Doctrine II – Les 05 Da Leri abra Sondoe

Presentatie over: "Doctrine II – Les 05 Da Leri abra Sondoe"— Transcript van de presentatie:

1 Doctrine II – Les 05 Da Leri abra Sondoe
Bijbel Baptist Kerk Les Doctrine II – Les 05 Da Leri abra Sondoe Robert D. Patton Da Froktoe foe da Jeje: Lobi 1/3/2019

2 San na sondoe? Gado de santa, en A no man nanga sondoe
Wi abi ala sortoe nem – wan swaki fasi, wan ongolokoe, wan kans disi miti wi, wan foutoe Ma Gado loekoe na sondoe leki wan fisti sani disi wi verkisi wisrefi en kom na opstand tegen Hem Les 1 Santa Jejej 1/3/2019

3 Sondoe – bigin te kaba foe da Bijbel
Da di foe toe presi na ini da Bijbel: Gen. 18:20 En MASRA ben taki: Bikasi da krei foe Sodom nanga Gomorra de bigi, en bikasi dem sondoe de toemoesi takroe; Wi feni da laasti presi na ini Openbaring 18:5, pe da heri hatibron foe Gado fadon na da economie foe Babylon nanga heri grontapoe: Bikasi dem sondoe foe hem ben doro te leki hemel, en Gado ben membre dem sondoe foe hem. Les 1 Santa Jejej 1/3/2019

4 Gado oplossing foe sondoe
Mt. 1: Ma di a ben prakseri so, loekoe, da engel foe Masra ben sori hemsrefi na hem na ini wan dren, en a ben taki: Jozef, joe manpikin foe David, joe no moesoe frede foe teki Maria leki joe wefi; bikasi da bere foe hem ben komopo foe da Santa Jeje En a sa meki wan manpikin, en joe sa kari hem nem JEZUS, bikasi A sa verloesoe Hem pipel foe dem sondoe. Les 1 Santa Jejej 1/3/2019

5 Gado oplossing foe sondoe
Jn. 1:29 Wan dei na baka, Johannes ben si Jezus kom na hem, en a ben taki: Loekoe, da Lam foe Gado, disi teki da sondoe foe grontapoe tjari gowe. Dem versi sori wi dati da moro bigi reden Jezus Kristus ben teki skin fasi ben de foe wini sondoe. Les 1 Santa Jejej 1/3/2019

6 Sondoe – misi da marki Hamartema - disi wani taki foe soetoe na wan marki ma misi hem. Sondoe de wan sani pe joe wani bereik da glori foe Gado, ma nanga san joe doe, efoe joe attitude, joe no gi Gado glori. Rom. 3:23 Bikasi dem alamala ben doe sondoe, en dem mankeri da glori foe Gado. Les 1 Santa Jejej 1/3/2019

7 Sondoe – abra wan lijn Parabasis - disi wani taki foe stap moro fara abra wan lijn disi joe no moesoe abra. Disi wani taki dati a de sondoe di wan soema abra wan marki disi Gado srefi ben poti: I Jn. 3:4 Da soema disi de doe sondoe dorodoro broko da wet toe, bikasi sondoe broko da wet. Tori 1:25b di Judas ben fadon komopo nanga hem sondoe foe hem sa go na hem egi presi. Jakobus 2:11b Bikasi Hem disi ben taki: No doe soeta ben taki toe taki: No kiri. Now efoe oen no ben doe soeta, ma tokoe oen ben kiri, dan oen ben broko da wet. Les 1 Santa Jejej 1/3/2019

8 Theoloog taki abra sondoe
A. H. Strong: Sondoe de te a no klop nanga da moreel wet foe Gado, na ini wan sani disi wi doe, efoe fa wi doe hem. Charles Hodge: Sondoe wani taki dati wi no klop nanga da wet foe Gado James Oliver Buswell: Sondoe de iniwan sani na ini da schepsel disi no sori da karakter efoe disi de tegen da karakter foe da Schepper L. S. Chafer: Sondoe de wan tranga jesi sondro rostoe na ini da schepsel disi no wani tan na ini da presi pe da Schepper, disi abi da sabi foe Gado, ben poti hem. Les 1 Santa Jejej 1/3/2019

9 Oorsprong foe sondoe = didibri
Ezek. 28: Moro fara, da woortoe foe Gado ben kom na mi taki: 12. Soemapikin, meki wan krei-singi abra da kownoe foe Tyrus, en taki gi hem taki: so Masra Gado de taki: Joe de so moi leki Gado ben meki joe; joe lai nanga koni en joe de volmaakt foe di joe de so moi Joe ben de na ini Eden, da djari foe Gado; ala dem diri ston ben tapoe joe; redi jaspis, chrysoliet nanga prasem, turkoois, chrysopraas nanga nefriet, lazuurston, hematiet, malachiet nanga gowtoe; da wroko foe joe cymbal nanga joe pijp ben klari na ini da dei dati A ben meki joe. Les 1 Santa Jejej 1/3/2019

10 Oorsprong foe sondoe – didibri
14. Joe de da salfoe cherub disi ben tapoe sani; en Mi ben seti joe so; joe ben de na tapoe da santa bergi foe Gado; joe ben waka kom, waka go na tapoe dem faja-ston Joe ben de sondro foutoe na ini joe pasi sinsi da dei A ben meki joe te leki A ben feni sondoe na joe ini Nanga foeroe seri-wroko dem ben foeroe joe nanga feti, en joe ben doe sondoe; foe dat'ede Mi sa trowe joe leki wan soso sani komopo foe da bergi foe Gado; en Mi sa figi joe poeroe, O cherub disi ben tapoe sani, komopo na mindri foe dem faja-ston. Les 1 Santa Jejej 1/3/2019

11 Oorsprong foe sondoe 17. Joe hati ben opo hemsrefi bikasi foe fa joe de moi; joe ben pori joe koni bikasi foe fa joe de brinki; Mi sa trowe joe na gron, en Mi sa saka joe na fesi foe dem kownoe, foe dem kan loekoe na joe tapoe Joe ben pori joe santa presi nanga joe hipi ogridoe, nanga da sondoe foe joe seri-wroko; foe dat'ede Mi sa meki wan faja komopo na joe mindri; a sa njan joe, en Mi sa meki joe tron asisi na grontapoe na fesi foe ala soema disi de loekoe na joe tapoe Ala dem soema disi sabi joe kaba na mindri foe dem pipel sa verwondroe bikasi foe joe; joe sa de wan skreki sani; noiti joe sa de moro. Les 1 Santa Jejej 1/3/2019

12 Oorsprong foe sondoe Jes. 14: O fa joe ben fadon komopo foe hemel, O Lucifer, manpikin foe mamanten! Fa A ben koti joe trowe na tapoe da gron, joe disi ben meki dem natie kom swaki!13. Bikasi joe ben taki na ini joe hati taki: Mi sa opo go na ini hemel; mi sa opo mi kownoe-stoeroe moro hei leki dem stari foe Gado; mi sa sidon toe na tapoe da bergi foe da komakandra, na da sei foe da noord;14. Mi sa opo moro hei leki dem wolkoe; mi sa de leki da Moro Hei Wan.15. Tokoe A sa trowe joe go na ini dedekondre, na da sei foe da peti. Les 1 Santa Jejej 1/3/2019

13 Oorsprong foe sondoe Lk. 10:18 En A ben taki gi dem taki: Mi ben si Satan fadon leki dondroe-faja komopo foe hemel. I Jn. 3:8 Da soema disi gwenti foe doe sondoe de foe didibri; bikasi didibri ben doe sondoe sinsi da bigin. Foe dat'ede da Manpikin foe Gado ben sori Hemsrefi, so dati A sa broko dem wroko foe didibri. Les 1 Santa Jejej 1/3/2019

14 Oorsprong foe sondoe Open. 12: En wan tra marki ben sori hemsrefi na ini hemel; en loekoe, wan bigi redi draak disi ben abi sebi hede nanga tien toetoe, en a ben abi sebi kroon na tapoe dem hede foe hem. 4. En hem tere ben srepi di foe drie pisi foe dem stari foe hemel, en a ben trowe dem go na tapoe grontapoe; en da draak ben tanapoe na fesi foe da oema disi ben klari foe meki, foe swari hem pikin so esi leki a ben sa meki hem Les 1 Santa Jejej 1/3/2019

15 Oorsprong tapoe grontapoe
Gen. 2: En MASRA Gado ben komanderi da man taki: Joe kan njan so meni leki joe wani foe ibri bon foe da djari;17. Ma foe da bon foe sabi boen nanga ogri, joe no sa njan foe hem; bikasi da dei dati joe sa njan foe hem joe sa dede foe troe. Gen. 3:6 En di da oema ben si dati da bon ben de boen foe njanjan, en dati a ben de moi foe si, en wan bon disi joe sa wani foe meki joesrefi kisi koni, dan a ben teki da froktoe foe hem, en a ben njan, en a ben gi hem na hem masra toe, disi ben de nanga hem, en a ben njan. Les 1 Santa Jejej 1/3/2019

16 Oorsprong foe sondoe na grontapoe
Rom. 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. I Kor. 15:22 Bikasi so leki ala soema dede na ini Adam, so srefi na ini Kristus, ala soema sa kom baka na ini libi. Les 1 Santa Jejej 1/3/2019

17 Libisoema fadon na ini tesi
Satan ben loeroe dem fosi ouders foe doe precis san hemsrefi ben doe, disi ben de foe kom onafhangelijk foe Gado en komopo foe Hem wani nanga Hem doel. Bikasi dem no ben si fara, dem bigi ai nanga prodo-fasi ben gi abra wan volmaakt positie nanga bestemming disi ben komopo foe lobi pasa marki, foe koni en krakti disi Gado srefi ben meki, en dem ben kom na ini da poti oorlog foe wan libi disi abi hemsrefi leki da basis, en disi sa tjari dede foe teego kom. Les 1 Santa Jejej 1/3/2019

18 Libisoema fadon Di Gado ben meki dem, dem ben ervaar da boen kaba; di dem ben fadon, now dem sa ervaar da ogri. Dem no ben wini noti, ma dem ben abi alasani foe lasi. Da schepsel de helemaal foe da Schepper, alwasi a de wan engel efoe wan libisoema, en da Schepper abi leti na hem tapoe, en a de totaal afhangelijk foe da Schepper Les 1 Santa Jejej 1/3/2019

19 Soema basi joe libi? Te foe kaba, joe abi toe filosofie foe libi nomo. Wan de foe gi jesi na da wani foe Gado, disi ben de da fasi disi Gado ben seti na fesi, en da trawan de foe trowe da Schepper en no gi jesi na Hem autoriteit nanga hem doel. Les 1 Santa Jejej 1/3/2019

20 Da plan foe satan Wan plan de foe satan, en alwasi heri grontapoe teki da plan disi, tokoe a tan komopo foe satan. Di a ben kom na ini da djari, satan no ben tjari wan bigi uitleg abra hem filosofie. A ben kom loeroe dem leki soso satan kan doe: a ben sori fa disi kan moi foe dem sani wi natuur sa wani, a ben sori sondoe leki wan pikin sani, a ben pori da karakter foe Gado di a ben taki dati Gado no ben lobi dem, en dan a ben loeroe dem foe de leki Elohim. Les 1 Santa Jejej 1/3/2019

21 Da doel foe satan Da doel foe satan no ben de soso foe trowe Gado; a ben wani abi wan heri systeem na ini da heelal pe a misbruiki dem elementi foe da schepping foe Gado, disi demsrefi de boen. Satan no kan meki noti. Da moro belangrijk pisi foe hem wroko ben de foe kisi da samenwerking foe libisoema. A moesoe wini libisoema, efoe a sa lasi helemaal. Adam nanga Eva ben denki dati dem sa kom onafhangelijk, ma foe troe, dem ben tron slafoe foe sondoe nanga satan. Les 1 Santa Jejej 1/3/2019

22 Fa satan wroko Libisoema ben fadon doro da tesi foe da sneki, disi ben zaai na ini da hede foe libisoema dem siri foe no bribi efoe vertrouw Gado. Alwasi a ben de da doel foe da tesiman foe meki Adam, disi ben de da hede foe da akkorderi, foe fadon, a ben bigin nanga Eva - kande bikasi a no ben de da hede foe da akkorderi, en a no sa firi so wan frantwoortoe. Moro fara, a no ben kisi da komanderi foe Gado direkt, ma doro Adam, en kande a sa de moro gemakkelijk foe kori nanga switi woortoe; en te foe kaba, doro Eva, a sa abi wan moro boen fasi foe kisi Adam. Les 1 Santa Jejej 1/3/2019

23 Loekoe boen soema joe bribi
Na da fosi presi, a ben zaai dem siri foe twijfel efoe Gado ben wani doe boen, en foe sori dati disi no ben de wan boen doel foe Gado, ma a ben kwinsi da leti nanga da fri fasi foe libisoema. Na ini da fasi Eva ben piki baka, a ben si dati dem siri ben teki loetoe, en a ben poti siri foe prodo-fasi en siri foe no bribi, en a ben taki dati da sondoe no sa tjari dede kom, en dati da reden foe da wet ben de foe kwinsi libisoema foe dem moesoe de na ondro da makti foe Gado. A taigi dem dati foe njan da froktoe sa meki dem de leki Gado. Disi ben loeroe Eva foe loekoe na da bon, en da moro langa a ben loekoe, da moro switi da froktoe ben loekoe na hem. Te foe kaba, da lostoe ben wini hem, en a ben njan, en a ben gi na hem masra, en a ben njan toe. Les 1 Santa Jejej 1/3/2019

24 Sondoe no de foe teego Na ini da 3e eeuw, wan Perzier filosoof dem ben kari Mani ben ontwikkel wan skoro disi dem ben kari Manichaesim. Disi ben leri soema dati toe beginsel ben de disi de foe teego, en disi no de wan persoon. Wan de da beginsel foe boen, en da trawan, foe ogri. Disi sa taki dati na presi foe Gado, wi abi “boen”, en na presi foe satan, wi abi “ogri.” Les 1 Santa Jejej 1/3/2019

25 Sondoe no de soso dati boen mankeri.
Som soema leri dati leki doengroe wani taki soso dati leti mankeri, so srefi sondoe de soso dati boen mankeri. Disi no de troe. Sondoe de wan troe sani. Les 1 Santa Jejej 1/3/2019

26 Sondoe wani taki soso dati da skin foe libisoema swaki.
Dem wani taki dati sondoe de leki fa wi abi angribere, dreiwatra, nanga weri skin. Disi no de troe Les 1 Santa Jejej 1/3/2019

27 Sondoe no abi wan standaard foe hemsrefi.
Sondoe moesoe kisi da marki komopo foe san disi de boen. Joe kan abi boen aparti foe ogri, ma joe no man abi ogri aparti foe boen. Da natuur foe sondoe de so dati a moesoe de tegen en pori wan boen sani. Ibri sondoe de wan pori foe wan sani disi ben de boen. Les 1 Santa Jejej 1/3/2019

28 Sondoe moesoe kibri hemsrefi
Sondoe nanga ogri no kan sori demsrefi helemaal krin leki fa dem de. Dem moesoe vermom demsrefi na wan fasi leki boen. A no de dati soso sondoe moesoe vermom hemsrefi, ma a moesoe tai hemsrefi na da boen. Sondoe srefi no man tai iniwan sani makandra. Sondoe moesoe tai hemsrefi na wan boen foe sori hemsrefi leki a doe boen, en dan panja go moro fara Les 1 Santa Jejej 1/3/2019

29 Som leisi sondoe feti agensi hemsrefi
Na wan sei, wan soema no gebruiki moni nofo foe hori hemsrefi na libi boen. Na da tra sei, a kan trowe toemoesi moni foe libi bigi fasi. Wan soema disi lobi wan sortoe sondoe kan loekoe na wan takroe ai na wan tra sortoe sondoe Les 1 Santa Jejej 1/3/2019

30 Ogridoe vs. sondoe Som leisi wan verschil de na mindri foe sondoe nanga ogridoe. Bijvoorbeeld, sondoe no de da srefi alatem leki ogri. Wi kan taki na dem sani disi miti wi leki drai-winti, floedoe, enz. leki ogri, ma wi no kan kari dem sondoe. Jes. 45:7 Mi meki leti, en Mi meki doengroe; Mi meki vrede, en Mi meki pina. Mi, MASRA, doe ala dem sani disi. Dja wi ben vertaal da woortoe pina. Joe kan vertaal hem ogri toe. Les 1 Santa Jejej 1/3/2019

31 Gado no doe sondoe II Kor 5:21. Bikasi A ben meki Hem tron sondoe foe wi ede, Hem disi noiti ben sabi sondoe kwet'kweti; so dati A sa meki wi tron da gerechtigheid foe Gado na ini Hem. Titus 1:2 Na ini hopoe foe da libi foe teego, disi Gado, disi no kan lei, ben pramisi fosi grontapoe ben meki; Les 1 Santa Jejej 1/3/2019

32 Gado no doe sondoe Heb. 4:15 Bikasi wi no abi wan hogepriester disi no kan firi wi swaki-fasi, ma A ben kisi tesi na ala fasi so leki wi kisi tesi, ma tokoe noiti A ben doe sondoe. Heb. 6:18 So dati nanga toe sani disi no man kenki, bikasi Gado noiti kan lei, wi ben sa abi wan tranga troostoe; wi disi ben lon go kibri kan fasi na da hopoe disi A seti na wi fesi. Les 1 Santa Jejej 1/3/2019

33 Gado no doe sondoe Jak. 1:13 No meki wan soema taki te a kisi tesi taki: Gado tesi mi; bikasi no wan ogri kan tesi Gado, en A no tesi no wan soema toe; I Pet. 2:22 Hem disi noiti ben doe sondoe, en noiti ben kori nanga Hem mofo; I Jn. 3:5 En oen sabi dati A ben sori Hemsrefi foe teki wi sondoe tjari gowe, en no wan sondoe de na Hem ini kwet'kweti. Les 1 Santa Jejej 1/3/2019

34 Ala libisoema doe sondoe
Getuigi foe geschiedenis Getuigi foe wi egi konsensi Getuigi foe ala sortoe religie – omeni altari, difrenti sortoe ofrandi, enz. De Les 1 Santa Jejej 1/3/2019

35 Da Bijbel taki: I Koningin 8:46a - bikasi no wan man de disi no doe sondoe... Spreuken 20:9 Soema kan taki: Mi ben meki mi hati kom krin; mi de krin foe mi sondoe? Jeremia 17:9a Da hati de bedriegi moro leki alasani, en a de toemoesi takroe; soema kan sabi hem? Les 1 Santa Jejej 1/3/2019

36 Ala soema doe sondoe Pred. 7:20 Bikasi no wan soema na grontapoe de so regtvaardiki dati a doe soso boen, en noiti a doe sondoe. Jes. 53:6 Wi alamala de leki skapoe disi ben lasi pasi; wi ben drai ibriwan foe teki hem egipasi; en MASRA ben poti da sondoe foe wi alamala na hem tapoe. Jesaja 64:6 Ma wi alamala de leki wan doti sani, en ala wi gerechtigheid de leki morsoe krosi; en wi kom drei leki wan blati, en wi sondoe, leki da winti, ben tjari wi gowe. Les 1 Santa Jejej 1/3/2019

37 Wi na sondari Rom. 3:23 Bikasi dem alamala ben doe sondoe, en dem mankeri da glori foe Gado. Gal. 3:22a Ma da skrifi ben sori krin dati ala soema de na ondro sondoe, so dati Gado kan gi da pramisi doro bribi na ini Jezus Kristus na dem soema disi de bribi. Les 1 Santa Jejej 1/3/2019

38 Wi doe sondoe Jak. 3:2a Ma no wan soema kan dwingi da tongo; a de wan krasi ogri sani disi de foeroe nanga wisi disi kan kiri. I Jn. 1:8 Efoe wi taki dati wi no abi sondoe, dan wi kori wisrefi, en da waarheid no de na wi ini. I Jn. 1:10 Efoe wi taki dati wi no ben doe sondoe, wi meki Hem tron wan leiman, en Hem woortoe no de na wi ini. Les 1 Santa Jejej 1/3/2019

39 Libisoema bekenti sondoe
Farao: Ex. 9:27 En Farao ben seni kari Mozes nanga Aäron kom, en a taki gi dem taki: Mi ben doe sondoe da tem disi; MASRA abi leti, en mi nanga mi pipel ben doe sondoe. .Bileam: Num. 22:34 En Bileam ben taki gi da Engel foe MASRA taki: Mi ben doe sondoe; bikasi mi no ben sabi dati Joe ben tanapoe na tapoe da pasi foe tapoe mi; now efoe disi no de gi Joe prisiri, mi sa drai go baka. Les 1 Santa Jejej 1/3/2019

40 Libisoema bekenti sondoe
Achan: Joz. 7:20 En Achan ben piki Jozua taki: Foe troe, mi ben doe sondoe agensi MASRA Gado foe Israël, en so en so mi ben doe; .Saulus: I Sam. 26:21 Dan Saul ben piki taki: Mi ben doe sondoe; kom baka, mi pikin David, bikasi mi no sa doe joe wan ogri moro, bikasi mi sieli ben diri na ini joe ai tide. Loekoe, mi ben doe wan dom sani, en mi ben meki wan bigi foutoe. Les 1 Santa Jejej 1/3/2019

41 Libisoema bekenti sondoe
David: II Sam. 12:13 En David ben taki gi Natan taki: Mi ben doe sondoe agensi MASRA. En Natan ben piki David taki: MASRA ben teki joe sondoe tjari gowe; joe no sa dede.; 24:10 En David konsensi ben fon hem baka di a ben teri da folkoe. En David ben taki gi MASRA taki: Mi ben doe wan bigi sondoe bikasi mi ben doe da sani disi; now, mi begi Joe, O MASRA, figi da sondoe foe Joe dinari poeroe, bikasi mi ben doe wan toemoesi dom sani. .Job: Job 7:20 Mi ben doe sondoe; san mi sa doe nanga Joe, O Joe Verloesoeman foe libisoema? Foe san'ede Joe ben seti mi leki wan marki agensi Joe, so dati mi lastiki misrefi? Les 1 Santa Jejej 1/3/2019

42 Libisoema bekenti sondoe
Da “verloren” zoon: Lk. 15:21 En da manpikin ben taki gi hem taki: Mi tata, mi ben doe sondoe agensi hemel en na joe fesi, en mi no de waarti moro foe dem kari mi joe manpikin. .Judas: Mt. 27:4 En a ben taki: Mi ben doe sondoe, en mi ben tori broedoe sondro foutoe. En dem ben piki hem taki: Sortoe wroko wi abi nanga dati? Dati de joe egi wroko. Les 1 Santa Jejej 1/3/2019

43 Fa sondoe de takroe Da bewijs foe dem engel: prakseri wan koni en boen wrokoman meki wan toemoesi moi sani komopo foe noti. Dan a gi da sani a ben meki libi, en a tapoe hem nanga omeni moi ston, en a gi hem wan muziek systeem. A poti san a ben meki na hem ondro foe de basi foe da heelal. Omeni miljoen tra schepsel ben loekoe na da engel foe leiderschap. Hem wan frantwoortoe de foe dini hem koni en lobi schepper. Ma wan dei, foe no wan reden srefi, da schepsel disi ben kisi so meni boen foe da schepper ben val hem aan, en a ben meki wan opstand agensi hem foe jagi hem komopo foe da heelal disi a ben meki. Si fa disi no sori grantangi kwet’kweti. Les 1 Santa Jejej 1/3/2019

44 Fa sondoe de ogri Da bewijs foe wan libisoema: Wan libisoema ben doe wan sondoe, en a ben gersi dati da sondoe dati ben de so pikin dati Gado no sa si hem kwet’kweti, en tokoe da wan sondoe dati de ogri nofo foe meki da soema disi ben doe dati pori helemaal, en foe meki omeni miljoen foe dem bakatem pikin foe hem pina na ini da skin en dede, en moro hipi foe dem foe tan na ini hel foe teego. Les 1 Santa Jejej 1/3/2019

45 Fa sondoe de takroe Da bewijs foe Gado: Da manpikin foe Gado ben pina na wan fasi disi wi no man marki tapoe da kruisi bikasi foe sondoe. Tra fasi no ben de foe bai wi baka. Tokoe, alwasi no wan tra sondoe ben pasa na ini grontapoe boiti da wan sondoe dati, a ben sa de fanowdoe foe da verloesoeman foe pina en dede na da srefi pina-fasi efoe wan regtvaardiki Gado sa gi pardon foe da wan sondoe dati, en foe meki da sondari kom regtvaardiki baka. Les 1 Santa Jejej 1/3/2019

46 San sondoe doe na didibri
A ben lasi hem positie leki da salfoe cherub na ini hemel: Ezek. 28: Joe de da salfoe cherub disi ben tapoe sani; en Mi ben seti joe so; joe ben de na tapoe da santa bergi foe Gado; joe ben waka kom, waka go na tapoe dem faja-ston. 15. Joe ben de sondro foutoe na ini joe pasi sinsi da dei A ben meki joe te leki A ben feni sondoe na joe ini. A ben tron da draak foe grontapoe: Open. 12: En wan feti ben de na ini hemel; Michaël nanga hem engel ben feti agensi da draak; en da draak nanga hem engel ben feti, 8. Ma dem no ben wini, en no wan presi ben de moro gi dem na ini hemel. Les 1 Santa Jejej 1/3/2019

47 San sondoe ben doe na didibri
Da toekomst: Wan dei didibri sa go na ini da faja-zee, wan presi disi Gado srefi ben meki klari gi hem leki da fosi sondari foe da heelal Mt. 25:41 Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel. Open. 20:10 En dem ben trowe didibri disi ben kori dem na ini da zee foe faja nanga swarfoe, pe da meti nanga dem falsi profeti de, en a sa pina dei nanga neti foe teego. Les 1 Santa Jejej 1/3/2019

48 San sondoe doe gi libisoema
Skin-dede: Gado ben meki Adam nanga da mogelijkheid foe tan foe teego: Gen. 2:9 En MASRA Gado ben meki ibri bon disi de moi foe si en disi de boen foe njan gro komopo foe da gron; da bon foe libi ben de toe na mindri foe da djari, nanga da bon foe sabi boen nanga ogri. Membre dati dede = prati Les 1 Santa Jejej 1/3/2019

49 Adam ben moesoe dede Gen. 3: En di da oema ben si dati da bon ben de boen foe njanjan, en dati a ben de moi foe si, en wan bon disi joe sa wani foe meki joesrefi kisi koni, dan a ben teki da froktoe foe hem, en a ben njan, en a ben gi hem na hem masra toe, disi ben de nanga hem, en a ben njan.7. En dem ai foe ala toe foe dem ben kom opo, en dem ben kom sabi dati dem ben de nanga soso skin, en dem ben nai figa blatie makandra, foe meki wan sortoe pangi. Foe dat’ede Adam ben abi foe ervaar skin-dede moro lati, dati wani taki, da sieli sa prati foe hem skin: Les 1 Santa Jejej 1/3/2019

50 Skin-dede – skin prati nanga sieli
Gen. 5:5 En ala dem dei disi Adam ben libi ben de negi hondro nanga drie tenti jari; en a ben dede. Ps. 90:10 Dem dei foe wi jari de sebi tenti jari, efoe nanga tranga dem doro aiti tenti jari, tokoe dem tranga de wroko nanga sari; bikasi dem koti dem esi poeroe, en wi frei gowe. Jn. 19:30 Foe dat'ede, di Jezus ben teki da asin, A ben taki: A kaba! En A ben boigi Hem hede, en A ben gi Hem jeje abra. Les 1 Santa Jejej 1/3/2019

51 Sieli dede – sieli prati nanga Gado
Jeje-dede: Bikasi foe sondoe, ala soema disi no drai dem libi sa prati foe Gado foe teego na ini da faja-zee. Disi de da di foe toe dede: Mt. 7:23 Ma dan Mi sa taki gi dem taki: Noiti Mi ben sabi oen. Komopo na Mi fesi, oen soema disi doe ogri wroko. Mt. 25:41 Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel. Les 1 Santa Jejej 1/3/2019

52 Jeje-dede Open. 2:11 Da soema disi abi jesi foe jere, meki hem jere san da Jeje taki gi dem kerki, taki: Da soema disi wini no sa kisi mankeri na da di foe toe dede. Open. 20:6, Da soema disi abi wan pisi foe da fosi opo baka de blesi en santa; da di foe toe dede no abi makti na dem tapoe, ma dem sa de priester foe Gado en foe Kristus, en dem sa de kownoe nanga Hem wan doesoen jari langa.14. En dem ben trowe dede nanga dedekondre na ini da faja-zee. Disi na di foe toe dede. Les 1 Santa Jejej 1/3/2019

53 Jeje-dede Open. 21:8 Ma dem soema disi de frede, nanga dem disi no bribi, nanga dem fisti soema nanga dem kiriman nanga dem hoeroeman nanga dem tovroeman nanga dem afgodreiman nanga ala dem leiman sa abi dem pisi na ini da zee disi de bron nanga faja nanga swarfoe disi de da di foe toe dede. Alwasi da Bijbel taki da di foe toe dede leki a de na ini da toekomst, tokoe da Bijbel leri wi toe dati Gado taki dati ala soema disi no drai libi de dede na ini dem sondoe now, en dem prati foe gemeenschap nanga Hem now. Les 1 Santa Jejej 1/3/2019

54 San sondoe de doe Ben dofoe da jesi foe libisoema: Tori 28:27 Bikasi da hati foe da pipel disi ben kom tranga, en dem jesi ben kom dofoe, en dem ben tapoe dem ai; noso dem sa si nanga dem ai, en dem sa jere nanga dem jesi, en dem sa froestan nanga dem hati, en dem sa drai dem libi, en Mi ben sa meki dem kom boen baka. Les 1 Santa Jejej 1/3/2019

55 San sondoe de doe A ben doengroe dem ai foe froestan: Efesi 4:18 Dem froestan kom doengroe, en dem de farawe foe da libi foe Gado bikasi dem no sabi foe di dem hati de breni kaba. A drai hem foetoe komopo foe da juisti pasi: Jes. 53:6 Wi alamala de leki skapoe disi ben lasi pasi; wi ben drai ibriwan foe teki hem egi pasi; en MASRA ben poti da sondoe foe wi alamala na hem tapoe Les 1 Santa Jejej 1/3/2019

56 San sondoe de doe A ben pori hem tongo: Rom. 3: Dem ini-neki de wan opo grebi; dem taki kori-fasi nanga dem tongo; da wisi foe takroe sneki de na ondro dem mofo-boeba:14. Dem mofo de foeroe nanga floekoe nanga bita-fasi: .A kori da hati: Jer. 17:9 Da hati de bedriegi moro leki alasani, en a de toemoesi takroe; soema kan sabi hem? Les 1 Santa Jejej 1/3/2019

57 San sondoe de doe A pori hem prakseri: I Kor. 2:14 Ma da soema sondro da Jeje no kan kisi dem sani foe da Jeje foe Gado, bikasi dem de dom sani gi hem, en a no man sabi dem, bikasi joe moesoe sabi dem sani nanga da Jeje. .A vonisi hem sieli: Ezek. 18:4 Loekoe, ala sieli de foe Mi; leki da sieli foe da tata, so srefi da sieli foe da manpikin de foe Mi; da sieli disi doe sondoe, a sa dede. Les 1 Santa Jejej 1/3/2019

58 Sondoe pori da natuur Da invloed tapoe da natuur: Baka sondoe, da djari ben tron wan woestijn. Dem roos ben abi maka, en da tigri disi ben de moi ben tron wan meti disi ben lobi foe njan tra meti. Disi sa de so te leki da floekoe komopo na da millenium. Paulus skrifi: Rom. 8: Bikasi da tranga wani foe dem sani disi Gado ben meki de wakti dem pikin foe Gado foe sori demsrefi.20. Bikasi dem sani disi Gado ben meki tron soso sani, no nanga dem egi wani, ma bikasi foe da wani foe Hem disi ben meki dem saka na Hem ondro na ini hopoe. 21. Bikasi san Gado ben meki srefi sa kom verloesoe foe da katibo foe pori-fasi toe, en kom na da glori fri foe dem pikin foe Gado. 22. Bikasi wi sabi dati ala sani disi Gado ben meki de djeme en pina te leki now. Les 1 Santa Jejej 1/3/2019

59 Sondoe – wan les gi dem santa engel
I Kor. 4:9 Bikasi mi denki dati Gado ben seti wi, dem apostel, laasti leki soema dem besroiti moesoe dede; bikasi dem meki wi tron wan sani disi grontapoe nanga dem engel nanga dem libisoema sa loekoe na tapoe. I Tim. 5:21 Mi komanderi joe na fesi foe Gado, nanga Masra Jezus Kristus srefi, nanga dem engel disi A ben verkisi, foe joe doe dem sani disi sondro foe koti kroetoe na fesi efoe foe loekoe na soema persoon. Les 1 Santa Jejej 1/3/2019

60 Wan les gi dem engel… Gal. 3:19 Dan sortoe wroko da wet abi? A ben poti na tapoe bikasi foe sondoe ede, te leki da siri sa kom disi ben kisi da pramisi kaba; en Gado ben gi da wet doro dem engel na ini da anoe foe wan mindriman. I Pet. 1:12 Dem ben kom froestan disi, no gi demsrefi, ma gi wi disi dem ben dini, di dem ben taki dem sani disi gi oen, di dem ben preiki da boen njoensoe gi oen doro da Santa Jeje disi A ben seni komopo foe hemel, dem sani disi dem engel srefi ben wani sabi. Heb. 1:14 Dem no de alamala dinari-jeje disi A ben seni go foe dini dem soema disi sa kisi verloesoe leki wan erfenis? Les 1 Santa Jejej 1/3/2019

61 Sondoe – Gado abi foe wroko ete
Jn. 5:17 Ma Jezus ben piki dem taki: Mi Tata de wroko te leki now, en Mi de wroko toe. Jn. 9:4 Mi moesoe wroko dem wroko foe Hem di ben seni Mi kom te a de deitem; netitem sa doro, te no wan soema kan wroko. Fil. 1:6 Bikasi da sani disi mi sabi foe troe taki: da Soema disi ben bigin wan boen wroko na oen ini sa wroko doro te leki da dei foe Jezus Kristus; Les 1 Santa Jejej 1/3/2019

62 Imputatie foe sondoe Liberal positie: da tori de soso wan Hebreewse anansi-tori .Pelagian positie. Pelagius ben de wan Engelse monnik disi ben leri dati da sondoe foe Adam ben abi invloed soso tapoe hemsrefi, bikasi Gado poti dem sondoe soso tapoe da soema disi doe dem persoonlijk en bewust. Pelagius ben taki dati da wan invloed disi Adam ben abi ben de foe seti wan slechte voorbeeld. Da Raad foe Carthage ben taki dati Pelagius de fout na ini 418 A.D. Les 1 Santa Jejej 1/3/2019

63 Imputatie foe sondoe Armenian positie: Arminius ( ) ben de wan professor foe Nederland disi ben leri dati da sondoe foe Adam ben meki dem bakatem pikin foe Adam, wi libisoema kom moro swaki, ma tokoe a de mogelijk foe libi sondro foe doe sondoe. Les 1 Santa Jejej 1/3/2019

64 Imputatie foe sondoe Augustine gi wi da juisti antwoord: da ras foe libisoema de wan na ini Adam, en di a ben doe sondoe, a ben pori hem bakatem pikin foe doe sondoe toe. Wan sondoe natuur sa meki wan sondoe natuur. Da leri disi klop nanga da Bijbel. Rom. 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. Rom. 5:18 Foe dat'ede so leki doro da sondoe foe wan soema, kroetoe ben kom na tapoe ala soema foe vonisi dem; so srefi doro da gerechtigheid foe wan Soema, da fri presenti ben kom na tapoe ala soema foe tjari da gerechtigheid foe libi kom. Les 1 Santa Jejej 1/3/2019

65 Theoloog Berkof skrifi taki:
Da Bijbel leri wi dati da oorsprong foe sondoe na ini da geschiedenis foe libisoema ben bigin nanga da sondoe foe Adam na ini paradijs, en a ben de wan sani disi libisoema ben doe nanga dem fri wani. Da tesiman ben komopo foe da jeje-wereld nanga da tesi dati libisoema, efoe dem kom na opstand agensi Gado, kan kom leki Gado. Adam ben gi jesi na da tesi, en a ben doe da fosi sondoe di a ben njan foe da froktoe disi a no ben abi pasi foe njan. Ma na da momenti dati, Adam ben tron da slafoe foe sondoe. Les 1 Santa Jejej 1/3/2019

66 Da sondoe foe Adam fadon tapoe wisrefi
Job 14:4 Soema kan meki wan krin sani komopo foe wan sani disi no de krin? No wan soema Ma disi no de da kaba foe da tori. Adam ben doe sondoe leki da fesiman foe ala libisoema, ma leki da hede foe ala libisoema, da sondoe foe hem fadon na tapoe dem rekening toe, so dati dem de schuldig foe dede vonisi toe. Disi de foe san’ede da sondoe foe Adam de da sondoe foe ala soema. Romeini 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. Les 1 Santa Jejej 1/3/2019

67 Adam sondoe = mi sondoe Gado loekoe na ala soema leki sondari na ini Adam, so leki A loekoe na ala soema leki regtvaardiki na ini Kristus Jezus. Disi de san Paulus ben bedoel na ini Romeini 5: Foe dat'ede so leki doro da sondoe foe wan soema, kroetoe ben kom na tapoe ala soema foe vonisi dem; so srefi doro da gerechtigheid foe wan Soema, da fri presenti ben kom na tapoe ala soema foe tjari da gerechtigheid foe libi kom. 19. Bikasi so leki foeroe soema ben tron sondoe soema doro wan man di no ben gi jesi, so srefi doro da wan Soema disi ben gi jesi, foeroe soema sa kom regtvaardiki. Les 1 Santa Jejej 1/3/2019

68 Theoloog Buswell skrifi
So srefi, mi ben tron wan ogri sondari na ini da djari foe Eden. Mi ben drai mi baka na gemeenschap nanga wan santa Gado. Mi ben pori da santa natuur disi Gado ben gi Hem schepping. Mi ben bigin foe panja da pori-fasi doro da heri schepping pe Gado ben meki mi foe de basi. Mi no ben de, ma mi vertegenwoordiger ben de, en a ben doe so na ini mi presi en dem ben jagi mi komopo foe da djari komopo foe da bon foe libi. Les 1 Santa Jejej 1/3/2019

69 Verschil na ini sondoe Lk. 12: En da dinari disi ben sabi san hem masra ben wani, ma a no ben meki hemsrefi klari, en no ben doe hem wani, da dinari dati sa kisi foeroe fonfon Ma da soema disi no ben sabi, ma tokoe a ben doe sani so dati hem masra moesoe fon hem, a sa kisi moro lekti fonfon. Bikasi da soema disi de kisi foeroe moesoe pai foeroe toe; en efoe dem ben gi foeroe vertrouw sani abra na wan soema anoe, dem verwakti foeroe baka. Les 1 Santa Jejej 1/3/2019

70 Sondoe disi wi no ben sabi
Sondoe bikasi wi no ben sabi: Lk. 23:34 Dan Jezus ben taki: Mi Tata, gi dem pardon, bikasi dem no sabi san dem de doe. En dem ben prati Hem krosi, en dem ben trowe lot foe dem. Jn. 19:11 Jezus ben piki hem taki: Joe no ben sa abi makti na Mi tapoe efoe joe no ben kisi hem komopo foe loktoe; foe dat'ede da soema disi ben gi Mi abra na ini joe anoe ben doe moro bigi sondoe. Les 1 Santa Jejej 1/3/2019

71 Sondoe onbewust Rom. 2:12 Bikasi so srefi Gado sa figi ala dem soema sondro da wet poeroe disi ben doe sondoe sondro da wet; en ala dem soema disi ben doe sondoe na ini da wet, Gado sa kroetoe nanga da wet; I Tim. 1: En mi gi grantangi na Kristus Jezus wi Masra, disi ben gi mi krakti di A ben loekoe na mi leki wan vertrouw soema, di A poti mi leki wan wrokoman foe Hem Fosi mi ben de wan soema disi ben kosi Gado, en mi ben strafoe en pina soema toe; ma A ben sori mi sari-hati bikasi mi ben doe disi foe di mi no ben sabi en mi no ben bribi. Les 1 Santa Jejej 1/3/2019

72 Sondoe foe swaki fasi Ps. 19:12 Moro fara, doro dem Joe dinari kisi wan waarskow; en te joe hori dem, joe kisi wan bigi paiman. Ps. 103:10, A no ben wroko nanga wi so leki a fiti gi wi sondoe, en A no ben pai wi baka so leki a fiti gi wi ogridoe.14. Bikasi A de sabi fa wi ben meki; A membre dati wi de soso doti. Rom. 8:26 So srefi, da Jeje jepi wi swaki fasi toe; bikasi wi no sabi fa wi moesoe begi leki fa a de fiti; ma da Jeje Hemsrefi de begi gi wi nanga djeme disi oen no man taki. Les 1 Santa Jejej 1/3/2019

73 Sondoe foe swaki fasi Rom. 14:23b Ma da soema disi de degedege kisi vonisi kaba efoe a njan, bikasi a njan sondro bribi, en alasani disi no komopo foe bribi de sondoe. Rom. 15:1a Dan wi disi de tranga moesoe tjari da swaki-fasi foe dem swaki soema, en no gi wisrefi prisiri nomo. Mt. 26:41 Wakti en begi, foe oen no fadon na ini tesi; da jeje wani foe troe, ma da skin de swaki. Les 1 Santa Jejej 1/3/2019

74 Sondoe di wi no loekoe boen
Ps. 39:2 Mi ben taki: Mi sa loekoe boen na mi pasi, so dati mi no doe sondoe nanga mi mofo; Mi sa tapoe mi mofo nanga wan titei so langa dati dem takroe soema de na mi fesi. Deut. 11:16a Loekoe boen gi oensrefi, foe oen no sa kori oen hati, en drai go na wan sei, en dini tra gado, en aanbegi dem; I Kor. 8:9 Ma loekoe boen so dati da fri disi oen abi no sa tron wan fasi foe meki dem swaki soema naki foetoe fadon. Les 1 Santa Jejej 1/3/2019

75 Sondoe di wi no ben loekoe boen
I Kor. 10:12 Foe dat'ede, meki da soema disi denki dati a tanapoe loekoe boen foe a no fadon. Heb. 2:1 Foe dat'ede wi moesoe poti wi prakseri moro boen na tapoe dem sani disi wi ben jere; noso iniwan tem wi kan dribi gowe foe dem. Ps. 19:13a Soema kan froestan hem foutoe? Krini mi foe mi kibri-sondoe. Les 1 Santa Jejej 1/3/2019

76 Sondoe nanga ekspresi II Petrus 2:10 Moro foeroe, dem soema disi de waka na skin-fasi na baka dem fisti lostoe, en dem no wani saka na no wan soema ondro. Dem abi bigi membre, dem poti dem egi wani na fesi, en dem no de frede foe taki ogri foe dem gloriwan. Rom. 1:32 Dem sabi da kroetoe foe Gado, en dati dem soema disi doe dem sani disi de waarti foe dede; tokoe dem go doro nanga dem sani, en dem abi prisiri te tra soema doe dem toe. Les 1 Santa Jejej 1/3/2019

77 Sondoe di no kan kisi pardon
Mt 12: Foe dat'ede Mi taki gi oen taki: Foe ala sortoe sondoe nanga koskosi libi-soema kan kisi pardon: ma da soema disi floekoe da Santa Jeje no sa kisi pardon En da soema disi taki wan woortoe agensi Soemapikin kan kisi pardon, ma da soema disi taki agensi da Santa Jeje no sa kisi pardon, no dja na grontapoe, en no na da tra libi toe. Les 1 Santa Jejej 1/3/2019

78 Sondoe sondro pardon Foe taki dati Jezus ben wroko doro takroe jeje en no tapoe krakti foe da Santa Jeje. Dus wi no man doe dati moro…Mt. 12: Dan dem ben tjari wan soema disi ben abi wan takroe jeje kom na Hem; a ben breni en a no ben man taki; en A meki hem kom boen baka, so dati da man disi ben breni en disi no ben man taki, hem ben si en a ben taki toe En da pipel ben verwondroe, en dem ben taki: Disi no de da manpikin foe David? 24. Ma di dem Fariseeman ben jere disi, dem ben taki: Da soema disi no jagi takroe jeje poeroe boiti doro Beëlzebul, da hedeman foe dem takroe jeje. Les 1 Santa Jejej 1/3/2019

79 Da sondoe te leki dede I Jn. 5:16 Efoe iniwan soema si hem brada doe wan sondoe disi no de wan sondoe te leki dede, a sa aksi, en A sa gi hem libi foe dem soema disi no ben doe wan sondoe disi de te leki dede. Wan sondoe de te leki dede; mi no taki dati a sa begi foe dati. I Kor. 11:30 Bikasi foe disi, foeroe soema na oen mindri de swaki en siki, en foeroe soema sribi kaba. Les 1 Santa Jejej 1/3/2019

80 Da sondoe te leki dede Moro foeroe soema bribi dati disi kan pasa soso doro wan troe bribiwan te a kom so fara na ini sondoe dati hem Tata poeroe hem komopo foe libi na grontapoe moro froekoe leki A ben gwenti foe doe Ananias nanga Saffira (Tori 5:1-11), Da man disi ben teki hem tata wefi (I Kor. 5:1-5, alwasi a gersi dati a ben libi da sondoe - II Kor. 2:6-11) Som soema gebruiki disi foe wroko doro dem moeilijk versi foe Heb. 6:4-10 & 10:26-30. Les 1 Santa Jejej 1/3/2019

81 Voorbeeld foe sondoe Sondoe abi wisi leki wan sneki:
Ps. 140:4 Dem ben srapoe dem tongo leki wan sneki; sneki-wisi de na ondro dem mofo-boeba. Selah. Mt. 23:33 Oen sneki, oen sneki-broedoe, fa oen kan kibri foe da kroetoe foe hel? Les 1 Santa Jejej 1/3/2019

82 Voorbeeld foe sondoe A abi tranga jesi leki wan boeriki: Job 11:22 Bikasi soso libisoema ben sa kisi sabi, alwasi libisoema ben gebore leki wan krasi jongoe boeriki. A no sori sari-hati, leki wan beer: Dan. 7:5 En loekoe, wan tra meti, di foe toe, disi ben gersi wan beer, en a ben opo hemsrefi na wan sei, en a ben hori drie sei-bonjo na ini hem mofo na mindri foe hem tifi; en dem ben taki so gi hem taki: Opo, njan foeroe meti. Les 1 Santa Jejej 1/3/2019

83 Voorbeeld foe sondoe A pori sani leki wan woron: Joel 2:25 En Mi sa gi oen baka dem jari disi dem sprinka ben njan, nanga da verslinder nanga da kaalvreter nanga da knager, Mi bigi legre disi Mi ben seni go na oen mindri. A de doti leki wan boesi dagoe: Spreuk. 26:11 So leki wan dagoe de drai go baka na san a ben poeroe kaba, so wan dom soema de drai go baka na hem egi dom sani. Les 1 Santa Jejej 1/3/2019

84 Voorbeeld foe sondoe A abi koni leki wan kraboe-dagoe: Lk. 13:32 En A ben taki gi dem taki: Oen go taigi da kraboe-dagoe dati taki: Loekoe, Mi jagi takroe jeje poeroe en Mi meki soema kom boen baka tide nanga tamara, en na di foe drie dei Mi sa kaba Mi wroko. .A de krasi leki wan wolf: Jn. 10:12 Ma da soema disi de wan joeroeman nomo, en a no de da skapoeman, en dem skapoe no de foe hem, te a si wan wolf kom, a libi dem skapoe, en a lowe; en da wolf kisi dem, en a panja dem skapoe. Les 1 Santa Jejej 1/3/2019

85 Voorbeeld foe sondoe Sondoe njan leki wan leeuw:
Ps. 22:14 Dem opo dem mofo na mi, leki wan leeuw disi de bari te angri kiri hem. Dan. 7:4 Da fosiwan ben gersi wan leeuw, en a ben abi dem frei foe wan aka; mi ben loekoe te leki dem ben poeroe dem frei foe hem, en dem opo hem komopo foe grontapoe, en a ben moesoe tanapoe na hem foetoe leki wan libisoema, en dem ben gi hem wan hati foe wan libisoema. Les 1 Santa Jejej 1/3/2019

86 Voorbeeld foe sondoe .Sondoe de fisti leki wan agoe: II Pet. 2:22 Bikasi a ben pasa nanga dem so leki da troe odo taki: Da dagoe ben drai go baka en njan da sani disi a ben poeroe komopo kaba; en da agoe disi dem ben wasi ben go lolo baka na ini tokotoko. Les 1 Santa Jejej 1/3/2019

87 Sondoe na ini wan Kristen
I Jn. 1: Efoe wi taki dati wi no abi sondoe, dan wi kori wisrefi, en da waarheid no de na wi ini. 9. Ma efoe wi bekenti wi sondoe, A de getrouw en regtvaardiki foe gi pardon na wi sondoe, en foe krini wi foe ala ongerechtigheid Efoe wi taki dati wi no ben doe sondoe, wi meki Hem tron wan leiman, en Hem woortoe no de na wi ini. Les 1 Santa Jejej 1/3/2019

88 Sondoe na ini wan Kristen
Versi 8: Disi wani taki dati a de wan fout efoe wi taki dati wi no abi da basis foe sondoe na ini wi libi, wan sondoe natuur. .Versi 9 taki abra dem sondoe disi wi doe .Versi 10 taki abra fa wi persoonlijk ben doe da sondoe Les 1 Santa Jejej 1/3/2019

89 Te bribisoema doe sondoe
Wi lasi leti: I Jn. 1:6 Efoe wi taki dati wi abi gemeenschap nanga Hem, en wi waka na ini doengroe, dan wi lei, en wi no doe da waarheid. .Lasi foe prisiri: Ps. 51:14 Gi mi da prisiri foe mi verloesoe baka; en hori mi opo nanga Joe fri jeje. Jn. 15:11 Dem sani disi Mi ben taki gi oen, foe Mi prisiri kan tan na oen ini, en dati oen prisiri kan de foeroe. Gal. 5:22 Ma da froktoe foe da Jeje de lobi, prisiri, vrede, pasensi, safri-fasi, boen-hati, bribi, I Jn. 1:4 En wi skrifi dem sani disi gi oen so dati oen prisiri ben sa de foeroe. Les 1 Santa Jejej 1/3/2019

90 Te wan bribiwan doe sondoe
Wi lasi vrede nanga Gado .Wi lasi lobi: I Jn. 2:5 Ma da soema disi hori Hem woortoe, foe troe, da lobi foe Gado kom volmaakt na hem ini; so wan fasi wi sabi dati wi de na Hem ini. I Jn. 2: No lobi grontapoe, efoe dem sani disi de na grontapoe. Efoe iniwan soema lobi grontapoe, dan da lobi foe da Tata no de na hem ini Bikasi alasani disi de na grontapoe, da lostoe foe da skin, da lostoe foe da ai, nanga da prodo-fasi foe libi, no de foe da Tata, ma a de foe grontapoe En grontapoe de pasa gowe nanga da lostoe foe hem, ma da soema disi doe da wani foe Gado de tan foe teego. Les 1 Santa Jejej 1/3/2019

91 Te wan bribiwan doe sondoe
Wi lasi gemeenschap: I Jn.1:3, Da sani disi wi ben si en jere, dati wi taki gi oen, so dati oen kan abi gemeenschap nanga wi toe; en foe troe, wi gemeenschap de nanga da Tata, en nanga Hem Manpikin Jezus Kristus.6. Efoe wi taki dati wi abi gemeenschap nanga Hem, en wi waka na ini doengroe, dan wi lei, en wi no doe da waarheid. 7. Ma efoe wi waka na ini da leti, so leki A de na ini da leti, dan wi abi gemeenschap wan nanga trawan, en da broedoe foe Jezus Kristus, Hem Manpikin, krini wi foe ala sondoe. Les 1 Santa Jejej 1/3/2019

92 Te wan bribiwan doe sondoe
Wi lasi dek’ati I Jn. 3: En disi de fa wi sabi dati wi de foe da waarheid, en fa wi kan abi wan kowroe hati na Hem fesi Bikasi efoe wi hati kroetoe wi, Gado de moro bigi leki wi hati, en A sabi alasani Lobiwan, efoe wi hati no kroetoe wi, dan wi abi kowroe hati na Gado fesi En alasani disi wi aksi, dati wi sa kisi foe Hem, bikasi wi hori Hem komanderi, en wi doe dem sani disi de boen na ini Hem ai. 7. Kande wi kan lasi gesontoe efoe dede srefi: I Kor. 11:30 Bikasi foe disi, foeroe soema na oen mindri de swaki en siki, en foeroe soema sribi kaba. Les 1 Santa Jejej 1/3/2019

93 San kan kibri mi foe sondoe?
Da woortoe foe Gado: Ps. 119:11 Joe woortoe mi ben kibri na ini mi hati, so dati mi no ben sa doe sondoe agensi Joe. Jn. 15:7 Efoe oen tan na Mi ini, en Mi woortoe tan na oen ini, dan oen sa aksi san oen wani, en dati sa pasa gi oen. Jn. 17:17 Meki dem kom santa nanga Joe waarheid; Joe woortoe de waarheid. II Tim. 3: Ala Skrifi ben komopo foe da mofo foe Gado, en a de boen foe leri, foe vermane, foe sori da moro boen fasi, en foe leri gerechtigheid So dati da soema foe Gado sa de volmaakt, disi abi alasani fanowdoe foe doe ala boen wroko. Les 1 Santa Jejej 1/3/2019

94 San kan kibri mi foe sondoe?
Da begi foe da Pikin foe Gado: Lk. 22:32 Ma Mi ben begi gi joe, foe joe bribi no sa fadon; en te joe sa drai joe libi, meki dem brada foe joe kom moro tranga. Jn. 17:15 Mi no begi dati Joe moesoe poeroe dem komopo foe grontapoe, ma dati Joe sa kibri dem foe ogri. Les 1 Santa Jejej 1/3/2019

95 Jezus begi kan kibri mi foe sondoe
Rom. 8:34 Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Heb. 7: En foe troe, foeroe priester ben de, bikasi dem no ben man go doro foe di dem ben moesoe dede; 24. Ma da man disi, bikasi A de libi foe teego, abi wan priester-wroko disi noiti sa kenki Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. Les 1 Santa Jejej 1/3/2019

96 Da Santa Jeje kan kibri wi foe sondoe
Zach. 4:6 Dan a ben piki mi taki: Disi de da woortoe foe MASRA gi Zerubbabel taki: No nanga makti, no nanga krakti, ma nanga Mi Jeje: so MASRA foe dem legre de taki. Jn. 7: Na da laasti dei, da bigi dei foe da fesa, Jezus ben tanapoe en A ben bari taki: Efoe iniwan soema abi dreiwatra, meki hem kom na Mi en dringi Da soema disi bribi na Mi, so leki da Boekoe de taki: Liba foe libi watra sa lon komopo foe hem bere (Ma disi A ben taki foe da Jeje, disi dem disi de bribi na Hem sa kisi; bikasi da Santa Jeje no ben kom ete, foe di Jezus no ben kisi Hem glori ete.) Les 1 Santa Jejej 1/3/2019

97 Da kuur foe sondoe Foe dem lasiwan – bribi tapoe Jezus
Foe dem bribiwan, bekenti sondoe: I Jn. 1:9 Ma efoe wi bekenti wi sondoe, A de getrouw en regtvaardiki foe gi pardon na wi sondoe, en foe krini wi foe ala ongerechtigheid. I Kor. 11: Bikasi efoe wi ben sa kroetoe wisrefi, Gado no ben sa kroetoe wi Ma te wi kisi kroetoe, dan wi kisi fonfon foe Masra, so dati wi no sa kisi da vonisi nanga grontapoe. Les 1 Santa Jejej 1/3/2019

98 Gado de regtvaardiki Bikasi da plaatsvervanger ben pai da boetoe kaba, Gado de regtvaardiki (na presi foe taki dati A sori sari-hati) te A meki da sondari kom regtvaardiki te a bribi tapoe Jezus Kristus. (Rom. 3:26), en A de regtvaardiki (na presi foe sori sari-hati) te A gi da Kristen disi ben doe sondoe pardon soso bikasi a ben bekenti hem sondoe. Les 1 Santa Jejej 1/3/2019

99 Kristus pai foe wi sondoe
A de toemoesi belangrijk foe membre wisrefi dati Kristus Jezus de da verzoen-ofrandi foe wi sondoe. Doro Hem dede, A ben meki Gado loekoe na wan boen ai tapoe da Kristen, en A de fri foe gi hem pardon en krini hem te a bekenti hem sondoe. I Jn. 2:2 En A de da verzoen-ofrandi foe dem sondoe foe wi, en no foe wi sondoe nomo, ma foe dem sondoe foe heri grontapoe toe. Les 1 Santa Jejej 1/3/2019

100 Foe san’ede Gado gi pasi foe sondoe kan pasa?
Fosi: Gado ben meki dem engel nanga libisoema leki soema disi ben abi wan moreel natuur disi ben kan verkisi na mindri foe leti nanga foutoe. Efoe Gado ben tapoe Lucifer nanga Adam wan second na fesi foe dem sondoe, dan dem no ben de moreel moro, en dem ben de wan sortoe robot foe doe soso san Gado wani, efoe dem ben wani efoe dem no ben wani. Les 1 Santa Jejej 1/3/2019

101 Gado gi pasi foe sondoe…
Gado ben gi libisoema pasi foe doe sondoe foe sori Hem gnade. Fosi Adam, Gado ben sori dati A de na ala presi kaba, dati A abi ala krakti (da Schepping), nanga fa A sabi alasani (di A ben meki dem engel). Ma wan tra sani disi ben de krosibei na Hem hati A no ben sori, en dati de Hem gnade. Pe sondoe no de, joe no abi gnade fanowdoe. Rom. 5:20 Moro fara, da wet ben kom so dati sondoe ben sa kom foeroe. Ma pe sondoe ben kom foeroe, gnade ben kom moro foeroe; Les 1 Santa Jejej 1/3/2019

102 Gado sori gnade Efesi 2:5, Alwasi wi ben dede kaba na ini wi sondoe, A ben gi wi libi makandra nanga Kristus, (doro gnade oen kisi verloesoe;)7. So dati na ini dem jari disi sa kom, A kan sori da toemoesi bigi goedoe foe Hem gnade na ini Hem boen-hati gi wi na ini Kristus Jezus. Les 1 Santa Jejej 1/3/2019

103 Da laasti wini abra sondoe
I Kor. 15: Bikasi A moesoe de kownoe te A sa poti ala feanti na ondro Hem foetoe Da laasti feanti disi A sa figi poeroe na dede Bikasi A ben poti alasani na ondro Hem foetoe. Ma te A taki alasani de na Hem ondro, a sori krin dati disi de boiti foe da Soema disi ben poti alasani na Hem ondro. Les 1 Santa Jejej 1/3/2019

104 Da laasti wini abra sondoe
Heb. 12: Ma oen ben kom na da bergi Sion, en na da foto foe da libilibi Gado, da Jerusalem foe hemel, nanga wan hipi foe engel disi oen no man teri, 23. Na da komakandra nanga da kerki foe dem fosi-gebore, disi de skrifi kaba na ini hemel, en na Gado da Kroetoeman foe ala soema, nanga dem jeje foe dem opregti soema disi A ben meki volmaakt En na Jezus, da mindriman foe da njoen verbontoe, en na da broedoe disi de trowe disi de taki foe moro boen sani leki di foe Abel. Les 1 Santa Jejej 1/3/2019

105 Da laasti wini abra sondoe
II Petrus 3: Ma da hemel nanga grontapoe disi de now, nanga da srefi woortoe, A de hori dem kaba gi da faja te leki da kroetoedei en da pori foe dem soema sondro Gado-fasi. 8. Ma lobiwan, oen moe sabi da wan sani disi: dati wan dei na ini da ai foe Masra de leki wan doesoen jari, en wan doesoen jari de leki wan dei. 9. Masra no draidrai nanga Hem pramisi, so leki som soema denki foe draidrai; ma A hori pasensi nanga oenoe, bikasi A no wani iniwan soema moesoe go lasi, ma dati ala soema sa drai dem libi. Les 1 Santa Jejej 1/3/2019

106 Da laasti wini abra sondoe
10. Ma da dei foe Masra sa kom leki wan foefoeroeman na neti; dem hemel sa pasa gowe nanga wan bigi babari, en dem elementi sa smelti nanga da toemoesi bigi faja, en grontapoe nanga dem wroko foe hem sa bron toe Te oen si dati alasani sa lasi gowe, dan sortoe soema oen moesoe de na ini oen santa waka nanga oen Gado-fasi, Bikasi wi loekoe foe meki da dei foe Gado kom moro esi, en fa dem hemel sa smelti nanga faja, en dem elementi sa smelti nanga da tranga faja? 13. Tokoe, so leki A ben pramisi kaba, wi loekoe foe wan njoen hemel nanga wan njoen grontapoe pe gerechtigheid de libi. Les 1 Santa Jejej 1/3/2019

107 Da laasti wini abra sondoe
Open. 20: En mi ben si wan bigi weti kownoe-stoeroe, nanga Hem disi ben sidon na hem tapoe, en grontapoe nanga hemel ben lowe go kibri foe Hem fesi, en dem no ben feni wan presi moro gi dem En mi ben si dem dedesoema, pikinwan nanga bigiwan, tanapoe na fesi foe Gado, en dem ben opo dem boekoe; en dem ben opo wan tra boekoe, da boekoe foe libi, en dem ben kroetoe dem dedesoema abra dem sani disi ben skrifi na ini dem boekoe, abra dem wroko. Les 1 Santa Jejej 1/3/2019

108 Da laasti wini abra sondoe
Openbaring 20:13. En da zee ben gi abra dem dedesoema disi ben de na hem ini; en dede nanga dedekondre ben gi dem dedesoema abra disi ben de na dem ini; en dem ben kroetoe ibri soema so leki dem wroko ben de. 14. En dem ben trowe dede nanga dedekondre na ini da faja-zee. Disi na di foe toe dede En dem ben teki ibri soema disi dem no feni hem nem skrifi na ini da boekoe foe libi trowe na ini da faja-zee. Les 1 Santa Jejej 1/3/2019