Njoen Testamenti II Les 06 – Romeini 1- Bijbel Baptist Kerk Les Njoen Testamenti II Les 06 – Romeini 1- Robert D. Patton Da Froktoe foe da Jeje: Lobi 5/8/2019

Gado sa koti kroetoe Romeini 2:6 Disi sa gi ibri soema san disi de fiti foe san a ben doe kaba; 7 Na dem disi hori pasensi foe doe boen en soekoe foe glori nanga bigi nem nanga libi foe teego–libi foe teego; 8 Ma na dem soema disi lobi foe stree, en no gi jesi na da waarheid, ma gi jesi na san disi no de regtvaardiki–mandi nanga hatibron, Les 09 Romeini I - 1-5 5/8/2019

Gado no loekoe na soema persoon… Romeini 2:9 Pina nanga sari na tapoe ibri sieli foe ibri soema disi doe ogri; gi da Djoe fosi, en gi dem heiden soema toe; 10 Ma glori, bigi nem, nanga vrede gi ibri soema disi wroko boen, gi da Djoe fosi, en gi dem heiden soema toe. 11 Bikasi Gado no loekoe na soema persoon. Gado sa koti wan krin leti kroetoe… Les 09 Romeini I - 1-5 5/8/2019

San wi doe nanga da wet? Romeini 2:12 Bikasi so srefi Gado sa figi ala dem soema sondro da wet poeroe disi ben doe sondoe sondro da wet; en ala dem soema disi ben doe sondoe na ini da wet, Gado sa kroetoe nanga da wet;13 (Bikasi a no de dem soema disi jere da wet nomo disi de opregti na Gado fesi, ma dem soema de regtvaardiki disi de hori da wet. Les 09 Romeini I - 1-5 5/8/2019

Wi konsensi sa kroetoe wi – da moreel man Romeini 2:14 Bikasi te dem heiden soema, disi no abi da wet, doe dem sani doro dem natuur disi da wet de taki, dem soema disi no abi da wet de wan wet gi demsrefi: 15 En dem sori dati da wroko foe da wet de skrifi na ini dem hati, en dem konsensi gi wan getuigi toe, en dem prakseri fon dem konsensi efoe gi dem excuus,) 16 Na da dei disi Gado sa kroetoe ala dem kibri–tori foe libisoema nanga Jezus Kristus leki mi boen njoensoe de taki. Les 09 Romeini I - 1-5 5/8/2019

Wi abi verschillende sortoe konsensi Wan boen konsensi: I Tim. 1:5, 19 Wan swaki konsensi: I Kor. 8:12 Wan konsensi disi kisi fonfon: Jn. 8:9 Wan pori konsensi: Titus 1:15 Wan konsensi disi ben bron kaba: I Tim 4:2 Les 09 Romeini I - 1-5 5/8/2019

Da wroko foe wi konsensi A no meki da wet A no seti regels A tan leki wan kroetoeman foe si efoe joe ben broko da wet Les 09 Romeini I - 1-5 5/8/2019

Da Djoe taki: Mi no de schuldig Ma Gado taki: Mi sabi da wet Mi abi religie Ma Gado taki: Ma joe no doe san joe taki! Joe de wan slechte getuigi gi dem heiden Les 09 Romeini I - 1-5 5/8/2019

Da Djoe Romeini 2:17 ¶ Loekoe, oenoe disi kari oensrefi wan Djoe, en disi poti oen vertrouw na tapoe da wet, en disi taki dati oen sabi Gado, 18 En oen sabi san Hem wani, en oen taki boen abra dem moro boen sani, en oen ben kisi leri foe da wet; Dem Djoe ben abi da wet foe Gado, en dem ben sabi san Gado wani… Les 09 Romeini I - 1-5 5/8/2019

Da Djoe de wan leriman Romeini 1:19 En oen bribi dati foe troe oen de wan tiriman foe dem breni soema, wan leti gi dem soema disi de na ini doengroe, 20 Wan leriman gi dem dom soema, wan soema foe leri dem pikinnengre, disi abi da dorosei fasi foe koni en foe da waarheid foe da wet; Les 09 Romeini I - 1-5 5/8/2019

Da Djoe leri, ma a no doe… Romeini 2:21 Foe dat’ede joe disi leri trawan, joe no leri joesrefi? Joe disi de preiki dati wan soema no moesoe foefoeroe, joe foefoeroe? 22 Joe disi taki dati wan soema no moesoe hoeroe, joe de hoeroe? Joe disi taki dati popki de takroe, joe foefoeroe dem tempel? Les 09 Romeini I - 1-5 5/8/2019

Dem Djoe gi aanstoot… Romeini 2:23 Joe disi taki bigi–fasi foe da wet, joe broko da wet en gi Gado wan pori nem? 24 Bikasi dem heiden soema kosi da nem foe Gado bikasi foe oenoe ede, so leki a de skrifi kaba. 25 Bikasi besnijde de wini foe troe, efoe oen hori da wet; ma efoe oen de soema disi broko da wet, dan oen besnijde no de besnijde moro. Les 09 Romeini I - 1-5 5/8/2019

Joe sabi, ma joe doe? Romeini 2:26 Foe dat’ede efoe dem soema disi no ben besnijde hori da gerechtigheid foe da wet, dem no sa loekoe na hem disi no ben besnijde leki a ben besnijde kaba? 27 En da soema disi no ben besnijde na skin–fasi, efoe a hori da wet, a no sa kroetoe oen disi ben besnijde na skin–fasi kaba en disi abi da letter foe da wet, ma oen abra da wet? Les 09 Romeini I - 1-5 5/8/2019

Besnijdenis komopo foe da hati Romeini 2:28 Bikasi da soema no de wan Djoe disi de wan Djoe na dorosei fasi, efoe a de besnijde dorosei na skin–fasi, 29 Ma da soema de wan Djoe, disi de wan na inisei; en hem besnijde de foe hem hati, na ini jeje, en no nanga letter nomo; en hem prijse no komopo foe libisoema, ma a komopo foe Gado Les 09 Romeini I - 1-5 5/8/2019

Da wini foe da Djoe Romeini 3:1 ¶ Sortoe wini da Djoe abi dan? Efoe sortoe wini de foe da besnijde? 2 Foeroe na ini ala sortoe fasi; moro foeroe, bikasi Gado ben poti Hem woortoe na ini dem anoe. A abi da santa woortoe foe Gado Les 09 Romeini I - 1-5 5/8/2019

Gado de vertrouw… Romeini 3:3 Bikasi san de troe efoe som foe dem no ben bribi? Bikasi dem no bribi, dati sa tapoe da vertrouw fasi foe Gado? 4 Gado moesoe kibri wi! Ja, meki Gado de troe, ma ibri libisoema wan leiman; so leki a de skrifi taki: Dati Joe sa kom regtvaardiki na ini Joe woortoe, en Joe sa wini te dem sa kroetoe Joe. Les 09 Romeini I - 1-5 5/8/2019

Gado de regtvaardiki Romeini 3:5 Ma efoe wi no de regtvaardiki, en dati sa sori dati Gado de regtvaardiki, san wi sa taki dan? Dati Gado no de regtvaardiki te A teki revensi? (Mi taki leki wan libisoema.) 6 Gado moesoe kibri wi! Bikasi dan fa Gado sa kroetoe grontapoe? Gado abi leti foe koti kroetoe Les 09 Romeini I - 1-5 5/8/2019

Wi no moesoe doe ogri… Romeini 3:7 Bikasi efoe da waarheid foe Gado ben kom moro bigi doro mi lei, foe gi Hem glori; dan foe san’ede A kroetoe mi ete leki wan sondoe soema toe? 8 En no (leki som ben kosi wi, en taki dati wi taki:) Meki wi doe ogri, so dati boen sa kom. Da vonisi foe dem soema de leti. Les 09 Romeini I - 1-5 5/8/2019

No wan libisoema de regtvaardiki Romeini 3:9 San dan? Wi de moro boen leki dem? Kwet’kweti, no na iniwan fasi; bikasi wi ben sori kaba dati dem Djoe nanga dem heiden soema de alamala na ondro sondoe;10 So leki a de skrifi taki: No wan soema de regtvaardiki, no wan srefi.11 No wan soema de disi abi froestan; no wan soema de disi de soekoe Gado. Les 09 Romeini I - 1-5 5/8/2019

Da kroetoe foe Gado… Romeini 3:12 Dem alamala ben komopo libi da pasi; dem alamala no de waarti noti; no wan soema de doe boen, no wan srefi. 13 Dem ini–neki de wan opo grebi; dem taki kori–fasi nanga dem tongo; da wisi foe takroe sneki de na ondro dem mofo–boeba: No wan foe wi de boen boiti Gado… Les 09 Romeini I - 1-5 5/8/2019

Libisoema manieri Romeini 3:14 Dem mofo de foeroe nanga floekoe nanga bita–fasi: 15 Dem foetoe lon esi foe trowe broedoe; 16 Pori nanga pina de na tapoe dem pasi; 17 En dem no ben sabi da pasi foe vrede kwet’kweti; 18 No wan frede foe Gado de na fesi foe dem ai Wi no abi troe frede & respeki gi Gado Les 09 Romeini I - 1-5 5/8/2019

Ibri mofo sa tapoe fesi Gado Romeini 3:19 ¶ Now wi sabi dati dem sani disi da wet de taki, a de taki gi dem soema disi de na ondro da wet; foe ibri mofo sa tapoe, en heri grontapoe sa verdini strafoe na fesi foe Gado. Les 09 Romeini I - 1-5 5/8/2019

Wi kom sabi sondoe doro da wet Romeini 3:20 Foe dat’ede nanga dem wroko foe da wet, no wan soema sa kom regtvaardiki na Hem fesi; bikasi nanga da wet wi kom sabi san na sondoe. Da wet meki wi kom sabi san na sondoe… Ma da wet no gi wi krakti foe tapoe foe doe sondoe… Les 09 Romeini I - 1-5 5/8/2019

Gerechtigheid kom doro bribi… Romeini 3:21 Ma now da gerechtigheid foe Gado sondro da wet ben sori hemsrefi, en da wet nanga dem profeti gi getuigi; Dem abi toe getuigi Da wet foe Gado Dem profeti toe Les 09 Romeini I - 1-5 5/8/2019

Dem alamala ben doe sondoe… Romeini 3:22 Dati wani taki, da gerechtigheid foe Gado disi kom nanga bribi na Jezus Kristus gi ala soema, en na tapoe ala soema disi de bribi; bikasi wan difrenti–fasi no de; 23 Bikasi dem alamala ben doe sondoe, en dem mankeri da glori foe Gado. Les 09 Romeini I - 1-5 5/8/2019

Dem alamala ben doe sondoe Sinsi ibri soema ben doe sondoe, disi broko da wet, dan no wan soema kan kom boen baka nanga Gado doro da wet Gado ben teki wan tra fasi – doro bribi Les 09 Romeini I - 1-5 5/8/2019

Jezus bai wi baka… Romeini 3:24 Dem kom regtvaardiki na wan fri fasi doro Hem gnade, di Kristus Jezus ben bai wi baka. A de fri-fasi – joe no man pai foe hem A de doro gnade – da boen-hati nanga da krakti foe Gado A de bikasi Jezus Kristus pai kaba Les 09 Romeini I - 1-5 5/8/2019

Kristus meki wi kom verzoen Romeini 3:25 Gado ben seti Hem na fesi leki wan verzoen–ofrandi doro bribi na ini Hem broedoe, foe sori Hem gerechtigheid foe gi pardon foe dem sondoe disi wi ben doe kaba, nanga da pasensi foe Gado; A de da ofrandi foe meki wi kom boen baka nanga Gado A pai wi boetoe Gado gi wi pardon foe wi sondoe Gado hori pasensi nanga wi Les 09 Romeini I - 1-5 5/8/2019

Gerechtigheid doro bribi Romeini 3:26 Mi taki, foe sori Hem gerechtigheid na da tem disi; dati A de regtvaardiki, en A de da Soema disi kan meki hem disi de bribi na ini Jezus kom regtvaardiki toe. Kristus de regtvaardiki Gado kan meki wi kom regtvaardiki Gado doe disi te wi bribi tapoe Jezus Les 09 Romeini I - 1-5 5/8/2019

No bigi membre, ma bribi Romeini 3:27 Pe bigi–membre de dan? A no de kwet’kweti. Nanga sortoe wet? Da wet foe wroko? Nono, ma nanga da wet foe bribi. 28 Foe dat’ede wi sabi dati wan soema kom regtvaardiki doro bribi sondro da wroko foe da wet. Da wroko foe da wet = dede Wan njoen wet de – foe bribi… Noiti wi go na hemel doro dem wroko foe da wet… Les 09 Romeini I - 1-5 5/8/2019

Djoe & heiden soema doro bribi Romeini 3:29 A de da Gado foe dem Djoe wawan? A no de da Gado foe dem heiden soema toe? Ja, foe dem heiden soema toe;30 Di wi si dati A de wan Gado nomo, disi sa meki da besnijde soema kom regtvaardiki doro bribi, en da soema disi no ben besnijde kom regtvaardiki doro bribi toe. Les 09 Romeini I - 1-5 5/8/2019

Disi seti da wet faste Romeini 3:31 Wi meki da wet tron wan soso sani doro bribi dan? Gado moesoe kibri wi! Nono–nanga dati wi seti da wet faste No wan soema kan hori da wet Gado moesoe kroetoe wi Gado meki da ofrandi Gado wroko doro bribi nomo Dan Gado hori Hem egi wet, en A no loekoe doro da finga Les 09 Romeini I - 1-5 5/8/2019

Da voorbeeld foe Abraham Romeini 4:1 ¶ San wi sa taki dan disi Abraham, wi tata na skin–fasi, ben feni? 2 Bikasi efoe Abraham ben kom regtvaardiki nanga wroko, dan a abi wan sani foe prodo abra dati, ma no na fesi foe Gado. 3 Bikasi san da skrifi de taki? Abraham ben bribi Gado, en Gado ben loekoe na disi leki gerechtigheid gi hem. Les 09 Romeini I - 1-5 5/8/2019

Fa Gado ben loekoe na Abram? Abram ben de regtvaardiki bikasi a ben bribi tapoe Gado: Genesis 15:3 En Abram ben taki: Loekoe, Joe no ben gi mi no wan pikin; en loekoe, wan soema disi ben gebore na ini mi oso sa de mi erfgenaam.4 En loekoe, da woortoe foe MASRA ben kom na hem taki: Disi no sa de joe erfgenaam; ma hem disi komopo foe joe egi siri sa de joe erfgenaam.5 En A ben tjari hem go na doro, en A ben taki: Loekoe na loktoe na hemel, en teri dem stari, efoe joe kan teri dem; en A ben taki gi hem taki: So joe siri sa de. 6 En a ben bribi MASRA, en A ben loekoe na disi leki hem ben de wan regtvaardiki soema. Les 09 Romeini I - 1-5 5/8/2019

Wroko no komopo foe gnade Romeini 4:4 Now na da soema disi de wroko, dem no loekoe na da paiman leki a komopo foe gnade, ma dati a ben verdini hem. 5 Ma na da soema disi no wroko, ma disi bribi na tapoe Hem disi de meki dem soema sondro Gado–fasi kom regtvaardiki, Gado loekoe na hem bribi leki gerechtigheid. Wroko = joe verdini hem Gado wroko nanga bribi Les 09 Romeini I - 1-5 5/8/2019

David sori bribi, no wroko David ben soeta nanga Batseba David ben kiri Uria, da masra foe Batseba Disi ben abi doodstraaf. No wan ofrandi ben de foe poeroe so wan sondoe Ma David ben trowe hemsrefi tapoe da gnade foe Gado Les 09 Romeini I - 1-5 5/8/2019

David skrifi na Psalm 32 Romeini 4:6 So leki David srefi ben taki abra fa da soema de blesi efoe Gado sa kari hem regtvaardiki sondro foe wroko,7 Di a ben taki: Blesi foe dem soema disi ben kisi pardon foe dem takroedoe, en dem sondoe foe hem ben tapoe kaba. 8 Blesi foe da soema disi Gado no sa poti hem sondoe na hem tapoe. Les 09 Romeini I - 1-5 5/8/2019

Sortoe tem Abram bribi? Romeini 4:9 ¶ Da blesi disi de kom dan na tapoe dem soema disi ben besnijde wawan, efoe na tapoe dem soema disi no ben besnijde toe? Bikasi wi taki dati Gado ben loekoe na da bribi foe Abraham foe meki hem kom regtvaardiki.10. Di a ben besnijde kaba, efoe di a no ben besnijde ete? No di a ben besnijde kaba, ma di a no ben besnijde ete. Les 09 Romeini I - 1-5 5/8/2019

Da pramisi ben fosi besnijdenis Abram ben bribi na ini Genesis 15 fosi da geboorte foe Ismael, di a ben de 86 jaar owroe Abram ben besnijd di Ismael ben de 13 jari owroe Les 09 Romeini I - 1-5 5/8/2019

Besnijdenis – wan marki foe bribi Romeini 4:11 En a ben kisi da marki foe besnijde, wan stampoe foe da gerechtigheid foe da bribi disi a ben abi kaba di a no ben besnijde ete; so dati a sa de da tata foe ala soema disi de bribi, alwasi dem no ben besnijde; so dati A kan loekoe na dem leki regtvaardiki soema toe; 12 En a de da tata foe besnijde gi dem soema disi no ben de foe da besnijde wawan, ma disi waka toe na ini dem foetoe–stapoe foe da bribi dati foe wi tata Abraham, disi a ben abi di a no ben besnijde ete. Les 09 Romeini I - 1-5 5/8/2019

Da pramisi kom 430 jari fosi da wet Romeini 4:13 Bikasi da pramisi dati a sa de da erfgenaam foe grontapoe no ben de gi Abraham efoe hem bakatem pikin doro da wet, ma doro da gerechtigheid foe bribi.14 Bikasi efoe dem soema disi ben de foe da wet de erfgenaam, dan bribi tron wan soso sani, en da pramisi no wroko moro;15 Bikasi da wet wroko hatibron, bikasi pe no wan wet de, dan oen no man broko hem. Gado ben pramisi Abram wan kondre fosi da wet ben de – en da wet disi ben kom moro lati no man kenki dati – onvoorwaardelijk pramisi Les 09 Romeini I - 1-5 5/8/2019

Abraham de wi tata doro hem bribi Romeini 4:15 Bikasi da wet wroko hatibron, bikasi pe no wan wet de, dan oen no man broko hem.16 Foe dat’ede a komopo foe bribi, so dati a kan de foe gnade; so dati da pramisi kan de faste gi ala dem bakatem pikin; no gi dem soema disi ben de foe da wet nomo, ma gi dem soema toe disi ben de foe da bribi foe Abraham, disi de da tata foe wi alamala. Les 09 Romeini I - 1-5 5/8/2019

Gado gi libi na dedesoema Romeini 4:17 ¶ (So leki a de skrifi taki: Mi ben seti joe leki wan tata foe foeroe folkoe,) na fesi foe Hem disi a ben bribi, dati de Gado, disi de gi libi baka na dem dede soema, en disi kari dem sani disi no ben de leki dem ben de kaba. 18 Agensi hopoe a ben bribi ini hopoe dati a ben sa tron da tata foe foeroe natie, so leki san A ben taki: Na so joe bakatem pikin sa de. Les 09 Romeini I - 1-5 5/8/2019

Abraham wini doro bribi! Romeini 4:19 En a no ben swaki na ini bribi, en a no ben loekoe na hem egi skin disi ben dede kaba di a ben de wan hondro jari owroe, en a no ben denki abra fa da bere foe Sara ben dede kaba; 20 A no ben degedege na da pramisi foe Gado leki a no bribi; ma a ben kom tranga na ini bribi, en a ben gi Gado glori; 21 En a ben sabi foe troe dati san A ben pramisi, dati A ben abi makti foe doe toe. 22 En foe dat’ede Gado ben loekoe na disi leki gerechtigheid gi hem. Gado wani wi bribi tapoe Hem! Les 09 Romeini I - 1-5 5/8/2019

Wi toe kom regtvaardiki doro bribi Romeini 4:23 ¶ Now disi no ben skrifi foe hem ede wawan, foe di A ben loekoe na hem na so wan fasi, 24 Ma gi wi toe, en A sa loekoe na wi na so wan fasi toe efoe wi bribi na tapoe Hem disi ben opo Jezus wi Masra na dede; 25 Disi ben gi Hem abra foe wi ogridoe, en A ben opo Hem baka so dati wi sa kom regtvaardiki. Les 09 Romeini I - 1-5 5/8/2019

Njoen Testamenti II Les 10: Romeini 5-8 Bijbel Baptist Kerk Les Njoen Testamenti II Les 10: Romeini 5-8 Robert D. Patton Da Froktoe foe da Jeje: Lobi 5/8/2019

Vrede doro bribi Rom. 5:1. Foe dat'ede, di wi ben kom regtvaardiki doro bribi kaba, wi abi vrede nanga Gado doro wi Masra Jezus Kristus; Fosi wi bribi Dan wi abi vrede nanga Gado A komopo doro Jezus Kristus Les 09 Romeini I - 1-5 5/8/2019

Da basis foe gnade & hopoe de bribi Rom. 5:2. Doro bribi na Hem, wi ben abi wi pasi foe kom na da gnade disi pe wi tanapoe, en wi prisiri na ini da hopoe foe da glori foe Gado toe. Bribi tjari wi kom na ini gnade Bribi gi wi hopoe, en wi prisiri na ini da hopoe toe Les 09 Romeini I - 1-5 5/8/2019

Wi glori na ini trobi Rom. 5:3. En wi no glori na ini da sani disi wawan, ma wi glori na ini trobi toe; bikasi wi sabi dati trobi wroko foe meki pasensi kom; 4. En nanga pasensi, ondrofini, en nanga ondrofini, hopoe; Wroko meki pasensi Pasensi meki ondrofini Ondrofini meki hopoe Les 09 Romeini I - 1-5 5/8/2019

Wi no kisi sjem Rom. 5:5. En hopoe no meki wi kisi sjem; bikasi da lobi foe Gado de panja na ini wi hati komopo foe da Santa Jeje disi A ben gi wi. Gado gi wi da Santa Jeje te wi bribi Da Santa Jeje gi wi da lobi foe Gado Nanga da lobi disi, wi no kisi sjem Les 09 Romeini I - 1-5 5/8/2019

Kristus ben dede gi wi Rom. 5:6. Bikasi di wi ben de sondro tranga ete, na da juisti tem Kristus ben dede gi dem soema disi no ben abi Gado-fasi. Wi ben de sondro tranga, sondro hopoe Wi ben de sondro Gado-fasi Tokoe Kristus ben dede gi wi Les 09 Romeini I - 1-5 5/8/2019

Kristus sori troe Gado-lobi Rom. 5:7. Bikasi moro foeroe leisi, wan soema no sa wani dede gi wan regtvaardiki soema, ma kande foe wan boen soema ede, som soema sa abi dek'ati foe dede gi hem. 8. Ma Gado ben sori fa Hem ben lobi wi, bikasi alwasi wi ben de sondoe soema ete, Kristus ben dede gi wi. Wi ben de feanti foe Gado, sondari Tokoe Kristus ben dede gi wi Les 09 Romeini I - 1-5 5/8/2019

Wi verloesoe doro Hem libi Rom. 5:9. Hoe moro dan, di wi ben kom regtvaardiki doro Hem broedoe kaba, doro Hem wi sa kibri gi hatibron toe. 10. Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. Gado ben verzoen nanga wi di wi ben de feanti doro da dede foe Kristus Now wi sa feni verloesoe dorodoro doro Hem libi, disi A libi na wi ini… Les 09 Romeini I - 1-5 5/8/2019

Wi kom boen baka nanga Gado Rom.5:11. En a no de disi wawan, ma wi prisiri toe na ini Gado doro wi Masra Jezus Kristus; di doro Hem wi ben kisi da fasi foe kom boen baka nanga Gado. Les 09 Romeini I - 1-5 5/8/2019

Samenvatting: Jezus Kristus wroko… Wi kisi da libi foe teego Wi kisi hopoe Wi kom boen baka nanga Gado Wi verloesoe foe wi sondoe Wi abi prisiri na ini wi libi Les 09 Romeini I - 1-5 5/8/2019

Adam sondoe Rom. 5:12. Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. Adam ben tjari sondoe kom Sondoe ben tjari dede kom Les 09 Romeini I - 1-5 5/8/2019

Adam – da bigin foe libisoema ras Rom. 5:13. (Bikasi fosi da wet ben kom, sondoe ben de na ini grontapoe kaba; ma dem no poti sondoe na soema tapoe fosi da wet ben kom. 14. Tokoe dede ben de kownoe foe Adam te leki Mozes, na tapoe dem soema toe disi no ben doe sondoe leki Adam ben doe, disi de da prenki foe da Soema disi ben moesoe kom. Sondoe ben de fosi da wet Dede ben de fosi da wet Adam ben de wan prenki foe Jezus Les 09 Romeini I - 1-5 5/8/2019

Adam & Kristus Rom. 5:15. Ma da fri presenti no de leki da sondoe. Bikasi efoe foeroe soema ben dede doro da sondoe foe wan soema, hoe moro da gnade foe Gado nanga da presenti foe gnade di ben kom doro wan man, Jezus Krisus, de kom hipi gi foeroe soema.16. En da presenti no de leki san ben kom nanga da wan soema disi ben doe sondoe; bikasi doro da wan soema, da kroetoe ben tjari vonisi kom; ma foe foeroe sondoe ede, da fri presenti ben kom foe meki soema kom regtvaardiki Les 09 Romeini I - 1-5 5/8/2019

Adam & Kristus Adam sondoe ben kom tapoe foeroe soema foe meki dem go dede Kristus ben gi wi da presenti foe gnade disi ben meki foeroe soema kom regtvaardiki Les 09 Romeini I - 1-5 5/8/2019

Adam tjari dede, Kristus tjari libi Romeini 5:17. Bikasi efoe nanga da sondoe foe wan soema, dede ben de kownoe doro wan soema; hoe moro dem soema disi ben kisi foeroe gnade nanga da presenti foe gerechtigheid sa de kownoe na ini libi doro wan Soema, Jezus Kristus.) 18. Foe dat'ede so leki doro da sondoe foe wan soema, kroetoe ben kom na tapoe ala soema foe vonisi dem; so srefi doro da gerechtigheid foe wan Soema, da fri presenti ben kom na tapoe ala soema foe tjari da gerechtigheid foe libi kom. Les 09 Romeini I - 1-5 5/8/2019

Adam efoe Kristus Jezus? Efoe wi tan na ini Adam nomo, wi sa dede Efoe wi tan na ini Kristus, wi sa libi Les 09 Romeini I - 1-5 5/8/2019

Adam – tranga jesi. Jezus gi jesi Rom. 5:19. Bikasi so leki foeroe soema ben tron sondoe soema doro wan man di no ben gi jesi, so srefi doro da wan Soema disi ben gi jesi, foeroe soema sa kom regtvaardiki. Joe de na ini da soema disi gi jesi, efoe da soema disi no gi jesi? Les 09 Romeini I - 1-5 5/8/2019

Moro leki wan sortoe wet de… Rom. 5:20. Moro fara, da wet ben kom so dati sondoe ben sa kom foeroe. Ma pe sondoe ben kom foeroe, gnade ben kom moro foeroe; 21. So leki sondoe ben de kownoe te leki dede; so srefi gnade sa de kownoe doro gerechtigheid te leki libi foe teego doro Jezus Kristus wi Masra. Da wet foe Gado (10 gebod) sori wi sondoe krin, dati a de foeroe A tjari dede kom doro sondoe… Les 09 Romeini I - 1-5 5/8/2019

Gnade de moro tranga leki da wet Gnade de moro tranga leki da wet foe sondoe gi da soema disi bribi tapoe Jezus Kristus Da gnade de kownoe – no foe dede, ma foe da libi foe teego doro Jezus Kristus Wi kom regtvaardiki doro bribi Les 09 Romeini I - 1-5 5/8/2019

Samenvatting Adam no ben gi jesi Adam ben doe sondoe Adam ben tjari sondoe kom tapoe ala soema disi de na ini Adam Ala soema na ini Adam moesoe dede Les 09 Romeini I - 1-5 5/8/2019

Samenvatting Jezus Kristus ben gi jesi Jezus Kristus ben tjari gnade kom Da gnade disi ben kom doro bribi Da gnade ben meki wi kom regtvaardiki na fesi foe Gado Disi tjari libi foe teego kom doro Jezus Kristus Les 09 Romeini I - 1-5 5/8/2019

Wi de fri dan foe doe sondoe? Rom. 6:1. San wi sa taki dan? Wi sa go doro na ini sondoe, so dati da gnade sa kom moro bigi? 2. Gado moesoe kibri wi! Fa wi, disi dede kaba gi sondoe, sa libi moro langa na hem ini? Wi no moesoe doe sondoe moro, efoe wi no span bikasi gnade de bigi! Wi dede kaba gi sondoe! Les 09 Romeini I - 1-5 5/8/2019

No doe sondoe moro Rom. 6:3. Oen no sabi taki wi alamala disi ben dopoe na ini Jezus Kristus ben dopoe na ini Hem dede? 4. Foe dat'ede, wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. Wi de wan na ini da dede foe Jezus Kristus tapoe da kruisi Wi de wan na ini da opo baka foe Jezus Kristus toe Les 09 Romeini I - 1-5 5/8/2019

Watra dopoe beeld uit wi relatie nanga Jezus Kristus Rom. 6:5. Bikasi efoe wi ben prani makandra na ini san disi gersi Hem dede, wi sa de na ini san gersi da opo baka foe Hem toe. Disi de wan prenki Te wi saka na ondro da watra, wi gersi Hem dede Te wi komopo foe da watra, wi gersi Hem opo baka Les 09 Romeini I - 1-5 5/8/2019

Wan sani wi moesoe sabi: Rom. 6:6. Disi wi moesoe sabi: dati wi owroe soema de kruisi makandra nanga Hem, foe da skin foe sondoe moesoe go pori, so dati wi no sa dini sondoe moro. 7. Bikasi da soema disi dede kaba de fri foe sondoe. Wi dede gi sondoe Wi no de na ondro da makti foe sondoe moro Les 09 Romeini I - 1-5 5/8/2019

Da waarheid: wi dede nanga Kristus, en wi libi nanga Hem Rom. 6:8. Now efoe wi dede kaba nanga Kristus, wi bribi dati wi sa libi nanga Hem toe; 9. Bikasi wi sabi dati Kristus, di A ben opo baka foe dede, A no sa dede moro; dede no abi makti na Hem tapoe moro. 10. Bikasi di A ben dede, A ben dede wan tron gi sondoe; ma di A de libi now, A de libi gi Gado. Les 09 Romeini I - 1-5 5/8/2019

Da waarheid: Kristus noiti sa dede moro Kristus dede gi sondoe en A libi gi Gado Wi de na ini Kristus Dan wi dede gi sondoe toe, en wi libi gi Gado toe Les 09 Romeini I - 1-5 5/8/2019

Reken disi de troe Rom. 6:11. So srefi oen moesoe loekoe na oensrefi leki oen dede kaba gi sondoe, ma oen de libi gi Gado doro Jezus Kristus wi Masra. 12. Foe dat'ede, no gi da sondoe pasi foe de basi abra oen skin, so dati oen sa arki hem na ini hem lostoe; Bribi disi de troe Taki: Nono gi sondoe Les 09 Romeini I - 1-5 5/8/2019

Gi oen skin abra na Gado Rom. 6:13. En no gi dem pisi foe oen skin abra leki wrokosani foe ongerechtigheid foe doe sondoe; ma gi oensrefi abra na Gado, leki soema disi ben komopo foe dede en kom na libi baka, en gi dem pisi foe oen skin abra na Gado leki wrokosani foe doe gerechtigheid.14. Bikasi sondoe no sa de basi na oen tapoe moro; bikasi oen no de na ondro da wet, ma na ondro gnade. Les 09 Romeini I - 1-5 5/8/2019

Membre Wi no de na ondro da wet Wi de na ondro gnade Sondoe no de wi basi moro Meki wi gi wi skin abra na Gado leki wrokosani foe doe gerechtigheid Les 09 Romeini I - 1-5 5/8/2019

No go doro nanga sondoe Rom. 6:15. San wi sa taki dan? Wi sa doe sondoe, bikasi wi no de ondro da wet moro, ma ondro gnade? Gado moesoe kibri wi! 16. Oen no sabi taki, te oen gi oen srefi abra foe gi jesi na wan soema leki hem dinari, oen de wan dinari foe da soema disi oen de arki; efoe na sondoe foe go dede, efoe foe gi jesi na gerechtigheid? Les 09 Romeini I - 1-5 5/8/2019

Arki na joe njoen basi Joe ben de slafoe foe sondoe Now joe de fri foe verkisi gerechtigheid Gi jesi now na gerechtigheid Les 09 Romeini I - 1-5 5/8/2019

Fri foe sondoe… Rom. 6:17. Ma grantangi foe Gado, bikasi fosi oen ben de dinari foe sondoe, ma foe oen hati, oen ben gi jesi na da leri disi wi ben gi oen. 18. Dan oen ben kom fri foe sondoe, en oen ben tron dinari foe gerechtigheid. Fosi dinari foe sondoe Now dinari foe gerechtigheid Les 09 Romeini I - 1-5 5/8/2019

Dinari foe sondoe efoe gerechtigheid? Rom. 6:19. Now mi taki na libisoema-fasi bikasi foe da swaki-fasi foe oen skin; bikasi so leki oen ben gi dem pisi foe oen skin abra leki dinari foe fisti-sani nanga sondoe te doro sondoe; now so srefi oen moe gi dem pisi foe oen skin abra leki dinari foe gerechtigheid te doro santa-fasi. 20. Bikasi di oen ben de dinari foe sondoe, oen ben de fri foe gerechtigheid. Gi joe skin abra foe dini gerechtigheid Les 09 Romeini I - 1-5 5/8/2019

Sortoe froktoe de na ini joe libi? Rom. 6:21. Sortoe froktoe oen ben abi foe dem sani disi meki oen kisi sjem now? Bikasi da kaba foe dem sani de dede. 22. Ma now, di oen kom fri foe sondoe, en oen ben tron dinari foe Gado, oen abi oen froktoe na santa-fasi, en da kaba foe dati de da libi foe teego. Froktoe foe dede, efoe foe santa-fasi? Les 09 Romeini I - 1-5 5/8/2019

Samenvatting: Rom. 6:23. Bikasi dede de da paiman foe sondoe, ma da presenti foe Gado de libi foe teego doro Jezus Kristus wi Masra. Dede – da paiman foe sondoe, wan sani disi wi ben verdini Dede= prati foe wi skin, en prati foe Gado Presenti – joe no man verdini hem Libi foe teego – de doro Jezus Kristus Les 09 Romeini I - 1-5 5/8/2019

Fa foe kom fri foe da wet? Dede! Rom. 7:1. Oen no sabi, brada, (bikasi mi taki nanga dem soema disi sabi da wet kaba) fa da wet de basi abra wan soema so langa dati a de na libi? 2. Bikasi da oema disi abi wan masra abi wan verbontoe nanga hem masra doro da wet so langa dati a de na libi; ma efoe hem masra dede kaba, dan a de fri foe da wet foe hem masra. Les 09 Romeini I - 1-5 5/8/2019

Fri doro dede Rom. 7:3. Moro fara, efoe hem masra de na libi ete, en a trow nanga wan tra masra, dem sa kari hem wan hoeroe-oema; ma efoe hem masra dede kaba, a de fri foe da wet dati, so a no de wan hoeroe-oema moro alwasi a trow nanga wan tra masra. Wan oema kom fri foe hem masra efoe da masra dede Les 09 Romeini I - 1-5 5/8/2019

Mi moesoe dede gi da wet Rom. 7:4. Foe dat'ede, mi brada, doro da skin foe Kristus, oenoe toe dede kaba gi da wet so dati oen sa trow nanga wan tra soema, nanga Hem disi ben opo baka foe dede, so dati wi ben sa meki froktoe gi Gado. Wi kom fri no te da wet dede, ma te wi dede gi da wet Wi dede na ini Kristus Jezus Les 09 Romeini I - 1-5 5/8/2019

Wi dede kaba gi da wet Rom 7:5. Bikasi di wi ben de na ini skin-fasi ete, dem wroko foe sondoe disi wroko doro da wet ben wroko na ini dem pisi foe wi skin foe meki froktoe foe dede. 6. Ma now wi de verloesoe foe da wet, wi disi ben dede kaba gi da sani disi ben hori wi; so dati wi kan dini nanga wan njoen jeje-fasi, en no nanga da owroe fasi foe da letter. Now wi de fri foe dini doro da Jeje, bikasi wi dede gi da wet na ini wi owroe skin-fasi Les 09 Romeini I - 1-5 5/8/2019

Da wet srefi de boen Rom. 7:7. San wi sa taki dan? Da wet de sondoe? Gado moesoe kibri wi! Nono, mi no ben sabi sondoe boiti nanga da wet; bikasi mi no ben sabi bigi-ai boiti dati da wet ben taki: Joe no moesoe abi bigi-ai. 8. Ma sondoe, disi ben soekoe wan okasi nanga da komanderi, ben wroko ala sortoe bigi-ai na mi ini. Bikasi sondro da wet, sondoe dede kaba. Les 09 Romeini I - 1-5 5/8/2019

Da wet meki sondoe kisi libi Rom. 7:9. Bikasi foe wan pisi tem, mi ben libi sondro da wet; ma di da komanderi ben kom, sondoe ben kisi libi baka, en mi ben dede. 10. En mi ben feni dati da komanderi disi ben moesoe tjari mi kom na libi, ben tjari dede kom. 11. Bikasi doro da komanderi, sondoe ben teki okasi foe kori mi, en a ben kiri mi. Da wet sori sondoe Ma na ini wi skin-fasi, da wet meki wi wani doe san disi de fout Les 09 Romeini I - 1-5 5/8/2019

Da wet de santa, opregti & boen Rom. 7:12. Na so da wet de santa, en da komanderi de santa en opregti en boen. 13. Dan da sani disi de boen ben tron dede gi mi? Gado moesoe kibri wi! Ma sondoe, so dati a sa sori hemsrefi leki sondoe, ben wroko nanga da sani disi de boen foe kiri mi, so dati nanga da komanderi, sondoe de kom toemoesi takroe. Sondoe sori hemsrefi doro da wet Les 09 Romeini I - 1-5 5/8/2019

Da wet de Jeje-fasi Romeini 7:14. Bikasi wi sabi taki da wet de jeje-fasi; ma mi de skin-fasi, en mi ben seri na ondro sondoe kaba. Da wet de Jeje-fasi Mi de skin-fasi Mi no man hori da wet na ini mi skin-fasi Les 09 Romeini I - 1-5 5/8/2019

Mi wani doe boen… Rom. 7:15. Bikasi da sani disi mi doe, dati mi no froestan; bikasi san mi wani doe, dati mi no doe; ma da sani disi mi no lobi kwet'kweti, dati mi doe. 16. Dan efoe mi doe da sani disi mi no wani, mi taki dati da wet de boen. 17. Dan a no de mi moro disi de doe da sani, ma sondoe disi libi na mi ini. Da wet de boen Ma sondoe libi na mi ini Les 09 Romeini I - 1-5 5/8/2019

Mi mankeri da krakti foe doe boen Rom. 7:18. Bikasi mi sabi dati na mi ini (dati wani taki, na ini mi skin), no wan boen sani de libi; bikasi mi abi da wani na mi ini, ma mi mankeri da krakti foe doe san disi de boen.19. Bikasi mi no doe da boen disi mi wani, ma da ogri disi mi no wani, na dati mi doe. No wan boen sani de na ini mi skin Mi wani doe boen, ma mi mankeri da krakti foe doe boen Les 09 Romeini I - 1-5 5/8/2019

Ogri libi na mi ini… Rom. 7:20. Now efoe mi doe san mi no wani, dan a no de mi moro disi doe dati, ma da sondoe disi libi na mi ini. 21. So mi feni wan wet dati te mi wani doe boen, ogri de libi na mi ini. Ogri de na mi ini – mi owroe skin-fasi Les 09 Romeini I - 1-5 5/8/2019

Sondoe meki wi slafoe na ini katibo Rom. 7:22. Bikasi mi lobi da wet foe Gado na mi inisei-soema; 23. Ma mi si wan tra wet na ini mi skin, disi feti agensi da wet foe mi prakseri, en disi tjari mi go na ini katibo foe da wet foe sondoe disi de na ini mi skin. Mi lobi da wet Ma mi abi wan tra wet – mi owroe libi disi tapoe da wet foe Gado Les 09 Romeini I - 1-5 5/8/2019

Sortoe wet joe dini? Rom. 7:24. O fa mi de wan mofina soema! Soema sa verloesoe mi foe da skin foe dede disi? 25. Ma grantangi foe Gado doro Jezus Kristus wi Masra! 26. Da so nanga mi prakseri, mi dini da wet foe Gado, ma na ini da skin-fasi, mi dini da wet foe sondoe. Mi prakseri = da wet foe Gado Mi skin- da wet foe sondoe Les 09 Romeini I - 1-5 5/8/2019

Da wet foe Jeje meki mi kom fri Rom. 8:1. Foe dat'ede now no wan vonisi de gi dem soema disi de na ini Kristus Jezus disi no waka na baka da skin, ma na baka da Jeje. 2. Bikasi da wet foe da Jeje foe libi na ini Kristus Jezus ben meki mi kom fri foe da wet foe sondoe nanga dede. Les 09 Romeini I - 1-5 5/8/2019

Gado ben tjari wan oplossing kom Rom. 8:3. Bikasi san da wet no ben man doe, bikasi wi skin-fasi ben meki da wet kom swaki, Gado ben seni Hem egi Manpikin foe doe, disi ben kom na ini skin-fasi en foe sondoe ede, en A ben vonisi sondoe na ini skin-fasi; 4. So dati da gerechtigheid foe da wet sa kom troe na wi ini; wi disi no waka na baka da skin, ma na baka da Jeje. Les 09 Romeini I - 1-5 5/8/2019

Jezus meki wi fri… Jezus Kristus ben kom na skin fasi Jezus Kristus bne vonisi sondoe na ini skin-fasi Jezus Kristus ben gi wi da gerechtigheid foe da wet di A gi wi Hem Jeje Ma wi moesoe waka na ini da Jeje Les 09 Romeini I - 1-5 5/8/2019

Skin-prakseri efoe Jeje-prakseri Rom. 8:5. Bikasi dem soema disi de foe da skin prakseri dem sani foe da skin, ma dem soema di de foe da Jeje prakseri dem sani disi de foe da Jeje. 6. Bikasi foe abi skin-prakseri de da dede; ma foe abi Jeje-prakseri de libi nanga vrede. Wi moesoe abi Jeje-prakseri en no skin-prakseri Les 09 Romeini I - 1-5 5/8/2019

Skin-prakseri – feanti foe Gado Rom. 8:7. Bikasi da skin-prakseri de wan feanti foe Gado; bikasi a no saka na ondro da wet foe Gado; en foe troe, a no man doe so. 8. Da so dem soema disi de na ini da skin-fasi no kan gi Gado prisiri. Skin-prakseri no man gi jesi na da wet foe Gado Skin-fasi no kan gi Gado prisiri Les 09 Romeini I - 1-5 5/8/2019

Ala bribiwan abi da Jeje foe Kristus Rom. 8:9. Ma oen no de na ini da skin-fasi, ma na ini da Jeje-fasi, efoe da Jeje foe Gado de libi na oen ini. Now efoe iniwan soema no abi da Jeje foe Kristus, a no de foe Hem. Efoe joe taki dati wan soema no abi da Jeje, dan joe taki dati a no de wan bribiwan Les 09 Romeini I - 1-5 5/8/2019

Da Jeje foe Kristus sa opo wi dedeskin baka Rom. 8:10. En efoe Kristus de na oen ini, da skin dede bikasi foe sondoe ede; ma da Jeje de libi bikasi foe gerechtigheid.11. Ma efoe da Jeje foe Hem disi ben opo Jezus foe dede de libi na oen ini, Hem disi ben opo Kristus foe dede sa gi oen skin libi toe doro Hem Jeje disi de libi na oen ini. Da Santa Jeje sa opo wi skin baka… Les 09 Romeini I - 1-5 5/8/2019

Wan moi samenvatting… Rom. 8:12. Foe dat'ede, brada, wi abi paiman foe pai, ma no na da skin, foe libi na skin-fasi. 13. Bikasi efoe oen libi na da fasi foe da skin, oen sa dede; ma efoe nanga da Jeje oen kiri dem wroko foe da skin, dan oen sa libi. Disi sori wi san wi moesoe doe Les 09 Romeini I - 1-5 5/8/2019

Da getuigi foe da Jeje Rom. 8:14. Bikasi ala dem soema disi da Jeje foe Gado de tiri dem de pikin foe Gado. 15. Bikasi oen no ben kisi da jeje foe katibo agen foe meki oen frede; ma oen ben kisi da Jeje foe tron Hem pikin; en nanga dati wi bari taki: Abba, Tata 16. Da Jeje srefi de wan getuigi nanga wi jeje dati wi de dem pikin foe Gado. Ibri soema disi abi da Jeje de wan pikin foe Gado Da Santa Jeje Hemsrefi de wan getuigi gi wi Les 09 Romeini I - 1-5 5/8/2019

Mede-erfgenaam nanga Kristus Rom. 8:17. En efoe wi de pikin, dan wi de erfgenaam; erfgenaam foe Gado, en mede-erfgenaam nanga Kristus; efoe wi sa pina nanga Hem, dan wi sa kisi glori makandra toe. 18. Bikasi mi loekoe na dem pina foe da tem disi leki dem no de waarti foe wegi agensi da glori disi A sa sori na wi ini. Les 09 Romeini I - 1-5 5/8/2019

Da pina nanga da glori Wi kan verwakti pina foe Kristus ede Efoe wi pina nanga Hem, wi sa kisi glori toe Da glori de moro bigi leki da pina Les 09 Romeini I - 1-5 5/8/2019

Da schepping wakti wi… Rom. 8:19. Bikasi da tranga wani foe dem sani disi Gado ben meki de wakti dem pikin foe Gado foe sori demsrefi. 20. Bikasi dem sani disi Gado ben meki tron soso sani, no nanga dem egi wani, ma bikasi foe da wani foe Hem disi ben meki dem saka na Hem ondro na ini hopoe. Les 09 Romeini I - 1-5 5/8/2019

Alasani wakti foe da verloesoe foe sondoe Rom. 8:21. Bikasi san Gado ben meki srefi sa kom verloesoe foe da katibo foe pori-fasi toe, en kom na da glori fri foe dem pikin foe Gado. 22. Bikasi wi sabi dati ala sani disi Gado ben meki de djeme en pina te leki now. 23. En no dem wawan, ma wisrefi toe, disi abi dem fosi-froktoe foe da Jeje; wi djeme na ini wisrefi toe, en wi wakti te leki A sa teki wi leki Hem pikin, dati wani taki, foe bai wi skin baka. Les 09 Romeini I - 1-5 5/8/2019

Te Jezus sa kom baka… Kande disi taki foe da kenki na grontapoe disi sa pasa te Jezus sa kom baka foe Hem 1000 jari rijk Soema sa libi langa Grontapoe srefi sa kenki Dem meti sa kenki manieri Les 09 Romeini I - 1-5 5/8/2019

Wi hopoe foe san wi no si ete Rom. 8:24. Bikasi wi kom verloesoe nanga hopoe; ma hopoe disi wi si no de hopoe, bikasi san wan soema ben si kaba, foe san'ede a de hopoe foe hem ete? 25. Ma efoe wi hopoe foe kisi dem sani disi wi no si ete, dan nanga pasensi wi wakti foe dati. Wi moesoe wakti nanga pasensi Les 09 Romeini I - 1-5 5/8/2019

Da Santa Jeje jepi wi begi Rom. 8:26. So srefi, da Jeje jepi wi swaki fasi toe; bikasi wi no sabi fa wi moesoe begi leki fa a de fiti; ma da Jeje Hemsrefi de begi gi wi nanga djeme disi oen no man taki. 27. E n Hem disi ondrosoekoe da hati sabi san disi de na ini da prakseri foe da Jeje, bikasi A begi gi dem santawan nanga da wani foe Gado. Wi no sabi fa foe begi Da Santa Jeje srefi jei da begi foe wi Les 09 Romeini I - 1-5 5/8/2019

Ala sani wroko makandra foe boen… Rom. 8:28. En wi sabi dati alasani wroko makandra foe boen gi dem soema disi lobi Gado, gi dem soema disi Gado kari so leki fa A wani. A no taki dati alasani de boen A no taki disi gi ibri soema Alasani wroko samen foe meki boen kom foe ibri troe bribiwan Les 09 Romeini I - 1-5 5/8/2019

Da doel foe Gado Rom. 8:29. Bikasi dem soema disi A ben sabi na fesi kaba, A ben meki besroiti kaba foe meki dem kom gersi da fasi foe Hem Manpikin toe, so dati A sa de da fosi-gebore foe foeroe brada. Gado wani foeroe da heelal nanga bribiwan disi gersi Jezus Les 09 Romeini I - 1-5 5/8/2019

Wi abi zekerheid Rom. 8:30. Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem A ben meki kisi glori toe. A ben kari, A ben meki dem soema kom regtvaardiki A ben meki dem kisi glori toe… Wi no man lasi baka. Gado si wi nanga Hem glori kaba… Les 09 Romeini I - 1-5 5/8/2019

Noti kan prati wi foe da lobi foe Kristus… Rom. 8:31. San wi sa taki abra dem sani disi dan? Efoe Gado de na wi sei, soema kan de agensi wi? 32. Hem disi no ben hori baka Hem egi Manpikin, ma A ben gi Hem abra foe wi alamala, fa A no sa gi wi ala tra sani nanga Hem toe? Gado de na wi sei – no wan soema kan doe wi noti Gado ben gi da moro diri sani kaba, so dati wi kan verwakti dem tra sani na baka… Les 09 Romeini I - 1-5 5/8/2019

Kristus Jezus de wi afkati Rom. 8:33. Soema sa kroetoe dem soema disi Gado ben verkisi? A de Gado disi meki dem kom regtvaardiki. 34. Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Kristus ben meki wi kom regtvaardiki Kristus opo baka en A begi gi wi toe Les 09 Romeini I - 1-5 5/8/2019

San prati wi foe da lobi foe Kristus? Rom. 8:35. San sa prati wi foe da lobi foe Kristus? Trobi, efoe frede, efoe vervolgoe, efoe angribere, efoe foe de nanga soso skin, efoe gevaar, efoe howroe? 36. So leki fa da skrifi taki: Foe joe ede dem kiri wi da heri dei langa; dem loekoe na wi leki skapoe disi de foe slakti. 37. Nono, na ini ala dem sani disi wi de moro leki winiman doro Hem disi ben lobi wi. Les 09 Romeini I - 1-5 5/8/2019

Noti prati wi foe da lobi foe Kristus Foeroe trobi kan miti wi dati soema sa denki sori dati Kristus Jezus no lobi wi Dem de lekti pina fosi wi kisi wi erfenis Dem loekoe na wi leki wan gemakkelijk sani foe kiri Ma tokoe wi de winiman Les 09 Romeini I - 1-5 5/8/2019

Noti prati wi foe da lobi foe Kristus Rom. 8:38. Bikasi mi sabi foe troe dati no dede, no libi, no dem engel, no dem granmasra, no dem maktiwan, no dem sani foe tide, no dem sani disi sa kom, 39. No wan hei sani, no wan dipi sani, en no wan tra sani sa man prati wi foe da lobi foe Gado disi de na ini Kristus Jezus wi Masra Les 09 Romeini I - 1-5 5/8/2019

Noti prati wi… Dede efoe libi no prati wi. Foe libi de Kristus,en dede de wan wini gi wi Dem boen engel nanga dem takroe engel no man prati wi Sani disi wi ben doe, en sani disi wi sa doe no man prati wi Disi de ete wan zekerheid dati wi no sa lasi baka Les 09 Romeini I - 1-5 5/8/2019

Les 09 Romeini I - 1-5 5/8/2019

Njoen Testamenti II Les 11: Romeini 9-12 Bijbel Baptist Kerk Les Njoen Testamenti II Les 11: Romeini 9-12 Robert D. Patton Da Froktoe foe da Jeje: Lobi 5/8/2019

Paulus lobi dem Djoe Romeini 9:1. Mi taki da waarheid na ini Kristus, en mi no lei; en mi egi konsensi gi getuigi toe na ini da Santa Jeje;2. Dati mi abi wan bigi hebi nanga wan sari alatem na ini mi hati.3. Bikasi mi ben kan kari wan floekoe kom na mi tapoe disi kan prati mi foe Kristus foe mi brada ede; mi famiri na skin-fasi. Les 09 Romeini I - 1-5 5/8/2019

Paulus ben lobi dem Djoe Dem ben feanti, ma tokoe a ben lobi dem, so leki Kristus ben dede gi wi di wi ben de feanti A ben de bereid foe go na hel efoe dem kan feni verloesoe Wi feni da tori disi ook toe na ini Mozes na ini da Owroe Testamenti Les 09 Romeini I - 1-5 5/8/2019

San dem Djoe ben abi Rom. 9:4. Dem de Israeliet soema, disi Gado ben teki leki Hem folkoe, en dem abi da glori nanga dem akkorderi nanga da wet nanga da fasi foe dini Gado, nanga dem pramisi;5. Dem abi dem granavoo, en na skin-fasi, Kristus ben komopo foe dem, Hem disi de na tapoe ala sani, Gado blesi foe teego. Amen. Les 09 Romeini I - 1-5 5/8/2019

Dem Djoe ben abi voordeeld: Dem ben de da folkoe disi Gado ben teki Dem ben abi da glori nanga da akkorderi foe da wet Dem ben sabi fa foe dini Gado na da juisti fasi Les 09 Romeini I - 1-5 5/8/2019

San dem Djoe ben abi? Dem abi dem pramisi foe Gado Dem abi dem granavoo – Abraham, Isaak, nanga Jakob Kristus ben komopo foe dem na skin-fasi Les 09 Romeini I - 1-5 5/8/2019

Wi no moesoe denki da woortoe foe Gado no hori Romeini 9:6. A no de leki da woortoe foe Gado no ben doe hem wroko. Bikasi a no de ala soema disi komopo foe Israël disi de Israëliet soema; 7. Bikasi a no de ala dem bakatem pikin foe Abrahem disi de pikin, ma a de skrifi taki: Na ini Isaak, dem sa kari oen bakatem pikin. Abraham ben meki Isaak fosi Abraham ben meki 6 pikin nanga Ketura moro lati Ma Isaak ben de da pikin foe pramisi Les 09 Romeini I - 1-5 5/8/2019

Isaak, da pramisi pikin 8. Dati wani taki: Dem soema disi de pikin nanga skin-fasi nomo no de pikin foe Gado; ma A loekoe na dem pikin foe da pramisi leki bakatem pikin. 9. Bikasi disi de da woortoe foe pramisi taki: Na da tem disi Mi sa kom, en Sara sa meki wan manpikin. Abraham ben meki 8 pikin nanga skin-fasi Ma wan nomo, Isaak ben de da pikin foe pramisi Les 09 Romeini I - 1-5 5/8/2019

Gado verkisi Jakob Rom. 9:10. En a no de disi wawan; ma di Rebecca ben hori bere toe foe wan soema, wi tata Isaak;11. (Fosi dem pikin ben meki ete, en dem no ben doe boen efoe ogri ete, so dati da wroko foe Gado moesoe tan so leki Hem verkisi; no foe wroko ede, ma foe Hem disi ben kari ede;)12. A ben taki gi hem (Rebekka) taki: Da moro bigiwan sa dini da moro pikinwan.13. So leki dem ben skrifi kaba taki: Jakob Mi ben lobi, ma Esau Mi no ben lobi. Les 09 Romeini I - 1-5 5/8/2019

Gado verkisi Jakob Gado no ben trowe Esau, ma A ben verkisi Jakob Gado no ben verkisi Jakob bikasi foe dem boen disi a ben doe kaba – bikasi A ben verkisi hem di a ben de na ini hem mama bere ete Gado no ben verkisi hem op positie, bikasi Esau ben gebore fosi Les 09 Romeini I - 1-5 5/8/2019

Gado abi leti foe verkisi Rom 9:14. San wi sa taki dan? Dati Gado no de regtvaardiki? Gado moesoe kibri wi!15. Bikasi A ben taki gi Mozes taki: Mi sa sori sari-hati na tapoe soema Mi sa sori sari-hati, en Mi sa abi boen-hati na tapoe soema Mi sa abi boen-hati.16. We dan a no komopo foe da wani foe wan soema, efoe foe fa hem de lon, ma foe Gado, disi sori sari-hati. Les 09 Romeini I - 1-5 5/8/2019

Meki wi no stree Libisoema kan koti kroetoe na wan fasi disi no de eerlijk Ma Gado noiti sa doe so Gado wroko op basis foe Hem egi besroiti, leki fa A ben sori wi sari-hati so dati wi no abi foe bron na ini hel Les 09 Romeini I - 1-5 5/8/2019

Da voorbeeld foe Farao Rom. 9:17. Bikasi da Boekoe ben taki gi Farao taki: Bikasi Mi ben opo joe foe sori Mi krakti na joe ini, en foe dem sa taki foe Mi nem abra heri grontapoe.18. Foe dat'ede A abi sari-hati na tapoe soema A sa abi sari-hati, en na soema A wani, A meki hem hati kom tranga. 19. Dan joe sa taki gi mi taki: Foe san'ede A feni foutoe ete? Bikasi soema kan feti agensi san Hem wani? Les 09 Romeini I - 1-5 5/8/2019

Farao de schuldig? Gado ben meki da hati foe Farao kom tranga foe sori Hem makti Ma so srefi, wi leisi dati Farao ben meki hem egi hati tranga Farao de schuldig foe troe Les 09 Romeini I - 1-5 5/8/2019

Gado abi leti foe doe san A wani Rom. 9:20. Nono, O libisoema, soema na joe foe piki agensi Gado? Da sani disi wan soema ben meki sa piki agensi da soema disi ben meki hem taki: Foe san'ede joe ben meki mi so?21. Da pottenbakker no abi makti abra da klei, foe teki da srefi hipi klei en meki wan wrokosani disi abi bigi nem, en wan tra wan disi no abi bigi nem? Da Schepper abi leti foe meki da schepsel leki fa A wani Les 09 Romeini I - 1-5 5/8/2019

Gado abi leti Rom. 9:22. San efoe Gado ben wani sori Hem hatibron, en foe meki soema sabi Hem krakti, en A ben hori pasensi wan langa tem na tapoe dem wrokosani foe hatibron disi de fiti foe Hem ben sa figi dem poeroe; 23. En efoe A sa meki soema kom sabi da grani foe Hem glori na tapoe dem wrokosani foe sari-hati, disi A ben meki klari na fesi foe kisi glori; 24. Wi disi A ben kari kom, no foe dem Djoe wawan, ma foe dem heiden soema toe? Les 09 Romeini I - 1-5 5/8/2019

Fa Gado ben wroko… Gado sori Hem hatibron tapoe som soema, en A abi leti Gado hori pasensi nanga som soema disi A ben kan figi poeroe foe sori Hem grani, en A meki dem foe kisi glori Gado ben kari wi kom kisi glori – Djoe nanga heiden Les 09 Romeini I - 1-5 5/8/2019

San Hosea ben taki… Rom. 9:25. So leki A ben taki toe na ini Hosea taki: Mi sa kari dem Mi pipel; dem disi no ben de Mi pipel, en Mi sa taki dati Mi lobi hem disi Mi no ben lobi. 26. En a sa pasa so dati na da presi pe dem ben taki gi dem taki: Oen no de Mi pipel; na drape dem sa kari dem: dem pikin foe da libilibi Gado. Gado kari dem heiden toe! Les 09 Romeini I - 1-5 5/8/2019

San Jesaja taki… Rom. 9:27. Jesaja srefi ben bari abra Israël taki: Alwasi da nomroe foe dem pikin foe Israël sa de leki da santi foe da zee, wan groepoe foe dem disi tan abra nomo sa feni verloesoe; 28. Bikasi A sa kaba da wroko, en A sa koti hem sjatoe na ini gerechtigheid; bikasi Masra sa doe wan sjatoe wroko na grontapoe. 29. En Jesaja ben taki kaba taki: Efoe Masra Sebaot no ben libi wan bakatem pikin gi wi, wi ben sa de leki Sodom, en wi ben sa de leki Gomorra. Wan groepoe foe dem Djoe sa feni verloesoe Les 09 Romeini I - 1-5 5/8/2019

Foe dat’ede… Rom. 9:30. San wi sa taki dan? Dati dem heiden soema, disi no ben soekoe foe gerechtigheid, ben kisi gerechtigheid, da gerechtigheid disi ben komopo foe bribi. 31. Ma Israël, disi ben waka na baka da wet foe gerechtigheid, no ben kisi da wet foe gerechtigheid. Gado wroko op basis foe bribi Les 09 Romeini I - 1-5 5/8/2019

Gado wroko doro bribi Rom. 9:32. Foe san'ede? Bikasi dem no ben soekoe hem nanga bribi, ma nanga dem wroko foe da wet. Bikasi dem ben naki foetoe na tapoe da ston foe naki foetoe; 33. So leki a de skrifi taki: Loekoe, na ini Sion Mi seti wan ston foe naki foetoe, en wan ston foe kisi hatibron; en da soema disi de bribi na Hem tapoe no sa kisi sjem. Da ston dati de da hoekoeston, Jezus Kristus! Les 09 Romeini I - 1-5 5/8/2019

Dem Djoe no ben wroko nanga sabi abra san Gado taki Rom. 10:1. Mi brada, da wani foe mi hati, en da begi foe mi na Gado de dati Israël sa feni verloesoe.2. Bikasi mi getuigi gi dem dati dem abi wan hangri foe Gado, ma no nanga sabi. Les 09 Romeini I - 1-5 5/8/2019

Bribi – no wi egi boen wroko Rom. 9:3. Bikasi di dem no ben sabi da gerechtigheid foe Gado, en di dem ben proberi foe seti dem egi gerechtigheid, demsrefi no ben saka na ondro da gerechtigheid foe Gado. 4. Bikasi Kristus de da kaba foe da wet foe gerechtigheid gi ibri soema disi de bribi Wi no meki wisrefi kom regtvaardiki doro wroko, ma doro bribi tapoe Jezus Les 09 Romeini I - 1-5 5/8/2019

Da wroko foe Mozes… Rom. 9:5. Bikasi Mozes ben taki abra da gerechtigheid foe da wet taki: Da soema disi de doe dem sani dati sa libi doro dem. Les 09 Romeini I - 1-5 5/8/2019

Bribi de krosibei na wisrefi… Rom. 9:6. Ma da gerechtigheid disi de foe bribi taki na da fasi disi taki: No taki na ini joe hati taki: Soema sa opo go na ini hemel? (dati wani taki, foe tjari Kristus saka kom na ondro;) 7. Efoe; Soema sa saka go na ini da dipi presi? (dati wani taki, foe tjari Kristus komopo foe dede agen;) 8. Ma san a taki? Da woortoe de krosibei na joe, na ini joe mofo en na ini joe hati; dati wani taki, da woortoe foe bribi disi wi preiki; Les 09 Romeini I - 1-5 5/8/2019

Verloesoe – bribi & bekenti Rom. 10:9. Dati efoe joe bekenti Masra Jezus nanga joe mofo, en joe bribi na ini joe hati dati Gado ben opo Hem baka foe dede, dan joe sa feni verloesoe.10. Bikasi nanga da hati, libisoema bribi na gerechtigheid, en nanga da mofo dem bekenti foe feni verloesoe. Verloesoe – bribi & bekenti Les 09 Romeini I - 1-5 5/8/2019

Ibri soema disi bribi no sa kisi sjem Rom. 10:11. Bikasi da Skrifi taki: Ibri soema disi de bribi na Hem tapoe no sa kisi sjem. 12. Bikasi no wan difrenti fasi de na mindri foe dem Djoe nanga dem Grieki; bikasi da srefi Masra disi de na tapoe ala soema sa gi Hem goedoe na ala soema disi kari na Hem nem. 13. Bikasi ibri soema disi sa kari da nem foe Masra sa feni verloesoe. Les 09 Romeini I - 1-5 5/8/2019

Wi abi frantwoortoe foe preiki. Rom. 10:14. Ma fa dem sa kari na Hem dan efoe dem no ben bribi na Hem tapoe? En fa dem sa bribi na Hem tapoe efoe dem no ben jere abra Hem? En fa dem sa jere sondro foe wan preikiman? Foe Gado kari, wi moesoe bribi Foe bribi joe moesoe jere Foe jere, wan soema moesoe taki Les 09 Romeini I - 1-5 5/8/2019

Wi abi frantwoortoe foe seni soema go preiki Rom. 10:15. En fa dem sa preiki, efoe wan soema no seni dem go? So leki a de skrifi kaba taki: Fa dem foetoe de moi foe dem soema disi de preiki da boen njoensoe foe vrede en disi tjari da prisiri boskopoe foe boen sani kom! A de wan frantwoortoe foe seni preikiman go na ini da oogst foe MASRA Les 09 Romeini I - 1-5 5/8/2019

Som soema no sa bribi… Rom. 10:16. Ma dem alamala no ben gi jesi na da boen njoensoe. Bikasi Jesaja ben taki: Masra, soema ben bribi san wi ben taki?17. Na so bribi de kom nanga jere, en jere nanga da woortoe foe Gado. Fa foe tjari da boen njoensoe? A moesoe de da troe woortoe foe Gado Les 09 Romeini I - 1-5 5/8/2019

Da woortoe panja now foe troe Rom. 10:18. Ma mi taki: Dem no ben jere? Ja, foe troe, da bari foe dem ben go abra heri grontapoe, en dem woortoe foe dem na dem kaba-pisi foe grontapoe. 19. Ma mi taki: Israël no ben sabi? Fosi Mozes ben taki: Mi sa meki joe kom djaroesoe nanga dem soema disi no de wan pipel, en nanga wan dom natie Mi sa meki joe kisi hatibron. Gado sa wroko doro dem heiden foe meki Israel kom djaroesoe Les 09 Romeini I - 1-5 5/8/2019

Gado wroko gi heiden & Israel Rom. 10:20. Ma Jesaja ben abi foeroe dek'ati, en a ben taki: Dem soema disi no ben soekoe Mi ben feni Mi; Mi ben sori Misrefi na dem soema disi no ben aksi foe Mi. 21. Ma na Israël, a ben taki: Da heri dei langa, Mi ben langa mi anoe na wan tranga-jesi pipel disi taki agensi Mi. Gado ben sori hemsrefi na dem heiden, alwasi dem no ben soekoe Hem Gado ben kari na Israel, ma dem no ben wani kom leki wan tranga-jesi folkoe Les 09 Romeini I - 1-5 5/8/2019

Gado no trowe Hem pipel Rom. 11:1. Dan mi aksi taki: Gado ben trowe Hem pipel? Gado moesoe kibri wi! Bikasi mi de wan Israëliet soema toe, wan bakatem pikin foe Abraham, komopo foe da famiri foe Benjamin. 2. Gado no ben trowe Hem pipel disi A ben sabi na fesi kaba. Joe no sabi san da Boekoe de taki abra Elia? Fa a ben begi Gado agensi Israël taki: Les 09 Romeini I - 1-5 5/8/2019

Wan groepoe de ete… Rom. 11:3. Masra, dem ben kiri Joe profeti, en dem ben diki Joe altari foe pori dem; en mi wawan tan abra, en dem soekoe foe kiri mi.4. Ma fa Gado ben piki hem? A ben taki: Mi ben kibri sebi doesoen mansoema gi Misrefi disi no ben boigi kindi gi Baäl.5. So srefi dan na da tem disi toe wan groepoe libi abra disi A ben verkisi nanga gnade. Wan groepoe de nanga gnade Les 09 Romeini I - 1-5 5/8/2019

Gnade no de nanga wroko Rom. 11:6. En efoe a de nanga gnade, dan a no de nanga wroko moro; noso gnade no de gnade moro. Ma efoe a de nanga wroko, dan a no de nanga gnade moro; noso wroko no de wroko moro.7. San disi wani taki dan? Israël no ben kisi da sani disi a ben soekoe; ma dem soema disi A ben verkisi ben kisi hem, en dem trawan ben kom breni. Les 09 Romeini I - 1-5 5/8/2019

Dem profeti ben taki disi kaba Rom. 11:8. (So leki a de skrifi taki: Gado ben gi dem wan jeje foe sribi, en ai disi no de si, en jesi disi no de jere) te leki tide. 9. En David ben taki: Meki dem tafra tron wan trapoe, wan trapoe nanga wan ston foe naki foetoe fadon, nanga wan paiman gi dem. 10. Meki dem ai kom doengroe, so dati dem no man si, en beni dem baka alatem. Disi de wan situatie pe efoe Gado no taigi joe, joe no sa sabi dati disi taki abra da tori foe Israel, en joe denki dati a de soso gi hem feanti Les 09 Romeini I - 1-5 5/8/2019

Gado abi plan gi Israel ete Rom. 11:11. Mi taki dan taki: Dem ben naki foetoe so dati dem ben sa fadon? Gado moesoe kibri wi! Ma di dem ben fadon, verloesoe ben kom gi dem heiden soema, foe meki dem (Djoe) kom djaroesoe.12. Now efoe da fadon foe dem de goedoe gi grontapoe, en fa dem ben kom moro weiniki ben de goedoe gi dem heiden soema, fa da foeroe foe dem sa de moro! Les 09 Romeini I - 1-5 5/8/2019

Da kerki no teki da presi foe Israel Som soema denki dati Israel ben abi hem kans, ma di dem ben kiri dem egi messias, Gado ben poti dem na wan sei foe teego Dan dem taki dati Gado ben poti da kerki na ini presi foe Israel Mi no de eens – en disi tjari verwarring kom Les 09 Romeini I - 1-5 5/8/2019

Verschil foe da kerki & Israel Besnijdenis ben de da marki foe dem Djoe. Ma disi no taki dati dopoe de da srefi gi dem bribiwan Dem pramisi foe Israel de na grontapoe, ma dem pramisi gi da kerki de na ini hemel Les 09 Romeini I - 1-5 5/8/2019