Doctrine II Da Leer foe Verloesoe Les 06 Bijbel Baptist Kerk Les Doctrine II Da Leer foe Verloesoe Les 06 Robert D. Patton Da Froktoe foe da Jeje: Lobi 5/21/2019

Verloesoe = joe poeroe wan soema efoe wan sani komopo foe gevaar. Wan soema moesoe abi verloesoe fanowdoe Soso siki soema abi wan datra fanowdoe Mt. 9:12 Ma di Jezus ben jere dati, A ben taki gi dem taki: Dem gesontoe soema no abi wan datra fanowdoe, ma dem siki soema. Wi de siki nanga sondoe BI Doctrine I Bijbel Les 4 Antwoorden 5/21/2019

Verloesoe – da kroetoe foe Gado Soso wan man disi kisi kroetoe abi wan afkati fanowdoe. Ma libisoema kisi kroetoe na fesi foe Gado srefi! Romeini 3:10-19 10. So leki a de skrifi taki: No wan soema de regtvaardiki, no wan srefi. 11. No wan soema de disi abi froestan; no wan soema de disi de soekoe Gado. 12. Dem alamala ben komopo libi da pasi; dem alamala no de waarti noti; no wan soema de doe boen, no wan srefi. BI Doctrine I Bijbel Les 4 Antwoorden 5/21/2019

Da kroetoe foe Gado Rom. 3:13. Dem ini-neki de wan opo grebi; dem taki kori-fasi nanga dem tongo; da wisi foe takroe sneki de na ondro dem mofo-boeba: 14. Dem mofo de foeroe nanga floekoe nanga bita-fasi: 15. Dem foetoe lon esi foe trowe broedoe; 16. Pori nanga pina de na tapoe dem pasi; 17. En dem no ben sabi da pasi foe vrede kwet'kweti; 18. No wan frede foe Gado de na fesi foe dem ai. 19. Now wi sabi dati dem sani disi da wet de taki, a de taki gi dem soema disi de na ondro da wet; foe ibri mofo sa tapoe, en heri grontapoe sa verdini strafoe na fesi foe Gado. BI Doctrine I Bijbel Les 4 Antwoorden 5/21/2019

Verloesoe – so joe no soengoe A de wan soema disi bigin foe soengoe disi abi wan soema fanowdoe foe poeroe hem komopo foe da watra. Libisoema de na ini da floedoe foe sondoe: Ps. 69:2-3 Verloesoe mi, O Gado; bikasi dem watra ben kom na ini te doro mi sieli. 3. Mi saka go na ini dipi tokotoko, pe joe no man tanapoe; mi ben kom na ini dipi watra, pe dem floedoe go na tapoe mi hede. BI Doctrine I Bijbel Les 4 Antwoorden 5/21/2019

Libisoema lasi kaba Bikasi dem trowe san da Bijbel sori dem de troe Ps. 19:2 Dem hemel taki foe da glori foe Gado, en da loktoe sori Hem wroko. Tori 14:17 Tokoe A no ben libi Hemsrefi sondro wan getuigi, bikasi A ben doe boen, en A ben gi wi alen foe hemel, nanga dem tem foe meki froktoe, en A ben foeroe wi hati nanga njanjan nanga prisiri. Rom. 1:19-20 19. Bikasi dem sani disi dem kan sabi foe Gado, dem ben si kaba, bikasi Gado ben sori dem dati kaba. 20. Bikasi sinsi A ben meki grontapoe, dem sani foe Hem disi joe no kan si de krin foe si now; bikasi joe kan froestan dem doro dem sani disi A ben meki kaba: Hem krakti foe teego, nanga Hem Gado-fasi, so dati dem no abi wan excuus kwet'kweti. BI Doctrine I Bijbel Les 4 Antwoorden 5/21/2019

Libisoema lasi bikasi Dem egi konsensi fon dem: Rom. 2:14-16 14. Bikasi te dem heiden soema, disi no abi da wet, doe dem sani doro dem natuur disi da wet de taki, dem soema disi no abi da wet de wan wet gi demsrefi: 15. En dem sori dati da wroko foe da wet de skrifi na ini dem hati, en dem konsensi gi wan getuigi toe, en dem prakseri fon dem konsensi efoe gi dem excuus,) 16. Na da dei disi Gado sa kroetoe ala dem kibri-tori foe libisoema nanga Jezus Kristus leki mi boen njoensoe de taki. BI Doctrine I Bijbel Les 4 Antwoorden 5/21/2019

Libisoema lasi bikasi Dem lobi grontapoe moro leki foe Gado: Efesi 2:2 Na ini dem dei na wi baka, oen ben waka na da pasi foe grontapoe, na da fasi foe da fesiman foe da makti na ini da loktoe, da jeje disi wroko now na ini dem pikin foe tranga-jesi. Jak. 4:4 Oen hoeroeman nanga hoeroe-oema, oen no sabi dati da soema disi hori na grontapoe de stree agensi Gado? Foe dat'ede, da soema disi wani de wan mati foe grontapoe de wan feanti foe Gado. BI Doctrine I Bijbel Les 4 Antwoorden 5/21/2019

Libisoema lasi bikasi Dem lobi grontapoe… I Jn. 2:15-17 15. No lobi grontapoe, efoe dem sani disi de na grontapoe. Efoe iniwan soema lobi grontapoe, dan da lobi foe da Tata no de na hem ini. 16. Bikasi alasani disi de na grontapoe, da lostoe foe da skin, da lostoe foe da ai, nanga da prodo-fasi foe libi, no de foe da Tata, ma a de foe grontapoe. 17. En grontapoe de pasa gowe nanga da lostoe foe hem, ma da soema disi doe da wani foe Gado de tan foe teego. BI Doctrine I Bijbel Les 4 Antwoorden 5/21/2019

Libisoema lasi bikasi Foe dem relatie nanga Satan: Jn. 8:42-44 42. Jezus ben taki gi dem taki: Efoe Gado ben de oen Tata, oen ben sa lobi Mi, bikasi Mi ben komopo foe Gado; Mi no ben kom foe Misrefi, ma foe Hem disi ben seni Mi kom. 43. Foe san'ede oen no froestan Mi taki? Bikasi oen no man jere Mi woortoe. 44. Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. BI Doctrine I Bijbel Les 4 Antwoorden 5/21/2019

Libisoema lasi bikasi foe Dem relatie nanga satan Jn. 12:31 Da kroetoe foe grontapoe de now; now dem sa poeroe da fesiman foe disi grontapoe trowe. II Kor. 4:4 Disi da gado foe disi grontapoe ben breni da prakseri foe dem soema disi no bribi, so dati da leti foe da glori boen njoensoe foe Kristus, disi de da prenki foe Gado, no man skijn gi dem. I Jn. 3:10 Na ini disi, dem pikin foe Gado sori demsrefi, nanga dem pikin foe didibri; da soema disi no doe gerechtigheid no de foe Gado, so srefi da soema disi no lobi hem brada. BI Doctrine I Bijbel Les 4 Antwoorden 5/21/2019

Libisoema lasi bikasi Foe dem relatie na sondoe: Gen. 2:17 Ma foe da bon foe sabi boen nanga ogri, joe no sa njan foe hem; bikasi da dei dati joe sa njan foe hem joe sa dede foe troe. Gen. 8:21En MASRA ben smeri wan switi smeri; en MASRA ben taki na ini Hem hati taki: Mi no sa floekoe da gron moro foe libisoema ede; bikasi da prakseri foe libisoema hati de takroe sinsi da bigin foe hem jongoe tem; en Mi no sa naki ibri libisani moro so leki fa Mi ben doe. BI Doctrine I Bijbel Les 4 Antwoorden 5/21/2019

Libisoema lasi bikasi Foe dem relatie nanga sondoe Pred. 7:20 Bikasi no wan soema na grontapoe de so regtvaardiki dati a doe soso boen, en noiti a doe sondoe. Mk. 7:20-23 21. A no de ibri soema disi taki gi Mi taki: Masra, Masra, disi sa kom na ini da kownoekondre foe hemel; ma da soema disi de doe da wani foe Mi Tata disi de na ini hemel. 22. Na da dei dati, foeroe soema sa taki gi Mi taki: Masra, Masra, wi no ben taki profeti-tori na ini Joe nem? Wi no ben jagi takroe jeje poeroe na ini Joe nem? En wi no ben doe foeroe wondroewroko na ini Joe nem? 23. Ma dan Mi sa taki gi dem taki: Noiti Mi ben sabi oen. Komopo na Mi fesi, oen soema disi doe ogri wroko. Job. 14:4 Soema kan meki wan krin sani komopo foe wan sani disi no de krin? No wan soema BI Doctrine I Bijbel Les 4 Antwoorden 5/21/2019

Libisoema lasi bikasi Foe dem relatie nanga sondoe Rom. 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. Rom. 7:14 Bikasi wi sabi taki da wet de jeje-fasi; ma mi de skin-fasi, en mi ben seri na ondro sondoe kaba. Efes. 4:18 Dem froestan kom doengroe, en dem de farawe foe da libi foe Gado bikasi dem no sabi foe di dem hati de breni kaba. BI Doctrine I Bijbel Les 4 Antwoorden 5/21/2019

Libisoema lasi bikasi Foe dem relatie nanga Gado: Jn. 3:36 Da soema disi bribi na da Pikin abi libi foe teego; en da soema disi no de bribi na da Pikin no sa si libi, ma da hatibron foe Gado de tan na hem tapoe. Efes. 2:12 Na da tem dati, oen ben de sondro Kristus; oen ben de vreemde soema foe da kondre foe Israël en vreemde soema foe dem akkorderi foe pramisi. Oen no ben abi wan hopoe, en oen ben de sondro Gado na grontapoe. I Jn. 5:12 Da soema disi abi da Manpikin abi da libi, en da soema disi no abi da Manpikin no abi da libi. Judas 19 Dem soema disi de tjari prati kom, dem de skin-fasi, en dem no abi Jeje-fasi. BI Doctrine I Bijbel Les 4 Antwoorden 5/21/2019

Foe verloesoe wan soema… Da soema moesoe abi verloesoe fanowdoe Da soema moesoe wani verloesoe Da verloesoeman soema moesoe abi krakti foe verloesoe BI Doctrine I Bijbel Les 4 Antwoorden 5/21/2019

Foe verloesoe A moesoe abi krakti foe verloesoe: Kande wan soema wani, ma a no man. Omeni leisi wan datra ben wani meki wan soema kom boen baka, ma tokoe dem ben dede A moesoe wani. A de mogelijk foe abi da krakti, ma dati dem no wani. Wantoe jari kaba, wan man ben abi broedoe fanowdoe, ma a ben dede bikasi da broedoe ben tranga foe feni. Ma wan foe hem famiri ben abi da sortoe broedoe dati, ma a no ben wani gi hem. So da verloesoeman moesoe abi da krakti, ma a moesoe wani toe. BI Doctrine I Bijbel Les 4 Antwoorden 5/21/2019

Jezus abi krakti foe verloesoe Efesi 3:20 Now gi Hem disi kan doe toemoesi moro foeroe leki wi kan aksi efoe prakseri, so leki da krakti disi de wroko na wi ini, II Tim. 1:12 Bikasi foe disi ede, mi pina toe foe dem sani disi; tokoe mi no kisi sjem; bikasi mi sabi da Soema disi mi ben bribi, en mi sabi troe dati A abi krakti foe kibri da sani disi mi ben gi abra na Hem te leki da dei dati. BI Doctrine I Bijbel Les 4 Antwoorden 5/21/2019

Jezus abi krakti foe verloesoe Heb. 2:18 Bikasi di Hemsrefi ben pina na ini tesi, A kan troostoe dem soema te tesi miti dem. Heb. 7:25 Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. Judas 24 Now na Hem disi abi krakti foe kibri oen foe oen no naki foetoe fadon, en disi kan sori oen sondro foutoe na fesi foe Hem glori nanga bigi prisiri, BI Doctrine I Bijbel Les 4 Antwoorden 5/21/2019

Jezus wani verloesoe Mt. 8:2-3 2. En loekoe, wan gwasiman ben kom aanbegi Hem, en a ben taki: Masra, efoe Joe wani, Joe kan meki mi kom krin. 3. En Jezus ben langa Hem anoe, en A ben meri hem, en A ben taki: Mi wani; kom krin. En wantem da gwasi-siki ben libi hem. I Tim. 2:3-4 3. Bikasi disi de boen na ini da ai foe Gado wi Verloesoeman, en A sa teki disi; 4. A wani ala soema foe kisi verloesoe, en foe kom sabi da waarheid; BI Doctrine I Bijbel Les 4 Antwoorden 5/21/2019

Jezus wani verloesoe II Petrus 3:9 Masra no draidrai nanga Hem pramisi, so leki som soema denki foe draidrai; ma A hori pasensi nanga oenoe, bikasi A no wani iniwan soema moesoe go lasi, ma dati ala soema sa drai dem libi. BI Doctrine I Bijbel Les 4 Antwoorden 5/21/2019

Jezus verloesoe Zach. 9:9 Abi bigi prisiri, O oemapikin foe Sion; bari, O oemapikin foe Jerusalem; loekoe, joe kownoe de kom na joe; A de koti kroetoe leti, en A de tjari verloesoe kom; A abi saka fasi, en A rij na tapoe wan boeriki, en na tapoe da manpikin foe wan boeriki. Lk. 1:68-69 Blesi foe Masra Gado foe Israel, bikasi A ben kom loekoe Hem pipel en A ben bai dem baka. 69. En A ben opo wan toetoe foe verloesoe gi wi na ini da oso foe Hem dinari David. BI Doctrine I Bijbel Les 4 Antwoorden 5/21/2019

Jezus verloesoe Lk. 2:29-30 29. Masra, now Joe gi pasi na Joe dinari foe gowe nanga kowroe hati, so leki Joe woortoe de taki: 30. Bikasi mi ai ben si Joe verloesoe, Lk. 3:5-6 5. Ala dem lagi presi moesoe kom hei, en ala dem bergi moesoe kom plata, en ala dem krom pasi moesoe kom reti, en ala dem olo-olo pasi moesoe kom grati, 6. En ala soema sa si da verloesoe foe Gado. Tori 4:12 En no wan verloesoe de na iniwan tra nem; bikasi dem no ben gi libisoema wan tra nem na ondro hemel disi kan meki wi sieli feni verloesoe. BI Doctrine I Bijbel Les 4 Antwoorden 5/21/2019

Jezus verloesoe Rom. 1:16 Bikasi mi no sjem foe da boen njoensoe foe Kristus; bikasi a de da krakti foe Gado foe verloesoe ibri soema disi de bribi; dem Djoe fosi, nanga dem Grieki soema toe. Titus 2:11 Bikasi da gnade foe Gado disi tjari verloesoe kom ben sori hemsrefi na ala soema, Heb. 5:9 En di A ben kom volmaakt, A ben kom tron da Soema foe verloesoe foe teego gi ala dem soema disi ben gi Hem jesi. BI Doctrine I Bijbel Les 4 Antwoorden 5/21/2019

Falsi fasi foe verloesoe Spreuken 14:12 Wan pasi kan loekoe boen gi libisoema, ma da kaba foe hem de dem pasi foe dede. No bouw tapoe joe leri I Tim. 6:20 O Timoteüs, kibri dem sani disi mi ben vertrouw na joe na wan boen fasi; en drai komopo foe soso tak'taki disi no de santa, en dem sani disi dem leri agensi joe, disi dem kari koni na wan falsi fasi; II Tim. 3:7 Alatem dem leri, ma noiti dem kan kom sabi da waarheid. BI Doctrine I Bijbel Les 4 Antwoorden 5/21/2019

Falsi fasi foe verloesoe Lid foe wan kerki .Boen wroko Efesi 2:8-9 8. Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; 9. A no komopo foe wroko, so dati no wan soema kan taki nanga bigi-fasi. Titus 3:5. No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, 6. Disi A ben trowe foeroe na wi tapoe doro Jezus Kristus wi Verloesoeman; BI Doctrine I Bijbel Les 4 Antwoorden 5/21/2019

Falsi fasi foe verloesoe Dopoe: I Kor. 1:17 Bikasi Kristus no ben seni mi kom foe dopoe, ma foe preiki da boen njoensoe; no nanga koni foe woortoe; noso mi sa meki da kruisi foe Kristus tron wan soso sani. .Da juisti omgeving .Hori da wet: Gal. 2:16 Wi sabi dati wan soema no kan kom regtvaardiki nanga dem wroko foe da wet, ma nanga da bribi foe Jezus Kristus nomo. So leki wi ben bribi na ini Jezus Kristus, wi ben sa kom regtvaardiki doro da bribi foe Kristus, en no doro dem wroko foe da wet, bikasi no wan soema kan kom regtvaardiki doro dem wroko foe da wet. BI Doctrine I Bijbel Les 4 Antwoorden 5/21/2019

Falsi fasi foe verloesoe Confirmatie: Disi no de krosibei na da kenki foe wan soema disi ben drai hem libi .Hori dem 10 gebod efoe da gowtoe wet .Foe de “sincere” – efoe joe firi troe troe… .Loge lidmaatschappij BI Doctrine I Bijbel Les 4 Antwoorden 5/21/2019

Falsi fasi foe verloesoe Gi tiende .Tra organizatie leki Vrede Corps, V.N., enz. Si Ps. 2, Open. 18. Na ini da tem foe bigi trobi, ala dem organizatie foe grontapoe sa moksi makandra agensi da Tata foe poeroe Hem Pikin komopo foe Hem kownoe stoeroe, ma da brinki foe Hem kom baka sa figi dem poeroe .Religie organizatie, leki da Wereld Raad van Kerken: Open. 17. Da bewegi disi sa broko saka na ini da tem foe bigi trobi toe BI Doctrine I Bijbel Les 4 Antwoorden 5/21/2019

Troe verloesoe Doro broedoe Doro wan soema Doro gnade BI Doctrine I Bijbel Les 4 Antwoorden 5/21/2019

Troe verloesoe de doro broedoe Verloesoe de doro broedoe alatem: Heb. 9:22 En oen kan taki dati nanga da wet, pikinso moro dan alasani de krin nanga broedoe; en sondro trowe broedoe pardon no de. Sondro foutoe, krin: Heb. 9:14 Hoe moro da broedoe foe Kristus, di A ben gi Hemsrefi sondro sondoe na Gado doro da Jeje foe teego, sa krin oen konsensi foe dem dede wroko foe dini da libilibi Gado? BI Doctrine I Bijbel Les 4 Antwoorden 5/21/2019

Verloesoe doro broedoe .A moesoe fadon, (trowe broedoe) Mt. 26:28 Bikasi disi de Mi broedoe foe da njoen akkorderi, disi ben trowe gi foeroe soema foe gi dem pardon foe dem sondoe. A moesoe kom tapoe da soema: Open. 1:5 En foe Jezus Kristus, disi de da trouw getuigi nanga da fosi-gebore foe dem dede soema nanga da fesiman foe dem kownoe foe grontapoe: Gi Hem disi ben lobi wi, en wasi wi foe wi sondoe na ini Hem egi broedoe, Membre dem poti da broedoe tapoe da doro na da fosi Paska BI Doctrine I Bijbel Les 4 Antwoorden 5/21/2019

Verloesoe doro wan soema Jona 2:9 Ma mi sa meki ofrandi gi Joe nanga da stem foe grantangi; mi sa pai da sani disi mi ben sweri. Verloesoe komopo foe MASRA. Tori 4:12 En no wan verloesoe de na iniwan tra nem; bikasi dem no ben gi libisoema wan tra nem na ondro hemel disi kan meki wi sieli feni verloesoe. I Tess. 5:9 Bikasi Gado no ben verkisi wi foe hatibron, ma foe wi kisi verloesoe doro wi Masra Jezus Kristus; Heb. 5:9 En di A ben kom volmaakt, A ben kom tron da Soema foe verloesoe foe teego gi ala dem soema disi ben gi Hem jesi. BI Doctrine I Bijbel Les 4 Antwoorden 5/21/2019

Verloesoe doro gnade Efesi 2:8-9 8. Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; 9. A no komopo foe wroko, so dati no wan soema kan taki nanga bigi-fasi. Titus 2:11 Bikasi da gnade foe Gado disi tjari verloesoe kom ben sori hemsrefi na ala soema, BI Doctrine I Bijbel Les 4 Antwoorden 5/21/2019

Bribi fosi, dan gnade Fosi da gnade de da bribi foe da sondari Rom. 5:1 Foe dat'ede, di wi ben kom regtvaardiki doro bribi kaba, wi abi vrede nanga Gado doro wi Masra Jezus Kristus; Heb. 11:6 Ma sondro bribi oen no kan gi Gado prisiri kwet'kweti, bikasi da soema disi de kom na Gado moesoe bribi dati A de, en dati A sa gi wan paiman na dem soema disi de soekoe tranga foe feni Hem. BI Doctrine I Bijbel Les 4 Antwoorden 5/21/2019

Baka bribi, gnade doro Rom. 1:7 Gi ala soema na Rome, dem soema disi Gado de lobi, en disi A kari santawan: Gnade foe oen nanga vrede disi komopo foe Gado wi Tata nanga Masra Jezus Kristus. I Kor. 1:3 Gnade de nanga oenoe, nanga vrede foe Gado wi Tata, en foe wi Masra Jezus Kristus. BI Doctrine I Bijbel Les 4 Antwoorden 5/21/2019

Da drie-in-eenheid na verloesoe: Gado da Tata .A ben sabi na fesi: A ben sabi en seti soema A sa verkisi: .A ben verkisi .A ben kari: BI Doctrine I Bijbel Les 4 Antwoorden 5/21/2019

Da wroko foe Gado da Pikin Gado ben meki wan troe akkorderi foe teego nanga Kristus: .Da akkorderi foe da Tata nanga Kristus sori hemsrefi .Kristus sa de da di foe toe hede foe ala libisoema: .Kristus sa teki skin-fasi nanga skin nanga bonjo: BI Doctrine I Bijbel Les 4 Antwoorden 5/21/2019

Da wroko foe Gado da Pikin .Kristus sa wroko leki wan manpikin en ook toe leki wan dinari gi Gado da Tata:. Kristus sa dede gi dem sondoe foe grontapoe:. Kristus sa kisi Hem erfenis foe ala natie, nanga ala makti nanga krakti: BI Doctrine I Bijbel Les 4 Antwoorden 5/21/2019

Da wroko foe da Santa Jeje Da wroko foe da Santa Jeje - foe taki da wroko disi ala dei .Panja da njoensoe Konsensi fonfon:. Gi njoen libi:. Meki kom santa: BI Doctrine I Bijbel Les 4 Antwoorden 5/21/2019

Da kostoe foe verloesoe Da schepping – doro da finga nanga mofo foe Gado Gen. 1:3 En Gado ben taki: Leti moesoe de, en leti ben de Ps. 8:4-5 Te mi prakseri dem hemel foe Joe, da wroko foe Joe finga, da moen nanga dem stari, disi Joe ben seti, 5. San na libisoema, disi Joe de prakseri hem? En soemapikin, disi Joe ben loekoe hem? Ps. 33:6, 9 MASRA ben meki dem hemel doro Hem woortoe; en A ben meki ala dem legre foe dem doro da blo foe Hem mofo. 9. Bikasi A ben taki, en a ben pasa kaba; A ben komanderi, en a ben tan faste. BI Doctrine I Bijbel Les 4 Antwoorden 5/21/2019

Da kostoe foe verloesoe Jesaja nanga Petrus taki dati verloesoe ben kom na dem anoe foe Gado, en doro da broedoe disi A ben trowe. Jes. 53:1 Soema ben bribi san wi ben taki? En soema ben si da anoe foe MASRA? 53:4-6. Foe troe, a ben tjari wi sari, en a ben tjari wi pina; tokoe wi ben prakseri dati Gado ben naki hem, en Gado ben pina hem.5. Ma a ben kisi mankeri foe wi sondoe ede, en dem ben fon hem foe wi ogridoe ede; da fonfon foe wi vrede ben de na hem tapoe, en nanga hem fonfon wi ben kom boen baka. 6. Wi alamala de leki skapoe disi ben lasi pasi; wi ben drai ibriwan foe teki hem egi pasi; en MASRA ben poti da sondoe foe wi alamala na hem tapoe. BI Doctrine I Bijbel Les 4 Antwoorden 5/21/2019

Da kostoe foe verloesoe I Petrus 1:18-19 18. Bikasi oen sabi dati A no ben bai oen baka nanga sani disi kan pori leki sorfoe nanga gowtoe foe oen soso waka di oen ben hori oen gransoema gwenti; 19. Ma (A ben bai oen) nanga da diri broedoe foe Kristus, leki wan lam disi no ben abi no wan foutoe efoe flaka; BI Doctrine I Bijbel Les 4 Antwoorden 5/21/2019

Da heelal sa prijse Jezus foe da schepping & verloesoe Openbaring 4:11 Joe de waarti, O Masra, foe kisi glori nanga bigi nem nanga krakti; bikasi Joe ben meki alasani, en dem de, en Joe ben meki dem foe Joe prisiri ede. Openbaring 5:9 En dem ben singi wan njoen singi, taki: Joe de waarti foe teki da boekoe, en loesoe dem stampoe foe hem; bikasi dem ben kiri Joe, en Joe ben bai wi baka gi Gado nanga Joe broedoe, komopo foe ibri famiri nanga tongo nanga pipel nanga natie; BI Doctrine I Bijbel Les 4 Antwoorden 5/21/2019

O.T. voorbeeld foe verloesoe – krosi Adam nanga Eva sori dati verloesoe de leki wan krosi foe tapoe wi skin: Gen. 3:21 MASRA Gado ben meki krosi foe meti-boeba gi Adam nanga hem wefi toe; en A ben tapoe dem skin. Gen. 3:7 En dem ai foe ala toe foe dem ben kom opo, en dem ben kom sabi dati dem ben de nanga soso skin, en dem ben nai figa blatie makandra, foe meki wan sortoe pangi. Na ini Hem gnade, da Schepper ben gi dem pardon, en A ben meki krosi gi dem toe sondari na ini Eden BI Doctrine I Bijbel Les 4 Antwoorden 5/21/2019

OT voorbeeld – krosi Zach. 3:1-5 1. En a ben sori mi Jozua da hogepriester, disi ben tanapoe na fesi foe da Engel foe MASRA, en Satan ben tanapoe na hem letianoesei, foe klagi hem. 2. En MASRA ben taki gi Satan taki: MASRA moe strafoe joe, O Satan; da srefi MASRA disi ben verkisi Jerusalem moe strafoe joe; disi no de wan faja-tiki disi dem ben poeroe komopo foe da faja? 3. Now Jozua ben weri fisti krosi, en a ben tanapoe na fesi foe da engel. 4. En A ben piki en taki gi dem soema disi ben tanapoe na Hem fesi taki: Poeroe dem fisti krosi komopo foe hem. En A ben taki gi hem taki: Loekoe, Mi ben poeroe joe sondoe komopo foe joe, en Mi sa tapoe joe nanga tra krosi. BI Doctrine I Bijbel Les 4 Antwoorden 5/21/2019

OT voorbeeld – krosi Zacharia 3:5. En Mi ben taki: Meki dem poti wan moi krin hati na tapoe hem hede. So dem ben seti wan moi krin hati na tapoe hem hede, en dem ben meki hem weri dem tra krosi. En da Engel foe MASRA ben tanapoe na sei. Open. 3:5, 18 5. Da soema disi wini, hem sa weri weti krosi, en Mi no sa figi hem nem poeroe foe da boekoe foe libi, ma Mi sa bekenti hem nem na fesi foe Mi Tata, en na fesi foe dem engel foe Hem. 18. Mi de gi joe rai foe bai gowtoe na Mi disi ben tesi na ini da faja, so dati joe kan de goedoe; nanga weti krosi, so dati joe kan weri krosi, en joe no sjem foe de nanga soso skin moro; en foe salfoe joe ai nanga ai-salfoe, so dati joe kan si. BI Doctrine I Bijbel Les 4 Antwoorden 5/21/2019

OT voorbeeld – Kain & Abel Gen. 4:4 En Abel ben tjari dem fosi-gebore foe hem skapoe nanga da fatoe foe dem kom toe. En MASRA ben respeki Abel nanga hem ofrandi, 5. Ma A no ben respeki Kain nanga hem ofrandi. En Kain ben kisi bigi hatibron, en hem fesi ben kom swa. Abel ben de da fosi soema disi ben sori publiki foe Kristus di a ben meki wan broedoe ofrandi, en Kain ben de da fosi soema disi ben kom nanga opstand di a ben kom sondro broedoe. BI Doctrine I Bijbel Les 4 Antwoorden 5/21/2019

OT Voorbeeld – da ark foe Noach Gen. 7:1 En MASRA ben taki gi Noach taki: Go na ini da ark, joe nana joe heri oso, bikasi Mi ben loekoe na joe leki wan regtvaardiki soema na Mi fesi foe da speri disi. Da ark ben kibri Noach nanga hem famiri agensi da hatibron foe Gado - wan voorbeeld foe kibri agensi da hatibron disi sa kom na da tem foe bigi trobi… BI Doctrine I Bijbel Les 4 Antwoorden 5/21/2019

OT Voorbeeld – Paska Ex. 12:23 Bikasi MASRA sa waka go foe naki dem Egypti soema; en te A si a broedoe na tapoe da doro en na tapoe dem toe sei postoe, A sa abra pasa da doro, en A no sa gi pasi na da kiriman foe kom na ini oen oso foe naki oen. Rom. 1:18 Bikasi da hatibron foe Gado ben sori hemsrefi komopo foe hemel agensi ala sortoe sani di no abi Gado-fasi efoe regtvaardiki-fasi foe libisoema, disi de hori da waarheid sondro regtvaardiki-fasi. BI Doctrine I Bijbel Les 4 Antwoorden 5/21/2019

Da hatibron foe Gado Kol. 3:6 Bikasi foe dem sani disi ede, da hatibron foe Gado ben fadon na tapoe dem pikin disi no gi jesi. I Tess. 1:10 En fa oen ben wakti foe Hem Manpikin foe hemel, disi A ben opo baka foe dede, Jezus, disi ben verloesoe wi komopo foe da hatibron disi sa kom. Open. 6:17 Bikasi da bigi dei foe Hem faja hatibron ben kom, en soema kan tanapoe? BI Doctrine I Bijbel Les 4 Antwoorden 5/21/2019

Abraham & Isaak = plaatsvervanger Gen. 22:12-14 En A ben taki: No poti joe anoe na tapoe da boi; no doe no wan sani nanga hem; bikasi now Mi sabi dati joe de frede Gado, bikasi joe no ben hori joe manpikin, joe wan enkri manpikin, baka foe Mi. 13. En Abraham ben opo hem ai, en a ben loekoe, en loekoe, a ben si wan man skapoe na hem baka disi ben fasi nanga hem toetoe na ini wan branti-maka; en Abraham ben go teki da man skapoe, en a ben meki hem leki wan bron-ofrandi na presi foe hem manpikin. 14. En Abraham ben kari da nem foe da presi dati Jehovah-jireh; so dem kari hem te leki tide, Na ini da bergi foe MASRA, a sa de foe si. BI Doctrine I Bijbel Les 4 Antwoorden 5/21/2019

Plaatsvervanger Jes. 53:4-6 4. Foe troe, a ben tjari wi sari, en a ben tjari wi pina; tokoe wi ben prakseri dati Gado ben naki hem, en Gado ben pina hem. 5. Ma a ben kisi mankeri foe wi sondoe ede, en dem ben fon hem foe wi ogridoe ede; da fonfon foe wi vrede ben de na hem tapoe, en nanga hem fonfon wi ben kom boen baka. 6. Wi alamala de leki skapoe disi ben lasi pasi; wi ben drai ibriwan foe teki hem egi pasi; en MASRA ben poti da sondoe foe wi alamala na hem tapoe. BI Doctrine I Bijbel Les 4 Antwoorden 5/21/2019

Verloesoe na ini da woestijn Ex. 16:14 En di da dow di ben fadon ben gowe, loekoe, na tapoe da fesi foe da woestijn dem ben feni wan pikin lontoe sani leki rijm disi didon na tapoe da gron. Ex. 17:6 Loekoe, Mi sa tan na joe fesi na tapoe da ston na ini Horeb; en joe moesoe naki da ston, en watra sa komopo foe hem so dati da pipel kan dringi. En Mozes ben doe so na fesi foe dem gransoema foe Israel. BI Doctrine I Bijbel Les 4 Antwoorden 5/21/2019

Gado gi wi san wi abi fanowdoe Ps. 103:5 Disi meki joe mofo kisi nofo foe boen sani; so dati joe kisi jongoe libi baka leki da aka. Ps. 107:9 Bikasi A foeroe da sieli disi de angri foe sani, en A foeroe da sieli disi abi angri-bere nanga boen. BI Doctrine I Bijbel Les 4 Antwoorden 5/21/2019

Voorbeeld – kopro sneki Num. 21:9 En Mozes ben meki wan sneki foe kopro, en a ben poti hem tapoe wan tiki, en a ben pasa so dati efoe wan sneki ben beti iniwan soema, te a ben loekoe tapoe da kopro sneki, a ben tan na libi. Na ini da Njoen Testamenti, Kristus ben sori dati da Owroe Testamenti tori disi ben taki abra Hemsrefi: Jn. 3:14 So leki Mozes ben opo da sneki na ini da woestijn, so srefi dem moesoe opo Soemapikin BI Doctrine I Bijbel Les 4 Antwoorden 5/21/2019

Verloesoe de krini wi Ps. 51:9 Krini mi nanga hysop, en mi sa de krin; wasi mi, en mi sa kom moro weti leki katoen. Wi si wan boen voorbeeld na ini Naaman da Syrier soema BI Doctrine I Bijbel Les 4 Antwoorden 5/21/2019

Da tabernakel Da tabernakel de pe wi abi gemeenschap nanga Gado Ex. 25:22 En Mi sa miti nanga joe drape, en Mi sa taki nanga joe na tapoe da verzoen tapoen na mindri foe dem toe cherub disi de na tapoe da ark foe getuigi; Mi sa taki ala dem wet disi mi sa gi joe foe dem pikin foe Israel. Ps. 23:3 A meki mi sieli kisi krakti baka; A tiri mi na ini dem pasi foe gerechtigheid foe Hem nem ede. BI Doctrine I Bijbel Les 4 Antwoorden 5/21/2019

Drai libi Ps. 19:8 8. Da wet foe MASRA de sondro foutoe, en a drai da sieli kom baka; da getuigi foe MASRA de foe troe, en a meki da dom soema kisi sabi. Ps. 51:14. Gi mi da prisiri foe mi verloesoe baka; en hori mi opo nanga Joe fri jeje. 15. Dan mi sa leri dem sondari Joe pasi; en dem sondari sa drai dem libi kom na Joe. BI Doctrine I Bijbel Les 4 Antwoorden 5/21/2019

Drai libi Mt. 18:3 3. En A ben taki: Troe troe Mi taki gi oen taki: Efoe oen no drai oen libi, en kom leki pikinnengre, oen no sa kom na ini da kownoekondre foe hemel. Tori 3:19 19. Foe dat'ede, sori sari-hati, en drai oen libi, foe A sa figi oen sondoe poeroe, te dem tem foe kisi tranga baka sa komopo na da fesi foe Masra; BI Doctrine I Bijbel Les 4 Antwoorden 5/21/2019

Drai libi Tori 15:3 3. En di da kerki ben seni dem go foe teki dem pasi, dem ben waka go na Fenicië nanga Samaria, en dem ben taigi dem fa dem heiden soema ben drai dem libi, en dem ben meki ala dem brada abi foeroe prisiri. Jakobus 5:20 Meki hem sabi dati da soema disi drai wan sondoe soema komopo foe da verkeerti pasi disi a de waka, sa verloesoe wan sieli foe dede, en a sa kibri foeroe sondoe. BI Doctrine I Bijbel Les 4 Antwoorden 5/21/2019

Drai libi Drai komopo foe joe sondoe Bribi tapoe Jezus BI Doctrine I Bijbel Les 4 Antwoorden 5/21/2019

Repentance – drai komopo foe sondoe Repentance (engels) = metanoia (Grieki) kenki prakseri .A no de f oe proberi moro tranga, foe doe joe best foe libi moro boen A no de da fasi foe pai baka foe da ogri te joe doe boen sani BI Doctrine I Bijbel Les 4 Antwoorden 5/21/2019

Repentance A no de sari dati da sani no ben komopo moro boen, leki: .Esau: Heb. 12:17 Bikasi oen sabi dati moro lati, di a ben wani kisi da blesi, Gado ben trowe hem; bikasi a no ben feni wan presi foe kenki prakseri, alwasi a ben soekoe foe hem fin'fini nanga watra-ai. BI Doctrine I Bijbel Les 4 Antwoorden 5/21/2019

Repentance .Judas: Mt. 27:3. Dan Judas, disi ben tori Hem, di a ben si fa dem ben vonisi Jezus, ben kenki prakseri, en a ben tjari dem drie tenti pisi sorfoe moni baka gi dem bigi priester nanga dem gransoema, Wi si dati Judas ben sari soso foe san ben pasa, en a no de wan troe sari foe da foutoe, bikasi a no ben kom na Jezus: Mt. 27:5 En a ben trowe dem pisi foe sorfoe na ini da tempel, en a ben gowe, hanga hemsrefi. BI Doctrine I Bijbel Les 4 Antwoorden 5/21/2019

Repentance Troe repentance de wan troe kenki foe prakseri abra dem sondoe disi sa meki hem wani drai komopo foe hem sondoe nanga hem fri wani. A no taki foe dem sondoe foe hem, ma da sondoe foe trowe Jezus Kristus. Jn. 16:7-11 7. Tokoe Mi taigi oen troe; A de boen gi oen dati Mi sa gowe, bikasi efoe Mi no gowe, dan da Troostoeman no sa kom na oen; ma efoe Mi libi oen gowe, Mi sa seni Hem kom na oen. BI Doctrine I Bijbel Les 4 Antwoorden 5/21/2019

Drai libi – repentance Jn. 16:8. En te A sa kom, A sa getuigi gi grontapoe foe sondoe, foe gerechtigheid, nanga kroetoe: 9. Foe sondoe, bikasi dem no bribi na Mi; 10. Foe gerechtigheid bikasi Mi sa go na Mi Tata, en oen no sa si Mi moro; 11. En foe kroetoe, bikasi da fesiman foe da grontapoe disi ben kisi kroetoe kaba. BI Doctrine I Bijbel Les 4 Antwoorden 5/21/2019

Membre joesrefi… Gado wani wan sondari foe tapoe foe smoko, dringi, hoeroe enz., ma dati noiti sa verloesoe hem. Da sondoe disi sa seni hem go na hel de da sondoe foe di a no teki Jezus Kristus leki hem verloesoeman. Repentance wani taki dati joe drai komopo foe da sondoe foe trowe Jezus Kristus. BI Doctrine I Bijbel Les 4 Antwoorden 5/21/2019

Drai libi Johannes ben taki: Mt. 3:2 En a ben taki: Drai joe libi; bikasi da kownoekondre foe hemel de krosibei kaba. Mt. 3:8 Foe dat'ede oen moesoe meki dem froktoe disi de fiti wan soema disi drai hem libi; BI Doctrine I Bijbel Les 4 Antwoorden 5/21/2019

Drai libi Jezus taki: Mt. 9:13 Ma oen go leri san disi wani taki: Mi wani foe soema sori sari-hati moro leki foe gi ofrandi; bikasi Mi no ben kom foe kari dem regtvaardiki soema ma dem sondari foe drai dem libi. Lk. 13:5 Mi taki gi oen taki: Nono, ma efoe oen no drai oen libi, so srefi oen alamala sa lasi. BI Doctrine I Bijbel Les 4 Antwoorden 5/21/2019

Drai libi Lk. 15:7 Mi taki gi oen taki: So srefi, dem sa abi moro prisiri na ini hemel abra wan sondoe soema disi sa drai hem libi leki negi tenti na negi regtvaardiki soema, disi no abi fanowdoe foe drai dem libi. Lk. 24:47 En dati dem moesoe preiki foe drai libi nanga pardon foe sondoe na ini Hem nem na mindri foe ala natie; na Jerusalem oen moesoe bigin. BI Doctrine I Bijbel Les 4 Antwoorden 5/21/2019

Drai libi Petrus taki: Tori 2:38 Dan Petrus ben taki gi dem taki: Drai oen libi, en ibriwan foe oen teki dopoe na ini da nem foe Jezus Kristus da pardon foe sondoe, en oen sa kisi da presenti foe da Santa Jeje. Tori 3:19 Foe dat'ede, sori sari-hati, en drai oen libi, foe A sa figi oen sondoe poeroe, te dem tem foe kisi tranga baka sa komopo na da fesi foe Masra; BI Doctrine I Bijbel Les 4 Antwoorden 5/21/2019

Drai libi Paulus taki: Tori 26:20 En mi ben sori dem soema fosi na ini Damascus, en dan na Jerusalem, en na ala dem presi na Judea, en dan na dem heiden soema, dati dem sa drai dem libi kom na Gado, en doe wroko disi de fiti foe soema di ben drai dem libi kaba. Tori 17:30 Na da tem disi wi no ben sabi, Gado no ben loekoe fin'fini na dati, ma now A komanderi ala soema na ibri presi foe drai dem libi; BI Doctrine I Bijbel Les 4 Antwoorden 5/21/2019

Drai libi – bribi .A no de .Wan djompo na ini doengroe .Wan sani mi hopoe so .Wan sani mi denki .Ma a de wan troe kenki prakseri nanga mi fri wani na ini da hati foe wan sondoe soema disi meki hem drai kom na da Verloesoeman BI Doctrine I Bijbel Les 4 Antwoorden 5/21/2019

Fa foe kisi troe bribi? Rom. 10:17 Na so bribi de kom nanga jere, en jere nanga da woortoe foe Gado. Paulus taki dati wi bribi di wi jere da boskopoe, en da boskopoe de foe preiki Kristus Jezus Foe san’ede a de fanowdoe? Heb. 11:6 Ma sondro bribi oen no kan gi Gado prisiri kwet'kweti, bikasi da soema disi de kom na Gado moesoe bribi dati A de, en dati A sa gi wan paiman na dem soema disi de soekoe tranga foe feni Hem. BI Doctrine I Bijbel Les 4 Antwoorden 5/21/2019

Da sondari kom verloesoe doro bribi: Efesi 2:8-9 8. Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; 9. A no komopo foe wroko, so dati no wan soema kan taki nanga bigi-fasi. Rom. 5:1 Foe dat'ede, di wi ben kom regtvaardiki doro bribi kaba, wi abi vrede nanga Gado doro wi Masra Jezus Kristus; BI Doctrine I Bijbel Les 4 Antwoorden 5/21/2019

Da bribiwan gro na ini gnade (kom santa) doro bribi Wi libi doro bribi: Rom. 1:17 Bikasi na ini dati, da gerechtigheid foe Gado sori hemsrefi foe bribi kom na bribi; so leki a de skrifi kaba taki: Da regtvaardiki soema sa libi doro hem bribi. .Wi tan faste doro bribi: II Kor. 1:24 No bikasi wi de basi abra oen bribi, ma wi de jepiman foe oen prisiri; bikasi nanga bribi oen tan faste. BI Doctrine I Bijbel Les 4 Antwoorden 5/21/2019

Bribiwan gro nanga bribi Wi waka doro bribi: II Kor. 5:7 (Bikasi wi waka nanga bribi, en no nanga san wi kan si:) .Wi feti doro bribi: I Tim. 6:12 Feti da boen feti foe bribi; hori na da libi foe teego, di Gado ben kari joe na ini hem kaba, en joe ben gi wan boen getuigi na fesi foe foeroe soema. .Wi wini doro bribi: I Jn. 5:4 Bikasi iniwan sani disi ben gebore foe Gado wini grontapoe; en disi de da wini disi wini grontapoe: da bribi foe wi. BI Doctrine I Bijbel Les 4 Antwoorden 5/21/2019

Drai libi – samenvatting Now wi ben si ala toe sei foe drai libi, foe drai komopo foe sondoe (repentance), en foe drai kom na Jezus doro bribi. Wi si ala toe sei na ini Tori 20:21 En mi ben getuigi na dem Djoe nanga dem Grieki foe drai dem libi kom na Gado, en foe bribi na ini wi Masra Jezus Kristus. BI Doctrine I Bijbel Les 4 Antwoorden 5/21/2019

Plaatsvervanger (substitutie) Substitutie: (plaatsvervanger) I Pet. 3:18 Bikasi so srefi Kristus ben pina wan leisi foe sondoe ede, wan boen soema gi dem ogri soema, foe Hem kan tjari wi kom na Gado; Hem skin ben dede, ma A ben kisi Hem libi baka doro da Jeje. BI Doctrine I Bijbel Les 4 Antwoorden 5/21/2019

OT – skapoe dede gi da skapoeman Gen. 22:10-13 En Abraham ben langa hem anoe, en a ben teki da nefi foe kiri hem manpikin. 11. En da Engel foe MASRA ben kari na hem komopo foe hemel, en A ben taki: Abraham, Abraham; en a ben pikin taki: Mi de dja. 12. En A ben taki: No poti joe anoe na tapoe da boi; no doe no wan sani nanga hem; bikasi now Mi sabi dati joe de frede Gado, bikasi joe no ben hori joe manpikin, joe wan enkri manpikin, baka foe Mi. 13. En Abraham ben opo hem ai, en a ben loekoe, en loekoe, a ben si wan man skapoe na hem baka disi ben fasi nanga hem toetoe na ini wan branti-maka; en Abraham ben go teki da man skapoe, en a ben meki hem leki wan bron-ofrandi na presi foe hem manpikin. BI Doctrine I Bijbel Les 4 Antwoorden 5/21/2019

Plaatsvervanger - paska Ex. 12:3-7 Taki gi da heri komakandra foe Israel aksi: Na di foe tien dei foe da moen disi, ibriwan foe oen moesoe teki wan lam foe da oso foe dem tata foe dem, wan lam foe wan oso; 4. En efoe da oso de toemoesi pikin foe njan da lam, dan meki da oso nanga da naaste oso teki hem, so leki da nomroe foe soema de na ini dem oso; oen moesoe prakseri omeni soema sa njan da lam. 5. One lam moesoe de krin sondro marki, wan man lam foe wan jari; oen sa teki hem foe dem skapoe efoe foe dem krabita; BI Doctrine I Bijbel Les 4 Antwoorden 5/21/2019

Plaatsvervanger – paska Exodus 12:6. En oen moesoe kibri hem te leki da tien-na-fo dei foe da srefi moen; en da heri komakandra foe dem soema foe Israel sa kiri hem na mofoneti. 7. En dem sa teki foe da broedoe, en naki hem trowe na tapoe dem toe sei postoe foe da doro, en na tapoe da doro foe dem oso pe dem sa njan hem na ini sei. BI Doctrine I Bijbel Les 4 Antwoorden 5/21/2019

Plaatsvervanger - tijdelijk Ex. 12:12-13 Bikasi Mi sa pasa doro da heri kondre foe Egypti da neti disi, en Mi sa kiri ala dem fosi-gebore foe Egypti, foe libisoema nanga meti; en Mi sa koti kroetoe agensi ala dem gado foe Egyptikondre; Mi de MASRA. 13. En da broedoe sa de wan marki gi oen na tapoe dem oso pe oen de tan; en te Mi si da broedoe, Mi sa abra pasa oen, en da pesti-siki no sa kom na oen tapoe foe figi oen poeroe te Mi sa naki da kondre foe Egypti. BI Doctrine I Bijbel Les 4 Antwoorden 5/21/2019

Plaatsvervanger foe teego Heb. 10:4 Bikasi a no kan de dati da broedoe foe man kaw nanga krabita sa poeroe sondoe. Na ini dem tem foe da Njoen Testamenti, da Skapoeman ben dede gi dem skapoe. Jn. 10:11 Mi de da boen skapoeman; da boen skapoeman gi hem libi abra foe dem skapoe ede. BI Doctrine I Bijbel Les 4 Antwoorden 5/21/2019

Plaatsvervanger… Jezus tron sondoe so dati wi kan tron regtvaardiki soema II Kor. 5:21 Bikasi A ben meki Hem tron sondoe foe wi ede, Hem disi noiti ben sabi sondoe kwet'kweti; so dati A sa meki wi tron da gerechtigheid foe Gado na ini Hem. BI Doctrine I Bijbel Les 4 Antwoorden 5/21/2019

Kom boen baka Kom boen baka: II Kor. 5:19 Dati wani taki: Gado ben de na ini Kristus, en A ben meki libisoema kom boen baka nanga Hemsrefi, en A no ben poti dem sondoe na dem srefi tapoe; en A ben gi wi da woortoe foe meki soema kom boen baka nanga Hem. BI Doctrine I Bijbel Les 4 Antwoorden 5/21/2019

Kom boen baka Na ini da Owroe Testamenti da Hebreewse woortoe kaphar wani taki foe tapoe wan sani, en wi feni hem 83 leisi na ini da Owroe Testamenti. Da woortoe vertaal “propitiation” 76 leisi, en kom boen baka 7 leisi. Na ini da Njoen Testamenti, da woortoe allasso wani taki foe kenki foe wan feanti tron wan mati. BI Doctrine I Bijbel Les 4 Antwoorden 5/21/2019

Kom boen baka Ef. 2:16 En so dati A man meki ala toe kom boen nanga Gado na ini wan skin doro da kruisi, di A ben kiri da hatibron nanga dati. Kol. 1:20-22 20. A ben meki vrede doro da broedoe foe Hem kruisi, foe meki alasani kom boen baka nanga Hemsrefi; doro Hem, mi taki, alwasi dem ben de sani na grontapoe efoe na ini hemel. 21. En fosi oen ben de farawe en feanti na ini oen prakseri nanga takroedoe; tokoe now A ben meki oen kom boen baka 22. Na ini Hem skin disi ben dede, foe meki oen kom santa en sondro foutoe efoe flaka na Hem fesi; BI Doctrine I Bijbel Les 4 Antwoorden 5/21/2019

Kom boen baka Mt. 5:24 Libi joe ofrandi drape na fesi foe da altari, teki joe pasi en go meki joe srefi boen baka nanga joe brada fosi, en dan kom baka foe meki joe ofrandi. Rom. 5:10-11 10. Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. 11. En a no de disi wawan, ma wi prisiri toe na ini Gado doro wi Masra Jezus Kristus; di doro Hem wi ben kisi da fasi foe kom boen baka nanga Gado. BI Doctrine I Bijbel Les 4 Antwoorden 5/21/2019

Kom boen baka Rom. 11:15 Bikasi efoe da trowe foe dem ben meki grontapoe kom boen baka, san sa de da teki-baka foe dem, boiti libi komopo foe dede? I Kor. 7:11 Ma efoe a gowe libi hem, dan meki hem tan sondro foe trow agen, efoe foe kom boen baka nanga hem masra; en no meki da masra poti hem wefi na doro. BI Doctrine I Bijbel Les 4 Antwoorden 5/21/2019

San kom boen baka wani taki? Fosi wan feanti-fasi ben de .Now da soema (efoe dem soema) disi ben abi hatibron loekoe na wan tra fasi BI Doctrine I Bijbel Les 4 Antwoorden 5/21/2019

Fosi Gado… Gado ben meki Hemsrefi kom boen baka nanga grontapoe doro Kristus Jezus: II Kor. 5:18-19 18. En alasani de foe Gado, disi ben meki wi kom boen baka nanga Hemsrefi doro Jezus Kristus, en A ben gi wi da wroko foe meki soema kom boen baka nanga Hem; 19. Dati wani taki: Gado ben de na ini Kristus, en A ben meki libisoema kom boen baka nanga Hemsrefi, en A no ben poti dem sondoe na dem srefi tapoe; en A ben gi wi da woortoe foe meki soema kom boen baka nanga Hem. BI Doctrine I Bijbel Les 4 Antwoorden 5/21/2019

Now libisoema… Now libisoema moesoe kom boen baka nanga Gado doro Kristus: II Kor. 5:20 Now dan, wi de boskopoeman foe Kristus, so leki Gado ben begi oen doro wi; na presi foe Kristus, wi begi oen: kom boen baka nanga Gado. BI Doctrine I Bijbel Les 4 Antwoorden 5/21/2019

Kom boen baka Na ini Eden, libisoema nanga Gado ben de boen mati fesi na fesi .Baka da fosi sondoe, Gado nanga libisoema ben drai lontoe fesi da tra richting .Na Kalvarie, Gado ben drai kom baka na libisoema doro Kristus .Di libisoema drai dem libi, dan libisoema drai hem fesi na da sei foe Gado BI Doctrine I Bijbel Les 4 Antwoorden 5/21/2019

Verzoen ofrandi San da verzoen-ofrandi (propitiation) wani taki: Da Grieki woortoe hilasmos wani taki: foe meki dati sari gi wan soema, foe meki hem firi tevrede I Jn. 2:2 En A de da verzoen-ofrandi foe dem sondoe foe wi, en no foe wi sondoe nomo, ma foe dem sondoe foe heri grontapoe toe. I Jn. 4:10 Disi de lobi: no dati wi ben lobi Gado, ma dati A ben lobi wi, en A ben seni Hem Manpikin leki wan verzoen-ofrandi foe wi sondoe ede. BI Doctrine I Bijbel Les 4 Antwoorden 5/21/2019

Verzoen ofrandi – propitiatie – hem wroko Fa Gado kan meki Hem santa-fasi nanga Hem gerechtigheid klop nanga Hem sari-hati nanga Hem gnade? Gado ben wroko na wan fasi door Kristus disi dem ben meki wan verzoen-ofrandi (Rom. 3:25) Disi de fa da profeti-taki foe Ps. 85:11 ben kom troe: Sari-hati nanga waarheid ben miti makandra; gerechtigheid nanga vrede ben bosi makandra BI Doctrine I Bijbel Les 4 Antwoorden 5/21/2019

Verzoen-ofrandi Rom. 3:24-25 24. Dem kom regtvaardiki na wan fri fasi doro Hem gnade, di Kristus Jezus ben bai wi baka. 25. Gado ben seti Hem na fesi leki wan verzoen-ofrandi doro bribi na ini Hem broedoe, foe sori Hem gerechtigheid foe gi pardon foe dem sondoe disi wi ben doe kaba, nanga da pasensi foe Gado; 26 Mi taki, foe sori Hem gerechtigheid na da tem disi; dati A de regtvaardiki, en A de da Soema disi kan meki hem disi de bribi na ini Jezus kom regtvaardiki toe. Ef. 2:13 Ma now na ini Kristus Jezus, oenoe disi ben de farawe fosi A ben meki kom krosibei doro da broedoe foe Kristus. BI Doctrine I Bijbel Les 4 Antwoorden 5/21/2019

Verzoen de fanowdoe bikasi Gado hati bron tapoe sondoe Jn. 3:36 Da soema disi bribi na da Pikin abi libi foe teego; en da soema disi no de bribi na da Pikin no sa si libi, ma da hatibron foe Gado de tan na hem tapoe. Rom. 1:18 Bikasi da hatibron foe Gado ben sori hemsrefi komopo foe hemel agensi ala sortoe sani di no abi Gado-fasi efoe regtvaardiki-fasi foe libisoema, disi de hori da waarheid sondro regtvaardiki-fasi. BI Doctrine I Bijbel Les 4 Antwoorden 5/21/2019

Verzoen nanga Gado Ef.5:6 No gi wan soema pasi foe kori oen nanga soso tak'taki; bikasi foe dem sani disi, da hatibron foe Gado de fadon na tapoe dem tranga-jesi pikin. Kol. 3:6 Bikasi foe dem sani disi ede, da hatibron foe Gado ben fadon na tapoe dem pikin disi no gi jesi. BI Doctrine I Bijbel Les 4 Antwoorden 5/21/2019

Verzoen nanga Gado Open. 6:16 En dem ben krei na dem bergi nanga dem ston taki: Fadon na wi tapoe, en kibri wi foe da fesi foe Hem disi sidon na da kownoe-stoeroe, en foe da faja-hatibron foe da Lam; Open. 11:18 En dem natie ben kisi hatibron, en Joe hatibron doro kaba, nanga da tem dati dem dedesoema sa kisi kroetoe, en foe Joe sa gi da paiman na Joe dinari dem profeti nanga dem santawan nanga dem soema disi de frede Joe nem, pikinwan nanga bigiwan, en Joe sa figi dem soema disi pori grontapoe poeroe. BI Doctrine I Bijbel Les 4 Antwoorden 5/21/2019

Verzoen agensi hatibron foe Gado Open. 14: 10 Da srefi soema dati sa dringi foe da wini foe da hatibron foe Gado, disi A kanti sondro foe moksi hem nanga watra na ini da kan foe Hem hatibron; en a sa kisi pina nanga faja nanga swarfoe na fesi foe dem santa engel en na fesi foe da Lam; Open. 19:15 En wan srapoe howroe komopo foe Hem mofo, en nanga dati A sa naki dem natie; en A sa basi dem nanga wan isri tiki; en A trapoe da druivi-baki foe da faja hatibron foe Almakti Gado. BI Doctrine I Bijbel Les 4 Antwoorden 5/21/2019

Pe wi verzoen? Na ini da Owroe Testamenti a ben de wan presi foe wan pisi tem nomo, da verzoen-tapoen l na ini da tabernakel: Ex. 25:22 En Mi sa miti nanga joe drape, en Mi sa taki nanga joe na tapoe da verzoen tapoen na mindri foe dem toe cherub disi de na tapoe da ark foe getuigi; Mi sa taki ala dem wet disi Mi sa gi joe foe dem pikin foe Israel. BI Doctrine I Bijbel Les 4 Antwoorden 5/21/2019

Pe wi verzoen? Heb. 9:5-7 5. En na hem tapoe, dem cherub foe glori disi ben meki wan kowroepe na da tapoen foe sari-hati; ma wi no man taki moro fara abra dem sani disi now. 6. Now di dem ben seti dem sani disi so wan fasi, alatem dem priester ben go na ini da fosi tabernakel foe doe da wroko foe Gado. 7. Ma da hogepriester wawan ben go na ini di foe toe tabernakel wan leisi na ini wan jari nomo, en noiti a ben go na ini sondro a tjari broedoe go, disi a ben meki leki wan ofrandi gi hemsrefi nanga dem sondoe foe da pipel. BI Doctrine I Bijbel Les 4 Antwoorden 5/21/2019

Pe wi verzoen – N.T. - kalvarie Rom. 5:10 Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. Kol. 1:20 A ben meki vrede doro da broedoe foe Hem kruisi, foe meki alasani kom boen baka nanga Hemsrefi; doro Hem, mi taki, alwasi dem ben de sani na grontapoe efoe na ini hemel. BI Doctrine I Bijbel Les 4 Antwoorden 5/21/2019

Dem resultaat foe da verzoen-ofrandi: .Gado de regtvaardiki foe gi pardon foe sondoe .Gado de regtvaardiki foe gi wi gerechtigheid Rom. 3:25-26 25. Gado ben seti Hem na fesi leki wan verzoen-ofrandi doro bribi na ini Hem broedoe, foe sori Hem gerechtigheid foe gi pardon foe dem sondoe disi wi ben doe kaba, nanga da pasensi foe Gado; 26. Mi taki, foe sori Hem gerechtigheid na da tem disi; dati A de regtvaardiki, en A de da Soema disi kan meki hem disi de bribi na ini Jezus kom regtvaardiki toe. BI Doctrine I Bijbel Les 4 Antwoorden 5/21/2019

Pardon (vergiffenis)- seni baka, poti baka .Poti baka, prati: Mt. 1:19 Dan hem masra Jozef, disi ben de wan regtvaardiki man, no ben wani foe strafoe hem publiki, en so a ben prakseri foe prati nanga hem safri. Mt. 5:31 Dem soema taki toe taki: Da soema disi prati foe hem wefi moesoe gi hem wan prati-brifi; Heb. 9:26 Bikasi dan a ben moesoe pina foeroe leisi sinsi da bigin foe grontapoe; ma now wan leisi na da kaba foe dem tem, A ben sori Hemsrefi foe poti sondoe na wan sei nanga da ofrandi foe Hemsrefi. BI Doctrine I Bijbel Les 4 Antwoorden 5/21/2019

Gi pardon Lk. 6:37 No kroetoe trawan, en oen no sa kom na kroetoe; no vonisi dem, en dem no sa vonisi oen; gi pardon, en oen sa kisi pardon. Ef.4:32 En abi boen-hati wan gi trawan, nanga safri-hati, en gi trawan pardon toe so leki Gado ben gi oen pardon foe Kristus ede. Kol. 2:13 En di oen ben dede na ini oen sondoe, en sondro besnijde foe oen skin, A ben meki oen kisi libi makandra nanga Hem, di A ben gi oen pardon foe ala oen sondoe. BI Doctrine I Bijbel Les 4 Antwoorden 5/21/2019

Voorbeeld OT – Yom Kippur Lev. 16:21-22 21. En Aaron sa poti hem toe anoe na tapoe da hede foe da libi krabita; en a sa bekenti ala dem sondoe foe dem Israeliet soema, nanga ala dem takroedoe na ini ala dem sondoe, en a sa poti dem na tapoe da hede foe da krabita, en dem sa tjari hem gowe na da anoe foe wan boen man, foe go na ini da woestijn. 22. En da krabita sa tjari ala dem sondoe na hem tapoe go na wan kondre pe libisoema no de; en a sa loesoe da krabita na ini da woestijn. BI Doctrine I Bijbel Les 4 Antwoorden 5/21/2019

Pardon – N.T. Heb. 13:12-13 12. Foe dat'ede Jezus ben pina na dorosei foe da portoe toe so dati A kan meki da pipel kom santa nanga Hem egi broedoe. 13. Foe dat'ede meki wi go na Hem na dorosei foe da kampoe, en tjari Hem sjem. BI Doctrine I Bijbel Les 4 Antwoorden 5/21/2019

Gado ben hori pasensi Rom. 3:25 Gado ben seti Hem na fesi leki wan verzoen-ofrandi doro bribi na ini Hem broedoe, foe sori Hem gerechtigheid foe gi pardon foe dem sondoe disi wi ben doe kaba, nanga da pasensi foe Gado; BI Doctrine I Bijbel Les 4 Antwoorden 5/21/2019

Pardon Da woortoe pasensi wani taki foe hori wan sani baka, na ini da situatie disi, da hatibron foe Gado tapoe dem sondoe dati: Tori 14:16 Na ini dem dei na wi baka, A ben gi pasi na ala folkoe foe waka na ini dem egi pasi. Tori 17:30 Na da tem disi wi no ben sabi, Gado no ben loekoe fin'fini na dati, ma now A komanderi ala soema na ibri presi foe drai dem libi; BI Doctrine I Bijbel Les 4 Antwoorden 5/21/2019

Foe bai baka (redemption) Lk. 1:68 Blesi foe Masra Gado foe Israel, bikasi A ben kom loekoe Hem pipel en A ben bai dem baka. Gal. 3:13 Kristus ben bai wi fri foe da floekoe foe da wet, di A ben tron wan floekoe gi wi; bikasi a de skrifi taki: Floekoe de na tapoe ibri soema disi hanga foe wan bon; Open. 5:9 En dem ben singi wan njoen singi, taki: Joe de waarti foe teki da boekoe, en loesoe dem stampoe foe hem; bikasi dem ben kiri Joe, en Joe ben bai wi baka gi Gado nanga Joe broedoe, komopo foe ibri famiri nanga tongo nanga pipel nanga natie; BI Doctrine I Bijbel Les 4 Antwoorden 5/21/2019

Bai baka… Foe pai da paiman foe bai wan sani baka: Heb. 9:12 En A ben go na ini da santa presi wan leisi nomo, no doro da broedoe foe krabita nanga pikin kaw, ma doro Hem egi broedoe, en A ben bai wi baka foe teego. Foe poeroe wi foe da slafoe seri-presi: Gal. 3:13 Kristus ben bai wi fri foe da floekoe foe da wet, di A ben tron wan floekoe gi wi; bikasi a de skrifi taki: Floekoe de na tapoe ibri soema disi hanga foe wan bon; BI Doctrine I Bijbel Les 4 Antwoorden 5/21/2019

Bai baka – foe meki wan totaal verloesoe Rom. 3:24 Dem kom regtvaardiki na wan fri fasi doro Hem gnade, di Kristus Jezus ben bai wi baka. Rom. 8:22-23 22. Bikasi wi sabi dati ala sani disi Gado ben meki de djeme en pina te leki now. 23. En no dem wawan, ma wisrefi toe, disi abi dem fosi-froktoe foe da Jeje; wi djeme na ini wisrefi toe, en wi wakti te leki A sa teki wi leki Hem pikin, dati wani taki, foe bai wi skin baka. BI Doctrine I Bijbel Les 4 Antwoorden 5/21/2019

Bai baka – totaal verloesoe Efesi 1:7, 14 A ben bai wi baka nanga Hem broedoe; en wi abi pardon foe wi sondoe so leki dem goedoe foe Hem gnade de, 14. Disi de da panti foe wi erfenis te leki A sa bai baka san A ben bai gi Hemsrefi, foe da prijse foe Hem glori. Efesi 4:30 En no meki sari kisi da Santa Jeje foe Gado, disi de da marki disi ben stampoe oen te leki da dei Gado sa bai oen baka. Kol. 1:14 A ben bai wi baka nanga Hem broedoe, foe gi pardon na wi sondoe. BI Doctrine I Bijbel Les 4 Antwoorden 5/21/2019

Bai baka – wan goel A moesoe de wan krosibei famiri: Lev. 25:48-49 48: Baka da tem hem ben seri, joe kan bai hem baka; wan foe hem famiri kan bai hem baka; 49. Efoe hem omoe, efoe hem omoe manpikin kan bai hem baka, efoe iniwan krosibei famiri foe hem famiri kan bai hem baka; efoe a man, a kan bai hemsrefi baka. BI Doctrine I Bijbel Les 4 Antwoorden 5/21/2019

Bai baka – goel Voorbeeld: Boaz & Ruth Ruth 3:12-13 12. En now a de troe dati mi de joe krosibei famiri; ma tokoe wan famiriman de moro krosibei leki mi de. 13. Wakti dineti, en a sa de so na mamanten efoe a sa doe nanga joe da wroko foe wan famiriman, a boen; meki hem doe da famiriman wroko; ma efoe a no sa doe da wroko foe wan famiriman nanga joe, dan mi sa doe da wroko foe wan famiriman nanga joe, so leki MASRA de libi; didon te leki mamanten. BI Doctrine I Bijbel Les 4 Antwoorden 5/21/2019

Bai baka – goel A moesoe abi krakti foe bai baka: Jer. 50:34 Da Verloesoeman foe dem de tranga; MASRA foe dem legre na Hem nem; A sa koti dem kroetoe fin'fini, so dati A sa gi da kondre bro, en A sa meki dem soema disi libi na ini Babel broko dem hede. .A moesoe wani verloesoe BI Doctrine I Bijbel Les 4 Antwoorden 5/21/2019

Wi goel = Jezus Kristus A ben tron wan famiriman foe wi: Heb. 2:14-16 14. Foe dat'ede, sinsi dem pikin abi skin nanga broedoe, Hemsrefi ben teki da srefi fasi toe, so dati doro da dede A ben sa figi hem disi ben abi da krakti foe dede poeroe, dati wani taki, didibri; 15. En foe verloesoe dem soema disi ben de na ini katibo dem heri libi langa bikasi foe da frede foe dede. 16. Bikasi foe troe, A no ben teki da fasi foe dem engel, ma A ben teki da fasi foe da bakatem pikin foe Abraham na Hem tapoe. Heb. 4:15 Bikasi wi no abi wan hogepriester disi no kan firi wi swaki-fasi, ma A ben kisi tesi na ala fasi so leki wi kisi tesi, ma tokoe noiti A ben doe sondoe. BI Doctrine I Bijbel Les 4 Antwoorden 5/21/2019

Wi goel = Jezus Kristus A ben abi krakti foe bai wi baka: Jn. 10:11, 18 11. Mi de da boen skapoeman; da boen skapoeman gi hem libi abra foe dem skapoe ede. 18. No wan libisoema kan poeroe hem komopo foe Mi, ma Mi gi hem abra Misrefi. Mi abi krakti foe gi hem abra, en Mi abi krakti foe teki hem baka. Mi ben kisi da komanderi disi foe Mi Tata. BI Doctrine I Bijbel Les 4 Antwoorden 5/21/2019

Wi goel – Jezus Kristus A ben wani bai wi baka: Heb. 10:4-10 4. Bikasi a no kan de dati da broedoe foe man kaw nanga krabita sa poeroe sondoe. 5. Foe dat'ede, di A ben kom na ini grontapoe, A ben taki: Ofrandi nanga bron-ofrandi Joe no ben wani, ma Joe ben meki wan skin klari gi Mi. 6. Joe no prisiri na ini bron-ofrandi nanga ofrandi foe sondoe. 7. Dan Mi ben taki: Loekoe, Mi kom (na ini da boekoe a de skrifi abra Mi taki) foe doe Joe wani, O Gado. BI Doctrine I Bijbel Les 4 Antwoorden 5/21/2019

Wi goel… 8. Moro hei di A ben taki: Joe no wani ofrandi nanga bron-ofrandi nanga ofrandi foe sondoe, en Joe no ben prisiri na ini dem, disi dem ben meki foe da wet; 9. Dan A ben taki: Loekoe, Mi kom foe doe Joe wani, O Gado. A poeroe da fosi sani, so dati A kan meki di foe toe kom faste. 10. Doro da wani disi, wi kom santa kaba doro da wan ofrandi foe da skin foe Jezus Kristus wan leisi nomo. BI Doctrine I Bijbel Les 4 Antwoorden 5/21/2019

Wi goel – Jezus Kristus Da kostoe foe bai wi baka: I Petrus 1:18-19 18. Bikasi oen sabi dati A no ben bai oen baka nanga sani disi kan pori leki sorfoe nanga gowtoe foe oen soso waka di oen ben hori oen gransoema gwenti; 19. Ma (A ben bai oen) nanga da diri broedoe foe Kristus, leki wan lam disi no ben abi no wan foutoe efoe flaka; BI Doctrine I Bijbel Les 4 Antwoorden 5/21/2019

Njoen geboorte Njoen-geboorte: Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, BI Doctrine I Bijbel Les 4 Antwoorden 5/21/2019

Njoen geboorte – njoen natuur San da njoen-geboorte wani taki? Disi de da fasi disi Gado gi ete wan geboorte foe gi da sondoe soema wan njoen natuur: Jn. 3:3 Jezus ben piki hem taki: Troe, troe, Mi taki gi joe taki: Efoe wan soema no kom njoen gebore, a no kan si da kownoekondre foe Gado. BI Doctrine I Bijbel Les 4 Antwoorden 5/21/2019

Njoen geboorte Jn. 1:12-13 12. Ma ala dem disi ben teki Hem, na dem A ben gi krakti foe tron pikin foe Gado, dem disi de bribi na Hem nem; 13. Dem disi ben kom gebore, no foe broedoe, efoe da wani foe da skin, efoe da wani foe libisoema, ma foe Gado. I Jn. 5:1 Ibri soema disi bribi dati Jezus de da Kristus de gebore foe Gado, en ibri soema disi lobi Hem disi ben meki wi lobi dem soema toe disi A ben meki kaba. BI Doctrine I Bijbel Les 4 Antwoorden 5/21/2019

Wi abi disi fanowdoe Foe san’ede wi moesoe abi wan njoen geboorte? Bikasi da natuur foe wan libisoema pori kaba: Jer. 13:23 Wan Ethiopier soema kan kenki hem skin, efoe wan tigri kan kenki hem flaka? Dan oen kan doe boen toe, oen disi de gwenti foe doe ogri. Rom. 3:10-18 10. So leki a de skrifi taki: No wan soema de regtvaardiki, no wan srefi. 11. No wan soema de disi abi froestan; no wan soema de disi de soekoe Gado. 12. Dem alamala ben komopo libi da pasi; dem alamala no de waarti noti; no wan soema de doe boen, no wan srefi. BI Doctrine I Bijbel Les 4 Antwoorden 5/21/2019

Wi owroe natuur pori 13. Dem ini-neki de wan opo grebi; dem taki kori-fasi nanga dem tongo; da wisi foe takroe sneki de na ondro dem mofo-boeba: 14. Dem mofo de foeroe nanga floekoe nanga bita-fasi: 15. Dem foetoe lon esi foe trowe broedoe; 16. Pori nanga pina de na tapoe dem pasi; 17. En dem no ben sabi da pasi foe vrede kwet'kweti; 18. No wan frede foe Gado de na fesi foe dem ai. BI Doctrine I Bijbel Les 4 Antwoorden 5/21/2019

Wi owroe natuur pori kaba Rom. 7:18 Bikasi mi sabi dati na mi ini (dati wani taki, na ini mi skin), no wan boen sani de libi; bikasi mi abi da wani na mi ini, ma mi mankeri da krakti foe doe san disi de boen. Rom. 8:7 Bikasi da skin-prakseri de wan feanti foe Gado; bikasi a no saka na ondro da wet foe Gado; en foe troe, a no man doe so. BI Doctrine I Bijbel Les 4 Antwoorden 5/21/2019

Wi owroe natuur pori kaba Gal. 5:19-21 19. Now dem wroko foe da skin sori demsrefi krin taki: soetadoe, hoeroedoe, fisti-fasi, takroe lostoe, 20. Afgodrei, tovroe-wroko, mandi, hori na hati, djaroesoe, faja-hati, stree, prati, falsi leri, 21. Bigi-ai, foe kiri soema, droengoe-fasi, foe njan en dringi pasa marki, en dem sortoe sani disi; mi taigi oen now so leki mi ben taigi oen na dem dei na wi baka dati da soema disi abi da gwenti foe doe dem sortoe sani disi no sa kisi wan erfenis foe da kownoekondre foe Gado. BI Doctrine I Bijbel Les 4 Antwoorden 5/21/2019

Wi owroe natuur pori kaba Nanga dem natuur, ala libisoema dede kaba gi Gado: Ef. 2:1 En A ben meki oen kisi libi, oen disi ben dede na ini oen takroedoe nanga sondoe. .Nanga dem natuur, ala libisoema de pikin foe da hatibron foe Gado: Ef. 2:3 Wi ben waka nanga dem toe na ini dem dei foe da lostoe foe wi skin, foe doe dem wani foe da skin nanga da prakseri, en wi ben gebore pikin foe hatibron so leki dem trawan. BI Doctrine I Bijbel Les 4 Antwoorden 5/21/2019

Wi owroe natuur pori kaba Nanga dem natuur, ala libisoema de dem pikin foe tranga jesi: Ef. 2:2 Na ini dem dei na wi baka, oen ben waka na da pasi foe grontapoe, na da fasi foe da fesiman foe da makti na ini da loktoe, da jeje disi wroko now na ini dem pikin foe tranga-jesi. BI Doctrine I Bijbel Les 4 Antwoorden 5/21/2019

Wi owroe natuur pori kaba Nanga dem natuur, ala libisoema abi da floekoe foe da sondoe natuur foe Adam: Rom. 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe.; I Kor. 15:47 Da fosi mansoema de foe grontapoe, grontapoe-fasi; da di foe toe mansoema de da Masra disi komopo foe hemel. BI Doctrine I Bijbel Les 4 Antwoorden 5/21/2019

Da njoen-geboorte persoonlijk Persoon: Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, BI Doctrine I Bijbel Les 4 Antwoorden 5/21/2019

Da Njoen-geboorte na ini da natuur Universal - disi wani taki foe da natuur srefi. Disi sa pasa na ini da millenium: Mt. 19:28 En Jezus ben taki gi dem taki: Troe troe Mi taki gi oen taki: Oen disi ben waka na Mi baka, na da tem foe da njoen geboorte te Soemapikin sa sidon na Hem troon nanga bigi glori, oen sa sidon na twalfoe troon toe, en kroetoe dem twalfoe famiri foe Israël. BI Doctrine I Bijbel Les 4 Antwoorden 5/21/2019

Da natuur kenki Rom. 8:19-23 19. Bikasi da tranga wani foe dem sani disi Gado ben meki de wakti dem pikin foe Gado foe sori demsrefi. 20. Bikasi dem sani disi Gado ben meki tron soso sani, no nanga dem egi wani, ma bikasi foe da wani foe Hem disi ben meki dem saka na Hem ondro na ini hopoe. 21. Bikasi san Gado ben meki srefi sa kom verloesoe foe da katibo foe pori-fasi toe, en kom na da glori fri foe dem pikin foe Gado. 22. Bikasi wi sabi dati ala sani disi Gado ben meki de djeme en pina te leki now. 23. En no dem wawan, ma wisrefi toe, disi abi dem fosi-froktoe foe da Jeje; wi djeme na ini wisrefi toe, en wi wakti te leki A sa teki wi leki Hem pikin, dati wani taki, foe bai wi skin baka. BI Doctrine I Bijbel Les 4 Antwoorden 5/21/2019

Fa foe kom njoen gebore? Da woortoe foe Gado: Jn. 3:5 Jezus ben piki taki: Troe, troe, Mi taki gi joe taki: Efoe wan soema no gebore foe watra nanga da Jeje, a no kan go na ini da kownoekondre foe Gado. Ef. 5:26 So dati A kan meki hem kom santa, en A kan krini hem nanga da wasi foe watra doro da woortoe; BI Doctrine I Bijbel Les 4 Antwoorden 5/21/2019

Da njoen geboorte – da woortoe foe Gado Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, Jak. 1:18 A ben meki wi nanga Hem egi wani nanga da woortoe foe waarheid, so dati wi sa de wan sortoe fosi-froktoe foe dem sani disi A ben meki. I Pet. 1:23 Leki soema disi de gebore njoen baka, no doro siri disi kan pori, ma doro siri disi noiti kan pori, doro da woortoe foe Gado, disi de libi en tan foe teego. BI Doctrine I Bijbel Les 4 Antwoorden 5/21/2019

Da njoen geboorte Da man foe Gado: Rom. 10:13-15 13. Bikasi ibri soema disi sa kari da nem foe Masra sa feni verloesoe. 14. Ma fa dem sa kari na Hem dan efoe dem no ben bribi na Hem tapoe? En fa dem sa bribi na Hem tapoe efoe dem no ben jere abra Hem? En fa dem sa jere sondro foe wan preikiman? 15. En fa dem sa preiki, efoe wan soema no seni dem go? So leki a de skrifi kaba taki: Fa dem foetoe de moi foe dem soema disi de preiki da boen njoensoe foe vrede en disi tjari da prisiri boskopoe foe boen sani kom! I Kor. 4:15 Bikasi alwasi oen abi tien doesoen leriman na ini Kristus, tokoe oen no abi foeroe tata; bikasi doro da boen njoensoe mi ben meki oen na ini Kristus. BI Doctrine I Bijbel Les 4 Antwoorden 5/21/2019

Da njoen geboorte – da man foe Gado II Kor. 5:18-20 18. En alasani de foe Gado, disi ben meki wi kom boen baka nanga Hemsrefi doro Jezus Kristus, en A ben gi wi da wroko foe meki soema kom boen baka nanga Hem; 19. Dati wani taki: Gado ben de na ini Kristus, en A ben meki libisoema kom boen baka nanga Hemsrefi, en A no ben poti dem sondoe na dem srefi tapoe; en A ben gi wi da woortoe foe meki soema kom boen baka nanga Hem. 20. Now dan, wi de boskopoeman foe Kristus, so leki Gado ben begi oen doro wi; na presi foe Kristus, wi begi oen: kom boen baka nanga Gado. BI Doctrine I Bijbel Les 4 Antwoorden 5/21/2019

Da njoen geboorte – da man foe Gado Gal. 4:19 Mi pikinnengre, oen disi mi wroko foe gebore oen agen te leki Kristus ben sa sori Hemsrefi na oen ini, Fil. 1:10 Dati oen sa koti wan boen kroetoe gi ala boen sani, en dati oen sa de troe en sondro foutoe te leki da dei foe Kristus; BI Doctrine I Bijbel Les 4 Antwoorden 5/21/2019

Da njoen geboorte – Santa Jeje Jn. 3:5-6 5. Jezus ben piki taki: Troe, troe, Mi taki gi joe taki: Efoe wan soema no gebore foe watra nanga da Jeje, a no kan go na ini da kownoekondre foe Gado. 6. Da sani disi gebore foe skin de skin, en da sani disi gebore foe Jeje de jeje. I Kor. 2:14 Ma da soema sondro da Jeje no kan kisi dem sani foe da Jeje foe Gado, bikasi dem de dom sani gi hem, en a no man sabi dem, bikasi joe moesoe sabi dem sani nanga da Jeje BI Doctrine I Bijbel Les 4 Antwoorden 5/21/2019

Wantoe voorbeeld foe drai libi Manasse, da moro ogri kownoe foe Juda, disi ben doe foeroe ogri, en kiri omeni soema, en doe omeni afgodrei. Ma di da kownoe foe Assyrie ben tjari hem gowe, a ben drai hem libi, a ben kom njoen gebore, en di Gado ben gi hem pardon, a ben doe hem beste foe seti sani boen baka Saulus, disi ben verwoest da kerki, ben tron da moro tranga wrokoman foe Kristus Jezus di a ben drai hem libi BI Doctrine I Bijbel Les 4 Antwoorden 5/21/2019

Dem froktoe foe drai libi Da njoen-gebore soema lobi tra bribiwan: I Jn. 3:14 Wi sabi dati wi ben komopo foe dede foe go na libi, bikasi wi lobi dem brada. Da soema disi no lobi hem brada tan na ini dede. Da njoen-gebore soema lobi Jezus: I Jn. 5:1-2 1. Ibri soema disi bribi dati Jezus de da Kristus de gebore foe Gado, en ibri soema disi lobi Hem disi ben meki wi lobi dem soema toe disi A ben meki kaba. 2. Nanga disi wi sabi dati wi lobi dem pikin foe Gado: te wi lobi Gado, en wi hori dem komanderi foe Hem. BI Doctrine I Bijbel Les 4 Antwoorden 5/21/2019

Da froktoe foe drai libi Now a lobi wan libi disi de aparti foe grontapoe: I Jn. 2:15-16 15. No lobi grontapoe, efoe dem sani disi de na grontapoe. Efoe iniwan soema lobi grontapoe, dan da lobi foe da Tata no de na hem ini. 16. Bikasi alasani disi de na grontapoe, da lostoe foe da skin, da lostoe foe da ai, nanga da prodo-fasi foe libi, no de foe da Tata, ma a de foe grontapoe. BI Doctrine I Bijbel Les 4 Antwoorden 5/21/2019

Da froktoe foe drai libi A lobi da woortoe foe Gado: Ps. 119:24. Joe getuigi de mi prisiri toe, nanga dem raiman foe mi. 40. Loekoe, mi ben angri foe Joe leri; meki mi kisi libi na ini Joe gerechtigheid.47. En mi sa prisiri misrefi na ini Joe komanderi, disi mi ben lobi kaba. 48. Mi sa opo mi anoe toe na Joe komanderi, disi mi ben lobi, en mi sa prakseri abra Joe wet.72. Da wet foe Joe mofo de moro boen gi mi leki omeni doesoen gowtoe nanga. sorfoe BI Doctrine I Bijbel Les 4 Antwoorden 5/21/2019

Da froktoe foe drai libi Ps. 119:97. O fa mi lobi Joe wet! Mi prakseri hem da heri dei langa.103. Fa Joe woortoe de switi te mi tesi dem! Ja, dem de moro switi na mi mofo leki honi. 111. Mi ben teki Joe getuigi leki wan erfenis foe teego; bikasi dem de da prisiri foe mi hati.113. Mi no lobi soso prakseri; ma mi lobi Joe wet. 127. Foe dat'ede mi lobi Joe komanderi moro leki gowtoe; ja, moro leki fini gowtoe. 129. Joe getuigi de verwondroe; foe dat'ede mi sieli de hori dem. BI Doctrine I Bijbel Les 4 Antwoorden 5/21/2019

Da froktoe foe drai libi Ps. 119:140. Joe woortoe de toemoesi krin; foe dat'ede Joe dinari de lobi hem. 143. Trobi nanga djeme ben graboe mi; tokoe Joe komanderi de mi prisiri. 159. Prakseri fa mi lobi Joe leri; gi mi libi, O MASRA, so leki Joe abi lobi-fasi. 162. Mi prisiri nanga Joe woortoe leki wan soema disi feni bigi goedoe. 165. Dem soema disi de lobi Joe wet abi bigi vrede; en noti sa meki dem naki foetoe fadon. 168. Mi ben hori Joe leri nanga Joe getuigi; bikasi ala mi pasi de na Joe fesi. BI Doctrine I Bijbel Les 4 Antwoorden 5/21/2019

Da froktoe foe drai libi Da bribiwan lobi da sieli foe libisoema now: Rom. 9:1-3 1. Mi taki da waarheid na ini Kristus, en mi no lei; en mi egi konsensi gi getuigi toe na ini da Santa Jeje; 2. Dati mi abi wan bigi hebi nanga wan sari alatem na ini mi hati. 3. Bikasi mi ben kan kari wan floekoe kom na mi tapoe disi kan prati mi foe Kristus foe mi brada ede; mi famiri na skin-fasi. Rom. 10:1 Mi brada, da wani foe mi hati, en da begi foe mi na Gado de dati Israël sa feni verloesoe. II Kor. 5:14 Bikasi da lobi foe Kristus de dwingi wi, BI Doctrine I Bijbel Les 4 Antwoorden 5/21/2019

Da froktoe foe drai libi .Da njoen-gebore soema lobi begi: Efesi 5:19-20 19. En taki nanga makandra na ini psalm nanga singi nanga jeje-singi; singi switi na ini oen hati na Masra. 20. Alatem oen moesoe gi grantangi foe alasani na Gado da Tata na ini da nem foe wi Masra Jezus Kristus. BI Doctrine I Bijbel Les 4 Antwoorden 5/21/2019