Doctrine II – Les 09 Verloesoe IV Bijbel Baptist Kerk Les Doctrine II – Les 09 Verloesoe IV Robert D. Patton Da Froktoe foe da Jeje: Lobi 5/3/2019

Wi verloesoe de volmaakt Skin Sieli Jeje Verloesoe IV 5/3/2019

Da verloesoe foe da skin I Kor. 15:44 A zaai wan meti-skin; a opo baka wan jeje-skin. Wan meti-skin de, nanga wan jeje-skin. Fil. 3:21 Disi sa kenki wi skin disi sa go pori, foe a sa tron leki Hem glori skin, nanga da wroko foe Hem makti foe meki alasani saka na Hem ondro. Rom. 8:23 En no dem wawan, ma wisrefi toe, disi abi dem fosi-froktoe foe da Jeje; wi djeme na ini wisrefi toe, en wi wakti te leki A sa teki wi leki Hem pikin, dati wani taki, foe bai wi skin baka. Verloesoe IV 5/3/2019

Da verloesoe foe da sieli Heb. 6:19 Da hopoe disi de wan ankra gi wi sieli; a de troe en a tan faste, en a go na baka da garden, Jak. 1:21 Foe dat'ede, poti ala fisti-fasi nanga foeroe takroedoe na wan sei, en nanga saka-fasi teki da woortoe disi de prani, disi kan verloesoe oen sieli. I Pet. 1:9 En oen sa kisi da kaba foe oen bribi, da verloesoe foe oen sieli. I Pet. 4:19 Foe dat'ede meki dem soema disi pina na ini da wani foe Gado gi dem sieli abra na Gado, leki wan getrouw Schepper, en go doro foe doe boen. Verloesoe IV 5/3/2019

Verloesoe foe da jeje: Rom. 8:16 Da Jeje srefi de wan getuigi nanga wi jeje dati wi de dem pikin foe Gado. II Tim. 4:22 Masra Jezus Kristus moesoe de nanga joe jeje. Gnade moesoe de nanga oen. Amen. Heb. 12:23 Na da komakandra nanga da kerki foe dem fosi-gebore, disi de skrifi kaba na ini hemel, en na Gado da Kroetoeman foe ala soema, nanga dem jeje foe dem opregti soema disi A ben meki volmaakt. Verloesoe IV 5/3/2019

Joe kan lasi baka? Na ini da geschiedenis foe da kerki, joe ben abi toe groepoe, Calvinisme, disi ben taki dati joe no man lasi baka, en Arminianism, disi bribi joe kan lasi baka. Ala dem toe nem komopo foe da nem foe da man disi ben hori da positie tranga, John Calvin, nanga Jakob Arminius. Verloesoe IV 5/3/2019

Armenianism – joe kan lasi baka Fosi, som foe dem versi abi te maak nanga apostate soema: Versi disi taki abra falsi leriman: Mt. 7:15-23; 24:11, 24; II Kor. 11:13-15; I Tim. 4:1; II Pet. 2:1-22; 3:16-17; I Jn. 2:19; II Jn. 7; Judas 4, 10-16; Open. 22:18-19 Dem man na ini dem versi disi de san wi kari apostate. Wan apostate ben kisi leti, ma a no kisi libi. A sabi wantoe sani abra da woortoe foe Gado, ma a no sabi da Gado foe da woortoe. Ma a no bribi na ini hem hede dem belangrijk basis waarheid foe da Bijbel. Verloesoe IV 5/3/2019

Marki foe wan apostate A de wan wolf disi weri skapoe-boeba: Mt. 7:15 Loekoe boen nanga dem falsi profeti, disi de kom na oen en weri skapoe boeba, ma na ini dem hati dem de krasi wolf. .A no lobi dem troe skapoe: Tori 20:29 Bikasi mi sabi disi; baka da tem mi sa gowe, krasi wolf sa kom na oen mindri, en dem sa kiri som foe da hipi. .A kori foeroe soema doro bigi marki nanga wondroe-wroko: Mt. 24:11, 24 11. En foeroe falsi profeti sa opo demsrefi, en dem sa kori foeroe soema. 24. Bikasi falsi Kristus sa opo nanga falsi profeti, en dem sa sori bigi marki nanga wondroewroko; so foeroe dati efoe a ben sa kan, dem ben sa kori dem soema disi Gado ben verkisi. Verloesoe IV 5/3/2019

Marki foe wan apostate A de wan soema disi wani bouw hemsrefi positie hei: Tori 20:30 So srefi mansoema sa opo demsrefi na oen mindri, en dem sa taki takroe sani, en dem sa hari discipel kom na dem. .A tjari prati kom foe feni goedoe: Rom. 16:17 Now mi begi oen, brada, loekoe boen na dem soema disi tjari prati kom, en disi seti trapoe na tra fasi leki da leri disi oen ben kisi; en drai komopo foe dem. A gi bigi tak’taki nanga moi woortoe: Rom. 16:18 Bikasi dem soema dati no dini wi Masra Jezus Kristus, ma dem egi bere, en nanga boen woortoe nanga moi taki dem kori dem hati foe dem soema disi mankeri koni. Verloesoe IV 5/3/2019

Apostate A gi pasi foe satan kenki hem leki wan engel foe leti, alwasi a de wan takroe jeje foe doengroe: II Kor. 11:13-15 13. Bikasi dem de falsi apostel, bedriegi wrokoman, disi kenki demsrefi foe gersi apostel foe Kristus. 14. En disi no de wan verwondroe sani, bikasi Satan hemsrefi kenki foe gersi wan engel foe leti. 15. Foe dat'ede a no de wan bigi sani efoe hem dinari srefi ben sa kenki foe gersi dinari foe gerechtigheid; da kaba foe dem sa de so leki a de fiti dem wroko. Verloesoe IV 5/3/2019

Apostate Hem natuur nanga hem boskopoe de na ondro da makti foe takroe jeje: I Tim. 4:1-3 1. Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. 2. Dem taki lei na ini falsi fasi; dem konsensi ben bron nanga wan faja-isri. 3. Dem tapoe soema foe trow, en dem taki dati dem no moesoe njan wantoe njanjan, disi Gado ben meki foe ala soema disi bribi en sabi da waarheid moesoe teki dem nanga grantangi. Verloesoe IV 5/3/2019

Apostate A kenki da leri foe da manpikin foe Gado: II Petrus 2:1 Ma so leki falsi profeti ben de na mindri foe da pipel toe, so srefi dem falsi leriman sa de na oen mindri, disi na kibri-fasi sa tjari pori falsi leri kom na ini, te leki dem sa tori da Masra disi ben bai dem, en dem sa tjari wan hebi strafoe kom es'esi na demsrefi tapoe disi sa figi dem poeroe. Verloesoe IV 5/3/2019

Apostate kenki leri II Jn. 7 Bikasi foeroe koriman ben kom na grontapoe, disi no bekenti dati Jezus Kristus ben kom na skin-fasi. Disi de wan koriman nanga wan anti-Kristus. Judas 4 Bikasi wantoe soema ben kroipi kom na wan kibri-fasi, disi ben de na ondro da vonisi disi foe Gado granwei kaba, mansoema sondro Gado-fasi, disi ben meki da gnade foe wi Gado kom lostoe-libi, en disi ben tori da wan Masra Gado, nanga wi Masra Jezus Kristus Verloesoe IV 5/3/2019

Apostate A pori da leri abra da woortoe foe Gado: II Petrus 3:16 So leki a ben skrifi toe na ini ala hem brifi; pe a skrifi na dem ini abra dem sani disi, disi de tranga foe froestan, en dem soema disi no ben leri, en disi seki ben go poeroe dem komopo, so leki dem doe nanga dem tra Skrifi toe, foe go pori demsrefi. Verloesoe IV 5/3/2019

Apostate Open. 22:18-19 18. Bikasi mi getuigi gi ibri soema disi de jere dem woortoe foe da profeti-taki foe da boekoe disi taki: Efoe iniwan soema sa poti moro foeroe na tapoe dem sani disi, Gado sa poti dem pesti-siki disi de skrifi na ini da boekoe disi na hem tapoe; 19. En efoe iniwan soema sa poeroe foe dem woortoe foe da boekoe foe da profeti-taki disi, Gado sa poeroe hem pisi foe da boekoe foe libi, en foe da santa foto, en foe dem sani disi de skrifi na ini da boekoe disi. Verloesoe IV 5/3/2019

Apostate A pori da leri foe da gnade foe Gado (si Judas 4) Te foe kaba, joe sa sabi hem doro dem froktoe foe hem: Mt. 7:16-20 16. Oen sa sabi dem nanga dem froktoe. Soema kan kisi druivi foe dem maka, efoe figa foe dem brantimaka? 17. So srefi ibri boen bon meki boen froktoe, ma wan takroe bon meki takroe froktoe. 18. Wan boen bon no kan meki takroe froktoe, en wan takroe bon no kan meki boen froktoe. 19. Dem kapoe ibri bon disi no meki boen froktoe trowe na ini da faja. 20. We dan, nanga dem froktoe oen sa sabi dem. Verloesoe IV 5/3/2019

Apostate Jak. 3:11-12 11. Wan watrapeti sa meki switi watra nanga bita watra komopo foe da srefi presi? 12. Wan figabon kan meki olijf, mi brada? Efoe wan druivitaki kan meki figa? So srefi wan watrapeti no kan meki switi watra nanga sowtoe watra toe. I Jn. 2:19 Dem ben komopo gowe libi wi, ma dem no ben de foe wi; bikasi efoe dem ben de foe wi, dem ben sa tan nanga wi dorodoro, ma dem ben komopo foe sori krin dati a no dem alamala ben de foe wi. Verloesoe IV 5/3/2019

Falsi leriman, no lasi baka Mt. 7:21-23 21. A no de ibri soema disi taki gi Mi taki: Masra, Masra, disi sa kom na ini da kownoekondre foe hemel; ma da soema disi de doe da wani foe Mi Tata disi de na ini hemel. 22. Na da dei dati, foeroe soema sa taki gi Mi taki: Masra, Masra, wi no ben taki profeti-tori na ini Joe nem? Wi no ben jagi takroe jeje poeroe na ini Joe nem? En wi no ben doe foeroe wondroewroko na ini Joe nem? Verloesoe IV 5/3/2019

Falsi leriman, no lasi baka 23. Ma dan Mi sa taki gi dem taki: Noiti Mi ben sabi oen. Komopo na Mi fesi, oen soema disi doe ogri wroko. Wan dei Jezus sa taki gi ala dem falsi leriman nanga preikiman: Noiti Mi ben sabi joe. A no skrifi: Fosi Mi ben sabi joe, efoe wan pisi tem kaba Mi ben sabi joe, ma a taki: Noiti mi ben sabi joe. Verloesoe IV 5/3/2019

No lasi baka, ma lasiwan II Petrus 2:20-22 20. Bikasi efoe baka da tem dem ben komopo foe da pori libi foe grontapoe nanga da sabi foe wi Masra nanga Verloesoeman Jezus Kristus, dem ben go tai baka na ini da srefi pori en a wini dem, dan da kaba de moro takroe gi dem leki da bigin. 21. Bikasi a ben de moro boen efoe dem no ben sabi da pasi foe gerechtigheid, leki efoe dem ben sabi hem kaba, en dem ben drai komopo foe da santa komanderi disi soema ben gi dem kaba. 22. Bikasi a ben pasa nanga dem so leki da troe odo taki: Da dagoe ben drai go baka en njan da sani disi a ben poeroe komopo kaba; en da agoe disi dem ben wasi ben go lolo baka na ini tokotoko. Verloesoe IV 5/3/2019

No lasi baka, ma lasiwan Alwasi dem falsi leriman ben kibri demsrefi gi dem problemen foe sopi, immoraliteit, enz. (leki dem Mormonen) bikasi dem ben waka na baka wantoe foe dem beginsel foe da Bijbel, tokoe dem noiti ben teki da persoon foe da Bijbel, Jezus Kristus. Dem soema disi no kan de bribiwan, bikasi noiti Gado kari wan bribiwan wan agoe efoe wan dagoe. Te joe loekoe na da versi abra da agoe, a skrifi na ini so wan fasi dati foe taki letterlijk, a de “da agoe disi de wasi hemsrefi...” A no de wan situatie foe wan njoen geboorte Verloesoe IV 5/3/2019

No taki foe lasi baka Jn. 8:51 Troe, troe, Mi taki gi oen taki: Efoe wan soema sa hori Mi woortoe, noiti a sa si dede. Sortoe woortoe? Na ini wan gesprek na ini Jn. 6:28, dem soema ben aksi Hem taki: San wi moesoe doe foe wi kan doe dem wroko foe Gado? Masra Jezus ben piki taki: Jn. 6:28-29 28. Dan dem ben taki gi Hem taki: San wi moesoe doe, foe wi kan wroko dem wroko foe Gado? 29. Jezus ben piki dem taki: Disi de da wroko foe Gado, foe oen bribi na Hem disi A ben seni kom. Verloesoe IV 5/3/2019

No lasi baka I Kor. 15:1-2 1. Moro fara, mi brada, mi meki oen kom sabi da boen njoensoe disi mi ben preiki gi oen, disi oen ben teki toe, en nanga dati oen tan toe; 2. Nanga disi oen ben feni verloesoe, efoe oen hori faste san mi ben preiki gi oen, efoe oen no ben bribi foe soso. Da sleutel pisi de “foe oen no ben bribi foe soso. San disi wani taki? Verloesoe IV 5/3/2019

No drai libi, dan joe no de bribiwan Paulus taki na ini I Kor. 15:12 Now efoe dem preiki dati Kristus ben opo baka foe dede, dan fa wantoe soema na oen mindri taki dati no wan soema kan opo baka foe dede? A gersi dati wantoe kerki soema foe Korinte ben taki dati da opo baka no ben pasa. Da apostel Paulus ben taki dati dem soema no ben drai dem libi, en dem bribi ben de foe soso bikasi a no kan pasa dati wan soema disi no bribi na da opo baka foe Jezus kan de wan troe bribiwan. Verloesoe IV 5/3/2019

Troe bribiwan no go dorodoro na sondoe I Jn. 3:9 Da soema disi gebore foe Gado no gwenti foe doe sondoe; bikasi Hem siri tan na hem ini, en a no kan doe sondoe dorodoro, bikasi a gebore foe Gado. Da bigi Grieki leriman Kenneth Wuest skrifi na ini In the Last Days, bl. 150 taki: Da infinitive na ini da tegenwoordige tijd na ini Grieki taki alatem foe sani disi joe doe dorodoro, en no dati da sani ben pasa wan leisi...Foe dat’ede da vertalling de: a no de gwenti foe doe sondoe. Da Grieki tekst dja no de leri wi da falsi leri dati a de mogelijk foe libi sondro sondoe. Verloesoe IV 5/3/2019

No taki dati joe sa lasi baka efoe joe doe sondoe… Wi feni da srefi Grieki fasi foe skrifi na ini: I Jn. 3:6 Da soema disi tan na Hem ini no gwenti foe doe sondoe, da soema disi gwenti foe doe sondoe no ben si Hem, en a no ben sabi Hem toe. I Jn. 5:18 Wi sabi dati da soema disi de gebore foe Gado no de gwenti foe doe sondoe; ma da soema disi Gado ben meki de hori hemsrefi, en da ogriwan dati no meri hem. (A de moelijk som leisi foe poti ala dem sani foe wan taal na ini wan trawan. Foe dat’ede wi ben poti dem woortoe “gwenti foe” na fesi foe da werkwoord foe sori joe dati disi de wan spesroetoe fasi foe taki, en wi ben druk hem skoinsi foe sori toe dati joe no sa feni da woortoe gwenti na ini da oorsprongelijk tekst, ma da betekenis de - rdp) Verloesoe IV 5/3/2019

Dem ben jere, ma dem no ben teki Mt. 10:32-33 32. Foe dat'ede, da soema disi sa sabi Mi na fesi foe libisoema, hem Mi sa sabi toe na fesi foe Mi Tata disi de na ini hemel. 33. Ma da soema disi no sabi Mi na fesi foe libisoema, hem Mi no sa sabi toe na fesi foe Mi Tata disi de na ini hemel. Na da bigin foe da hoofdstuk disi, Jezus ben gi dem apostel wantoe les fosi a ben seni dem go na doro foe preiki da evangelium. Dem versi sori wi fa da wroko foe dem de belangrijk. Dem moesoe gi wan waarskow na dem soema disi jere dati efoe dem no arki na da messias dja na grontapoe, dem kan verwakti dati a no sa teki dem kom na ini hemel. Verloesoe IV 5/3/2019

Lasi paiman, no lasi baka II Tim. 2:12 Efoe wi pina, wi sa de leki kownoe toe nanga Hem; efoe wi taki dati wi no sabi Hem, dan A sa taki dati A no sa sabi wi toe; Da woortoe dati wi no sabi hem de leki I Kor. 3:15 Ma efoe iniwan soema wroko sa bron, dan a sa lasi dati, ma hemsrefi sa feni verloesoe, tokoe so leki doro faja. So san dem no kisi de paiman, a no taki dati dem sa go lasi. Verloesoe IV 5/3/2019

Sortoe paiman joe sa kisi? Kol. 3:24-25 24. Sinsi oen sabi dati oen sa kisi da paiman foe da erfenis foe Masra, bikasi oen dini Masra, da Kristus. 25. Ma da soema disi doe ogri sa kisi wan paiman foe dem ogri disi a ben doe, bikasi Gado no loekoe na soema persoon. Verloesoe IV 5/3/2019

No misi Gado beste foe joe I Kor. 9:27 Ma mi dwingi mi skin, en mi meki hem saka na mi ondro; noso na iniwan fasi di mi ben preiki gi tra soema, dem ben sa poti misrefi na sei. Te Paulus taki foe poti na wan sei, disi wani taki dati dem no keur hem goed. Paulus no ben broko hede efoe a abi da libi foe teego (I Tim. 1:12) ma a ben broko hede abra hem dienst foe Gado. Verloesoe IV 5/3/2019

No misi Gado blesi leki Israel na ini da woestijn I Kor. 10:5 Ma Gado no ben abi prisiri nanga foeroe foe dem; bikasi A ben trowe dem na ini da woestijn. .Heb. 3:11 Na so na ini Mi hatibron, Mi ben sweri taki: Dem no sa kom na ini Mi rostoe.) Dem versi disi taki abra san ben pasa na ini da Owroe Testamenti na Kades-barnea na ini Numeri 14, di dem no ben wani go na ini Kanaan. Bikasi foe disi, Gado no ben gi pasi foe iniwan soema moro leki 20 jari owroe boiti Kaleb & Jozua foe go na ini Kanaan. Verloesoe IV 5/3/2019

Mozes ben misi da beste toe… Ps. 78:37-38 Bikasi dem hati no ben de opregti nanga Hem, en dem no ben hori faste na Hem akkorderi. 38. Ma A ben foeroe nanga sari-hati, en A ben gi dem pardon foe dem ogridoe, en A no ben figi dem poeroe; ja, foeroe leisi A ben drai Hem hatibron gowe, en A no ben faja ala Hem hatibron. Ps. 106:43-44 Foeroe leisi A ben verloesoe dem; ma dem ben kwinsi Hem nanga dem rai, en A ben broko dem saka bikasi foe dem takroedoe. 44. Tokoe A ben loekoe na dem pina te A ben jere dem krei. Wi no kan twijfel abra da verloesoe foe Mozes alwasi a no ben abi pasi foe go na ini da pramisi kondre. Verloesoe IV 5/3/2019

Hori doro foe kisi da heri blesi Hebreeen ben teki da geschiedenis disi foe gi dem bribiwan wan toto foe go doro na ini dem libi leki bribiwan en go na ini da wani foe Gado: Heb. 4:1, 11 1. Foe dat'ede, meki wi frede, di wi abi wan pramisi foe go na ini Hem rostoe, so dati a no sa gersi leki iniwan foe oen mankeri da fasi foe doro hem. 11. Foe dat'ede meki wi wroko foe go na ini da rostoe dati, so dati no wan soema fadon na da srefi fasi foe di a no ben bribi. Verloesoe IV 5/3/2019

Tuchtiging foe Gado Rom. 14:23 Ma da soema disi de degedege kisi vonisi kaba efoe a njan, bikasi a njan sondro bribi, en alasani disi no komopo foe bribi de sondoe. .I Kor. 11:29 Bikasi da soema disi njan en dringi na wan fasi disi no de fiti, a njan en dringi wan vonisi gi hemsrefi, di a no sabi san da skin foe Masra wani taki gi wi. I Tim. 5:12 Dem sa kom na kroetoe, bikasi dem ben poti dem fosi bribi na wan sei. Verloesoe IV 5/3/2019

Gado kan kroetoe wi No wan foe dem versi taki abra wan soema disi sa lasi baka, ma dati Gado sa kroetoe dem bikasi dem no tjari demsrefi na da juisti fasi. So srefi wi si Petrus skrifi: I Pet. 4:17 Bikasi da tem ben doro dati kroetoe moesoe bigin na da oso foe Gado; en efoe a bigin nanga wi fosi, sortoe fasi a sa kaba nanga dem soema disi no wani gi jesi na da boen njoensoe foe Gado? Verloesoe IV 5/3/2019

Versi disi taki abra meki froktoe, joe getuigi en gro na ini Kristus: Mt. 5:13 Oenoe de da sowtoe foe grontapoe; ma efoe da sowtoe lasi hem tesi, fa a kan tron boen sowtoe baka? A no de waarti foe noti, boiti foe trowe na gron pe soema sa waka na hem tapoe. .Jn. 8:30-32 30. Di A ben taki dem woortoe disi, foeroe soema ben bribi na Hem. 31. Dan Jezus ben taki gi dem Djoe disi ben bribi na Hem taki: Efoe oen go doro na ini Mi woortoe, dan oen de Mi discipel foe troe. 32. En oen sa sabi da waarheid, en da waarheid sa meki oen kom fri. Verloesoe IV 5/3/2019

Wi kan getuigi foe soso… Jn. 15:6 Efoe wan soema no tan na Mi ini, dem sa koti hem trowe leki wan taki, en a kom drei, en soema tjari dem kom makandra, en dem trowe dem na ini da faja foe dem go bron. Meki wi si dati a de libisoema disi tjari dem taki makandra en bron dem; a no de Gado. Dem versi disi taki dati wi getuigi de wan soso sani na fesi foe libisoema, ma no dati a no de noti na fesi foe Gado. Verloesoe IV 5/3/2019

Falsi leri kan hori wi baka… Efesi 4:14 Dan wi no sa de pikinnengre moro disi degedege, en disi ibri winti foe leri tjari lontoe, nanga da kori-fasi foe libisoema, nanga dem koni korifasi disi dem loeroe wi foe kori wi; Dja Paulus sori wi dati a de mogelijk foe wan troe bribiwan foe kom moksi na ini falsi leri: Verloesoe IV 5/3/2019

Da falsi leri foe legalisme Gal. 5:4 Dan Kristus no man jepi oen, oen disi kom regtvaardiki nanga da wet; oen ben fadon komopo foe gnade. Disi de wan versi disi dem Arminian soema lobi foe gebruiki. Ma wi moesoe aksi wisrefi: San ben meki dem fadon? A ben de dati dem ben proberi foe hori da Owroe Testamenti wet foe Mozes. Disi wani taki dati iniwan Kristen disi doe hem beste foe doe boen wroko sa lasi hem verloesoe? Kwet’kweti! Verloesoe IV 5/3/2019

No lasi baka, ma lasi joe volmaakt fri Paulus no ben taki dati dem Galaten soema ben meki wan foutoe bikasi dem ben doe ogri agensi da wet, ma dati dem ben proberi foe hori da wet. Foe dat’ede san a bedoel foe fadon komopo foe gnade no wani taki dati joe lasi baka, ma dati joe ben poti joesrefi baka na ondro da wet en so joe no man geniet foe da volmaakt fri foe lobi. Verloesoe IV 5/3/2019

Falsi leri kan pori wi libi sondro foe taki dati wi lasi baka Da falsi leri foe da sabi foe grontapoe: Kol. 2:8 Loekoe boen so dati no wan soema kori oen nanga libisoema koni nanga soso bedriegi, nanga da owroetem gwenti foe libisoema, nanga dem fondamenti foe grontapoe, en no nanga Kristus. I Tim. 6:20-21 20. O Timoteüs, kibri dem sani disi mi ben vertrouw na joe na wan boen fasi; en drai komopo foe soso tak'taki disi no de santa, en dem sani disi dem leri agensi joe, disi dem kari koni na wan falsi fasi; 21. Som soema ben taki foe dem, en dem ben gowe libi da troe bribi. Gnade moesoe de nanga joe. Amen. Verloesoe IV 5/3/2019

Falsi leri disi meki wi lasi blesi Da falsi leri foe aanbegi engel: Kol. 2:18 No gi wan soema pasi foe kori oen, en foefoeroe oen paiman nanga wan falsi saka-fasi en foe aanbegi engel. A ondrosoekoe na ini dem sani disi a no ben si, en a firi hemsrefi bigi foe soso na ini hem prakseri disi de foe skin-fasi. Verloesoe IV 5/3/2019

Falsi bribi disi pori wi blesi Da falsi leri dati da opo baka ben pasa kaba: I Tim. 1:19-20 19. Hori bribi nanga wan boen konsensi; som soema ben trowe dem, en dem bribi ben kom wan sipi disi ben broko. 20. Hymeneüs nanga Alexander de na dem mindri, disi mi ben gi abra na didibri so dati dem kan leri fa dem no moesoe kosi Gado. II Tim. 2:17-18 17. Dem woortoe foe dem sa njan soema leki wan takroe-siki; Hymeneüs nanga Filetus de foe dem sortoe soema dati. 18. Dem ben meki foutoe abra da waarheid, en dem taki dati da opo baka ben pasa kaba; en dem pori da bribi foe som soema. Verloesoe IV 5/3/2019

Da sondoe te leki dede Da sondoe te lek dede de wan sondoe disi soso wan bribiwan kan doe. A no taki abra hem sieli disi de tan foe teego, ma na da dienst dati a sa doe na grontapoe. A pasa te a gi pasi foe hem libi foe kom so vleselijk dati Gado teki hem kom na oso na wan froekoe dede. Da sondoe disi kan de tra fasi na mindri dem bribiwan. Ananias & Saffira I Kor. 11:30 Bikasi foe disi, foeroe soema na oen mindri de swaki en siki, en foeroe soema sribi kaba. Verloesoe IV 5/3/2019

Da sondoe te leki dede Bijna a kisi wan man: I Kor. 5:1. Foeroe soema taki dati hoeroedoe de na oen mindri, en wan sortoe hoeroedoe dati dem no taki na mindri foe dem heiden soema srefi, dati wan soema ben sa seti libi nanga hem tata wefi. …. 4. Na ini da nem foe wi Masra Jezus Kristus, te oen kom makandra, nanga mi jeje, nanga da krakti foe wi Masra Jezus Kristus, 5. Oen moesoe gi so wan soema abra na Satan foe pori da skin so dati da jeje sa kisi verloesoe na ini da dei foe Masra Jezus. I Tim. 1:20 Hymeneüs nanga Alexander de na dem mindri, disi mi ben gi abra na didibri so dati dem kan leri fa dem no moesoe kosi Gado. Verloesoe IV 5/3/2019

??? Sondoe te leki dede? Heb. 6:4. Bikasi a no kan, foe dem soema disi dem ai ben kom opo kaba, en dem ben tesi foe da presenti foe hemel, en dem ben teki wan pisi foe da Santa Jeje, 5. En dem ben tesi da boen woortoe foe Gado nanga dem krakti foe da grontapoe disi sa kom, 6. Efoe dem sa fadon komopo, a no kan de dati dem sa kom baka foe kenki prakseri; foe di dem kruisi da Manpikin foe Gado wan leisi baka gi demsrefi, en dem poti Hem na wan publiki sjem. Heb. 10:26 26. Bikasi efoe wi doe sondoe foe ekspresi, di wi ben kisi da sabi foe da waarheid kaba, dan no wan ofrandi libi moro gi wi sondoe, Verloesoe IV 5/3/2019

Da sondoe sondro pardon Mt. 12:31-32 31. Foe dat'ede Mi taki gi oen taki: Foe ala sortoe sondoe nanga koskosi libi-soema kan kisi pardon: ma da soema disi floekoe da Santa Jeje no sa kisi pardon. 32. En da soema disi taki wan woortoe agensi Soemapikin kan kisi pardon, ma da soema disi taki agensi da Santa Jeje no sa kisi pardon, no dja na grontapoe, en no na da tra libi toe. Verloesoe IV 5/3/2019

Soema ben doe da sondoe sondro pardon? Dem ben de foe dem takroe Fariseeman: Mt. 12:24-25 24. Ma di dem Fariseeman ben jere disi, dem ben taki: Da soema disi no jagi takroe jeje poeroe boiti doro Beëlzebul, da hedeman foe dem takroe jeje. 25. Ma Jezus ben sabi dem prakseri, en A ben taki gi dem taki: Ibri kownoekondre disi de prati nanga hemsrefi moesoe pori, en ibri foto efoe oso disi de prati nanga hemsrefi no man tan; Verloesoe IV 5/3/2019

Sortoe ogri dem man ben doe? Foe omeni moen dem ben abi da kans foe jere da preiki en si dem wondroewroko foe Jezus Kristus. Ma dem no ben bribi, ma dem ben proberi foe broko da Pikin foe Gado saka di dem ben taki dati a ben wroko doro da krakti foe didibri. Sortoe sani Gado ben abi foe doe moro? A no ben de dati dem no ben man bribi, ma dati dem no ben wani bribi. Te wi loekoe na disi, wi no man doe da sondoe disi no kan kisi pardon tide, bikasi wi no kan si Jezus doe Hem wondroewroko tide tapoe grontapoe. Verloesoe IV 5/3/2019

Israel na tem foe bigi trobi Dem Djoe disi no ben drai dem libi. Ibri wan foe dem versi disi taki abra dem Djoe disi tan na libi na ini da tem foe bigi trobi, ma dem no de klari foe miti dem messias te a sa kom baka. Jezus ben taki na gersi-tori na 5 presi: .Da trow-oso gast sondro wan trow-krosi: Mt. 22:1-13 .Da dinari disi no ben de getrouw: Mt. 24:45-51 .Dem tien krin wendje: Mt. 25:1-13 .Dem aiti talenti: Mt. 25:14-30 .Da doro disi tapoe: Lk. 13:23-30 Verloesoe IV 5/3/2019

Israel na ini da tem foe bigi trobi Dem versi disi taki abra foe tan na libi na skin-fasi na ini da tem foe bigi trobi: Mt. 24:13 Ma da soema disi sa tan te leki da kaba, hem sa kisi verloesoe. Sortoe “kaba” A taki dja? Mt. 24:3, 6, 14 sori dati A taki abra da kaba foe da tem foe bigi trobi: Verloesoe IV 5/3/2019

Versi disi taki abra dem heiden natie: Rom. 11:13-24, spes. 21-22 21. Bikasi efoe Gado no ben kibri dem taki foe da bon, dan loekoe boen dati A no poeroe joe toe. 22. Foe dat'ede loekoe na da boen nanga da tranga foe Gado; na tapoe dem soema disi ben fadon, A de tranga; ma na tapoe joe, A sori boen-hati, efoe joe hori doro na ini Hem boen-hati; boiti foe dati, A sa kapoe joe poeroe toe. Verloesoe IV 5/3/2019

Versi di taki abra Israel Soema na dem taki disi broko poeroe? Dem de da natie foe Israel, disi ben trowe hem egi messias .Soema na dem taki disi dem ben ent na ini? Dem heiden natie. Verloesoe IV 5/3/2019

Getuigi foe wanlo kerki sa lasi Efesi: Open. 2:4-5 4. Tokoe, Mi abi wan sani agensi joe, bikasi joe ben libi joe fosi lobi. 5. Foe dat'ede, membre pe joe ben de fosi joe ben fadon, en drai kom baka, en doe dem fosi wroko; noso Mi sa kom na joe es'esi, en Mi sa poeroe joe kandratiki komopo foe hem presi, efoe joe no drai kom baka. Verloesoe IV 5/3/2019

Versi abra getuigi foe kerki Open. 3:2-3 2. Loekoe boen, en meki dem sani disi tan abra kom moro tranga, disi de klari foe dede; bikasi Mi no ben feni dati joe wroko de volmaakt na fesi foe Gado. 3. Foe dat'ede membre fa joe ben kisi en jere, en hori faste, en drai kom baka. Foe dat'ede efoe joe no loekoe boen, Mi sa kom na joe tapoe leki wan foefoeroeman, en joe no sa sabi sortoe joeroe Mi sa kom na joe tapoe. Open. 3:15-16 15. Mi sabi joe wroko, dati joe no de kowroe en joe no faja; Mi winsi dati joe ben de kowroe efoe joe ben faja. 16. We dan, bikasi joe de pikinso waran nomo, en joe no de kowroe, en joe no faja, Mi sa spiti joe komopo foe Mi mofo. Verloesoe IV 5/3/2019

Bribi na hede, no na hati Da siri nanga dem fo sortoe doti: Mt. 13:1-8; 18-23. Som ben meki wan foutoe en denki dati ala 4 sortoe doti ben de soema disi ben drai dem libi fosi, wan nomo ben hori doro foe hori hem verloesoe. Ma wi kan si dati disi no de troe. Da Bijbel leri wi dati ibri soema disi jere da boen njoensoe sa drai dem libi? Kwet’kweti. Moro fara, da Bijbel sori wi dati ibri soema disi drai hem libi moesoe meki froktoe, alwasi som soema no meki foeroe. Da wan enkri soema disi ben drai hem libi ben de da di foe fo, disi ben sori froktoe. Verloesoe IV 5/3/2019

Dem discipel disi no ben waka nanga Jezus moro: Jn. 6:66 Bigin foe da tem dati, foeroe foe Hem discipel ben drai go baka, en dem no ben waka nanga Hem moro. Da woortoe “discipel” wani taki “wan soema disi leri.” Foeroe foe dem soema disi ben waka na Jezus baka no ben de troe bribiwan Jn. 2:23-25 23. Now di A ben de na ini Jerusalem na paska, na da fesadei, foeroe soema ben bribi na Hem nem, di dem ben si dem wondroewroko disi A ben doe. 24. Ma Jezus no ben vertrouw Hemsrefi na dem, bikasi A ben sabi ala soema. 25. En A no ben abi wan soema fanowdoe foe getuigi abra libisoema, bikasi Hemsrefi ben sabi kaba san disi de na ini wan libisoema. Verloesoe IV 5/3/2019

Troe bribi??? Mi no denki so… Jn. 12:42-43 42. Tokoe, foeroe foe dem bigi fesiman ben bribi na Hem, ma bikasi foe dem Fariseeman ede, dem no ben bekenti disi, noso dem ben sa poeroe dem foe da Djoe kerki; 43. Bikasi dem ben lobi da prijse foe libisoema moro leki da prijse foe Gado. Verloesoe IV 5/3/2019

Waarskow fosi Nebuchadnessar Ezek. 3:17 Soemapikin, Mi ben meki joe tron wan watkiman gi da oso foe Israel; foe dat’ede, jere da woortoe foe Mi mofo, en gi dem wan waarskow disi komopo foe Mi. Ezek. 33:7 So Mi ben seti joe, O soemapikin, leki wan waktiman gi da oso foe Israel; foe dat’ede joe sa jere da woortoe foe Mi mofo, en joe sa waarskow dem gi Mi. Verloesoe IV 5/3/2019

Som versi taki abra bepaalde soema disi kande no drai libi Esau Judas Iskariot Kownoe Saul Bileam Verloesoe IV 5/3/2019

Judas Mt. 27:3-5 3. Dan Judas, disi ben tori Hem, di a ben si fa dem ben vonisi Jezus, ben kenki prakseri, en a ben tjari dem drie tenti pisi sorfoe moni baka gi dem bigi priester nanga dem gransoema, 4. En a ben taki: Mi ben doe sondoe, en mi ben tori broedoe sondro foutoe. En dem ben piki hem taki: Sortoe wroko wi abi nanga dati? Dati de joe egi wroko. 5. En a ben trowe dem pisi foe sorfoe na ini da tempel, en a ben gowe, hanga hemsrefi. Verloesoe IV 5/3/2019

Judas Sortoe kenki prakseri na disi? Da woortoe na ini Grieki tongo, metamelomai, wani taki dati a ben de wan sari disi de na ini da firi foe hem, ma a no de wan troe firi dati a de schuldig en dati a ben doe sondoe (metanoeo). Judas ben firi sari abra san ben pasa nanga Jezus bikasi a no ben verwakti dati da tori sa go so fara. Di a ben de nanga Jezus 3 jari langa, a ben sabi dati Jezus no ben de waarti foe dede. A ben proberi foe drai da vonisi baka di a ben teki da moni baka, ma a ben lati kaba. Nanga wan broko-saka firi, a ben go hanga hemsrefi. Efoe disi ben de wan troe kenki prakseri foe drai libi, a ben sa go na Jezus efoe dem 11 discipel. Verloesoe IV 5/3/2019

Judas Tori 1:24-25 24. En dem ben begi, en dem ben taki: O Masra, Joe di sabi dem hati foe ala libisoema, sori wi sortoe wan foe dem toe mansoema disi Joe ben verkisi, 25. Foe a kan teki wan pisi foe da wroko disi leki apostel, di Judas ben fadon komopo nanga hem sondoe foe hem sa go na hem egi presi. Judas no ben fadon komopo foe verloesoe, a ben fadon komopo foe hem positie leki wan apostel Verloesoe IV 5/3/2019

Simon da tovenaar Alwasi Simon ben “bribi” op basis foe dem wondroewroko disi Filippus ben doe, en a ben dopoe toe. wi no abi wan krin bewijs dati a ben drai hem libi: Tori 8:6 En nanga wan hati, da pipel ben arki na da sani disi Filippus ben taki, en dem ben jere en si dem wondroewroko disi a ben doe. Tori 8:13 Dan Simon hemsrefi ben bribi toe; en di a ben teki dopoe, a ben hori hemsrefi nanga Filippus, en a ben verwondroe di a ben si dem wondroewroko nanga dem marki disi ben pasa. Verloesoe IV 5/3/2019

Simon bribi troe troe? Tori 8:20-23 20. Ma Petrus ben taki gi hem taki: Joe moni moesoe go pori nanga joe, bikasi joe ben denki dati joe kan bai da presenti foe Gado nanga moni. 21. Joe no abi wan pisi foe da wroko disi; bikasi joe hati no de boen na ini da ai foe Gado. 22. Foe dat'ede drai komopo foe joe takroedoe disi, en begi Gado, efoe kande A sa gi joe pardon foe da prakseri foe joe hati. 23. Bikasi Mi si dati joe de na ini da gari foe bita-fasi en na ini da tai foe takroedoe. Verloesoe IV 5/3/2019

Da lasi pikin lasi pasi Lk. 15:7 Mi taki gi oen taki: So srefi, dem sa abi moro prisiri na ini hemel abra wan sondoe soema disi sa drai hem libi leki negi tenti na negi regtvaardiki soema, disi no abi fanowdoe foe drai dem libi. Lk. 15:10 So srefi, Mi taki gi oen taki: Dem sa prisiri na fesi foe dem engel foe Gado abra wan sondoe soema disi drai hem libi. Lk. 15:32 Ma a ben fiti dati wi moesoe prisiri, en wi moe breiti, bikasi da brada foe joe disi ben dede, en a kom na libi baka; a ben lasi, ma wi ben feni hem baka. Verloesoe IV 5/3/2019

Problemen nanga “lasi baka” Da Bijbel leri wi dati verloesoe de totaal foe gnade aparti foe iniwan wroko foe libisoema: Efesi 2:8-9 8. Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; 9. A no komopo foe wroko, so dati no wan soema kan taki nanga bigi-fasi. Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, Verloesoe IV 5/3/2019

Problemen nanga “lasi baka” Efoe wan soema kan kisi verloesoe en dan a kan lasi baka, omeni sondoe a moesoe doe fosi a lasi baka. Bijvoorbeeld, efoe a bigin foe smoko, omeni cigarette a moesoe smoko fosi a lasi baka? A ben kan sabi dati a no de wan bribiwan moro? Lobiwan, so wan positie onderschat da takroedoe foe sondoe, en a onderschat da boen foe da gnade foe Gado toe… Verloesoe IV 5/3/2019

Gado da Tata sorgoe dati wi no man lasi baka Hem plan nanga programma: Rom. 8:28 En wi sabi dati alasani wroko makandra foe boen gi dem soema disi lobi Gado, gi dem soema disi Gado kari so leki fa A wani. Si Efesi 1:3-11; 2:7 .A ben meki wan besroiti na fesi kaba foe meki dem soema disi A ben sabi na fesi foe kom gersi Jezus Kristus: Rom. 8:29 Bikasi dem soema disi A ben sabi na fesi kaba, A ben meki besroiti kaba foe meki dem kom gersi da fasi foe Hem Manpikin toe, so dati A sa de da fosi-gebore foe foeroe brada Verloesoe IV 5/3/2019

Gado da Tata sorgoe… Foe teki ala dem soema na ini Kristus: Efesi 1:6 Prijse da glori foe Hem gnade, di A ben teki wi na ini da Lobiwan. Kol. 3:3 Bikasi oen dede kaba, en oen libi de kibri nanga Kristus na ini Gado. Disi wani taki dati da bribiwan abi so foeroe leti foe de na ini hemel leki Kristus, bikasi a de na ini Kristus Verloesoe IV 5/3/2019

Gado da Tata sorgoe… A kari, A meki kom regtvaardiki, en A meki dem bribiwan kisi glori: Rom. 8:30 Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem A ben meki kisi glori toe. Ma na ini Rom. 8:30, Paulus taki na ini da verleden tijd. Disi wani taki dati na ini da ai foe Gado, da bribiwan de nanga glori kaba nanga Kristus. Disi de da moro tranga versi na ini da heri Bijbel dati joe no man lasi baka. Verloesoe IV 5/3/2019

Gado da Tata sorgoe… Foe tjari ala bribiwan makandra na ini Kristus na da juisti tem: Efesi 1:10 Dati na da kaba foe ala dem tem, A sa tjari alasani kom makandra na wan na ini Kristus: dem sani disi de na ini hemel en disi de na grontapoe, na Hem ini. .Foe sori ala dem soema disi A ben tjari kom na ini Kristus leki wan bigi marki foe Hem gnade foe teego: Efesi 2:7 So dati na ini dem jari disi sa kom, A kan sori da toemoesi bigi goedoe foe Hem gnade na ini Hem boen-hati gi wi na ini Kristus Jezus. Verloesoe IV 5/3/2019

Gado kibri wi… Bikasi foe da krakti foe da Tata: Jn. 10:29 Mi Tata, disi ben gi Mi dem, Hem de moro bigi leki alasani; en no wan soema kan poeroe dem komopo foe Mi Tata anoe. Rom. 4:21 En a ben sabi foe troe dati san A ben pramisi, dati A ben abi makti foe doe toe. Rom. 14:4 Soema na joe disi de kroetoe da dinari foe wan tra soema? Na hem egi masra a sa tanapoe efoe fadon. Ja, en a sa tanapoe, bikasi Gado abi krakti foe meki hem tanapoe. Verloesoe IV 5/3/2019

Gado da Tata kibri wi… I Kor. 1:8-9 8. A sa hori oen faste toe te leki da kaba foe alasani; so dati oen sa de sondro foutoe na da dei foe wi Masra Jezus Kristus. 9. Gado de getrouw, disi ben kari oen na ini gemeenschap foe Hem Manpikin Jezus Kristus wi Masra. Efesi 3:20 Now gi Hem disi kan doe toemoesi moro foeroe leki wi kan aksi efoe prakseri, so leki da krakti disi de wroko na wi ini, Fil. 1:6 Bikasi da sani disi mi sabi foe troe taki: da Soema disi ben bigin wan boen wroko na oen ini sa wroko doro te leki da dei foe Jezus Kristus; Verloesoe IV 5/3/2019

Gado kibri wi… II Tim. 1:12 Bikasi foe disi ede, mi pina toe foe dem sani disi; tokoe mi no kisi sjem; bikasi mi sabi da Soema disi mi ben bribi, en mi sabi troe dati A abi krakti foe kibri da sani disi mi ben gi abra na Hem te leki da dei dati. II Tim. 4:18 En Masra sa verloesoe mi foe ibri ogri wroko, en A sa kibri mi te leki mi sa doro Hem kownoekondre na ini hemel; Hem moesoe abi glori foe teego. Amen. Verloesoe IV 5/3/2019

Gado kibri wi Heb. 7:25 Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. I Pet. 1:5 Da krakti foe Gado de kibri oen doro bribi, foe kisi verloesoe disi sa sori hemsrefi na da laasti tem. Judas 24 Now na Hem disi abi krakti foe kibri oen foe oen no naki foetoe fadon, en disi kan sori oen sondro foutoe na fesi foe Hem glori nanga bigi prisiri, Verloesoe IV 5/3/2019

Gado lobi wi so tee Rom. 5:7-11 7. Bikasi moro foeroe leisi, wan soema no sa wani dede gi wan regtvaardiki soema, ma kande foe wan boen soema ede, som soema sa abi dek'ati foe dede gi hem. 8. Ma Gado ben sori fa Hem ben lobi wi, bikasi alwasi wi ben de sondoe soema ete, Kristus ben dede gi wi. 9. Hoe moro dan, di wi ben kom regtvaardiki doro Hem broedoe kaba, doro Hem wi sa kibri gi hatibron toe. 10. Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. 11. En a no de disi wawan, ma wi prisiri toe na ini Gado doro wi Masra Jezus Kristus; di doro Hem wi ben kisi da fasi foe kom boen baka nanga Gado. Verloesoe IV 5/3/2019

Gado lobi kibri wi Rom. 8:31-33 31. San wi sa taki abra dem sani disi dan? Efoe Gado de na wi sei, soema kan de agensi wi? 32. Hem disi no ben hori baka Hem egi Manpikin, ma A ben gi Hem abra foe wi alamala, fa A no sa gi wi ala tra sani nanga Hem toe? 33. Soema sa kroetoe dem soema disi Gado ben verkisi? A de Gado disi meki dem kom regtvaardiki. Verloesoe IV 5/3/2019

Gado de getrouw foe tuchtig Hem pikin Heb. 12:5-11 5. En oen ben frigiti da vermane disi taki gi oen leki pikin taki: Mi manpikin, no veragti da strafoe foe Masra, efoe kom swaki te A vermane oen. 6. Bikasi da soema disi Masra lobi A de strafoe, en A fon ibri manpikin disi A teki. 7. Efoe oen teki strafoe, Gado wroko nanga oen leki nanga manpikin; bikasi sortoe manpikin de disi hem tata no strafoe hem? 8. Ma efoe oen de sondro strafoe, en ala soema moesoe kisi hem, dan oen de hoeroe-pikin, en oen no de manpikin. Verloesoe IV 5/3/2019

Gado tuchtig Hem egi pikin 9. Moro fara, wi ben abi dem tata foe wi skin disi ben strafoe wi, en wi ben respeki dem; dan wi no moesoe saka moro fara na ondro da Tata foe jeje, en tan na libi? 10. Bikasi foe troe, dem ben strafoe wi foe wantoe dei nomo foe dem egi prisiri, ma A strafoe wi foe a sa de wan wini gi wi, dati wi ben sa kisi wan pisi foe Hem santa-fasi. 11. Now no wan strafoe de switi na da tem dati, ma a tjari sari kom; tokoe, moro lati a meki da vrede-froktoe foe gerechtigheid gi dem soema disi leri foe hem. Verloesoe IV 5/3/2019

Jezus pramisi wi no man lasi baka Jn. 5:24 Troe, troe, Mi taki gi oen taki: Da soema disi jere Mi woortoe, en a bribi na tapoe Hem disi ben seni Mi kom, hem abi libi foe teego, en a no sa kom na kroetoe; ma a ben abra komopo foe dede kaba go na libi. Jn. 6:37 Ala soema disi da Tata gi Mi sa kom na Mi; en da soema disi de kom na Mi, Mi noiti sa jagi hem gowe. Jn. 10:27-28 27. Mi skapoe jere Mi stem, en Mi sabi dem, en dem waka na Mi baka. 28. En Mi gi dem da libi foe teego; en noiti dem sa go lasi, en no wan soema sa poeroe dem komopo foe Mi anoe. Verloesoe IV 5/3/2019

Jezus begi gi wi so wan fasi dati wi no man lasi baka Jn. 17:9-12, 15, 20 9. Mi begi gi dem; Mi no begi gi grontapoe, ma gi dem soema disi Joe ben gi Mi; bikasi dem de foe Joe. 10. En alasani disi de foe Mi de foe Joe; en di foe Joe de foe Mi; en Mi kisi glori na dem ini. 11. En now Mi no de moro na grontapoe, ma dem soema disi de na grontapoe ete, en Mi de kom na Joe. Santa Tata, hori dem soema disi Joe ben gi Mi nanga Joe egi nem, dati dem sa de wan, so leki Wi de wan. Verloesoe IV 5/3/2019

Jezus begi gi wi… 12. Di Mi ben de nanga dem na grontapoe, Mi ben hori dem na ini Joe nem; Mi ben kibri dem soema disi Joe ben gi Mi, en no wan foe dem ben go lasi boiti da manpikin foe pori, so dati san disi ben skrifi kaba sa kom troe. 15. Mi no begi dati Joe moesoe poeroe dem komopo foe grontapoe, ma dati Joe sa kibri dem foe ogri. 20. En Mi no begi gi dem soema disi wawan, ma gi dem soema toe disi sa bribi na Mi tapoe bikasi foe dem woortoe. Verloesoe IV 5/3/2019

Jezus dede kibri wi Jes. 53:5, 11 Ma a ben kisi mankeri foe wi sondoe ede, en dem ben fon hem foe wi ogridoe ede; da fonfon foe wi vrede ben de na hem tapoe, en nanga hem fonfon wi ben kom boen baka. 11. A sa si da pina foe hem sieli, en a sa de nofo gi hem; nanga hem koni Mi opregti dinari sa meki foeroe soema kom regtvaardiki; bikasi a sa tjari dem sondoe. Mt. 26:28 Bikasi disi de Mi broedoe foe da njoen akkorderi, disi ben trowe gi foeroe soema foe gi dem pardon foe dem sondoe. Verloesoe IV 5/3/2019

Jezus dede gi mi Jn. 19:30 Foe dat'ede, di Jezus ben teki da asin, A ben taki: A kaba! En A ben boigi Hem hede, en A ben gi Hem jeje abra. Wan sani wi sabi de dati da wet taki dati joe no man kroetoe efoe vonisi wan man toe leisi foe da srefi ogri disi a ben doe. Doro Hem dede, Kristus ben teki da vonisi foe mi sondoe. Di mi ben teki Hem leki mi verloesoeman, mi ben gi Hem pasi foe pai mi boetoe. Ma efoe moro lati mi moesoe pai foe mi egi sondoe na ini hel (bikasi mi ben fadon komopo foe gnade fosi mi ben dede) dan fa da regtvaardiki Kroetoeman foe da heelal kan meki mi pai 2 leisi foe mi sondoe? Verloesoe IV 5/3/2019

Moro bewijs Heb. 9:26. Bikasi dan a ben moesoe pina foeroe leisi sinsi da bigin foe grontapoe; ma now wan leisi na da kaba foe dem tem, A ben sori Hemsrefi foe poti sondoe na wan sei nanga da ofrandi foe Hemsrefi. 27. En so leki Gado poti dati libisoema moesoe dede wan tron, ma na baka disi, dan da kroetoe sa kom, 28. So srefi, wan tron A ben meki wan ofrandi foe Kristus foe tjari da sondoe foe foeroe soema; en di foe toe tron, A sa sori Hemsrefi sondro sondoe leki verloesoe gi dem soema disi de verwakti Hem. Verloesoe IV 5/3/2019

Moro bewijs Heb. 10:10. Doro da wani disi, wi kom santa kaba doro da wan ofrandi foe da skin foe Jezus Kristus wan leisi nomo. 14. Bikasi doro wan ofrandi A ben meki dem santa soema kom volmaakt foe teego. Verloesoe IV 5/3/2019

Jezus kibri wi nanga Hem opo baka Kol. 2:12-15 12. Oen beri nanga Hem na ini dopoe, en oen opo baka nanga Hem toe doro bribi na ini da wroko foe Gado disi ben opo Hem baka foe dede. 13. En di oen ben dede na ini oen sondoe, en sondro besnijde foe oen skin, A ben meki oen kisi libi makandra nanga Hem, di A ben gi oen pardon foe ala oen sondoe. 14. A ben figi da skrifi foe dem wet disi ben de agensi wi poeroe, dem disi ben de agensi wi; en A ben poeroe hem foe da pasi, en A ben spikri hem na Hem kruisi, 15. En A ben broko dem maktiwan nanga dem kraktiwan saka, en A ben sori krin fa A ben wini dem na ini dati. Verloesoe IV 5/3/2019

Jezus opo baka Rom. 6:3-10 3. Oen no sabi taki wi alamala disi ben dopoe na ini Jezus Kristus ben dopoe na ini Hem dede? 4. Foe dat'ede, wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. 5. Bikasi efoe wi ben prani makandra na ini san disi gersi Hem dede, wi sa de na ini san gersi da opo baka foe Hem toe. Verloesoe IV 5/3/2019

Jezus opo baka 6. Disi wi moesoe sabi: dati wi owroe soema de kruisi makandra nanga Hem, foe da skin foe sondoe moesoe go pori, so dati wi no sa dini sondoe moro. 7. Bikasi da soema disi dede kaba de fri foe sondoe. 8. Now efoe wi dede kaba nanga Kristus, wi bribi dati wi sa libi nanga Hem toe; 9. Bikasi wi sabi dati Kristus, di A ben opo baka foe dede, A no sa dede moro; dede no abi makti na Hem tapoe moro. 10. Bikasi di A ben dede, A ben dede wan tron gi sondoe; ma di A de libi now, A de libi gi Gado. Verloesoe IV 5/3/2019

Jezus de wi afkati Rom. 8:34 Soema na da soema disi vonisi? Ade Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Heb. 9:24 Bikasi Kristus no ben go na ini dem santa presi disi anoe ben meki, ma disi de wan prenki nomo foe da troe wan, ma na ini hemel srefi, foe sori Hemsrefi now na fesi foe Gado gi wi: I Jn. 2:1 Mi pikinnengre, mi skrifi dem sani disi gi oen so dati oen no doe sondoe. En efoe iniwan soema doe sondoe, wi abi wan afkati nanga da Tata, Jezus Kristus, da regtvaardiki wan; Verloesoe IV 5/3/2019

Jezus begi gi wi Heb. 7:23-25 23. En foe troe, foeroe priester ben de, bikasi dem no ben man go doro foe di dem ben moesoe dede; 24. Ma da man disi, bikasi A de libi foe teego, abi wan priester-wroko disi noiti sa kenki. 25. Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. Da wroko disi Kristus doe now na ini glori abi te maak nanga da feit dati dem soema disi de na grontapoe no man lasi baka. Kristus begi gi wi en A de wi afkati. Leki wan soema disi begi, A loekoe na wi swaki fasi, fa wi no sabi foeroe sani, en fa wi no de wan volmaakt soema ete. Dem sani disi no tjari schuld kom. Verloesoe IV 5/3/2019

Jezus opo baka Rom. 5:10 Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. Da glori waarheid disi Paulus bari de disi: Jezus Kristus ben dede foe mi kan feni verloesoe, ma now A libi so dati mi no man lasi baka. Verloesoe IV 5/3/2019

Jezus opo baka go na hemel A de da auteur foe wan verloesoe foe teego: Heb. 5:9 En di A ben kom volmaakt, A ben kom tron da Soema foe verloesoe foe teego gi ala dem soema disi ben gi Hem jesi. Verloesoe IV 5/3/2019

Da Santa Jeje gi wi njoen libi Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, Verloesoe IV 5/3/2019

Njoen libi doro da Santa Jeje Jn. 3:3-7 3. Jezus ben piki hem taki: Troe, troe, Mi taki gi joe taki: Efoe wan soema no kom njoen gebore, a no kan si da kownoekondre foe Gado. 4. Nikodemus ben aksi Hem taki: Fa wan soema kan kom gebore te a de owroe kaba? A kan go baka na ini hem mama bere, foe a meki hem di foe toe tron? 5. Jezus ben piki taki: Troe, troe, Mi taki gi joe taki: Efoe wan soema no gebore foe watra nanga da Jeje, a no kan go na ini da kownoekondre foe Gado. 6. Da sani disi gebore foe skin de skin, en da sani disi gebore foe Jeje de jeje. 7. Joe no moe verwondroe foe di Mi taki gi joe taki: Joe moesoe gebore njoenjoen baka. Verloesoe IV 5/3/2019

Da woortoe gi wi geboorte I Petrus 1:23 Leki soema disi de gebore njoen baka, no doro siri disi kan pori, ma doro siri disi noiti kan pori, doro da woortoe foe Gado, disi de libi en tan foe teego. Jakobus 1:18 A ben meki wi nanga Hem egi wani nanga da woortoe foe waarheid, so dati wi sa de wan sortoe fosi-froktoe foe dem sani disi A ben meki. Disi wani taki dati da Kristen abi wan njoen natuur disi wani doe dem sani foe Gado. Verloesoe IV 5/3/2019

Wi dopoe na ini Kristus Rom. 6:3-4 3. Oen no sabi taki wi alamala disi ben dopoe na ini Jezus Kristus ben dopoe na ini Hem dede? 4. Foe dat'ede, wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. I Kor. 12:13 Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje Verloesoe IV 5/3/2019

Wi dopoe na ini Kristus Gal. 3:27 Bikasi ibriwan foe oen disi ben dopoe na ini Kristus, oen ben weri Kristus. Efesi 4:4-5 4. Wan skin de, nanga wan Jeje, so leki Gado kari oen na ini wan hopoe foe da kari disi A kari oen foe doe; 5. Wan Masra, wan bribi, wan dopoe, Kol. 2:12 Oen beri nanga Hem na ini dopoe, en oen opo baka nanga Hem toe doro bribi na ini da wroko foe Gado disi ben opo Hem baka foe dede. Verloesoe IV 5/3/2019

Da Santa Jeje libi na wi ini Jn. 7:37-39 37. Na da laasti dei, da bigi dei foe da fesa, Jezus ben tanapoe en A ben bari taki: Efoe iniwan soema abi dreiwatra, meki hem kom na Mi en dringi. 38. Da soema disi bribi na Mi, so leki da Boekoe de taki: Liba foe libi watra sa lon komopo foe hem bere. 39. (Ma disi A ben taki foe da Jeje, disi dem disi de bribi na Hem sa kisi; bikasi da Santa Jeje no ben kom ete, foe di Jezus no ben kisi Hem glori ete.) Verloesoe IV 5/3/2019

Da Santa Jeje libi na wi ini I Kor. 2:12 Now wi no ben kisi da jeje foe grontapoe, ma da Jeje disi de foe Gado, foe wi kan sabi dem sani disi Gado de gi wi na wan fri-fasi. I Kor. 3:16 Oen no sabi dati oen de da tempel foe Gado, en dati da Jeje foe Gado de libi na oen ini? I Kor. 6:19 San? Oen no sabi dati oen skin de da tempel foe da Santa Jeje disi de na oen ini, disi oen abi foe Gado, en oen no de foe oensrefi Verloesoe IV 5/3/2019

Da Santa Jeje libi na wi ini Rom. 8:9 Ma oen no de na ini da skin-fasi, ma na ini da Jeje-fasi, efoe da Jeje foe Gado de libi na oen ini. Now efoe iniwan soema no abi da Jeje foe Kristus, a no de foe Hem. I Jn. 3:24 En disi de fa wi sabi dati A de tan na wi ini, doro da Jeje disi A ben gi wi. En meki wi si spesroetoe Jn. 14:20 Na da dei dati, oen sa sabi dati Mi de na ini Mi Tata, en oen de na Mi ini, en Mi de na oen ini. Verloesoe IV 5/3/2019

Da Santa Jeje stampoe wi II Kor. 1:22 En so srefi A ben stampoe wi en gi wi da panti foe da Jeje na ini wi hati. baka. II Kor. 5:5 Now da Soema disi ben meki wi klari foe kisi da sani disi de Gado srefi, disi ben gi wi da Jeje leki wan panti toe. Efesi 1:13 Oen ben bribi na Hem tapoe toe, di oen ben jere da woortoe foe waarheid toe, da boen njoensoe foe oen verloesoe; en di oen ben bribi kaba, A ben stampoe oen toe nanga da Santa Jeje foe pramisi dati,1:14 Disi de da panti foe wi erfenis te leki A sa bai baka san A ben bai gi Hemsrefi, foe da prijse foe Hem glori. Verloesoe IV 5/3/2019

Da Santa Jeje stapoe wi Wi ben si kaba dati Rom. 8:30 de kande da moro tranga versi na ini da Bijbel foe sori dati joe no man lasi baka. Da di foe toe moro tranga versi de Efesi 4:30 En no meki sari kisi da Santa Jeje foe Gado, disi de da marki disi ben stampoe oen te leki da dei Gado sa bai oen baka. Sortoe dei A sa bai wi baka. Rom. 8:23 sori wi dati disi de da opname. Dati wani taki dati da bribiwan de stampoe doro da Santa Jeje te leki da dei foe da opname foe da kerki. Verloesoe IV 5/3/2019

Wi no man lasi baka A kan de dati wan soema disi ben abi hem sondoe kom krin nanga da broedoe foe Kristus no sa de krin moro? Heb. 1:3 A ben de da brinki foe Hem glori, nanga da prenki foe Hem persoon, en A hori alasani makandra nanga da woortoe foe Hem krakti. Di A ben figi wi sondoe poeroe Hemsrefi, A ben sidon na da letianoesei foe da Majesteit na hei. Verloesoe IV 5/3/2019

Wi no man lasi baka Wan soema disi ben meki volmaakt foe teego sa kom so dati a no de volmaakt moro: Heb. 10:14 Bikasi doro wan ofrandi A ben meki dem santa soema kom volmaakt foe teego. .Dati Gado disi ben pramisi foe frigiti ben membre baka: Heb. 10:17 En Mi no sa membre dem sondoe nanga dem ogridoe moro. Verloesoe IV 5/3/2019

Wi no man lasi baka moro Dati Gado sa poti wan kroetoe na tapoe da verkisi disi A no ben gi pasi foe iniwan soema foe doe: Rom. 8:33-34 33. Soema sa kroetoe dem soema disi Gado ben verkisi? A de Gado disi meki dem kom regtvaardiki. 34. Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Verloesoe IV 5/3/2019

Wi no man lasi baka Dati wan soema disi ben gebore foe Gado no sa de gebore moro: Jn. 3:5 Jezus ben piki taki: Troe, troe, Mi taki gi joe taki: Efoe wan soema no gebore foe watra nanga da Jeje, a no kan go na ini da kownoekondre foe Gado. .Wan soema disi ben stampoe kaba no sa de stampoe moro: Efesi 4:30 En no meki sari kisi da Santa Jeje foe Gado, disi de da marki disi ben stampoe oen te leki da dei Gado sa bai oen baka. Verloesoe IV 5/3/2019

Wi no man lasi baka Foe wan soema disi dopoe kaba no sa de dopoe moro: I Kor. 12:13 Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje. Verloesoe IV 5/3/2019

Wi no man lasi baka Foe wan soema disi ben poti na ini da skin foe Kristus foe komopo: Efesi 5:29-30 29. Bikasi no wan soema hati de bron na tapoe hem egi skin, ma a sorgoe foe hem, en a lobi hem, so leki Masra sorgoe foe da kerki en A lobi hem. 30. Bikasi wi de pisi foe Hem skin, foe Hem meti nanga Hem bonjo. I Kor. 12:27 Now oen de da skin foe Kristus, en oen alamala de pisi foe Hem. Verloesoe IV 5/3/2019

Wi no man lasi baka Dati satan kan wini dem soema disi Gado verkisi Kol. 3:12 Foe dat'ede, leki dem soema disi Gado ben verkisi, soema disi de santa en disi A lobi, oen moesoe weri safri-hati, boen-hati, saka-fasi, safri-fasi nanga pasensi na ini pina; I Tess. 1:4 Di wi sabi, wi lobi brada, fa Gado ben verkisi oen. Titus 1:1 Paulus, wan dinari foe Gado, en wan apostel foe Jezus Kristus nanga da bribi foe dem disi Gado ben verkisi kaba, en nanga da bekenti foe da waarheid disi komopo foe da Gado-libi; Verloesoe IV 5/3/2019

Wi no man lasi baka Dati satan kan wini dem soema disi Gado verkisi I Pet. 1:2 Dem soema disi Gado da Tata ben verkisi nanga Hem sabi fosi alasani ben de; dem disi da Santa Jeje ben meki kom santa; dem disi gi jesi en da broedoe foe Jezus Kristus ben trowe panja na dem tapoe: Foeroe gnade nanga vrede moesoe de gi oen. Judas 1 Judas, da dinari foe Jezus Kristus en wan brada foe Jakobus, gi dem soema disi Gado da Tata ben meki kom santa, en disi Jezus Kristus ben kibri, en disi A ben kari: Verloesoe IV 5/3/2019

Wi no man lasi baka Di Gado ben taki dem noiti sa lasi, A no ben bedoel dati foe troe: Jn. 3:16 Bikasi Gado ben lobi ala soema so tee dati A ben gi Hem wan enkri gebore Pikin abra, foe ibri soema disi de bribi na Hem no moesoe go lasi, ma a sa abi da libi foe teego. Jn. 3:36 Da soema disi bribi na da Pikin abi libi foe teego; en da soema disi no de bribi na da Pikin no sa si libi, ma da hatibron foe Gado de tan na hem tapoe. Verloesoe IV 5/3/2019

Wi no man lasi baka Jn. 10:27-29 27. Mi skapoe jere Mi stem, en Mi sabi dem, en dem waka na Mi baka. 28. En Mi gi dem da libi foe teego; en noiti dem sa go lasi, en no wan soema sa poeroe dem komopo foe Mi anoe. 29 Mi Tata, disi ben gi Mi dem, Hem de moro bigi leki alasani; en no wan soema kan poeroe dem komopo foe Mi Tata anoe. Jn. 17:2 So leki Joe ben gi Hem krakti na tapoe ala libisoema, dati A sa gi libi foe teego na so meni leki Joe ben gi Hem. Verloesoe IV 5/3/2019

Wi no man lasi baka Dan Gado no ben taki dati dati joe noiti sa abi angribere efoe drei-watra: Jn. 4:14 Ma da soema disi sa dringi foe da watra disi Mi sa gi hem noiti sa kisi dreiwatra, ma da watra disi Mi sa gi hem sa de wan peti foe watra na hem ini disi sa foeroe nanga libi foe teego. Verloesoe IV 5/3/2019

Wi no man lasi baka Jn. 6:35, 40, 47, 50-51 35. En Jezus ben taki gi dem taki: Mi de da brede foe libi; da soema disi sa kom na Mi noiti sa abi angribere; en da soema disi de bribi na Mi noiti sa abi dreiwatra. 40. En disi de da wani foe Hem disi ben seni Mi kom, dati ibri soema disi sa si da Pikin en bribi na Hem sa abi libi foe teego; en Mi sa opo hem na da laasti dei. 47. Troe, troe, Mi taki gi oen taki: Da soema disi de bribi na Mi, hem abi libi foe teego. 50. Disi de da brede disi komopo foe hemel, foe wan soema sa njan foe hem, en a no sa dede. 51. Mi de da libi brede disi ben komopo foe hemel; efoe iniwan libisoema sa njan foe da brede disi, a sa libi foe teego; en da brede disi Mi sa gi de Mi skin, disi Mi sa gi foe da libi foe ala soema. Verloesoe IV 5/3/2019

Wi no man lasi baka Efoe joe kan lasi baka, disi wani taki dati Gado no ben taki troe di a ben taki dati dem no sa kom na kroetoe: Jn. 5:24 Troe, troe, Mi taki gi oen taki: Da soema disi jere Mi woortoe, en a bribi na tapoe Hem disi ben seni Mi kom, hem abi libi foe teego, en a no sa kom na kroetoe; ma a ben abra komopo foe dede kaba go na libi. I Kor. 1:8-9 8. A sa hori oen faste toe te leki da kaba foe alasani; so dati oen sa de sondro foutoe na da dei foe wi Masra Jezus Kristus. 9. Gado de getrouw, disi ben kari oen na ini gemeenschap foe Hem Manpikin Jezus Kristus wi Masra. Verloesoe IV 5/3/2019

Wi no man lasi baka Efoe joe kan lasi baka, dan Gado no ben taki dati joe no sa tesi dede: Jn. 8:52 Dan dem Djoe ben taki gi Hem taki: Now wi sabi dati Joe abi wan takroe jeje. Abraham dede kaba, nanga dem profeti toe; tokoe Joe taki: Efoe wan soema hori Mi woortoe, noiti a sa tesi dede. Verloesoe IV 5/3/2019

Wi no man lasi baka Efoe wi kan lasi baka, Gado no ben taki dati noiti A sa libi wi: Fil. 1:6 Bikasi da sani disi mi sabi foe troe taki: da Soema disi ben bigin wan boen wroko na oen ini sa wroko doro te leki da dei foe Jezus Kristus; Heb. 13:5 Meki oen libi-fasi de sondro bigi-ai; en abi kowroe-hati nanga dem sani disi oen abi kaba; bikasi A ben taki: Noiti Mi sa libi oen; noiti Mi sa gowe foe oen. Verloesoe IV 5/3/2019

Wi no man lasi baka I Jn. 5:11-13 11. En disi de da getuigi taki: Gado ben gi wi libi foe teego, en da libi disi de na ini Hem Manpikin. 12. Da soema disi abi da Manpikin abi da libi, en da soema disi no abi da Manpikin no abi da libi. 13. Mi ben skrifi dem sani disi gi oen disi bribi na da nem foe da Manpikin foe Gado, so dati oen kan sabi dati oen abi da libi foe teego, en dati oen kan bribi na tapoe da nem foe da Manpikin foe Gado. Verloesoe IV 5/3/2019

Wi no man lasi baka Efoe wi kan lasi baka, dan Gado noiti ben taki dati noti kan seki efoe bewegi wi: Ps. 15:5 A no leni hem moni foe kisi bigi intres, en a no teki wan paiman agensi da soema disi no ben meki foutoe. Noiti dem sa meki da soema disi de doe dem sani disi bewegi. Ps. 55:23 Trowe joe hebi na tapoe MASRA, en A sa hori joe opo; noiti A sa gi pasi foe da regtvaardiki soema moe bewegi. Verloesoe IV 5/3/2019

Wi no man lasi baka Paulus taki dati efoe wan bribiwan kan lasi baka, dan a kan doe wan sani disi da Tata, da Pikin, da Santa Jeje, dem engel, dem takroe jeje, libi, dede, vervolgoe pina, sani foe tide en sani foe da toekomst no man doe. Rom. 8:35-39 35. San sa prati wi foe da lobi foe Kristus? Trobi, efoe frede, efoe vervolgoe, efoe angribere, efoe foe de nanga soso skin, efoe gevaar, efoe howroe? 36. So leki fa da skrifi taki: Foe joe ede dem kiri wi da heri dei langa; dem loekoe na wi leki skapoe disi de foe slakti. Verloesoe IV 5/3/2019

Wi no man lasi baka Rom. 8:37. Nono, na ini ala dem sani disi wi de moro leki winiman doro Hem disi ben lobi wi. 38. Bikasi mi sabi foe troe dati no dede, no libi, no dem engel, no dem granmasra, no dem maktiwan, no dem sani foe tide, no dem sani disi sa kom, 39. No wan hei sani, no wan dipi sani, en no wan tra sani sa man prati wi foe da lobi foe Gado disi de na ini Kristus Jezus wi Masra. Verloesoe IV 5/3/2019

Wi kan sabi dati wi bribi troe troe I Jn. 5:13 Mi ben skrifi dem sani disi gi oen disi bribi na da nem foe da Manpikin foe Gado, so dati oen kan sabi dati oen abi da libi foe teego, en dati oen kan bribi na tapoe da nem foe da Manpikin foe Gado. II Kor. 13:5 Ondrosoekoe oensrefi, en si efoe oenoe de bribi foe troe; tesi oensrefi. Oen no sabi dati Jezus Kristus de na oen ini, boiti efoe oen no wini da tesi? Verloesoe IV 5/3/2019

Marki foe wan bribiwan Joe ben abi jeje-gemeenschap nanga Gado, nanga Kristus, nanga tra bribiwan? I Jn. 1:3-4 .Joe de moro gevoelig foe firi sondoe leki fosi, di joe no ben span? I Jn. 1:5-10 .Joe gi jesi na dem komanderi na ini da Bijbel: I Jn. 2:3-5 .Fa joe loekoe na grontapoe nanga san grontapoe lobi? I Jn. 2:15 Verloesoe IV 5/3/2019

Marki foe wan bribiwan Joe lobi Jezus Kristus, en joe wani foe Hem kom baka? II Tim. 4:8; I Jn. 3:2-3 .Joe no doe so foeroe sondoe leki fosi joe ben kari joesrefi wan bribiwan? I Jn. 3:5-6 .Joe lobi tra bribiwan? I Jn. 3:14 .Gado ben gi antwoord na joe begi? I Jn. 3:22; 5:14-15 Verloesoe IV 5/3/2019

Marki foe wan bribiwan Joe abi da getuigi na ini joe hati disi komopo foe da Santa Jeje? Rom. 8:15; I Jn. 4:13 .Joe kan sabi da verschil na mindri foe jeje waarheid nanga falsi leri? Jn. 10:3-5, 27; I Jn. 4:1-6 .Joe bribi dem basis fondamenti foe da bribi foe wi? I Jn. 5:1 .Soema ben vervolgoe joe bikasi joe de wan bribiwan? Jn. 15:18-20; Fil. 1:28 Verloesoe IV 5/3/2019