Doctrine III – Les 11 Da Leri Abra Profeti IV

Presentatie over: "Doctrine III – Les 11 Da Leri Abra Profeti IV"— Transcript van de presentatie:

1 Doctrine III – Les 11 Da Leri Abra Profeti IV
Bijbel Baptist Kerk Les Doctrine III – Les 11 Da Leri Abra Profeti IV Robert D. Patton Da Froktoe foe da Jeje: Lobi 12/31/2018

2 Da laasti pisi foe 3 ½ jari
Antikristus nanga da falsi profeti meki Jerusalem tron dem hoofd stad baka da tem Gado figi Russia poeroe. .Na ini da santa foto, wan soema kiri antikristus, kande na da tem dati omeni soema si disi: Openbaring 13:3, 14 Fosi dem beri hem - kande na ini da stad beri-dienst, a opo baka foe dede. Grontapoe verwondroe foe troe Les 1 Santa Jejej 12/31/2018

3 Antikristus tron basi Grontapoe aanbegi da antikristus leki Gado
.Da falsi profeti meki wan popki foe antikristus, en a meki hem taki, en a poti hem na ini da moro santa presi foe da tempel: Mt. 24:15; Dan. 9:27; 12:11; II Tess. 2:4 .Dem meki wan wet dati no wan soema kan bai efoe seri, foe wroko efoe feni dem sani disi de fanowdoe foe hori joe na libi sondro foe abi wan spesroetoe marki na tapoe hem leti anoe efoe hem fesi-hede dati a de wan soema disi aanbegi da meti: Openbaring 13:16-17 .Da nomroe foe da marki disi de 666 Les 1 Santa Jejej 12/31/2018

4 Antikristus vervolgoe Israel
Dem sa vervolgoe dem Djoe abra heri grontapoe: Open. 12:1 En wan bigi marki ben sori hemsrefi na ini hemel: wan oema ben weri da zon leki hem krosi, en da moen ben de na ondro hem foetoe, en wan kroon nanga twalfoe stari ben de na tapoe hem hede; A de troe dati dem woortoe disi de symbool, ma soema na da oema? Les 1 Santa Jejej 12/31/2018

5 Da oema de? A no de Maria. Maria noiti ben tan 3 ½ jari na ini da woestijn, leki da oema disi sa doe: Open. 12;6, 14. En dem no ben abi hatibron tapoe Maria, en lon na hem baka en vervolgoe hem leki wi si dja. Open 12:13, 17. Alwasi Maria ben meki da Soema disi sa basi dem natie nanga wan tiki foe isri, (Open. 12:5) disi de moro bigi leki Maria .A no de da kerki. Da kerki no ben meki da manpikin leki da oema disi: Open. 12:5, ma a ben de da manpikin disi ben meki da kerki: Mt. 16:18. Les 1 Santa Jejej 12/31/2018

6 Da oema de… A de Israel: Efoe wan Djoe Kristen ben leisi Openbaring 12:1, a sa denki foe da Owroe Testamenti pe Jozef ben dren en a ben taigi hem tata nanga dem brada foe hem: Gen 37:9...Loekoe, mi ben dren wan dren... da zon nanga da moen nanga elfoe stari ben boigi kindi gi mi... Disi ben kom troe di de 11 brada foe Jozef ben boigi kindi gi hem na ini Egypti: Gen.43:28 Les 1 Santa Jejej 12/31/2018

7 Didibri vervolgoe Israel…
Da vervolgoe na ini dem dei na wi baka. Didibri ben meki foeroe moeiti foe figi Israel poeroe. A ben foe vervolgoe dem doro .Meki dem tron slafoe: Ex. 2 .Proberi foe soengoe dem: Ex. 14 .Angritem: Ex. 16 .Tesi: Ex. 32; Num 14 .Floekoe: Num. 23 Les 1 Santa Jejej 12/31/2018

8 Didibri vervolgoe Israel
Swari dem: Jona 2 .Wini dem en tjari gowe: II Kon. 17 & 24 .Bron dem: Daniel 3 .Njan dem: Daniel 6 .Hanga dem: Ester 3 .Kiri dem nanga gas: Hitler Enz…. Les 1 Santa Jejej 12/31/2018

9 Antikristus vervolgoe dem Djoe
Dan. 12:1 En na da tem dati, Michaël sa opo tanapoe, da bigi fesiman disi de tanapoe gi dem pikin foe joe pipel, en wan tem foe trobi sa pasa, en noiti so wan tem foe trobi ben de sinsi wan natie ben de te leki da srefi tem; en na da tem dati, joe pipel sa feni verloesoe, ibriwan disi dem feni hem nem skrifi na ini da boekoe. Les 1 Santa Jejej 12/31/2018

10 Antikristus vervolgoe dem Djoe
Zach. 11:16 Bikasi loekoe, Mi sa opo wan skapoeman na ini da kondre, disi no sa go loekoe dem soema disi dem sa proberi foe koti poeroe, en a no sa soekoe dem jongoe wan, en a no sa meki da wan disi de broko kom boen baka, en a no sa gi njanjan na da wan disi de tan tiri; ma a sa njan da meti foe da fatoe wan, en a sa priti dem foetoe pis'pisi. Les 1 Santa Jejej 12/31/2018

11 Da tem foe bigi trobi Mt. 24:21 Bikasi dan wan tem foe bigi trobi sa de, so leki noiti ben de sinsi da bigin foe grontapoe te leki tide, en noiti sa de na dem tra dei na fesi. Open. 12:13 En di da draak ben si dati dem ben trowe hem na grontapoe, a ben vervolgoe da oema disi ben meki da manpikin. Disi sa de da laasti en da moro takroe anti-Djoe bewegi na grontapoe. Les 1 Santa Jejej 12/31/2018

12 Antikristus & dem Djoe Te dem Djoe si da popki foe da antikristus tanapoe na ini da moro santa presi, dem woortoe foe Kristus sa kom baka na ini dem prakseri. A ben gi dem wan bigi waarskow foe da sani disi di A ben de na grontapoe: Mt. 24:51-20. Na da momenti disi, dem Djoe sa broko na ini 3 groepoe: .Da antikristus sa kiri foeroe foe dem: Zach. 13:8 MASRA de taki: En a sa pasa so dati na ini da heri kondre, dem sa koti toe foe dem drie pisi foe da kondre poeroe en dem sa dede, ma di foe drie pisi sa tan abra. Les 1 Santa Jejej 12/31/2018

13 Som Djoe bribi tapoe antikristus
Som foe dem Djoe sa waka na da antikristus baka: Mt. 24: En dan foeroe soema sa dribi gowe, en wan sa tori trawan, en dem no sa lobi makandra En foeroe falsi profeti sa opo demsrefi, en dem sa kori foeroe soema En bikasi sondoe sa de so foeroe, da lobi foe foeroe soema sa kom kowroe. Openbaring 2:9 Mi sabi joe wroko, nanga joe pina nanga joe mofina libi, (ma joe de goedoe) en Mi sabi fa dem soema kosi Gado disi taki dati dem de Djoe, ma tokoe dem no de Djoe, ma dem de foe da Djoe kerki foe Satan. Les 1 Santa Jejej 12/31/2018

14 Som Djoe bribi tapoe antikristus
Openbaring 3:9 Loekoe, Mi sa meki dem soema foe da Djoe kerki foe Satan, disi taki dati dem de Djoe, ma dem no de Djoe, ma dem meki lei; loekoe, Mi sa dwingi dem foe kom aanbegi na fesi foe joe foetoe, en foe dem sa sabi dati Mi ben lobi joe. Les 1 Santa Jejej 12/31/2018

15 Wan groepoe Djoe kibri demsrefi
Wan groepoe foe dem Djoe sa feni verloesoe: Open. 12:14 En da oema ben kisi toe frei foe wan bigi aka, so dati a kan frei go na ini da woestijn na hem presi, pe dem sa sorgoe foe hem foe wan tem, en foe dem tem, en foe wan hafoe tem, kibri foe da fesi foe da sneki. Zach. 13:9 En Mi sa tjari di foe drie pisi doro da faja, en Mi sa krin dem leki dem krin sorfoe, en Mi sa tesi dem leki dem tesi gowtoe; dem sa kari Mi nem, en Mi sa jere dem; Mi sa taki: A de Mi pipel; en dem sa taki: MASRA de mi Gado. A gersi dati 1/3 foe dem Djoe foe Israel sa tan troe gi Gado, en A sa gi dem pasi foe lon go kibri na ini wan spesroetoe presi foe da tem foe bigi trobi. Les 1 Santa Jejej 12/31/2018

16 Dem Djoe kibri - ? Petra Zach 14:5 En oen sa lowe go kibri na ini da lagi presi foe dem bergi; bikasi da lagi presi foe dem bergi sa go te doro Asel; ja, oen sa lowe go kibri leki oen ben lowe foe da aardbeifi na dem dei foe Uzzia, da kownoe foe Juda; en MASRA mi Gado sa kom, nanga ala dem santawan nanga Joe. Da Asel disi dem kari dja kande abi wan relatie nanga Petra Les 1 Santa Jejej 12/31/2018

17 Dem Djoe kibri - ? Petra Jesaja 63:1 Soema na disi, disi komopo foe Edom, nanga dem kroroe krosi foe Bosra? Dem fosi wantoe versi foe Jesaja 63 taki abra da di foe toe kom foe Masra Jezus. A kom na Edom (Petra ben de da hoofd stad) en Bozra (wan foto na ini Edom) foe som reden, en foeroe soema bribi dati a de foe kisi dem Djoe foe Hem disi tan abra en kibri drape. .Daniel 11:41 A sa go na ini da moi kondre toe, en a sa wini foeroe kondre; ma dem soema disi sa lon komopo foe hem anoe: Edom nanga Moab, nanga dem fesiwan foe dem pikin foe Ammon. Les 1 Santa Jejej 12/31/2018

18 Da laasti stampoe kroetoe
Openbaring 8 & 9, 11:15-19 En di A ben opo di foe sebi stampoe, heri hemel ben tan pi foe wan hafoe joeroe so. Disi de da wan okasi dati hemel tan pi. Foe san’ede? Foe da fosi leisi, a gersi dati libisoema ben bigin foe safoe na ini da di foe siksi stampoe. Wan Gado foe gnade hori pasensi foe gi dem wan kans foe drai dem libi, ma a no de wroko. Gado no prisiri na ini da dede foe dem ogriwan: Ezek. 33:11. Da tem ben de foe 30 minuut. Wi kan feni da nomroe 30 na ini d Bijbel nanga tem foe sari efoe hori lo. Israel ben hori lo 30 dei langa gi da dede foe Aaron (Num. 20:29), nanga Mozes (Deut. 34:8) Les 1 Santa Jejej 12/31/2018

19 .Da fosi trompeti: 8:7 En da fosi engel ben blo, en hagel nanga faja moksi nanga broedoe ben fadon na tapoe grontapoe; en di foe drie pisi foe dem bon ben bron, en ala groen grasi ben bron. Gado ben meki dem pransoen fosi, (Gen.1:11), en dem de da fosi foe bron. Ala dem grasi en di foe drie pisi foe dem bon bron. A sa meki foeroe problemen. Da V.S. ben bigin foe koti so foeroe bon kaba dati a abi nofo grasi en bon foe meki 60% nomo foe da zuurstof disi a gebruiki Les 1 Santa Jejej 12/31/2018

20 Di foe toe trompeti: 8: En di foe toe engel ben blo, en dem ben fringi wan bigi bergi disi ben bron nanga faja trowe na ini da zee; en di foe drie pisi foe da zee ben tron broedoe; 9. En di foe drie pisi foe dem meti disi ben de na ini da zee, en disi ben libi, ben dede; en di foe drie pisi foe dem sipi ben broko pis'pisi. Les 1 Santa Jejej 12/31/2018

21 Di foe drie trompeti: 8: En di foe drie engel ben blo, en wan bigi stari ben fadon komopo foe hemel disi ben bron leki wan lampoe, en a ben fadon na tapoe di foe drie pisi foe dem liba nanga dem watrapeti; 11. En dem ben kari da nem foe da stari “Alsem”: en di foe drie pisi foe dem liba ben tron alsem, en foeroe soema ben dede foe dem watra ede, bikasi dem ben kom bita. Na di foe toe trompeti, di foe drie pisi foe da zee watra ben kom pori. Now di foe drie pisi foe da switi watra pori toe. Les 1 Santa Jejej 12/31/2018

22 Di foe fo trompeti: 8:12 En di foe fo engel ben blo, en a ben naki di foe drie pisi foe da zon, nanga di foe drie pisi foe da moen, nanga di foe drie pisi foe dem stari; so dati di foe drie pisi foe dem ben kom doengroe, en da dei no ben abi leti na di foe drie pisi foe hem, en so srefi na netitem Kande Masra Jezus ben denki abra da tori disi na ini Mt. 24:22 En efoe dem no ben meki dem dei kom moro sjatoe, no wan soema ben sa tan na libi; ma foe dem soema ede disi Gado ben verkisi, A sa sjatoe dem dei. Les 1 Santa Jejej 12/31/2018

23 Di foe fo trompeti Jezus taki: Lukas 21:25 En dem sa si marki na ini da zon en na ini da moen en na ini dem stari; en na tapoe grontapoe, foeroe trobi foe dem natie, nanga dangra-hede, en da zee nanga dem skwala sa bari; Amos ben taki da srefi tori toe: Amos 8:9 En a sa pasa so tapoe da dei dati: so MASRA de taki: dati Mi sa meki da zon saka go na ondro na mindridei, en Mi sa meki grontapoe tron doengroe na wan krin dei; Les 1 Santa Jejej 12/31/2018

24 Pauze tussen 4 & 5e trompeti
Na mindri foe di foe fo nanga di foe feifi trompeti, Johannes taki: 8:13 En mi ben loekoe, en mi ben jere wan engel frei na mindri foe hemel, disi ben taki nanga wan tranga stem taki: Heloe, heloe, heloe foe dem soema foe grontapoe bikasi foe dem tra stem foe dem trompeti foe dem drie engel disi moesoe blo ete. Da woortoe dja kan de vertaal aka (adelaar). Som leisi wan adelaar de wan prenki foe da kroetoe foe Gado Les 1 Santa Jejej 12/31/2018

25 Takroe jeje komopo Pe dem de: Na ini da peti disi no abi gron: 9:1 Letterlijk disi wani taki foe wan olo na da presi disi no abi gron. Da woortoe gi wi wan idee dati wan presi de na tapoe grontapoe disi opo foe go na mindri foe da planeet. Na ini da hoofdstuk disi, wi leri dati dem kari hem da peti disi no abi gron. Gado taki abra hem 7 leisi na ini Openbaring: 9:1, 2, 11; 11:7; 17:8; 20:1-3. Les 1 Santa Jejej 12/31/2018

26 Takroe jeje – Openbaring 9…
Soema na dem takroe jeje disi? Som soema denki dati dem de dem manpikin foe Gado foe Genesis 6:1-2. Dem bribi dati dem ben proberi foe abi sex nanga oema, en so Gado ben poti dem na ini da peti disi no abi gron. Wi sabi dati som takroe jeje de nanga keti kaba, en trawan abi wan fasi foe kom na ini da skin foe libisoema Dem disi no tai ete: Mt. 8:29; Lk. 4:34; 8:27-31 Dem disi tai kaba: Judas 6-7, II Petrus 2:4; I Petrus 3:18-20 Wan tra nem foe da peti disi no abi gron kande sa de tartarus, disi wi feni na ini II Petrus 2:4. Satan sa de dja na ini da 1000 jari rijk. Open. 20:3 Les 1 Santa Jejej 12/31/2018

27 Satan loesoe dem takroe jeje
Soema loesoe dem takroe jeje: A de wan fadon stari, disi wi denki de satan srefi: Jes. 14:12: Lk. 10:18; II Kor. 11:14. Fosi da tem disi, Jezus Kristus ben hori da sroto na da peti (Open. 1:18), ma now A gi satan wan kans foe opo hem foe wan spesroetoe doel Les 1 Santa Jejej 12/31/2018

28 Dem takroe jeje Dem vervolgoe: 9: En sprinka ben komopo foe da smoko kom na grontapoe, en dem ben kisi krakti leki dem kroektoetere foe grontapoe abi krakti. 4. En dem ben kisi wan komanderi dati dem no moesoe gi da grasi foe grontapoe mankeri, efoe iniwan groen sani efoe iniwan bon; ma dem sa gi mankeri na dem libisoema nomo disi no abi da stampoe foe Gado na dem fesi-hede. Gado srefi sa poti wan grens tapoe dem takroe jeje. Dem sa abi wan grens abra san dem kan naki, en o langa dem kan doe dati, en o fara dem kan go. Dem no sa wroko tapoe dem pransoen foe grontapoe leki dem sprinka de gwenti foe doe; dem kan val aan soso dem mansoema disi no abi da marki foe Gado tapoe dem fesi-hede Les 1 Santa Jejej 12/31/2018

29 Fa dem takroe jeje sa loekoe?
Dem de leki asi disi de klari foe feti. Dem abi kroon foe gowtoe tapoe dem hede. Dem fesi gersi libisoema, dem wiwiri de leki di foe oema, en dem tifi gersi di foe wan leeuw. Dem abi wan borswapoe leki isri. Dem tere gersi di foe wan kroektoetere. Da geluid foe dem frei de leki omeni asiwagi disi lon go feti Dem no man kiri soema, ma soso pina dem 5 moen langa Da kownoe foe dem takroe jeje: 9:11 Hem nem na Apollyon, disi wani taki: soema disi figi poeroe. A de leki Michael de gi Gado, ma a de gi didibri Les 1 Santa Jejej 12/31/2018

30 Di foe 6 trompeti Di foe siki trompeti: 9:13-21 Leki wi ben taki kaba, Johannes taki abra toe sortoe takroe jeje disi sa kom na grontapoe na ini da tem foe bigi trobi. Da di foe siksi trompeti sori da di foe toe aanval. Soema de dem leider: 4 spesroetoe takroe jeje. Kande dem wroko gi satan leki dem fo libisani doe gi Gado Dem legre Efoe a de wan gewoon legre, a sa de wan mijl bradi en 87 mijl langa Les 1 Santa Jejej 12/31/2018

31 Di foe 6 trompeti… Dem takroe jeje rij tapoe wan sortoe asi. Da asi hede gersi wan leeuw, en smoko, faja nanga swarfoe komopo foe dem mofo. Dem asiman weri redi borswapoe Pe dem komopo? Da Eufraat liba. Disi de pe ogri ben bigin: Gen. 3; Zach. 5:8-11; pe falsi religie ben bigin: Gen. 4:3; 10:9-10; 11:4; en pe a sa kaba: Open. 17 & 18 O langa disi sa pasa? 13 moen. Dem sa kiri 1/3 foe libisoema nanga da faja, smoko nanga swarfoe. Les 1 Santa Jejej 12/31/2018

32 Di foe 6 trompeti 9: En tokoe dem libisoema disi ben tan na libi, en disi no ben dede foe dem pesti-siki, no ben kenki dem prakseri foe dem wroko foe dem anoe, dati dem no moesoe aanbegi dem takroe jeje nanga dem popki foe gowtoe nanga sorfoe nanga kopro nanga ston nanga oedoe; dem sani disi no kan si efoe jere efoe waka; 21. En dem no ben kenki dem prakseri foe dem kiri-wroko nanga dem tovroe-wroko nanga dem hoeroedoe nanga dem foefoeroe. Na da tem disi, 50% foe da populatie foe grontapoe ben dede. San dem trawan sa doe? Dem no sa drai dem libi kwet’kweti, ma dem sa kom na moro bigi opstand. Waarschijnlijk dem sa feni moro afgodrei, kiri, drugs (da woortoe foe tovroe-wroko de pharmakeion, disi wani taki drugs), sex nanga foefoeroe. Les 1 Santa Jejej 12/31/2018

33 Ete wan pauze Wan pauze: 10:1-11:2 Wi ben si wan pauze na mindri foe di foe siksi nanga di foe sebi stampoe kroetoe. Now wi si ete wan pauze na mindri foe di foe siksi nanga di foe sebi trompeti kroetoe. Dja toe belangrijk sani pasa. Da boskopoe foe da engel foe Gado: 10: Soema na hem? A no de Jezus, bikasi a ben sweri na Hem disi libi foe teego (10:6) Efoe disi ben de Kristus, A ben sa sweri na Hemsrefi (Heb. 6:13) Kande a de Michael, da arkengel (Dan. 12:1) Kande a de da srefi engel foe 5:2; 7:2; 8:3; nanga 18:2. Les 1 Santa Jejej 12/31/2018

34 Da engel nanga da pikin boekoe
A abi wan pikin boen boekoe na ini hem anoe. Waarschijnlijk disi de da boekoe disi ben abi sebi stampoe foe Openbaring 5:1. San a taki? A taki dati da tori no sa draidrai moro. Grontapoe sa firi da ambra foe da kroetoe foe faja-hatibron foe Gado. A taigi Johannes foe njan da pikin blaka boekoe, en a taki dati a sa de switi na ini hem mofo, ma bita na ini hem maag. So srefi Johannes ben si da fosi pisi foe da tem foe bigi trobi, en a ben switi foe si fa dem heiden sondro Gado-fasi ben kisi dem juisti paiman. Ma now a sa si da laasti 3 ½ jari, disi sa bigin nanga da slakti foe da folkoe foe Israel doro da antikristus. Disi sa de bita dresi foe troe. Les 1 Santa Jejej 12/31/2018

35 Dem sa marki da tempel foe Gado: 11:1-2
Dja dem gi Johannes wan wroko nanga wan marki-tiki disi de 9 foetoe langa foe marki da tempel disi dem bouw na ini da tem foe trobi. (Ezek. 40:5) A moesoe si soema kom foe aanbegi drape toe. Alatem Gado wani sabi dem soema disi aanbegi Hem. Ma dem no moesoe marki da dorosei opo presi, bikasi a ben gi na dem heiden soema, en dem sa trapoe da santa foto na ondro foetoe fo tenti na toe moen langa. Lukas 21:24 taki da srefi sani, en so srefi 42 moen foe da tem foe trobi na ini Daniel 7:25; 12:7, nanga Openbaring 12:6, 14; 13:5 Les 1 Santa Jejej 12/31/2018

36 Di foe sebi trompeti: 11: En di foe sebi engel ben blo; en bigi stem ben de na ini hemel disi taki: Dem kownoekondre foe disi grontapoe ben tron da kownoekondre foe wi Masra, en foe Hem Kristus; en A sa de kownoe foe teego. Da engel disi gi wi da boen njoensoe dati es’esi Masra Jezus Kristus sa teki abra dem natie foe grontapoe en basi dem. Te da woortoe disi komopo Dem soema foe hemel prisiri Dem soema foe grontapoe kisi hatibron Les 1 Santa Jejej 12/31/2018

37 Da kibri tori foe Gado 10:7 Ma na ini dem dei foe da stem foe di foe sebi engel, te a sa bigin foe blo, da kibri-tori foe Gado sa kaba, so leki A ben taki gi Hem dinari, dem profeti. Da kibri-tori foe Gado de da langa tem fosi wi Masra teki da kownoekondre gi Hemsrefi en A seti gerechtigheid na tapoe grontapoe. Da kibri-tori foe Gado de na ini dem omeni doesoen jari dati sondoe en dede go doro. No wan dorpoe efoe pikin dorpoe de pe wi no feni dem, en no wan hati foe wan libisoema sondro foe da blaka foe hem. No wan libi de disi no abi watra-ai nanga sari. No wan oso de disi no sa broko en no wan oso de pe soema no dede na ini da grebi. Les 1 Santa Jejej 12/31/2018

38 Da kibri-tori foe ogridoe…
Da kibri-tori de da draidrai foe Gado fosi A teki da kownoekondre gi Hemsrefi. Disi de da moro dipi kibri-tori disi wan soema kan prakseri, da kibri-tori foe ogridoe. Foe omeni doesoen jari Gado ben gi didibri pasi foe domloe grontapoe nanga dem fisti anoe foe hem. Gado no sabi? Gado no ke? Gado no man doe noti? O da kibri-tori foe da draidrai foe Gado. Da kibri-tori disi ben meki moro bribiwan fadon leki ala tra ervaring na ini libi. Da soema disi no bribi, da atheist, dem spotoe wi, en Gado no tapoe dem foe spotoe en lafoe. Les 1 Santa Jejej 12/31/2018

39 Da kibri-tori… Dem feanti foe gerechtigheid nanga ala sani wi lobi kom moro tranga en dem bradi dem broedoe nanga dem doengroe na grontapoe, en wi aksi pe Gado de. Dem kiri wi zendelingen, dem bron wi kerki, dem kwinsi omeni miljoen soema en libi na ini pina, en Gado loekoe nomo. A gersi dati A no doe noti, A no taki noti, en A no bewegi. Sondoe kom moro hipi. A go doro. O da kibri-tori foe da draidrai foe Masra Gado. Ma wan presi moro farawe leki dem stari na ini hemel, wan engel tanapoe nanga wan trompeti na ini hem anoe, en nanga da komanderi foe Masra Gado Almakti, wan dei de, nanga wan joeroe, na wan momenti, wan tem verkisi te da engel sa meki da trompeti bari, en dem kownoe-kondre foe grontapoe sa tron da kownoekondre foe wi Gado nanga Hem Kristus. Les 1 Santa Jejej 12/31/2018

40 Wan troe tabernakel na ini hemel
Te da trompeti bari, 11:19 En da tempel foe Gado ben opo na ini hemel, en da ark foe Hem testamenti na ini Hem tempel ben de foe si, en dondroe-faja nanga stem nanga dondroe nanga aardbeifi nanga bigi hagel ben de. Wan troe tabernakel de na ini hemel: Jesaja 6:1-8; Ex. 25:9, 20; Heb. 8:2, 5; 9:24; Open. 14:15, 17; 15:5-6, 8; 16:1, 17 Les 1 Santa Jejej 12/31/2018

41 singiman na ini hemel Disi de da srefi groepoe disi wi si na ini hoofdstuk 7. Dan dem ben kom drai libi. Now dem ben op-genomen na ini kerki. No wan foe dem mankeri. A de krin foe si na ini Openbaring 13 dati disi de da moro doengroe dei en moro takroe joeroe na ini geschiedenis. Foe troe, a de da fesa-dei foe hel. Ibri soema nanga boen prakseri moesoe aksi demsrefi taki: Fa da folkoe foe Gado ben doe na ini da tem disi? Dem kan tan nanga ala dem sani agensi dem? Da Skapoeman disi ben bigin nanga skapoe now de wan nanga dem leki wan Lam nanga skapoe. A no ben lasi wan foe dem. Les 1 Santa Jejej 12/31/2018

42 144.000 singi… Disi de da moro bigi koor foe alatem
Dem singi wan njoen singi, nanga dem harpoe foe hemel nanga dem Dem no ben didon nanga oema:14:4; si 9:21 Dem no abi kori na ini dem mofo: 14:5; cf. 13:3 & II Tess. 2:9-12 Les 1 Santa Jejej 12/31/2018

43 Wan engel preiki… Openbaring 14: En mi ben si wan tra engel frei na mindri foe hemel, en a ben preiki da boen njoensoe foe teego gi dem soema disi tan na grontapoe, gi ibri natie nanga famiri nanga tongo nanga pipel, 7. En a ben taki nanga wan tranga stem taki: Frede Gado, en gi Hem glori; bikasi da joeroe foe Hem kroetoe doro kaba; en aanbegi Hem disi ben meki hemel nanga grontapoe nanga da zee, nanga dem watrapeti. Les 1 Santa Jejej 12/31/2018

44 Wan engel preiki… Dja wi si wan njoen sani - wan engel foe Gado preiki da evangelium gi sondoe soema. Te leki da tem disi, Gado ben gebruiki soso libisoema foe bereik tra libisoema: Tori 1:8; II Kor. 4:7; II Petrus 1:21. Ma now na ini da tem foe bigi trobi, Gado gebruiki dem engel. So Gado, leki Paulus ben tron alasani gi ala soema so dati nanga ala fasi A kan bereik som. (I Kor. 9:22) Les 1 Santa Jejej 12/31/2018

45 Di foe toe boskopoe 14:8 8. En wan tra engel ben go na hem baka, disi ben bari taki: Babylon ben fadon, fadon, da bigi foto dati, bikasi a ben meki ala natie dringi da wini foe da hatibron foe hem hoeroedoe. Disi taki dati na wan sjatoe tem, da politiek en economie Babylon sa broko saka. Les 1 Santa Jejej 12/31/2018

46 Di foe drie boskopoe 14: En di foe drie engel ben kom na dem baka, en a ben taki nanga wan tranga stem taki: Efoe iniwan soema aanbegi da meti nanga hem popki, en teki hem marki na hem fesi-hede efoe na hem anoe, 10. Da srefi soema dati sa dringi foe da wini foe da hatibron foe Gado, disi A kanti sondro foe moksi hem nanga watra na ini da kan foe Hem hatibron; en a sa kisi pina nanga faja nanga swarfoe na fesi foe dem santa engel en na fesi foe da Lam; 11. En da smoko foe dem pina de go na loktoe foe teego; en noiti dem sa abi rostoe dei nanga neti, dem disi aanbegi da meti nanga hem popki, en ibri soema disi teki da marki foe hem nem. Disi de da laasti hel-faja en swarfoe boskopoe disi dem lasiwan sa jere Les 1 Santa Jejej 12/31/2018

47 Dem no drai libi moro… A gersi dati no wan soema ben drai hem libi. Baka disi, Gado sa kanti Hem faja hatibron sondro foe moksi nanga watra. Wan leisi nomo A ben doe disi na tapoe Kristus na Calvarie. Fa a de wan sari sani dati dem soema disi no wani teki Jezus Kristus sa abi foe dringi da srefi kan disi A ben dringi gi dem. Les 1 Santa Jejej 12/31/2018

48 Wan boskopoe komopo foe da Santa Jeje:
14: En mi ben jere wan stem foe hemel disi ben taki gi mi taki: Skrifi taki: Blesi foe dem dedewan disi dede na ini Masra bigin foe now. Da Jeje de taki: Ja, so dati dem kan rostoe foe dem wroko, en dem wroko waka na dem baka. Te leki now, da fasi wi taki de: blesi de a soema de libi: Pred. 9:4, Fil. 1: Ma now a de moro boen foe dem bribiwan foe dede Les 1 Santa Jejej 12/31/2018

49 Da blesi foe bribi… 14: Dja da pasensi foe dem santawan de; dja dem de disi hori dem komanderi foe Gado, nanga da bribi foe Jezus En mi ben jere wan stem foe hemel disi ben taki gi mi taki: Skrifi taki: Blesi foe dem dedewan disi dede na ini Masra bigin foe now. Da Jeje de taki: Ja, so dati dem kan rostoe foe dem wroko, en dem wroko waka na dem baka.. Dem trobi kaba. Dem sa kom na ini dem paiman na da brinki sjoro foe da kristaal zee. Les 1 Santa Jejej 12/31/2018

50 Da blesi foe bribi Boiti foe dem , dem soema disi feti agensi da meti kan prakseri dati dem sa dede na 1000 takroe fasi, ma Gado kenki da dede dati na ini wan blesi. “Mi sa meki joe pina” da meti bari. “Joe sa meki wi tron santawan: dem winiman piki. “Mi sa vervolgoe joe te leki da grebi” da meti bari. “Joe sa meki wi go na ini glori” dem winiman piki baka. “Mi sa broko joe saka” da meti bari. “Joe sa blesi wi” dem winiman piki baka. Da hatibron foe da meti agensi dem martelaar sa de foe soso. A sa lasi helemaal. Ma dem sa kisi dem paiman. Les 1 Santa Jejej 12/31/2018

51 Da fosi boskopoe abra Harmageddon:
14: En mi ben loekoe, en si, wan weti wolkoe, en na tapoe da wolkoe wan Soema leki Soemapikin ben sidon, en A ben abi wan gowtoe kroon na tapoe Hem hede, en na ini Hem anoe A ben hori wan srapoe koti-nefi En wan tra engel ben komopo foe da tempel, en a ben bari nanga wan tranga stem gi Hem disi ben sidon tapoe da wolkoe taki: Soetoe Joe koti-nefi go na ini, en koti, bikasi da tem ben doro foe Joe moesoe koti, bikasi da oogst foe grontapoe lepi kaba. Les 1 Santa Jejej 12/31/2018

52 Da fosi boskopoe abra Harmageddon
16. En Hem disi ben sidon tapoe da wolkoe ben soetoe Hem koti-nefi na grontapoe, en A ben koti grontapoe En wan tra engel ben komopo foe da tempel disi de na ini hemel, en a ben abi wan srapoe koti-nefi toe En wan tra engel ben komopo na sei foe da altari, disi ben abi makti abra faja; en a ben bari nanga wan tranga krei gi hem disi abi da srapoe koti-nefi taki: Soetoe joe srapoe koti-nefi go na ini, en koti dem froktoe foe da druivitaki foe grontapoe, bikasi hem druivi kom lepi dorodoro kaba.. Les 1 Santa Jejej 12/31/2018

53 Da fosi boskopoe abra Harmageddon
19. En da engel ben soetoe hem koti-nefi na ini grontapoe, en a ben koti da druivitaki foe grontapoe, en a ben trowe hem na ini da bigi masi-baki foe da hatibron foe Gado En dem ben trapoe da masi-baki foe Gado na dorosei foe da foto, en broedoe ben komopo foe da druivi-baki te leki da mofo-titei foe wan asi, en a ben panja wan drie hondro nanga drie tenti kilometer farawe Les 1 Santa Jejej 12/31/2018

54 Da laaste singi na Bijbel
15:2-4. Dem singi da singi foe Mozes nanga da singi foe da Lam. Dem ben singi da singi foe Mozes na sei da Redi zee. (Ex. 15) Dem sa singi da singi foe da Lam na sei da kristaal zee. Dem ben singi da singi foe Mozes abra Egypti. Dem sa singi da singi foe da Lam abra Babylon. Da singi foe Mozes sa de fa Gado ben tjari Hem pipel kom na doro. Da singi foe da Lam sa de fa Gado tjari Hem pipel kom na ini. Da singi foe Mozes ben de da fosi singi na ini da Bijbel. Da singi foe da Lam sa de da laasti singi foe da Bijbel. Les 1 Santa Jejej 12/31/2018

55 Foe san’ede dem singi Bikasi joe wawan de santa...bikasi Joe kroetoe kom na krin... Johannes si da smoko foe da tempel: 15:5-8 (Si Jes. 6:1-8; Ex. 25:9, 40; Heb. 8:2, 5; 9:24; Open. 14:15, 17; 16:1, 17 15: En wan foe dem fo meti ben gi dem sebi engel sebi gowtoe kan foeroe nanga da hatibron foe Gado, disi de libi foe teego. 8. En da tempel ben kom foeroe nanga smoko foe da glori foe Gado, en foe Hem krakti; en no wan libisoema ben man go na ini da tempel te leki dem sebi pesti-siki foe dem sebi engel ben kaba. Les 1 Santa Jejej 12/31/2018

56 Da pasi na hemel tapoe Sinsi Calvarie, da pasi foe kom na da moro santa presi na ini hemel ben opo gi ala soema, bikasi da broedoe foe Kristus ben opo wan pasi na da hati foe Gado. Ma now, foe wan sjatoe pisi tem, da bigi pasi tapoe. Da hatibron foe Gado, disi ben kanti wan leisi tapoe Hem Manpikin foe libisoema ede, sa kanti ete wan leisi. Grontapoe ben kruisi da Lam, en now a ben sori hem opstand en a aanbegi da meti, en a sa kisi da foeroe kroetoe. Foe dat’ede da glori bron brinki na ini da tempel, en a foeroe hem nanga smoko, en a tanapoe leki wan waktiman na fesi foe da doro. Da pasi foe da moro santa presi de tapoe wan sjatoe tem. Les 1 Santa Jejej 12/31/2018

57 Dem kan kroetoe #1 Da fosi kan kroetoe: 16:2 En da fosiwan ben go, en a ben kanti hem kan na tapoe grontapoe; en wan ogri takroe soro ben fadon na tapoe dem mansoema disi ben abi da marki foe da meti, en na tapoe dem soema disi ben aanbegi hem popki. J. Vernon McGee skrifi na ini Reveling Through Revelation, bl. 36 taki: Gado wroko nanga “bacteria oorlog” agensi dem soema disi waka na baka antikristus.... Dem soro disi de moro ogri leki gwasi-siki efoe cancer. Disi de leki da di foe siksi pesti-siki foe Egypti, en a de da srefi sortoe soro: Ex. 9:8-12. Les 1 Santa Jejej 12/31/2018

58 Di foe toe kan kroetoe 16:3 En di foe toe engel ben kanti hem kan na tapoe da zee; en a ben tron leki da broedoe foe wan dedesoema; en ibri libisani na ini da zee ben dede. Da di foe toe kan kanti tapoe da zee, en dem watra ben tron broedoe, en ibri libi sani na ini da zee dede. A ben tron broedoe leki di foe wan dede soema. Dem zee sa lolo na ini broedoe. Na ondro da di foe toe trompeti, di foe drie pisi foe da zee dede (8:9); now da pori kom volmaakt. Les 1 Santa Jejej 12/31/2018

59 Di foe drie kan: 16: En di foe drie engel ben kanti hem kan na tapoe dem liba nanga dem watrapeti; en dem ben tron broedoe. 5. En mi ben jere da engel foe dem watra taki: Joe de regtvaar-diki, O Masra, disi de, en disi ben de, en disi sa de, bikasi Joe ben koti so wan kroetoe. 6. Bikasi dem ben trowe da broedoe foe dem santawan nanga dem profeti, en Joe ben gi dem broedoe foe dringi; bikasi dem de waarti. 7. En mi ben jere wan trawan taki komopo foe da altari taki: Foe troe, Masra Gado Almakti, Joe kroetoe de troe en regtvaardiki. Les 1 Santa Jejej 12/31/2018

60 Di foe drie kan: Disi de wan antwoord na san dem martelaar disi ben de na ondro da altari ben aksi. Dem ben aksi: 6:10 En dem ben bari krei nanga wan tranga stem taki: O langa, O Masra, santa en troe, Joe no sa kroetoe en revensi wi broedoe na tapoe dem soema disi libi na grontapoe? Dem versi sori dati Gado ben poti wan engel leki basi abra dem watra. Te wi loekoe na 7:1, pe a taki dati Gado be gi 4 engel positie leki basi abra dem winti foe grontapoe, wi kan si dati alwasi dem strafoe de hebi toemoesi, tokoe Gado de na ini control foe alasani. Les 1 Santa Jejej 12/31/2018

61 Di foe fo kan kroetoe: 16: En di foe fo engel ben kanti hem kan na tapoe da zon; en a ben kisi krakti foe bron libisoema nanga faja. 9. En dem libisoema ben bron nanga bigi faja, en dem ben kosi da nem foe Gado, disi abi krakti abra dem pesti-siki disi; en dem no ben kenki prakseri foe gi Hem glori. Si Deut. 32:24; Jes. 24:6; 42:25; Mal. 4:1; Lk. 21:25. Les 1 Santa Jejej 12/31/2018

62 Di foe fo kan… Kande dem toe presi pe wi si fa libisoema de pori helemaal de na ini Openbaring 9: En tokoe dem libisoema disi ben tan na libi, en disi no ben dede foe dem pesti-siki, no ben kenki dem prakseri foe dem wroko foe dem anoe, dati dem no moesoe aanbegi dem takroe jeje nanga dem popki foe gowtoe nanga sorfoe nanga kopro nanga ston nanga oedoe; dem sani disi no kan si efoe jere efoe waka; 21. En dem no ben kenki dem prakseri foe dem kiri-wroko nanga dem tovroe-wroko nanga dem hoeroedoe nanga dem foefoeroe.& 16:9. Les 1 Santa Jejej 12/31/2018

63 Di foe fo kan… Ala toe taki abra fa libisoema loekoe na Gado na ini da tem foe bigi trobi. Dem sori dati alwasi bigi oorlog, angritem, doengroe, zee disi tron broedoe, sprinka disi kan gi skin-hati, foe aardbeifi, foe stari disi fadon, nanga takroe soro pasa, libisoema no sa wani drai dem libi! Les 1 Santa Jejej 12/31/2018

64 Di foe feifi kan: 16: En di foe feifi engel ben kanti hem kan na tapoe da kownoe-stoeroe foe da meti; en hem kownoekondre ben kom foeroe nanga doengroe; en dem ben kaw dem tongo bikasi foe da skin-hati, 11. En dem ben kosi da Gado foe hemel bikasi foe dem skin-hati nanga dem soro, en dem no ben kenki prakseri foe dem wroko. Da pesti-siki disi ben kanti tapoe da kownoe-stoeroe foe da meti, sa de na tapoe dem 10 natie foe da Romeini rijk disi ben kisi libi baka. En ete wan leisi wi si dati dem no kenki prakseri foe dem wroko. Les 1 Santa Jejej 12/31/2018

65 Di foe siksi kan Di foe siksi kan: 16: En di foe siksi engel ben kanti hem kan na tapoe da bigi liba Eufraat; en da watra foe hem ben kom drei, so dati da pasi ben kan meki klari gi dem kownoe foe da oost En mi ben si drie takroe jeje disi gersi todo komopo foe da mofo foe da draak en foe da mofo foe da meti en foe da mofo foe da falsi profeti Bikasi dem de dem takroe jeje disi ben doe wondroewroko, en dem ben go na fesi na dem kownoe foe grontapoe nanga heri grontapoe foe tjari dem kom makandra foe feti na da bigi dei dati foe Gado Almakti. Les 1 Santa Jejej 12/31/2018

66 Di foe sebi kan Di foe sebi kan: 16: En di foe sebi engel ben kanti hem kan na ini da loktoe, en wan bigi stem ben komopo foe da tempel foe hemel, foe da kownoe-stoeroe, disi ben taki: A kaba En stem ben de, nanga dondroe, nanga dondroe-faja; en wan bigi aardbeifi; noiti so wan aardbeifi ben de sinsi soema ben libi na grontapoe, noiti so wan makti aardbeifi disi ben de so bigi.. Les 1 Santa Jejej 12/31/2018

67 A kaba San a taki: A kaba. Disi de di foe toe foe drie leisi dati wi feni disi na ini da Bijbel. Ala tem a ben de nanga wan bigi sani disi ben pasa. Da fosi ben pasa na tapoe Calvarie: Jn. 19:30 Foe dat'ede, di Jezus ben teki da asin, A ben taki: A kaba! En A ben boigi Hem hede, en A ben gi Hem jeje abra. Di foe drie sa de na da bigin foe teego: Open. 21:6. En A ben taki gi mi taki: A kaba. Mi de da Alfa nanga da Omega, da bigin nanga da kaba. Na da soema disi abi dreiwatra, Mi sa gi fri foe da watrapeti foe da watra foe libi. Les 1 Santa Jejej 12/31/2018

68 Di foe sebi kan 19. En da bigi foto ben priti na ini drie pisi, en dem foto foe dem natie ben fadon; en Gado ben membre bigi Babylon, foe gi hem da kan foe da wini foe Hem faja hatibron En ibri eilanti ben lowe, en dem no ben feni dem bergi En bigi hagel-ston ben fadon komopo foe hemel disi ben wegi wan talenti; en dem libisoema ben kosi Gado bikasi foe da pesti-siki foe da hagel; bikasi da pesti-siki dati ben de toemoesi bigi. So wi kom na wan kaba foe da stampoe, da trompeti nanga da kan kroetoe. Les 1 Santa Jejej 12/31/2018

69 Da moro bigi aardbeifi ben de
Now da moro bigi aardbeifi foe grontapoe teki presi. Dem poti disi na tapoe wan sani dem taki de da Richter scale. So fara, da moro tranga wan ben de Da wan disi ben kiri moro foeroe soema ben de na 23 januari 1556 na ini Shensi distrikt, China, disi ben kiri soema. Ma dati sa de wan pikin sek’seki te wi loekoe na da aardbeifi disi sa plata ala dem foto foe grontapoe. Dem abi da moro bigi hagelston foe alatem kom na tapoe libisoema, disi kan wegi te leki moro leki 50 kg. Les 1 Santa Jejej 12/31/2018

70 Economie Babylon sa fadon
Openbaring 14:8 En wan tra engel ben go na hem baka, disi ben bari taki: Babylon ben fadon, fadon, da bigi foto dati, bikasi a ben meki ala natie dringi da wini foe da hatibron foe hem hoeroedoe. Les 1 Santa Jejej 12/31/2018

71 Babylon fadon – Openbaring 18
Openbaring 18: En baka dem sani disi, mi ben si wan tra engel saka komopo foe hemel disi ben abi bigi makti, en grontapoe ben kom leti nanga Hem glori. 2. En a ben bari nanga wan makti tranga stem taki: Babylon da bigiwan ben fadon, fadon, en a ben tron da tanpresi foe dem takroe jeje, en da kibripresi foe ibri fisti winti, en wan koi foe ibri doti ferfloekoe fowroe. Les 1 Santa Jejej 12/31/2018

72 Babylon geschiedenis Fosi a ben bigin nanga da toren foe Babel
Dem ben kom na opstand tegen Gado, disi ben taki dati dem moesoe panja en foeroe grontapoe Dem ben meki wan toren foe astrologie Gado ben broeja dem tongo so dati dem no man wroko samen moro… Les 1 Santa Jejej 12/31/2018

73 Babylon bigin Genesis 11: En da heri grontapoe ben abi wan tongo, en wan fasi foe taki. 2. En a ben pasa so dati di dem ben waka komopo foe da oost, dan dem ben feni wan lagi presi na ini da kondre foe Sinear, en na drape dem ben tan. 3. En dem ben taki nanga makandra taki: Loekoe, meki wi meki tichel ston en bron dem boen. En dem ben meki tichel foe de leki ston, en asfalt foe de leki cementi. Les 1 Santa Jejej 12/31/2018

74 Babylon bigin 4. En dem ben taki: We now, meki wi bouw wan foto nanga wan toren disi hede sa doro te na hemel, en meki wi gi wisrefi wan nem; noso wi sa panja na tapoe da heri grontapoe. 5. En MASRA ben saka kom na ondro foe loekoe da foto nanga da toren disi dem pikin foe mansoema ben bouw. 6. En MASRA ben taki: Loekoe, da pipel de wan, en dem alamala de taki wan tongo; en dem ben bigin foe doe disi; en now noti sa tapoe dem moro foe doe san dem prakseri foe doe. Les 1 Santa Jejej 12/31/2018

75 Babylon bigin 7. We now, meki Wi saka go na ondro, en moksi dem tongo drape so dati dem no kan froestan san dem trawan de taki. 8. So MASRA ben panja dem foe drape na tapoe da fesi foe heri grontapoe; en dem ben tapoe foe bouw da foot. 9. Foe dat’ede da nem foe hem de Babel, bikasi drape MASRA ben moksi dem tongo foe da heri grontapoe; en MASRA ben panja dem komopo foe drape go na tapoe da fesi foe heri grontapoe. Les 1 Santa Jejej 12/31/2018

76 Babylon bigin Dem versi disi taigi wi abra da fosi komakandra na ini geschiedenis en da bigin foe religie. Ala dem sani disi ben teki presi na ini Babylon. Archeologic bewijs de dati da Toren foe Babel ben de wan tempel foe stoeka dem stari. Na mindri foe dem broko gebouw foe owroe Babylon de wan gebouw disi de 153 foetoe hei en 400 foetoe lontoe na ondro. A ben meki foe drei klei na ini 7 verdieping disi de taki abra dem 7 planeet dati dem ben sabi na da tem dati. Da moro lagi wan ben de blaka, da kroroe foe Saturn, di foe toe, orange foe Jupiter, di foe drie redi foe Mars, enz. Les 1 Santa Jejej 12/31/2018

77 Babylon bigin Dem ben poti wan hei toren tapoe dem verdieping, en na da tapoe foe hem ben de dem marki foe da Zodiac. Wi bribi dati Nimrod, da apostate avoo foe Noach (Gen. 10:8-10) ben de da soema disi ben bigin da foto nanga da toren foe didibri. Kande a ben de da fosi priester. Moro lati, da foto disi Nimrod ben bouw sa kom na hem moro moi fasi na ondro kownoe Nebuchadnessar. Disi ben taki: Disi no da bigi Babylon disi mi ben bouw foe da oso foe mi kownoekondre nanga da makti foe mi krakti, en foe da bigi nem foe mi majesteit? Dan. 4:30. Les 1 Santa Jejej 12/31/2018

78 Fa Babylon ben loekoe A ben bouw na wan koni fasi, en a ben panja abra 15 mijl2. Da Eufraat liba ben koti abra da foto skoinsi. Da beroemde historicus Herodotus ben taki dati da foto ben abi wan skotoe 350 foetoe hei en 87 foetoe deki bradi nofo foe dem foe rei 6 asiwagi sei nanga sei. Lontoe da top foe da skotoe, dem ben poti 250 toren na dem moro belangrijk presi. Dorosei foe da skotoe, dem ben abi wan bigi gotro disi ben go lontoe da foto, en disi dem ben foeroe nanga da watra foe da Eufraat liba. Da gotro ben de ete wan sani gi dem feanti, bikasi iniwan legre disi ben wani kom na da skotoe ben moesoe abra da watra fosi. Les 1 Santa Jejej 12/31/2018

79 Babylon Da beroemde “hanging gardens” de wan foe dem 7 wondroe sani foe grontapoe. Dem ben de na ini wan vierhoek foe 400 foetoe. Dem ben de na ini terrace wan tapoe trawan, en dem ben go 350 foetoe na loktoe. Dem soema disi ben wani si ben kan kren go na tapoe dem trap disi ben de 10 foetoe bradi. Ibri terrace ben tapoe nanga wan bigi ston disi dem ben tapoe nanga asfalt, dan redi ston na ini 2 rei, en dan plata pisi foe loto so dati watra no ben man leki. Na tapoe ala dem sani disi, dem ben poti foeroe boen doti nanga omeni bon, bromiki nanga tra moi sani. Te joe loekoe komopo foe farawe, dem ben gersi da sei foe wan moi bergi pe joe loekoe na hem foe da plata presi foe da lagi presi. Les 1 Santa Jejej 12/31/2018

80 Da toren foe Babel Da toren foe Babel ben de wan sani foe si toe. A ben sidon na wan fo kanti presi 300 foetoe langa, en a ben opo go 300 foetoe na loktoe. Wan kapel na loktoe ben abi wan popki disi ben abi wan waarti foe $ dollar, en dem ben abi dem santa wroko-sani foe dem gado foe dem Babylonier soema disi ben abi wan waarti foe $ Dan dem ben abi dem moro diri moro moi meubel joe kan feni na ini iniwan presi foe aanbegi. Les 1 Santa Jejej 12/31/2018

81 N.T. profeti-taki abra Babylon
Openbaring 14:8 En wan tra engel ben go na hem baka, disi ben bari taki: Babylon ben fadon, fadon, da bigi foto dati, bikasi a ben meki ala natie dringi da wini foe da hatibron foe hem hoeroedoe. Openbaring 16:19 En da bigi foto ben priti na ini drie pisi, en dem foto foe dem natie ben fadon; en Gado ben membre bigi Babylon, foe gi hem da kan foe da wini foe Hem faja hatibron. Les 1 Santa Jejej 12/31/2018

82 Babylon da wereld falsi religie
Openbaring 17: En wan foe dem sebi engel disi ben abi dem sebi kan ben kom taki nanga mi, en a ben taki gi mi taki: Kom dja; mi sa sori joe da kroetoe foe da bigi hoeroe-oema disi sidon na tapoe foeroe watra. 2. Dem kownoe foe grontapoe ben hoeroe nanga hem, en dem ben meki dem soema disi libi na grontapoe kom droengoe nanga da wini foe hem hoeroedoe. 3. So a ben tjari mi gowe na ini da jeje, go na ini da woestijn; en mi ben si wan oema disi sidon na tapoe wan redi meti disi ben foeroe nanga nem foe kosi Gado, en disi ben abi sebi hede nanga tien toetoe. Les 1 Santa Jejej 12/31/2018

83 Babylon da wereld falsi religie
4. En da oema ben weri purper nanga redi krosi disi dem ben meki moi nanga gowtoe nanga diri ston nanga dem parel, en a ben abi wan gowtoe kan na ini hem anoe disi ben foeroe nanga takroedoe nanga da fisti-fasi foe hem hoeroedoe En na tapoe hem fesi-hede wan nem ben skrifi taki: KIBRI-TORI: BABYLON DA BIGIWAN, DA MAMA FOE DEM HOEROE-OEMA NANGA DEM FISTI-SANI FOE GRONTAPOE. 6. En mi ben si dati da oema ben droengoe nanga da broedoe foe dem santawan nanga da broedoe foe dem soema disi dem ben kiri foe Jezus ede; en di mi ben si hem, mi ben verwondroe toemoesi. Les 1 Santa Jejej 12/31/2018

84 Economische Babylon Openbaring 18: En baka dem sani disi, mi ben si wan tra engel saka komopo foe hemel disi ben abi bigi makti, en grontapoe ben kom leti nanga Hem glori. 2. En a ben bari nanga wan makti tranga stem taki: Babylon da bigiwan ben fadon, fadon, en a ben tron da tanpresi foe dem takroe jeje, en da kibripresi foe ibri fisti winti, en wan koi foe ibri doti ferfloekoe fowroe. 3. Bikasi ala natie ben dringi da wini foe da hatibron foe hem hoeroedoe, en dem kownoe foe grontapoe ben hoeroe nanga hem, en dem seriman foe grontapoe ben kom goedoeman doro da hipi foe hem goedoe-sani. Les 1 Santa Jejej 12/31/2018

85 Economische Babylon 4. En mi ben jere wan tra stem komopo foe hemel disi ben taki: Komopo foe hem, mi pipel, so dati oen no moksi nanga hem sondoe, en oen no kisi wan pisi foe hem pesti-siki. 5. Bikasi dem sondoe foe hem ben doro te leki hemel, en Gado ben membre dem sondoe foe hem. 6. Pai hem baka so leki a ben pai oen baka, en gi hem dobroe baka foe hem wroko; foeroe dobroe baka gi hem na ini da kan disi a ben foeroe kaba. 7. So srefi leki a ben gi hemsrefi foeroe glori, en a ben libi switi-fasi, so foeroe pina nanga sari joe moesoe pai hem baka, bikasi a ben taki na ini hem hati taki: Mi sidon leki wan koningin; mi no de wan weduwe, en mi no sa si sari kwet'kweti. Les 1 Santa Jejej 12/31/2018

86 Dem sa bouw Babylon baka tapoe da Eufraat leki na ini da tem foe Daniel?
Owroe Babylon noiti dem ben figi poeroe wantem leki a taki na ini Jesaja 13:19 Da fasi Jeremia 51 taki abra Babylon de krosibei na fa Johannes taki na ini Openbaring 18 Babylon sa broko saka na ini da dei foe Masra, disi de da Owroe Testamenti fasi foe taki abra da tem foe bigi trobi Les 1 Santa Jejej 12/31/2018

87 Bouw Babylon baka Jesaja 14 taki dati Israel sa kom na ini da rostoe foe Gado baka da tem dem broko Babylon saka. Sinsi disi no ben pasa ete, a moesoe de na ini da toekomst .Archeoloog ondrosoekoe ben sori dati dem ben gebruiki dem redi ston nanga dem bouw ston foe Babylon, ma Jeremia 51:26 taki dati disi no sa pasa, so a moesoe taki foe Babylon na ini da toekomst. Jeremia taki (25:17-26) dati Babylon sa dringi foe da kan foe da hatibron foe Gado leki da laasti wan foe dem kownoekondre foe Gado. Les 1 Santa Jejej 12/31/2018

88 Bouw Babylon baka Da visioen foe da oema na ini da ephah (Zach. 5:5-11) sori dati ogri nanga seri sani sa kom baka na Babylon Da fasi foe loekoe na Babylon na ini Openbaring 18 de moro boen efoe joe teki hem letterlijk Les 1 Santa Jejej 12/31/2018

89 Toe sortoe Babylon Na ini Openbaring 17 & 18, wi si toe Babylon. Da Babylon foe Openbaring 17 de foe religie. Da Babylon foe Openbaring 18 de foe politiek nanga moni-tori. Da fosi de foe religie - da falsi kerki. Di foe toe de politiek & economie. Dem kownoe foe grontapoe hati bron tapoe da falsi kerki: Open. 17:16; ma dem lobi da centrum foe meki moni: Open. 18:9. Dem kownoe foe grontapoe figi da falsi kerki poeroe; Gado srefi figi da politiek Babylon poeroe. Les 1 Santa Jejej 12/31/2018

90 Fa Babylon de A de wan presi foe takroe jeje nanga falsi leri: Open. 18:2; Mt. 13:32 .Dem fesiman nanga dem seriman ben aanbegi na da altari foe sorfoe: Open. 18:3 .Hem sondoe ben doro te leki hemel: Open. 18;5 .A ben libi na ini da prisiri nanga goedoe foe sondoe: Open. 18:7 .Hem goedoe ben breni hem foe da kroetoe foe Gado: Open. 18:7 Les 1 Santa Jejej 12/31/2018

91 Fa Babylon de… Dem ben seri 25 lux goedoe – en ook toe slafoe
A ben kori ala dem natie nanga hem tovroe-wroko: Open. 18;23 .A ben tapoe nanga da broedoe foe foeroe foe dem santawan foe Gado: Open. 18:24 Les 1 Santa Jejej 12/31/2018

92 Gado srefi figi hem poeroe
? Atom bom???? Gado srefi ben figi hem poeroe: Open.18:8, 20 A ben gersi dati wan sortoe atom bom ben wroko foe doe disi. Wi si da kroetoe wantem-wantem, faja, en fa soema moesoe tanapoe farawe - kande dem frede foe radioactive fallout Les 1 Santa Jejej 12/31/2018

93 Grontapoe sari, hemel prisiri
Dem soema ben sari na grontapoe. Dem kownoe, dem seriman nanga dem matrosoe ben sari: 18:19 En dem ben trowe doti na tapoe dem hede, en dem ben krei en bari taki: Heloe, heloe, da bigi foto dati, disi ben meki ala dem soema disi ben abi sipi na ini da zee tron goedoeman bikasi a ben de goedoe! Bikasi na ini wan joeroe, A ben figi hem poeroe. .Dem soema na ini hemel: 18:20 Prisiri abra hem, joe hemel, nanga oen santa apostel nanga profeti; bikasi Gado ben teki revensi na hem tapoe gi oen. Les 1 Santa Jejej 12/31/2018

94 Hemel prisiri foe troe Dem soema na ini hemel ben prisiri na ini da tem foe bigi trobi di: .Dem ben trowe satan: 12:12 .Dem ben figi Babylon poeroe: 18:20 .Da Lam sa trow nanga da kerki: 19:7 Les 1 Santa Jejej 12/31/2018

95 Foe san’ede Gado ben figi Babylon poeroe:
.A de da centrum foe ala dem takroe jeje na ini da tem foe bigi trobi: 18:2 .A prodo leki didibri:18:7 .A denki soso grontapoe goedoe: Da takroe foto disi sa bai en seri 28 sani, en a bigin nanga gowtoe en a kaba nanga da skin foe libisoema: Open. 18:12-13 .A wroko nanga drugs: 18:23 .A trowe broedoe: 18:24 Les 1 Santa Jejej 12/31/2018

96 Reden bigi kondre pori Dem no ben hori da famiri santa, ma dem ben broko hem saka, en dati de da basis foe da society foe libisoema Moro nanga moro belasting: dem ben teki da moni foe da pipel foe bai brede en prisiri gi da folkoe Da lostoe foe prisiri; ibri jari dem sport ben kom moro span, moro ogri, moro immoreel Bouw bigi fetisani, ma da troe feanti ben de dati da idee foe individueel frantwoortoe ben pori kaba Religie ben pori go na ini wan ceremonie nomo; a no ben meri libi, en a no ben tiri da pipel. Les 1 Santa Jejej 12/31/2018

97 Fa wan civilizatie pori
Slavernij te jeje-bribi Jeje-bribi te bigi dek’ati Bigi dek’ati te leki dem kom fri Dem kom fri te leki dem kom goedoe Dem kom goedoe te leki dem kom gridi Les 1 Santa Jejej 12/31/2018

98 Fa wan civilizatie pori
Dem kom gridi te leki dem no abi belangstelling moro Dem no abi belangstelling te leki dem no doe noti Dem no doe noti te leki dem bouw tapoe trawan Dem bouw tapoe trawan te leki dem fadon na ini slavernij Les 1 Santa Jejej 12/31/2018

99 Prisiri na ini hemel Da glori fesa na ini hemel: Bekendmaking foe wan bruid: 19:1-10 Da prisiri disi ben bigin foe gebruiki da bigi prijse woortoe foe hemel: Halleluja. Wi no feni disi na iniwan tra presi na ini da Njoen Testamenti. Da Santa Jeje ben kibri hem foe gebruiki na da tem disi. Wi feni hem 24 leisi na ini dem Psalm foe da Owroe Testamenti. Now hemel prisiri dati da Lam ben wini abra da hoeroe-oema, en A sa trow nanga Hem bruid. Les 1 Santa Jejej 12/31/2018

100 Dem krosi foe da bruid, da kerki
19:8 En a ben kisi pasi foe weri fini linnen, krin en weti; bikasi da fini linnen de da gerechtigheid foe dem santawan. Dr. Charles Ryrie skrifi na ini Revelation, bl. 111 taki: Da krosi foe da bruid, disi dem kari da gerechtigheid, wi moesoe taki de dem regtvaardiki sani disi dem ben doe. Na wan tra fasi, da trow-kosi foe da bruid sa de foe dem regtvaardiki sani disi da bruid ben doe di a ben libi na grontapoe. Da bruid de da bruid bikasi foe da gerechtigheid foe Kristus, ma da bruid weri da krosi foe trow bikasi foe san a ben doe. Les 1 Santa Jejej 12/31/2018

101 Harmageddon - voorspelling
Psalm 2:1-5, Foe san'ede dem heiden krasi so, en dem pipel prakseri wan soso sani? 2. Dem kownoe foe grontapoe seti demsrefi, en dem fesiman teki rai makandra agensi MASRA nanga Hem salfoewan taki: 3. Meki wi broko dem boeje pis'pisi, en trowe dem titei komopo foe wi Hem disi de sidon na ini hemel sa lafoe; Masra sa spotoe dem. 5. Dan na ini Hem hatibron, A sa taki gi dem, en A sa krasi dem na ini Hem mandi Joe sa broko dem nanga wan isri tiki; Joe sa broko dem pis'pisi leki wan klei patoe. Les 1 Santa Jejej 12/31/2018

102 Harmageddon - voorspelling
Jesaja 34: Kom krosibei, oen natie, foe jere; en arki, oen folkoe; meki grontapoe jere, en alasani disi de na hem ini; grontapoe nanga alasani disi komopo foe hem. 2. Bikasi da hatibron foe MASRA de na tapoe ala natie, en Hem faja hatibron de na tapoe ala dem legre foe dem; A ben figi dem poeroe krin-krin; A ben gi dem abra foe slakti. 3. So srefi dem sa trowe dem soema disi dem ben kiri kaba, en dem dedeskin sa tingi, en dem bergi sa smelti nanga dem broedoe. Les 1 Santa Jejej 12/31/2018

103 Harmageddon - voorspelling
4. En da heri legre foe hemel sa smelti gowe, en dem sa lolo dem hemel makandra leki wan boekrol; en ala dem legre sa fadon leki wan blatie komopo foe wan taki, en leki wan figa disi fadon komopo foe da figabon. 5. Bikasi Mi sa wasi Mi howroe na ini hemel; loekoe, a sa saka fadon na tapoe Edom, en na tapoe da pipel disi Mi ben floekoe, foe koti kroetoe. 6. Da howroe foe MASRA de lai nanga broedoe, en a ben kom fatoe nanga fatoe, en nanga da broedoe foe pikin skapoe nanga krabita, en nanga da fatoe foe dem nieri foe man skapoe; bikasi MASRA ben meki wan ofrandi na ini Bosra, en wan bigi slakti na ini da kondre foe Edom. Les 1 Santa Jejej 12/31/2018

104 Harmageddon - voorspelling
Jesaja 63:3-4, 6 3. Mi ben trapoe dem druivi Mi wawan; no wan foe dem pipel ben de nanga Mi; bikasi Mi sa trapoe dem na ini Mi hatibron, en Mi sa trapoe dem na ini Mi faja hatibron; en da broedoe foe dem sa fadon na tapoe Mi krosi, en Mi sa pori ala Mi krosi. 4. Bikasi da dei foe revensi de na ini Mi hati, en da jari foe Mi verloesoe de kom kaba. 6. En Mi sa trapoe da pipel na ini Mi hatibron, en Mi sa meki dem kom droengoe na ini Mi faja hatibron, en Mi sa broko da tranga foe dem saka te leki grontapoe Les 1 Santa Jejej 12/31/2018

105 Harmageddon - voorspelling
Joel 3:2, 9-16 Dan Mi sa tjari ala natie kom makandra toe, en Mi sa tjari dem go na da lagi presi foe Josafat, en drape Mi sa kroetoe nanga dem foe Mi pipel en foe Mi erfenis Israël ede, disi dem ben panja na mindri foe dem natie, en dem ben prati Mi kondre. na bakatem, te leki dem jari foe foeroe bakatem pikin Dem sa lon foe wan sei te leki da tra sei foe da foto; dem sa lon na tapoe da skotoe; dem sa kren go na tapoe dem oso; dem sa kren go na ini dem fensre leki wan foefoeroeman. Les 1 Santa Jejej 12/31/2018

106 Harmageddon - voorspelling
Joel 3:10. Grontapoe sa seki na dem fesi; dem hemel sa beifi, en da zon nanga da moen sa kom doengroe, en dem stari sa hari dem brinki kom baka; 11. En MASRA sa opo Hem stem na fesi foe Hem legre; bikasi Hem legre de toemoesi bigi; bikasi da soema disi sa doe Hem woortoe de tranga; bikasi da dei foe MASRA de bigi en skreki; soema kan hori doro? 12. Foe dat'ede now, so srefi, MASRA de taki: Drai kom na Mi nanga oen heri hati, nanga faste nanga krei nanga sari; Les 1 Santa Jejej 12/31/2018

107 Harmageddon - voorspelling
13. En priti oen hati, en no priti oen krosi, en drai kom na MASRA oen Gado; bikasi A sori gnade nanga sari-hati; A teki langa foe kisi hatibron, en A sori bigi safoe-hati, en A kenki Hem prakseri foe no strafoe moro. 14. Soema sa sabi efoe Hem sa drai lontoe en kenki prakseri, en libi wan blesi na Hem baka; wan njanjan-ofrandi nanga wan dringi-ofrandi gi MASRA oen Gado? 15. Blo da trompeti na Sion; hori wan santa faste, kari wan plikti komakandra. 16. Tjari da folkoe kom na wan, meki da komakandra kom santa, tjari dem gransoema kom nanga dem pikin nanga dem pikinnengre disi de na bobi; meki da bruidegom komopo foe hem kamra, en da bruid komopo foe hem kamra. Les 1 Santa Jejej 12/31/2018

108 Harmageddon - voorspelling
Zach. 12:2 Loekoe, Mi sa meki Jerusalem tron wan dringi-kan foe beifi gi ala dem pipel lontoe hem, te dem sa feti agensi Juda nanga Jerusalem. Zach. 14:2-3, Bikasi Mi sa kari ala dem natie kom makandra foe feti agensi Jerusa-lem; en dem sa wini da foto, en dem sa foefoe-roe dem oso en dem sa pori dem oema; en dem sa tjari hafoe foe da foto gowe na ini katibo, ma dem no sa koti dem soema disi libi abra poeroe foe da foto. Les 1 Santa Jejej 12/31/2018

109 Harmageddon - voorspelling
Zach. 14:3. Dan MASRA sa go na fesi, en A sa feti agensi dem natie dati, so leki A ben feti na ini da dei foe feti En disi sa de da pesti-siki di MASRA sa seni kom en naki ala dem pipel disi ben feti agensi Jerusalem; dem sa kom mangri te dem sa tanapoe na tapoe dem foetoe, en dem ai sa kom pori na ini dem ai-olo, en dem tongo sa kom drei na ini dem mofo. Les 1 Santa Jejej 12/31/2018

110 Harmageddon - voorspelling
Openbaring 14: En mi ben loekoe, en si, wan weti wolkoe, en na tapoe da wolkoe wan Soema leki Soemapikin ben sidon, en A ben abi wan gowtoe kroon na tapoe Hem hede, en na ini Hem anoe A ben hori wan srapoe koti-nefi En wan tra engel ben komopo foe da tempel, en a ben bari nanga wan tranga stem gi Hem disi ben sidon tapoe da wolkoe taki: Soetoe Joe koti-nefi go na ini, en koti, bikasi da tem ben doro foe Joe moesoe koti, bikasi da oogst foe grontapoe lepi kaba En Hem disi ben sidon tapoe da wolkoe ben soetoe Hem koti-nefi na grontapoe, en A ben koti grontapoe. Les 1 Santa Jejej 12/31/2018

111 Harmageddon - voorspelling
Open. 14:17. En wan tra engel ben komopo foe da tempel disi de na ini hemel, en a ben abi wan srapoe koti-nefi toe En wan tra engel ben komopo na sei foe da altari, disi ben abi makti abra faja; en a ben bari nanga wan tranga krei gi hem disi abi da srapoe koti-nefi taki: Soetoe joe srapoe koti-nefi go na ini, en koti dem froktoe foe da druivitaki foe grontapoe, bikasi hem druivi kom lepi dorodoro kaba En da engel ben soetoe hem koti-nefi na ini grontapoe, en a ben koti da druivitaki foe grontapoe, en a ben trowe hem na ini da bigi masi-baki foe da hatibron foe Gado En dem ben trapoe da masi-baki foe Gado na dorosei foe da foto, en broedoe ben komopo foe da druivi-baki te leki da mofo-titei foe wan asi, en a ben panja wan drie hondro nanga drie tenti kilometer farawe. Les 1 Santa Jejej 12/31/2018

112 Harmageddon - voorspelling
Openbaring 16:16 En A ben tjari dem kom makandra na ini wan presi disi dem kari na ini Djoe tongo Harmagedon. Les 1 Santa Jejej 12/31/2018

113 Harmageddon Openbaring 19:Openbaring 19: En mi ben si hemel opo, en loekoe, wan weti asi, en dem kari Hem disi ben sidon na hem tapoe Getrouw en Troe, en A kroetoe en A feti nanga gerechtigheid Hem ai ben de leki wan faja-vlam, en foeroe kroon ben de na tapoe Hem hede, en A ben abi wan nem disi ben skrifi, disi no wan soema ben sabi boiti Hemsrefi wawan En A ben weri wan krosi disi ben dopoe na ini broedoe: en dem kari Hem nem Da Woortoe foe Gado En dem legre disi ben de na ini hemel ben sidon na tapoe weti asi na Hem baka, en dem ben weri fini linnen, weti en krin. Les 1 Santa Jejej 12/31/2018

114 Harmageddon 15. En wan srapoe howroe komopo foe Hem mofo, en nanga dati A sa naki dem natie; en A sa basi dem nanga wan isri tiki; en A trapoe da druivi-baki foe da faja hatibron foe Almakti Gado En A abi wan nem skrifi na tapoe Hem krosi en na tapoe Hem bowtoe taki: KOWNOE FOE DEM KOWNOE EN MASRA FOE DEM MASRA En mi ben si wan engel disi ben tanapoe na ini da zon; en a ben bari nanga wan tranga stem gi ala dem fowroe disi de frei na mindri foe hemel taki: Kom makandra na da njanjan foe da bigi Gado; 18. Foe oen kan njan da skin foe dem kownoe nanga da skin foe dem kapten nanga da skin foe dem makti man nanga da skin foe dem asi nanga dem soema disi sidon na dem tapoe, nanga da skin foe ala mansoema, foe friman nanga slafoe, foe pikinwan nanga bigiwan. Les 1 Santa Jejej 12/31/2018

115 Harmageddon 19. En mi ben si da meti, nanga dem kownoe foe grontapoe nanga dem legre kom makandra foe feti agensi Hem disi ben sidon tapoe da asi, en agensi Hem legre En A ben teki da meti, en nanga hem, A teki da falsi profeti disi ben wroko wondroewroko na hem fesi, dem wroko disi ben kori dem soema disi ben teki da marki foe da meti, nanga dem soema disi ben aanbegi hem popki. A ben fringi ala toe foe dem libilibi na ini da zee disi bron nanga faja nanga swarfoe. 21. En A ben kiri dem soema disi ben tan abra nanga da howroe foe Hem disi ben sidon na tapoe da asi, disi ben abi da howroe komopo foe Hem mofo; en ala dem fowroe ben njan dem dedeskin te leki dem bere ben foeroe. Les 1 Santa Jejej 12/31/2018

116 Harmageddon no de da srefi feti leki da Russia aanval foe Ezekiel 38
.Russia komopo foe da noord, ma Harmageddon kom foe ala richting .Russia kom foe wini da goedoe foe Israel, ma Harmageddon de foe figi da Lam nanga Hem pipel poeroe .Gog de da leider foe da Russia aanval, ma da antikristus de da leider foe Harmageddon Les 1 Santa Jejej 12/31/2018

117 Harmageddon Harmageddon no de da laasti oorlog foe da Bijbel - dati sa pasa baka da 1000 jari rijk: Openbaring 20:7-9. Harmageddon teki presi na da kaba foe da tem foe bigi trobi Les 1 Santa Jejej 12/31/2018

118 Harmageddon Libisoema bijna no kan prakseri fa da feti disi sa de bigi. Da feti sa komopo foe Megiddo na da noord (Zach. 12:11; Openbaring 1:16) te leki Edom na da zuid (Jes. 34:5-6; 63:1), wan afstand foe bijna 200 mijl. A sa go na da Middellandse zee na da west te leki dem bergi foe Moab na da oost. A sa abi da lagi presi foe Josafat (Joel 3:2, 12, nanga dem plata presi foe Esdraelon. Na da centrum foe da heri gebied sa de da foto foe Jerusalem: Zach. 14:1-2. Wi kan verwakti omeni miljoen man, kande man kwinsi dem srefi na ini disi laasti holocaust foe libisoema. Dem kownoe nanga dem legre sa komopo foe da noord nanga da zuid, foe da oost nanga da west.... Foe troe, disi sa de da “lagi presi foe beslissing” Les 1 Santa Jejej 12/31/2018

119 Da lagi presi foe Josafat.
Wan lagi presi oost foe Jerusalem, na mindri foe da santa foto nanga da Olijf bergi (Joel 3:2, 12) Da lagi presi disi, disi dem kari da Kidron lagi presi na ini da Njoen Testamenti, ben abi wan belangrijk presi na ini da Bijbel David ben abra da lagi presi disi di a ben krei en lowe foe Absalom: II Sam. 15:23 .Kownoe Asa ben bron da popki foe hem egi mama dja: I Kon. 15:13 .Hizkia ben figi wantoe popki poeroe dja: II Kron. 30:14 .Josia ben figi dem popki poeroe disi Achaz nanga Manasse ben poti na ini da Tempel: II Kon. 23:4, 6, 12 Jezus ben abra da lagi presi disi di A ben go na da djari foe Getsemane; Jn. 18:1 Les 1 Santa Jejej 12/31/2018

120 Harmageddon Da lagi presi foe Esdraelon - wan lagi presi 20 mijl langa en 14 mijl bradi, noord en wet foe Jerusalem na mindri foe da santa foto en da Middellandse zee .Megiddo da plata presi na ini da lagi presi foe Esdraelon (Zach. 12:11 .Bozra - wan foto foe Edom oost foe da Jordaan liba, en krosibei na Petra, da hoofd stad foe Edom. Dem toe foto sa de belangrijk te Jezus sa kom baka. (Jes. 34:6 & 63: Les 1 Santa Jejej 12/31/2018

121 Da plata presi foe Esdraelon
Debora & Barak ben wini dem Kanaaniet soema: Richteren 4 & 5 .Gideon ben wini dem Midjaniet soema : Richteren 7 .Dem Filistijn soema ben wini en kiri Saul: I Sam. 31 .David ben kiri Goliath - I Sam. 17 .Farao Neko ben kiri Josia: II Kon. 23 Les 1 Santa Jejej 12/31/2018

122 Omeni broedoe sa fadon Johannes loekoe na da kiri disi, en taki dati da broedoe de so dipi leki da toom foe wan asi mofo. A de moro leki wi kan prakseri foe si wan meer so bigi disi ben komopo foe dem broedoe titei foe dem soema disi ben waka na baka satan foe proberi foe figi da folkoe foe Gado poeroe so dati Jezus Kristus no kan kom baka leki kownoe. Les 1 Santa Jejej 12/31/2018

123 San sa hari ala dem natie foe kom na ini da gebied foe Harmageddon.
Jes. 34:2 Bikasi da hatibron foe MASRA de na tapoe ala natie, en Hem faja hatibron de na tapoe ala dem legre foe dem; A ben figi dem poeroe krin-krin; A ben gi dem abra foe slakti Joel 3:2 Dan Mi sa tjari ala natie kom makandra toe, en Mi sa tjari dem go na da lagi presi foe Josafat, en drape Mi sa kroetoe nanga dem foe Mi pipel en foe Mi erfenis Israël ede, disi dem ben panja na mindri foe dem natie, en dem ben prati Mi kondre. Les 1 Santa Jejej 12/31/2018

124 Gado kari dem natie kom Zach. 14:2 2. Bikasi Mi sa kari ala dem natie kom makandra foe feti agensi Jerusalem Zach 13:8? 8. MASRA de taki: En a sa pasa so dati na ini da heri kondre, dem sa koti toe foe dem drie pisi foe da kondre poeroe en dem sa dede, ma di foe drie pisi sa tan abra. Open. 16:16 En A ben tjari dem kom makandra na ini wan presi disi dem kari na ini Djoe tongo Harmagedon. Les 1 Santa Jejej 12/31/2018

125 Dem natie kom Bikasi foe da kori foe satan: Openbaring 16: Drie takroe jeje sa kori dem natie foe kom makandra na Harmageddon .Bikasi dem natie hati bron tapoe Kristus. Difrenti versi foe da Bijbel sori wi disi: Ps. 2:1-3; Open. 11:18. Dem natie sa de na ondro da leiderschap foe antikristus, en dem sa si dati es’esi Jezus Kristus sa kom baka: Open. 11:15; 12:12. Dem sa sabi dati A sa doro baka na da Olijf bergi. Zach. 14:4; Tori 1: Wi kan prakseri dati dem sa kom drape foe proberi foe figi Kristus poeroe na da momenti A doro baka na grontapoe. Les 1 Santa Jejej 12/31/2018

126 Da Eufraat liba sa kom drei
Dr. Barnhouse taki na ini Revelation, bl. 301 taki: Sinsi tem foe da bigin, da Eufraat nanga dem sei taki foe hem ben de wan bigi tranga grens na mindri foe dem folkoe na da oost foe hem nanga dem soema disi de na da west. A de 3000 km. langa, en bijna no wan presi joe kan abra nanga foetoe. A de foe 300 tot 1200 meter bradi, en foe 3 ½ tot 10 meter dipi, en moro foeroe, a de moro bradi en moro dipi leki dati. A ben de da grens foe da kownoekondre foe Salomo, en foeroe leisi da Bijbel taki dati disi de da noord-oost grens foe dem kondre disi Israel moesoe kisi. .... Les 1 Santa Jejej 12/31/2018

127 Da Eufraat liba… Geschiedenis ben taki foeroe leisi abra fa dem legre no ben man waka fri fasi bikasi foe hem, en alatem a ben de wan prati na mindri foe dem soema na da west nanga dem soema na da oost. Te da grens disi no de moro, omeni 10 maal miljoen soldati sa komopo foe China, India nanga dem tra makti foe Asia, en dem sa waka go te leki dem sa figi dem poeroe na Harmageddon. Les 1 Santa Jejej 12/31/2018

128 Dem sa figi Jerusalem poeroe.
Kande da moro sari sani na ini da tem foe bigi trobi sa de fa dem sa feti agensi da Santa Foto en figi hem poeroe. Disi sa de da 47th en da laasti tem dati soema sa wini Jerusalem. Zach. 12:2 Loekoe, Mi sa meki Jerusalem tron wan dringi-kan foe beifi gi ala dem pipel lontoe hem, te dem sa feti agensi Juda nanga Jerusalem. Les 1 Santa Jejej 12/31/2018

129 Dem feti agensi Jerusalem
Zach Bikasi Mi sa kari ala dem natie kom makandra foe feti agensi Jerusalem; en dem sa wini da foto, en dem sa foefoeroe dem oso en dem sa pori dem oema; en dem sa tjari hafoe foe da foto gowe na ini katibo, ma dem no sa koti dem soema disi libi abra poeroe foe da foto. Lk. 21:20 En te oen sa si dem kom lontoe Jerusalem nanga dem legre, dan oen moesoe sabi dati da pori foe hem de krosibei. Les 1 Santa Jejej 12/31/2018