Doctrine III – Les 12 Da Leri Abra Profeti V

Presentatie over: "Doctrine III – Les 12 Da Leri Abra Profeti V"— Transcript van de presentatie:

1 Doctrine III – Les 12 Da Leri Abra Profeti V
Bijbel Baptist Kerk Les Doctrine III – Les 12 Da Leri Abra Profeti V Robert D. Patton Da Froktoe foe da Jeje: Lobi 1/16/2019

2 Te Jezus sa kom baka… Bigi marki sa de na ini da loktoe fosi:
Mt. 24:29 Wantem baka da trobi foe dem dei disi, da zon sa kom doengroe, en da moen no sa gi hem leti, en dem stari sa fadon komopo foe hemel, en dem makti na ini hemel sa seki. Lk. 21: En dem sa si marki na ini da zon en na ini da moen en na ini dem stari; en na tapoe grontapoe, foeroe trobi foe dem natie, nanga dangra-hede, en da zee nanga dem skwala sa bari; 26. Dem soema hati sa smelti nanga frede, en foe loekoe dem sani disi sa kom na tapoe grontapoe, en dem makti na ini hemel sa seki. Les 1 Santa Jejej 1/16/2019

3 Jezus sa kom baka Dan dem hemel sa opo en Jezus sa kom na doro:
Mt. 24:30 En dan da marki foe Soemapikin sa sori na ini hemel; en dan ibri famiri na grontapoe sa sari, en dem sa si Soemapikin saka kom na ini dem wolkoe foe hemel nanga krakti nanga bigi glori. II Tess. 1:7 En foe oen disi ben pina foe abi rostoe nanga wi, te Masra Jezus sa sori Hemsrefi foe hemel nanga dem makti engel foe Hem, Les 1 Santa Jejej 1/16/2019

4 Jezus sa kom baka Openbaring 1:7 Loekoe, A de kom na ini dem wolkoe, en ibri ai sa si Hem, nanga dem soema toe disi ben djoekoe Hem; en ala famiri foe grontapoe sa bari krei bikasi foe Hem. 19:11 En mi ben si hemel opo, en loekoe, wan weti asi, en dem kari Hem disi ben sidon na hem tapoe Getrouw en Troe, en A kroetoe en A feti nanga gerechtigheid. Les 1 Santa Jejej 1/16/2019

5 Masra Jezus doro tapoe da Olijf bergi en wan bigi aardbeifi pasa
A de 318 foetoe hei moro leki da bergi Moria A de 2743 foetoe boven da zee spiegel Hem nem de bikasi foe dem olijf di gro drape Som leisi dem kari hem da bergi foe leti: bigin foe wan njoen moen, jari, enz. David ben pauze, begi en krei di a ben lowe foe Absalom: II Sam. 15:30,32 Les 1 Santa Jejej 1/16/2019

6 Da Olijf bergi .Traditie taki dati Masra Jezus ben taki Onze Vader begi fosi dja .Da Kerki foe Masra Begi disi ben bouw na ini 1868, abi da begi disi skrifi na ini 32 tongo na tapoe 32 pisi marmer; ibri wan de 3 foetoe bradi en 6 foetoe langa. Da Bijbel taki dati Jezus ben go drape foeroe leisi: Lk. 22:39 En A ben komopo, en A ben go leki A ben gwenti na da Olijfbergi, en Hem discipel ben waka go na Hem baka toe. .A ben seni dem discipel foe soekoe wan jongoe boeriki dja di A ben rij kom na ini da Palm zondag - Mt. 21:1 Les 1 Santa Jejej 1/16/2019

7 Da Olijf bergi A ben taki Mt. 24-25 foe dja
.A ben kom dja baka da tem disi a ben abi avondmaal, en kande a ben taki da hogepriester begi foe Jn. 17 drape: Mt. 26:30 .A ben sribi tapoe da gron dja wantoe leisi na da laasti wiki na grontapoe: Lk. 21:37 A ben go baka na hemel komopo foe dja: Tori 1 A sa kom baka dja di A kom baka: Zach. 14 Les 1 Santa Jejej 1/16/2019

8 Kristus Jezus waka go na Harmaggedon
Baka da tem disi A doro na da Olijf bergi, Kristus sa go na Petra na Bozra, toe foe dem bigi foto foe Edom. Alwasi wi no kan taki foe zeker, wi denki dati A go na Edom foe tjari makandra dem Djoe disi kibri demsrefi drape. Nanga dem santa engel, da kerki, en Israel disi tan abra, Kristus waka go na Harma-geddon: Jes. 34:6; 63:1 Les 1 Santa Jejej 1/16/2019

9 Dem Djoe prisiri na ini dem messias
Ma Jesaja gi wi da moro krin prenki foe alasani te a loekoe foe Jerusalem leki wan profeti: Soema na disi di komopo foe Edom, nanga kroroe krosi foe Bosra? Hem disi abi glori na ini Hem krosi, disi waka na ini da tranga foe hem krakti? Dan da antwoord foe da hipi soema piki baka te leki da bigi hipi kom krosibei na Zion taki: Mi disi taki na ini gerechtigheid, disi dem makti foe verloesoe. Les 1 Santa Jejej 1/16/2019

10 Da kaba foe Harmageddon
Foe san’ede Masra Jezus sa kom baka? 1. Foe wini antikristus nanga dem natie foe grontapoe disi moksi makandra na Harmageddon. Na ini wantoe zin wi jere fa da heri rijk foe Satan broko saka te Masra sori Hemsrefi. Wi jere fa da hipi soema foe satan ben lasi kaba na Harmageddon. Les 1 Santa Jejej 1/16/2019

11 Jezus kom Openbaring 19:17. En mi ben si wan engel disi ben tanapoe na ini da zon; en a ben bari nanga wan tranga stem gi ala dem fowroe disi de frei na mindri foe hemel taki: Kom makan-dra na da njanjan foe da bigi Gado; 18. Foe oen kan njan da skin foe dem kownoe nanga da skin foe dem kapten nanga da skin foe dem makti man nanga da skin foe dem asi nanga dem soema disi sidon na dem tapoe, nanga da skin foe ala mansoema, foe friman nanga slafoe, foe pikinwan nanga bigiwan. Les 1 Santa Jejej 1/16/2019

12 Jezus kom Di dem legre, disi ben kom makandra na da centrum foe grontapoe, loekoe nanga verwondroe te da Kownoe foe glori sori hemsrefi, dem loekoe foe wan momenti na da zon. Drape na ini hem brinki de wan engel; en te a kari, hipi hipi fowroe kom, en dem frei lontoe dem legre foe grontapoe, dem dem kari wan na trawan te dem denki abra da fesa disi sa kom. Da feti no ben pasa ete, ma da marki de ogri srefi. Ibri momenti da loktoe kom moro doengroe nanga dem hipi tingi fowroe Les 1 Santa Jejej 1/16/2019

13 Heri grontapoe kom feti agensi Kristus
Openbaring 19:En mi ben si da meti, nanga dem kownoe foe grontapoe nanga dem legre kom makandra foe feti agensi Hem disi ben sidon tapoe da asi, en agensi Hem legre. Heri grontapoe ben kom. Alwasi kande dem ben kom foe difrenti reden, now dem frigiti dem verschil en kom makandra agensi da uitdaging foe loktoe. Les 1 Santa Jejej 1/16/2019

14 Gado lafoe antikristus & hem legre
Dem natie kom makandra, so leki Psalm 2 taki. Tokoe te da komakandra foe dem bigi kownoe panja foe taigi dem legre san dem ben besroiti, dem jere bigi lafoe komopo foe hemel. Ps. 2:4 Hem disi de sidon na ini hemel sa lafoe; Masra sa spotoe dem. A de da srefi owroe tori. Dem natie na ini dem dom-fasi ben kom agensi Kristus da fosi leisi A ben kom. Les 1 Santa Jejej 1/16/2019

15 Dem ben taki foe Psalm 2 baka da fosi kom foe Jezus, en now A sa kom
Da fosi kerki ben taki na ini Tori 4: En di dem ben jere dati, dem ben opo dem stem na Gado nanga wan hati, en dem ben taki: Masra, Joe de Gado, disi ben meki hemel nanga grontapoe nanga da zee nanga alasani disi de na ini; 25. Joe ben taki nanga da mofo foe Joe dinari David taki: Foe san'ede dem heiden soema krasi, en dem pipel prakseri soso sani? 26. Dem kownoe foe grontapoe ben opo tanapoe, en dem fesiman ben kom makandra agensi MASRA, en agensi Hem Kristus. Les 1 Santa Jejej 1/16/2019

16 Psalm 2… 27. Bikasi foe troe, Herodes nanga Pontius Pilatus nanga dem heiden soema nanga da pipel foe Israël ben kom makandra agensi Joe santa Pikin Jezus, 28. Foe doe san Joe anoe nanga Joe rai ben meki besroiti na fesi kaba foe doe En now, Masra, loekoe na dem dreigi taki, en gi Joe dinari dek'ati foe taki Joe woortoe krin, Les 1 Santa Jejej 1/16/2019

17 Gado srefi hari dem natie kom
Dem natie ben moksi makandra na fa fosi kom foe Masra Jezus, en dem sa doe so di foe toe leisi. Dem ben doe dem moro bigi ogri disi dem ben kan doe di dem ben kruisi Hem, ma tokoe dem ben doe san Gado srefi ben wani nomo. Dem sa doe da srefi te dem kom makandra agensi Hem kom baka. Dem natie sa denki dati dem wroko san demsrefi ben bepaal te dem waka go na Esdraelon, ma dem waka na ini da wani foe Gado. A hari dem go na Harmageddon. Les 1 Santa Jejej 1/16/2019

18 Gado sa figi dem legre foe satan poeroe na Harmageddon:
Open. 19: En A ben teki da meti, en nanga hem, A teki da falsi profeti disi ben wroko wondroewroko na hem fesi, dem wroko disi ben kori dem soema disi ben teki da marki foe da meti, nanga dem soema disi ben aanbegi hem popki. A ben fringi ala toe foe dem libilibi na ini da zee disi bron nanga faja nanga swarfoe En A ben kiri dem soema disi ben tan abra nanga da howroe foe Hem disi ben sidon na tapoe da asi, disi ben abi da howroe komopo foe Hem mofo; en ala dem fowroe ben njan dem dedeskin te leki dem bere ben foeroe. Les 1 Santa Jejej 1/16/2019

19 Jezus sa kom baka… 2. Foe tjari troe Israel baka, en foe dem sa drai libi en kom baka na dem kondre. Kande da pramisi disi Gado taki moro foeroe na ini da Owroe Testamenti de dati Gado sa tjari Israel kom baka na ini hem egi kondre: Jes. 43: No frede, bikasi Mi de nanga joe; Mi sa tjari joe siri komopo foe da oost, en tjari joe kom makandra foe da west; 6. Mi sa taki gi da noord taki; Loesoe gi Mi; en na da zuid taki; No hori baka; tjari dem manpikin foe Mi komopo foe farawe, en dem oemapikin foe Mi foe dem kaba-pisi foe grontapoe; Les 1 Santa Jejej 1/16/2019

20 Israel sa kom baka Jer. 24:6 Bikasi Mi sa seti Mi ai na dem tapoe foe boen, en Mi sa tjari dem kom baka na da kondre disi; en Mi sa bouw dem kom moro tranga, en Mi no sa broko dem saka; en Mi sa prani dem, en Mi no sa hari dem komopo. Ezek. 11:17 Foe dat'ede taki: so Masra Gado de taki: Mi sa tjari oen kom makandra komopo foe dem pipel, en Mi sa kari oen kom makandra komopo foe ala dem kondre pe Mi ben panja oen, en Mi sa gi oen da kondre foe Israël Les 1 Santa Jejej 1/16/2019

21 Israel sa kom baka Ezek. 36:28 En oen sa libi na ini da kondre disi Mi ben gi na oen tata, en oen sa de Mi pipel, en Mi sa de oen Gado. Amos 9: En Mi sa tapoe da katibo foe Mi pipel foe Israël, en dem sa bouw dem broko foto baka, en dem sa libi na dem ini; en dem sa prani druivi-djari, en dem sa dringi da wini foe dem; en dem sa prani dem gron toe, en dem sa njan da froktoe foe dem En Mi sa prani dem na tapoe da kondre foe dem, en dem no sa poeroe dem moro komopo foe da kondre foe dem disi Mi ben gi dem: so MASRA joe Gado de taki. Les 1 Santa Jejej 1/16/2019

22 Israel sa kom baka Micha 7: Soema de wan Gado leki Joe, disi gi pardon na sondoe, en disi abra pasa da takroedoe foe san tan abra foe Hem erfenis? A no hori Hem hatibron foe teego, bikasi A abi prisiri na ini sari-hati A sa drai baka; A sa abi sari-hati gi wi; A sa figi wi sondoe poeroe; en Joe sa trowe ala dem sondoe na ini da dipi presi foe da zee. Mt. 24:31 En A sa seni Hem engel kom nanga wan bigi bari foe wan trompeti, en dem sa meki dem soema disi A ben verkisi kom makandra foe dem fo winti-presi, komopo foe wan kaba-pisi foe hemel te doro da tra kaba-pisi. Les 1 Santa Jejej 1/16/2019

23 A sa bigin foe sori Hemsrefi nanga dem soema disi tan abra na ini Petra.
Zach. 12: En Mi sa kanti da Jeje foe gnade nanga begi na tapoe da oso foe David nanga dem soema disi de libi na ini Jerusalem; en dem sa loekoe na Mi tapoe, disi dem ben boro, en dem sa sari foe Hem leki wan soema sa sari foe hem wan enkri manpikin, en dem sa de na ini bita-fasi foe hem, so leki wan soema disi de na ini bita-fasi foe da fosi pikin disi a ben meki Tapoe da dei dati, wan bigi sari sa de na ini Jerusalem, so leki da sari na ini Hadadrimmon na ini da lagi presi foe Megiddo; En da kondre sa hori low, ibri famiri aparti; da famiri foe da oso foe David aparti, nanga dem wefi foe dem aparti; da famiri foe da oso foe Natan aparti, en dem wefi foe dem aparti; Les 1 Santa Jejej 1/16/2019

24 Fosi Israel sa sari foe si Jezus
Zach. 13:6 En wan soema sa aksi hem taki: Sortoe mankeri joe ben kisi na joe anoe? Dan a sa piki taki: Mi ben kisi dem mankeri na ini da oso foe dem mati foe mi.; Open. 1:7 Loekoe, A de kom na ini dem wolkoe, en ibri ai sa si Hem, nanga dem soema toe disi ben djoekoe Hem; en ala famiri foe grontapoe sa bari krei bikasi foe Hem. Les 1 Santa Jejej 1/16/2019

25 Moro lati, dem sa abi bigi prisiri:
Jesaja 25: A sa swari dede na ini wini; en MASRA Gado sa figi dem watra-ai poeroe foe ala dem fesi, en A sa poeroe da krasi agensi Hem pipel komopo foe grontapoe; bikasi MASRA ben taki so. 9. En na da dei dati, dem sa taki: Loekoe, disi de wi Gado; wi ben wakti foe Hem, en A sa verloesoe wi; disi de MASRA, wi ben wakti foe Hem; wi sa breiti en prisiri na ini Hem verloesoe.; Les 1 Santa Jejej 1/16/2019

26 Dem Djoe sa prisiri moro lati
Jesaja 30:26 Moro fara, da leti foe da moen sa de leki da leti foe da zon, en da leti foe da zon sa brinki sebi leisi so foeroe leki da leti foe sebi dei, tapoe da dei disi MASRA tapoe da olo foe Hem pipel, en A meki da mankeri foe dem kom boen baka.; Jesaja 40:11 A sa gi Hem hipi skapoe njanjan leki wan skapoeman; A sa tjari dem pikin lam na ini Hem anoe, en A sa tjari dem krosibei na Hem borsoe, en A sa tiri dem skapoe disi de nanga bere safri.; Jesaja 43:25 Mi, Misrefi de Hem disi de figi joe takroedoe poeroe foe Mi ede, en Mi no sa membre dem sondoe foe joe moro.; Les 1 Santa Jejej 1/16/2019

27 Israel sa prisiri Jesaja 49:15. Wan oema kan frigiti hem pikin na bobi, so dati a no sa abi sari-hati gi da manpikin foe hem bere? Ja, dem kan frigiti, tokoe Mi no sa frigiti joe.; Jesaja 51:3 Bikasi MASRA sa troostoe Sion; A sa troostoe ala hem pori presi, en A sa meki hem woestijn tron leki Eden, en A sa meki hem drei santi presi tron leki da djari foe MASRA; dem sa breiti en prisiri na hem ini, en gi grantangi nanga da stem foe singi.; Jesaja 55:12 Bikasi oen sa komopo nanga prisiri, en A sa tiri oen na ini vrede; dem bergi nanga dem pikin bergi sa kom na oen fesi nanga singi, en ala dem bon foe da firi sa naki dem anoe makandra. Les 1 Santa Jejej 1/16/2019

28 Jezus sa kroetoe en strafoe Israel disi no ben hori doro na bribi
Rom. 9:6...Bikasi a no de ala soema disi komopo foe Israël disi de Israëliet soema; Rom. 11:26 En so heri Israël sa kisi verloesoe; so leki a de skrifi taki: Wan Verloesoeman sa komopo foe Sion, en A sa drai Jakob komopo foe da fasi foe hem disi de sondro Gado; Les 1 Santa Jejej 1/16/2019

29 Jezus sa kroetoe Israel
3. So leki da Bijbel ben go na fesi doro getrouw Israel, so srefi Israel disi no ben hori doro ben wroko agensi da woortoe foe Gado. Foe dat’ede, te Jezus sa kom baka, A sa sori foeroe gnade na da Israel disi de getrouw, ma A sa strafoe falsi Israel tranga. Les 1 Santa Jejej 1/16/2019

30 Israel sondoe agensi Gado
Hem sondoe agensi da Tata .Opstand: Num 14:22-23 .Trowe: I Sam. 8:7 .Foefoeroe: Mal. 3:2-5 .Hem sondoe agensi da Manpikin .A ben trowe Hem: Jn. 1:11 .A be kruisi Hem: Tori 2:22-23; 3:14-15; 4:10; 5:30; I Tess. 2:14-16 .Hem sondoe agensi da Santa Jeje - a ben seti hemsrefi agensi hem: Tori 7:51 Les 1 Santa Jejej 1/16/2019

31 Israel sondoe agensi Gado
Hem sondoe agensi da kownoekondre .A no ben gebruiki dem talenti disi Gado ben gi foe meki hem kom na fesi: Mt. 25:24-30; Lk. 19:20-24 .A ben spotoe da trow-oso: Mt. 22:5 .A no ben wani weri da juisti trow-oso krosi: Mt. 22:11-13 .Dem sondoe agensi hem egi folkoe: .A ben foefoeroe foe dem weduwe: Mt. 23:14 A ben kiri hem egi profeti: Mt. 23:31, 34, 35; Tori 7:58 Les 1 Santa Jejej 1/16/2019

32 Israel sondoe Dem sondoe agensi grontapoe
A ben tjari trawan na ini hem egi breni-fasi: Mt. 23:16, 24 .A ben kom foeroe nanga falsi-fasi: Mt. 16:6, 12; Rom 2:17-23 .A ben kosi da nem foe Gado na mindri foe dem heiden: Rom. 2:24 Les 1 Santa Jejej 1/16/2019

33 Israel sondoe agensi da boen njoensoe
A ben feti hem na ini Jerusalem: Tori 4:2; 5:28; 9:29; 21:28; 23:2, 12 .A ben feti agensi hem na ini Damascus: Tori 9:22-25 .A ben feti hem na ini Antiochie foe Pisidia: Tori 13:45, 50 .A ben feti hem na ini Ikonium: Tori 14:2 Les 1 Santa Jejej 1/16/2019

34 Israel sondoe agensi da evangelium
.A ben feti hem na ini Lystra: Tori 14:19 .A ben feti hem na ini Tessalonika: Tori 17:5 .A ben feti hem na ini Berea: Tori 17:13 .A ben feti hem na ini Korinte: Tori 18:6, 12 .A ben feti hem na ini Caesarea: Tori 25:6-7 Les 1 Santa Jejej 1/16/2019

35 Israel sondoe I Tess. 2: Disi ben kiri Masra Jezus nanga dem egi profeti, en dem ben pina wi; en dem no gi Gado prisiri, en dem de agensi ala libisoema Dem tapoe wi foe taki nanga dem heiden soema foe dem kan kisi verloesoe, en so dem meki dem sondoe kom foeroe alatem, bikasi da hatibron ben kom pasa marki na dem tapoe. Ezekiel taki: Ezek. 11:21 Ma foe dem soema disi dem hati waka na baka da hati foe dem pori sani nanga dem fisti sani foe dem, Mi sa pai dem baka foe da fasi dem de waka na tapoe dem egi ede: so Masra Gado de taki.; 20:38 Les 1 Santa Jejej 1/16/2019

36 Da skapoe-krabita kroetoe
Foe prati dem skapoe komopo foe dem krabita. Mt. 25: Te soemapikin sa kom na ini Hem glori, en ala dem santa engel nanga Hem, dan A sa sidon na tape da troon foe hem glori; 32. En dem sa tjari ala dem natie kom na Hem fesi; en A sa prati dem wan foe da trawan, so leki wan skapoeman de prati hem skapoe foe hem krabita En A sa seti dem skapoe na Hem letinanoesei, ma dem krabita na Hem kroektoeanoesei Dan da Kownoe sa taki gi dem soema na Hem letianoesei taki: Kom, oen soema disi Mi Tata de blesi, kisi da erfenis foe da kownoekondre disi A ben meki klari gi oen kaba sinsi da fondamenti foe grontapoe Bikasi angri ben kiri Mi, en oen ben gi Mi njanjan; dreiwatra ben kiri Mi, en oen ben gi Mi sani foe dringi; Mi ben de wan vreemde soema, en oen ben teki Mi na ini oen oso; Les 1 Santa Jejej 1/16/2019

37 Da skapoe-krabita kroetoe
36. Mi ben de nanga soso skin, en oen ben gi Mi krosi; Mi ben siki, en oen ben kom loekoe Mi; Mi ben de na doengroe-oso, en oen ben kom na Mi Dan dem regtvaardiki soema sa piki Hem taki: Masra, sortoe tem wi ben si Joe nanga angribere, en wi ben gi Joe njanjan? Efoe nanga dreiwatra, en wi ben gi Joe foe dringi? 38. Sortoe tem wi ben si Joe leki wan vreemde soema, en wi ben teki Joe na ini? Efoe nanga soso skin, en wi ben gi Joe krosi? 39. Efoe sortoe tem wi ben si joe siki, efoe na ini doengroe-oso, en wi ben kom na Joe? 40. En da Kownoe sa piki dem baka taki: Troe troe Mi taki gi oen taki: So leki oen ben doe na wan foe dem moro pikinwan foe dem brada foe Mi disi, oen ben doe so gi Mi. Les 1 Santa Jejej 1/16/2019

38 Da skapoe-krabita kroetoe
41. Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel Bikasi angri ben kiri Mi, en oen no ben gi Mi njanjan; dreiwatra ben kiri Mi, en oen no ben gi Mi noti foe dringi; 43. Mi ben de wan vreemde soema, en oen no ben teki Mi na ini oen oso; nanga soso skin, en oen no ben gi Mi krosi; siki en na ini doengroe-oso, en oen no ben kom loekoe Mi. Les 1 Santa Jejej 1/16/2019

39 Da skapoe-krabita kroetoe
44. Dan dem sa piki Hem baka taki: Masra, sortoe tem wi ben si Joe nanga angribere, efoe nanga dreiwatra, efoe leki wan vreemde soema, efoe nanga soso skin, efoe siki, efoe na ini doengroe-oso, en wi no ben jepi Joe? 45. Dan A sa piki dem baka taki: Troe troe, Mi taki gi oen taki: So leki oen no ben doe gi wan foe dem moro pikinwan foe dem disi, oen no ben doe so gi Mi En dem disi sa gowe na ini da strafoe foe teego, ma dem regtvaardiki soema na ini da libi foe teego. Les 1 Santa Jejej 1/16/2019

40 Falsi ideeen foe da kroetoe disi…
Da skapoe en krabita kroetoe de da srefi leki da bigi weti troon kroetoe na ini Openbaring 20:11-15. Dem no de da srefi, bikasi wan teki presi na da kaba foe da tem foe bigi trobi, en wan teki presi na da kaba foe da 1000 jari rijk. .Da skapoe en krabita kroetoe wroko soso nanga dem heri natie. Som soema ben denki dati dem natie srefi sa kom na fesi foe Gado - Russia, Amerika, Cuba, enz. Ma disi no de so. Da woortoe disi dem kari “natie” na ini Mt. 25:32 moesoe taki: heiden. Les 1 Santa Jejej 1/16/2019

41 San na da basis foe da kroetoe disi:
A de fa dem heiden disi ben tan na libi na ini da tem foe bigi trobi ben wroko nanga da troe Israel disi Kristus kari “mi brada:”. Na ini Nazi Duitsland na ini WW II, foeroe leisi dem Djoe disi ben lowe ben kisi jepi foe som foe dem Duitser famiri disi alwasi dem ben de foe Duitsland, dem no ben de eens nanga Adolph Hitler. Wi prakseri dati da srefi sortoe sani sa pasa na ini da tem foe trobi. Les 1 Santa Jejej 1/16/2019

42 Jezus kom baka foe tai satan
4. En da Gado foe vrede sa kwinsi satan na ondro joe foetoe na wan sjatoe tem...Rom. 16:20 Openbaring 20: En mi ben si wan engel saka komopo foe hemel, disi ben abi da sroto foe da peti disi no abi gron nanga wan bigi keti na ini hem anoe. 2. En a ben fasi da draak, da owroe sneki dati, disi de didibri nanga Satan, en a ben tai hem wan doesoen jari langa, 3. En a ben trowe hem na ini da peti disi no abi gron, en a ben sroto hem, en a ben seti wan stampoe na hem tapoe, so dati a no sa kori dem natie moro te leki da doesoen jari sa kaba; en baka dati, a moesoe loesoe baka foe wan sjatoe pisi tem. Wi kan si dati alwasi Gado gi satan pasi foe wini wantoe feti, Gado srefi sa wini da oorlog! Les 1 Santa Jejej 1/16/2019

43 Jezus sa kom baka foe opo dem OT santawan
5. Foe opo baka dem Owroe Testamenti santawan. Wi bribi dati na da opname foe da kerki, Gado sa opo soso dem bribiwan foe Pinkster te leki da opname. Wi bribi dati ala dem tra bribiwan sa opo baka net fosi da 1000 jari rijk. .Da opo baka disi sa pasa so leki da Bijbel taki: Job 19: Bikasi mi sabi dati mi Verloesoeman de libi, en dati A sa tanapoe na da laasti dei na tapoe grontapoe; 26. En alwasi mi skin sa pori, tokoe na ini mi skin mi sa si Gado; 27. Misrefi sa si Hem, mi ai sa loekoe, en no dem ai foe wan tra soema; alwasi mi nieri de njan na mi ini! Les 1 Santa Jejej 1/16/2019

44 OT santawan Ps. 49:16 Ma Gado sa bai mi sieli baka foe da krakti foe dedekondre; bikasi A sa teki mi. Jes. 25:8 A sa swari dede na ini wini; en MASRA Gado sa figi dem watra-ai poeroe foe ala dem fesi, en A sa poeroe da krasi agensi Hem pipel komopo foe grontapoe; bikasi MASRA ben taki so. Jes. 26:19 Joe dede soema sa libi; dem sa opo baka makandra nanga mi dedeskin.... Daniel 12:2 En foeroe foe dem disi de sribi na ini da doti foe da gron sa wiki baka, som foe go na libi foe teego, en som foe sjem en pori nem foe teego. Les 1 Santa Jejej 1/16/2019

45 OT santawan Hosea 13:14 Mi sa bai dem baka foe da krakti foe da grebi; Mi sa bai dem baka foe dede. O dede, Mi sa de joe pesti-siki! O grebi, Mi sa de joe pori; Mi sa kibri sari-hati foe Mi ai. Jn. 5: No verwondroe foe disi; bikasi da joeroe sa kom, te ala soema disi de na ini dem grebi sa jere Hem stem, En dem sa komopo: dem soema disi ben doe boen sa opo baka go na libi; en dem soema disi ben doe ogri sa opo baka go na kroetoe. Les 1 Santa Jejej 1/16/2019

46 OT santawan (& martelaar foe da tem foe bigi trobi)
Heb. 11:35 Dem oema ben kisi dem dedesoema disi ben opo baka na libi, en tra soema dem ben pina toemoesi, ma dem no ben teki da verloesoe foe di dem ben sa kisi wan moro boen opo baka; Open. 20: En mi ben si kownoe-stoeroe nanga dem soema disi ben sidon na dem tapoe, en dem ben abi foe koti kroetoe; en mi ben si dem sieli foe dem soema disi dem ben kapoe dem hede poeroe bikasi foe da getuigi foe Jezus nanga da woortoe foe Gado ede, dem disi no ben aanbegi da meti efoe hem popki, en disi no ben teki hem marki na tapoe dem fesi-hede efoe na ini dem anoe; en dem ben libi en dem ben de basi nanga Kristus wan doesoen jari langa. 5. Ma dem tra dedesoema no ben libi agen te leki da doesoen jari ben kaba. Disi de da fosi opo baka. Les 1 Santa Jejej 1/16/2019

47 Da volgorde foe da opo baka disi:
1. Da opo baka foe Kristus: I Kor. 15:23 2. Da opo baka foe dem bribiwan na da opname foe da kerki: I Tess. 4:16; I Kor. 15:51-53 3. Da opo baka foe dem Owroe Testamenti santawan nanga dem bribiwan disi komopo foe da tem foe bigi trobi: 4. Da opo baka foe dem lasiwan: Open. 20:5, 11-14 Les 1 Santa Jejej 1/16/2019

48 Foe kroetoe dem fadon engel (takroe jeje)
6. I Kor. 6:3 - Oen no sabi dati wi sa kroetoe dem engel? Disi taki foe ala dem fadon engel, ma dem kan broko na ini toe groepoe. Wan de tai nanga keti kaba, en da trawan no tai ete. .Dem engel disi no tai: Lk. 8: En Jezus ben aksi hem taki: San na joe nem? En a ben piki taki: Legioen; bikasi foeroe takroe jeje ben go na hem ini En dem ben begi Hem foe no seni dem go na da dipi olo. Mk. 1: En wan man ben de na ini da Djoe kerki foe dem nanga wan takroe jeje; en a ben bari taki: 24. Libi wi; sortoe wroko wi abi nanga Joe, Joe Jezus foe Nazaret? Joe ben kom foe figi wi poeroe? Mi sabi soema Joe de, da Santa Wan foe Gado. Les 1 Santa Jejej 1/16/2019

49 Kroetoe dem takroe jeje
Efes. 6:12 Bikasi wi no feti agensi skin nanga broedoe, ma agensi dem fesiman, agensi dem maktiwan, agensi dem hedeman foe doengroe foe disi grontapoe, agensi jeje takroedoe na ini hei presi. San wi wani foe sori de disi: wan groepoe foe takroe jeje de disi kan bewegi fri, en dem kan go na ini da skin foe libisoema efoe meti. Dem bigi sondoe ben de foe waka na didibri baka di a ben opo agensi Gado: Jes.14:12-17; Ezek. 28:12-19 Les 1 Santa Jejej 1/16/2019

50 Kroetoe dem takroe jeje (fadon engel) disi tai kaba.
Judas 6 En dem engel disi no ben hori dem fosi boen fasi, ma dem ben libi dem egi tanpresi, na dem A ben hori na ini keti foe teego na ondro doengroe te leki da kroetoe foe da bigi dei. I Petrus 3: Bikasi so srefi Kristus ben pina wan leisi foe sondoe ede, wan boen soema gi dem ogri soema, foe Hem kan tjari wi kom na Gado; Hem skin ben dede, ma A ben kisi Hem libi baka doro da Jeje En nanga da jeje dati, A ben go preiki gi dem jeje disi ben de na doengroe-oso: 20. Disi no ben gi jesi fosi, di Gado ben hori pasensi na ini dem dei di Noach ben meki da ark klari, en wantoe nomo, wan aiti soema, ben tan na libi na tapoe watra. Les 1 Santa Jejej 1/16/2019

51 Schema foe kom baka Sortoe tem schema dem sa abi? Daniel 12:11-12 sori wi dati 75 dei sa de na mindri foe da di foe toe kom foe Jezus Kristus nanga da 1000 jari rijk. Na ini da V.S. joe si da srefi sortoe sani. Dem verkisi da president na ini da fosi pisi foe November, ma a no teki abra te leki 20 januari. Wan tijd de foe 70 dei, en na ini da tem disi, a seti dem cabinet members nanga dem tra soema disi sa tiri hem regering. So srefi na ini da 75 dei foe da kaba foe da tem foe bigi trobi te leki da bigin foe da 1000 jari rijk, da Kownoe foe glori sa abi bepaalde wroko foe doe. Wi bribi dati dem 75 dei sa gi tem foe doe dem 7 sani disi wi taki de dem reden foe da di foe toe kom foe Jezus Kristus. Les 1 Santa Jejej 1/16/2019

52 Da millenium de foe troe
Openbaring 20:4 ...en dem ben libi en dem ben de basi nanga Kristus wan doesoen jari langa. Na ini dem fosi 7 versi foe Openbaring 20, Johannes taki 6 leisi abra da 1000 jari tem. Tokoe som soema ben taki dati bikasi wi feni disi na da presi dja nomo, wi no kan taki foe troe dati da Njoen Testamenti taki dati 1000 jari rijk de troe!. Dem gebruiki (of misbruiki) wan tekst foe II Petrus 3:8...Ma lobiwan, oen moe sabi da wan sani disi: dati wan dei na ini da ai foe Masra de leki wan doesoen jari, en wan doesoen jari de leki wan dei. Ma tokoe da srefi groepoe disi wani meki 1000 jari foe Openbaring tron wan dei, en figi da millenium poeroe, de da srefi groepoe disi proberi foe meki dem 6 dei foe da schepping na ini Genesis tron omeni miljoen jari! Les 1 Santa Jejej 1/16/2019

53 3 positie abra da millenium:
Post-millenialisme Disi taki dati doro da preiki foe da evangelium, heri grontapoe sa kom teki Jezus Kristus en tron bribiwan. Na da tem dati disi pasa, dem sa kari Jezus Kristus foe kom baka foe teki abra leki kownoe tapoe grontapoe disi ben abi vrede na ini. Alwasi dem bribi dati wan troe millenium sa de, dem bribi de falsi, bikasi dem taki dati grontapoe sa kom moro boen fosi Jezus Kristus sa kom baka, ma da Bijbel leri wi krin dati grontapoe sa kom moro ogri fosi Jezus Kristus sa kom baka di foe toe leisi Les 1 Santa Jejej 1/16/2019

54 3 positie Amillenialism: Da leri disi taki dati da millenium no de kwet’kweti, ma dati ala dem jeje pramisi nanga dem profeti-taki abra Israel na ini da Owroe Testamenti ben kom na da kerki. Da leri disi taki dati da moi profeti-taki foe Jesaja na ini 11:7 dati da beer nanga da kaw sa didon makandra, en dati da leeuw sa njan grasi leki da kaw no taki troe. Ma efoe joe no man bribi Jesaja 11, dan fa joe kan bribi Jesaja 53, disi taki abra da dede & kruisi foe Masra Jezus? Les 1 Santa Jejej 1/16/2019

55 3 positie - Premillenialism
Premillenialism: Da leri disi bribi dati Jezus Kristus sa kom baka net na fesi foe da millenium, en A sa de kownoe tapoe grontapoe foe 1000 jari. Soso da bribi disi klop nanga da Bijbel, en soema ben bribi disi fosi trawan ben opo dem toe tra leri. Sinsi dem apostel srefi, dem fosi gran soema foe da kerki ben bribi da positie disi. Les 1 Santa Jejej 1/16/2019

56 Wantoe gransoema bribi disi…
Na ini da 1e eeuw baka Kristus, dem soema disi ben bribi ben de: .Clement foe Rome A.D. .Ignatius .Polycarp .2e eeuw .Justyn Martyr .Irenaeus .Tertullian .3e eeuw .Cyprian .Commodianus Les 1 Santa Jejej 1/16/2019

57 Premillenianism Na ini da 4e eeuw, da Lomsoe kerki ben bigin foe gro moro bigi, en minder soema ben bribi premillenialism bikasi Rome ben si hemsrefi leki da instrumenti foe Gado foe tjari da kownoekondre foe glori kom. Foe omeni eeuwen, dem no ben leri soema abra da tori disi, ma na ini dem laasti jari, man leki Alford, Seiss, Darby nanga C.I. Scofield ben tjari da leri kom baka leki fosi. Les 1 Santa Jejej 1/16/2019

58 Dem doel foe da millenium (1000 jari rijk)
Foe gi wan paiman na dem santawan foe Gado Ps. 58:11 So dati wan soema sa taki: Foe troe, wan paiman de gi dem regtvaardiki soema; foe troe, A de wan Gado disi koti kroetoe na grontapoe. Spreuk. 11:18 Dem takroe soema doe wan bedriegi wroko; ma da soema disi de zaai reti libi sa kisi wan boen paiman. Jes. 40:10 Loekoe, Masra Gado sa kom nanga wan tranga anoe, en nanga Hem anoe A sa de basi; loekoe, Hem paiman de nanga Hem, en Hem wroko de na Hem fesi. Les 1 Santa Jejej 1/16/2019

59 Gi wan paiman na santawan
Mt. 5:12 Oen moesoe breiti en prisiri toemoesi, bikasi oen sa kisi wan bigi paiman foe dati na ini hemel; bikasi so srefi dem ben doe ogri na dem profeti disi ben de na oen fesi. Mt. 16:27 Bikasi Soemapikin sa kom na ini da glori foe Hem Tata nanga Hem engel; en dan A sa pai ibriwan so leki dem wroko disi hem ben doe. Mt. 25:34 Dan da Kownoe sa taki gi dem soema na Hem letianoesei taki: Kom, oen soema disi Mi Tata de blesi, kisi da erfenis foe da kownoekondre disi A ben meki klari gi oen kaba sinsi da fondamenti foe grontapoe. Les 1 Santa Jejej 1/16/2019

60 Gi paiman na dem santawan
Kol. 3:24 Sinsi oen sabi dati oen sa kisi da paiman foe da erfenis foe Masra, bikasi oen dini Masra, da Kristus. Open. 22:12 En loekoe, Mi de kom es'esi; en Mi paiman de nanga Mi, foe gi ibri soema so leki hem wroko sa de. Les 1 Santa Jejej 1/16/2019

61 Gi antwoord na Jezus begi
Foe gi wan antwoord na da begi disi Jezus Kristus ben leri wi na ini Lukas 11:1-4 & Mt. 6: Di dem discipel ben aksi Hem fa foe begi, wan foe dem sani A ben taki de: Joe kownoekondre moesoe kom... Dja Masra Jezus ben taigi wi foe begi dati da millenium sa kom. Som leisi A sa kom baka foe dem omeni miljoen leisi dati libisoema ben begi dem woortoe disi. Les 1 Santa Jejej 1/16/2019

62 Bai baka grontapoe Foe bai baka da schepping: Na ini Genesis 3, Gado ben floekoe da natuur bikasi foe da sondoe foe Adam. Foe da momenti dati, da paradijs foe libisoema ben tron wan woestijn. Dem roos ben kisi maka, en dem tigri ben tron wan krasi meti. Ma na ini da millenium, disi sa kenki. Romeini 8:19-22: 19. Bikasi da tranga wani foe dem sani disi Gado ben meki de wakti dem pikin foe Gado foe sori demsrefi Bikasi dem sani disi Gado ben meki tron soso sani, no nanga dem egi wani, ma bikasi foe da wani foe Hem disi ben meki dem saka na Hem ondro na ini hopoe Bikasi san Gado ben meki srefi sa kom verloesoe foe da katibo foe pori-fasi toe, en kom na da glori fri foe dem pikin foe Gado Bikasi wi sabi dati ala sani disi Gado ben meki de djeme en pina te leki now. Les 1 Santa Jejej 1/16/2019

63 Jezus hori 3 akkorderi Foe meki drie belangrijk Owroe Testamenti akkorderi kom troe .Da akkorderi nanga Abraham: Gado ben pramisi Abraham dati .Hem bakatem pikin (Israel) sa tron wan makti natie: Gen. 12:1-3; 13:16; 15:5; 17:7; 22:17-18 .Wan dei hem bakatem pikin (Israel) sa abi da kondre foe Palestine foe teego: Gen. 12:7; 13:14, 15, 17; 15:7, 18-21; 17:8 Les 1 Santa Jejej 1/16/2019

64 3 akkorderi Da akkorderi nanga David: II Korn. 13:5; II Sam. 7:12-16; 23:5 .Wan kownoe-stoeroe sa komopo foe David disi sa tan foe teego .Wan kownoekondre sa komopo foe David disi sa tan foe teego .Wan kownoe sa komopo foe David disi sa tan foe teego. Les 1 Santa Jejej 1/16/2019

65 Wan probleem Dan na da juisti tem, Gado ben seni wan watrababy komopo foe David disi sa de basi abra dem siri foe Abraham na ini da kondre (Lk. 1:30-33) Ma wan probleem ben de, bikasi di da fesiman foe David siri ben sori Hemsrefi, dem siri foe Abraham ben teki Hem trowe. (Lk. 23:18, 21; Jn. 19:15) So foe dat’ede ete wan akkorderi ben de fanowdoe foe meki dem blesi foe dem fosi toe akkorderi kom volmaakt. Les 1 Santa Jejej 1/16/2019

66 Da Njoen akkorderi Gado sa gi dem sondoe pardon en frigiti dem
.Gado sa gi dem wan njoen hati .Gado sa gebruiki Israel foe bereik en leri dem heiden Les 1 Santa Jejej 1/16/2019

67 Jezus ben kom foe Gado ben wani sori abra libisoema dati alwasi sortoe famiri a ben komopo, en sortoe presi a ben tan, efoe Gado no gi Hem gnade, dan libisoema sa fadon: Da tem foe no sabi ogridoe: Adam nanga Eva ben doe sondoe: Gen. 3 .Da tem foe konsensi (Gen 3-6) ben kaba nanga ala soema pori boiti Noach & hem famiri .Da tem foe libisoema lanti: Gen ben kaba nanga afgodrei en tranga jesi na da toren foe Babel Les 1 Santa Jejej 1/16/2019

68 Libisoema fadon Da tem foe pramisi (Gen. 12-Ex. 1) ben kaba nanga da folkoe foe Gado dorosei foe dem kondre na ini Egypti leki slafoe .Da tem foe da wet: Ex. 20-Mt Dem soema na ondro da wet ben kiri dem egi verloesoeman .Da tem foe da kerki (gnade) Tori 2- I Tim. 4: sa kaba nanga ala soema nanga falsi bribi .Da tem foe bigi trobi sa kaba nanga da feti foe Harmageddon: Openbaring 4-19 .Da tem foe da millenium sa kaba nanga libisoema disi sa proberi foe kiri dem egi Gado disi ben meki dem: Les 1 Santa Jejej 1/16/2019

69 Libisoema abi Gado fanowdoe
Da tem foe da millenium de wan tem disi Gado ben seti foe sori dati libisoema disi ben fadon kaba sa de na ondro da moro boen omstandigheden, nanga ala mogelijkheid foe gi jesi na da kownoe, sondro wan dorosei tesi foe didibri efoe hem takroe jeje, so dati wi sa si dati sondro Gado libisoema sa fadon. Les 1 Santa Jejej 1/16/2019

70 Foe meki da hoofdpunt foe profeti-taki kom troe
. Wi kan si ala da profeti-taki abra Masra Jezus Kristus na ini wan pikin pisi foe wan versi foe da apostel Petrus: “... dem pina foe Kristus, nanga da glori disi sa waka kom na baka. (I Petrus 1:11) Dja Petrus ben tai makandra da fosi kom (da pina) nanga da di foe toe kom (da glori). Disi sori na wan sjatoe fasi da doel, da plan nanga da programma foe Jehova Gado Almakti. Les 1 Santa Jejej 1/16/2019

71 Pina & glori Da pina: wan baby na ini broko krosi: Lk. 2:12 Da glori: wan kownoe disi weri kownoe krosi: Ps. 93:1 .Da pina: wan wakaman nanga weri skin: Jn. 4:6 Da glori: da Gado disi noiti kom weri: Jes. 40:28-29 .Da pina: A no ben abi wan presi foe poti hem hede didon: Lk. 9:58 Da glori: A de da erfgenaam foe alasani: Heb. 1:2 .Da pina: Israel ben teki Hem trowe: Jn. 1:11 Da glori: ala natie sa teki Hem: Jes. 9:6 Les 1 Santa Jejej 1/16/2019

72 Pina & glori Da pina; Ogriman ben teki ston foe fringi na Hem tapoe: Jn. 8:59 Da glori: Ogriman bari foe dem ston foe fadon tapoe dem foe kibri demsrefi foe Hem: Open. 6:16 .Da pina: wan saka-fasi verloesoeman, disi ben sabi abra sari: Jes. 53:3 Da glori: da makti Gado, disi salfoe nanga da olie foe prisiri: Heb. 1:9 .Da pina: A ben weri wan redi krosi leki spotoe: Lk. 23:11 Da glori: A sa weri wan krosi dopoe na ini da broedoe foe Hem feanti: Open. 19:13 .Da pina: Dem ben naki Hem nanga wan tiki: Mt. 27:30 Da glori: A sa basi dem natie nanga wan isri tiki: Open. 19:15 . Les 1 Santa Jejej 1/16/2019

73 Pina & glori Da pina: Ogri soldati ben saka kindi en spotoe: Mk. 15:19 Da glori: Ibri kindi sa boigi gi Hem: Fil. 2:10 .Da pina: A ben weri wan maka-kroon: Jn. 19:5 Da glori: A sa weri wan gowtoe kroon: Open. 14:14 .Da pina: Dem ben boro Hem anoe nanga spikri: Jn. 20:25 Da glori: Hem anoe sa tjari wan srapoe koti-nefi: Open. 14:14 .Da pina: Dem ben boro Hem foetoe nanga spikri: Ps. 22:16 Da glori: Hem foetoe sa tanapoe tapoe da Olijf bergi: Zach. 14:4 Les 1 Santa Jejej 1/16/2019

74 Pina & glori Da pina - A no ben abi moi fasi: Jes. 53:2 Da glori: A sa de da moro moiwan foe : Ps. 27:4 .Da pina: A ben gi Hem jeje abra: Jn. 19:30 Da glori: A de libi foe teego: Open. 1:18 .Da pina: Dem ben poti Hem didon na ini wan grebi: Mt.27:59 Da glori: A sa sidon tapoe Hem kownoe stoeroe: Heb. 8:1 Les 1 Santa Jejej 1/16/2019

75 Te wan sondari drai hem libi, a abi wan pisi foe da tori disi toe:
Rom. 1: En efoe wi de pikin, dan wi de erfgenaam; erfgenaam foe Gado, en mede-erfgenaam nanga Kristus; efoe wi sa pina nanga Hem, dan wi sa kisi glori makandra toe Bikasi mi loekoe na dem pina foe da tem disi leki dem no de waarti foe wegi agensi da glori disi A sa sori na wi ini. II Kor. 1:7 En da hopoe foe oen de tan faste, bikasi wi sabi dati so leki oen teki wan pisi foe da pina, so srefi oen sa kisi wan pisi foe da troostoe toe. Les 1 Santa Jejej 1/16/2019

76 Santawan pina & glori toe
II Tim. 2:12 Efoe wi pina, wi sa de leki kownoe toe nanga Hem; efoe wi taki dati wi no sabi Hem, dan A sa taki dati A no sa sabi wi toe; I Petrus 4: Lobiwan, no denki dati a de wan vreemde sani te wan faja tesi sa kom tesi oen, leki wan aparti sani ben miti oen; 13. Ma prisiri, bikasi oen abi wan pisi foe da pina foe Kristus, so dati te Hem glori sa kom na krin, oen sa abi prisiri pasa marki toe. Les 1 Santa Jejej 1/16/2019

77 Santawan pina & glori toe
I Petrus 5:1 Mi taki gi dem gransoema disi de na oen mindri, mi disi de wan tra gransoema toe, disi de wan soema disi ben si da pina foe Kristus, en wan disi sa kisi wan pisi foe da glori disi sa kom na krin: Les 1 Santa Jejej 1/16/2019

78 Dem titel foe da millenium
Da grontapoe disi sa kom: Heb. 2:5 .Da kownoekondre foe hemel: Mt. 5:10 .Da kownoekondre foe Gado: Mk. 1:14 .Da laasti dei: Jn. 6:40 Da tem foe da njoen geboorte: Mt. 19:28 En Jezus ben taki gi dem taki: Troe troe Mi taki gi oen taki: Oen disi ben waka na Mi baka, na da tem foe da njoen geboorte te Soemapikin sa sidon na Hem troon nanga bigi glori, oen sa sidon na twalfoe troon toe, en kroetoe dem twalfoe famiri foe Israël. Les 1 Santa Jejej 1/16/2019

79 Dem titel foe da millenium
Da tem foe kisi tranga baka: Tori 3:19 Foe dat'ede, sori sari-hati, en drai oen libi, foe A sa figi oen sondoe poeroe, te dem tem foe kisi tranga baka sa komopo na da fesi foe Masra; .Da tem foe meki alasani kom boen baka Tori 3:21 Disi hemel moesoe teki te leki da tem foe meki alasani kom boen baka, disi Gado ben taki nanga da mofo foe ala Hem santa profeti sinsi grontapoe ben bigin. Les 1 Santa Jejej 1/16/2019

80 Dem titel… Da dei foe Kristus. Disi de da nem disi wi jere moro foeroe na ini da Bijbel. Wi feni hem na ini I Kor. 1:8, 5:5; II Kor. 1:14; Fil. 1:6; 2:16 Na ini da tem disi, Jezus kan sori fa A de da manpikin na fo fasi: .Manpikin foe Abraham: Gen. 17:8; Mt. 1:1; Gal. 3:16 (Djoe) .Manpikin foe David: Jes. 9:6; Mt. 1:1; Lk. 1:32-33 (kownoe) .Soemapikin: Jn. 5:27; Tori 1:11 (vertegen-woordiger foe libisoema) .Manpikin foe Gado: Jes. 66:15-18; 23; 41:10, 17-18; Ps. 46:1, 5; 86:9; Zach. 14:16-19 Les 1 Santa Jejej 1/16/2019

81 Owroe Testamenti voorbeeld foe da millenium
. Da sabbat. Da woortoe disi wani taki: rostoe. Na ini da Owroe Testamenti, Gado ben seti wan dei aparti foe rostoe baka wan tem foe wroko. Dem ben seti wan dei foe rostoe: .Baka siksi wrokodei: Ex. 20:8-11; Lev. 23:3 .Baka siksi wroko wiki: Lev. 23:15-16 .Baka siksi wroko moen: Lev. 23:24-25, 27, 34 .Baka siksi wroko jari: Lev. 25:2-5 Les 1 Santa Jejej 1/16/2019

82 OT Voorbeeld foe da millenium
Da jari foe jubilee: Lev. 25:10-12 Da tabernakel: bikasi da glori foe Gado ben tan na ini da moro santa presi: Ex. 25:8; 29:42-46; 40:34 .Da fesa foe tabernakel: Lev. 23:34-42 .Da pramisi kondre: Deut. 6:3; Heb. 4:8-10 Les 1 Santa Jejej 1/16/2019

83 OT voorbeeld foe da millenium
Da kownoe-stoeroe foe Salomo .Bikasi foe da bigi foe hem kownoekondre: I Kon. 4:21 .Bikasi fa feti no ben de: I Kon. 4:25 .Bikasi foe da bigi koni nanga wijsheid foe Salomo: I Kon. 4:29, 34 .Bikasi foe da bigi nem foe hem kownoekondre: I Kon. 10:7 .Bikasi foe dem goedoe foe hem kownoekondre: I Kon. 10:27 Les 1 Santa Jejej 1/16/2019

84 Fa a sa de na ini da millenium.
Vrede: Dem profeti taki abra disi. Oorlog no sa de na ondro Kownoe Jezus, en dem natie sa abi foeroe goedoe di dem no abi foe poti foeroe moni foe bai feti-sani. Vrede foe da natie, en foe da soema toe. Prisiri: prisiri sa de volmaakt: Santa-fasi: Da kondre nanga Gado leki kownoe sa de wan santa kownoekondre nanga wan santa Kownoe nanga santawan na ini da kondre. Da kondre sa de santa, da foto sa de santa, da tempel sa de santa, en dem santawan sa de santa gi Masra: Les 1 Santa Jejej 1/16/2019

85 Fa a sa de na ini da millenium.
Glori: Da kownoekondre sa de wan glori kownoekondre pe da glori foe Gado sa sori hemsrefi krin:. Safri-fasi: Da Kownoe sa loekoe na ibri nowtoe so dati ala soema sa abi san dem abi fanowdoe na ini da dei dati:. Leti kroetoe: Dem sa koti wan leti kroetoe gi ibri soema:. Foeroe koni: Da kownoe sa tjari foeroe koni na ini dem soema foe Hem kownoekondre. Wi bribi dati da Santa Jeje sa leri na ini wan bijzonder fasi Les 1 Santa Jejej 1/16/2019

86 Fa a sa de na ini da millenium.
Leri: Da kownoe srefi sa seti leri gi dem soema foe Hem:.Da floekoe no sa de moro: Da floekoe disi Gado ben poti tapoe da schepping sa komopo (Gen. 3:17-19) so dati da gron sa gi foeroe. Da schepping foe dem meti sa kenki so dati dem vergif & feti no sa de moro:. Siki no sa de moro: Wi sa si da Kownoe wroko leki wan geneesheer, so dati siki en dede srefi no sa de moro boiti leki wan strafoe foe sondoe disi de nanga opzet:. Genezing foe dem geestelijk efoe lichamelijk siki: Ala dem soema disi ben abi dem problemen sa kom boen baka na da bigin foe da millenium: Les 1 Santa Jejej 1/16/2019

87 Fa a sa de na ini da millenium.
Kibri: Gado sa kibri libi na ini da millenium doro da kownoe: .Fri foe kwinsi: No wan soema sa feni kwinsi foe society, politiek, efoe religie: .Fri foe onvolmaaktheid: A gersi dati wi no sa abi dem geestelijk gehandicapt soema: Les 1 Santa Jejej 1/16/2019

88 Fa a sa de na ini da millenium.
Meki pikin: Dem santawan disi de libi na grontapoe komopo foe da tem foe bigi trobi sa meki pikin doro da tem disi. Da nomroe foe libisoema sa kom na loktoe. Ma dem soema disi ben meki sa abi wan sondoe natuur ete, en dem moesoe drai dem libi ete: Wroko: Disi no sa de wan tem foe de lesi, ma da wroko systeem sa de da juisti wan, en ala dem fanowdoe sani foe ibri soema sa de, na ondro da tiri foe da kownoe. Soema sa wroko da gron en ook toe meki sani...: Les 1 Santa Jejej 1/16/2019

89 Fa a sa de na ini da millenium.
Economie sa goedoe: No wan pina sa de bikasi foe da wroko systeem: Soema disi ben stoeka dem goedoe foe grontapoe ben loekoe na da heri waarti foe gowtoe nanga sorfoe, dem pransoen, da olie, dem oedoe, dem fisi nanga dem froktoe nanga groentoe, en dem ben taki abra wan decillion dollar: ! Te joe loekoe na da populatie foe grontapoe: disi sori dati ibri soema sa de goedoe pasa marki efoe a ben panja dem goedoe lontoe! Ps. 104:24 taki: grontapoe de foeroe nanga Joe goedoe! Les 1 Santa Jejej 1/16/2019

90 Fa a sa de na ini da millenium.
Moro leti de: Moro leti foe da zon nanga da moen sa de na da tem disi, en kande disi de wan reden disi grontapoe sa meki moro sani: .Wan tongo: Ala soema kan taki makandra bikasi dem sa taki wan tongo: .Wan aanbegi: Da heri grontapoe sa de wan foe aanbegi Gado nanga da Messias: Les 1 Santa Jejej 1/16/2019

91 Fa a sa de na ini da millenium.
Gado srefi sa de drape: Da aanwezigheid foe Gado sa de, en wi sa abi wan aparti gemeenschap nanga Gado: .Da foeroe foe da Santa Jeje: Ala soema disi gi jesi na da Kownoe sa si da krakti foe Gado srefi na ini dem libi: Da millenium situatie sa go doro foe teego: Dem sani disi de da karakter foe da millenium sa go doro foe teego: Les 1 Santa Jejej 1/16/2019

92 Soema sa de na ini da millenium
No wan soema disi no de wan bribiwan sa go na ini da millenium: Tokoe miljoenen foe baby sa meki na ini da millenium. Dem sa gebore gi dem bribiwan disi de Djoe efoe heiden disi ben tan na libi doro da tem foe bigi trobi en ben kom na ini da millenium sondro foe dede (kande daarom da bon foe libi sa de: Open. 22:2.) Te dem kom bigi, som foe dem baby disi no sa wani drai dem libi troe troe, alwasi joe no si disi na dem dorosei libi, bikasi dem saka na ondro dem basi. Foe dat’ede Jezus sa basi nanga wan isri tiki: Les 1 Santa Jejej 1/16/2019

93 Soema sa de na ini da millenium
Alwasi da millenium sa de moi, a no sa de hemel....Sondoe sa de mogelijk na ini dem 1000 jari (Jes. 11:4; 65:20) Som famiri en som natie no sa wani go na Jerusalem foe aanbegi Masra (Zach. 14:17-19) Dem no sa abi wan boen excuus sinsi da tesiman no sa de, en dem sa abi moro openbaring foe da kownoe srefi... Dem soema disi ben kisi strafoe sa de leki wan eksempre foe iniwan soema disi ben denki foe waka na dem baka Les 1 Santa Jejej 1/16/2019

94 Soema sa de na ini da millenium
Israel disi ben drai dem libi .Israel sa abi wan relatie nanga Gado nanga trow: .Israel sa opo moro hei leki dem heiden: Israel sa de da getuigi foe Gado na ini da millenium: Les 1 Santa Jejej 1/16/2019

95 Soema sa de na ini da millenium
Dem soema disi ben drai dem libi na ini da Owroe Testamenti Djoe nanga dem heiden foe da tem foe bigi trobi. .Da kerki: .Dem verkisi engel: Les 1 Santa Jejej 1/16/2019

96 Da Kownoe foe da millenium
Jezus Kristus sa de Kownoe , ma wantoe presi na ini da Bijbel taki dati kande A sa gi pasi foe wan soema foe de leki ondro-kownoe disi sa abi foeroe frantwoortoe, en da soema disi sa de David. Loekoe na disi: Jer. 30:9 Ma dem sa dini Masra dem Gado, nanga David dem kownoe, disi Mi sa opo baka gi dem. Jeremia ben skrifi dem woortoe disi 400 jari baka da tem David ben dede kaba, so dati a no ben man taki abra hem kownoekondre tapoe grontapoe: Les 1 Santa Jejej 1/16/2019

97 Kownoe David? Ezek. 34:23 En Mi sa opo wan skapoeman abra dem, en a sa gi dem njanjan, Mi dinari David, a sa gi dem njanjan, en a sa de dem skapoeman Ezek. 37:24 En Mi dinari David sa de kownoe na dem tapoe, en dem alamala sa abi wan skapoe-man; dem sa waka na ini Mi kroetoe toe, en dem sa hori Mi komanderi, en dem sa doe dem. Hos. 3:5 Baka dati, dem Israeliet soema sa kom baka, en dem sa soekoe MASRA dem Gado, nanga David dem kownoe; en dem sa frede MASRA nanga Hem boen-fasi na ini dem laasti dei. Efoe wi teki dem versi disi letterlijk, dan David sa sidon baka tapoe da kownoe-stoeroe foe Israel. Les 1 Santa Jejej 1/16/2019

98 David sa kisi jepi na ini Hem kownoekondre nanga
.Da kerki: I Kor. 6:3 .Dem apostel: Mt. 19:28 .Dem bigi man: Jer. 30:21 .Dem fesiman: Jes. 32:1; Ezek. 45:8-9 .Dem kroetoeman: Zach. 3:7; Jes. 1:26 Les 1 Santa Jejej 1/16/2019

99 Fa da Millenium Sa Loekoe
Palestine: .A sa kom moro bigi en a sa kenki: Jes. 26:15; Obadja Foe da fosi leisi, Israel sa abi ala da kondre disi Gado ben pramisi Abraham na ini Genesis 15:18-21. .Wan plata presi disi gro foeroe sani sa teki da presi foe dem bergi .Wan liba sa komopo foe da Olijf bergi en a sa lon na da west na da Middellandse zee en na da Dede zee. Les 1 Santa Jejej 1/16/2019

100 Palestijn na ini da millenium
Zach. 14:4, 8, En na da dei dati, Hem foetoe sa tanapoe na tapoe da Olijfbergi, disi de na fesi foe Jerusalem na da oost sei, en da Olijfbergi sa priti na mindri foe da oost te leki da west, en wan bigi lagi presi sa de, en wan hafoe foe da bergi sa froisi go na da noord sei, en wan hafoe sa go na da zuid sei. 8. En a sa pasa so na da dei dati, dati dem libi watra sa komopo foe Jerusalem; wan hafoe foe dem sa go na da oost zee en wan hafoe na da west zee; disi sa pasa so na ini waran tem nanga kowroe tem. Les 1 Santa Jejej 1/16/2019

101 Palestijn na ini da millenium
Zach. 14:10. Da heri kondre sa tron leki wan plata presi foe Geba te doro Rimmon na zuid foe Jerusalem; en a sa opo, en soema sa libi drape, foe da Benjamin Portoe te leki da presi foe da fosi portoe, te leki da Hoekoe Portoe, en foe da Chananeltoren te leki pe dem masi da kownoe druivi. Joel 3:En na da dei dati, a sa pasa so dati dem bergi sa dropoe nanga njoen wini, en dem pikin bergi sa lon nanga merki, en ala dem liba foe Juda sa lon nanga watra, en wan watrapeti sa opo kom na doro foe da oso foe MASRA, en a sa gi watra na da lagi presi foe Sittim. Les 1 Santa Jejej 1/16/2019

102 Palestijn na ini da millenium
Ezek. 47:8-9, Dan a ben taki gi mi taki: Dem watra disi komopo go da oost kondre, en dem saka go na da drei santi presi, en dem go na ini da zee; en te dem go na ini da zee, dem watra sa kom boen baka. 9. En a sa pasa so dati ibri sani disi de libi, disi de bewegi na ini ibri presi pe da liba sa waka; dem sani sa libi, en toemoesi foeroe fisi sa de drape, bikasi dem watra disi kom drape, bikasi dem sa kom boen baka, en ibri sani sa libi pe da liba de kom En na da sjoro foe da liba, na da sei disi nanga da sei dati, ala bon foe njanjan sa gro, en dem blatie no sa kom drei, en dem froktoe no sa pori; a sa meki njoen froktoe na hem moen, bikasi dem watra foe hem ben komopo foe da santa presi, en da froktoe foe hem sa de foe njanjan, en dem blatie sa de foe dresi. Les 1 Santa Jejej 1/16/2019

103 Jerusalem na ini da millenium
.Da foto sa de da centrum foe aanbegi foe grontapoe. Micha 4:1 Ma na ini dem laasti dei, a sa pasa so dati da bergi foe da oso foe MASRA sa seti faste na tapoe dem bergi, en dem sa opo hem moro hei leki dem pikin bergi; en dem pipel sa go na hem. Les 1 Santa Jejej 1/16/2019

104 Jerusalem na ini da millenium
Jesaja 2: En a sa pasa so na ini dem laasti dei, dati dem sa seti da bergi foe da oso foe MASRA na tapoe da pinti foe dem bergi, en dem sa de moro hei leki dem pikin bergi; en ala natie sa waka kom na hem. 3. En foeroe pipel sa go taki: Kom, meki wi kren go na da bergi foe MASRA, na da oso foe da Gado foe Jakob; en A sa leri wi Hem fasi, en wi sa waka na ini Hem pasi; bikasi da wet sa komopo foe Sion, en da woortoe foe MASRA sa komopo foe Jerusalem. Les 1 Santa Jejej 1/16/2019

105 Jerusalem na ini da millenium
Da foto sa de tapoe wan hei presi: Zach. 14:10 .Da foto sa de 10 km. lontoe Ezek. 48:35 Na ini da tem foe Kristus, a ben de ongeveer 7 km. .Dem sa kari da foto “Jehova-Shamma” disi wani taki “Masra de drape” Ezek. 48:35, nanga “Jehova Tsidkenu” disi wani taki: “Masra wi gerechtigheid” Jer. 23:6:33:16 Dem toe nem disi de dem laasti nem foe da lobi foto, disi ben kisi foeroe nem na ini da Bijbel: Les 1 Santa Jejej 1/16/2019

106 Dem nem foe Jerusalem Da foto foe David: II Sam. 6:12
Da foto foe da Bigi Kownoe: Mt. 5:35 Da Santa Foto: Jes. 48:2; 51:1; Mt. 4:5 Salem: Gen. 14:18 Da foto foe Gado: Ps. 46:4; 48:1; 87:3 Da foto foe Masra foe dem legre: Ps. 48:8 Les 1 Santa Jejej 1/16/2019

107 Dem nem foe Jerusalem Da foto foe gerechtigheid: Jes. 1:26
Da foto foe waarheid: Zach. 8:3 Da foto foe Masra: Jes. 60:14 Da volmaakt moi fasi: Klaagliederen 2:15 Da prisiri foe heri grontapoe: Klaagliederen 2:15 Les 1 Santa Jejej 1/16/2019

108 Da tempel na ini da millenium:
Da millennial tempel de da laasti foe 7 bigi tempel na ini da Bijbel. Dem de: .Da tabernakel foe Mozes: Ex. 40: B.C. .Da tempel foe Salomo: I Kon. 8: B.C. .Da tempel foe Zerubbabel (herbouw doro Herodes moro lati) Ezra 6; Johannes 2: 516 B.C A.D. Les 1 Santa Jejej 1/16/2019

109 Dem tempel.. Da tempel foe da skin foe Jezus: Jn. 2:21 4 B.C A.D. .Da jeje tempel - da kerki: Tori 2; I Tess. 4 (Pinkster te leki da opname foe da kerki) Da heri kerki: Ef. 2:21 .Da individueel kerki: I Kor. 3:16-17 .Da bribiwan: I Kor. 6:19 .Da tempel foe da tem foe bigi trobi: Openbaring 11: Opname - Harmageddon .Da millennial tempel: Les 1 Santa Jejej 1/16/2019

110 Da tempel na ini da millenium:
Da Santa presi lontoe da tempel: Palestine sa de prati na mindri foe dem 12 famiri foe Israel na da tem foe da millenium. Da kondre srefi sa prati na drie. Sebi famiri sa de na da noord, en 5 famiri sa de na da zuid. Na mindri foe dem toe gebied, wan presi de disi dem kari da santa presi, da gron disi de aparti gi Gado Da santa presi sa de wan bigi fo-hoekoe presi disi sa de 34 mijl na ibri sei, en abi 1160 mi2. Da birti disi sa de da centrum foe ala dem sani foe da lanti foe Gado nanga aanbegi foe grontapoe na da tem foe da millenium.... Da tempel srefi sa de na mindri foe da santa presi, no na ini da foto foe Jerusalem, ma na tapoe wan hei bergi disi Gado sa meki klari gi hem na da tem foe meki da tempel: Les 1 Santa Jejej 1/16/2019

111 Da tempel na ini da millenium:
Dem priester: Na 4 presi, wi feni dati dem priester sa komopo foe da famiri foe Zadok: Ezek. 40:46; 43:19; 44:15; 48:11 Zadok ben de wan foe dem hogepriester na da tem foe David (di foe elfoe komopo foe Aaron). Alatem a ben sori dati a ben de getrouw gi da kownoe. Bikasi foe disi, a ben kisi wan pramisi dati hem bakatem pikin sa abi da blesi wroko disi: I Sam. 2:35; I Kon. 2:27, 35 Les 1 Santa Jejej 1/16/2019

112 Da tempel na ini da millenium:
Da fesiman: Na ini Ezekiel, a taki 17 leisi abra da fesiman disi. Wi no sabi precis soema a de, ma a abi wan toemoesi belangrijk wroko na ini da tempel srefi, en a gersi dati a de wan sortoe mindriman na mindri foe da folkoe nanga dem priester. Wi sabi dati a no de Kristus, bikasi a meki wan sondoe ofrandi gi hemsrefi: Ezek. 45:22; en moro fara, a trow kaba, en a ben meki manpikin: Ezek. 46:16. Som soema denki dati da fesiman komopo foe da famiri foe Kownoe David, en dati a sa de gi David san da falsi profeti ben de gi antikristus. Les 1 Santa Jejej 1/16/2019

113 Da tempel na ini da millenium:
No garden - disi ben prati na toe foe da top’sei go miti da ondrosei, (Mt. 27:51) en a no sa kom baka na ini da tempel. No wan barrier sa de na mindri foe libisoema nanga da glori foe Gado .No tafra foe toonbrede: A no sa de fanowdoe bikasi da libi brede de aanwezig kaba. .No wan kandratiki: A no de fanowdoe bikasi da leti foe grontapoe sa de drape. .No ark foe da akkorderi: Disi no de fanowdoe, bikasi da Shekina glori Hemsrefi sa de tapoe heri grontapoe so leki da glori wolkoe ben tapoe da ark fosi. Les 1 Santa Jejej 1/16/2019

114 Da tempel na ini da millenium:
Da portoe na da oost sa de tapoe: Ezekiel 44:2 taki: Dan MASRA ben taki gi mi taki: Da portoe disi sa tape; dem no sa opo hem, en no wan soema sa go na ini doro hem; bikasi MASRA, da Gado foe Israel ben go na ini doro hem; foe dat’ede a sa tapoe. .Disi sa de da portoe disi Masra Jezus Kristus sa gebruiki foe go na ini da tempel. Wan marki foe respeki gi wan oosterse kownoe ben de dati no wan tra soema sa go na ini da portoe disi da kownoe ben gebruiki .A ben de foe da oost portoe dati da glori foe Gado ben gowe komopo da laasti tem na ini da Owroe Testamenti. Les 1 Santa Jejej 1/16/2019

115 Da tempel na ini da millenium:
Te a tapoe da portoe disi, Gado taigi da folkoe dati noti hem glori sa komopo foe fika da pipel. Meki wi leisi moro abra da portoe: A ben de da moro belangrijk en da moro bekenti portoe foe Jerusalem. A ben loekoe na tapoe da lagi presi foe Kidron en a de na fesi foe da zon disi sa opo. Dem crusader ben kari hem da “gowtoe portoe.” Di joe ben go na ini da portoe disi, joe ben kom na da Moi Portoe foe da tempel srefi (Tori 3:2). Traditie taki dati wanlo pisi foe da portoe ben de presenti foe da koningin foe Seba. Dem Arabier soema kari hem da Portoe foe Teego, en bikasi a de wan dobroe portoe, dem ben kari wan portoe da Portoe foe Drai Libi en da trawan da Portoe foe Gnade. Joe kan leisi foe hem na ini Nehemia 3:29. Les 1 Santa Jejej 1/16/2019

116 Da tempel na ini da millenium:
Wi ben si kaba dati wantoe meubel no sa de na ini da tempel disi ben de na ini da Owroe Testamenti tempel. Tokoe da kopro altari foe ofrandi sa de. Minstes fo Owroe Testamenti profeti-taki de abra disi: Jes. 56:6-7; 60:7; Jer. 33:10; Zach. 14: Ma foe san’ede wi sa abi dem meti broedoe ofrandi fanowdoe na ini da millenium? . Sondoe, pina, sari , siki, satan, nanga prati foe trawan no de moro.. Alwasi alasani de moi lontoe dem, tokoe dem pikin moesoe drai dem libi. Dem ben de foe da famiri foe Adam, en dem sa abi verloesoe fanowdoe: Rom. 3:23; Jn. 3:3. Ma fa foe bereik dem pikin. Fa wi kan sori dem disi? Disi de wan generatie disi no sabi drugs, hatibron, kiri enz. Foe dat’ede dem sa abi da ofrandi system na ini da tem foe da millenium. Les 1 Santa Jejej 1/16/2019

117 Da tempel na ini da millenium:
Da ofrandi sori: Dem sa sori soema dati joe moesoe gebore njoen baka .Dem sa sori fa wi verloesoe ben kostoe diri foe troe .Dem sa sori fa sondoe de ogri .Dem sa sori dati wi Gado de santa. Les 1 Santa Jejej 1/16/2019

118 Da laasti opstand foe Satan
Openbaring 20: En te dem doesoen jari kaba, dem sa loesoe Satan komopo foe hem doengroe-oso, 8. En a sa go na doro foe kori dem natie disi de na dem fo hoekoe foe grontapoe, Gog nanga Magog, foe tjari dem kom makandra foe feti; da nomroe foe dem soema ben de leki da santi foe da zee. 9. Dem ben komopo foe da bradi foe grontapoe, en dem ben go lontoe da kampoe foe dem santawan, nanga da lobi foto; en faja ben saka komopo foe Gado na ini hemel, en a ben swari dem. Les 1 Santa Jejej 1/16/2019

119 Satan laasti opstand Wi bribi dati Gado ben loesoe satan na da kaba foe da millenium foe sori dati alwasi da libi situatie ben de ideal na ini da millenium, na Masra Jezus ben de kownoe, tokoe disi no kenki da hati foe wan libisoema. Disi sori krin fa libisoema hati bron agensi Gado. Da Bijbel no lei te a taki dati da hati foe wan libisoema de toemoesi ogri, en a no man kenki hemsrefi. Man no kan meki hemsrefi kom boen. Da loesoe foe satan baka 1000 jari sori disi duidelijk. Les 1 Santa Jejej 1/16/2019

120 Libisoema hati takroe aparti foe da gnade foe Gado
Da natuur foe wan libisoema ben kenki aparti foe da gnade foe Gado? Da prakseri foe skin de wan mati foe Gado? Wi ben si 1000 jari foe 100% makti nanga boen keus na ini alasani ben poti wan tapoe na oorlog foe teego? Wi moesoe gi wan tesi na ini da prakteit. Loesoe satan ete wan leisi foe hem doengroe-oso. Meki hem waka tapoe dem lafoe firi disi a ben sabi so boen fosi. Meki hem si san ben tapoe nanga broedoe nanga watra-ai, disi ben de san a ben doe di a ben basi grontapoe, ma now dem lafoe nanga foeroe goedoe. Ma te a waka moro farawe foe Jerusalem, da centrum foe da blesi disi, dem marki kom moro tranga foe feni te leki na wan hoekoe foe grontapoe, a feni dem miljoenen disi ben hari komopo foe da santa centrum, en dem hati de opo foe hem sa kori dem. Les 1 Santa Jejej 1/16/2019

121 Da laasti oorlog Openbaring 20: Dem ben komopo foe da bradi foe grontapoe, en dem ben go lontoe da kampoe foe dem santawan, nanga da lobi foto; en faja ben saka komopo foe Gado na ini hemel, en a ben swari dem En dem ben trowe didibri disi ben kori dem na ini da zee foe faja nanga swarfoe, pe da meti nanga dem falsi profeti de, en a sa pina dei nanga neti foe teego. Wi si dati da oorlog disi, dati dem kari “Gog nanga Magog” no de da srefi leki di foe Ezekiel Les 1 Santa Jejej 1/16/2019

122 Da bigi weti troon kroetoe
Openbaring 20: En mi ben si wan bigi weti kownoe-stoeroe, nanga Hem disi ben sidon na hem tapoe, en grontapoe nanga hemel ben lowe go kibri foe Hem fesi, en dem no ben feni wan presi moro gi dem En mi ben si dem dedesoema, pikinwan nanga bigi-wan, tanapoe na fesi foe Gado, en dem ben opo dem boekoe; en dem ben opo wan tra boekoe, da boekoe foe libi, en dem ben kroetoe dem dedesoema abra dem sani disi ben skrifi na ini dem boekoe, abra dem wroko En da zee ben gi abra dem dedesoema disi ben de na hem ini; en dede nanga dedekondre ben gi dem dedesoema abra disi ben de na dem ini; en dem ben kroetoe ibri soema so leki dem wroko ben de. Les 1 Santa Jejej 1/16/2019

123 Da bigi weti troon kroetoe
14. En dem ben trowe dede nanga dedekondre na ini da faja-zee. Disi na di foe toe dede En dem ben teki ibri soema disi dem no feni hem nem skrifi na ini da boekoe foe libi trowe na ini da faja-zee. Daniel 7: Mi ben loekoe te leki dem kownoe-stoeroe ben seti, en da Owroewan foe Dei ben sidon; Hem krosi ben de weti leki sneeuw, en da wiwiri foe Hem hede ben de leki lala Wel; Hem kownoe-stoeroe ben de leki wan faja-vlam, en Hem banti ben de leki wan faja disi de bron Wan faja-liba ben komopo na Hem fesi; doesoen tron doesoen ben dini Hem, en tien doesoen tron tien doesoen ben tanapoe na Hem fesi; en dem seti da kroetoe, en dem opo dem boekoe. Les 1 Santa Jejej 1/16/2019

124 Jezus de da kroetoeman Johannes 5:22, 27 Bikasi da Tata no kroetoe no wan libisoema, ma A ben gi ala kroetoe abra na da Pikin; En A ben gi Hem makti foe koti kroetoe toe, bikasi A de Soemapikin. Tori 10:40, 42 Ma Gado ben opo Hem baka na di foe drie dei, en A ben sori Hem na foeroe soema; 42. En A ben komanderi wi foe preiki gi da pipel, en foe gi getuigi dati A de Hem disi Gado ben seti foe de da Kroetoeman foe dem soema disi de na libi, nanga dem dedesoema toe. II Tim. 4:1 Foe dat'ede, mi komanderi joe na fesi foe Gado nanga Masra Jezus Kristus, disi sa kroetoe dem libisoema nanga dem dedesoema te A sa sori Hemsrefi na Hem kownoekondre: Les 1 Santa Jejej 1/16/2019

125 Dem opo dem boekoe Da boekoe foe konsensi: Rom. 2:15 Alwasi joe no man taki dati wan soema konsensi de boen alatem, tokoe a sa fon hem na dem tem disi a broko hem opzettelijk. .Da boekoe foe woortoe: Mt. 12: Ma Mi taki gi oen taki: Na da bigi kroetoe-dei, ala soema moe gi frantwoortoe foe ibri soso woortoe srefi disi dem ben taki Bikasi joe sa kom regtvaardiki foe joe egi woortoe, en joe sa kisi kroetoe foe joe egi woortoe. Jn. 12:48 Da soema disi teki Mi trowe, en A no teki Mi woortoe, abi Wan disi sa kroetoe hem: da woortoe disi Mi ben taki kaba, dati sa kroetoe hem na da laasti dei. Les 1 Santa Jejej 1/16/2019

126 Dem boekoe Da boekoe foe kibri wroko:
Romeini 2:16 Na da dei disi Gado sa kroetoe ala dem kibri-tori foe libisoema nanga Jezus Kristus leki mi boen njoensoe de taki. Prediker 12:14 Bikasi Gado sa kroetoe ibri wroko, nanga ibri kibri sani, alwasi a de boen, alwasi a de ogri. Les 1 Santa Jejej 1/16/2019

127 Dem boekoe Da boekoe foe openbaar wroko:
Mt. 16:27 Bikasi Soemapikin sa kom na ini da glori foe Hem Tata nanga Hem engel; en dan A sa pai ibriwan so leki dem wroko disi hem ben doe. II Kor. 11:15 Foe dat'ede a no de wan bigi sani efoe hem dinari srefi ben sa kenki foe gersi dinari foe gerechtigheid; da kaba foe dem sa de so leki a de fiti dem wroko. .Da boekoe foe libi: Les 1 Santa Jejej 1/16/2019

128 Da bigi weti troon kroetoe
Soema sa kisi kroetoe na da troon disi? Leki wi ben taki na fesi, (na ondro da kroetoe-stoeroe foe Kristus), soso lasiwan sa tanapoe na fesi foe da troon disi. .Da kroetoe foe da troon disi: Da faja-zee foe teego: Open. 20:14-15; Mt. 25:41, 46 Les 1 Santa Jejej 1/16/2019

129 Hemel & grontapoe gowe Mt. 24:35 Hemel nanga grontapoe sa pasa gowe, ma Mi woortoe no sa pasa gowe. Hebreeen 1: En: Na da bigin, Joe, Masra, ben seti da fondamenti foe grontapoe; en dem hemel de dem wroko foe Joe anoe Dem sa lasi gowe, ma Joe de tan, en dem sa kom owroe leki wan krosi; 12. Joe sa lolo dem makandra leki wan krosi, en dem sa kenki, ma Joe tan da srefi, en noiti Joe jari sa kaba. Les 1 Santa Jejej 1/16/2019

130 Hemel & grontapoe gowe II Petrus 3: Ma da dei foe Masra sa kom leki wan foefoeroeman na neti; dem hemel sa pasa gowe nanga wan bigi babari, en dem elementi sa smelti nanga da toemoesi bigi faja, en grontapoe nanga dem wroko foe hem sa bron toe Te oen si dati alasani sa lasi gowe, dan sortoe soema oen moesoe de na ini oen santa waka nanga oen Gado-fasi, Wan dei Gado sa kisi didibri en sroto hem foe teego. Foe doe disi, Gado sa bron dem sani foe meki dem kom krin. En werkelijk da sani wroko boen, bikasi wan faja disi kom moro hipi sa meki dem sani kom krin moro esi. Gado sa doe na da heri schepping san a ben doe gi Israel kaba: Jes. 48:10 Loekoe, Mi ben krini joe, ma no nanga sorfoe; Mi ben tesi joe na ini da onfoe foe pina. Les 1 Santa Jejej 1/16/2019

131 Njoen hemel & grontapoe
Jesaja 65:17 Bikasi loekoe, Mi sa meki wan njoen hemel nanga wan njoen grontapoe; en dem no sa membre da fosi wan, en no wan soema sa prakseri hem moro. Jesaja 66:22 En da njoen hemel nanga da njoen grontapoe disi Mi sa meki sa tan na Mi fesi; so MASRA de taki: En oen bakatem pikin nanga oen nem sa tan. Les 1 Santa Jejej 1/16/2019

132 Njoen hemel & grontapoe
II Petrus 3:13 Tokoe, so leki A ben pramisi kaba, wi loekoe foe wan njoen hemel nanga wan njoen grontapoe pe gerechtigheid de libi. Openbaring 21:1 En mi ben si wan njoen hemel nanga wan njoen gron-tapoe; bikasi da fosi hemel nanga da fosi grontapoe ben pasa kaba; en no wan zee ben de moro. Les 1 Santa Jejej 1/16/2019