Doctrine II – Les 08 Verloesoe III Bijbel Baptist Kerk Les Doctrine II – Les 08 Verloesoe III Robert D. Patton Da Froktoe foe da Jeje: Lobi 4/25/2019

Glorificatie – wi sa kisi glori Rom. 8:30 Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem A ben meki kisi glori toe. Rom. 5:2 Doro bribi na Hem, wi ben abi wi pasi foe kom na da gnade disi pe wi tanapoe, en wi prisiri na ini da hopoe foe da glori foe Gado toe. Les 1 Santa Jejej 4/25/2019

Wi sa kisi glori Rom. 8:18 Bikasi mi loekoe na dem pina foe da tem disi leki dem no de waarti foe wegi agensi da glori disi A sa sori na wi ini. I Kor. 15:43 Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. Les 1 Santa Jejej 4/25/2019

Wi sa kisi glori Kol. 3:4 Te Kristus, disi de wi libi, sa sori Hemsrefi, dan oen sa sori oensrefi toe nanga Hem na ini glori. I Petrus 5:1 Mi taki gi dem gransoema disi de na oen mindri, mi disi de wan tra gransoema toe, disi de wan soema disi ben si da pina foe Kristus, en wan disi sa kisi wan pisi foe da glori disi sa kom na krin: Les 1 Santa Jejej 4/25/2019

San kisi glori wani taki? San foe kisi glori wani taki? A taki abra da volmaakt skin, prakseri nanga jeje foe da bribiwan disi de sondro wan enkri foutoe: Rom. 8:22-23 22. Bikasi wi sabi dati ala sani disi Gado ben meki de djeme en pina te leki now. 23. En no dem wawan, ma wisrefi toe, disi abi dem fosi-froktoe foe da Jeje; wi djeme na ini wisrefi toe, en wi wakti te leki A sa teki wi leki Hem pikin, dati wani taki, foe bai wi skin baka. Dati wani taki – wi wani, ma wi no si dati ete Les 1 Santa Jejej 4/25/2019

Wi sa kisi glori Kor. 15:41-44 41. Da zon abi wan glori, en da moen abi wan tra glori, en dem stari ete wan tra glori; bikasi wan stari de difrenti foe trawan na ini glori. 42. So a de toe nanga da opo baka foe dede. A zaai foe go pori, ma a opo foe noiti a kan pori. 43. A zaai sondro glori; a opo nanga glori; a zaai nanga swaki-fasi; a opo nanga krakti. 44. A zaai wan meti-skin; a opo baka wan jeje-skin. Wan meti-skin de, nanga wan jeje-skin. Les 1 Santa Jejej 4/25/2019

Wi sa kisi glori I Kor. 15:51-55 51. Loekoe, mi sori oen wan kibri-tori: Wi alamala no sa sribi, ma wi alamala sa kenki; 52. Na wan bro so, na da brinki foe wan ai, na da laasti trompeti; bikasi da trompeti sa bari, en dem dede soema sa opo baka sondro pori-fasi, en wi sa kenki. 53. Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. 54. So te da pori-fasi disi sa weri da fasi disi noiti sa pori, en da fasi foe dede disi sa weri da fasi disi noiti sa dede, dan san ben skrifi kaba sa pasa taki: Da wini swari da dede. 55. O dede, pe joe maka de? O grebi, pe joe wini de? Les 1 Santa Jejej 4/25/2019

Wi sa kisi glori II Kor. 4:14-18 14. Di wi sabi dati da Soema disi ben opo Masra Jezus baka sa opo wi baka toe doro Kristus, en A sa sori wi makandra nanga oen. 15. Bikasi alasani de foe oen ede, so dati foeroe soema sa gi grantangi foe da bigi gnade disi foe gi Gado glori. 16. Foe dat'ede wi no lasi hati; bikasi alwasi da dorosei soema de pori, tokoe da inisei soema kisi njoen tranga dei foe dei. 17. Bikasi wi lekti pina de foe wantoe momenti nomo, disi wroko wan moro bigi wegi foe da glori foe teego gi wi; 18. Te wi no loekoe na dem sani disi wi kan si, ma na dem sani disi wi no man si; bikasi dem sani wi kan si de foe wan pisi tem nomo, ma dem sani disi wi no kan si de foe teego. Les 1 Santa Jejej 4/25/2019

Wi sa kisi glori II Kor. 5:1-4 1. Bikasi wi sabi dati efoe da grontapoe tenti disi sa pori, wi abi wan oso foe Gado, wan oso disi no ben meki nanga anoe, disi de foe teego na ini hemel. 2. Wi djeme foe disi, en wi wani weri da krosi foe wi oso disi de foe hemel; 3. So dati efoe wi weri so wan krosi, dem no sa feni wi nanga soso skin. 4. Bikasi wi disi de na ini da tenti disi djeme nanga hebi; no foe di wi wani foe de nanga soso skin, ma wi wani weri wan krosi so dati da Jeje-libi sa swari wi soso grontapoe-libi Les 1 Santa Jejej 4/25/2019

Wi sa kisi glori Judas 24-25 24. Now na Hem disi abi krakti foe kibri oen foe oen no naki foetoe fadon, en disi kan sori oen sondro foutoe na fesi foe Hem glori nanga bigi prisiri, 25. Na da wan koni Gado wi Verloesoeman, na Hem moe abi glori nanga bigi nem, makti nanga krakti now en foe teego. Les 1 Santa Jejej 4/25/2019

Sortoe tem wi sa kisi glori? Te wi go na ini hemel na ini da opname foe da kerki, en a sa tan foe teego. I Kor. 15:51-53 51. Loekoe, mi sori oen wan kibri-tori: Wi alamala no sa sribi, ma wi alamala sa kenki; 52. Na wan bro so, na da brinki foe wan ai, na da laasti trompeti; bikasi da trompeti sa bari, en dem dede soema sa opo baka sondro pori-fasi, en wi sa kenki. 53. Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. Les 1 Santa Jejej 4/25/2019

Foe san’ede wi sa kisi glori? A meki da wroko foe gerechtigheid nanga foe kom santa kompleet: .Kristus da profeti ben verloesoe wi foe da paiman foe sondoe doro gerechtigheid .Kristus da hogepriester kibri wi now foe da krakti foe sondoe doro fa wi kom santa .Kristus da kownoe sa kibri wi foe da aanwezigheid foe sondoe te wi kisi glori. Les 1 Santa Jejej 4/25/2019

Wi sa kisi wan skin leki di foe Kristus Fil. 3:21 Disi sa kenki wi skin disi sa go pori, foe a sa tron leki Hem glori skin, nanga da wroko foe Hem makti foe meki alasani saka na Hem ondro. I Jn. 3:2 Lobiwan, now wi de dem pikin foe Gado, en a no sori san wi sa de ete; ma wi sabi dati te A sa sori Hemsrefi baka, wi sa gersi Hem, bikasi wi sa si Hem leki fa A de. Les 1 Santa Jejej 4/25/2019

A sa de wan skin pe soema sa sabi wi: I Kor 13:12 Bikasi now wi si na ini wan spikri pikinso, ma dan wi sa si fesi na fesi; now mi sabi wan pisi nomo, ma dan mi sa sabi leki fa A sabi mi kaba. Les 1 Santa Jejej 4/25/2019

A sa de wan skin pe da jeje de basi: I Kor. 15:44 A zaai wan meti-skin; a opo baka wan jeje-skin. Wan meti-skin de, nanga wan jeje-skin. I Kor. 15:49 So leki wi ben tjari da prenki foe grontapoe-fasi, so wi sa tjari da prenki foe hemel-fasi toe. Da situatie de tra fasi nownow: Mk. 14:38 Wakti en begi; noso oen sa fadon na ini tesi. Da jeje wani foe troe, ma da skin de swaki. Les 1 Santa Jejej 4/25/2019

A de wan skin disi no tai nanga tem, presi efoe zwaartekracht Da fosi leisi ben de di A ben verdwijn komopo foe toe discipel na ini Emmaus: Lk. 24:31 En dem ai ben kom opo, en dem ben sabi Hem; en A ben gowe komopo so dati dem no ben kan si Hem moro. Di foe toe leisi a ben kom na dem discipel na ini Jerusalem: Jn. 20:19 Dan da srefi dei, na mofoneti, da fosi dei foe da wiki, di ala dem doro ben tapoe pe dem discipel ben kom makandra bikasi dem ben frede dem Djoe, Jezus ben kom tanapoe na dem mindri, en A ben taki gi dem taki: Vrede moe de nanga oenoe. Les 1 Santa Jejej 4/25/2019

Wi sa kisi wan skin leki Jezus Jn. 20:26 Aiti dei na baka, Hem discipel ben de na inisei agen, en Tomas ben de nanga dem. Dan Jezus ben kom, alwasi dem doro ben tapoe, en A ben tanapoe na dem mindri, en A ben taki: Vrede moe de nanga oenoe. Les 1 Santa Jejej 4/25/2019

Wi sa abi wan njoen skin… A sa de wan skin disi sa tan foe teego: II Kor. 5:1 Bikasi wi sabi dati efoe da grontapoe tenti disi sa pori, wi abi wan oso foe Gado, wan oso disi no ben meki nanga anoe, disi de foe teego na ini hemel. .A sa de wan skin foe glori: Rom. 8:18 Bikasi mi loekoe na dem pina foe da tem disi leki dem no de waarti foe wegi agensi da glori disi A sa sori na wi ini. Les 1 Santa Jejej 4/25/2019

Glori na ini O.T. Da woortoe na ini Hebreewse tongo foe glori de kabod, disi wani taki foe abi wan hebi lai, en dja dem taki foe wan soema disi lai nanga goedoe (Gen. 31:1), krakti (Jes. 8:7, nanga positie (Gen. 43:13; moro fara a kan taki abra da moi foe wan krin libi (Ex. 33:18-23) Gen. 31:1 En a ben jere dem woortoe foe dem manpikin foe Laban taki: Jakob ben tjari ala dem sani foe wi tata gowe; en a ben kisi ala da glori foe dem sani disi ben de foe wi tata, Les 1 Santa Jejej 4/25/2019

Glori na ini O.T. Jes. 8:7 Now foe dat’ede loekoe, MASRA sa tjari dem watra foe da liba kom na dem tapoe, tranga nanga foeroe, da kownoe foe Assur nanga ala hem glori, en a sa abra ala hem gotro, en a sa abra ala hem sjoro. Gen. 45:13 En oen sa taigi mi tata foe ala mi glori na ini Egypti, en foe alasani disi oen ben si; en oen sa go es’esi en tjari mi tata kom dja. Les 1 Santa Jejej 4/25/2019

Gado glori… Ex. 33:18-23 En a ben aksi taki: Mi begi Joe, sori mi Joe glori. 19. En A ben taki: Mi sa meki ala Mi glori pasa na joe fesi, en Mi sa kari da nem foe MASRA na joe fesi; en Mi sa abi gnade na da soema disi Mi sa abi gnade, en Mi sa sori sari-hati na da soema disi Mi sa sori sari-hati. 20. En A ben taki: Ma joe no man si Mi fesi, bikasi no wan soema kan si Mi, en tan na libi. 21. En MASRA ben taki: Loekoe, wan presi de dja na Mi sei, pe joe kan tanapoe na tapoe wan ston; 22. En a pasa so dati te Mi glori sa pasa, dan Mi sa poti joe na ini wan priti presi foe da ston, en Mi sa tapoe joe nanga Mi anoe te Mi sa pasa; 23. En Mi sa poeroe Mi anoe, en joe sa si Mi bakasei; ma no wan soema moe si Mi fesi. Les 1 Santa Jejej 4/25/2019

Glori… Da Grieki woortoe foe glori de doxa, disi wani taki foe abi wan boen prakseri abra sani. Ala toe woortoe taki toe foe brinki foe wan boven-natuurlijk leti. Te wi poti ala dem betekenis makandra, wi feni dati da skin foe da bribiwan sa abi goedoe disi komopo foe Gado srefi, foe dini Hem pe A poti wi foe sori da brinki foe gnade gi dem engel, en gi da heelal. Les 1 Santa Jejej 4/25/2019

Kibri… I Tess. 5:23-24 23. En da Gado foe vrede Hemsrefi moesoe meki oen kom santa dorodoro; en meki Hem kibri oen heri jeje nanga sieli nanga skin sondro foutoe te wi Masra Jezus Kristus sa kom baka. 24. Da Soema disi ben kari oen de vertrouw, en A sa doe dati toe. Judas 24-25 24. Now na Hem disi abi krakti foe kibri oen foe oen no naki foetoe fadon, en disi kan sori oen sondro foutoe na fesi foe Hem glori nanga bigi prisiri, 25. Na da wan koni Gado wi Verloesoeman, na Hem moe abi glori nanga bigi nem, makti nanga krakti now en foe teego. Amen. Les 1 Santa Jejej 4/25/2019

Oorsprong I Kron. 29:10-14 10. Foe dat'ede David ben blesi MASRA na fesi foe da heri komakandra, en David ben taki: Blesi foe Joe, MASRA Gado foe wi tata Israël foe teego. 11. O MASRA, Joe abi da bigi nem nanga da krakti nanga da glori nanga da wini nanga da kownoe-fasi, bikasi alasani na ini hemel nanga grontapoe de foe Joe; Joe abi da kownoekondre, O MASRA, en Joe ben kisi bigi nem na tapoe alasani. Les 1 Santa Jejej 4/25/2019

Oorsprong… I Kron. 29:12. Goedoe nanga bigi nem komopo foe Joe, en Joe de kownoe abra alasani; en krakti nanga makti de na ini Joe anoe, en na ini Joe anoe krakti de foe meki bigi, en foe gi tranga na ala soema. 13. Now foe dat'ede, wi Gado, wi gi Joe grantangi en prijse Joe bigi nem. 14. Ma soema na mi, en soema na mi pipel, dati wi ben kan meki so wan ofrandi nanga wi fri wani? Bikasi alasani komopo foe Joe, en san wi ben gi Joe baka ben de foe Joe kaba. Les 1 Santa Jejej 4/25/2019

Oorsprong – moeilijk foe froestan Foeroe djoegoe-djoegoe ben kom na ini da kerki abra da tori disi, en tokoe wi moesoe loekoe na da tori en doe wi best foe froestan hem. San na da oorsprong foe verloesoe, en foe san’ede verloesoe ben kom? Foe san’ede Gado ben wroko so dati a no de ala soema disi sa kisi verloesoe? A de mogelijk foe ala soema foe drai dem libi? Les 1 Santa Jejej 4/25/2019

Opdrakti Opdrakti: Kol. 1:16 Bikasi doro Hem alasani ben meki kaba, dem sani na ini hemel nanga grontapoe, dem sani disi joe kan si nanga dem sani disi joe no kan si, alwasi dem de kownoe-stoeroe efoe hedeman efoe fesiman efoe maktiwan; A ben meki alasani, en A ben meki dem foe Hem ede. Open. 4:11 Joe de waarti, O Masra, foe kisi glori nanga bigi nem nanga krakti; bikasi Joe ben meki alasani, en dem de, en Joe ben meki dem foe Joe prisiri ede. Les 1 Santa Jejej 4/25/2019

Opdrakti Da opdrakti foe Gado de Hem rai foe teego so leki da besroiti foe Hem wani, so dati foe gi Hemsrefi glori, A ben meki wan besroiti na fesi foe san sa pasa. Les 1 Santa Jejej 4/25/2019

Opdrakti Da fondamenti de tapoe da koni en sabi foe Gado: Efesi 3:9-11 9. En dati mi moesoe meki ala soema kom si da gemeenschap foe da kibri-tori disi, disi ben kibri na ini Gado sinsi da bigin foe grontapoe; Hem disi ben meki alasani doro Jezus Kristus, 10. So dati now doro da kerki dem maktiwan nanga dem kraktiwan na ini dem hemel presi sa kom sabi da bigi koni foe Gado. 11. A ben besroiti kaba foe doe disi na ini Jezus Kristus wi Masra fosi tem ben bigin. Les 1 Santa Jejej 4/25/2019

Opdrakti bouw tapoe Gado koni & sabi Ps. 104:24 O MASRA, fa Joe wroko de foeroe! Na ini sabi, Joe ben meki dem alamala; grontapoe foeroe nanga Joe goedoe. Spreuk. 3:19 Nanga koni MASRA ben meki grontapoe; nanga sabi A ben meki dem hemel. Les 1 Santa Jejej 4/25/2019

Gado de buiten tem Na wan sortoe fasi foe taki, ala dem besroiti foe Gado de foe teego, bikasi Gado de buiten tem. Ma som foe dem kom na wan kaba na ini tem, leki da schepping nanga foe meki soema kom regtvaardiki. So foe dat’ede wi no kari dem wroko foe teego, ma wroko foe Gado na ini tem. Da opdrakti taki foe sani dorosei foe Gado, ma a de wan wroko na inisei foe Gado, en foe dat’ede wi kan taki foe troe dati a de foe teego Les 1 Santa Jejej 4/25/2019

Da opdrakti ben de fosi tem ben de Tori 15:18 Gado sabi ala Hem wroko sinsi da bigin foe grontapoe. Efesi 1:4 So leki A ben verkisi wi na Hem ini fosi da fondamenti foe grontapoe ben seti, foe wi sa de santa en sondro foutoe na Hem fesi. II Tim. 1:9 Disi ben verloesoe wi, en A ben kari wi nanga wan santa kari, no foe wi boen wroko ede, ma nanga Hem egi wani nanga gnade disi A ben gi wi na ini Kristus Jezus fosi grontapoe ben bigin, Les 1 Santa Jejej 4/25/2019

Iniwan sani disi Gado taki moesoe pasa moesoe pasa Ps. 33:11 Da rai foe MASRA de tan foe teego... Spreuk. 19:21 Foeroe prakseri de na ini da hati foe wan soema; tokoe da rai foe MASRA sa tan. Jes. 46:9-10 Membre dem fositem sani foe owroetem; bikasi Mi na Gado, en no wan trawan de; Mi na Gado, en no wan trawan de gersi Mi. 10. Mi de taki foe da kaba na da bigin, en foe dem owroetem Mi taki sani disi no ben pasa ete, taki: Mi rai sa tan; en Mi sa doe alasani disi Mi wani doe. Jes. 14:24 MASRA foe dem legre ben sweri taki: Foe troe, so leki Mi ben denki, so a sa pasa; en so leki Mi ben prakseri foe doe, so a sa tan; Les 1 Santa Jejej 4/25/2019

Da opdrakti foe Gado no kenki A sabi san A moesoe doe, en A abi krakti foe doe dati. Foe dat’ede A no abi foe kenki Hem opdrakti bikasi A no ben sabi wan sani, efoe A no ben abi krakti foe doe hem. En noiti A sa kenki hem, bikasi A de da Gado disi noiti kenki en A de getrouw en troe. Les 1 Santa Jejej 4/25/2019

Gado opdrakti no kenki Tori 2:22-24 22. Oen mansoema foe Israël, jere dem woortoe disi: Jezus foe Nazaret, wan man disi Gado ben sori na oen mindri dati A ben lobi Hem nanga wondroewroko nanga bigi marki, disi Gado ben doe doro Hem na oen mindri, so leki oensrefi sabi kaba; 23. Gado ben sabi na fesi en A ben meki besroiti kaba foe gi Hem abra, en oen ben teki Hem, en nanga takroe anoe oen ben kruisi Hem en kiri Hem; 24. Disi Gado ben opo baka, en A ben verloesoe Hem foe da skin-hati foe dede; bikasi a no ben man dati dede kan hori Hem. Les 1 Santa Jejej 4/25/2019

Da opdrakti de onafhangelijk Efesi 2:8 Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; I Petrus 1:2 Dem soema disi Gado da Tata ben verkisi nanga Hem sabi fosi alasani ben de; dem disi da Santa Jeje ben meki kom santa; dem disi gi jesi en da broedoe foe Jezus Kristus ben trowe panja na dem tapoe: Foeroe gnade nanga vrede moesoe de gi oen. Les 1 Santa Jejej 4/25/2019

No wan tra sani de fanowdoe disi Gado no abi Gado sabi . Dem boen sani disi libisoema doe: Efes. 2:10 .Dem ogri sani disi dem doe: Spreuk. 16:4; Tori 2:23, 4:27-28 .Tra sani disi pasa: Gen. 45:8; 50:20; Spreuk. 16:33; .Da methode so srefi leki da kaba: Ps. 119:89-91; II Tess. 2:13; Ef. 1:4 .O langa libisoema sa libi: Job 14:5; Ps. 39:4, nanga da presi pe a libi: Tori 17:28 (ibid. bl. 105) Les 1 Santa Jejej 4/25/2019

Gado gi wi fri wani, ma tokoe A de basi foe alasani Gado gi soema wan fri wani, en a no tapoe dem foe doe bepaalde sondoe. Nanga Hem opdrakti Gado meki dem sani dem doe disi de sondoe no kenki, ma a no taki dati Gado ben dwingi dem foe doe dem. Disi wani taki dati Gado sa respeki da wani foe wan soema, en A no tapoe soema disi wani gi agensi Hem wani. Gado gi pasi foe da sani foe pasa ma Hemsrefi no meki hem pasa. Ma Gado kontrol da resultaat foe so wan sondoe: Les 1 Santa Jejej 4/25/2019

Gado no tapoe sondoe efoe wi verkisi foe doe hem Ps. 78:29 So dem ben njan de dem bere ben foeroe; bikasi A ben gi dem san dem ben lostoe; Ps. 106:15 En A ben gi dem san dem ben aksi; ma A ben seni mangri-fasi gi dem sieli. Tori 14:16 Na ini dem dei na wi baka, A ben gi pasi na ala folkoe foe waka na ini dem egi pasi. Tori 17:30 Na da tem disi wi no ben sabi, Gado no ben loekoe fin'fini na dati, ma now A komanderi ala soema na ibri presi foe drai dem libi; Les 1 Santa Jejej 4/25/2019

Volgorde foe opdrakti Supralapserian volgorde: .Da opdrakti foe verkisi dem verkisiwan .Da opdrakti foe meki libisoema .Da opdrakti foe gi pasi foe da fosi sondoe .Da opdrakti foe meki wan verloesoeman .Da opdrakti foe kari dem verkisiwan door da Santa Jeje Les 1 Santa Jejej 4/25/2019

Volgorde opdrakti Infralapserian volgorde: .Da opdrakti foe meki libisoema .Da opdrakti foe gi pasi foe da fosi sondoe .Da opdrakti foe verkisi dem verkisiwan .Da opdrakti foe meki wan verloesoeman .Da opdrakti foe kari dem verkisiwan Les 1 Santa Jejej 4/25/2019

Volgorde opdrakti Sublapserian volgorde: .Da opdrakti foe meki libisoema .Da opdrakti foe gi pasi foe da fosi sondoe .Da opdrakti foe meki wan verloesoeman .Da opdrakti foe verkisi dem verkisiwan .Da kari foe dem verkisiwan Les 1 Santa Jejej 4/25/2019

Seti leki fa a moesoe de Foe seti leki fa a moesoe de: Da Grieki woortoe de tasso, disi kan taki foe poti wan soema na wan positie. Da woortoe wani taki foe poti na ini da juisti volgorde, foe seti. Rom. 13:1 Ibri soema moesoe saka na dem lanti makti ondro. Bikasi no wan makti de boiti foe Gado; Gado seti dem makti disi de. Les 1 Santa Jejej 4/25/2019

Sabi na fesi Sabi na fesi: Da Grieki woortoe de proginosko, disi wani taki foe sabi nanga ervaring, foe sabi na fesi. Da schepping: Tori 15:18 Gado sabi ala Hem wroko sinsi da bigin foe grontapoe. .Da natie Israel: Amos 3:1-2 1. Jere da woortoe disi MASRA ben taki agensi oen, O Israëliet soema, agensi da heri famiri disi Mi ben tjari komopo foe da kondre foe Egypti, en Mi ben taki: 2. Oenoe wawan Mi ben sabi foe ala dem folkoe foe grontapoe; foe dat'ede, Mi sa strafoe oen foe ala oen sondoe. Les 1 Santa Jejej 4/25/2019

Gado ben sabi na fesi Da kruisi nanga da opo baka foe Jezus Kristus: Lukas 22:22 Foe troe, Soemapikin sa go leki fa a ben seti granwe kaba; ma heloe foe da soema disi sa tori Hem! Tori 2:23-24 23. Gado ben sabi na fesi en A ben meki besroiti kaba foe gi Hem abra, en oen ben teki Hem, en nanga takroe anoe oen ben kruisi Hem en kiri Hem; 24. Disi Gado ben opo baka, en A ben verloesoe Hem foe da skin-hati foe dede; bikasi a no ben man dati dede kan hori Hem. I Petrus 1:20 Hem disi Gado ben sabi fosi grontapoe ben meki, ma A ben kom sori Hemsrefi gi oen na dem laasti dei. Open. 13:8 En ala dem soema disi ben libi na grontapoe sa aanbegi hem, dem disi dem nem no de skrifi na ini da boekoe foe libi foe da Lam disi ben slakti sinsi da fondamenti foe grontapoe. Les 1 Santa Jejej 4/25/2019

Gado ben sabi na fesi .Da situatie foe hem sieli: Rom. 8:29 Bikasi dem soema disi A ben sabi na fesi kaba, A ben meki besroiti kaba foe meki dem kom gersi da fasi foe Hem Manpikin toe, so dati A sa de da fosi-gebore foe foeroe brada. I Petrus 1:2 Dem soema disi Gado da Tata ben verkisi nanga Hem sabi fosi alasani ben de; dem disi da Santa Jeje ben meki kom santa; dem disi gi jesi en da broedoe foe Jezus Kristus ben trowe panja na dem tapoe: Foeroe gnade nanga vrede moesoe de gi oen. Les 1 Santa Jejej 4/25/2019

Verkisi .Kristus ben de da verkisiwan foe Gado: I Petrus 2:4 Kom na Hem leki wan libilibi ston, disi dem libisoema ben trowe, ma Gado ben verkisi leki da moro diri wan. Jes. 42:1 Loekoe, Mi dinari, disi Mi hori opo; disi Mi verkisi; Mi sieli abi prisiri nanga hem; Mi ben poti Mi jeje na hem tapoe; A sa koti kroetoe gi dem heiden soema. Les 1 Santa Jejej 4/25/2019

Verkisi Wan groepoe foe dem engel ben verkisi: I Tim. 5:21 Mi komanderi joe na fesi foe Gado, nanga Masra Jezus Kristus srefi, nanga dem engel disi A ben verkisi, foe joe doe dem sani disi sondro foe koti kroetoe na fesi efoe foe loekoe na soema persoon. .Owroe Testamenti Israel ben de wan natie disi Gado ben verkisi: Tori 13:17 Da Gado foe da pipel foe Israël disi ben verkisi wi tata, en dem ben gi da pipel bigi nem di dem ben libi leki vreemde soema na ini da kondre foe Egypti, en nanga wan opo anoe A ben tjari dem komopo foe drape. Les 1 Santa Jejej 4/25/2019

Verkisi Gado ben verkisi spesroetoe mansoema foe doe belangrijk wroko na ini da dienst foe Gado: .Jeremia: Jer. 1:5 Fosi Mi ben meki joe na ini da mama bere, Mi en sabi joe kaba; en fosi joe ben komopo foe da mama bere, Mi ben meki joe kom santa, en Mi ben seti joe aparti leki wan profeti gi dem natie. Les 1 Santa Jejej 4/25/2019

Verkisi Gado ben verkisi dem 12 apostel: Mt. 10:1 En di A ben kari dem twalfoe discipel kom na Hem, A ben gi dem makti na tapoe dem takroe jeje, foe jagi dem poeroe, en foe meki ala sortoe siki nanga pina kom boen baka. Les 1 Santa Jejej 4/25/2019

Verkisi Gado ben verkisi da plan foe verloesoe: I Kor. 1:27-28 27. Ma Gado ben verkisi dem soso sani foe grontapoe foe dangra dem sabiman; en Gado ben verkisi dem swaki sani foe grontapoe foe dangra dem sani disi de makti; 28. En Gado ben verkisi dem lagi sani foe grontapoe, nanga dem veragti sani, ja, nanga dem sani disi no de noti, foe meki dem sani disi de kaba moesoe tron noti; Les 1 Santa Jejej 4/25/2019

Verkisi Gado ben verkisi dem pipel foe verloesoe: Rom. 8:33 Soema sa kroetoe dem soema disi Gado ben verkisi? A de Gado disi meki dem kom regtvaardiki. Efesi 1:4 So leki A ben verkisi wi na Hem ini fosi da fondamenti foe grontapoe ben seti, foe wi sa de santa en sondro foutoe na Hem fesi. II Tess. 2:13 Ma wi moesoe gi Gado grantangi alatem foe oen, oen brada disi Gado lobi, bikasi na da bigin Gado ben verkisi oen sinsi da bigin, foe oen sa kisi verloesoe doro da santa wroko foe da Jeje nanga da bribi foe da waarheid. Les 1 Santa Jejej 4/25/2019

Rai Rai: Da Grieki woortoe foe rai de boelema, disi wani taki foe denki en prakseri foe doe: Wantoe voorbeeld foe da Bijbel de: .Da besroiti foe dem Fariseeman foe kiri Jezus Kristus: Jn. 11:53 Baka da dei dati, dem ben miti mofo foe kiri Hem. .Da besroiti foe dem Fariseeman foe kiri Petrus nanga Johannes: Tori 5:33 Di dem ben jere dati, a koti dem na dem hati, en dem ben miti mofo foe kiri dem. Les 1 Santa Jejej 4/25/2019

Rai Da besroiti foe Gado foe gi Kristus abra leki wan ofrandi: Tori 2:23 Gado ben sabi na fesi en A ben meki besroiti kaba foe gi Hem abra, en oen ben teki Hem, en nanga takroe anoe oen ben kruisi Hem en kiri Hem; Da besroiti foe Gado foe kibri dem verkisiwan Efesi 1:11 Na Hem ini, wi ben kisi wan erfenis toe. A ben besroiti foe gi wi disi kaba nanga da wani foe Hem disi de wroko alasani nanga da rai foe Hem egi wani, Heb. 6:17 Foe dat'ede, Gado ben wani sori moro krin gi dem erfgenaam foe da pramisi dati Hem rai no sa kenki kwet'kweti, en A ben meki dati faste nanga wan sweri; Les 1 Santa Jejej 4/25/2019

Rai Da besroiti foe Gado foe abi kontrol abra alasani Ps. 33:11 Da rai foe MASRA de tan foe teego, nanga da prakseri foe Hem hati foe ala dem bakatem pikin. Spreuk. 19:21Foeroe prakseri de na ini da hati foe wan soema; tokoe da rai foe MASRA sa tan. Les 1 Santa Jejej 4/25/2019

Besroiti na fesi Meki wan besroiti na fesi: (Predestination) Dem abi toe Grieki woortoe dja: prairies en horizo. Da woortoe wani taki foe marki wan sani na fesi, foe beslis wan grens. Dem kan taki foe da Grieki woortoe moro fara: foe beslis, efoe foe taki: Dem kan taki abra: .A sori dati Jezus de Gado: Romeini 1:4 En Gado ben sori Hem foe de da Manpikin foe Gado nanga krakti, doro da Jeje foe santa-fasi nanga da opo baka foe dede. Di A ben de na grontapoe, Gado da Tata ben meki wan fasi foe sori da natuur foe Hem lobi Pikin. Les 1 Santa Jejej 4/25/2019

Besroiti na fesi Da besroiti na fesi foe da dede foe Kristus na da anoe foe ogri soema. Lk. 22:22 Foe troe, Soemapikin sa go leki fa a ben seti granwe kaba; ma heloe foe da soema disi sa tori Hem! Tori 2:23 Gado ben sabi na fesi en A ben meki besroiti kaba foe gi Hem abra, en oen ben teki Hem, en nanga takroe anoe oen ben kruisi Hem en kiri Hem; Tori 4:27-28 27. Bikasi foe troe, Herodes nanga Pontius Pilatus nanga dem heiden soema nanga da pipel foe Israël ben kom makandra agensi Joe santa Pikin Jezus, 28. Foe doe san Joe anoe nanga Joe rai ben meki besroiti na fesi kaba foe doe. Les 1 Santa Jejej 4/25/2019

Besroiti na fesi Gado ben besroiti kaba dati bribiwan moesoe kom gersi Jezus Kristus: Rom. 8:29-30 29. Bikasi dem soema disi A ben sabi na fesi kaba, A ben meki besroiti kaba foe meki dem kom gersi da fasi foe Hem Manpikin toe, so dati A sa de da fosi-gebore foe foeroe brada. 30. Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem A ben meki kisi glori toe. Les 1 Santa Jejej 4/25/2019

Doel Doel: Da Grieki woortoe de prothesis, disi wani taki foe seti na fesi: A ben seti Farao na fesi foe sori da kroetoe foe Gado: Rom. 9:17 Bikasi da Boekoe ben taki gi Farao taki: Bikasi Mi ben opo joe foe sori Mi krakti na joe ini, en foe dem sa taki foe Mi nem abra heri grontapoe. .A ben seti na fesi da plan foe Gado foe wroko doro Isaak & Jakob, en no doro Ishmael & Esau: Si Rom. 9:6-13 Les 1 Santa Jejej 4/25/2019

Kari Kari: Dem Grieki woortoe de kaleo nanga klesis, disi wani taki foe kari kom na wan officieel fasi. Kari dem soema disi Gado ben verkisi: Rom. 8:30 Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem A ben meki kisi glori toe. I Kor. 1:9 Gado de getrouw, disi ben kari oen na ini gemeenschap foe Hem Manpikin Jezus Kristus wi Masra. Les 1 Santa Jejej 4/25/2019

Kari (dem bribiwan) Kor. 1:9 Gado de getrouw, disi ben kari oen na ini gemeenschap foe Hem Manpikin Jezus Kristus wi Masra. Efesi 4:1 Foe dat'ede, mi, da strafoeman foe Masra, begi oen dati oen waka na wan fasi disi de waarti foe da wroko disi A ben kari oen foe doe, I Tess. 2:12 So dati oen sa waka na wan fasi disi de waarti foe Gado, disi ben kari oen kom na ini da kownoekondre nanga glori foe Hem. II Tess. 1:11 Foe dat'ede, so srefi wi begi alatem foe oen, dati wi Gado sa loekoe na oen leki oen de waarti foe san A ben kari oen foe doe, en dati A sa doe ala dem boen prisiri foe Hem boen-hati, nanga da wroko foe bribi nanga krakti; Les 1 Santa Jejej 4/25/2019

Positie #1 – man abi frantwoortoe Definitie: Dem soema wawan disi Gado ben besroiti na fesi foe kisi verloesoe ben de dem soema disi A ben sabi na fesi, dati wani taki, bikasi Gado sabi alasani, Gado ben sabi dati di dem ben kisi da okasi, dem sa teki Jezus leki dem verloesoeman. Besroiti na fesi no meki dem soema drai dem libi. Dem abi da besroiti na fesi bikasi Gado sabi kaba dati dem sa poti dem vertrouw tapoe Jezus Kristus. Da basis foe verkisi na fesi de bikasi Gado sabi na fesi. Predestinated for Hell? Les 1 Santa Jejej 4/25/2019

Man abi frantwoortoe Kristus Jezus ben dede bi ala soema: Jn. 1:4, 7 4. Na Hem ini libi ben de, en da libi ben de da leti foe libisoema.7. A ben kom leki wan getuigi, foe gi getuigi foe da Leti, so dati doro Hem ala libisoema kan kom na bribi. Jn. 12:32-33, 47 32. En te dem opo Mi foe grontapoe, Mi sa hari ala soema kom na Mi. 33. Disi A ben taki foe sori sortoe dede A ben sa dede.47. En efoe iniwan soema sa jere Mi woortoe, en A no sa bribi, Mi no kroetoe Hem, bikasi Mi no ben kom foe kroetoe grontapoe, ma foe verloesoe grontapoe. Les 1 Santa Jejej 4/25/2019

Man abi frantwoortoe Bikasi Gado koti wan regtvaardiki kroetoe: Kristus ben tjari wi sondoe na Hem tapoe: Jes. 53:6 Wi alamala de leki skapoe disi ben lasi pasi; wi ben drai ibriwan foe teki hem egi pasi; en MASRA ben poti da sondoe foe wi alamala na hem tapoe. .Ala soema abi da opdrakti foe drai dem libi: Tori 17:30 Na da tem disi wi no ben sabi, Gado no ben loekoe fin'fini na dati, ma now A komanderi ala soema na ibri presi foe drai dem libi; Les 1 Santa Jejej 4/25/2019

Mansoema abi frantwoortoe Da uitnodiging de foe ibri soema disi wani: Jn. 3:16 Bikasi Gado ben lobi ala soema so tee dati A ben gi Hem wan enkri gebore Pikin abra, foe ibri soema disi de bribi na Hem no moesoe go lasi, ma a sa abi da libi foe teego. Rom. 10:13 Bikasi ibri soema disi sa kari da nem foe Masra sa feni verloesoe. Open. 22:17 En da Jeje nanga da bruid taki: Kom. En meki hem disi jere taki: Kom. En meki hem disi abi dreiwatra kom. En da soema disi sa wani, gi hem pasi foe dringi fri foe da watra foe libi. Les 1 Santa Jejej 4/25/2019

Problemen efoe joe teki da tra positie dati Gado abi ala makti A sori moi gi dem soema disi lobi foe sori demsrefi leki bigi koniman disi prodo nanga da leri foe dem. So a kan de dati preikiman disi abi foeroe koni kan fadon na ini da tori disi moro leki wan saka-fasi soema .Dem soema disi hori na “covenant” (akkorderi) theologie lobi disi - da leri foe dem Presbyterian soema disi taki dati dati dem pikin disi ben teki pikinnengre dopoe abi wan akkorderi relatie nanga Gado kaba sondro foe wan keus disi demsrefi moesoe meki Les 1 Santa Jejej 4/25/2019

Problemen efoe joe no teki da positie disi Dem soema disi waka na ini da skin lobi da leri disi, bikasi dem no wani foe dem hati moesoe broko abra dem lasiwan, foe go sieli-wini, foe abi foe prati foe dem heiden prakteit en som soema kan lafoe dem te dem go soekoe dem lasiwan; dem no wani pai da paiman foe waka na ini da Jeje en foe kruisi dem owroe natuur en wakti tapoe Gado .Som soema denki dati disi de da wan enkri antwoord agensi Arminianism. Dem no bribi dati wan bribiwan kan lasi baka na iniwan tem. Dem bribi dati da Bijbel sori dati verloesoe komopo foe gnade, en no foe wroko. Les 1 Santa Jejej 4/25/2019

Positie #2 – Gado verloesoe Verkisi de da wroko disi Gado doe fosi tem ben de, na ini san Hem wani doe leki Gado, en a no de bikasi A ben si na fesi dati wan boen de na ini dem, dati A verkisi wan groepoe komopo foe sondari foe kisi wan spesroetoe gnade foe Hem Jeje, so dati dem sa teki da verloesoe foe Kristus nanga dem fri wani. Omeni jari na wi baka, Augustine, wan foe dem tata foe da kerki, ben taki: A verkisi wi, no bikasi wi bribi, ma so dati wi kan bribi; noso wi sa taki dati fosi wi ben verkisi Hem. Les 1 Santa Jejej 4/25/2019

#2 positie – verkisi A no de wan fasi disi Gado wroko na wan soso fasi sondro foe denki. Verkisi de nanga da doel nanga da sabi na fesi foe Gado foe teego: Rom. 8:28-29; 9:11; Ef. 1:4-11; I Pet. 1:2 .A no de wan wroko foe verkisi som foe dem moesoe lasi, efoe dem moesoe trowe dem. Verkisi de foe verloesoe, ma a no de foe vonisi: I Tess. 1:4; II Tess. 2:13 Les 1 Santa Jejej 4/25/2019

#2 positie – verkisi A no de da wani foe Gado foe verloesoe soso dem soema disi bribi, alwasi a de troe dati soso dem soema disi de bribi sa feni verloesoe .A no de dati man verkisi foe hemsrefi, alwasi a de troe dati man moesoe verkisi hemsrefi efoe a sa feni verloesoe. Verkisi de foe Gado. Jezus Kristus ben taki: Joe no ben verkisi Mi, ma Mi ben verkisi oen: Jn. 15:16 A no de soso foe wan sortoe dienst, alwasi Gado verkisi bepaalde soema foe doe bepaalde wroko. Verkisi de te leki verloesoe toe: II Tess. 2:13 Les 1 Santa Jejej 4/25/2019

#2 positie verkisi A de wan verkisi na Gado sei disi teki som soema, ma a no teki dem alamala. Disi wi kan si foe drie sani. Fosi, da feit dati som soema de lasi wani taki dati A no ben verkisi ala soema. Da woortoe verkisi sa de wan soso woortoe efoe ala soema ben feni verloesoe. Te dem hori wan verkising, da woortoe srefi sori wi dati som sa kisi wan wroko, ma trawan no sa kisi dati. Na di foe drie, da Bijbel taki foeroe leisi abra dem soema disi de lasiwan, en so dem no de na mindri foe dem soema disi ben verkisi. Les 1 Santa Jejej 4/25/2019

#2 positie – verkisi A de wan keus disi Gado ben meki fosi da fondamenti foe grontapoe. (Ef. 1:4) A de wan jepi foe membre wisrefi dati Gado de buiten tem, en A libi na ini “foe teego” nownow. A de wan verkisi op basis foe wan sani disi de na ini Gado srefi, en no tapoe wan sani disi de na ini libisoema. Paulus taki dati verkisi de volgens gnade (Rom. 11:5) en a taki overduidelijk dati a no de bikasi foe wroko. Verkisi, leki verloesoe de helemaal foe gnade, en a no de foe wroko. Foe dat’ede a sa sori hemsrefi krin dati Gado no ben verkisi foe verloesoe soema bikasi A ben si wan boen efoe wan waarti na dem ini. Les 1 Santa Jejej 4/25/2019

#2 positie – verkisi A de wan keus disi de op basis foe san A sabi na fesi, disi de op basis foe da rai en doel foe Gado. Wi kan sabi dati Gado ben abi wan doel foe doe ibri sani disi A ben doe, en dati da reden disi Gado sabi disi na fesi de dati A ben besroiti dati. .A de wan keus disi de 100% zeker dati a sa pasa, bikasi no wan krakti de disi kan tapoe hem. Les 1 Santa Jejej 4/25/2019

#2 positie – verkisi A de wan keus disi no bots nanga da vrijheid foe libisoema. Verkisi no dwingi da verkisiwan foe bribi. No wan soema disi ben bribi da evangelium sa sabi dati dem ben dwingi Les 1 Santa Jejej 4/25/2019

Libisoema fri? Da fosi sani de foe membre wisrefi dati libisoema leki wan sondari de wan slafoe foe sondoe. Jezus Kristus ben sori wi da tori disi krin: Jn. 8:34 Jezus ben piki dem taki: Troe, troe, Mi taki gi oen taki: Da soema disi doe sondoe de wan slafoe foe sondoe. Wan slafoe no de fri kwet’kweti. Les 1 Santa Jejej 4/25/2019

Libisoema fri keus? Efoe didibri nanga libisoema kan abi invloed tapoe wi beslissing sondro foe tapoe wi foe meki wi egi fri keus, a no kan dati Gado kan doe so toe, en spesroetoe te wi froestan dati da invloed foe Gado tapoe libisoema de soso foe boen gi dem? Bijna ibri soema disi drai hem libi sabi dati a no ben meki wan besroiti foe teki Jezus Kristus na ini hem hati helemaal aparti foe tra soema. Ala disi ben de Gado disi ben wroko doro Hem Jeje doro da Woortoe foe Gado nanga da pipel foe Gado. Ma tokoe da soema ben meki da keus nanga hem egi fri wani. En so leki satan ben wroko na ini dem pikin foe tranga jesi, so srefi Gado wroko: Fil. 2:13 Bikasi a de Gado disi de wroko na oen ini, foe gi oen da wani, nanga da krakti foe doe san Hem wani. Les 1 Santa Jejej 4/25/2019

Problemen positie #1 .A libi verloesoe na ini da anoe foe libisoema. .Da zielenwinnaar abi 100% krakti foe beslis soema sa go na hemel .Da sondari abi 100% krakti foe beslis efoe a sa go na hemel A kenki da betekenis foe da woortoe verkisi. Efoe Gado ben sabi nomo soema sa teki Hem, dan A no verkisi foe troe. A de “sabi” nomo .A belemmer da doel nanga da glori foe Gado doro dem wroko foe libisoema Les 1 Santa Jejej 4/25/2019

Problemen positie #2 A meki Gado loekoe na soema persoon .A dwingi dem soema disi A ben verkisi .A no gi vrijheid na libisoema .A loekoe na verkisi leki wan sani disi Gado doe soso bikasi foe da wani foe Hem. . Les 1 Santa Jejej 4/25/2019

Problemen #2 positie A broko evangelisme nanga zendeling wroko saka .A meki dem verkisiwan prodo na foeroe presi .A kenki da betekenis foe da woortoe “iniwan soema” .A tjari wi go na da leri foe opdrakti dati som soema sa de lasiwan Les 1 Santa Jejej 4/25/2019

Wantoe prakseri Da Bijbel taki krin dati Gado de Basi foe alasani en A de fri, ma moro fara, A leri wi dati libisoema abi frantwoortoe. Na ini da prakseri foe libisoema, wi no man froestan fa Gado kan basi alasani en na da srefi momenti libisoema abi frantwoortoe. Les 1 Santa Jejej 4/25/2019

Wan voorbeeld foe prakseri Wan makti liba waka komopo foe teego na dem dei na wi baka, waka go na fesi na foe teego na wi fesi. Pe a sa go? Da bestemming de da glori foe Gado nanga da boen foe dem verkisiwan. Na wan sjoro wi kari Gado de basi. Da tra sjoro de da frantwoortoe foe libisoema. Som foe dem verkisiwan de na ala toe foe dem sjoro foe taki abra da bribi foe dem soema na da tra sjoro. Ma te dem doe so, kande dem frigiti foe loekoe na da liba foe gnade de lon na dem foetoesei. Da wani foe Gado sa wroko na ala toe sei foe da liba foe meki Hem blesi go drape. A teki toe sjoro foe wan liba kan de. San pasa te wan liba efoe wan foe dem sjoro no de moro? Dan a no de wan moi liba moro, ma wan swampoe. Les 1 Santa Jejej 4/25/2019

Membre da bigi koni foe Gado Wi no sabi ala dem feit foe iniwan sani ete: I Kor. 8:2 Efoe wan soema denki dati a sabi iniwan sani, a no sabi noti ete leki fa a moesoe sabi hem. Gado ben taigi wi san A wani wi foe sabi, ma zeker A no ben taigi wi alasani disi A sabi. I Kor. 13:9 Bikasi wi sabi wan pisi nomo; en wi taki profeti-tori foe wan pisi nomo; 12 Efoe wan soema denki dati a sabi iniwan sani, a no sabi noti ete leki fa a moesoe sabi hem. Les 1 Santa Jejej 4/25/2019

Membre da koni foe Gado… Rom. 11:33-36 33. O fa dem goedoe foe da koni nanga da sabi foe Gado de dipi! Fa wi no man ondrosoekoe Hem kroetoe, en wi no man feni dem pasi foe Hem! 34. Bikasi soema ben sabi da prakseri foe Masra? Efoe soema ben de Hem raiman? 35. Efoe soema ben gi na Hem fosi, so dati A moesoe pai hem baka? 36. Bikasi alasani komopo foe Hem, en dem kom doro Hem, en dem de foe Hem, disi moesoe abi glori foe teego! Amen Les 1 Santa Jejej 4/25/2019

Gado de wan boen Gado Gado no man doe wan sani disi no de eerlijk efoe disi de dom: Wi no taki soso dati A no sa doe so wan sani, ma wi taki nadrukkelijk dati a no ben man doe so! Heb. 6:18 So dati nanga toe sani disi no man kenki, bikasi Gado noiti kan lei, wi ben sa abi wan tranga troostoe; wi disi ben lon go kibri kan fasi na da hopoe disi A seti na wi fesi. Les 1 Santa Jejej 4/25/2019

Da blesi foe verloesoe A teki wi leki Hem Pikin: Rom. 8:14-23 14. Bikasi ala dem soema disi da Jeje foe Gado de tiri dem de pikin foe Gado. 15. Bikasi oen no ben kisi da jeje foe katibo agen foe meki oen frede; ma oen ben kisi da Jeje foe tron Hem pikin; en nanga dati wi bari taki: Abba, Tata! 16. Da Jeje srefi de wan getuigi nanga wi jeje dati wi de dem pikin foe Gado. 17. En efoe wi de pikin, dan wi de erfgenaam; erfgenaam foe Gado, en mede-erfgenaam nanga Kristus; efoe wi sa pina nanga Hem, dan wi sa kisi glori makandra toe. 18. Bikasi mi loekoe na dem pina foe da tem disi leki dem no de waarti foe wegi agensi da glori disi A sa sori na wi ini. Les 1 Santa Jejej 4/25/2019

Da blesi foe verloesoe A bai wi fri: Rom. 3:24-25 24. Dem kom regtvaardiki na wan fri fasi doro Hem gnade, di Kristus Jezus ben bai wi baka. 25. Gado ben seti Hem na fesi leki wan verzoen-ofrandi doro bribi na ini Hem broedoe, foe sori Hem gerechtigheid foe gi pardon foe dem sondoe disi wi ben doe kaba, nanga da pasensi foe Gado; Les 1 Santa Jejej 4/25/2019

Da blesi foe verloesoe Verzoening - A tapoe wi sondoe: Rom. 4:7 Di a ben taki: Blesi foe dem soema disi ben kisi pardon foe dem takroedoe, en dem sondoe foe hem ben tapoe kaba. Les 1 Santa Jejej 4/25/2019

Da blesi foe verloesoe Gnade, da boen ai foe Gado: Rom. 5:1-2 1. Foe dat'ede, di wi ben kom regtvaardiki doro bribi kaba, wi abi vrede nanga Gado doro wi Masra Jezus Kristus; 2. Doro bribi na Hem, wi ben abi wi pasi foe kom na da gnade disi pe wi tanapoe, en wi prisiri na ini da hopoe foe da glori foe Gado toe. .A poti da gerechtigheid foe Kristus tapoe wi rekening na ini hemel: Rom. 4:1-11 Les 1 Santa Jejej 4/25/2019

Da blesi foe verloesoe .Wi kom boen baka nanga Gado: Rom. 5:10 Bikasi efoe di wi ben de feanti kaba, wi ben kom boen baka nanga Gado doro da dede foe Hem Manpikin, hoe moro dan, di wi ben kom boen baka kaba, wi sa feni verloesoe komopo foe Hem libi. .Substitutie (plaatsvervanger) Rom. 4:3-5 Les 1 Santa Jejej 4/25/2019

Da blesi foe verloesoe Njoen geboorte: Jn. 1:12 Ma ala dem disi ben teki Hem, na dem A ben gi krakti foe tron pikin foe Gado, dem disi de bribi na Hem nem; .Wan njoen erfenis: Rom. 8:17 En efoe wi de pikin, dan wi de erfgenaam; erfgenaam foe Gado, en mede-erfgenaam nanga Kristus; efoe wi sa pina nanga Hem, dan wi sa kisi glori makandra toe. Les 1 Santa Jejej 4/25/2019

Dem blesi foe verloesoe Gerechtigheid na fesi foe Gado: Rom. 3:21-4:25 A ben poeroe wi komopo foe dede: Mt. 20:28 So srefi Soemapikin no ben kom foe soema dini Hem, ma foe dini trawan, en foe gi Hem libi abra leki wan paiman gi foeroe soema. .No vonisi moro: Rom. 8:1 Foe dat'ede now no wan vonisi de gi dem soema disi de na ini Kristus Jezus disi no waka na baka da skin, ma na baka da Jeje. Les 1 Santa Jejej 4/25/2019

Dem blesi foe verloesoe Gado abi njoen attitude gi wi: Heb. 10:35. Foe dat'ede, no trowe oen bribi, disi sa pai oen foeroe baka. 36. Bikasi oen abi pasensi fanowdoe, foe di oen ben doe da wani foe Gado kaba, oen sa kisi da pramisi. 37. Bikasi na ini wan sjatoe pisi tem, Hem disi sa kom sa kom, en A no sa draidrai. 38. Now da regtvaardiki soema sa libi doro hem bribi; ma efoe wan soema sa drai baka, mi sieli no sa prisiri na hem ini. 39. Ma wi no de foe dem soema disi drai baka foe go pori, ma foe dem soema disi bribi te leki da verloesoe foe dem sieli. Les 1 Santa Jejej 4/25/2019

Dem blesi foe verloesoe Wi kisi pardon foe wi sondoe: Mt. 26:28 Bikasi disi de Mi broedoe foe da njoen akkorderi, disi ben trowe gi foeroe soema foe gi dem pardon foe dem sondoe. .Santa-fasi: I Kor. 6:11 En som foe oen ben de dem sortoe soema disi, ma now oen ben wasi kaba, now oen ben kom santa; now oen ben kom regtvaardiki na ini da nem foe Masra Jezus, en nanga da Jeje foe wi Gado. .Kom regtvaardiki: I Kor. 6:11 .Wasi krin: I Kor. 6:11 Les 1 Santa Jejej 4/25/2019

Dem blesi foe verloesoe Zekerheid - no lasi baka: Jn. 10:27-29 27. Mi skapoe jere Mi stem, en Mi sabi dem, en dem waka na Mi baka. 28. En Mi gi dem da libi foe teego; en noiti dem sa go lasi, en no wan soema sa poeroe dem komopo foe Mi anoe. 29. Mi Tata, disi ben gi Mi dem, Hem de moro bigi leki alasani; en no wan soema kan poeroe dem komopo foe Mi Tata anoe. Voorziening foe Gado: Fil. 4:19 Ma mi Gado sa gi oen alasani disi oen abi fanowdoe foe Hem goedoe na ini glori doro Kristus Jezus. Les 1 Santa Jejej 4/25/2019

Dem blesi foe verloesoe Wan afkati na ini hemel: I Jn. 2:1 Mi pikinnengre, mi skrifi dem sani disi gi oen so dati oen no doe sondoe. En efoe iniwan soema doe sondoe, wi abi wan afkati nanga da Tata, Jezus Kristus, da regtvaardiki wan; .Wan njoen hogepriester foe begi gi wi: Rom. 8:34 Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Les 1 Santa Jejej 4/25/2019

Dem blesi foe verloesoe Wan njoen relatie nanga Gado pe A teki wi: Efesi 1:6 Prijse da glori foe Hem gnade, di A ben teki wi na ini da Lobiwan. .Wan njoen positie na fesi foe Gado: Heb. 10:14 Bikasi doro wan ofrandi A ben meki dem santa soema kom volmaakt foe teego. .Wi de fiti foe wi positie: Kol. 1:12 Wi gi grantangi na da Tata, disi ben meki wi kom fiti foe abi wan pisi foe da erfenis foe dem santawan na ini leti; Les 1 Santa Jejej 4/25/2019

Dem blesi foe verloesoe Go na wan njoen kownoekondre: Kol. 1:13 Hem disi ben verloesoe wi foe da makti foe doengroe, en disi ben froisi wi kom na ini da kownoekondre foe Hem diri Manpikin. .Wi de da erfenis foe Gado: Efesi 1:18 Dati dem ai foe oen froestan sa opo, foe oen kom sabi san da hopoe foe Hem kari de, nanga dem goedoe foe da glori foe Hem erfenis na ini dem santawan; Les 1 Santa Jejej 4/25/2019

Dem blesi foe verloesoe Wi de dem lobiwan foe Gado: Rom. 1:7 Gi ala soema na Rome, dem soema disi Gado de lobi, en disi A kari santawan: Gnade foe oen nanga vrede disi komopo foe Gado wi Tata nanga Masra Jezus Kristus. .Wi de goedoeman na jeje-fasi: Efesi 1:3 Blesi foe da Gado nanga Tata foe wi Masra Jezus Kristus, disi ben blesi wi nanga ala jeje-blesi na ini dem hemel presi na ini Kristus, Les 1 Santa Jejej 4/25/2019

Dem blesi foe verloesoe Wi de verkisi foe doe da wani foe Gado: Rom. 8:29-30 29. Bikasi dem soema disi A ben sabi na fesi kaba, A ben meki besroiti kaba foe meki dem kom gersi da fasi foe Hem Manpikin toe, so dati A sa de da fosi-gebore foe foeroe brada. 30. Moro fara, dem soema foe di A ben meki besroiti kaba, na dem A ben kari toe, en dem disi A ben kari kaba, na dem A ben meki kom regtvaardiki toe; en dem disi A ben meki kom regtvaardiki kaba, na dem a ben glori toe. .Gado ben sabi mi na fesi: Rom. 8:29 Les 1 Santa Jejej 4/25/2019

Dem blesi foe Gado Gado ben sabi mi kaba foe doe da wroko foe Gado: I Pet. 1:20 Hem disi Gado ben sabi fosi grontapoe ben meki, ma A ben kom sori Hemsrefi gi oen na dem laasti dei. .Gado ben verkisi mi: Efesi 1:4 So leki A ben verkisi wi na Hem ini fosi da fondamenti foe grontapoe ben seti, foe wi sa de santa en sondro foutoe na Hem fesi. . Les 1 Santa Jejej 4/25/2019

Dem blesi foe verloesoe Gado ben kari wi kaba: Tori 2:38-39 38. Dan Petrus ben taki gi dem taki: Drai oen libi, en ibriwan foe oen teki dopoe na ini da nem foe Jezus Kristus da pardon foe sondoe, en oen sa kisi da presenti foe da Santa Jeje. 39. Bikasi da pramisi de foe oenoe nanga oen pikin, nanga ala dem soema disi de farawe, so meni leki Masra wi Gado sa kari. Wi kisi wan njoen libi: Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, Les 1 Santa Jejej 4/25/2019

Dem blesi foe verloesoe Wi kisi pardon foe wi sondoe: Efesi 1:7 A ben bai wi baka nanga Hem broedoe; en wi abi pardon foe wi sondoe so leki dem goedoe foe Hem gnade de, .Wi kom fri foe satan: Kol. 1:13 .Wi de fri foe wi owroe natuur: Rom. 6 .Wi de fri foe da wet: Rom. 6:14 Bikasi sondoe no sa de basi na oen tapoe moro; bikasi oen no de na ondro da wet, ma na ondro gnade. Les 1 Santa Jejej 4/25/2019

Dem blesi foe verloesoe Wi abi wan njoen hopoe nanga bribi: Rom. 12:3 Bikasi nanga da gnade disi A ben gi mi, mi taki gi ibri soema na oen mindri dati a no moesoe denki moro hei abra hemsrefi leki fa a de fiti foe denki; ma a moesoe denki na wan krin fasi, so leki da bigi foe da bribi disi Gado ben gi na ibri soema. .Wi kan kari Gado wi Tata: Rom. 8:15-16 15. Bikasi oen no ben kisi da jeje foe katibo agen foe meki oen frede; ma oen ben kisi da Jeje foe tron Hem pikin; en nanga dati wi bari taki: Abba, Tata! 16. Da Jeje srefi de wan getuigi nanga wi jeje dati wi de dem pikin foe Gado. Les 1 Santa Jejej 4/25/2019

Dem blesi foe verloesoe Njoen goedoe: I Kor. 3:21-22 21. Foe dat'ede no meki iniwan soema gi glori na libisoema. Bikasi alasani de foe oen; 22. Efoe Paulus efoe Apollos, efoe Kefas, efoe grontapoe, efoe libi, efoe dede, efoe sani foe tide, efoe sani foe dem dei na fesi; alasani de foe oenoe; 23. En oen de foe Kristus; en Kristus de foe Gado. .Fri pasi foe begi na Gado: Rom. 5:2 .Zekerheid: I Jn. 5:13 Mi ben skrifi dem sani disi gi oen disi bribi na da nem foe da Manpikin foe Gado, so dati oen kan sabi dati oen abi da libi foe teego, en dati oen kan bribi na tapoe da nem foe da Manpikin foe Gado. Les 1 Santa Jejej 4/25/2019

Dem blesi foe verloesoe Njoen sabi: I Kor. 1:30 Ma foe Hem, oen de na ini Kristus Jezus, disi Gado ben meki tron sabi nanga gerechtigheid nanga santa-fasi nanga verloesoe gi wi; .Njoen openbaring: Efesi 1:15-18 15. Foe dat'ede, di mi ben jere foe oen bribi na ini Masra Jezus toe, nanga fa oen lobi ala dem santawan, 16. Mi no ben tapoe foe gi grantangi foe oen toe, en mi ben begi gi oen na ini mi begi, 17. Foe da Gado foe wi Masra Jezus Kristus, da Tata foe glori, moesoe gi oen da jeje foe sabi, foe kom sabi Hem boen; 18. Dati dem ai foe oen froestan sa opo, foe oen kom sabi san da hopoe foe Hem kari de, nanga dem goedoe foe da glori foe Hem erfenis na ini dem santawan; Les 1 Santa Jejej 4/25/2019

Dem blesi foe verloesoe Da froktoe foe da Jeje: Gal 5:22-23 22. Ma da froktoe foe da Jeje de lobi, prisiri, vrede, pasensi, safri-fasi, boen-hati, bribi, 23. Saka-fasi, foe dwingi joesrefi; no wan wet de agensi dem sortoe sani disi. .Presenti foe da Santa Jeje: I Kor. 7:7 Bikasi mi ben sa wani dati ala soema sa de leki misrefi. Ma ibri soema abi hem egi presenti foe Gado, wan foe da fasi disi, en da trawan foe da fasi dati.; 12:7 Ma ibri soema kan sori da Jeje-fasi foe gi jepi na ala soema., 11 Ma da srefi Jeje wroko doro ala dem presenti disi, en A de gi dem presenti na ibri soema leki fa Hem wani. Les 1 Santa Jejej 4/25/2019

Dem blesi foe verloesoe Da libi foe teego: I Jn. 5:11-12 11. En disi de da getuigi taki: Gado ben gi wi libi foe teego, en da libi disi de na ini Hem Manpikin. 12. Da soema disi abi da Manpikin abi da libi, en da soema disi no abi da Manpikin no abi da libi. .Njoen pramisi: II Kor. 1:20 Bikasi ala dem pramisi foe Gado de “ja” na Hem ini, en na ini Hem, “Amen” foe wi moe gi Gado da glori. II Petrus 1:3-4 3. So leki Hem Gado krakti ben gi wi alasani disi de fanowdoe foe libi nanga Gado-fasi, doro da sabi foe Hem disi ben kari wi kom na glori nanga krin libi. 4. A ben gi wi toemoesi bigi diri pramisi, foe nanga dem oen kan kisi wan pisi foe Gado-fasi, di oen ben komopo foe da pori disi de foe grontapoe nanga hem lostoe. Les 1 Santa Jejej 4/25/2019

Dem blesi foe verloesoe Gado meki wi kom leti (njoen getuigi) Efesi 5:8 Bikasi fosi oen ben doengroe, ma now oen tron leti na ini Masra; waka leki pikin foe leti. Mi kom wan pikin foe Abraham: Gal. 3:7, 29 7. Foe dat'ede, oen moesoe sabi dati dem soema disi de bribisoema, demsrefi de dem pikin foe Abraham. 29. En efoe oen de foe Kristus, dan oen de dem siri foe Abraham, en oen de erfgenaam foe da pramisi. Les 1 Santa Jejej 4/25/2019

Dem blesi foe verloesoe Mi de wan brada na ini wan njoen famiri: I Jn. 3:14-18 14. Wi sabi dati wi ben komopo foe dede foe go na libi, bikasi wi lobi dem brada. Da soema disi no lobi hem brada tan na ini dede. 15. Da soema disi no lobi hem brada de wan kiriman; en oen sabi dati da libi foe teego no tan na ini wan kiriman. 16. So wan fasi wi si da lobi foe Gado, bikasi A ben gi Hem libi abra foe wi ede; en wi moesoe gi wi libi abra foe wi brada ede. 17. Ma da soema disi abi da goedoe foe disi grontapoe, en a si hem brada mankeri wan sani, en a tapoe hem inisei firi foe sari-hati gi hem, fa da lobi foe Gado de libi na hem ini? 18. Mi pikinnengre, no meki wi lobi nanga woortoe efoe tongo nomo, ma na ini doe en na ini waarheid Les 1 Santa Jejej 4/25/2019

Dem blesi foe verloesoe Mi tron wan pikin foe da dei: I Tess. 5:5 Oen alamala de dem pikin foe leti, en dem pikin foe da dei; wi no de foe da neti, efoe foe doengroe. . Mi tron wan pikin foe da opo baka: Lk. 20:36 En dem no kan dede moro; bikasi dem sa de leki dem engel; en dem de dem pikin foe Gado, bikasi dem de dem pikin foe da opo baka. .Mi tron wan Kristen: Tori 11:26 En di a ben feni hem, a ben tjari hem kom baka na Antiochië. En a ben pasa so dati wan heri jari langa dem ben kom makandra nanga da kerki, en dem ben leri foeroe soema. En dem ben kari dem discipel “Kristen” fosi na ini Antiochië Les 1 Santa Jejej 4/25/2019

Dem blesi foe verloesoe Mi de wan brifi foe Kristus: II Kor. 3:3 Bikasi oen sori krin dati oensrefi de da brifi foe Kristus doro wi wroko, disi no skrifi nanga inki, ma doro da Jeje foe da libilibi Gado; no na tapoe tafra foe ston, ma na tapoe libi tafra foe da hati. .Mi de wan burger foe wan njoen natie: I Petrus 2:9 Ma oen de wan speri disi A ben verkisi, wan famiri foe dem kownoe-priester, wan santa folkoe, wan pipel disi seti aparti gi Gado, foe oen sa gi Hem bigi nem, Hem disi ben kari oen komopo foe doengroe, kom na ini Hem moi leti. Les 1 Santa Jejej 4/25/2019

Dem blesi foe verloesoe Mi de wan skapoe: Jn. 10:1-6 .Mi de wan libi ston: I Petrus 2:5 So srefi oen moesoe de leki libilibi ston disi de bouw wan jeje oso; oen de dem santa priester disi meki jeje-ofrandi disi de boen na ini da ai foe Gado doro Jezus Kristus. Mi de da sowtoe foe grontapoe: Mt. 5:13 Oenoe de da sowtoe foe grontapoe; ma efoe da sowtoe lasi hem tesi, fa a kan tron boen sowtoe baka? A no de waarti foe noti, boiti foe trowe na gron pe soema sa waka na hem tapoe. Les 1 Santa Jejej 4/25/2019

Dem blesi foe verloesoe Wi de dinari foe Gado: I Kor 7:22 Bikasi da soema disi A ben kari na ini Masra di a ben de wan slafoe de wan friman na ini Masra; so srefi, da soema disi ben de wan friman di A ben kari hem de da slafoe foe Kristus. .Wi de wan wrokosani foe bigi nem: II Tim. 2:21 Foe dat'ede, efoe wan soema krini hemsrefi foe dem sani disi, a sa de wan wrokosani disi sa abi waarti; a de santa, en a fiti foe Masra sa wroko nanga dem, en a de klari foe ibri boen wroko. Les 1 Santa Jejej 4/25/2019

Dem blesi foe verloesoe Wi de wrokosani foe Hem sari-hati: Rom. 9:23 En efoe A sa meki soema kom sabi da grani foe Hem glori na tapoe dem wrokosani foe sari-hati, disi A ben meki klari na fesi foe kisi glori; Mi de wan ambassadeur (wan boskopoeman) II Kor. 5:20 Now dan, wi de boskopoeman foe Kristus, so leki Gado ben begi oen doro wi; na presi foe Kristus, wi begi oen: kom boen baka nanga Gado. Les 1 Santa Jejej 4/25/2019

Dem blesi foe verloesoe Wi de wan taki: Jn. 15:1-5 1. Mi de da troe druivibon, en Mi Tata de da djariman. 2. Ibri taki foe Mi disi no meki froktoe A koti poeroe, en ibri taki disi meki froktoe kaba, A koti wan pisi foe hem poeroe, so dati a kan meki moro froktoe. 3. Now oen de krin doro da woortoe disi Mi ben taki gi oen. 4. Tan na Mi ini, en Mi de tan na oen ini. So leki wan taki no kan meki froktoe komopo foe hemsrefi, efoe a no tan na ini da druivibon, so toe oen no kan meki froktoe, efoe oen no tan na Mi ini. 5. Mi de da druivibon, en oen de dem taki; da soema disi tan na Mi ini, en Mi tan na hem ini, da srefi sa meki foeroe froktoe; bikasi sondro Mi oen no kan doe noti. Les 1 Santa Jejej 4/25/2019

Dem blesi foe verloesoe Samenvatting: Ps. 68:20 Blesi foe Masra, disi gi wi boen sani ibri dei, da Gado foe wi verloesoe. Selah. Les 1 Santa Jejej 4/25/2019