi de bradi hem loetoe na da sei foe da liba, en a no sa si da faja-dei kom, ma hem blatie sa tan groen; en a no sa broko hede na da jari foe soso dreitem, en noiti a sa tapoe foe meki hem froktoe. 9. Da hati de bedriegi moro leki alasani, en a de toemoesi takroe; soema kan sabi hem? 10. Mi, MASRA, de ondrosoekoe da hati; Mi de tesi dem nieri foe ibri soema foe gi hem so leki a de fiti dem pasi foe hem nanga da froktoe foe dem sani disi a de doe. Les 1 Santa Jejej 2/17/2019

15 Bekende versi 18: Da woortoe disi ben kom na Jeremia foe MASRA, taki: 2. Opo, en saka go na da pottenbakker oso, en Mi sa meki joe jere dem woortoe foe Mi drape. 3. Dan mi ben saka go na da pottenbakker oso, en loekoe, a ben meki wan wroko na tapoe da banti. 4. En da sani disi a ben meki foe klei ben kom pori na ini da anoe foe da pottenbakker; so a ben meki hem baka foe de wan tra wrokosani so leki a ben de boen na ini da ai foe da pottenbakker foe meki hem. 5. Dan da woortoe foe MASRA ben kom na mi taki: 6. O oso foe Israël, Mi no kan wroko nanga oen leki da pottenbakker disi? so MASRA de taki. Loekoe, so leki da klei de na ini da anoe foe da pottenbakker, so oen de na ini Mi anoe, O oso foe Israël. Les 1 Santa Jejej 2/17/2019

16 Bekende versi 20:7-9, O MASRA, Joe ben kori mi; na kori Joe ben kori mi; Joe de moro tranga leki mi, en Joe ben wini mi; dem lafoe mi ala dei, ibriwan de spotoe mi. 8. Bikasi sinsi mi ben taki, mi ben bari, en mi ben krei foe feti nanga pori; bikasi dem ben meki da woortoe foe MASRA tron wan veragti sani gi mi, en dem ben dreigi mi aladei. 9. Dan mi ben taki: Mi no sa taki foe Hem kwet'kweti, efoe taki na ini Hem nem moro. Ma Hem woortoe ben de leki wan faja na ini mi hati disi ben sroto na ini mi bonjo, en mi ben kom weri foe hori misrefi baka, en mi no ben man tapoe.... Les 1 Santa Jejej 2/17/2019

17 Bekende versi 20:13. Singi gi MASRA, prijse MASRA; bikasi A ben verloesoe da sieli foe da poti soema komopo foe da anoe foe dem ogri soema Floekoe foe da dei disi mi mama ben meki mi; no meki da dei disi mi mama ben meki mi de wan blesi dei Floekoe foe da man disi ben tjari njoensoe gi mi tata taki: Wan manpikin ben gebore gi joe; en a ben meki hem kisi prisiri. Les 1 Santa Jejej 2/17/2019

18 Bekende versi 21:8 En joe sa taki gi da pipel disi taki: So MASRA de taki: Loekoe, Mi seti da pasi foe libi nanga da pasi foe dede na oen fesi. .23:29 Mi woortoe no de leki wan faja? so MASRA de taki: en leki wan ambra disi broko ston pis'pisi? Les 1 Santa Jejej 2/17/2019

19 Bekende versi 29: Bikasi Mi sabi dem prakseri disi Mi abi abra oen: so MASRA de taki: Prakseri foe vrede, en no foe ogri, foe gi oen wan hopoe disi ben pramisi kaba Dan oen sa kari na Mi, en oen sa go begi na Mi, en Mi sa arki na oen En oen sa soekoe Mi, en oen sa feni Mi te oen sa soekoe Mi nanga oen heri hati En oen sa feni Mi: so MASRA de taki: En Mi sa drai oen katibo gowe, en Mi sa tjari oen kom makandra komopo foe ala dem natie nanga ala dem presi pe Mi ben jagi oen go: so MASRA de taki: en Mi sa tjari oen kom baka na da presi pe Mi ben meki dem tjari oen komopo gowe na ini katibo. Les 1 Santa Jejej 2/17/2019

20 Bekende versi 30:7 Heloe! Bikasi da dei dati de bigi, so dati no wan tra dei gersi hem; a de da tem foe da trobi foe Jakob, ma A sa verloesoe hem komopo foe hem. .31:3, 8-9; 15, MASRA ben sori Hemsrefi na owroetem na Mi taki: Ja, Mi ben lobi joe nanga wan lobi foe teego; foe dat'ede, Mi ben hari joe kom nanga lobi-fasi.... Les 1 Santa Jejej 2/17/2019

21 Bekende versi 31:8. Loekoe, Mi sa tjari dem kom foe da kondre foe da noord, en tjari dem kom makandra foe dem kaba-pisi foe grontapoe, en nanga dem, dem breniwan nanga dem verlam-wan, da oema nanga bere nanga hem disi ben meki wan pikin; wan bigi hipi soema sa kom baka dja. 9. Dem sa kom nanga krei, en Mi sa tiri dem nanga djeme; Mi sa meki dem waka na wan leti pasi na sei foe dem liba foe watra, en dem no sa naki foetoe fadon na ini; bikasi Mi de wan tata gi Israël, en Efraïm de Mi fosi-gebore pikin. Les 1 Santa Jejej 2/17/2019

22 Bekende versi 15. So MASRA de taki: Dem ben jere wan stem na ini Rama, wan bita krei; Rachel ben krei foe dem pikin foe hem, en a no ben wani troostoe foe hem pikin, bikasi dem no ben de moro.22. O langa joe sa go lontoe, O joe oemapikin disi de dribi baka? Bikasi MASRA ben meki wan njoen sani na tapoe grontapoe; dati wan oema sa go lontoe wan man. .32:17, Ke, Masra Gado! Loekoe, Joe ben meki hemel nanga grontapoe nanga Joe bigi krakti en Joe ben langa Joe anoe, en noti de tranga toemoesi gi Joe; 27. Loekoe, Mi de MASRA, da Gado foe ala libisani; wan sani de disi de tranga toemoesi gi Mi? Les 1 Santa Jejej 2/17/2019

23 Bekende versi 33:3, Kari na Mi, en Mi sa piki joe, en Mi sa sori joe bigi en makti sani disi joe no sabi So leki joe no man teri dem stari foe hemel, en joe no kan marki da santi foe da zee; so Mi sa meki da siri foe David Mi dinari kom hipi, nanga dem Leviet soema disi de dini Mi. .45:27 Ma no frede, O Mi dinari Jakob, en no lasi hati, O Israël; bikasi loekoe, Mi sa verloesoe joe foe farawe, en joe siri foe da kondre foe katibo; en Jakob sa drai kom baka, en a sa tan na ini rostoe en teki bro, en no wan soema sa meki hem kom frede. Les 1 Santa Jejej 2/17/2019

24 Bekende versi 47:6 O joe howroe foe MASRA, o langa a sa de fosi joe sa tan tiri? Poti joesrefi na ini joe boeba; rostoe, en tan tiri. Les 1 Santa Jejej 2/17/2019

25 Klaagliederen - 586 B.C. Inleiding:
.Da boekoe disi de foe 5 singi disi de sari abra fa dem Babylonier soema ben figi Jerusalem poeroe .A ben de alfabetisch, leki Psalm 119 .Wan difrenti Hebreewse letter bigin ibri wan foe dem 22 versi foe hoofdstuk 1 & 2 .Na ini hoofdstuk 3, dem abi 66 versi, nanga 22 groepoe foe 3 versi disi bigin nanga wan tra Hebreewse letter Les 1 Santa Jejej 2/17/2019

26 Klaagliederen Traditie taki dati Jeremia ben sidon krei na da noord skotoe foe Jerusalem, na ondro wan pikin bergi disi dem kari Golgota, pe dem ben kruisi Jezus. .J. Vernon McGee skrifi na ini Briefing the Bible, bl. 232 taki : A de wan boekoe disi de foeroe nanga watra-ai nanga sari. A taki foe skin-hati, wan poezie foe sari-hati, wan odo foe sari; wan singi foe sari, wan psalm foe broko-hati. A de da skotoe foe krei foe da Bijbel: Les 1 Santa Jejej 2/17/2019

27 Klaagliederen Dem Israeliet ben meki Gado mandi: (Klaagliederen 1) Na 1000 B.C., David ben seti hem hoofdstad leki Jerusalem (II Sam.6) Gado ben blesi da lobi foto disi 400 jari langa. A ben gi pasi foe dem Assyrier soema foe tjari dem Israeliet soema gowe foe da noord kownoekondre na ini 721 B.C., ma A ben kibri Jerusalem ete 115 jari moro langa. Ala da sari-hati nanga pasensi ben de foe soso, bikasi Juda ben go doro nanga hem sondoe en a ben kwinsi da Santa Wan foe Israel. Now da kaba doro. Si dem versi disi: Les 1 Santa Jejej 2/17/2019

28 Klaagliederen 1 1:1 Fa da foto de legi disi ben foeroe nanga pipel fosi! Fa a ben tron wan weduwe! Hem disi ben de bigi na mindri foe dem natie, nanga wan kownoe oemapikin na mindri foe dem distrikt, fa a ben moesoe saka na trawan ondro! .1:3 Juda ben go na ini katibo bikasi foe pina, en bikasi foe wan bigi slafoe-dinari wroko; a de tan na mindri foe dem heiden soema; a no feni bro; ala dem soema disi ben lon na hem baka ben kisi hem na mindri foe dem smara presi. Les 1 Santa Jejej 2/17/2019

29 Klaagliederen 1 1:8 Jerusalem ben doe toemoesi bigi sondoe; foe dat'ede dem ben poeroe hem; ala dem soema disi ben gi hem bigi nem veragti hem, bikasi dem ben si hem nanga soso skin; ja, a djeme, en a drai go baka. .1:9 Hem fisti-fasi de na tapoe hem japon; a no membre da kaba foe hem; foe dat'ede a ben broko saka te na ondro na wan verwondroe-fasi; a no abi wan troostoeman. O MASRA, loekoe na mi pina; bikasi da feanti ben opo hemsrefi. .1:17 Sion bradi hem anoe, en no wan soema de foe troostoe hem; MASRA ben meki komanderi abra Jakob, dati dem feanti foe hem sa de lontoe hem; Jerusalem de leki wan oema nanga moen-siki na dem mindri Les 1 Santa Jejej 2/17/2019

30 Da strafoe foe Gado: Klaagliederen 2
.A ben figi ibri oso na ini Juda poeroe: 2:2 .A ben broko ibri fortresi nanga skotoe: 2:2 .A ben beni Hem bo foe kroetoe abra da kondre: 2:4 .A ben gi pasi foe Hem egi tempel foe fadon leki wan pikin tenti foe taki na ini wan djari: 2:6 .Dem feanti foe Juda ben abi fri pasi foe spotoe dem en figi dem poeroe: 2:16 .Dem dedeskin foe dem soema, owroe moksi nanga jongoe wan, ben foeroe dem strati foe Jerusalem: 2:21 Les 1 Santa Jejej 2/17/2019

31 Da Profeti foe Gado: Klaagliederen
Dem watra-ai foe Jeremia ben fadon leki wan warantem alen abra da figi poeroe foe Jerusalem nanga hem folkoe na ini dem pina: .Da sari-hati foe Jeremia:1:12 Joe no ke, oen alamala disi waka pasa? Loekoe en si efoe iniwan sari de leki mi sari, disi dem ben doe nanga mi; di MASRA ben pina mi na ini da dei foe Hem faja hatibron. . Les 1 Santa Jejej 2/17/2019

32 Da Profeti foe Gado: Klaagliederen
1:16 Mi krei foe dem sani disi; mi ai, mi ai lon watra, bikasi da troostoeman disi ben moesoe meki mi sieli kisi troostoe de farawe foe mi; dem pikin foe mi de dem wawan, bikasi da feanti ben wini. .2:11 Mi ai kom swaki nanga watra-ai; mi inisei abi trobi; mi inisei de kanti fadon na da gron, bikasi dem figi da oemapikin foe mi pipel poeroe; bikasi dem pikin nanga dem watrapikin na bobi fadon flauw na ini dem strati foe da foto. .3:1-19 Les 1 Santa Jejej 2/17/2019

33 Da Profeti foe Gado: Klaagliederen 3.
Jeremia taki dan abra da pina disi a ben abi na da anoe foe hem egi kondreman fosi dem Babylonier soema ben kom: 3:52-66 .Da troostoe foe da profeti: Na mindri foe da takroe storm disi wan troostoe de. 3:21-27; Disi mi sa membre; foe dat'ede mi abi hopoe ete A de foe da sari-hati foe MASRA dati dem no ben njan wi, bikasi Hem sari-hati noiti de tapoe Dem de njoen ibri mamanten; Joe vertrouw de bigi! Les 1 Santa Jejej 2/17/2019

34 Da Profeti foe Gado: Klaagliederen 3.
24. MASRA de mi pisi: so mi sieli de taki: Foe dat'ede mi sa hopoe na Hem ini MASRA de boen gi dem soema disi de wakti Hem, na da sieli disi de soekoe Hem A de boen dati wan man sa hopoe en wakti wan tiri-fasi foe da verloesoe foe MASRA A de boen efoe wan man moesoe tjari hem juk na ini hem jongoe tem Bikasi MASRA no sa trowe foe teego; 32. Ma alwasi A ben meki sari kom, tokoe A sa sori sari-hati bikasi Hem sari-hati de bigi Bikasi A no wani pina soema, efoe foe meki dem pikin foe libisoema kisi sari. Les 1 Santa Jejej 2/17/2019

35 Da advis foe da profeti Da advis foe da profeti: 3: Meki wi soekoe en tesi dem pasi foe wi, en drai kom baka na MASRA Meki wi opo wi hati nanga wi anoe na Gado na ini dem hemel. Les 1 Santa Jejej 2/17/2019

36 Da pipel foe Gado: Klaag. 4
.Dem tongo foe dem pikinnengre fasi na tapoe dem mofo bikasi foe dem drei-watra: 4:4 .Dem ben loekoe na dem moro boen jongoewan leki soso klei patoe: 4:2; 5:13 .Dem goedoeman disi ben abi alasani de na tapoe strati now foe begi wan pisi brede: 4:5 .Dem makti fesiman, disi fosi ben de span en moi kroroe, de soso boeba nanga bonjo, en dem fesi tron blaka leki asisi: 4:7-8; 5:12 .Dem safri-fasi oema ben bori en njan dem egi pikin: 4:10 Les 1 Santa Jejej 2/17/2019

37 Da pipel pina Dem falsi profeti nanga priester ben waka degedege tapoe dem strati tapoe nanga broedoe: 4:14 .Dem ben kisi da kownoe srefi, breni hem, en dem ben tjari hem gowe na ini katibo: 4:21 Les 1 Santa Jejej 2/17/2019

38 Begi na Gado: Klaagliederen 5.
Da Wi feni 4 sani na ini da begi foe Jeremia: .Membre: 5:1 Membre, O MASRA, san ben kom na wi tapoe; prakseri, en loekoe na wi sjem. .Sari-hati foe sondoe: 5:16 Da kroon ben fadon komopo foe wi hede; heloe foe wi, bikasi wi ben doe sondoe! .Sabi soema na Gado: 5:19 Joe, O MASRA, de tan foe teego; Joe kownoe-stoeroe de tan foe bakatem pikin te leki bakatem pikin. .Drai lontoe en opwekking: 5:21 Drai wi lontoe foe kom baka na Joe, O MASRA, en wi sa drai lontoe; meki dem dei foe wi kisi libi baka leki na dem owroe dei. Les 1 Santa Jejej 2/17/2019

39 Da Ballingschap Fase Inleiding: Da Ballingschap Fase
1. Psalm 137 taki foe da bigin foe da tem disi, en Psalm 126 taki foe da kaba .Israel ben kom genees foe da sondoe foe afgodrei di a ben libi na ini da foto foe afgodrei .Toe soema skrifi foe da tem disi - wan de da fesiman foe da kondre, en da trawan de wan priester Les 1 Santa Jejej 2/17/2019

40 Inleiding Ballingschap Fase
Sani disi wi feni na ini da tem disi: .3 man disi no ben boigi efoe bron: Dan. 3 .Wan stoeka foe da moro bigi kownoe foe Babylon, Nebuchadnessar (Dan. 1-4) en wan loekoe na fesi foe da moro bigi kownoe foe dem Grieki, Alexander da Grote: Dan. 7:6; 8:5-8, 21-22; 11:3-4 .Wan feti na mindri wan man skapoe foe Perzie en wan man krabita foe Grieki-kondre: Dan. 8 .Wan anoe disi ben skrifi sondro wan skin (Dan. 5), en wan hipi bonjo disi kisi libi (Ezek. 37) Les 1 Santa Jejej 2/17/2019

41 Inleiding Ballingschap Fase
Da wan enkri taki abra fa Gado da Tata loekoe na ini da Bijbel: Dan. 7:9-14 .Bigi profeti-taki disi ben kom doro wan ston disi ben fadon: Dan. 2, en wan bon disi ben fadon (Dan. 4). .Di foe toe leisi dem ben proberi foe poti religie lontoe wan popki: Gen. 11, Dan. 3, Openbaring 13 .Da troe tori foe da Russische inval: Ezek Les 1 Santa Jejej 2/17/2019

42 Inleiding Ballingschap Fase
Gado blesi wan eenvoudig dieet, en A floekoe wan fesa disi ben mankeri gado-fasi (Dan. 1, 5) .Wi feni dem toe arkengel, Gabriel & Michael na ini da tem disi: Dan. 8 & 12 .Da tem disi taki moro abra dem cherubim leki iniwan tra tem: Ezek. 1, 10 .Da tem disi taki foeroe abra anti-Kristus: Dan. 7, 8, 9, 11 Les 1 Santa Jejej 2/17/2019

43 Inleiding Ballingschap Fase
Ezekiel verwijti da foto foe Tyrus, en a taki abra da millenium foto foe Gado: Ezek.26 & 48 .Ezekiel ben bigin nanga da Shekina glori wolkoe foe Gado disi ben komopo (Ezek. 10:18) en a ben kaba di a ben taki dati da glori wolkoe dati sa doro baka: 43:2 Les 1 Santa Jejej 2/17/2019

44 Ezekiel B.C. Ezekiel ben de da manpikin foe wan foe dem priester foe da famiri foe Sadok. Dem ben tjari hem go na Babylon na 597 da srefi tem dem ben tjari kownoe Jojakin gowe. Hem wefi ben dede da dei foe da bigin foe da feti na 588 B.C. (Ezek. 24:1, 15-18) .A ben de 30 jari owroe di a ben bigin foe skrifi, en a ben tan na wan dorpoe na sei da liba Kebar, disi de wan canal disi ben komopo foe da Eufraat liba. .A ben abi toe sortoe wroko: foe membre dem soema foe dem sondoe, en foe gi dem wan toto dati Gado sa abi bigi blesi gi dem na ini da toekomst. Les 1 Santa Jejej 2/17/2019

45 Ezekiel .Wi kan vergelijk Ezekiel nanga wantoe foe dem tra profeti:
.Jesaja taki foe da verloesoe foe Gado .Jeremia taki foe da vonisi foe Gado .Daniel taki foe da kownoekondre foe Gado .Ezekiel taki foe da glori foe Gado Les 1 Santa Jejej 2/17/2019

46 Da Santa-fasi foe da Man foe Gado: Ezek. 1, 2, 33
.Ezekiel si da visioen foe dem libi sani .Fa dem ben loekoe: 1:4-28 .Soema na dem sani? Wi feni dati dem de cherubim: 10:20, dem engel foe wan foe dem top groepoe. Dem sori demsrefi 3 leisi na ini da woortoe foe Gado: Les 1 Santa Jejej 2/17/2019

47 Cherubim Na ini da djari foe Eden, pe dem moesoe kibri Adam so dati a no njan foe da bon foe libi baka hem sondoe: Gen. 3:22-24 .Ezekiel dja na ini Babylon: 1:4-28 .Na ini hemel, na ini da visioen foe Johannes: Open. 4:6-8 .Sortoe wroko dem sani abi? .Foe kibri da gerechtigheid foe Gado: Gen. 3:24; Ex. 26:1; 36:8, 35 .Dem de symbool foe da sari-hati foe Gado: Ex. 25:22; 37:9 Les 1 Santa Jejej 2/17/2019

48 Cherubim Foe jepi na ini da administratie foe da kownoekondre foe Gado: I Sam. 4:4; Ps. 80:1; 99:1; Ezek. 1:22, 26 .Foe membre foe teego foe da dienst foe Masra Jezus Kristus: .Matteus, skrifi gi dem Djoe, disi sori Kristus leki wan leeuw, da messias .Markus, skrifi gi dem Romeini soema, disi sori Kristus leki da kaw, wan dinari .Lukas, skrifi gi dem Grieki soema, disi sori Kristus leki da man sondro foutoe .Johannes, skrifi gi heri grontapoe, disi sori Kristus leki da adelaar, da makti Gado Les 1 Santa Jejej 2/17/2019

49 Ezekiel jere da stem foe da libilibi Gado: 2:1-8:7; 33:1-22
.A ben gi hem da wroko foe de da waktiman foe Israel .A ben moesoe gi dem ogriwan wan waarskow dati efoe dem ben fika dem ogridoe, Gado no ben sa figi dem poeroe skin-fasi .A ben waarskow dem regtvaardiki wan dati efoe dem ben fika dem regtvaardiki fasi, Gado sa figi dem poeroe skin-fasi. .A ben moesoe doe disi sondro foe frede efoe loekoe na soema persoon A ben moesoe teki helemaal da boskopoe foe Gado: 3:1-2; Open. 10:8-11 Les 1 Santa Jejej 2/17/2019

50 Jerusalem sa figi poeroe en legi: 4-24
Drie difrenti sortoe tem dem ben feti agensi Jerusalem en tjari soema gowe: .605 B.C. Dem ben tjari Daniel nanga trawan foe dem kownoe famiri gowe: Dan. 1:3-4; II Kron. 36:6-7 .597 B.C. Dem ben tjari kownoe Jojakin nanga Ezekiel nanga foeroe tra soema go na Babylon: II Kon. 24:10-16 .586 B.C. Dem ben tjari Sedkia, da laasti kownoe foe Jerusalem gowe, dem ben broko dem skotoe foe Jerusalem, en dem ben bron da tempel nanga da foto: II Kon. 25:1-7 Les 1 Santa Jejej 2/17/2019

51 Ezekiel San wi leisi na ini Ezekiel 4-24 ben pasa na mindri foe di foe toe en di foe drie fase. A gersi dati wantoe falsi profeti na ini Jerusalem nanga Babylon ben taigi dem soema dati Gado no sa gi dem pasi foe figi Hem egi foto poeroe, alwasi dem ben de nanga toe bita feti kaba. Ma Ezekiel ben sabi moro boen, en a ben proberi foe taigi dem soema doro symbool, gersi-tori, visioen & preek dati da Santa Foto sa legi en dem sa figi hem poeroe. Les 1 Santa Jejej 2/17/2019

52 Ezekiel ben gi 12 symbool sani a ben doe:
.A ben teken wan karta foe Jerusalem tapoe wan plata pisi klei, en a ben sori fa dem ben poti dem feti-gotro lontoe da foto. A ben sori dem kampoe, nanga dem bigi oedoe disi kan broko dem portoe. Dan a ben poti wan isri preti na mindri foe hemsrefi nanga da karta. Disi ben de foe sori dati no wan soema kan boro doro da Babylonier legre, en no wan soema kan lon go kibri: 4:1-3 .A ben didon wantoe joeroe na tapoe hem kroektoeanoe sei 390 dei langa foe sori da sondoe foe da noord kownoekondre. Ibri dei ben de foe wan jari. 4:4-5 Les 1 Santa Jejej 2/17/2019

53 12 symbolische sani Dan a ben didon tapoe hem letianoe sei wantoe joeroe langa foe sori da sondoe foe Juda, da zuid kownoekondre. Ibri dei ben de foe wan jari: 4:6 Wi moesoe taki dati wi no sabi fin’fini abra dem jari. Unger ben skrifi na ini Unger’s Bible Handbook, bl. 367 taki: Fa a ben pina 390 dei na hem kroektoeanoe sei en 40 dei na hem letianoe sei (430 jari) ben meki wi denki abra da tem foe ballingschap na ini Egypti: Ex. 12: So srefi Israel nanga Juda sa go na ini katibo. Ma da katibo foe da noord kownoekondre sa de moro langa. Les 1 Santa Jejej 2/17/2019

54 12 symbolische sani A ben meki brede disi meki foe moksi sortoe tarwe & gerst, en a ben baka hem tapoe kaw poepa disi ben seti na faja. Disi ben de foe sori dati dem no sa abi foeroe njanjan na ini Jerusalem. 4:9-17 .A ben kraboe hem hede nanga hem barba nanga wan srapoe howroe, en a ben prati da wiwiri na ini 3 aparti pisi: 5:1-4 .Di foe drie pisi a ben bron .Di foe drie pisi a ben kapoe nanga wan howroe .Di foe drie pisi a ben trowe na ini da winti foe panja hem Les 1 Santa Jejej 2/17/2019

55 12 symbolische sani Disi ben de foe sori san sa miti dem soema foe Jerusalem nanga Juda. Di foe drie pisi sa dede na ini faja na da tem disi dem feti agensi Jerusalem. Di foe drie pisi sa dede nanga da howroe, en dem disi ben tan abra sa panja. A ben moesoe stampoe hem foetoe en naki hem anoe samen foe meki dem arki .Dan a poti wantoe krosi na dorosei foe hem oso. Na mofoneti, a ben diki wan pasi doro da skotoe foe da foto. Di a ben go doro, a ben tapoe hem fesi en tjari hem lai. Les 1 Santa Jejej 2/17/2019

56 12 symbolische sani Dem wantoe sani disi a ben tjari ben de foe sori fa dem soema na katibo sa gowe es’esi foe dem oso .Da olo na ini da skotoe sa sori fa dem de angri foe komopo foe Jerusalem, disi moesoe fadon .Da fesi disi tapoe ben de foe sori Sedkia, da laasti kownoe foe Juda, bikasi Nebuchadnessar ben diki hem ai poeroe bikasi foe hem tranga jesi nanga opstand: II Kon. 25:1-7 Les 1 Santa Jejej 2/17/2019

57 12 symbolische sani A ben moesoe beifi nanga hem njanjan nanga hem watra leki a sa de da laasti sani disi a sa njan: 12:17-20 .A ben moesoe hari wan brinki howroe na loktoe lontoe, en bari krei, en naki tapoe hem bowtoe: 21:9-17 Les 1 Santa Jejej 2/17/2019

58 12 symbolische sani A ben meki wan karta foe da midden oost en a ben sori toe fasi disi da kownoe foe Babylon kan waka. Wan ben go na Jerusalem, en wan na Rabba-Ammon. Ala toe foto ben kom na opstand agensi Nebuchadnessar na ini 593 B.C. Ezekiel ben sori da kownoe na wan kruisi-punt. Sortoe foto dem sa figi poeroe fosi? Wi si da sari antwoord: 21: Da woortoe foe MASRA ben kom na mi agen taki: 19. Moro fara, joe soemapikin, seti toe pasi so dati da howroe foe da kownoe foe Babel kan kom; ala toe sa komopo foe wan kondre; en verkisi wan presi; verkisi hem na da bigin foe da pasi na da foto. Les 1 Santa Jejej 2/17/2019

59 12 symbolische sani 20. Seti wan pasi so dati da howroe kan kom na Rabba foe dem Ammoniet soema, en na Juda na ini Jerusalem, da foto di abi skotoe Bikasi da kownoe foe Babel ben tanapoe pe dem pasi prati na toe, na da bigin foe dem pasi, foe doe loekoeman wroko; a ben meki hem peiri brinki, a ben loekoe na dem popki, a ben loekoe na da lever Na hem letianoesei, da lot foe Jerusalem ben de, foe seti dem kapten, foe opo da mofo na ini da slakti, foe opo da stem foe bari, foe seti dem fetisani agensi dem portoe, en foe diki wan feti-gotro, en foe bouw wan fortresi. Les 1 Santa Jejej 2/17/2019

60 12 symbolische sani A ben foeroe wan patoe nanga watra disi koekoe, en a ben poti dem moro diri meti na ini te leki da meti ben komopo foe dem bonjo. Dan a ben trowe ala en a ben gi da patoe wan kans foe baka hemsrefi kom drei foe poeroe da skoema nanga da verroestoe. 24: Dja wi kan si krin san a wani taki. Da kroetoe faja foe Gado sa figi dem boen en goedoeman foe Jerusalem toe. A sa trowe ala dem soema foe hem kondre komopo so dati dem kan krin Hem santa foto foe ala skoema nanga verroestoe. Les 1 Santa Jejej 2/17/2019

61 12 symbolische sani .Gado ben taigi hem dati a no moesoe sori sari di hem lobi wefi ben dede: 24: Charles Feinberg ben skrifi na ini The Prophecy of Ezekiel, bl taki: Ezekiel no ben man tapoe hem hede (II Sam. 15:30), waka nanga soso foetoe (Jes. 20:2), efoe tapoe hem moro lagi mofo-boeba (Lev. 13:45; Micha 3:7) Dem priester ben abi pasi foe sari foe dem krosibei famiri, ma Gado ben hori Ezekiel apart foe wan spesroetoe wroko. A ben de da gwenti foe da tem dati foe soema seni njanjan foe wan fesa foe sori sari: Deut. 26:14; Jer. 16:7; Hosea 9:4. Les 1 Santa Jejej 2/17/2019

62 12 symbolische sani Di Ezekiel ben kisi so wan opdrakti, a ben abi foe saka hem egi firi na ondro, foe doe da wroko foe wan profeti na ini da wani foe Gado. Alwasi a ben sabi dati hem wefi ben abi wantoe joeroe nomo foe tan na libi, tokoe a ben go doro nanga da wroko disi Gado ben gi hem. A de wan bigi voorbeeld foe soema disi gi jesi. Les 1 Santa Jejej 2/17/2019

63 12 symbolische sani Wan foe dem moro tranga versi foe sori disi na ini da Bijbel de: Ezek. 24:18 So mi ben taki nanga da pipel na mamanten, en mofoneti mi wefi ben dede; en na mamanten mi ben doe so leki A ben komanderi mi. Gado ben taigi hem foe a no moesoe hori lo gi hem wefi foe sori dati Gado srefi no sa sari abra da dede foe Jerusalem. A de belangrijk foe si dati a ben dede da srefi dei dati Nebuchadnessar ben bigin hem di foe 3 aanval tapoe Jerusalem. Les 1 Santa Jejej 2/17/2019

64 Twalfoe kroetoe foe Ezekiel
Wan samenvatting foe dem belangrijk punt foe Ezekiel preek ben de: .Gado ben hori baka Hem bigi hatibron alwasi Israel ben sori asranti fasi agensi Hem komanderi: 20:7-10, 14, 21-22 .Gado no ben abi prisiri foe koti kroetoe tapoe Hem pipel en A ben kari da folkoe foe kom baka na Hem. 18:31-32 .Juda no ben wani arki, en now da tem foe hem strafoe doro kaba: 7:6, 12 .Dem sa figi Juda poeroe, no bikasi foe dem sondoe foe dem tata, ma bikasi foe dem egi ogridoe: 18:1-4, 20 .Alwasi Noach, Daniel & Job ben de na ini Jerusalem, tokoe Gado ben sa figi hem poeroe: 14:14, 20 Les 1 Santa Jejej 2/17/2019

65 12 kroetoe… Hem legre no sa abi krakti foe kibri da foto: 7:14
.Hem goedoe no ben man bai wan minuut moro foe hem vrijheid. 7:19 .Da Santa Foto foe Gado ben tron da hoeroe-foto foe satan .Gado sa tjari Jerusalem go na ini da moro takroe natie en folkoe foe teki dem kondre nanga dem oso: 7:24 .Dem sa bron dem foto foe Juda, en dem sa masi dem popki: 6:4, 6 .Fo bigi strafoe sa fadon tapoe dem burger: angribere, boesi meti, feti nanga pesti-siki. Les 1 Santa Jejej 2/17/2019

66 6 gersi-tori foe Ezekiel:
.Wan druivi-bon sondro froktoe: 15:1-8 .Da druivibon de wan symbool foe Israel (Deut. 32:32; Ps. 80:8-12; Jes. 5:1-7; Jer. 2:21; Hos. 10:1; Mt. 21:33 .Da wan enkri waarti foe da bon de foe meki froktoe. A no de ben foe wroko nanga da oedoe foe meki sani efoe foe bron. .Bikasi da druivi-taki no ben wani doe hem wroko, dem sa bron hem: Jn. 15:6 Les 1 Santa Jejej 2/17/2019

67 6 gersi-tori Da kweki-meisje disi ben tron wan hoeroe-oema: 16:1-63 Dr. Charles Feinberg ben skrifi disi leki wan inleiding foe da gersi-tori na ini The Prophecy of Ezekiel, bl. 85 taki: Disi de da moro langa hoofdstuk na ini Ezekiel, en dem taigi da tori fin’fini na ini ala dem fisti sani disi ben pasa, so dati wi kan si fa Gado firi troe troe foe dem sondoe foe Israel. Rabbi Eliëzer ben Hyrcanus ben taki na ini da mishna dati dem no moesoe leisi da hoofdstuk disi na ini openbaar efoe foe vertaal hem. Les 1 Santa Jejej 2/17/2019

68 Da kweki meisje .Gado ben feni wan baby meisje na ini wan gron pe soema disi no ben wani hem ben trowe hem. Hem nem na Israel (15:1-5) Disi wani taki abra da katibo foe Israel na ini dem fosi wantoe hoofdstuk foe Exodus: (Si Ex. 1:13-14; 2:23; 3:7) Gado ben teki da meisje disi leki Hem egi pikin. Di a ben kom bigi nofo foe trow, A ben trow nanga hem leki Hem egi wefi: 16:8. Disi ben pasa na da bergi Sinai di Gado ben seti Hem akkorderi nanga Israel: Ex. 19:5, en loekoe Ezek. 16:9 & Ex. 19:14 Les 1 Santa Jejej 2/17/2019

69 Da kweki meisje Baka da trow, Gado ben gi hem dem mori moi krosi, dem moro diri moimoi, nanga da moro boen njanjan foe Hem lobiwan: 16: Disi ben pasa na ini da geschiedenis foe Israel na ondro David nanga Salomo: II Sam. 8:11; I Kon. 3:13; 10:4-7 .Ma da oema no ben wani hem lobi moro, en a ben tron wan soso strati waka-oema: 16:15-34 A no ben kan libi hem na so wan fasi, bikasi da Masra ben de da kroetoeman toe. Foe dat’ede A ben meki wan besroiti foe poti hem na ini da anoe foe dem soema disi ben taki dati dem lobi hem, foe meki dem strafoe en mishandri hem: 16:36-41 Les 1 Santa Jejej 2/17/2019

70 Da kweki meisje .Na da tem disi, a ben doe moro ogri leki hem bigi sisa (Samaria, da hoofdstad foe da noord kownoekondre) en foe hem moro pikin sisa, Sodom: Ezek. 16:46-50 .Baka da tem dati A ben strafoe hem, Gado srefi sa tjari hem kom baka na Hemsrefi (nanga dem toe sisa disi ben doe sondoe toe) bikasi A lobi hem, en bikasi A ben meki wan pramisi gi Abraham. 16:53, 60, 63 Les 1 Santa Jejej 2/17/2019

71 Dem toe adelaar: 17:1-21 . Dem sani dati dem taki abra na ini da gersi-tori disi taki abra san ben pasa na mindri foe Juda, Babylon nanga Egypti na B.C. Dem soema disi de na ini da tori de Jojakin, Sedkia, nanga Nebuchadnessar. Foe si da geschiedenis foe da tem disi, loekoe na II Kon. 24:8-20; II Kron. 36:9-13; Jer. 37: 52:1-7 Les 1 Santa Jejej 2/17/2019

72 Da safoe taki: 17:22-24 .Gado srefi ben taki dati A sa prani da moro boen en moro safoe taki tapoe da moro hei bergi foe Israel: 17:22 .Da taki sa gro na ini wan bigi bon, disi sa blesi ala soema nanga hem froktoe nanga hem kowroe-pe: 17:23 .Doro disi, heri grontapoe sa sabi da makti foe Gado, en san A de van plan foe doe: 17:24 .Dem versi disi de wan inleiding foe wan profeti-taki abra da messias: Jes. 2:2-4; Micha 4:1-4. Da safoe taki de da messias: Jes. 11:1; 53:2; Jer. 23:5-6; 33:15; Zach. 6:12; Open. 22:16, en da hei bergi de Sion: Ps. 2:6 Les 1 Santa Jejej 2/17/2019

73 Da mama leeuw nanga dem pikin foe hem: 19:1-9
.Wan mama leeuw ben meki wantoe pikin. Wan foe hem ben gro te leki a ben sabi fa foe njan mannengre. Dem ben kisi hem na ini wan trapoe, en dem ben tjari hem gowe na Egypti: 19:1-4 .Wan trawan ben doe so srefi, en dem ben tjari hem gowe na Babylon: 19:5-9 .Som bribi dati da mama leeuw ben de Hamutal, da wefi foe Josia, en da mama foe 3 kownoe foe Juda. Da fosi wan ben de Joachaz, disi Farao Neko ben tjari gowe na ini doengroe-oso na ini Egypti. Da di foe toe ben de Sedkia, (da laasti boi foe Hamutal). A ben de da laasti kownoe foe Juda, en Nebuchadnessar ben tjari hem gowe na ini Babylon. II Kon. 24:18 Les 1 Santa Jejej 2/17/2019

74 Toe hoeroe-sisa: 23:1-49 Toe sisa bigin dem sari geschiedenis foe hoeroedoe nanga Egypti: 23:1-3 .Dem nem foe dem meisje de Ahola nanga Aloiba, en dem de Samaria & Jerusalem: 23:4 .Da nem Ahola wani taki “hem tenti” en a ben taki dati Gado noiti ben gi toestemming foe da falsi religie foe Samaria, da hoofdstad foe da noord, disi Jerobeam ben bigin: I Kon. 12: So “hem tenti” ben wani taki foe hem egi religie disi no ben taki abra Gado Les 1 Santa Jejej 2/17/2019

75 Toe hoeroe-sisa… Da nem Aloliba wani taki “mi tenti de na hem ini” disi kande wani taki dati Gado ben de na ini da tempel foe Jerusalem alwasi Juda ben doe sondoe .A taki dati ala toe foe dem meisje ben hoeroe bikasi foe da hoeroedoe foe Egypti. Disi kan taki dati ala toe ben lobi da religie nanga da politiek foe Egypti. . Les 1 Santa Jejej 2/17/2019

76 Toe hoeroe-sisa Ahola ben bigin foe abi wan relatie nanga Assyrie: 23:5 Disi ben pasa na ondro Kownoe Menahem, da kownoe foe da noord disi ben tron mati foe Assyrie: II Kon. 15:13-20 .Aholiba ben doe da srefi sani nanga Babylon. Kownoe Hizkia ben teki dem ambassadeur foe Babylon bijna leki dem gado: II Kon. 20:12-19; II Kron. 32:31 .Gado ben meki wan besroiti foe poti dem meisje na ini da anoe foe da lobiwan foe dem foe mishandri dem: 23:9, 22, 24 Les 1 Santa Jejej 2/17/2019

77 Da visioen foe da tempel na ini Ezekiel: 8:1-11:24
.Juda ben gowe foe da glori foe Gado .Ezekiel ben go na ini wan visioen en dem ben tjari hem komopo foe Babylon kom na Jerusalem na ini da tempel na ini September 592 B.C. Dja a ben si dem sani disi ben pasa na ini da Santa Foto na da momenti dati: 8:1-3 .Fosi a si wan popki na da noord foe da portoe foe da altari: 8:5 Les 1 Santa Jejej 2/17/2019

78 Da tempel… Dan a ben go na ini wan kibri kamra na ini da opo presi foe da tempel, pe a si da muur tapoe nanga ala sortoe sneki nanga boeka nanga kroipi sani. Na ini da kamra 70 foe dem gran soema foe Israel de, nanga wan sani foe bron switi smeri sani en dem aanbegi dem takroe sani disi. Da fesiman foe dem takroedoe de Jaäzanja, da manpikin foe Safan. Ezekiel ben moesoe bijna flauw, bikasi a ben de da srefi Safan disi ben leisi da boekoe foe da wet gi Kownoe Josia nanga da bigi opwekking na ini Jerusalem 30 jari na dem baka. II Kon. 22:8-11. Les 1 Santa Jejej 2/17/2019

79 Da tempel Ma now hem manpikin de na fesi foe da takroe afgodrei disi: Ezek. 8:7-11; Rom. 1: Dr. Feinberg skrifi na ini The Prophecy of Ezekiel, bl. 51 taki: Dem 70 man no ben de foe da Sanhedrin, disi no ben kom te leki dem ben kom baka foe Babylon. Da nomroe kande taki foe Ex. 24:9-10 & Num. 11:16. Na ini da tem foe Ezekiel, disi ben de dem soema disi no ben de dem priester... Gado ben poti 70 leider na ini dem jari na dem baka en da moro belangrijk sani dem ben moesoe doe de foe kibri demsrefi agensi afgodrei. Fa dem ben pori da oproeping disi! Les 1 Santa Jejej 2/17/2019

80 Da kerki foe satan… Baka disi, da profeti ben go na da noord portoe foe da tempel. Dja a ben si dem oema disi ben krei gi Tammuz, dem gado: 8:14. A de wan sari tori foe leisi abra da religie foe Tammuz: .Da kerki foe Satan ben bigin na da toren foe Babel na ini Gen. 11:1-9, 24 eeuwen B.C. Da presi na da plata presi foe Sinar ben de krosibei pe wi denki dati Eden ben de - en now dem meki hem wan presi foe dini didibri Les 1 Santa Jejej 2/17/2019

81 Da kerki foe satan… Da fosi priester foe Satan ben de Nimrod, da apostate takroe granpikin foe Noach: Gen. 10:8-10 .Da gewoon geschiedenis & traditie ben taki dati Nimrod ben trow nanga Semerimus, wan oema disi ben de so takroe en foeroe nanga takroe jeje leki hemsrefi. Di a ben sabi da pramisi foe wan messias (Gen. 3:15), Semerimus ben taki dati hem boi Tammuz ben de hem. .Semerimus ben bigin wan religie pe soema ben loekoe na hem nanga hem boi leki dem de gado. A ben de da fosi hoge priester-oema, en a ben bigin wan falsi leri foe oema-pikin disi ben panja abra heri grontapoe Les 1 Santa Jejej 2/17/2019

82 Da kerki foe satan… Sortoe leri ben de na ini da kerki foe Semerimus?
.A de da pasi foe go na hemel. A ben kari hemsrefi da koningin foe hemel .Hem wawan ben kan verloesoe soema doro sacramenti, leki foe wasi nanga santa watra .Hem manpikin Tammuz ben dede di a ben go honti wan gran boesi agoe 40 dei moro lati a ben opo baka foe dede. Ibri jari dem tempel krin wendje ben faste 40 dei langa foe denki abra da dede foe Tammuz & fa a ben opo baka Les 1 Santa Jejej 2/17/2019

83 Da kerki foe satan… Baka 40 dei, dem ben abi wan prisiri fesa, Ishtar. Dem ben prati kroroe eksi, en dem ben njan dem leki wan symbool foe da opo baka. Dem ben sori wan evergreen bon (wan bon disi noiti lasi hem wiwiri na ini da kowroe tem), en dem ben bron wan spesroetoe oedoe. Te foe kaba dem ben njan wan koekoe disi ben abi wan marki foe T na tapoe foe membre ala soema abra Tammuz. .Jeremia ben taki agensi da falsi religie disi: Jer. 7:18; 44:25 Les 1 Santa Jejej 2/17/2019

84 Afgodrei na ini da tempel
Ezekiel ben waka go moro fara, en a ben si 25 man nanga dem baka na da tempel, en dem ben aanbegi da zon na da oost. 8:16. Dr. Feinberg skrifi (op. cit. bl. 52) taki: Ezekiel ben si da moro bigi broko saka na da Gado foe hemel nanga grontapoe. Twenti-na-feifi man na ini da santa presi ben aanbegi da zon, san dem Perzier soema ben doe. Mozes ben gi dem wan waarskow agensi disi kaba: Deut. 4:19. Les 1 Santa Jejej 2/17/2019

85 Afgodrei na ini da tempel
Dem 25 man de wan symbool foe dem 24 Leviet priester groepoe, nanga da hogepriester leki fesiman. Wi ben si dati dem gewoon man nanga dem oema ben doe afgodrei, ma now wi si dati a de na ini dem priester srefi. Prakseri! Da sani disi Gado ben meki foe sori da glori foe Gado na ini da schepping (Ps. 19) ben drai foe poeroe da glori foe Gado. Di dem ben drai foe poti dem fesi gi da zon, dem ben drai dem baka na da tempel foe Gado. Disi ben de wan fasi foe sori opstand agensi Gado, en foe trowe foe aanbegi Hem. No wan fasi de foe trowe Gado moro fara: II Kron. 29:6. Da kan foe dem ogridoe ben foeroe te leki a kai wo. Les 1 Santa Jejej 2/17/2019

86 Krini da tempel Gado taigi da fesiman foe waka dorodoro na ini dem strati foe Jerusalem, en marki dem fesi-hede foe dem soema disi de sari abra da sondoe foe Juda: 9:3-4 Da marki disi ben de foe kibri dem toe: Open. 7:1-3; Gal. 6:17; Open. 13:16-18; 14:1; II Tim. 2:19 .Dem tra engel nanga howroe ben kisi wan opdrakti foe waka na baka da fosi engel, en foe kiri ibri soema disi no ben abi da marki. 9:5-11 Dem ben moesoe bigin na da tempel. Disi de pe da kroetoe foe Gado bigin: I Pet. 4:17 . Les 1 Santa Jejej 2/17/2019

87 Krini da tempel Ezekiel begi gi Jerusalem leki Abraham ben begi gi Sodom. (Gen 18:23-33 & Ezek. 9:8), ma Gado ben taigi hem dati da situatie de so erg dati a no abi foe begi moro - dati no sa sari. Dem fesiman foe Juda no ben gi jesi na ala dem tem disi Gado ben gi dem wan waarskow, en dem ben taigi demsrefi dati Gado ben wroko doro da ballingschap foe poeroe soema leki Daniel & Ezekiel foe go na Babylon bikasi foe dem sondoe. 11:14-51 Les 1 Santa Jejej 2/17/2019

88 Da glori foe Gado gowe foe Jerusalem
.Ezekiel si da glori wolkoe abra da verzoen-deksel: 9:3 .Dan a ben go na da doro foe da tempel: 10:4 .Dan a ben froisi go na da oost portoe: 10:18-19 .Te foe kaba, a ben go na da Olijf bergi, en dan a ben gowe: 11:23 Na da momenti disi, dem ben kan skrifi da woortoe Ikabod tapoe Jerusalem - da glori foe Gado ben gowe komopo foe Jerusalem. I Sam. 4:22 Ma komopo foe dem blaka wolkoe foe sari, wan leti sa kom, nanga wan hopoe komopo foe da woortoe foe Gado: 11:17-20 Les 1 Santa Jejej 2/17/2019

89 Afgodrei na ini da tempel
.Di a ben tanapoe nanga skreki foe si ala dem afgodrei, a si 6 soema foe hemel kom, ibri wan nanga hem howroe. Dem ben waka na baka wan soema disi weri linnen krosi, en disi ben tjari wan dosoe foe wan skrifiman: 9:1-2 Kande da man de da engel disi skrifi sani gi Gado, en kande da tra dosoe ben hori da boekoe foe Libi: Ex. 32:32; Ps. 69:28; Ps. 139:16; Jes. 4:3; Dan. 12:1; Fil. 4:3 Les 1 Santa Jejej 2/17/2019