Njoen Testamenti I – Les Da Libi foe Jezus

Presentatie over: "Njoen Testamenti I – Les Da Libi foe Jezus"— Transcript van de presentatie:

1 Njoen Testamenti I – Les Da Libi foe Jezus
Bijbel Baptist Kerk Les Njoen Testamenti I – Les Da Libi foe Jezus Robert D. Patton Da Froktoe foe da Jeje: Lobi 9/18/2018

2 Da opo baka foe Lazarus Jezus jere dati Lazarus siki, ma ekspresi A drai ete 2 dei langa Dan A taki foe go baka en wiki Lazarus foe sribi – da fosi tem dem kari wan bribiwan sribi na ini da Bijbel Dem discipel ben stree Efoe a siki, dan a sa betre Net dem Djoe ben proberi foe kiri Jezus Njoen Testamenti Les #7 9/18/2018

3 Da opo baka foe Lazarus Jn. 11:21. Dan Marta ben taki gi Jezus taki: Masra, efoe Joe ben de dja, mi brada no ben sa dede Ma mi sabi dati now srefi iniwan sani disi Joe sa aksi na Gado, Gado sa gi na Joe. 23. Jezus ben piki hem taki: Joe brada sa opo baka foe dede. 24. Marta ben piki Hem taki: Mi sabi dati a sa opo baka na ini da opo baka foe da laasti dei. Sinsi da tem foe Job (wan speri foe Abraham, dem soema ben bribi dati soema sa opo baka – boiti dem Sadducee soema. Njoen Testamenti Les #7 9/18/2018

4 Da opo baka foe Lazarus Jn. 11:25. Jezus ben taki gi hem taki: Mi de da opo baka nanga da libi; da soema disi bribi na Mi, alwasi a dede kaba, tokoe a sa libi; 26. En da soema disi libi en bribi na Mi noiti sa dede. Joe bribi disi? 27. A ben piki Hem taki: Ja, Masra; mi bribi dati Joe de da Kristus, da Pikin foe Gado, disi ben moesoe kom na grontapoe. Jezus no taki foe wan gewoon opo baka. A de da opo baka A de da libi A gi da libi foe teego Njoen Testamenti Les #7 9/18/2018

5 Da opo baka foe Lazarus Jn. 11:39. Jezus ben taki: Poeroe da ston komopo. Marta, da sisa foe da dede soema, ben piki Hem taki: Masra, na da tem disi, a de tingi; bikasi a ben dede fo dei langa kaba Jezus ben piki hem taki: Mi no ben taigi joe, dati efoe joe bribi, joe sa si da glori foe Gado? 41. Dan dem ben poeroe da ston foe pe da dede soema ben didon. 43. En di A ben taki so kaba, A ben bari nanga wan tranga stem taki: Lazarus, komopo! En da dede soema ben komopo; hem anoe nanga foetoe ben tai nanga berikrosi, en dem ben tai hem fesi nanga wan doekoe. Jezus ben taki gi dem taki: Loesoe hem, en gi hem pasi foe waka gowe. Njoen Testamenti Les #7 9/18/2018

6 Da opo baka foe Lazarus Jezus no doe wan wondroewroko efoe a no de fanowdoe. A aksi wi foe doe sani wi kan doe Poeroe da ston Poeroe dem krosi A doe san wi no man doe – opo Lazarus foe dede Njoen Testamenti Les #7 9/18/2018

7 Da opo baka foe Lazarus Jn. 11:45. Dan foeroe foe dem Djoe disi ben kom na Maria, en dem ben si dem sani disi Jezus ben doe, ben bribi na Hem tapoe Ma som foe dem ben teki dem pasi, go na dem Fariseeman, en dem ben taigi dem san Jezus ben doe Dan dem bigi priester nanga dem Fariseeman ben kom makandra, en dem ben taki: San wi sa doe? Bikasi da man disi de doe foeroe wondroewroko Efoe wi libi Hem so, ala soema sa bribi na Hem, en dem Romeini soema sa kom en poeroe wi presi nanga wi folkoe. Njoen Testamenti Les #7 9/18/2018

8 Da opo baka foe Lazarus Jn. 11:49. En wan foe dem, di nem ben de Kajafas, disi ben de da hogepriester da jari dati, ben taki gi dem taki: Oen no sabi noti sref'srefi En oenoe no prakseri dati a de moro boen gi wi, efoe wan man sa dede gi da pipel, en dati da heri folkoe no sa go lasi En a no ben taki disi komopo foe hemsrefi, ma di a ben de da hogepriester foe da jari dati, a ben taki profeti-fasi dati Jezus ben sa dede gi da folkoe; 52. En no foe da natie dati nomo, ma dati so srefi A sa tjari ala dem pikin foe Gado disi de panja lontoe kom makandra Baka da dei dati, dem ben miti mofo foe kiri Hem. Njoen Testamenti Les #7 9/18/2018

9 Da opo baka foe Lazarus Da goedoeman na ini hel ben taki dati efoe wan dedesoema opo baka dem sa bribi, en a ben wani seni Lazarus da bedelaar go baka na dem brada foe hem Jezus ben opo Lazarus baka foe dede, en dem ben wani kiri ala toe foe dem Da hogepriester ben sori da reden foe da dede foe Jezus Kristus. A ben denki a ben floekoe Hem, ma da floekoe ben tron wan sortoe blesi gi wi alamala Njoen Testamenti Les #7 9/18/2018

10 Da fosiwan nanga laastiwan
Mt. 20:1. Bikasi da kownoekondre foe hemel de gersi wan basi foe wan oso, disi ben opo go froekoe mamanten foe soekoe wrokoman gi hem druivi-djari. 2. En di a ben meki akkorderi nanga dem wrokoman foe wan pisi moni foe wan dei wroko, a ben seni dem go na ini hem druivi-djari. Now da man ben soekoe moro wrokoman na 9 uur mamanten, 12 mindridei, 3 uur bakadina, en 5 uur bakadina A ben bigin foe pai dem man, dem laastiwan fosi Dem laastiman ben kisi wan dei wrokomoni Dem fosiwan ben denki dati dem sa kisi moro Njoen Testamenti Les #7 9/18/2018

11 Dem fosiwan nanga laastiwan
Mt. 20:11. En di dem ben kisi hem, dem ben klagi gi da basi foe da oso, 12. Taki: Dem laasti soema ben wroko wan joeroe nomo, en joe ben pai dem so leki joe ben pai wi, disi ben wroko ini da faja tem foe da dei Ma a ben piki wan foe dem taki: Mati, mi no ben doe joe no wan ogri. Joe nanga mi no ben meki akkorderi foe wan pisi moni? 14. Teki da sani disi de foe joe, en teki joe pasi; Mi sa gi na da laasti wan disi so srefi leki mi ben gi na joe Mi no abi pasi foe doe san mi wani nanga mi egi moni? Joe sa abi ogri ai, bikasi mi de boen? 16. Tokoe dem laasti wan sa de dem fosiwan, en dem fosiwan sa de dem laasti wan; bikasi dem ben kari foeroe soema, ma dem ben verkisi weiniki soema. Njoen Testamenti Les #7 9/18/2018

12 Dem fosiwan nanga laastiwan
Gado sa gi san de eerlijk na ibri soema Gado no wroko leki libisoema prakseri Som soema disi wroko wan sjatoe tem kan kisi foeroe blesi foe dem wroko disi dem ben doe – leki martelaar, enz. Njoen Testamenti Les #7 9/18/2018

13 Da mama foe Jakobus & Johannes
Da mama foe Jakobus nanga Johannes ben kom aksi Jezus foe meki dem toe boi foe hem kisi dem toe top positie na ini Jezus kownoekondre Jezus taki dati a no sabi san a aksi Dem man kan dringi da kan en teki da dopoe? Dem taki dem kan Jezus taki dati dem sa doe so foe troe, ma Gado srefi gi dem positie na soema A wani Njoen Testamenti Les #7 9/18/2018

14 Da mama foe Jakobus nanga Johannes
Dem discipel ben jere en mandi - ?djaroesoe? Mt. 20:25. Ma Jezus ben kari dem kom na Hem, en A ben taki: Oen sabi dati dem bigi man foe dem heiden soema tan basi abra dem, en dem disi abi makti taigi trawan san dem moesoe doe Ma na oen mindri a no moesoe de so, ma da soema disi wani de bigi na oen mindri, hem moesoe de oen dinari; 27. En da soema disi wani de basi na oen mindri, hem moesoe de oen knegti So srefi Soemapikin no ben kom foe soema dini Hem, ma foe dini trawan, en foe gi Hem libi abra leki wan paiman gi foeroe soema. Njoen Testamenti Les #7 9/18/2018

15 No prodo efoe soekoe positie
Da bigiwan de wan dinari Da top wan de wan slafoe! Jezus ben kom foe dede gi trawan Dan wi moesoe dede toe Gi wi plan Gi wi wani Gi wi egi libi – foe Hem ede! Njoen Testamenti Les #7 9/18/2018

16 Zaccheus Zacheus ben de wan bigi tolnaar
A ben wani si Jezus, en bikasi a ben de wan sjatoe man, a ben kren go na ini wan bon Jezus ben kom na hem oso Zaccheus ben taki dati a sa gi hafoe foe hem goedoe na potisoema, en pai baka dem soema a ben foefoeroe 4 leisi so foeroe Jezus ben taki dati verloesoe ben kom na da oso disi – Zacheus no tai nanga goedoe moro, ma a wani waka na Jezus baka Njoen Testamenti Les #7 9/18/2018

17 Dem 10 pontoe Wan man ben gowe na wan farawe kondre = Jezus sa go na hemel A kari 10 dinari kom= wi bribiwan A gi ibriwan soema 1 pontoe foe wroko Wan man wroko en kisi 10 pontoe – a tron basi foe 10 foto Wan man wroko en kisi 5 pontoe – a tron basi foe 5 foto Wan man beri hem pontoe – a lasi hem pontoe, en a kisi strafoe Njoen Testamenti Les #7 9/18/2018

18 Dem 10 pontoe Lk. 19: 22. En a ben piki hem baka taki: Mi sa kroetoe joe nanga san ben komopo foe joe egi mofo, joe ogri dinari. Joe ben sabi dati mi de wan tranga-hati soema, en mi teki san mi no ben poti, en mi koti san mi no ben zaai Dan foe san'ede joe no ben poti mi moni na bangi, so dati te mi ben kom baka, dan mi ben sa kisi mi moni baka nanga intres? 24. En a ben taki gi dem soema disi ben tanapoe na sei taki: Poeroe da pontoe foe hem, en gi dati na da soema disi abi tien pontoe (En dem ben taki gi Hem taki: Masra, a abi tien pontoe kaba.) 26. Bikasi Mi taki gi oen taki: Ibri soema disi abi sa kisi moro foeroe; en foe da soema disi no abi, dem sa poeroe dem sani disi a abi srefi foe hem. Njoen Testamenti Les #7 9/18/2018

19 Les foe dem 10 pontoe Jezus sa kom baka
A gi ibriwan soema sani foe wroko Hoe moro tranga joe wroko, hoe moro bigi joe paiman de – en dem alamala de bigi paiman – en joe kan kisi moro talenti toe Efoe joe no wroko, joe sa lasi san joe abi Njoen Testamenti Les #7 9/18/2018

20 Maria salfoe Jezus Jn. 12:1. Dan siksi dei fosi paska, Jezus ben kom na Betanië, pe Lazarus ben tan, disi A ben wiki baka foe dede. 2. Dan dem ben hori wan fesa gi Hem; en Marta ben dini, en Lazarus ben de wan foe dem soema disi ben sidon na tafra nanga Hem. 3. Dan Maria ben teki wan pontoe foe nardusmirre, toemoesi diri, en a ben salfoe dem foetoe foe Jezus, en a ben drei Hem foetoe nanga hem hede wiwiri; en da oso ben foeroe nanga da smeri foe da salfoe-olie. Jezus ben taki omeni leisi dati A sa dede, ma a gersi dati wan soema nomo, Maria ben bribi Hem. Njoen Testamenti Les #7 9/18/2018

21 Maria salfoe Jezus Jn. 12:4. Dan wan foe Hem discipel, Judas Iskariot, da manpikin foe Simon, disi sa tori Hem ben taki: 5. Foe san'ede dem no seri da olie disi foe drie hondro pisi moni, en gi da moni na dem poti soema? 6. A no taki disi bikasi a ben ke foe dem poti soema, ma bikasi a ben de wan foefoeroeman, en a ben hori da monisaka, en a ben tjari san dem ben poti na hem ini. 7. Dan Jezus ben taki: Libi hem; a ben doe disi foe da dei dem sa beri Mi. 8. Bikasi oen abi dem potiwan alatem nanga oen; ma oen no sa abi Mi alatem. Njoen Testamenti Les #7 9/18/2018

22 Maria salfoe Jezus Judas ben klagi. Da waarti foe da olie ben de wan man salaris foe wan jari (300 pisi sorfoe moni) Judas ben wani foefoeroe wan pisi foe hem bikasi a ben hori da moni-saka Maria ben gi abra 300 pisi moni waarti foe salfoe Jezus na fesi – no wan tra soema sa kisi wan okasi Judas ben seri Jezus foe 30 pisi sorfoe moni nomo Maria ben gi abra da moro diri sani disi a ben abi foe Jezus ede – ma fa foe joe nanga mi? Njoen Testamenti Les #7 9/18/2018

23 Jezus kom na ini Jerusalem
A ben seni toe discipel foe feni wan boeriki disi noiti wan man ben sidon na hem tapoe Dem ben leni hem – Jezus no ben abi wan meti gi Hemsrefi A ben rij hem kom na ini Jerusalem Dem soema ben loekoe na Hem leki dem kownoe nanga messias – poti krosi nanga palm taki na tapoe da pasi Dem Fariseeman ben mandi, ma Jezus ben taki dati efoe dem pikin no ben taki, dem ston srefi ben sa bari Njoen Testamenti Les #7 9/18/2018

24 Jezus kom na ini Jerusalem
Zacharia 9:9 Abi bigi prisiri, O oemapikin foe Sion; bari, O oemapikin foe Jerusalem; loekoe, joe Kownoe de kom na joe; A de koti kroetoe leti, en A de tjari verloesoe kom; A abi saka fasi, en A rij na tapoe wan boeriki, en na tapoe da manpikin foe wan boeriki. Wan richter ben rij tapoe wan boeriki – so Jezus ben doe da fosi komst foe Hem Wan kownoe rij tapoe wan weti asi: Openbaring 19:11. En mi ben si hemel opo, en loekoe, wan weti asi, en dem kari Hem disi ben sidon na hem tapoe Getrouw en Troe, en A kroetoe en A feti nanga gerechtigheid. Njoen Testamenti Les #7 9/18/2018

25 Jezus kom na ini Jerusalem
Dan. 9:24. A ben seti sebi tenti wiki faste na tapoe joe pipel en na tapoe joe santa foto, foe meki da kaba foe ogridoe, en foe meki sondoe kaba, en foe meki soema kom boen baka nanga Gado foe dem ogridoe, en foe tjari gerechtigheid kom foe teego, en poti stampoe tapoe da visioen nanga profeti-taki, en foe salfoe da Moro Santa Wan Foe dat'ede, sabi en froestan dati baka da komanderi foe bouw Jerusalem baka te leki da Messias, da fesiman, sebi wiki sa de nanga siksi tenti na toe wiki; dem sa bouw dem strati baka, nanga da skotoe na ini tem foe trobi En baka siksi tenti na toe wiki, dem sa koti da Messias poeroe, ma no foe hemsrefi ede; en da pipel foe da fesiman disi sa kom sa figi da foto nanga da santa presi poeroe, en da kaba sa de nanga wan floedoe; en te leki dem feti sa kaba, pori ben seti faste. Njoen Testamenti Les #7 9/18/2018

26 Jezus kom na ini Jerusalem
62 wiki + 7 wiki = 69 wiki 69 wiki x 7 = 483 wiki (jari) = dei Wi bigin na 14 maart 445 B.C. Wi kaba na 6 april 32 A.D. Te wi teri dei foe dei wi kom tapoe da tem disi Jezus ben rij kom na ini Jerusalem! Njoen Testamenti Les #7 9/18/2018

27 Jezus floekoe wan figabon
Disi no de so-maar; da figabon de wan symbool foe Israel, disi no ben meki froktoe gi Gado leki a ben moesoe doe Da figabon de wan vreemde bon disi abi froktoe fosi a meki blatie, en so di a meki blatie, joe kan verwakti froktoe, ma no wan froktoe ben de na hem tapoe Njoen Testamenti Les #7 9/18/2018

28 Jezus floekoe wan figabon
Mki 11:20. En mamanten, di dem ben waka pasa hem, dem ben si dati da figabon ben kom drei te kisi hem loetoe srefi En Petrus ben membre Hem taki: Masra, loekoe, da figabon disi Joe ben floekoe kom drei kaba En Jezus ben piki hem taki: Bribi na Gado Foe troe, Mi taki gi oenoe taki: Da soema disi sa taki gi da bergi disi taki: Opo komopo, go trowe joesrefi na ini da zee; en a no mankeri bribi na ini hem hati, ma a bribi dati dem sani disi a ben taki kaba sa pasa so; da sani disi a aksi sa pasa Foe dat'ede Mi taki gi oen taki: Sortoe sani oen wani te oen begi, bribi dati oen sa kisi dem, en oen sa abi dem. Njoen Testamenti Les #7 9/18/2018

29 Begi en bribi Wi si dati begi nanga bribi de belangrijk
Ma ook toe si dem volgende versi: Mk. 11:25. En te oen tanapoe foe begi, gi pardon efoe oen abi trobi nanga iniwan soema; so dati oen Tata disi de na ini hemel sa gi oen pardon toe foe oen sondoe Ma efoe oen no gi pardon, dan oen Tata disi de na ini hemel no sa gi pardon na oen sondoe toe. Wi no moesoe hori na hati toe! Njoen Testamenti Les #7 9/18/2018

30 Jezus krini da tempel di foe toe leisi
Jezus ben krini da tempel da fosi leisi na da bigin foe Hem dienst Now na da kaba foe Hem wroko, A krini hem baka Wi si dati foe begi na wan juisti fasi, wi moesoe de krin – en wi skin de da tempel foe da Santa Jeje! Jezus no frede dem man, ma A ben jagi dem poeroe A no meki dem lasi moni, ma A poti alasani na dorosei Njoen Testamenti Les #7 9/18/2018

31 Da autoriteit foe Jezus
Dem soema ben aksi Jezus soema gi Hem pasi krini da tempel A aksi dem efoe da dopoe foe Johannes ben komopo foe libisoema efoe Gado Dem no ben wani piki baka – bikasi da folkoe ben bribi Johannes ben de wan troe profeti, en Johannes ben sori dati Jezus de da messias – dan foe san’ede dem no wani bribi? Njoen Testamenti Les #7 9/18/2018

32 Gi jesi na Gado Mt. 21:28. Ma san oen denki? Wan man ben abi toe manpikin; en a ben kom na da fosiwan, en a ben taki: Mi boi, go wroko tide na ini mi druivi-djari A ben piki hem taki: Mi no sa go, ma moro lati, a ben kom hati hem, en a ben go So srefi a ben go na di foe toe manpikin, en a ben taki da srefi. En a ben piki hem baka taki: Mi sa go, masra; ma tokoe, a no go Sortoe wan foe dem toe man ben doe san dem tata ben wani? Dem ben piki Hem taki: Da fosiwan. Njoen Testamenti Les #7 9/18/2018

33 Gi jesi na Gado Mt. 21:31b. Jezus ben taki gi dem taki: Troe troe, Mi taki gi oen taki: Dem tolnaar nanga dem hoeroe-oema sa go na ini da kownoekondre foe Gado bifo oenoe Bikasi Johannes ben kom sori oen da pasi foe leti, ma oen no ben bribi hem; ma dem tolnaar nanga hoeroe-oema ben bribi hem; en oenoe, di oen ben si dati, oensrefi no ben kenki prakseri, so dati oensrefi ben sa bribi hem. Njoen Testamenti Les #7 9/18/2018

34 Gi jesi na Gado Dja wi si dati alwasi da fosi boi ben tranga hem jesi, a ben kenki prakseri en go. Disi de leki dem sondari disi drai dem libi Da di foe toe boi ben taki moi, ma a no ben wani go – disi de leki dem Fariseeman Njoen Testamenti Les #7 9/18/2018

35 Da gersi-tori foe dem druivi djariman
Mt. 21:33. Arki na wan tra gersitori: Wan praniman (Gado) ben de, disi ben prani wan druivi-djari (Israel) , en a ben poti wan skotoe lontoe hem, en a ben diki wan presi foe kwinsi dem druivi, en a ben bouw wan toren, en a ben joeroe hem na dem paktiman (dem Djoe), en a ben waka go na wan farawe kondre En di da tem foe dem druivi ben kom krosibei, a ben seni hem dinari (dem profeti) go na dem paktiman, foe dem kan kisi dem froktoe foe hem Ma dem paktiman ben teki hem dinari, en dem fon wan, dem ben kiri wan trawan, en dem ben kiri di foe drie nanga ston. Njoen Testamenti Les #7 9/18/2018

36 Da gersi-tori foe da druivi-djari
Mt. 21:36. Na baka, a ben seni tra dinari, moro foeroe leki fosi, ma dem ben doe da srefi nanga dem Dan te foe kaba, a ben seni hem egi manpikin go na dem, en a ben taki: Dem sa respeki mi manpikin (Masra Jezsus Kristus) Ma di dem wrokoman ben si hem manpikin, dem ben miti mofo, en dem taki: Disi de da erfgenaam; kom, meki wi kiri hem, en dan hem erfenis sa de foe wisrefi En dem ben kisi hem, en dem ben trowe hem komopo foe da druivi-djari, en dem ben kiri hem. Njoen Testamenti Les #7 9/18/2018

37 Da gersi-tori foe da druivi-djari
Mt. 21:40. We, te da masra foe da druivi-djari sa kom, san a sa doe nanga dem paktiman disi? 41. Dem ben piki Hem taki: A sa kiri dem ogriman disi na wan takroe fasi, en a sa joeroe hem druivi-djari gi tra paktiman, disi sa gi hem dem froktoe na da juisti tem Jezus ben taki gi dem taki: Oen noiti ben leisi na ini Gado woortoe taki: Da ston disi dem bouwman ben trowe, hem ben tron da hoekoe-ston; disi de da wroko foe Masra, en a de wan wondroewroko na wi ai? Njoen Testamenti Les #7 9/18/2018

38 Da gersi-tori foe da druivi-djari
Mt. 21:43. We dan, Mi taki gi oen taki: Dem sa poeroe da kownoekondre foe Gado komopo foe oen anoe, en gi hem na wan natie disi sa meki da juisti froktoe foe hem kom En da soema disi sa fadon tapoe da ston disi, hem skin sa broko; ma da soema disi da ston sa fadon na hem tapoe, a sa masi hem te leki hem tron poeiri. Jezus de da hoekoeston disi ben tron da fondamenti, en A de da ston disi koti komopo sondro anoe. Gado da teki revensi! Njoen Testamenti Les #7 9/18/2018

39 Da weduwe nanga pikin moni
Jezus ben si foeroe goedoeman poti foeroe moni na ini da kerki Wan poti weduwe ben kroipi en poti 2 sensi na ini Jezus taki dati a ben gi moro leki ala dem goedoeman bikasi a ben poti hem heri libi na ini Gado loekoe moro fin’fini na san wi abi abra leki san wi poti na ini Njoen Testamenti Les #7 9/18/2018

40 Wan siri disi dede Wantoe Djoe ben wani si Jezus
A taki dati dem sa opo Hem en hari ala soema kom na Hem – disi taki abra Hem dede Njoen Testamenti Les #7 9/18/2018

41 Wan siri sa dede Jn. 12:24. Troe, troe, Mi taki gi oenoe taki: Efoe wan siri foe karoe no fadon na gron en dede, a tan hem wawan, ma efoe a dede, a meki foeroe froktoe Da soema disi lobi hem libi sa lasi hem, en da soema disi no lobi hem libi na ini da grontapoe disi sa kibri hem foe da libi foe teego Efoe iniwan soema sa dini Mi, meki hem waka na Mi baka, en pe Mi de, drape Mi dinari sa de toe; efoe iniwan soema sa dini Mi, Mi Tata sa gi hem bigi nem. Njoen Testamenti Les #7 9/18/2018

42 Dede de da sleutel foe meki froktoe
Lobiwan, wi moesoe dede foe meki froktoe Dede gi wi egi plan Dede gi wi egi belang Dede gi wi egi libi Dan wi kan libi gi Gado, en verwakti Hem krakti na wi ini Njoen Testamenti Les #7 9/18/2018

43 Da trow-oso tori Mt. 22:2. Da kownoekondre foe hemel de gersi wan kownoe, disi ben hori wan trow-oso gi hem manpikin, 3. En a ben seni hem dinari go kari dem disi dem ben aksi foe kom na da trow-oso; ma dem no ben wani kom. 4. Wan tra leisi baka, a ben seni tra dinari go, en a ben taigi dem taki: Taki gi ala dem soema disi mi ben kari kaba taki: Loekoe, mi ben meki mi njanjan klari; mi man kaw nanga mi fatoe meti de slakti kaba, en alasani de klari; kom na da trow-oso. 5. Ma dem ben loekoe na disi leki wan soso sani, en dem ben waka go, wan na hem pranigron, da trawan na hem wenkri; Njoen Testamenti Les #7 9/18/2018

44 Da trow-oso Mt. 22:6. En dem tra soema ben teki hem dinari, en dem ben mishandri dem, en dem ben kiri dem. 7. Ma di da kownoe ben jere dati, a ben kisi bigi hatibron, en a ben seni hem legre go foe kiri dem kiriman, en a ben bron da foto foe dem. 8. Dan a ben taki gi hem dinari taki: Da trow-oso de klari, ma dem soema disi wi ben kari no ben waarti foe kom. 9. Foe dat'ede oen moesoe go na dem bigi pasi, en kari ala soema disi oen kan feni foe kom na da trow-oso. Njoen Testamenti Les #7 9/18/2018

45 Da trow-oso Mt. 22:10. We, dem dinari ben waka go na ini dem bigi pasi, en dem ben kari ala soema disi dem ben feni kom makandra, boen wan nanga takroe wan; en da trow-oso ben abi foeroe soema drape En di da kownoe ben kom na ini foe loekoe dem soema disi a ben kari kom, a ben si wan man disi no weri wan trow-krosi (a no drai libi en weri da gerechtigheid foe dem santawan) En a ben taki gi hem taki: Mati, fa joe ben kom na ini sondro foe weri wan trow-krosi? En da man no ben man piki noti Dan da kownoe ben taigi dem dinari taki: Tai hem anoe nanga hem foetoe, en tjari hem gowe, trowe na ini da dorosei doengroe; na drape dem sa bari krei en kaw tifi. Njoen Testamenti Les #7 9/18/2018

46 Da vraag abra lanti moni
Dem man ben aksi efoe dem moesoe pai belasting efoe niet Dem ben denki foe fasi Jezus Efoe A taki “ja” da folkoe no sa lobi Hem Efoe A taki “nee” dem kan klagi hem go na lanti Jezus aksi dem foe tjari wan moni kom Njoen Testamenti Les #7 9/18/2018

47 Da vraag abra lanti moni
Mt. 22:20. En A ben aksi dem taki: Soema prenki nanga skrifi de tapoe da moni disi? 21. Dan dem ben taki gi Hem taki: Di foe da Keizer. Dan A ben piki dem baka taki: Foe dat'ede oen moesoe gi baka na da Keizer dem sani disi de foe da Keizer, en gi Gado dem sani disi de foe Gado Di dem ben jere dem woortoe disi, dem ben verwondroe, en dem ben libi hem, waka gowe. So srefi wi moesoe wroko, lobiwan. Wi gi lanti san disi de foe lanti – ma Gado alasani disi de foe Hem! Njoen Testamenti Les #7 9/18/2018

48 Da vraag abra da opo baka
Dem Sadducee ben kom disi no bribi na opo baka Sebi brada ben de, en wan trow ma a dede fosi a meki wan pikin. Hem di foe toe brada teki da frow nanga swagri-trow, ma so srefi a dede sondro meki pikin Da srefi sani ben miti ala dem brada, en te foe kaba, da oema srefi dede Now soema sa abi hem leki hem wefi na ini hemel? Njoen Testamenti Les #7 9/18/2018

49 Da vraag abra opo baka Mt. 22:29. Jezus ben piki dem taki: Oen meki foutoe, bikasi oen no sabi da woortoe foe Gado efoe da makti foe Gado Bikasi na ini da opo baka, dem no sa trow, en no wan soema sa gi dem foe trow, ma dem sa de leki dem engel foe Gado na ini hemel. Jezus taki dem no sabi da woortoe foe Gado Jezus taki dem no sabi da krakti foe Gado Dem denki dati libi na hemel sa de leki dja, ma a de wan tra fasi – leki dem engel, dem no sa trow moro Njoen Testamenti Les #7 9/18/2018

50 Abra da opo baka… Mt. 22:31. Ma foe taki abra da opo baka foe dem dede soema, oen noiti ben leisi san Gado ben taki gi oen taki: 32. Mi de da Gado foe Abraham, nanga da Gado foe Isaak, nanga da Gado foe Jakob? Gado no de da Gado foe dede soema, ma foe dem libi soema En di dem hipi soema ben jere dati, dem ben verwondroe foe Hem leri. Da verschil de – Mi de da Gado, efoe Mi ben de da Gado Disi sori fa da Bijbel taki fin’fini – te leki dem moro fin’fini detail srefi. Njoen Testamenti Les #7 9/18/2018

51 Da moro bigi gebod Mt. 22:37. Jezus ben taki gi hem taki: Joe moesoe lobi Masra joe Gado nanga joe heri hati, nanga joe heri sieli, nanga joe heri prakseri Disi de da fosi nanga da moro bigi komanderi En da trawan de gersi hem: Joe sa lobi tra soema so leki joe lobi joesrefi Ala dem wet nanga profeti-tori hanga na dem toe komanderi disi. Njoen Testamenti Les #7 9/18/2018

52 Soema na da messias? Dem soema ben taki dati da messias ben de da pikin foe David – ma Jezus sori dati A ben moesoe libi fosi David Mt. 22:43. A ben taki gi dem taki: Fa a kan de dan, dati di David ben de na Jeje fasi, a ben kari hem Masra, taki: 44. MASRA ben taki gi mi Masra taki: Sidon na Mi leti-anoe sei, te leki Mi sa meki joe feanti tron joe foetoe-bangi Efoe David ben kari Hem Masra, fa A kan de hem manpikin dan? Njoen Testamenti Les #7 9/18/2018

53 Jezus krei abra Jerusalem
Mt. 23:37. O Jerusalem, Jerusalem, joe disi kiri dem profeti, en kiri dem soema disi Mi seni kom na joe nanga ston, omeni leisi Mi ben wani foe tjari joe pikin kom makandra leki wan fowroe tjari hem pikin kom makandra na ondro hem frei, ma oen no ben wani! 38. Loekoe, Mi sa libi oen oso legi gi oenoe Bikasi Mi taki gi oen taki: Oen no sa si Mi moro te leki oen sa taki: Blesi foe da soema disi de kom na ini da nem foe Masra! Jezus poti Israel na wan sei – fosi da tempel ben de Mi oso, ma now a de oen oso… Njoen Testamenti Les #7 9/18/2018

54 Da tem foe bigi trobi Jezus ben taki na fesi dati wan tem foe bigi trobi sa kom Da fosi hafoe (3 ½ jari) falsi profeti sa opo nanga foeroe oorlog, angribere, aardbeifi Dem sa abi bigi marki na ini hemel Ogridoe sa kom foeroe Soema sa kori hem egi famiri Dem sa wipi en fon bribiwan Njoen Testamenti Les #7 9/18/2018

55 Da tem foe bigi trobi Laasti 3 ½ jari
Dem sa poti wan beeld foe antikristus na ini da tempel disi dem sa bouw Da zon nanga moen sa kom doengroe Libisoema sa frede Da kaba sa de da feti foe Harmageddon Da Jezus sa kom baka nanga bigi glori Njoen Testamenti Les #7 9/18/2018

56 Dem 10 wendje 10 wendje wakti da bruidegom nanga lampoe
5 koniwan ben tjari olie (da Santa Jeje) Di da bruidigom draidrai, dem lampoe ben kom dede Dem dom wendje ben lon go bai olie, ma di dem doro baka, da doro sroto kaba Disi wani taki: Drai joe libi fosi a lati Njoen Testamenti Les #7 9/18/2018

57 Dem talenti Wan masra ben gi hem goedoe na 3 wrokoman so leki dem krakti de Wan man ben abi 5 talenti, wan 2 en wan 1 talenti Da man nanga 5 talenti ben wini ete 5 talenti, en a ben go na ini (hemel) nanga hem masra prisiri. So srefi ben pasa nanga da man nanga toe talenti, disi ben wini ete 2 talenti Da man nanga wan talenti ben beri hem, en kosi hem masra leki excuus foe fa a ben lesi so Hem masra ben poeroe hem talenti, gi na da man nanga 10 talenti, en trowe hem na dorosei (hel) Njoen Testamenti Les #7 9/18/2018

58 Les foe dem talenti Wroko nanga dem talenti disi Gado gi joe nanga joe heri krakti, (na ini da krakti disi Gado gi joe) en joe sa kisi bigi beloning No wroko nanga dem, en joe sa lasi san Gado ben gi joe, nanga joe blesi toe Njoen Testamenti Les #7 9/18/2018

59 Da kroetoe foe skapoe nanga bokoboko
Mt. 25:31. Te Soemapikin sa kom na ini Hem glori, en ala dem santa engel nanga Hem, dan A sa sidon na tapoe da troon foe Hem glori: 32. En dem sa tjari ala dem natie kom na Hem fesi; en A sa prati dem wan foe trawan, so leki wan skapoeman de prati hem skapoe foe hem krabita En A sa seti dem skapoe na Hem letianoesei, ma dem krabita na Hem kroektoeanoesei. Njoen Testamenti Les #7 9/18/2018

60 Da kroetoe foe skapoe nanga bokoboko
A de na da kom baka foe Masra Jezus Kristus nanga Hem engel – eind foe da tem foe bigi trobi A prati dem natie (a no taki foe persoon) Dem wan disi ben loekoe na dem bribiwan boen sa feni bigi blesi na ini da kownoe-kondre foe Gado Dem wan disi no ben loekoe na dem bribiwan na wan boen fasi sa pina en kisi strafoe Njoen Testamenti Les #7 9/18/2018

61 Da kroetoe foe skapoe nanga bokoboko
Mt. 25:37. Dan dem regtvaardiki soema sa piki Hem taki: Masra, sortoe tem wi ben si Joe nanga angribere, en wi ben gi Joe njanjan? Efoe nanga dreiwatra, en wi ben gi Joe foe dringi? 38. Sortoe tem wi ben si Joe leki wan vreemde soema, en wi ben teki Joe na ini? Efoe nanga soso skin, en wi ben gi Joe krosi? 39. Efoe sortoe tem wi ben si joe siki, efoe na ini doengroe-oso, en wi ben kom na Joe? 40. En da Kownoe sa piki dem baka taki: Troe troe Mi taki gi oen taki: So leki oen ben doe na wan foe dem moro pikinwan foe dem brada foe Mi disi, oen ben doe so gi Mi. Njoen Testamenti Les #7 9/18/2018

62 Da kroetoe foe dem skapoe nanga bokoboko
Mt. 25:41 Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel. Bikasi dem no wani jepi bribiwan, dem sa prati foe Gado foe teego Meki wi si dati Gado ben meki hel kaba gi didibri nanga dem takroe jeje Njoen Testamenti Les #7 9/18/2018

63 Da kroetoe foe skapoe nanga bokoboko
Mt. 25:45. Dan A sa piki dem baka taki: Troe troe, Mi taki gi oen taki: So leki oen no ben doe gi wan foe dem moro pikinwan foe dem disi, oen no ben doe so gi Mi En dem disi sa gowe na ini da strafoe foe teego, ma dem regtvaardiki soema na ini da libi foe teego. Som presi a gersi da strafoe foe libi-soema, en som leisi joe denki a de foe dem natie – a de moeilijk foe sabi precis Njoen Testamenti Les #7 9/18/2018

64 Fosi Paska Petrus nanga Johannes waka baka wan man nanga wan djogo watra foe feni da juisti presi Dem seti alasani ma dem no ben abi wan soema foe wasi dem soema foetoe Di dem discipel no ben wani saka demsrefi foe doe so, Jezus Kristus ben wasi dem discipel foetoe leki wan voorbeeld gi wi dati wi moesoe wroko leki dinari en abi saka-fasi Njoen Testamenti Les #7 9/18/2018

65 Wasi dem foetoe Jn. 13:13. Oen kari Mi oen meester nanga oen Masra, en oen taki boen, bikasi na so Mi de Dan efoe Mi, oen meester nanga oen Masra, ben wasi oen foetoe, oen moesoe wasi dem trawan foetoe toe Bikasi Mi ben gi oen wan eksempre, foe oen sa doe so leki Mi ben doe nanga oen Troe, troe, Mi taki gi oen taki: Da dinari no de moro bigi leki hem masra; en da soema disi dem ben seni go no de moro bigi leki da soema disi ben seni hem go En efoe oen sabi dem sani disi, blesi foe oenoe efoe oen doe dem. Njoen Testamenti Les #7 9/18/2018

66 Jezus taki dati wan soema sa tori hem
Dem discipel kom skreki en aksi: Na mi? Judas srefi aksi, en Jezus piki hem so wan fasi dati a sabi dati A sabi Johannes aksi soema: Jezus gi wan sop na Judas leki wan marki, en Satan ben go na ini Judas en a opo gowe Jezus ben taki dati a ben sa de moro boen foe so wan soema dati noiti hem mama meki hem Njoen Testamenti Les #7 9/18/2018

67 Avondmaal Mt. 26:26. En di dem ben njan, Jezus ben teki brede, en A ben blesi hem, en A ben broko hem, en A ben gi hem na Hem discipel, en A ben taki: Teki, njan; disi de Mi skin En A ben teki da kan, en A ben gi grantangi, en A ben gi hem na dem, en A ben taki: Oenoe ala dringi foe hem; Bikasi disi de Mi broedoe foe da njoen akkorderi, disi ben trowe gi foeroe soema foe gi dem pardon foe dem sondoe Ma Mi taki gi oen taki: Mi no sa dringi foe da druivi-sap disi moro te leki da dei disi Mi sa dringi hem njoen baka nanga oen na ini da kownoekondre foe Mi Tata. Njoen Testamenti Les #7 9/18/2018

68 Avondmaal Jezus ben njan paska fosi
A ben teki da brede en druivi-sap disi ben tan abra foe abi avondmaal Mi bribi dati Judas ben gowe kaba Dem sani de wan symbool, en dem no ben tron letterlijk da broedoe nanga da skin foe Kristus Njoen Testamenti Les #7 9/18/2018

69 Hebreeen taki: 9:11. Ma Kristus ben tron wan hogepriester foe dem boen sani disi sa kom, doro wan moro bigi en moro volmaakt tabernakel, disi no ben meki nanga anoe, dati wani taki, no foe da grontapoe disi; 12. En A ben go na ini da santa presi wan leisi nomo, no doro da broedoe foe krabita nanga pikin kaw, ma doro Hem egi broedoe, en A ben bai wi baka foe teego. Njoen Testamenti Les #7 9/18/2018

70 Hebreeen 9: 9:13. Bikasi efoe da broedoe foe dem man kaw nanga dem krabita, nanga dem asisi foe wan oema kaw disi dem ben panja na tapoe dem sani disi no ben de krin, ben meki da skin kom santa en krin; 14. Hoe moro da broedoe foe Kristus, di A ben gi Hemsrefi sondro sondoe na Gado doro da Jeje foe teego, sa krin oen konsensi foe dem dede wroko foe dini da libilibi Gado? En oen kan taki dati nanga da wet, pikinso moro dan alasani de krin nanga broedoe; en sondro trowe broedoe pardon no de. Njoen Testamenti Les #7 9/18/2018

71 Hebreeen 9: 24. Bikasi Kristus no ben go na ini dem santa presi disi anoe ben meki, ma disi de wan prenki nomo foe da troe wan, ma na ini hemel srefi, foe sori Hemsrefi now na fesi foe Gado gi wi: 25. A no foe A sa gi Hemsrefi leki wan ofrandi foeroe leisi, so leki da hogepriester ben go na ini da santa presi ibri jari nanga da broedoe foe trawan; 26. Bikasi dan a ben moesoe pina foeroe leisi sinsi da bigin foe grontapoe; ma now wan leisi na da kaba foe dem tem, A ben sori Hemsrefi foe poti sondoe na wan sei nanga da ofrandi foe Hemsrefi. Njoen Testamenti Les #7 9/18/2018

72 Hebreeen 9: 27. En so leki Gado poti dati libisoema moesoe dede wan tron, ma na baka disi, dan da kroetoe sa kom, 28. So srefi, wan tron A ben meki wan ofrandi foe Kristus foe tjari da sondoe foe foeroe soema; en di foe toe tron, A sa sori Hemsrefi sondro sondoe leki verloesoe gi dem soema disi de verwakti Hem. Wan tron kroetoe sa de Wan tron Jezus ben dede Noiti Jezus sa dede moro Njoen Testamenti Les #7 9/18/2018

73 Hebreeen 10 1. Bikasi da wet de wan kowroepe nomo foe dem boen sani disi sa kom, en a no de da troe prenki foe dem sani srefi, en nanga dem ofrandi disi dem meki dorodoro jari foe jari, a no kan meki dem soema disi kom na dem kom volmaakt. 2. Bikasi dan dem no ben sa tapoe foe meki dem ofrandi moro? Bikasi dan dem soema disi ben aanbegi ben sa kom krin, en dem konsensi no ben sa fon dem abra sondoe moro. 3. Ma na ini dem ofrandi dati, ibri jari dem membre dem sondoe baka. 4. Bikasi a no kan de dati da broedoe foe man kaw nanga krabita sa poeroe sondoe. Njoen Testamenti Les #7 9/18/2018

74 Hebreeen 10 10. Doro da wani disi, wi kom santa kaba doro da wan ofrandi foe da skin foe Jezus Kristus wan leisi nomo En ibri priester tanapoe ibri dei foe wroko en foeroe leisi a meki dem srefi ofrandi, disi noiti kan tjari sondoe gowe; 12. Ma da man disi, baka di A ben meki wan ofrandi foe sondoe foe teego, A ben sidon na da letianoesei foe Gado; 13. En te leki now, A wakti te A meki Hem feanti tron Hem foetoe-bangi Bikasi doro wan ofrandi A ben meki dem santa soema kom volmaakt foe teego. Wan ofrandi wan leisi nomo Disi de sari gi ala soema foe teego Njoen Testamenti Les #7 9/18/2018

75 Jezus taigi dem discipel dati dem sa libi Hem
Mt. 26:31. Dan Jezus ben taki gi dem taki: Oen alamala sa lasi hati bikasi foe Mi da neti disi, bikasi a skrifi kaba taki: Mi sa naki da skapoeman, en dem skapoe sa panja gowe na ala sei Ma te Mi sa opo baka, Mi sa go na oen fesi na Galilea Petrus ben piki Hem taki: Alwasi ala soema sa lasi hati foe Joe ede, tokoe noiti wantem mi sa lasi hati. 34. Jezus piki hem taki: Troe troe, Mi taki gi joe taki: Dineti, fosi kakafowroe sa bari, joe sa taki drie leisi dati joe no sabi Mi Petrus ben piki Hem taki: Alwasi mi sa dede nanga Joe, tokoe noiti mi sa taki dati mi no sabi Joe. So srefi ala dem tra discipel ben taki toe. Foe taki leti, Jezus taki na ini da kamra, en ook toe tapoe da pasi foe Getsemane da srefi tori Njoen Testamenti Les #7 9/18/2018

76 Mi Tata oso… Jn. 14 Jn. 14:1. No meki oen hati kom skreki; oen bribi na Gado; bribi na Mi toe. 2. Na ini Mi Tata oso foeroe presi de; efoe a no ben de so, Mi no ben sa taigi oen. Mi go foe meki wan presi klari gi oen. 3. En efoe Mi go foe meki wan presi klari gi oen, Mi sa kom baka, en Mi sa teki oen foe kom na Mi, so dati pe Mi de, drape oen sa de toe. Te wi bribi tapoe Gado, bribi tapoe Jezus toe Na ini da Tata oso foeroe presi de – a no de belemmert te soso leki JG leri Jezus gowe foe meki da presi klari gi wi Jezus sa kom baka foe wi – so wi kan de nanga Hem Njoen Testamenti Les #7 9/18/2018

77 Mi de da pasi… Jn. 14 Jn. 14:4. En pe Mi sa go, oen sabi kaba, en da pasi oen sabi toe. 5. Tomas ben taki gi Hem taki: Masra, wi no sabi pe Joe sa go; fa wi kan sabi da pasi dan? 6. Jezus taki gi hem taki: Mi de da pasi, da waarheid, nanga da libi; no wan soema kan kom na Mi Tata boiti doro Mi. Wan pasi nomo de Jezus de da waarheid – noiti A lei Troe libi komopo foe Jezus Njoen Testamenti Les #7 9/18/2018

78 Jezus de Gado Jn. 14:8. Filippus ben taki gi Hem taki: Masra, sori wi da Tata, en dati sa de nofo gi wi. 9. Jezus ben taki gi hem taki: Mi ben de nanga oenoe so langa, en tokoe joe no sabi Mi, Filippus? Da soema disi ben si Mi si da Tata kaba; dan fa joe kan taki: Sori wi da Tata? 10. Joe no bribi dati Mi de na ini da Tata, en da Tata de na Mi ini? Dem woortoe disi Mi taki gi oen, Mi no taki foe Misrefi, ma da Tata disi libi na Mi ini, A de Hem disi doe dem wroko. Njoen Testamenti Les #7 9/18/2018

79 Bribi & begi Jn. 14:11. Bribi Mi, dati Mi de na ini da Tata, en dati da Tata de na Mi ini; efoe bribi Mi foe dem wroko ede Troe, troe, Mi taki gi oen taki: Da soema disi bribi na Mi, da wroko disi Mi doe, a sa doe dem toe; en a sa doe moro bigi wroko leki disi, bikasi Mi de go na Mi Tata En iniwan sani disi oen sa aksi ini Mi nem, dati Mi sa doe, foe da Tata kan kisi glori na ini da Pikin Efoe oen aksi iniwan sani ini Mi nem, Mi sa doe dati Efoe oen lobi Mi, hori Mi komanderi. Bribi tapoe Jezus Hori Hem komanderi Verwakti A sa gi joe antwoord na joe begi Njoen Testamenti Les #7 9/18/2018

80 Dem ben singi wantoe psalm
Normaal dem singi Ps na paska. Meki wi loekoe na wantoe versi: Ps. 116:3. Dem sari foe dede ben kom lontoe mi, en dem skin-hati foe dedekondre ben fasi na mi; mi ben feni trobi nanga sari…. 13. Mi sa teki da kan foe verloesoe, en mi sa kari na da nem foe MASRA. Njoen Testamenti Les #7 9/18/2018

81 Dem ben singi wantoe psalm
Ps. 118:22. Da ston disi dem bouw-meester no ben wani ben tron da hoekoe-ston Disi de da wroko foe MASRA; a de verwondroe na ini wi ai Disi de da dei disi MASRA ben meki; wi sa prisiri en breiti na hem ini…26. Blesi foe da soema disi de kom na ini da nem foe MASRA; wi ben blesi oen komopo foe da oso foe MASRA. Jezus srefi ben taki abra da profeti-tori disi na fesi foe dem Fariseeman wantoe dei na fesi, en demsrefi sa singi da singi disi na paska. Njoen Testamenti Les #7 9/18/2018

82 Jezus sa seni da Santa Jeje kom
Jn. 14:16. En Mi sa begi da Tata, en A sa gi oen wan tra Troostoeman, so dati A sa tan nanga oen foe teego Dati de da Jeje foe waarheid, disi grontapoe no man kisi, bikasi a no si hem, en a no sabi hem; ma oen sabi hem, bikasi a libi nanga oen, en a sa de na oen ini Mi no sa libi oen sondro troostoe; Mi sa kom na oen Wan pikin pisi tem nomo, en grontapoe no sa si Mi moro; ma oen si Mi; bikasi Mi libi, oen sa libi toe…. 26. Ma da Troostoeman, disi de da Santa Jeje, disi da Tata sa seni kom na ini Mi nem, A sa leri oen alasani, en A sa tjari alasani kom baka foe oen sa membre dem, ala dem sani disi Mi ben taki gi oen. Da woortoe “tra” wani taki: wan troostoeman foe da srefi fasi… Njoen Testamenti Les #7 9/18/2018

83 Jezus gi wi vrede Jn. 14:27. Vrede Mi libi nanga oen; Mi vrede Mi gi na oen; no leki grontapoe gi, Mi gi na oen. No meki oen hati kom skreki, no meki hem frede Oen ben jere fa Mi ben taki gi oen taki: Mi sa gowe, en Mi sa kom baka na oen. Efoe oen ben lobi Mi, dan oen ben sa prisiri, bikasi Mi ben taki: Mi sa go na da Tata, bikasi Mi Tata de bigi moro leki Mi Now Mi ben taigi oen fosi a ben kom pasa, so dati te a sa pasa so, oen sa bribi. Da vrede foe Jezus de wan tra fasi leki da vrede foe grontapoe Njoen Testamenti Les #7 9/18/2018

84 Da troe druivibon Jn. 15:1. Mi de da troe druivibon, en Mi Tata de da djariman. 2. Ibri taki foe Mi disi no meki froktoe A koti poeroe, en ibri taki disi meki froktoe kaba, A koti wan pisi foe hem poeroe, so dati a kan meki moro froktoe. 3. Now oen de krin doro da woortoe disi Mi ben taki gi oen. A poeroe – soema disi no drai dem libi? Soema disi doe da sondoe te leki dede? Mi no denki so… A poeroe wan pisi foe ibri taki… Njoen Testamenti Les #7 9/18/2018

85 Da troe druivibon Jn. 15:4. Tan na Mi ini, en Mi de tan na oen ini. So leki wan taki no kan meki froktoe komopo foe hemsrefi, efoe a no tan na ini da druivibon, so toe oen no kan meki froktoe, efoe oen no tan na Mi ini. 5. Mi de da druivibon, en oen de dem taki; da soema disi tan na Mi ini, en Mi tan na hem ini, da srefi sa meki foeroe froktoe; bikasi sondro Mi oen no kan doe noti. Te Gado koti poeroe wan pisi foe wi, disi sori dati wi meki froktoe, ma A wani wi meki moro Efoe wi no tan na ini Jezus, dan wi no kan doe wan sani gi Hem Njoen Testamenti Les #7 9/18/2018

86 Da troe druvibon Jn. 15:6. Efoe wan soema no tan na Mi ini, dem sa koti hem trowe leki wan taki, en a kom drei, en soema tjari dem kom makandra, en dem trowe dem na ini da faja foe dem go bron. 7. Efoe oen tan na Mi ini, en Mi woortoe tan na oen ini, dan oen sa aksi san oen wani, en dati sa pasa gi oen. 8. Nanga disi Mi Tata kisi glori, efoe oen meki foeroe froktoe; so oen sa de Mi discipel. Efoe wi no de na ini Kristus, Gado sa trowe wi na ini hel faja Efoe wi tan na ini Jezus, A sa arki wi begi Efoe wi tan na ini Jezus, wi sa meki froktoe, en Gado wani ibri discipel foe meki froktoe Njoen Testamenti Les #7 9/18/2018

87 Lobi makandra Jn. 15:13. No wan soema abi moro bigi lobi leki disi: dati a sa gi hem libi abra foe hem mati ede Oen de Mi mati, efoe oen doe alasani disi Mi komanderi oen Mi no sa kari oen dinari moro, bikasi da dinari no sabi san hem masra de doe; ma Mi ben kari oen Mi mati, bikasi alasani disi Mi ben jere foe Mi Tata Mi ben meki oen kom sabi kaba Oen no ben verkisi Mi, ma Mi ben verkisi oen, en Mi ben poti oen so dati oen sa go en meki froktoe, en dati oen froktoe sa tan; foe iniwan sani disi oen sa aksi da Tata na ini Mi nem, dati A sa man gi oen Dem sani disi Mi komanderi oen, foe oen sa lobi makandra. Njoen Testamenti Les #7 9/18/2018

88 Lobi makandra Wi lobi Jezus te wi hori Hem komanderi
Wi sori lobi te wi lobi wi naaste Jezus ben verkisi wi foe meki froktoe disi sa tan Jezus pramisi foe arki na dem begi foe wi Njoen Testamenti Les #7 9/18/2018

89 Da wroko foe da Santa Jeje
Jn. 16:8. En te A sa kom, A sa getuigi gi grontapoe foe sondoe, foe gerechtigheid, nanga kroetoe: 9. Foe sondoe, bikasi dem no bribi na Mi; 10. Foe gerechtigheid bikasi Mi sa go na Mi Tata, en oen no sa si Mi moro; 11. En foe kroetoe, bikasi da fesiman foe da grontapoe disi ben kisi kroetoe kaba. Wan sondoe nomo sa seni wan soema go na hel – foe no teki Jezus. Ma da Santa Jeje de fanowdoe foe sori dati a moesoe doe dati Gado ben opo Jezus en teki hem na hemel – foe sori dati Jezus de regtvaardiki Gado koti kroetoe gi didibri kaba Njoen Testamenti Les #7 9/18/2018

90 Begi en joe sa kisi Jn. 16:23. En na da dei dati, oen no sa aksi Mi noti. Troe, troe, Mi taki gi oen taki: Alasani disi oen sa aksi da Tata na ini Mi nem, dati A sa gi oen Fosi oen no ben aksi wan sani na ini Mi nem; aksi, en oen sa kisi, foe oen prisiri sa de foeroe. Da neti fosi Jezus dede, A ben poti nadruk tapoe begi & da Santa Jeje Njoen Testamenti Les #7 9/18/2018

91 Jezus taigi dem discipel dati dem sa libi Hem
Jn. 16:32. Loekoe, da joeroe sa kom, ja, a doro kaba, dati oen sa panja, ibri mansoema na dem soema foe hem, en oen sa libi Mi Mi wawan; en tokoe Mi no de Mi wawan, bikasi da Tata de nanga Mi Mi ben taki dem sani disi gi oen, foe na ini Mi oen sa abi vrede. Na ini grontapoe oen sa miti trobi, ma abi dek'ati; Mi ben wini grontapoe kaba. Jezus gi vrede Jezus ben wini grontapoe kaba Njoen Testamenti Les #7 9/18/2018

92 Jezus begi leki hogepriester
Fosi A begi gi Hemsrefi: Jn. 17:1. Jezus ben taki dem woortoe disi, en A ben opo Hem ai loekoe na hemel, en A ben taki: Mi Tata, da joeroe doro kaba; gi Joe Pikin glori, so dati Joe Pikin kan gi Joe glori toe; 2. So leki Joe ben gi Hem krakti na tapoe ala libisoema, dati A sa gi libi foe teego na so meni leki Joe ben gi Hem. 3. En disi de da libi foe teego, dati dem sa sabi Joe, da wan troe Gado, nanga Jezus Kristus, disi Joe ben seni kom. Njoen Testamenti Les #7 9/18/2018

93 San na libi foe teego? Da bribi foe wi leki Kristen de foe abi wan persoonlijk relatie nanga Jezus Kristus A de moro leki foe begi wan begi, efoe foe fika dem sondoe na ini mi libi Njoen Testamenti Les #7 9/18/2018

94 Jezus begi gi Hemsrefi…
Jn. 17:5. En now, O Tata, gi Mi glori nanga Joesrefi, nanga da glori disi Mi ben abi nanga Joe fosi grontapoe ben de. 6. Mi ben sori Joe nem na dem soema disi Joe ben gi Mi foe grontapoe; dem ben de foe Joe, en Joe ben gi dem na Mi; en dem ben hori Joe woortoe. 7. Now dem ben sabi dati alasani disi Joe ben gi Mi ben komopo foe Joe. 8. Bikasi Mi ben gi dem dem woortoe disi Joe ben gi Mi; en dem ben teki dem, en dem ben sabi foe troe dati Mi ben komopo foe Joe, en dem ben bribi dati Joe ben seni Mi kom. Njoen Testamenti Les #7 9/18/2018

95 Jezus begi gi Hem discipel
Jn. 17:9. Mi begi gi dem; Mi no begi gi grontapoe, ma gi dem soema disi Joe ben gi Mi; bikasi dem de foe Joe En alasani disi de foe Mi de foe Joe; en di foe Joe de foe Mi; en Mi kisi glori na dem ini En now Mi no de moro na grontapoe, ma dem soema disi de na grontapoe ete, en Mi de kom na Joe. Santa Tata, hori dem soema disi Joe ben gi Mi nanga Joe egi nem, dati dem sa de wan, so leki Wi de wan. A begi foe kibri dem A begi foe eenheid na dem mindri Njoen Testamenti Les #7 9/18/2018

96 Jezus begi gi wi Jn. 17:20. En Mi no begi gi dem soema disi wawan, ma gi dem soema toe disi sa bribi na Mi tapoe bikasi foe dem woortoe Foe dem alamala sa de wan; so leki Joe, Tata, de na Mi ini, en Mi de na Joe ini, so dati dem toe sa de wan na Wi ini; so dati grontapoe sa bribi dati Joe ben seni Mi kom En Mi ben gi dem da glori disi Joe ben gi Mi; so dati dem sa de wan, so leki Wi de wan Mi de na dem ini, en Joe de na Mi ini, so dati dem sa de wan krin-krin; en so dati grontapoe sa sabi dati Joe ben seni Mi kom, en dati Joe lobi dem so leki Joe lobi Mi Mi Tata, Mi wani dati dem toe, disi Joe ben gi Mi, sa de nanga Mi pe Mi de; dati dem sa si Mi glori, disi Joe ben gi Mi bikasi Joe ben lobi Mi fosi da fondamenti foe grontapoe ben seti. Njoen Testamenti Les #7 9/18/2018

97 Jezus begi na ini Getsemane
Mt. 26:37. En A ben teki Petrus nanga dem toe manpikin foe Zebedeüs nanga Hem, en A ben bigin foe de nanga bigi sari nanga hebi Dan A ben taki gi dem taki: Mi sieli de sari toemoesi, te leki hem sa dede; tan dja en wakti nanga Mi En A ben go pikinso na fesi, en A ben fadon na Hem fesi, en A ben begi taki: O Mi Tata, efoe a kan, meki da kan disi pasa Mi; tokoe, no leki fa Mi wani, ma leki fa Joe wani. Njoen Testamenti Les #7 9/18/2018

98 Jezus begi na ini Getsemane
Mt. 26:40. En A ben kom na dem discipel, en A ben feni dem fadon na sribi, en A ben taki gi Petrus taki: San, joe no ben man wakti wan joeroe langa nanga Mi srefi? 41. Wakti en begi, foe oen no fadon na ini tesi; da jeje wani foe troe, ma da skin de swaki En A ben gowe baka di foe toe leisi, en A ben begi taki: O Mi Tata, efoe a no kan dati da kan disi sa pasa Mi, boiti dati Mi moesoe dringi hem, Joe wani moesoe pasa En A ben kom baka en A ben feni dem sribi baka, bikasi dem ai ben hebi. Njoen Testamenti Les #7 9/18/2018

99 Jezus begi na ini Getsemane
A begi 3 leisi dem srefi woortoe A aksi foe no dringi da kan – foe prati nanga Gado en tron sondoe foe wi ede Ma a poti da wani foe Gado na fesi foe Hem egi wani 3 leisi – ma didibri ben taki 5 leisi abra hem wani foe tron leki Gado Dropoe foe broedoe srefi ben fadon Lobiwan, so srefi wi moesoe begi foe da wani foe Gado na presi foe wi egi wani Njoen Testamenti Les #7 9/18/2018

100 Judas kom tori Hem Judas ben sabi Getsemane, en waarschijnlik di a no feni dem na ini da kamra moro, a ben kom drape A ben taigi dem dati a sa bosi hem leki wan marki gi dem Disi wani taki dati Jezus no ben sori wan bijzonder difrenti fasi foe tra soema foe dem kan sabi Hem Njoen Testamenti Les #7 9/18/2018

101 Judas miti Jezus Jn. 18:3. Dan Judas ben kisi wan groepoe foe mansoema nanga ofsiri foe dem bigi priester nanga dem Fariseeman, en a ben kom drape nanga lantari nanga fajatiki nanga fetisani. 4. Foe dat'ede, di Jezus ben sabi alasani disi ben sa miti Hem, A ben go na fesi, en A ben taki gi dem taki: Soema oenoe de soekoe? 5. Dem ben piki Hem taki: Jezus foe Nazaret. Jezus ben taki gi dem taki: Dati na Mi. En Judas, disi ben tori Hem, ben tanapoe toe nanga dem. 6. So esi leki A ben taki gi dem taki: Dati na Mi, dem ben kiki baka, fadon na tapoe da gron. Wan groepoe kan = 10% foe wan legion = 600 man so Efoe Jezus no ben gi Hemsrefi abra, noiti dem ben kan teki Hem Njoen Testamenti Les #7 9/18/2018

102 Jezus nanga Judas Petrus hari wan howroe, en kapoe da jesi foe wan dinari foe da hogepriester Jezus taigi hem foe poti da howroe baka na ini hem boeba Jezus genees da jesi foe da man Jezus gi Hemsrefi abra na dem man, ma A taigi dem foe loesoe dem discipel Dem discipel ben lowe go kibri Njoen Testamenti Les #7 9/18/2018

103 Da tori foe Markus Mk. 14:48. En Jezus ben piki dem taki: Oen ben komopo agensi Mi leki wan foefoeroeman nanga oen howroe nanga tiki foe kisi Mi? 49. Mi ben leri ala dei na oen mindri na ini da tempel, en oen no ben kisi Mi; ma san disi de skrifi kaba moesoe kom troe En dem alamala ben lowe libi Hem En wan jongoe man ben waka go na Hem baka, en a ben domloe wan linnen krosi nomo lontoe hem skin; en dem jongoe man ben fasi hem; 52. En a ben libi da linnen krosi na baka, en a ben lowe foe dem nanga soso skin. Wi denki dati da jongoe man ben de Markus Njoen Testamenti Les #7 9/18/2018

104 Kroetoe na ondro Annas Jn. 18:19. Dan da hogepriester ben aksi Jezus abra Hem discipel nanga Hem leri Jezus ben piki hem taki: Mi ben taki wan publiki-fasi na grontapoe; Mi ben leri alatem na ini dem Djoe kerki nanga da tempel, pe dem Djoe lobi foe kom makandra; Mi no ben leri iniwan sani na kibri-fasi Foe san'ede joe aksi Mi? Aksi dem soema disi ben arki na Mi abra san Mi ben taki gi dem; loekoe, dem sabi san Mi ben taki En di A ben taki so, wan foe dem ofsiri disi ben tanapoe na Hem sei ben naki Jezus nanga opo anoe, en a ben taki: Na so wan fasi Joe piki da hogepriester baka? 23. Jezus ben piki hem taki: Efoe Mi ben taki ogri, sori Mi da ogri, ma efoe Mi ben taki boen, dan foe san'ede joe naki Mi? Njoen Testamenti Les #7 9/18/2018

105 Dem broko da wet foe dem Djoe kroetoe
Da kroetoeman moesoe abi wan evenwicht Dem moesoe abi minstes 23 man – wi no sabi disi Dem kisi Jezus sondro foe abi wan soema taki foe da klagi foe hem Dem ben kroetoe netitem – agensi da wet Njoen Testamenti Les #7 9/18/2018

106 Dem broko da wet foe dem Djoe kroetoe
Dem ben vonisi da srefi dei disi dem ben ondrosoekoe Dem soekoe getuigi agensi da soema Dem no man dwingi joesrefi foe taki agensi joesrefi No wan troe bewijs ben kom na fesi Njoen Testamenti Les #7 9/18/2018

107 Da kroetoe foe Kajafas Mt. 26:59. Now dem bigi priester nanga dem gransoema, nanga da heri komakandra ben soekoe falsi getuigi agensi Jezus, foe dem kan kiri Hem; 60. Ma dem no ben feni; troe, alwasi foeroe falsi getuigi ben kom, tokoe dem no ben feni wan sani. Te foe kaba, toe getuigi ben kom, 61. En dem ben taki: Da man disi ben taki: Mi kan broko da tempel foe Gado, en Mi kan bouw hem baka na ini drie dei. Noiti Jezus ben taki foe da tempel foe Gado, en noiti A ben taki dati A sa broko hem, ma A sa bouw hem baka… Njoen Testamenti Les #7 9/18/2018

108 Kajafas Mt. 26:62. En da hogepriester ben opo, en a ben piki Hem taki: Joe no piki noti? San de disi, dati dem getuigi taki agensi Joe? 63. Ma Jezus no ben piki noti. En da hogepriester ben piki Hem taki: Mi aksi Joe foe sweri na da libilibi Gado, foe taigi wi efoe Joe de da Kristus, da Manpikin foe Gado Jezus ben piki hem taki: So joe ben taki; tokoe Mi taki gi joe taki: Bakatem joe sa si Soemapikin sidon na da letianoesei foe da Makti Wan, en A sa kom na tapoe dem wolkoe foe hemel. Jezus ben sori duidelijk dati A de da messias di A ben taki dem woortoe disi. Soema disi taki dati Jezus no taki dati A de Gado da pikin meki foutoe Njoen Testamenti Les #7 9/18/2018

109 Kajafas Mt. 26:65. Dan da hogepriester ben priti hem krosi, en a ben taki: A ben kosi Gado! Sortoe wroko wi abi moro nanga getuigi? Loekoe, oen srefi ben jere Hem kosi San oen denki? Dem ben piki taki: A moesoe dede Dan dem ben spiti na ini Hem fesi, en dem ben naki Hem; en trawan ben naki Hem nanga opo anoe En dem ben taki: Taki profeti-tori gi wi, Joe Kristus; Soema na da soema disi ben naki Joe? Dem feni san dem ben soekoe, en dem bigin foe mishandri Jezus Dem maki da profeti-taki kom troe foe spiti… Njoen Testamenti Les #7 9/18/2018

110 Petrus taki dati a no sabi Jezus
Mt. 26:69. Now Petrus ben sidon na dorosei na ini da opo presi foe da paleisi, en wan wendje ben kom na hem, en a ben taki: Joe ben de toe nanga Jezus foe Galilea. 70. Ma a ben taki dati a no de so na fesi foe dem alamala; a ben taki: Mi no sabi san joe taki En di a ben waka go na da portoe, wan tra wendje ben si hem, en a ben taki gi dem soema drape taki: Da man disi ben de toe nanga Jezus foe Nazaret En wan leisi baka Petrus taki nanga wan sweri dati a no de so taki: Mi no sabi da man kwet'kweti. Njoen Testamenti Les #7 9/18/2018

111 Petrus taki dati a no sabi Jezus
Mt. 26:73. Baka wan pisi tem, dem trawan disi ben tanapoe drape ben kom na hem en taki: Foe troe joe de wan foe dem, bikasi da fasi fa joe taki, dati de tori joe. 74. Dan a ben bigin foe floekoe en sweri taki: Mi no sabi da man kwet'kweti. En wantem wan kakafowroe ben bari En Petrus ben membre da woortoe foe Jezus, di A ben taki gi hem taki: Bifo da kakafowroe sa bari, joe sa taki drie leisi dati joe no sabi Mi. En a ben go na dorosei, en a ben krei nanga sari-hati. Njoen Testamenti Les #7 9/18/2018

112 Petrus taki dati a no sabi Jezus. Sortoe foutoe a ben meki?
A no ben bribi da waarskow disi Jezus ben gi hem, di Jezus ben sori dati disi komopo foe da Bijbel A ben vertrouw hem egi hati, ma da woortoe taki dati wi hati kan kori wi A ben sribi di a ben moesoe begi A ben moksi nanga soema disi no de bribiwan Njoen Testamenti Les #7 9/18/2018

113 Lobiwan, meki wi no taki so toe
Wi moesoe bribi san da Bijbel taki Wi no moesoe overschat wi tranga Wi no moesoe frigiti foe bribi Wi moesoe loekoe boen te wi moksi nanga soema disi no bribi Njoen Testamenti Les #7 9/18/2018

114 Judas kiri hemsrefi Mt. 27:3. Dan Judas, disi ben tori Hem, di a ben si fa dem ben vonisi Jezus, ben kenki prakseri, en a ben tjari dem drie tenti pisi sorfoe moni baka gi dem bigi priester nanga dem gransoema, 4. En a ben taki: Mi ben doe sondoe, en mi ben tori broedoe sondro foutoe. En dem ben piki hem taki: Sortoe wroko wi abi nanga dati? Dati de joe egi wroko. 5. En a ben trowe dem pisi foe sorfoe na ini da tempel, en a ben gowe, hanga hemsrefi. Njoen Testamenti Les #7 9/18/2018

115 Judas kiri hemsrefi Mt. 27:6. En dem bigi priester ben teki dem pisi sorfoe, en dem ben taki: Wi no abi pasi foe poti da moni disi na ini da kerkibus, bikasi na broedoe moni. 7. En dem ben miti mofo, en dem ben teki da moni, bai wan potten-bakker gron nanga dem foe beri dem vreemde soema. 8. Foe dat'ede dem kari da gron dati “broedoe gron”; so dem kari hem te leki tide. 9. So da profeti tori disi Jeremia ben taki ben kom troe taki: Dem ben teki drie tenti pisi foe sorfoe, da prijs disi dem ben wegi leki da waarti foe Hem, disi de da waarti disi dem pikin foe Israël ben wegi Hem: 10. En dem ben gi dem foe da pottenbakker gron, so leki Masra ben gi mi da opdrakti. Njoen Testamenti Les #7 9/18/2018

116 Gado taki so na fesi Zacharia 11:12. En Mi ben taki gi dem taki: Efoe oen feni hem boen, dan gi Mi paiman na Mi, ma efoe oen no feni hem boen, libi hem. En dem ben wegi da paiman foe Mi, drie tenti pisi sorfoe moni En MASRA ben taki gi mi taki: Trowe hem gi da pottenbakker; da boen paiman disi dem ben wegi Mi waarti. En mi ben teki dem drie tenti pisi sorfoe moni, en mi ben trowe dem gi da pottenbakker na ini da oso foe MASRA. Da profeti-taki disi ben skrifi 500 jari na fesi Njoen Testamenti Les #7 9/18/2018

117 Judas foutoe en les Judas ben sari foe san ben pasa, ma a no ben go baka na Jezus foe aksi pardon, ma a ben kiri hemsrefi A ben loekoe toemoesi foeroe nanga grontapoe goedoe na presi foe hemel A de mogelijk foe de nanga dem apostel, si ibri wondroewroko, doe mee nanga som foe dem, en tokoe no drai libi Didibri kan val aan iniwan soema Njoen Testamenti Les #7 9/18/2018

118 Pilatus Pilatus ben feni dati Jezus ben de onschuldig
A ben wani loesoe hem, ma dem priester no ben wani Hem egi frow ben seni wan waarskow abra wan dren disi a ben abi Dem Djoe ben taki dati Jezus ben drai da kondre, disi no de troe, en dati A tapoe soema foe pai lantimoni, disi no de troe, en dati A taki dati A de da messias – disi de troe Njoen Testamenti Les #7 9/18/2018

119 Pilatus Pilatus aksi efoe Jezus de wan kownoe.
Jezus taki dati A de wan kownoe foe troe, ma dati a no de foe da grontapoe disi Di Pilatus feni dati a komopo foe Galilea, a ben proberi foe skoivi da taki foe seni Jezus go na Herodus Njoen Testamenti Les #7 9/18/2018

120 Herodus Herodus ben wani si wan wondroewroko Jezus no piki hem noti
A spotoe Jezus, meki hem weri kownoe krosi Now Herodus nanga Pilatus tron mati Njoen Testamenti Les #7 9/18/2018

121 Pilatus II Mt. 27:15. Now na da fesa dei, da granman foe da foto ben gwenti foe loesoe wan foe dem man foe doengroe-oso gi da pipel, sortoe wan dem ben wani 16. En dem ben abi wan toemoesi ogri man drape, disi hem nem ben de Barabbas Foe dat'ede di dem ben kom makandra, Pilatus ben aksi dem taki: Soema oen wani mi foe loesoe gi oenoe? Barabbas, efoe Jezus disi dem kari Kristus? 18. Bikasi hemsrefi ben sabi boen dati dem priester gi Hem abra foe djaroesoe ede Di a ben sidon na da kroetoe stoeroe, hem wefi ben seni wan boskopoe kom gi hem taki: No doe noti nanga da regtvaardiki man disi, bikasi mi ben pina toemoesi na ini wan dren tide bikasi foe Hem ede. Njoen Testamenti Les #7 9/18/2018

122 Pilatus II Mt. 27:20. Ma dem bigi priester nanga dem gransoema ben kori dem hipi soema dati dem moesoe aksi foe loesoe Barabbas, en foe kiri Jezus Da granman ben piki dem, en a ben aksi taki: Sortoe wan foe dem toe oen wani mi foe loesoe gi oen? Dem alamala ben taki: Barabbas Pilatus ben piki dem taki: San mi sa doe dan nanga Jezus disi dem kari Kristus? Dem ben bari makandra taki: Kruisi Hem! 23. En da granman ben aksi taki: Ma sortoe ogri A ben doe? Ma dem ben bari moro tranga taki: Kruisi Hem! Njoen Testamenti Les #7 9/18/2018

123 Pilatus II Mt. 27:24. Di Pilatus ben si dati a no ben sa wini dem, ma wan ogri oproeroe ben bigin, a ben teki watra, en a ben wasi hem anoe na fesi foe dem hipi soema, en a ben taki: Mi no abi foutoe nanga da broedoe foe da opregti soema disi; oensrefi moesoe loekoe foe dati Dan da heri pipel ben piki baka taki: Hem broedoe moesoe de na wi tapoe, en na tapoe wi pikin Dan a ben loesoe Barabbas gi dem: en baka di a ben fon Jezus, a ben gi Hem abra na dem foe dem kan kruisi Hem. Njoen Testamenti Les #7 9/18/2018

124 Les foe Pilatus Alatem grontapoe sa lobi Barabbas moro leki Jezus, bikasi Barabbas de foe grontapoe, en Jezus tjari konsensi fonfon kom Pilatus ben proberi foe wasi hem anoe, en kande na ini hel a wasi go doro ete Dem Djoe ben tjari wan floekoe na dem tapoe di dem ben aksi foe da broedoe foe Jezus foe de na dem tapoe, en na tapoe dem pikin toe – disi ben kom troe na wan toemoesi ogri fasi Njoen Testamenti Les #7 9/18/2018

125 Dem soldati spotoe Jezus
Mt. 27:27. Dan dem soldati foe da granman ben tjari Jezus go na da kroetoe-oso, en dem ben kari da heri hipi foe dem soldati foe kom na Hem En dem ben poeroe Hem krosi, en dem ben poti wan purper krosi na Hem tapoe En di dem ben flekti wan maka kroon, dem ben poti dati na tapoe Hem hede, en dem ben poti wan tiki na ini Hem leti anoe; en dem ben boigi kindi gi Hem, en dem ben spotoe Hem taki: Odi, kownoe foe dem Djoe! 30. En dem ben spiti na Hem tapoe, en dem ben teki da tiki, naki Hem na tapoe Hem hede En di dem ben kaba foe spotoe Hem, dem ben poeroe da redi krosi foe Hem, en dem ben weri Hem egi krosi baka gi Hem, en dem ben tjari Hem gowe foe kruisi Hem. Njoen Testamenti Les #7 9/18/2018

126 Da broedoe foe Jezus Wi ben si da broedoe fadon leki dropoe na ini Getsemane Now Hem heri baka priti opo bikasi da wipi abi broko isri efoe grasi na ini Ibri leisi dem poeroe krosi a sa broedoe baka Dem masi da maka-kroon tapoe Hem hede nanga moro broedoe lasi Njoen Testamenti Les #7 9/18/2018

127 Dem vonisi Jezus Jn. 19:19. En Pilatus ben skrifi wan skrifi en a ben poti hem na tapoe da kruisi. En san a skrifi ben de: Jezus foe Nazaret, da Kownoe foe dem Djoe Foeroe foe dem Djoe ben leisi da skrifi disi, bikasi da presi pe dem ben kruisi Jezus ben de krosibei foe da foto, en dem ben skrifi hem na ini Djoe tongo, Grieki tongo, nanga Romeini tongo Dan dem bigi priester foe dem Djoe ben taki gi Pilatus taki: No skrifi taki: Da Kownoe foe dem Djoe, ma skrifi taki: A ben taki: Mi de da Kownoe foe dem Djoe Pilatus ben piki dem taki: San mi ben skrifi mi skrifi kaba. Njoen Testamenti Les #7 9/18/2018

128 Jezus no man tjari Hem kruisi
Mt. 27:32. En di dem ben komopo, dem ben feni wan man foe Cyrene disi dem kari Simon, en dem ben dwingi hem foe tjari da kruisi En di dem ben kom na wan presi disi dem kari Golgota, dati wani taki, da presi foe wan hede bonjo, 34. Dan dem ben gi Hem asin foe dringi, moksi nanga gal; ma di A ben tesi hem, A no ben wani dringi. A no ben man tjari Hem kruisi – A ben lasi foeroe broedoe kaba A taki abra gal foe dringi: Ps. 69:22. Dem ben gi mi gari foe njan toe, en na ini mi dreiwatra, dem ben gi mi asin foe dringi. Njoen Testamenti Les #7 9/18/2018

129 Dem kruisi Jezus Kristus; prati Hem krosi toe
Mt. 27:35. En dem ben kruisi Hem, en dem prati Hem krosi nanga lot; foe da profeti-tori sa kom troe disi da profeti ben taki: Dem ben prati mi krosi na dem mindri, en foe mi krosi dem ben trowe lot En dem ben sidon foe wakti Hem drape; Ps. 22:17. Bikasi dagoe ben kom lontoe mi; da komakandra foe dem takroe soema ben kom lontoe mi; dem ben djoekoe mi anoe nanga mi foetoe Mi kan teri ala mi bonjo; dem loekoe fin'fini na mi tapoe Dem prati mi krosi na dem mindri; en dem trowe lot foe mi djakti. Njoen Testamenti Les #7 9/18/2018

130 Dem spotoe Jezus tapoe da kruisi
Mt. 27:37. En dem ben skrifi Hem vonisi na tapoe Hem hede, disi de skrifi taki: Disi de Jezus, da kownoe foe dem Djoe Dan dem ben kruisi toe foefoeroeman nanga Hem, wan na Hem letianoesei, en da trawan na Hem kroektoeanoesei En dem soema disi ben waka pasa ben kosi Hem, en dem ben seki dem hede, 40. En dem ben taki: Joe disi kan broko da tempel en bouw hem baka na drie dei, verloesoe Joesrefi. Efoe Joe de da Pikin foe Gado, saka komopo foe da kruisi. Njoen Testamenti Les #7 9/18/2018

131 Dem spotoe Jezus tapoe da kruisi
Mt. 27:41. So srefi dem bigi priester ben spotoe Hem, nanga dem meester foe wet nanga dem gransoema taki: 42. A ben verloe-soe trawan, ma A no kan verloesoe Hemsrefi. Efoe A de da kownoe foe Israël, meki Hem saka komopo foe da kruisi, en wi sa bribi na Hem A ben vertrouw na Gado; Meki Gado verloesoe Hem, efoe A sa wani Hem; bikasi A ben taki: Mi de da Pikin foe Gado. Njoen Testamenti Les #7 9/18/2018

132 Ps. 22 taki abra da spotoe disi
Ps. 22:7. Ma mi de wan woron, en mi no de wan libisoema; wan klagi gi libi-soema, en dem pipel veragti mi. 8. Ala dem soema disi si mi, dem lafoe en dreigi mi; dem soetoe dem mofo-boeba na fesi; dem seki da hede, en dem taki: 9. A ben vertrouw na MASRA, dati A ben sa verloesoe hem; meki Hem verloesoe hem, sinsi A de prisiri na ini hem. Njoen Testamenti Les #7 9/18/2018

133 Jezus woortoe tapoe da kruisi #1
Lk. 23:34. Dan Jezus ben taki: Mi Tata, gi dem pardon, bikasi dem no sabi san dem de doe. En dem ben prati Hem krosi, en dem ben trowe lot foe dem. Gado ben jere da begi disi, en A no ben strafoe dem direkt… I Kor. 2:8. Disi no wan foe dem fesiman foe disi grontapoe ben sabi; bikasi efoe dem ben sabi dati, dem no ben sa kruisi da Masra foe glori. Njoen Testamenti Les #7 9/18/2018

134 Gi dem pardon, dem no sabi san dem doe
Tori 3:14. Ma oen ben trowe da Santa Wan nanga da Opregti Wan, en oen ben wani foe dem gi oen wan kiriman; 15. En oen ben kiri da Fesiman foe Libi, disi Gado ben opo baka foe dede; wi de getuigi foe dati En Hem nem, nanga bribi na ini Hem nem, ben meki da man disi kom tranga, hem disi oen si en oen ben sabi kaba; ja, da bribi doro Hem ben meki hem kom boen baka krin-krin na fesi foe oen alamala En now, brada, mi sabi dati oen ben doe so sondro foe sabi, so srefi leki oen fesiman ben doe. Njoen Testamenti Les #7 9/18/2018

135 Dem foefoeroeman – di foe toe woortoe tapoe da kruisi
Lk. 23:39. En wan foe dem ogriman disi dem ben kruisi ben dreigi Hem taki: Efoe Joe de da Kristus, verloesoe Joesrefi, en wi toe Ma da trawan ben piki hem baka, en a ben krasi hem taki: Joe no frede Gado, di joe abi da srefi strafoe? 41. En wi ben verdini hem foe troe, bikasi wi ben kisi da juisti paiman foe san wi ben doe, ma da man disi no ben doe no wan ogri En a ben taki gi Jezus taki: Masra, membre mi te Joe kom na ini Joe kownoekondre En Jezus ben taki gi hem taki: Foe troe, Mi taki gi joe taki: Tide joe sa de nanga Mi na ini paradijs. Njoen Testamenti Les #7 9/18/2018

136 Dem foefoeroeman – les Toe man ben de – wan ben doro na Gado, wan ben go na hel Jezus no taki dati a sa go na hemel – ma na paradijs Da man no dopoe, en a no ben doe boen wroko, ma a ben bribi tapoe Jezus wawan. Disi sori dati da basis de bribi, en no wroko (Efesi 2:8-9; Titus 3:5) Njoen Testamenti Les #7 9/18/2018

137 Les foe da foefoeroeman
Verloesoe no de doro sacramenti leki dopoe, avondmaal Vagevuur no bestaan – tide srefi… Universalisme de fout – dati ala soema sa go na hemel – wan ben drai libi, en wan lasi Njoen Testamenti Les #7 9/18/2018

138 San soema soekoe na da kruisi
Njoen Testamenti Les #7 9/18/2018

139 Som no soekoe noti – dem no ke foe Jezus
Som de soso kerki soema – dem leider disi ben spotoe Jezus Som soekoe grontapoe goedoe – dem prati dem krosi foe Jezus Wan soema ben soekoe verloesoe foe Hem sieli Njoen Testamenti Les #7 9/18/2018

140 Di foe drie taki – foe Maria
Jn. 19:26. Foe dat'ede di Jezus ben si Hem mama nanga da discipel disi A ben lobi tanapoe krosibei, A ben taki gi Hem mama taki: Oema, loekoe na joe manpikin! 27. Dan A ben taki gi da discipel taki: Loekoe na joe mama! En da srefi joeroe dati, da discipel dati ben teki hem kom na ini hem egi oso. Na da tem disi, dem brada no ben drai dem libi, ma dem ben drai wan sjatoe tem moro lati. Njoen Testamenti Les #7 9/18/2018

141 Di foe fo taki tapoe da kruisi
Mt. 27:46. En na negi joeroe, Jezus ben bari nanga wan tranga stem taki: Eli, Eli, lama sabachtani? Dati wani taki: Mi Gado, Mi Gado, foe san'ede Joe libi Mi so? Disi komopo foe Ps. 22:2. Mi Gado, mi Gado, foe san'ede Joe libi mi so? Foe san'ede Joe de so farawe foe jepi mi, en foe dem woortoe foe mi bari? Gado ben abi foe drai Hem fesi bikasi A no man loekoe na sondoe, en Jezus Kristus ben tron sondoe Njoen Testamenti Les #7 9/18/2018

142 Di foe fo taki… II Kor. 5:21. Bikasi A ben meki Hem tron sondoe foe wi ede, Hem disi noiti ben sabi sondoe kwet'kweti; so dati A sa meki wi tron da gerechtigheid foe Gado na ini Hem. Jezus no ben tapoe wi sondoe nomo, ma A ben tron wi sondoe. Daarom wi denki foe da kopro sneki disi de wan voorbeeld foe Jezus, ma foe sondoe toe! Disi de da kan disi Jezus no ben wani dringi Njoen Testamenti Les #7 9/18/2018

143 Di foe feifi taki Jn. 19:28. Baka disi, di Jezus ben sabi dati A ben doe alasani kaba so dati da skrifi sa kom troe, A ben taki: Mi abi dreiwatra Now dem ben seti wan kan foeroe nanga asin drape, en dem ben foeroe wan sponsoe nanga asin, en dem ben poti hem na tapoe wan hysop taki, en dem ben langa hem poti hem na Hem mofo. Wan profeti-taki no ben kom kaba ete, en so Jezus ben taki foe dreiwatra, en dan a kisi da asin Njoen Testamenti Les #7 9/18/2018

144 Di foe siki taki Jn. 19:30. Foe dat'ede, di Jezus ben teki da asin, A ben taki: A kaba! En A ben boigi Hem hede, en A ben gi Hem jeje abra. Jezus no taki: Mi kaba, ma a kaba. Da wroko foe verloesoe ben kaba. A ben bari nanga wan tranga stem. A no de da stem foe lasi, ma foe wini. A ben wini didibri! Njoen Testamenti Les #7 9/18/2018

145 Di foe sebi taki Lukas 23:46. En di Jezus ben bari nanga wan tranga stem, A ben taki: Mi Tata, Mi poti Mi jeje na ini Joe anoe; en di A ben taki so, Hem blo ben kom tapoe. Jezus ben gi Hem libi abra. No wan soema ben poeroe hem foe Hem anoe No wan libisoema kan doe so, ma Jezus ben doe so Njoen Testamenti Les #7 9/18/2018

146 Jezus dede tapoe da kruisi
Mt. 27:50. Dan Jezus ben bari agen nanga wan tranga stem, en A ben dede. 51. En loekoe, da garden foe da tempel ben priti na toe pisi foe da tapoesei te doro na ondrosei, en da gron ben beifi, en dem ston ben priti; Jezus ben bari nanga wan tranga stem – A no dede bikasi A no man bro moro, ma A ben bari en dede leki wan winiman Njoen Testamenti Les #7 9/18/2018

147 Da garden Da garden ben prati da santa presi nanga da moro santa presi na ini da tabernakel, en moro lati na ini da tempel Wan soema nomo kan go na baka foe tan na fesi foe da verzoen deksel foe da ark, en dati de da hogepriester wan leisi ibri jari; trawan sa dede, en hemsrefi sa dede efoe a go wan tra tem No wan leti ben de na ini da kamra, ma da leti ben de da glori foe Gado Njoen Testamenti Les #7 9/18/2018

148 Da garden Da garden ben de toemoesi hebi en deki, en a no sa priti gemakkelijk Di a ben priti opo, disi sori dati doro da priti foe da skin foe Kristus Jezus, wi kan kom direkt na fesi foe Gado, en wi no abi tra ofrandi efoe priester fanowdoe Njoen Testamenti Les #7 9/18/2018