Njoen Testamenti III Les 01: I & II Petrus Bijbel Baptist Kerk Les Njoen Testamenti III Les 01: I & II Petrus Robert D. Patton Da Froktoe foe da Jeje: Lobi 5/3/2019

I Petrus Petrus ben skrifi hem, wi bribi, fosi Nero sroto hem – ongeveer 63 A.D. A ben skrifi II Petrus na ini da tem disi a de na ini doengroe-oso – en Nero ben dede na 68 A.D. (A ben vervolgoe bribiwan foe 64-68 A.D. Da nem foe Petrus kom moro na fesi leki iniwan tra apostel (210 leisi) vs. Paulus 162, nanga Johannes 142 BI NT III Les 01 - I Petrus 1-5 5/3/2019

I Petrus Belangrijk woortoe na ini da boekoe A taki abra pina 16 leisi Gnade A taki abra pina 16 leisi 6 leisi foe da pina foe Kristus 10 leisi foe da pina foe bribiwan BI NT III Les 01 - I Petrus 1-5 5/3/2019

Pe a ben skrifi da boekoe Som denki na Babylon Trawan taki – Rome, en dem ben taki Babylon leki wan agersi fasi foe kibri demsrefi na ini vervolgoe BI NT III Les 01 - I Petrus 1-5 5/3/2019

Da boekoe taki foeroe abra Jezus Kristus Dem bribiwan BI NT III Les 01 - I Petrus 1-5 5/3/2019

Odi I Pet. 1:1. Petrus, wan apostel foe Jezus Kristus, gi dem vreemde soema disi panja na ini Pontus, Galatië, Kappadocië, Asia, nanga Bitynië, Petrus skrifi gi dem vreemde soema – dem bribiwan disi panja na ala sortoe kondre BI NT III Les 01 - I Petrus 1-5 5/3/2019

Odi I Pet. 1:2. Dem soema disi Gado da Tata ben verkisi nanga Hem sabi fosi alasani ben de A sori dati Gado srefi ben verkisi dem fosi alasani ben de Gado verkisi wi, ma wi moesoe kom: Jn. 6:37 Ala soema disi da Tata gi Mi sa kom na Mi; en da soema disi de kom na Mi, Mi noiti sa jagi hem gowe. BI NT III Les 01 - I Petrus 1-5 5/3/2019

Soema meki wi kom santa? 1:2b dem disi da Santa Jeje ben meki kom santa A seti wi aparti gi Gado A gi wi konsensi fonfon A tiri wi na Jezus Kristus BI NT III Les 01 - I Petrus 1-5 5/3/2019

Foe san’ede broedoe trowe? 1:2c dem disi gi jesi en da broedoe foe Jezus Kristus ben trowe panja na dem tapoe Wi trowe broedoe foe Sori wan sani ben kom krin Da akkorderi na mindri foe bribiwan & Gado A seti wan presi aparti foe aanbegi Gado BI NT III Les 01 - I Petrus 1-5 5/3/2019

Gado blesi dem I Pet. 1:2d:Foeroe gnade nanga vrede moesoe de gi oen. Disi de dem srefi blesi disi Paulus ben begi gi da folkoe BI NT III Les 01 - I Petrus 1-5 5/3/2019

Da blesi foe Gado I Pet. 1:3. Blesi foe da Gado nanga da Tata foe wi Masra Jezus Kristus; nanga Hem bigi boen-hati, en nanga da opo baka foe da dede foe Jezus Kristus, A ben meki wi kisi libi baka nanga wan libi hopoe, 4. En foe kisi wan erfenis disi noiti kan pori efoe flaka efoe lasi hem moi fasi, disi de tan kibri na ini hemel gi oen. BI NT III Les 01 - I Petrus 1-5 5/3/2019

San Gado doe gi wi Wi kisi libi baka nanga wan libi hopoe Wi kisi wan erfenis disi noiti kan pori efoe lasi hem moi fasi Da erfenis de kibri gi wi na ini hemel BI NT III Les 01 - I Petrus 1-5 5/3/2019

Bribi kibri wi foe kisi verloesoe I Pet. 1:5. Da krakti foe Gado de kibri oen doro bribi, foe kisi verloesoe disi sa sori hemsrefi na da laasti tem. Da verloesoe disi sa sori hemsrefi na da laaste tem… BI NT III Les 01 - I Petrus 1-5 5/3/2019

Prisiri ondanks tesi I Pet. 1:6. Nanga dati oen abi bigi prisiri, alwasi now foe wan pisi tem oen kan de nanga hebi bikasi foe foeroe tesi. 7. Dem trobi tesi oen bribi, wan bribi disi de moro diri leki gowtoe disi sa pori gowe en disi faja sa tesi. Dem tesi sa tjari prisiri nanga bigi nem nanga glori te Jezus Kristus sa kom baka. Trobi tesi wi bribi en sori dati a de troe Trobi gi bigi nem nanga glori na Gado Da bribi da waarti moro leki fini gowtoe BI NT III Les 01 - I Petrus 1-5 5/3/2019

Wi bribi sondro foe si I Pet. 1:8. Oen no ben si Hem, ma tokoe oen lobi Hem, en alwasi oen no si Hem, tokoe oen de bribi en abi prisiri nanga wan glori nanga prisiri disi de bigi moro leki wi kan taki, 9. En oen sa kisi da kaba foe oen bribi, da verloesoe foe oen sieli. Da kaba foe bribi = verloesoe foe wi sieli BI NT III Les 01 - I Petrus 1-5 5/3/2019

Profeti ondrosoekoe verloesoe I Pet. 1:10. Dem profeti ben prakseri en ondrosoekoe so wan verloesoe fin'fini; dem soema disi ben taki profeti-taki foe da gnade disi sa kom na oen tapoe. 11. Dem ben doe wan dipi ondrosoekoe foe sabi fa en sortoe tem da Jeje foe Kristus disi ben de na dem ini ben sori dem na fesi foe da pina foe Kristus nanga Hem glori na bakatem. Dem profeti ben sabi dati Jezus sa pina, en dan A sa kisi glori BI NT III Les 01 - I Petrus 1-5 5/3/2019

Jezus taki da srefi tori Mt. 13:17. Bikasi troe troe Mi taki gi oen taki: Foeroe profeti nanga regtvaardiki soema ben angri foe si dem sani disi oen si, en noiti dem ben si dem; en foe jere dem sani disi oen ben jere, en noiti dem ben jere dem. BI NT III Les 01 - I Petrus 1-5 5/3/2019

Dem profeti skrifi sondro froestan gi demsrefi I Pet. 1:12. Dem ben kom froestan disi, no gi demsrefi, ma gi wi disi dem ben dini, di dem ben taki dem sani disi gi oen, di dem ben preiki da boen njoensoe gi oen doro da Santa Jeje disi A ben seni komopo foe hemel, dem sani disi dem engel srefi ben wani sabi. Dem profeti no ben froestan alasani, ma dem skrifi dem gi wi Wi preiki doro da Santa Jeje BI NT III Les 01 - I Petrus 1-5 5/3/2019

Wi moesoe de santa leki wi Tata I Pet. 1:14. Oen moesoe de leki pikin disi gi jesi, en no hori oen srefi na dem lostoe leki oen ben doe fosi, di oen no ben sabi moro boen. 15. Ma so leki da Soema disi kari oen de santa, so oen moesoe de santa toe na ini ala oen waka; 16. Bikasi a de skrifi kaba taki: Oen moesoe de santa bikasi Mi de santa. BI NT III Les 01 - I Petrus 1-5 5/3/2019

Wi moesoe de santa No hori joesrefi na dem owroetem lostoe De leki pikin disi gi jesi Wi moesoe de santa Da Santa Jeje libi na wi ini BI NT III Les 01 - I Petrus 1-5 5/3/2019

Frede Gado I Pet. 1:17. En efoe oen kari na oen Tata, da Soema disi no loekoe na soema persoon te A kroetoe ibri soema wroko, dan oen moesoe pasa oen tem dja na grontapoe nanga frede. Gado no loekoe na persoon A sa kroetoe joe wroko Wroko nanga frede & respeki gi Hem BI NT III Les 01 - I Petrus 1-5 5/3/2019

Jezus bai wi nanga Hem broedoe I Pet. 1:18. Bikasi oen sabi dati A no ben bai oen baka nanga sani disi kan pori leki sorfoe nanga gowtoe foe oen soso waka di oen ben hori oen gransoema gwenti; 19. Ma (A ben bai oen) nanga da diri broedoe foe Kristus, leki wan lam disi no ben abi no wan foutoe efoe flaka; Jezus bai wi fri foe wi gransoema gwenti A bai wi nanga Hem diri broedoe BI NT III Les 01 - I Petrus 1-5 5/3/2019

Gado ben sabi Jezus fosi grontapoe ben meki I Pet. 1:20. Hem disi Gado ben sabi fosi grontapoe ben meki, ma A ben kom sori Hemsrefi gi oen na dem laasti dei. 21. Doro Hem oen ben bribi na Gado, disi ben opo Hem baka foe dede, en A ben gi Hem glori so dati oen bribi nanga hopoe sa de na Gado. BI NT III Les 01 - I Petrus 1-5 5/3/2019

Wi bribi Gado doro Jezus A ben sori Hemsrefi na dem laasti dei Wi bribi tapoe Gado doro Hem Gado ben opo Hem baka Gado ben gi Hem glori Wi moesoe hopoe na Gado BI NT III Les 01 - I Petrus 1-5 5/3/2019

Gebore doro da woortoe I Pet. 1:22. Now oen ben meki oen sieli kom krin di oen ben gi jesi na da waarheid doro da Jeje te leki oen abi wan troe lobi foe dem brada; we dan, meki oen lobi makandra nanga wan tranga lobi nanga wan krin hati, 23. Leki soema disi de gebore njoen baka, no doro siri disi kan pori, ma doro siri disi noiti kan pori, doro da woortoe foe Gado, disi de libi en tan foe teego. BI NT III Les 01 - I Petrus 1-5 5/3/2019

Kom krin & lobi wisrefi Wi kom krin te wi gi jesi na da waarheid Wi wroko doro da Santa Jeje Lobi makandra Da woortoe foe Gado de libi Da woortoe foe Gado gi libi Da woortoe foe Gado tan foe teego BI NT III Les 01 - I Petrus 1-5 5/3/2019

Da woortoe foe Gado tan foe teego I Pet. 1:24. Bikasi ala skin de leki grasi, en da glori foe libisoema de leki wan sabana bromiki. Da grasi sa kom drei, en da bromiki sa fadon; 25. Ma da woortoe foe Masra de tan foe teego. En disi de da woortoe disi dem ben preiki gi oen doro da boen njoensoe. Da boen njoensoe komopo foe da libi woortoe foe da libilibi Gado BI NT III Les 01 - I Petrus 1-5 5/3/2019

Poeroe ala ogri fasi I Pet. 2:1. Foe dat'ede, poti ala takroe prakseri na wan sei, nanga kori-fasi, nanga falsi fasi, nanga djaroesoe, nanga ogri tak'taki, 2. En leki njoen gebore pikin, oen moesoe angri foe da krin merki foe da woortoe, foe oen kan gro nanga dati, 3. Efoe oen ben tesi en feni dati Masra abi sari-hati gi wi. BI NT III Les 01 - I Petrus 1-5 5/3/2019

Fa foe gro Leki wan pikinnengre Dringi foe da merki foe da woortoe foe Gado BI NT III Les 01 - I Petrus 1-5 5/3/2019

Jezus de da libilibi hoekoeston I Pet. 2:4. Kom na Hem leki wan libilibi ston, disi dem libisoema ben trowe, ma Gado ben verkisi leki da moro diri wan. 5. So srefi oen moesoe de leki libilibi ston disi de bouw wan jeje oso; oen de dem santa priester disi meki jeje-ofrandi disi de boen na ini da ai foe Gado doro Jezus Kristus. BI NT III Les 01 - I Petrus 1-5 5/3/2019

Bribiwan de Libi ston foe bouw wan jeje-oso Santa Priester disi meki jeje-ofrandi Dem ofrandi de boen gi Gado Dem kom doro Jezus Kristus BI NT III Les 01 - I Petrus 1-5 5/3/2019

Jezus da hoekoeston I Petrus 2:6. So leki a skrifi kaba taki: Loekoe, na ini Sion Mi seti wan bigi diri hoekoe-ston, wan disi ben verkisi kaba; da soema disi de bouw na hem tapoe no sa fadon na sjem. 7. A de diri foe troe gi oen bribisoema; ma gi dem soema disi no gi jesi, da ston disi dem bouw-meester ben trowe, dati ben tron da hoekoeston. 8. A de wan ston foe meki soema naki foetoe fadon en wan ston foe sjem gi dem soema disi de fadon na da woortoe disi dem no wani gi jesi; so wan presi dem ben kisi kaba. Efoe joe no teki da ston disi, joe sa kisi sjem BI NT III Les 01 - I Petrus 1-5 5/3/2019

Soema na wi? I Pet. 2:9. Ma oen de wan speri disi A ben verkisi, wan famiri foe dem kownoe-priester, wan santa folkoe, wan pipel disi seti aparti gi Gado, foe oen sa gi Hem bigi nem, Hem disi ben kari oen komopo foe doengroe, kom na ini Hem moi leti. 10. Fositem oen no ben de wan pipel, ma now oen tron da pipel foe Gado; fositem oen no ben kisi sari-hati, ma now oen kisi sari-hati. BI NT III Les 01 - I Petrus 1-5 5/3/2019

Soema na wi? Wan famiri foe kownoe-priester Wan santa folkoe Fosi no wan soema kan de kownoe & priester toe – boiti Jezus (voorbeeld Saul & Uzzia) Wan santa folkoe Wan pipel seti aparti foe gi Gado bigi nem Da pipel foe Gado disi kisi sari-hati BI NT III Les 01 - I Petrus 1-5 5/3/2019

Priester Fosi da hede foe da famiri ben de priester Di da folkoe no hori dem gebod, Gado ben seti da famiri foe Aaron leki priester, en dem Leviet soema leki jepiman Now ibri bribiwan de wan priester Disi de onvoorwaardelijk – joe no abi foe gebore na ini da famiri foe Aaron Leki priester, wi moesoe kom na fesi foe Gado nanga ofrandi – wisrefi… Wi kisi da wroko doro da njoen geboorte BI NT III Les 01 - I Petrus 1-5 5/3/2019

Sortoe ofrandi foe gi Joe egi libi skin Prijse na Gado San joe abi Begi gi trawan BI NT III Les 01 - I Petrus 1-5 5/3/2019

Hori joesrefi krin foe gi Gado glori I Petrus 2:11. Lobiwan, mi begi oen leki vreemde soema nanga wakaman, hori oensrefi aparti foe dem lostoe foe da skin-fasi disi de feti agensi da sieli; 12. Waka na wan krin fasi na mindri foe dem heiden soema so dati efoe dem kari oen soema disi doe takroedoe, dem sa si oen boen wroko, en dem sa gi Gado glori na da kriboi dei. BI NT III Les 01 - I Petrus 1-5 5/3/2019

Saka na ondro lanti I Pet. 2:13. Saka oensrefi na ondro ibri libisoema wet foe Masra ede; efoe a de da kownoe, leki da moro hei wan, 14. Efoe na dem fesiman, so leki dem soema disi Gado ben seni foe go strafoe dem soema disi doe ogri, en foe gi bigi nem na dem soema disi doe boen. 15. Bikasi disi de da wani foe Gado, foe nanga oen boen wroko, oen kan tapoe da tak'taki foe dem dom soema. BI NT III Les 01 - I Petrus 1-5 5/3/2019

Gi jesi na lanti Saka na ondro lanti wet Da kownoe Dem fesiman Nanga boen wroko, tapoe dem mofo foe dem dom soema BI NT III Les 01 - I Petrus 1-5 5/3/2019

No misbruik joe fri I Pet. 2:16. Oen de fri, ma oen no moesoe teki oen fri, meki dati kibri ogridoe, ma oen moesoe de leki dinari foe Gado. 17. Respeki ala soema. Lobi ala brada. Frede Gado. Respeki da kownoe. Joe de fri foe doe boen – no foe gi joesrefi prisiri Respeki & lobi ala soema; frede Gado BI NT III Les 01 - I Petrus 1-5 5/3/2019

Saka na joe masra ondro… I Pet. 2:18. Dinari, saka na oen masra ondro nanga ala frede; no gi dem boen wan nanga safri-hati wan nomo, ma gi dem ogri-hati wan toe. 19. Disi de waarti foe gi grantangi, efoe wan soema hori doro na ini pina foe abi wan boen konsensi na Gado, alwasi a no ben verdini hem pina. Pina foe wan boen konsensi nomo BI NT III Les 01 - I Petrus 1-5 5/3/2019

Pina foe boen, no foe ogri I Pet. 2:20. Bikasi fa oen kan verdini wan bigi nem efoe oen kisi strafoe foe oen ogridoe, en oen teki dati nanga pasensi? Ma efoe oen pina te oen doe boen, en tokoe oen teki dati nanga pasensi, dati de boen na ini da ai foe Gado. No pina bikasi joe ben doe ogri, ma bikasi joe ben doe boen Teki pina nanga pasensi BI NT III Les 01 - I Petrus 1-5 5/3/2019

Wi kari foe pina foe Hem ede I Pet.2:21. Bikasi so srefi Gado ben kari wi foe doe dati; bikasi Kristus ben pina foe wi ede toe, en A ben libi wan eksempre gi wi, foe oen sa waka na Hem baka; 22. Hem disi noiti ben doe sondoe, en noiti ben kori nanga Hem mofo; 23. Hem disi noiti ben kosi baka te wan soema ben kosi Hem; di A ben pina, A no ben dreigi dem, ma A ben gi Hemsrefi abra na da Soema disi koti kroetoe leti; BI NT III Les 01 - I Petrus 1-5 5/3/2019

Hem fonfon ben meki wi kom boen baka I Pet. 2:24. Hemsrefi ben tjari wi sondoe na ini Hem egi skin disi dem ben hanga tapoe da bon, so dati wi, disi ben dede gi sondoe moesoe libi gi gerechtigheid; doro Hem fonfon oen ben kom boen baka. 25. Bikasi oen ben de leki skapoe disi ben lasi pasi; ma now oen ben kom baka na da Skapoeman nanga da Dominee foe oen sieli. BI NT III Les 01 - I Petrus 1-5 5/3/2019

Kristus – wi eksempre Kristus ben pina foe wi ede, foe meki wi kom boen baka nanga Gado A no ben kosi, efoe taki baka di soema ben dreigi Hem, ma gi Hemsrefi abra na Gado Wi ben dede gi sondoe en libi gi gerechtigheid Kom baka na Jezus BI NT III Les 01 - I Petrus 1-5 5/3/2019

Wefi, saka na joe egi masra ondro I Petrus 3:1. So srefi, oen wefi, oen moesoe saka oensrefi na oen egi masra ondro, so dati efoe wan soema no gi jesi na da woortoe, tokoe sondro da woortoe oen kan wini dem nanga da waka foe dem wefi; 2. Te dem sa loekoe na fa oen waka boen en oen de frede Gado. Frow, wini joe man nanga joe libi, en no nanga joe taki. Sori saka-fasi BI NT III Les 01 - I Petrus 1-5 5/3/2019

Meki joe inisei moi… wan safri jeje I Pet. 3:3. No meki oensrefi moi na dorosei nomo; foe flekti oen wiwiri, foe weri gowtoe, en foe weri moi krosi, 4. Ma meki oensrefi moi nanga da inisei soema disi kibri na ini oen hati, en disi noiti kan pori, da moi foe wan safri en tiri jeje, disi de toemoesi diri na ini da ai foe Gado. BI NT III Les 01 - I Petrus 1-5 5/3/2019

Voorbeeld foe Sara I Pet. 3:5. Bikasi na so wan fasi dem owroetem santa oema srefi ben poti dem bribi na tapoe Gado, en dem ben meki demsrefi moi di dem ben saka na dem egi masra ondro. 6. So leki Sara ben gi jesi na Abraham, en a ben kari hem masra; en oen de hem oemapikin toe te oen doe boen, en oen no skreki nanga bigi frede. BI NT III Les 01 - I Petrus 1-5 5/3/2019

Mansoema nanga begi I Pet. 3:7. So srefi, oen masra, libi nanga oen wefi na wan koni fasi, en gi bigi nem na da wefi leki wan swaki fini vaas, bikasi ala toe foe oen de mede-erfgenaam foe da gnade foe libi, so dati noti kan tapoe oen begi. Hori rekening – da frow de da moro swaki wan Anders a kan tapoe joe begi BI NT III Les 01 - I Petrus 1-5 5/3/2019

Eenheid & brada lobi I Pet. 3:8. Te foe kaba, abi wan prakseri makandra, sori safri-hati wan na trawan, lobi dem brada, sori sari-hati nanga safri fasi. 9. No pai ogri foe ogri baka, efoe kosi foe kosi, ma blesi dem; sabi dati Gado ben kari oen foe kisi blesi leki wan erfenis. No pai ogri foe ogri baka Blesi dem soema disi kosi joe BI NT III Les 01 - I Petrus 1-5 5/3/2019

Joe lobi libi? Joe wani si boen dei? I Pet. 3:10. Bikasi da soema disi lobi libi, en disi wani si dem boen dei, meki hem hori hem tongo foe a no taki ogri, en hori hem mofo-boeba foe a no taki lei; 11. Meki hem no doe takroedoe, ma doe boen; meki hem soekoe vrede, en lon na hem baka. Hori tongo – no taki ogri efoe lei Soekoe vrede – lon na hem baka BI NT III Les 01 - I Petrus 1-5 5/3/2019

Gado arki da begi foe da regtvaardiki soema 12. Bikasi dem ai foe Masra de na tapoe dem regtvaardiki soema, en Hem jesi de opo foe jere dem begi; ma da fesi foe Masra de agensi dem soema disi doe ogri. Masra jere dem regtvaardiki soema, ma A de agensi soema disi doe ogri BI NT III Les 01 - I Petrus 1-5 5/3/2019

Pina foe boen ede I Pet. 3:13. En sortoe soema sa doe oen ogri, efoe oen waka na baka san disi de boen nomo? 14. Ma efoe oen pina bikasi foe da boen disi oen doe, oen moesoe prisiri; en no frede da dreigi foe dem soema; en no broko hede. Prisiri te joe pina bikasi joe ben doe boen BI NT III Les 01 - I Petrus 1-5 5/3/2019

Meki Gado kom santa 15. Ma meki Masra Gado kom santa na ini oen hati, en tan klari alatem foe piki na wan boen fasi na ibri soema disi sa aksi oen abra da hopoe disi de na oen ini; piki nanga safri-fasi nanga frede. De bereid foe de wan getuigi Doe so nanga safri-fasi & frede BI NT III Les 01 - I Petrus 1-5 5/3/2019

Abi wan boen konsensi I Pet. 3:16. Abi wan boen konsensi foe te dem sa taki ogri foe oen, en taki dati oen ben doe takroedoe, dem soema disi taki falsi abra oen boen waka na ini Kristus sa kisi sjem. 17. Bikasi a de moro boen, efoe Gado wani so, foe oen sa pina bikasi oen ben doe boen en no bikasi oen ben doe ogri. BI NT III Les 01 - I Petrus 1-5 5/3/2019

Kristus ben pina wan leisi foe sondoe ede… I Pet. 3:18. Bikasi so srefi Kristus ben pina wan leisi foe sondoe ede, wan boen soema gi dem ogri soema, foe Hem kan tjari wi kom na Gado; Hem skin ben dede, ma A ben kisi Hem libi baka doro da Jeje. 19. En nanga da jeje dati, A ben go preiki gi dem jeje disi ben de na doengroe-oso: 20. Disi no ben gi jesi fosi, di Gado ben hori pasensi na ini dem dei di Noach ben meki da ark klari, en wantoe nomo, wan aiti soema, ben tan na libi na tapoe watra. BI NT III Les 01 - I Petrus 1-5 5/3/2019

Kristus verloesoe wi… I Pet. 3:21. Na so wan gersi-fasi da dopoe de verloesoe oen; (no nanga da poeroe foe da doti foe da skin, ma da piki baka foe wan boen konsensi na Gado,) doro da opo baka foe Jezus Kristus; 22. Disi ben go na ini hemel, en disi de na da letianoesei foe Gado, en dem engel nanga dem maktiwan nanga dem trangawan de saka na Hem ondro. BI NT III Les 01 - I Petrus 1-5 5/3/2019

A ben legi da boen sei – paradijs Jezus ben dede, en dan A ben go na dedekondre foe preiki gi dem dedewan A ben legi da boen sei – paradijs A ben go na hemel, en dem takroe wan moesoe saka na Hem ondro so srefi leki dem boen engel BI NT III Les 01 - I Petrus 1-5 5/3/2019

Libi foe doe da wani foe Gado I Pet. 4:1. Dan bikasi Kristus ben pina na ini da skin gi wi, so srefi oen moesoe hori da srefi prakseri leki wan fetisani gi oensrefi; bikasi da soema disi ben pina na ini da skin ben tapoe foe doe sondoe; 2. Foe a no moesoe libi moro dem dei disi tan abra gi hem na ini da skin foe doe dem lostoe foe libisoema, ma foe doe da wani foe Gado. BI NT III Les 01 - I Petrus 1-5 5/3/2019

Te joe drai joe libi, joe owroe mati sa taki ogri abra joe I Pet. 4:3. Bikasi dem fosi dei foe wi libi ben de langa nofo foe libi leki dem heiden soema wani, di wi ben waka na ini hoeroedoe, lostoe, dringi te foe droengoe, njan pasa marki, dringi pasa marki, nanga takroe afgodrei; 4. En dem soema denki dati a de wan vreemde sani dati oen no lon nanga dem moro foe doe foeroe foe da srefi takroe lostoe, en dem taki ogri abra oen; BI NT III Les 01 - I Petrus 1-5 5/3/2019

De wan boen getuigi gi dem lasiwan I Pet. 4:5. Tokoe demsrefi moesoe kom na kroetoe na fesi foe da Soema disi sa koti kroetoe gi dem libiwan nanga dem dedewan. 6. Bikasi foe dat'ede da boen njoensoe ben preiki gi dem soema disi ben dede toe, so dati na ini da skin, libisoema sa kroetoe dem, ma na ini da jeje, dem sa libi na Gado-fasi. Wan dei dem moesoe kom na Gado fesi BI NT III Les 01 - I Petrus 1-5 5/3/2019

Vermane I Pet. 4: 7. Ma da kaba foe alasani de krosibei; foe dat'ede, hori oensrefi boen, en wakti nanga begi. 8. En moro bigi leki alasani, hori lobi tranga nanga makandra, bikasi lobi sa tapoe foeroe sondoe. 9. Opo oen oso gi dem trawan sondro foe knoroe. Lobi tapoe foeroe sondoe Wakti & begi Gast-vrij No knoroe BI NT III Les 01 - I Petrus 1-5 5/3/2019

Wroko nanga joe Jeje-presenti I Pet. 4:10. So leki ibri soema ben kisi da presenti, da wan moesoe dini trawan nanga da srefi presenti, leki boen wrokoman foe da bigi gnade foe Gado. 11. Efoe wan man sa taki, meki hem taki leki dem woortoe ben komopo foe Gado; efoe wan soema sa dini trawan, meki hem doe so leki Gado de gi hem da krakti, so dati na ini alasani, Gado sa kisi bigi nem na ini Jezus Kristus, disi moesoe abi bigi nem nanga krakti foe teego. Amen. Wroko foe dini trawan, spesroetoe na ini da gemeente BI NT III Les 01 - I Petrus 1-5 5/3/2019

Tesi sa kom I Pet. 4:12. Lobiwan, no denki dati a de wan vreemde sani te wan faja tesi sa kom tesi oen, leki wan aparti sani ben miti oen; 13. Ma prisiri, bikasi oen abi wan pisi foe da pina foe Kristus, so dati te Hem glori sa kom na krin, oen sa abi prisiri pasa marki toe. Verwakti tesi Prisiri foe abi wan pisi foe da pina foe Kristus, nanga Hem glori toe BI NT III Les 01 - I Petrus 1-5 5/3/2019

Prisiri efoe joe pina bikasi joe doe boen I Pet. 4:14. Prisiri foe dati, efoe dem veragti oen bikasi foe da nem foe Kristus ede, dan oen kisi blesi, bikasi da Jeje foe glori nanga Gado de na oen tapoe; foe dem soema taki ogri foe Hem, ma oen gi Hem glori. 15. Ma no meki wan foe oen pina bikasi a de wan kiriman, efoe wan foefoeroeman, efoe wan ogriman, efoe wan soema disi de bemoei nanga tra soema tori. BI NT III Les 01 - I Petrus 1-5 5/3/2019

Pina leki bribiwan, no ogriwan I Pet. 4:16. Ma efoe wan soema pina bikasi a de wan bribisoema, no meki hem sjem foe dati; ma meki hem gi Gado glori bikasi foe dati. 17. Bikasi da tem ben doro dati kroetoe moesoe bigin na da oso foe Gado; en efoe a bigin nanga wi fosi, sortoe fasi a sa kaba nanga dem soema disi no wani gi jesi na da boen njoensoe foe Gado? BI NT III Les 01 - I Petrus 1-5 5/3/2019

Kroetoe bigin nanga da oso foe Gado Gi Gado glori efoe A loekoe na joe leki joe de waarti foe pina foe Hem ede Da kroetoe sa bigin na da oso foe Gado A sa de moro erg gi dem lasiwan BI NT III Les 01 - I Petrus 1-5 5/3/2019

Poti wisrefi na ini da anoe foe Gado I Pet. 4:18. En efoe dem regtvaardiki soema kom krosibei foe lasi, dan san sa pasa te dem soema sondro Gado-fasi nanga dem sondoe soema sa kom na fesi? 19. Foe dat'ede meki dem soema disi pina na ini da wani foe Gado gi dem sieli abra na Gado, leki wan getrouw Schepper, en go doro foe doe boen. BI NT III Les 01 - I Petrus 1-5 5/3/2019

Regtvaardiki soema krosibei foe lasi Bijna bribiwan no feni verloesoe Dan lasiwan no sa feni Efoe joe pina na ini da wani foe Gado, poti alasani na ini da anoe foe Gado BI NT III Les 01 - I Petrus 1-5 5/3/2019

Petrus ben si da pina foe Kristus, a sa kisi wan pisi foe da glori I Pet. 5:1. Mi taki gi dem gransoema disi de na oen mindri, mi disi de wan tra gransoema toe, disi de wan soema disi ben si da pina foe Kristus, en wan disi sa kisi wan pisi foe da glori disi sa kom na krin: 2. Gi njanjan na dem skapoe foe Gado disi de na oen mindri, en loekoe dem boen, no nanga dwingi, ma nanga oen fri wani; no foe kisi goedoe, ma nanga da wani foe oen hati; BI NT III Les 01 - I Petrus 1-5 5/3/2019

Wroko gi dem skapoeman Gi dem skapoeman njanjan Loekoe dem boen sondro foe dwingi Wroko nanga fri wani, en no foe kisi goedoe BI NT III Les 01 - I Petrus 1-5 5/3/2019

Da kroon foe glori disi noiti sa pori I Pet. 5:3. No prei basi na tapoe da erfenis foe Gado, ma de leki wan eksempre gi dem skapoe, 4. En te da hede Skapoeman sa kom, oen sa kisi wan kroon foe glori disi noiti sa pori. Da erfeni de foe Gado, no wisrefi No prei basi, ma de wan eksempre Wi sa kisi wan kroon disi noiti sa pori BI NT III Les 01 - I Petrus 1-5 5/3/2019

Weri saka-fasi leki krosi I Pet. 5:5. So srefi, oen moro jongoe wan, saka oensrefi na dem gransoema ondro. Ja, ala soema moesoe saka na trawan ondro, en weri saka-fasi leki oen krosi; bikasi Gado tapoe dem bigi membre soema, ma A gi gnade na dem saka-fasi soema.6. Foe dat'ede, saka oensrefi na ondro da makti anoe foe Gado, so dati A sa opo oen na da juisti tem. 7. Poti ala oen hebi na Hem tapoe, bikasi A sorgoe foe oen. BI NT III Les 01 - I Petrus 1-5 5/3/2019

Saka-fasi Gado pramisi foe tapoe dem bigi-membre soema Gado pramisi foe opo dem saka-fasi soema Fa joe wani Gado foe wroko nanga joe? Poti dem hebi lai na Hem tapoe BI NT III Les 01 - I Petrus 1-5 5/3/2019

Tanapoe agensi didibri I Pet. 5:8. Tan nanga krin ai nanga krin hede, bikasi oen feanti, didibri, de leki wan krasi leeuw disi waka lontoe foe soekoe soema a kan swari. 9. Oen moesoe tanapoe agensi hem na ini bribi, di oen sabi taki dem srefi pina miti dem tra bribi brada na ini grontapoe. Tan nanga krin ai Saka na Gado ondro en dan tanapoe agensi didibri BI NT III Les 01 - I Petrus 1-5 5/3/2019

Da Gado foe ala gnade I Pet. 5:10. Ma da Gado foe ala gnade, disi ben kari wi kom na ini Hem glori foe teego doro Kristus Jezus, di oen ben pina wan pisi tem nomo, meki oen kom volmaakt, en meki oen tan faste, en meki oen kom tranga sondro degedege; 11. Hem moesoe abi da glori nanga da makti foe teego. Amen. BI NT III Les 01 - I Petrus 1-5 5/3/2019

Da Gado foe ala gnade A kari wi foe kom na ini Hem glori foe teego A wroko doro pina foe meki wi kom volmaakt Dan wi moesoe tan faste sondro foe degedege BI NT III Les 01 - I Petrus 1-5 5/3/2019

Adjosi I Pet. 5:12. Mi ben skrifi da sjatoe brifi disi doro Silvanus, disi mi bribi de wan getrouw brada, foe vermane oen en taigi oen dati disi de da troe gnade foe Gado, pe oen de tan faste. Silvanus = Silas, da man disi ben waka nanga Paulus BI NT III Les 01 - I Petrus 1-5 5/3/2019

Adjosi I Pet. 5:13. Da kerki disi de na Babylon, disi Gado ben verkisi nanga oen, de seni odi, nanga mi manpikin Markus. 14. Gi odi na makandra nanga wan bosi foe lobi. Vrede moesoe de nanga oen alamala disi de na ini Kristus Jezus. Amen. Babylon kan de Babylon foe troe, efoe Rome Si dati Johannes Markus de nanga Paulus now BI NT III Les 01 - I Petrus 1-5 5/3/2019

Njoen Testamenti III Les 02: II Petrus 1-3 Bijbel Baptist Kerk Les Njoen Testamenti III Les 02: II Petrus 1-3 Robert D. Patton Da Froktoe foe da Jeje: Lobi 5/3/2019

Auteur – Petrus Petrus skrifi hem nem na 1:1 A ben de na da tem disi Jezus ben kenki tapoe da bergi: 1:16-18; Mt. 17:13 Masra ben taki abra hem dede 1:13-15; Jn. 21:18-19 A ben skrifi wan brifi kaba: 3:1 BI NT III Les 01 - I Petrus 1-5 5/3/2019

Thema I Petrus – hori doro na ini pina II Petrus – volmaakt koni BI NT III Les 01 - I Petrus 1-5 5/3/2019

Wantoe fasi a gersi II Timoteus Ala toe ben de da laasti boekoe da man skrifi Ala toe sori dati da Bijbel de da woortoe foe Gado Dem waarskow agensi falsi leriman Ala toe ben sabi dati dem sa dede leki martelaar BI NT III Les 01 - I Petrus 1-5 5/3/2019

Odi 1. Simon Petrus, wan dinari nanga wan apostel foe Jezus Kristus, gi dem soema disi ben kisi da srefi diri bribi nanga wi doro da gerechtigheid foe Gado nanga wi Verloesoeman Jezus Kristus: 2. Gnade nanga vrede moesoe kom moro foeroe na oen doro da sabi foe Gado en foe Jezus wi Masra, BI NT III Les 01 - I Petrus 1-5 5/3/2019

San wi si? Petrus de wan apostel & wan dinari Jezus Kristus de wi verloesoeman Wi kisi moro gnade & vrede te wi kom sabi Gado moro boen BI NT III Les 01 - I Petrus 1-5 5/3/2019

Alasani fanowdoe foe libi Gado-fasi II Pet. 1:3. So leki Hem Gado krakti ben gi wi alasani disi de fanowdoe foe libi nanga Gado-fasi, doro da sabi foe Hem disi ben kari wi kom na glori nanga krin libi. 4. A ben gi wi toemoesi bigi diri pramisi, foe nanga dem oen kan kisi wan pisi foe Gado-fasi, di oen ben komopo foe da pori disi de foe grontapoe nanga hem lostoe. BI NT III Les 01 - I Petrus 1-5 5/3/2019

Alasani fanowdoe Wi kisi san wi abi fanowdoe doro Hem Gado-krakti Wi kisi disi te wi sabi Hem disi ben kari wi kom na ini da leti, en na glori Wi abi diri pramisi foe kisi wan pisi foe Gado-fasi Wi ben komopo foe da pori foe grontapoe nanga grontapoe-lostoe BI NT III Les 01 - I Petrus 1-5 5/3/2019

Poti disi na ini joe libi… II Pet. 1:5. Ma foe dat'ede, meki moeiti foe poti foeroe krin libi na oen bribi, en poti sabi na oen krin libi; 6. En poti da fasi foe dwingi oensrefi na oen sabi, en poti pasensi na da fasi fa oen de dwingi oensrefi, en poti Gado-fasi na oen pasensi, 7. En poti brada-lobi na oen Gado-fasi, en poti Gado-lobi na oen brada-lobi. BI NT III Les 01 - I Petrus 1-5 5/3/2019

Poti Bribi Krin libi – wroko na wan boen fasi Sabi – froestan san de leti efoe a no de leti Dwingi oensrefi BI NT III Les 01 - I Petrus 1-5 5/3/2019

Poti Pasensi – hori doro Gado-fasi – lobi en aanbegi Gado leki fa a de fiti Brada-lobi – doe boen gi trawan Gado-lobi- dem santawan, dem lasiwan, da woortoe foe Gado, Jezus Kristus BI NT III Les 01 - I Petrus 1-5 5/3/2019

Poti dem sani foeroe na ini joe libi II Pet. 1:8. Bikasi efoe ala dem sani disi de na oen ini, en dem kom foeroe, dan dem sa meki oen so dati oen no sa de lesi en foe oen sa meki froktoe na ini da sabi foe wi Masra Jezus Kristus. Joe no de lesi Joe meki froktoe gi Jezus BI NT III Les 01 - I Petrus 1-5 5/3/2019

No mankeri dem sani disi II Pet. 1:9. Bikasi da soema disi mankeri dem sani disi de breni, en a no kan si farawe, en a ben frigiti kaba dati a ben kom krin foe hem owroe sondoe. 10. Foe dat'ede, brada, wroko moro tranga foe sori foe troe dati Gado ben kari en verkisi oen; bikasi efoe oen doe dem sani disi, noiti oen sa fadon; BI NT III Les 01 - I Petrus 1-5 5/3/2019

Efoe joe mankeri Joe breni Joe ben frigiti dati joe ben kom krin foe joe owroe sondoe Wroko tranga foe sori dati Gado ben verkisi joe Dan noiti joe sa fadon BI NT III Les 01 - I Petrus 1-5 5/3/2019

Doro na boen fasi na hemel foe teego II Pet. 1:11. Bikasi dan oen sa abi wan boen fasi foe kom na ini da kownoe-kondre foe teego foe wi Masra nanga Verloesoeman Jezus Kristus. 12. Foe dat'ede mi no sa frigiti foe membre oen alatem foe dem sani disi, alwasi oen sabi dem kaba, en foe kom tranga na ini da waarheid now. A de fanowdoe foe membre wi baka… BI NT III Les 01 - I Petrus 1-5 5/3/2019

Membre wisrefi baka II Pet. 1:13. Ja, mi denki dati a fiti, so langa mi de na ini da tenti disi ete, foe wiki oen foe meki oen membre; 14. Bikasi mi sabi dati na ini wan sjatoe pisi tem mi moesoe komopo foe da tenti disi, so leki wi Masra Jezus Kristus ben sori mi. Petrus sabi dati na ini wan sjatoe tem, a sa dede en froisi BI NT III Les 01 - I Petrus 1-5 5/3/2019

Disi no de wan anansi-tori II Pet. 1:15. Moro fara, mi sa wroko so dati oen sa abi dem sani disi foe membre alatem te mi dede kaba. 16. Bikasi wi no ben waka na baka koni anansi-tori, di wi ben meki oen kom sabi da krakti nanga da kom baka foe wi Masra Jezus Kristus, ma wi ben si Hem glori nanga wi egi ai. Petrus ben si da glori foe Gado nanga hem egi ai… BI NT III Les 01 - I Petrus 1-5 5/3/2019

Jezus kenki sori glori tapoe da bergi… II Pet. 1:17. Bikasi Gado da Tata ben gi Hem bigi nem nanga glori, di wan stem ben komopo foe da toemoesi bigi glori en taki gi Hem taki: Disi de Mi lobi Manpikin; nanga Hem Mi abi bigi prisiri. 18. En wi ben jere da stem disi komopo foe hemel, di wi ben de nanga Hem na tapoe da santa bergi. Dem ben si en jere… BI NT III Les 01 - I Petrus 1-5 5/3/2019

Da woortoe – moro betrouwbaar leki persoonlijke evaring II Pet. 1:19. Wi abi wan moro vertrouw woortoe foe profeti-taki toe; en oen sa doe boen efoe oen sa arki hem, leki wan leti disi de skijn na ini wan doengroe presi te leki da dei sa opo en da dei-stari opo na ini oen hati. Da woortoe de moro betrouwbaar leki da persoonlijke ervaring tapoe da bergi BI NT III Les 01 - I Petrus 1-5 5/3/2019

Gado woortoe de betrouwbaar II Pet 1:20. Disi oen moesoe sabi fosi: No wan profeti-taki na ini da Santa Boekoe de komopo foe wan leri disi de aparti gi hemsrefi; 21. Bikasi dem profeti-tori foe fositem no ben kom nanga da wani foe libisoema, ma dem santa mansoema foe Gado ben taki so leki da Santa Jeje ben meki dem taki. BI NT III Les 01 - I Petrus 1-5 5/3/2019

Da woortoe foe Gado Da woortoe no kom aparti gi hemsrefi – wi moesoe stoeka fa a klop nanga da heri Bijbel Da woortoe skrifi soso doro santa soema A no ben komopo foe demsrefi, ma a de san da Santa Jeje srefi ben wani dem foe skrifi BI NT III Les 01 - I Petrus 1-5 5/3/2019

Falsi leriman sa kom II Pet. 2:1. Ma so leki falsi profeti ben de na mindri foe da pipel toe, so srefi dem falsi leriman sa de na oen mindri, disi na kibri-fasi sa tjari pori falsi leri kom na ini, te leki dem sa tori da Masra disi ben bai dem, en dem sa tjari wan hebi strafoe kom es'esi na demsrefi tapoe disi sa figi dem poeroe. BI NT III Les 01 - I Petrus 1-5 5/3/2019

Falsi leriman Komopo na mindri foe da pipel srefi Dem wroko kibri-fasi Dem tjari falsi leri Dem tori Masra Jezus disi ben bai dem Dem sa kisi strafoe Mi denki foe omeni kerki disi ben go liberal, en poti libisoema prakseri na fesi foe da woortoe foe Gado BI NT III Les 01 - I Petrus 1-5 5/3/2019

Falsi leriman II Pet. 2:2. En foeroe soema sa waka na baka dem pori fasi, en bikasi foe dem, soema sa taki takroe abra da pasi foe da waarheid. Soema waka na dem baka, bikasi dem lobi san dem jere Ma soema taki takroe abra da waarheid dan BI NT III Les 01 - I Petrus 1-5 5/3/2019

Fa falsi leriman de… II Pet. 2:3. Nanga bigi-ai dem sa seri oen nanga falsi taki; foe wan langa pisi tem kaba dem kroetoe no ben draidrai, en dem vonisi foe figi dem poeroe no de sribi. Bigi-ai – foe positie, moni, bigi nem Dem seri dem trawan Dem sa kisi strafoe BI NT III Les 01 - I Petrus 1-5 5/3/2019

Voorbeeld #1 – dem fadon engel II Pet. 4. Bikasi efoe Gado no ben kibri dem engel disi ben doe sondoe, ma A ben fringi dem go na hel, en A ben gi dem abra na dem keti foe doengroe, foe hori dem drape te leki da kroetoe-tem; Gado sa strafoe dem na ini hel Kande a taki abra dem engel disi ben verkrakt oema na ini dem dei foe Noach BI NT III Les 01 - I Petrus 1-5 5/3/2019

Voorbeeld #2 – Dem lasiwan disi ben soengoe II Pet. 2:5. En A no ben kibri da owroe grontapoe, ma A ben verloesoe Noach, di foe aiti soema nomo, da preikiman foe gerechtigheid, en A ben tjari da bigi floedoe kom na tapoe da heri grontapoe foe dem soema disi no ben abi Gado-fasi; Aiti soema nomo ben tan na libi BI NT III Les 01 - I Petrus 1-5 5/3/2019

Voorbeeld #3 – Lot II Pet. 2:6. En A ben meki dem foto foe Sodom nanga Gomorra tron soso asisi, en A ben verdoem dem nanga wan vonisi foe tron wan eksempre gi dem soema disi wani libi sondro Gado-fasi; Boiti Lot & famiri, ala soema ben bron BI NT III Les 01 - I Petrus 1-5 5/3/2019

Da paiman foe Lot ben de hebi II Pet. 2:7. En A ben verloesoe da regtvaardiki man Lot, disi ben firi wan kwinsi nanga da fisti libi foe dem takroe soema. 8. (Bikasi da regtvaardiki man dati ben libi na dem mindri, en dei foe dei a ben kwinsi hem regtvaardiki sieli di a ben si en jere dem ogridoe;) Lot ben lasi hem goedoe, hem famiri, nanga hem boen konsensi, ma a ben kibri hem libi, en a de na hemel BI NT III Les 01 - I Petrus 1-5 5/3/2019

Gado sabi foe verloesoe II Pet. 2:9. Masra sabi fa foe verloesoe dem regtvaardiki soema komopo foe tesi, en foe hori dem onregtvaardiki soema te leki da bigi kroetoe-dei foe kisi dem strafoe; Gado meki wan prati na mindri foe dem bribiwan nanga dem soema disi no bribi BI NT III Les 01 - I Petrus 1-5 5/3/2019

Loekoe boen foe bigi-fasi II Pet. 2:10. Moro foeroe, dem soema disi de waka na skin-fasi na baka dem fisti lostoe, en dem no wani saka na no wan soema ondro. Dem abi bigi membre, dem poti dem egi wani na fesi, en dem no de frede foe taki ogri foe dem gloriwan. 11. Tokoe dem engel, disi abi moro krakti nanga makti, no tjari wan pori nem gi dem na fesi foe MASRA. BI NT III Les 01 - I Petrus 1-5 5/3/2019

Dem lasiwan Waka baka dem egi lostoe No wani saka na soema ondro Abi bigi membre Poti dem egi wani na fesi Taki ogri foe dem gloriwan, wan sani dati dem engel srefi no doe BI NT III Les 01 - I Petrus 1-5 5/3/2019

Fa dem de… II Pet. 2:12. Ma dem soema disi, leki dom meti disi Gado ben meki foe teki en figi poeroe, dem de taki ogri foe sani disi demsrefi no froestan; en A sa figi dem poeroe krin-krin na ini dem egi pori libi. 13. En dem sa kisi da paiman foe takroe libi leki soema disi abi prisiri foe droengoe na dei tem. Dem de flaka nanga soro, disi prisiri na ini dem egi falsi leri te dem njan wan fesa nanga oen. BI NT III Les 01 - I Petrus 1-5 5/3/2019

Dem soema Taki ogri abra san demsrefi no froestan Dem abi takroe libi Dem prisiri na ini dem egi falsi leri BI NT III Les 01 - I Petrus 1-5 5/3/2019

Fa dem falsi leriman de II Pet. 2:14. Dem ai de foeroe nanga soetadoe, en dem no kan tapoe dem sondoe libi; dem kori dem swaki bribi soema, dem hati ben kom foeroe nanga bigi ai; dem de pikin disi de na ondro wan floekoe; Dem ai foeroe nanga soetadoe Dem no man tapoe dem sondoe libi Dem abi bigi ai Gado floekoe dem BI NT III Les 01 - I Petrus 1-5 5/3/2019

Da paiman foe Bileam… II Pet. 2:15. Disi ben libi da leti pasi, en dem ben dribi gowe, foe lon go na da pasi foe Bileam, da manpikin foe Beor, disi ben lobi da paiman foe takroedoe; 16. Ma Gado ben sori hem hem egi ogridoe; da dom boeriki ben taki nanga wan libisoema stem foe tapoe da lau prakseri foe da profeti. Leki Bileam, dem wani paiman foe takroedoe – foe wisi soema BI NT III Les 01 - I Petrus 1-5 5/3/2019

Dem pramisi, ma dem no gi noti II Pet. 2:17. Dem soema disi de peti sondro watra, nanga wolkoe disi da storm tjari go; da dampoe foe doengroe de kibri gi dem foe teego. 18. Bikasi te dem taki bigi woortoe nanga prodo-fasi, dem loeroe doro dem lostoe foe da skin doro foeroe hoeroe-libi; dem soema disi ben libi krin ben kibri demsrefi komopo foe dem soema disi ben libi na ini sondoe. BI NT III Les 01 - I Petrus 1-5 5/3/2019

Fa dem leriman de? Dem prodo Dem loeroe foe lostoe foe da skin BI NT III Les 01 - I Petrus 1-5 5/3/2019

Dem pramisi fri, ma demsrefi tai II Pet. 2:19. Alwasi dem pramisi wi wan fri libi, demsrefi de slafoe foe pori libi; bikasi da srefi sani disi wini wan soema sa hori hem toe leki wan slafoe. 20. Bikasi efoe baka da tem dem ben komopo foe da pori libi foe grontapoe nanga da sabi foe wi Masra nanga Verloesoeman Jezus Kristus, dem ben go tai baka na ini da srefi pori en a wini dem, dan da kaba de moro takroe gi dem leki da bigin. BI NT III Les 01 - I Petrus 1-5 5/3/2019

Dem tai demsrefi baka Dem pramisi fri, ma demsrefi de tai nanga pori libi Dem sani disi wini trawan hori dem toe Dem ben komopo foe da pori libi, ma dem tai demsrefi baka Da kaba de moro takroe leki da bigin BI NT III Les 01 - I Petrus 1-5 5/3/2019

Moro boen joe no ben sabi, dan joe ben drai go baka na ini tjobo II Pet. 2:21. Bikasi a ben de moro boen efoe dem no ben sabi da pasi foe gerechtig-heid, leki efoe dem ben sabi hem kaba, en dem ben drai komopo foe da santa komanderi disi soema ben gi dem kaba. 22. Bikasi a ben pasa nanga dem so leki da troe odo taki: Da dagoe ben drai go baka en njan da sani disi a ben poeroe komopo kaba; en da agoe disi dem ben wasi ben go lolo baka na ini tokotoko. BI NT III Les 01 - I Petrus 1-5 5/3/2019

Membre nanga krin prakseri II Pet. 3:1. Disi de di foe toe brifi disi mi skrifi na oen, lobiwan; na ala toe mi ben wani meki oen membre nanga krin prakseri, 2. Foe oen kan membre dem woortoe disi dem santa profeti ben taki na fesi, en foe dem komanderi foe wi, dem apostel foe wi Masra nanga Verloesoeman. Disi de da di foe toe brifi foe Petrus BI NT III Les 01 - I Petrus 1-5 5/3/2019

Dem sa spotoe abra da di foe toe kom foe Jezus II Pet. 3:3. Fosi oen moe sabi disi, dati na ini dem kriboi dei spotoeman sa kom disi sa waka na baka dem egi lostoe, 4. En dem sa taki: Pe da pramisi de dati Hem sa kom baka? Bikasi sinsi dem avoo ben fadon na sribi, alasani ben go doro so leki dem ben de sinsi da bigin foe da tem disi Gado ben meki alasani. Dem bribi uniformisme BI NT III Les 01 - I Petrus 1-5 5/3/2019

Spotoeman no bribi da sondoe floedoe II Pet. 3:5. Bikasi dem no ben wani sabi disi, dati dem hemel ben meki granwe kaba doro da woortoe foe Gado, en grontapoe ben meki komopo foe watra, en na ini watra; 6. En da watra ben floedoe en figi da grontapoe disi ben de fosi poeroe. Gado ben meki grontapoe komopo foe dem watra doro da woortoe foe Hem mofo Gado ben strafoe sondoe en soengoe ala soema boiti 8 BI NT III Les 01 - I Petrus 1-5 5/3/2019

No floedoe ma faja II Pet. 3:7. Ma da hemel nanga grontapoe disi de now, nanga da srefi woortoe, A de hori dem kaba gi da faja te leki da kroetoedei en da pori foe dem soema sondro Gado-fasi. Kande hydrogen bom – ma wi no sabi BI NT III Les 01 - I Petrus 1-5 5/3/2019

Gado hori pasensi – ma no foe teego II Pet. 3:8. Ma lobiwan, oen moe sabi da wan sani disi: dati wan dei na ini da ai foe Masra de leki wan doesoen jari, en wan doesoen jari de leki wan dei. 9. Masra no draidrai nanga Hem pramisi, so leki som soema denki foe draidrai; ma A hori pasensi nanga oenoe, bikasi A no wani iniwan soema moesoe go lasi, ma dati ala soema sa drai dem libi. Gado wakti so dati trawan kan drai dem libi BI NT III Les 01 - I Petrus 1-5 5/3/2019

Alasani sa bron wan dei II Pet. 3:10. Ma da dei foe Masra sa kom leki wan foefoeroeman na neti; dem hemel sa pasa gowe nanga wan bigi babari, en dem elementi sa smelti nanga da toemoesi bigi faja, en grontapoe nanga dem wroko foe hem sa bron toe. A gersi wan hydrogen bom A sa pasa plotseling BI NT III Les 01 - I Petrus 1-5 5/3/2019

Hemel & grontapoe sa smelti nanga faja II Pet. 3:11. Te oen si dati alasani sa lasi gowe, dan sortoe soema oen moesoe de na ini oen santa waka nanga oen Gado-fasi, 12. Bikasi wi loekoe foe meki da dei foe Gado kom moro esi, en fa dem hemel sa smelti nanga faja, en dem elementi sa smelti nanga da tranga faja? Prakseri dati ala grontapoe sani sa lasi BI NT III Les 01 - I Petrus 1-5 5/3/2019

Gado sa meki wan njoen hemel & grontapoe II Pet. 3:13. Tokoe, so leki A ben pramisi kaba, wi loekoe foe wan njoen hemel nanga wan njoen grontapoe pe gerechtigheid de libi. Gado pramisi, en noiti A lei A abi da makti & krakti foe doe hem BI NT III Les 01 - I Petrus 1-5 5/3/2019

Foe dat’ede wroko tranga now II Pet. 3:14. Foe dat'ede, lobiwan, bikasi oen loekoe foe so sortoe sani, wroko tranga so dati A sa feni oen na ini vrede, sondro flaka en sondro foutoe; Abi vrede No flaka efoe foutoe BI NT III Les 01 - I Petrus 1-5 5/3/2019

Paulus skrifi da Bijbel toe II Pet. 3:15. En membre dati da pasensi na ini pina foe wi Masra de verloesoe, so leki wi lobi brada Paulus ben skrifi gi oen toe nanga da koni disi a ben kisi; 16. So leki a ben skrifi toe na ini ala hem brifi; pe a skrifi na dem ini abra dem sani disi, disi de tranga foe froestan, en dem soema disi no ben leri, en disi seki ben go poeroe dem komopo, so leki dem doe nanga dem tra Skrifi toe, foe go pori demsrefi. BI NT III Les 01 - I Petrus 1-5 5/3/2019

Membre Hori pasensi na ini pina Som sani Paulus skrifi de moeilijk foe froestan Ma no poeroe dem – dem de da woortoe foe Gado BI NT III Les 01 - I Petrus 1-5 5/3/2019

Loekoe boen en no fadon II Pet. 3:17. Foe dat'ede, lobiwan, bikasi oen sabi dem sani disi na fesi, loekoe boen gi oensrefi toe, so dati da falsi leri foe dem soema disi doe takroedoe, no kan hari oen foe fadon komopo foe da boen presi pe oen de tan steifi kaba. No fadon na ini falsi leri BI NT III Les 01 - I Petrus 1-5 5/3/2019

Gro na ini gnade II Pet. 3:18. Ma gro na ini gnade, en na ini da sabi foe wi Masra nanga wi Verloesoeman Jezus Kristus. Hem moesoe abi glori now en foe teego. Amen. Gro na ini gnade Sabi Masra Jezus moro boen Gi Hem glori! BI NT III Les 01 - I Petrus 1-5 5/3/2019