Advanced Bijbel Instituut Romeini Bijbel Baptist Kerk Advanced Bijbel Instituut Romeini Robert D. Patton 2/23/2019 ABI Mod 9 - Romeini II

Bijbel Baptist Kerk Les Romeini 11-16 Les 3 Robert D. Patton 2/23/2019 ABI Mod 9 - Romeini II

Gado no trowe Hem pipel Rom. 11:1. Dan mi aksi taki: Gado ben trowe Hem pipel? Gado moesoe kibri wi! Bikasi mi de wan Israëliet soema toe, wan bakatem pikin foe Abraham, komopo foe da famiri foe Benjamin. 2. Gado no ben trowe Hem pipel disi A ben sabi na fesi kaba. Joe no sabi san da Boekoe de taki abra Elia? Fa a ben begi Gado agensi Israël taki: 2/23/2019 ABI Mod 9 - Romeini II

Wan groepoe de ete… Rom. 11:3. Masra, dem ben kiri Joe profeti, en dem ben diki Joe altari foe pori dem; en mi wawan tan abra, en dem soekoe foe kiri mi.4. Ma fa Gado ben piki hem? A ben taki: Mi ben kibri sebi doesoen mansoema gi Misrefi disi no ben boigi kindi gi Baäl.5. So srefi dan na da tem disi toe wan groepoe libi abra disi A ben verkisi nanga gnade. Wan groepoe de nanga gnade 2/23/2019 ABI Mod 9 - Romeini II

Wan groepoe de ete… Nogmaals Paulus sori da srefi sani. Gado no wroko nanga ala dem Djoe gelijk alwasi dem no bribi, ma dem pramisi kom tapoe dem bribiwan. Wi si wan voorbeeld nanga Elia, disi ben taki dati no wan bribiwan de na ini Israel boiti hem. Ma Gado ben sori hem dati wan 7000 bribiwan ben de ete. Wan groepoe de nanga gnade de, en Gado sa wroko nanga dem 2/23/2019 ABI Mod 9 - Romeini II

Gnade no de nanga wroko Rom. 11:6. En efoe a de nanga gnade, dan a no de nanga wroko moro; noso gnade no de gnade moro. Ma efoe a de nanga wroko, dan a no de nanga gnade moro; noso wroko no de wroko moro. Gnade nanga wroko de tegen elkaar. A de wan efoe da trawan 2/23/2019 ABI Mod 9 - Romeini II

Gnade no de nanga wroko Rom. 11:7. San disi wani taki dan? Israël no ben kisi da sani disi a ben soekoe; ma dem soema disi A ben verkisi ben kisi hem, en dem trawan ben kom breni. Bikasi Israel no wroko doro bribi, a ben fadon en no kisi da gnade; ma dem heiden disi bribi ben kisi hem 2/23/2019 ABI Mod 9 - Romeini II

Dem profeti ben taki disi kaba Rom. 11:8. (So leki a de skrifi taki: Gado ben gi dem wan jeje foe sribi, en ai disi no de si, en jesi disi no de jere) te leki tide. 9. En David ben taki: Meki dem tafra tron wan trapoe, wan trapoe nanga wan ston foe naki foetoe fadon, nanga wan paiman gi dem. 10. Meki dem ai kom doengroe, so dati dem no man si, en beni dem baka alatem. Judicially breni – Gado srefi kroetoe da natie dati dem de breni 2/23/2019 ABI Mod 9 - Romeini II

Israel breni te leki now Israel ben wroko nanga dem egi boen wroko, en dem no ben hori da wet. Dem ben kiri dem egi verloesoeman, en krei dati Hem broedoe moesoe kom na dem tapoe Now Israel de breni – Gado taki dati da natie no sa si te leki messias kom baka foe da millenium 2/23/2019 ABI Mod 9 - Romeini II

Gado abi plan gi Israel ete Rom. 11:11. Mi taki dan taki: Dem ben naki foetoe so dati dem ben sa fadon? Gado moesoe kibri wi! Ma di dem ben fadon, verloesoe ben kom gi dem heiden soema, foe meki dem (Djoe) kom djaroesoe. Dem sa fadon tijdelijk, ma Gado sa opo dem baka. En Gado gebruiki da blesi foe dem heiden foe meki dem Djoe kom djaroesoe 2/23/2019 ABI Mod 9 - Romeini II

Gado abi plan gi Israel ete Rom. 11:12. Now efoe da fadon foe dem de goedoe gi grontapoe, en fa dem ben kom moro weiniki ben de goedoe gi dem heiden soema, fa da foeroe foe dem sa de moro! Ma na ini da toekomst, Israel sa kom boen baka, en a sa tjari oeroe blesi kom. Da foeroe foe dem = Israel drai libi kom na Gado 2/23/2019 ABI Mod 9 - Romeini II

Da kerki no teki da presi foe Israel Som soema denki dati Israel ben abi hem kans, ma di dem ben kiri dem egi messias, Gado ben poti dem na wan sei foe teego Dan dem taki dati Gado ben poti da kerki na ini presi foe Israel Disi de wan fout opstelling, en dem versi sori dati krin 2/23/2019 ABI Mod 9 - Romeini II

Verschil foe da kerki & Israel Moro fara, som taki dati dopoe teki da presi foe besnijdenis Besnijdenis ben de da marki foe dem Djoe. Ma disi no taki dati dopoe de da srefi gi dem bribiwan Dem pramisi foe Israel de na gronta-poe, ma dem pramisi gi da kerki de na ini hemel. Verschil de. 2/23/2019 ABI Mod 9 - Romeini II

Verschil foe da kerki & Israel Besnijdenis ben de da marki foe dem Djoe. Ma disi no taki dati dopoe de da srefi gi dem bribiwan Dem pramisi foe Israel de na grontapoe, ma dem pramisi gi da kerki de na ini hemel 2/23/2019 BI NT II Les 11 Romeini 9-12

Paulus wani dem Djoe foe kom djaroesoe en drai dem libi! Rom. 11:13. Bikasi mi taki gi oen heiden soema, bikasi mi de da apostel gi dem heiden soema, en mi sa meki mi positie kom bigi; 14. Efoe na iniwan fasi mi sa meki dem soema disi de foe mi egi folkoe kom djaroesoe, en wantoe foe dem sa feni verloesoe. 2/23/2019 BI NT II Les 11 Romeini 9-12

Gado sa teki Israel baka, en dem sa de santa toe… Rom. 11:15. Bikasi efoe da trowe foe dem ben meki grontapoe kom boen baka, san sa de da teki-baka foe dem, boiti libi komopo foe dede? Te Israel leki wan kondre drai dem libi, da heri folkoe sa de wan tranga getuigi gi Gado! 2/23/2019 BI NT II Les 11 Romeini 9-12

Gado sa teki Israel baka, en dem sa de santa toe… Rom. 11:16. Bikasi efoe da fosi-froktoe de santa, dan da hipi de santa toe; en efoe da loetoe de santa, dan dem taki de santa toe. Gado ben poti dem bribi Djoe na ini blesi, ma dem ongelovigen na wan sei. Ma te foe kaba, heri Israel sa kom baka na Gado 2/23/2019 BI NT II Les 11 Romeini 9-12

Dem heiden no moesoe prodo Rom 11:17. En efoe dem broko wantoe foe dem taki poeroe, en joe, disi ben de wan boesi olijfbon, dem ben poti na dem mindri, en nanga dem, joe ben teki da fatoe foe da loetoe foe da olijfbon;18. Dan no opo joesrefi agensi dem taki. Ma efoe joe opo joesrefi, joe no tjari da loetoe, ma da loetoe de tjari joe. Membre – joe bouw op basis foe san Gado ben doe gi Israel kaba 2/23/2019 BI NT II Les 11 Romeini 9-12

No kisi bigi membre, ma frede Rom. 11:19. Ma efoe dan joe taki: A ben broko dem taki poeroe foe poti mi na ini. 20. We dan, dem ben broko dem poeroe bikasi dem no ben bribi, en joe ben tan bikasi foe joe bribi ede. No kisi bigi-membre, ma frede; 21. Bikasi efoe Gado no ben kibri dem taki foe da bon, dan loekoe boen dati A no poeroe joe toe. 2/23/2019 BI NT II Les 11 Romeini 9-12

No kisi bigi membre, ma frede Gado wroko nanga bribi. Da olijfbon de Israel. Som taki bribi, en dem tan. Som taki no bribi, en A poeroe dem. Dan A ben poti dorosei heiden taki na ini da bon. Ma efoe dem no bribi, moro makriki A sa poeroe dem toe. 2/23/2019 BI NT II Les 11 Romeini 9-12

Gado tranga nanga boen-hati Rom. 11:22. Foe dat'ede loekoe na da boen nanga da tranga foe Gado; na tapoe dem soema disi ben fadon, A de tranga; ma na tapoe joe, A sori boen-hati, efoe joe hori doro na ini Hem boen-hati; boiti foe dati, A sa kapoe joe poeroe toe. 23. En dem toe, efoe dem no tan sondro bribi, Gado sa poti na ini; bikasi Gado abi makti foe poti dem baka na ini. 2/23/2019 BI NT II Les 11 Romeini 9-12

Israel de breni te leki tide Rom. 11:24. Bikasi efoe A ben koti joe komopo foe wan boesi olijfbon, en agensi da natuur A ben poti joe na ini wan boen olijfbon, hoe moro makriki A kan poti dem taki disi de foe da olijfbon srefi baka na ini da egi bon foe dem? 25. Bikasi, mi brada, mi no wani dati oen no sa sabi da kibri-tori disi; noso oen sa de koni nanga oen egi prakseri; wan pisi foe Israël ben kom breni te leki da foeroe foe dem heiden soema sa kom na ini. Da foeroe foe dem heiden = opname foe da kerki 2/23/2019 BI NT II Les 11 Romeini 9-12

Na ini da millenium, te Jezus kom Rom. 11:26. En so heri Israël sa kisi verloesoe; so leki a de skrifi taki: Wan Verloesoeman sa komopo foe Sion, en A sa drai Jakob komopo foe da fasi foe hem disi de sondro Gado; 27. Bikasi disi de Mi akkorderi nanga dem, te Mi sa teki dem sondoe tjari gowe. Wi no sa si disi te baka da tem foe bigi trobi, te Jezus kom baka na grontapoe 2/23/2019 BI NT II Les 11 Romeini 9-12

Israel de feanti ete Rom. 11:28. Dem de feanti agensi da boen njoensoe foe oen ede; ma foe dem soema disi A verkisi, Gado lobi dem foe dem tata ede. 29. Bikasi Gado no de kenki prakseri abra dem presenti nanga da kari foe Hem. Membre disi gi wisrefi lobiwan – efoe Gado kari joe, A no kenki prakseri! 2/23/2019 BI NT II Les 11 Romeini 9-12

Gado wroko doro bribi foe sori sari-hati gi ala soema Rom 11:30. Bikasi so leki na ini dem dei na wi baka oen no ben bribi na Gado, tokoe now oen ben kisi sari-hati foe di dem no ben bribi; 31. So srefi, dem soema disi no ben bribi ete, so dati doro oen sari-hati dem ben sa kisi sari-hati toe. 2/23/2019 BI NT II Les 11 Romeini 9-12

Gado wroko doro bribi foe sori sari-hati gi ala soema Rom 11:32. Bikasi Gado ben besroiti dati dem alamala de sondro bribi, foe A sa sori sari-hati na tapoe ala soema. Gado hori ala dem pramisi disi A ben meki gi Abraham & David. Wan dei dem sa kisi dem 2/23/2019 BI NT II Les 11 Romeini 9-12

Da koni & sabi foe Gado de dipi 33. O fa dem goedoe foe da koni nanga da sabi foe Gado de dipi! Fa wi no man ondrosoekoe Hem kroetoe, en wi no man feni dem pasi foe Hem! 34. Bikasi soema ben sabi da prakseri foe Masra? Efoe soema ben de Hem raiman? 35. Efoe soema ben gi na Hem fosi, so dati A moesoe pai hem baka? 2/23/2019 BI NT II Les 11 Romeini 9-12

Alasani de foe Gado Rom. 11:36. Bikasi alasani komopo foe Hem, en dem kom doro Hem, en dem de foe Hem, disi moesoe abi glori foe teego! Amen. Alasani komopo foe Gado Alasani kom doro Gado Alasani de gi Gado 2/23/2019 BI NT II Les 11 Romeini 9-12

Gi joesrefi na Gado Rom 12:1. Foe dat'ede, mi brada, mi begi oen nanga da sari-hati foe Gado, dati oen gi oen skin abra leki wan libi ofrandi, disi de santa en boen na ini da ai foe Gado, en disi de da juisti fasi foe dini Hem. Paulus begi – a no dwingi Gi oen skin abra – Gado denki foe wi skin en no soso foe wi sieli Da skin foe wi de wan santa ofrandi gi Gado Disi de fiti foe dini da libilibi Gado 2/23/2019 ABI Module 9 Romeini III

A de fiti bikasi Wi no de ondro sondoe moro Wi abi da Santa Jeje na wi ini Wi sa de nanga Gado foe teego A de fiti dati wi gi wisrefi abra leki wan bron ofrandi – totaal ingewijd na Gado A ben bai wi kaba; meki wi dini Hem nanga wi heri hati 2/23/2019 ABI Module 9 Romeini III

No gersi grontapoe Rom 12:2. En no gi pasi foe oen kom gersi grontapoe, ma meki oensrefi kenki nanga wan njoen prakseri, foe oen kan doe da wani foe Gado, disi de boen, en disi Hemsrefi feni boen, en disi de sondro foutoe. Teki wan njoen prakseri – sondro hem, joe no man feni en doe da wani foe Gado Hem wani de boen en sondro foutoe 2/23/2019 ABI Module 9 Romeini III

No gersi grontapoe Wi hori da skin nanga hem lostoe na ondro kontrol Lostoe foe da skin Loesoe foe da ai Bigi-fasi foe libi Wi prakseri moesoe de na ondro da prakseri foe Kristus Jezus Waka nanga saka-fasi 2/23/2019 ABI Module 9 Romeini III

No prodo Rom 12:3. Bikasi nanga da gnade disi A ben gi mi, mi taki gi ibri soema na oen mindri dati a no moesoe denki moro hei abra hemsrefi leki fa a de fiti foe denki; ma a moesoe denki na wan krin fasi, so leki da bigi foe da bribi disi Gado ben gi na ibri soema. No abi bigi-membre Abi wan krin prakseri 2/23/2019 ABI Module 9 Romeini III

Foeroe pisi foe doe foeroe wroko Rom. 12:4. Bikasi so leki wi abi foeroe pisi na ini wan skin, en ala dem pisi no doe da srefi wroko; 5. So srefi alwasi wi de foeroe, wi de wan skin na ini Kristus, en ibriwan de wan pisi nanga makandra. Ibriwan foe wi abi wan wroko na ini da kerki, disi de da skin foe Kristus 2/23/2019 ABI Module 9 Romeini III

Foeroe pisi foe doe foeroe wroko Alwasi wi loekoe na da kerki na ini Efesi nanga Kolossi leki da skin foe Kristus inclusief dedewan nanga libiwan, dja wi si da skin leki na tapoe grontapoe. Bijv. a taki dati efoe wan pisi pina… dati no sa pasa na ini hemel. Wi abi bigi frantwoortoe 2/23/2019 ABI Module 9 Romeini III

Difrenti presenti de… Rom. 12:6. Bikasi wi abi difrenti presenti disi komopo foe da gnade disi A ben gi wi; efoe profeti-taki, meki wi taki dati so foeroe leki wi de bribi; 7. Efoe foe dini, meki wi dini; efoe da soema disi gi leri, meki hem leri; 8. Efoe foe gi wan vermane, meki hem vermane; da soema disi sa gi, meki hem doe dati sondro bigi-fasi; da soema disi moesoe wroko leki wan basi, meki hem wroko na wan boen fasi; da soema disi sa sori sari-hati, meki hem doe dati nanga prisiri. 2/23/2019 ABI Module 9 Romeini III

7 presenti de na ini da lijst dja Totaal de ongeveer 20 presenti Som de foe tide Som ben de leki marki gi dem fosi apostel Wi moesoe wroko nanga dem presenti disi Gado gi wi foe bouw da kerki foe Gado op 2/23/2019 ABI Module 9 Romeini III

Sori troe lobi te joe wroko… Rom. 12:9. Meki wi no lobi na wan kori-fasi. Abi hatibron na tapoe ogridoe, en hanga nanga dem sani disi de boen. 10. Sori lobi wan na trawan nanga brada-lobi; gi trawan bigi nem; 2/23/2019 ABI Module 9 Romeini III

Wroko nanga lobi Lobi – no kori; a moesoe de troe lobi Gi trawan bigi nem Hori nanga boen, no hori nanga ogri A de belangrijk dati lobi de da basis foe joe wroko nanga jeje-presenti. Wi feni disi na ala 4 presi foe da jeje-presenti. Moro fara, lobi de da basis froktoe foe da Santa Jeje, disi gi wi power foe wroko 2/23/2019 ABI Module 9 Romeini III

Wantoe vermane Romeini 12:11. No de wan lesiman na ini wroko; abi faja-hati na ini oen jeje, en dini Masra; 12. Prisiri na ini hopoe; abi pasensi na ini trobi; begi dorodoro; 13. Gi dem santawan san dem abi fanowdoe; lobi foe teki soema na ini oen oso. 2/23/2019 ABI Module 9 Romeini III

Wroko tranga gi Gado Versi 11 taki foe faja-hati gi Gado, en no soso na bizness wroko. 2/23/2019 ABI Module 9 Romeini III

Wantoe vermane Rom. 12:14. Blesi dem soema disi vervolgoe oen; blesi dem, en no floekoe dem.15. Prisiri nanga dem soema disi prisiri, en krei nanga dem soema disi krei.16. Abi wan prakseri nanga makandra. No soekoe bigi sani, ma moksi nanga dem lagi soema. No loekoe na oensrefi leki bigi koniman. 2/23/2019 ABI Module 9 Romeini III

Wini dem feanti I Normaal wi wani floekoe dem feanti; dja wi si dati wi moesoe blesi dem Wi moesoe abi troe firi gi dem trawan na ini bribi Wi moesoe soekoe eenheid Wi no moesoe prodo leki wi de boen moro leki trawan 2/23/2019 ABI Module 9 Romeini III

Fa foe wini dem feanti Rom. 12:17. No pai no wan soema ogri foe ogri baka. Gi sani disi de boen na ini da ai foe ala soema. 18. Efoe a kan, so foeroe leki oen kan, libi nanga vrede nanga ala soema. 2/23/2019 ABI Module 9 Romeini III

Wini dem feanti Foe pai ogri foe ogri baka de gewoon gi libisoema. Foe pai ogri foe boen poti wi na ondro da floekoe foe Gado. Ma foe pai boen baka na presi foe ogri sori da krakti foe Gado na ini wi libi Som soema no wani vrede, en joe no man doe noti – ma wi moesoe meki moeiti foe tjari vrede kom 2/23/2019 ABI Module 9 Romeini III

No teki revensi Rom. 12:19. Lobiwan, oensrefi no moesoe teki revensi, ma poti oen hatibron na wan sei, bikasi a de skrifi taki: Da revensi de foe Mi; Mi sa pai baka: so Masra de taki. Revensi de da wroko foe Gado Hem wawan kan doe dati na ini da juisti manieri 2/23/2019 ABI Module 9 Romeini III

Fa foe wini feanti – nanga boen! Rom. 12:20. Foe dat'ede efoe joe feanti abi angribere, gi hem wan sani foe njan; efoe a abi dreiwatra, gi hem wan sani foe dringi; bikasi te joe doe so, joe sa poti wan hipi libi krofaja na hem hede tapoe. 21. No meki ogri wini oen, ma wini ogri nanga boen. 2/23/2019 ABI Module 9 Romeini III

Da besti fasi foe wini joe feanti Da beste fasi foe wini joe feanti no de foe druk hem na ondro, ma foe wroko so wan fasi dati joe tron mati doro da lobi disi joe sori Disi sori dati da Santa Jeje ben doe Hem wroko na ini wi libi, en foe troe, wi de wan njoen schepping 2/23/2019 ABI Module 9 Romeini III

Saka na lanti ondro Rom. 13:1. Ibri soema moesoe saka na dem lanti makti ondro. Bikasi no wan makti de boiti foe Gado; Gado seti dem makti disi de.2. Foe dat'ede ibri soema disi no wani saka na da makti ondro, hem no wani saka na ondro san Gado seti kaba; en dem soema disi doe so sa tjari wan vonisi kom na demsrefi tapoe. 2/23/2019 ABI Module 9 Romeini III

Saka na lanti ondro Rome ben de da lanti disi ben hori dem Djoe na wan sortoe katibo Nero ben de lau, en a ben de da keizer Dem ben kiri omeni bribiwan so-maar Ma tokoe Paulus respeki lanti 2/23/2019 ABI Module 9 Romeini III

Saka na lanti ondro Paulus no ben wani kosi da hoge-priester toe foe dem Djoe, alwasi a ben meki bigi foutoe A ben respeki da positie foe dem leider, alwasi som leisi da leider srefi no ben de waarti foe respeki Paulus sabi dati Gado de Gado, en a kan vertrouw tapoe Hem foe poeroe lanti efoe a de fanowdoe 2/23/2019 ABI Module 9 Romeini III

Wi relatie nanga grontapoe Wi no moesoe lobi hem systeem Wi no moesoe gersi hem fasi Ma wi moesoe respeki hem wet 2/23/2019 ABI Module 9 Romeini III

San disi taki te lanti de immoreel Dan joe no gi jesi na da wet moro – leki Petrus ben doe nanga da Sanhedrin, disi ben taigi dem foe no preiki Kristus moro – wi moesoe arki Gado moro leki libisoema En joe de bereid foe pai da prijs efoe joe kisi strafoe Omeni soema ben tron martelaar so wan fasi 2/23/2019 ABI Module 9 Romeini III

Da doel foe lanti Rom. 13:3. Bikasi lanti makti no de agensi boen wroko, ma agensi ogridoe. Joe no sa wani frede da makti dan? Doe san disi de boen, en joe sa kisi prijse foe dem. 4. Bikasi a de da dinari foe Gado foe doe boen na joe. Lanti de foe bouw op boen wroko, en foe de agensi ogridoe 2/23/2019 ABI Module 9 Romeini III

Da doel foe lanti Rom. 13:4b Ma efoe joe doe da sani disi de ogri, dan joe moesoe frede; bikasi a no tjari da howroe foe soso; bikasi a de da dinari foe Gado, wan revensi-man foe sori hatibron na tapoe da soema disi doe ogri. Gado poti lanti foe poti wan sortoe rem tapoe ogridoe Joe moesoe frede hem efoe joe doe ogri 2/23/2019 ABI Module 9 Romeini III

Gado ben poti lanti baka da zondoe floedoe A ben poti hem foe poti wan sortoe order bikasi ibri soema ben doe san a ben feni boen na ini hem egi ai Nanga wi owroe natuur, disi sa de wan chaos – wan ramp Dus wi moesoe gi jesi en wroko foe doe boen gi ibri soema 2/23/2019 ABI Module 9 Romeini III

Pai joe lantimoni Rom. 13:5. Foe dat'ede joe moesoe saka na ondro, no foe hatibron ede nomo, ma foe joe konsensi ede toe. 6. Foe dat'ede joe moesoe pai lantimoni toe; bikasi dem de dinari foe Gado, en dem wroko dorodoro foe doe da sani disi.7. Foe dat'ede gi ala soema san dem moesoe kisi; lantimoni na dem soema disi moesoe kisi lantimoni; hedemoni na dem soema disi moesoe kisi hedemoni; frede na dem soema disi joe moesoe frede; bigi nem na dem soema disi joe moesoe gi bigi nem. 2/23/2019 ABI Module 9 Romeini III

Joe abi frantwoortoe Pai lantimoni na lanti Pai hedemoni disi joe moesoe pai Frede da soema joe moesoe frede Gi bigi nem na da soema disi moesoe kisi bigi nem 2/23/2019 ABI Module 9 Romeini III

Wan paiman – lobi Rom. 13:8. Joe no moesoe abi foe pai soema iniwan sani baka, boiti foe lobi makandra; bikasi da soema disi de lobi trawan ben hori da wet Disi no taki dati joe no moesoe leni, ma dati efoe joe leni, joe moesoe pai baka… Ete wan leisi wi si dati lobi hori da wet Lobi Gado nanga joe heri hati, tranga, sieli en prakseri Lobi joe naaste leki joe lobi joesrefi 2/23/2019 ABI Module 9 Romeini III

Lobi hori da wet… doro da krakti foe da Santa Jeje Rom. 13:9. Bikasi dem wet leki disi: Joe no moesoe soeta; joe no moesoe kiri; joe no moesoe foefoeroe; joe no moesoe gi falsi getuigi; joe no moesoe abi bigi-ai en ibri tra komanderi; dem alamala kom na ini da taki disi, taki: Joe sa lobi joe naaste so leki joe lobi joesrefi. 2/23/2019 ABI Module 9 Romeini III

Lobi hori da wet… doro da krakti foe da Santa Jeje Rom. 13:10. Lobi no doe ogri na hem naaste; foe dat'ede nanga lobi joe hori da wet. Wi sabi dati versi 9, da “gouden regel” – de wan samenvatting foe da tweede tafra foe da wet – fa wi moesoe wroko nanga wi naaste 2/23/2019 ABI Module 9 Romeini III

A de tem foe wiki Rom. 13:11. En joe sabi da tem, dati a de da tem foe wiki komopo foe sribi; bikasi now da verloesoe foe wi kom moro krosibei leki di wi ben kom na bribi fosi. 12. Da neti kom na kaba; moesoedei de krosibei; foe dat'ede meki wi trowe dem wroko foe doengroe, en meki wi weri da feti-krosi foe leti. 2/23/2019 ABI Module 9 Romeini III

Wi no moesoe sribi moro Da tem foe verloesoe kom krosibei Da neti no de moro Moesoedei de kom No wroko leki joe waka na ini doengroe, ma na ini leti Wi moesoe de soldati disi weri da feti-krosi foe leti 2/23/2019 ABI Module 9 Romeini III

Fa wi moesoe waka Rom. 13:13. Meki wi waka na wan krin fasi, leki na ini da dei; no meki wi njan en dringi pasa marki; no waka na ini lostoe nanga jajo-libi; no waka na ini stree nanga djaroesoe. No njan & dringi pasa marki No lostoe No jajo-libi No stree No djaroesoe 2/23/2019 ABI Module 9 Romeini III

Weri Jezus Kristus Rom. 13:14. Ma weri Masra Jezus Kristus, en no gi pasi na da skin, foe doe dem lostoe foe hem. Weri Jezus – abi Hem libi sori Hemsrefi na wi ini; dede gi wi owroe libi No gi pasi na skin-fasi Weri Jezus = waka na ini da Jeje 2/23/2019 ABI Module 9 Romeini III

Te joe kan loekoe na wan sani toe fasi Rom. 14:1. Teki da soema na oen mindri disi de swaki na ini bribi, ma no foe stree abra sani disi oen kan loekoe na toe fasi. 2. Bikasi wan soema bribi dati a kan njan alasani, ma trawan, disi de swaki, njan groentoe nomo. 3. Meki da soema disi njan no veragti da soema disi no njan; en no meki da soema disi no njan kroetoe da soema disi njan; bikasi Gado ben teki hem kaba. 2/23/2019 ABI Module 9 Romeini III

Toe sani wi no moesoe doe Da soema disi njan no moesoe veragti da soema disi no njan Loekoe na hem leki wan lauman, swaki, enz. Da soema disi no njan no moesoe kroetoe da soema disi njan Loekoe na hem leki wan takroe soema 2/23/2019 ABI Module 9 Romeini III

Verschil de na mindri… Da takroe soema – Hem joe moesoe poti na wan sei Da swaki soema disi no sabi moro boen – hem joe moesoe kibri so dati a no fadon Wroko na da fasi disi joe bribi troe troe na ini joe egi prakseri 2/23/2019 ABI Module 9 Romeini III

No tron kroetoeman foe joe naaste Rom. 14:4. Soema na joe disi de kroetoe da dinari foe wan tra soema? Na hem egi masra a sa tanapoe efoe fadon. Ja, en a sa tanapoe, bikasi Gado abi krakti foe meki hem tanapoe. Eindelijk da dinari abi direkt frantwoortoe na hem masra Hem masra de da soema disi moesoe prisiri nanga hem… 2/23/2019 ABI Module 9 Romeini III

Wi hati & prakseri de belangrijk Rom. 14:5. Wan soema loekoe na wan dei moro hei leki trawan; wan tra soema loekoe na ala dei na da srefi fasi. Meki ibri soema koti kroetoe gi hemsrefi na ini hem egi prakseri. 2/23/2019 ABI Module 9 Romeini III

Wi hati & prakseri de belangrijk Rom. 14:6. Da soema disi loekoe na da dei, a loekoe na hem gi Masra; en da soema disi no loekoe na da dei, a no loekoe na hem gi Masra. Da soema disi njan, a njan gi Masra, bikasi a gi Gado grantangi; en da soema disi no njan, a no njan gi Masra, en a gi Gado grantangi toe. 2/23/2019 ABI Module 9 Romeini III

Wi moesoe dini Masra Rom. 14:7. Bikasi no wan foe wi libi gi hemsrefi nomo, en no wan soema dede gi hemsrefi. 8. Bikasi efoe wi libi, wi libi gi Masra, en efoe wi dede, wi dede gi Masra; foe dat'ede, efoe wi libi efoe wi dede, wi de foe Masra. 2/23/2019 ABI Module 9 Romeini III

Wi moesoe dini Masra Rom. 14:9. Bikasi foe disi Kristus ben dede, en A ben opo baka, en A ben libi so dati A sa de Masra foe dem dede soema nanga dem libi soema toe. 2/23/2019 ABI Module 9 Romeini III

Wi alamala sa kom na fesi Jezus Rom. 14:10. Ma foe san'ede joe kroetoe joe brada? En foe san'ede joe loekoe na joe brada leki a de lagi? Bikasi wi ala-mala sa tanapoe na fesi foe da kroetoe-stoeroe foe Kristus. 11. Bikasi a de skrifi taki: So leki Mi de libi: so Masra de taki: Ibri kindi sa boigi gi Mi, en ibri tongo sa bekenti na Gado. 12. We dan, ibriwan foe wi moesoe taki foe hemsrefi na fesi foe Gado. 2/23/2019 ABI Module 9 Romeini III

Da kroetoe-stoeroe foe Kristus Ibri bribi soema sa kom na fesi foe Hem A de foe beloning – a no de foe strafoe Wi moesoe gi frantwoortoe foe san wi ben doe – dem frantwoortoe disi Gado ben poti na ini wi anoe en da fasi disi wi wroko nanga dem talenti disi Gado ben gi wi 2/23/2019 ABI Module 9 Romeini III

No meki trawan fadon Rom. 14:13. Foe dat'ede, no meki wi kroetoe trawan moro; ma kroetoe na da fasi disi; dati no wan soema sa seti wan ston foe meki hem brada naki foetoe fadon. Wi abi wan frantwoortoe foe no meki trawan naki foetoe fadon 2/23/2019 ABI Module 9 Romeini III

No misbruiki joe fri Rom. 14:14. Mi sabi, en mi bribi doro Kristus Jezus dati no wan sani de disi no de krin foe hemsrefi, ma efoe wan soema loekoe na wan sani leki a no de krin, dan a no de krin gi hem. 15. Ma efoe joe brada kisi sari bikasi foe joe njanjan, dan joe no waka na ini lobi. Nanga joe njanjan, joe no moesoe pori da brada foe di Kristus ben dede. 2/23/2019 ABI Module 9 Romeini III

No misbruiki joe fri Mi no moesoe gebruiki mi fri na wan fasi disi kwinsi mi brada Wi moesoe hori rekening dati da soema no lasi hati bikasi foe fa wi tjari wisrefi 2/23/2019 ABI Module 9 Romeini III

No gi soema pasi foe taki takroe abra da boen wroko disi joe doe 16. No meki soema taki takroe abra joe boen wroko. 17. Bikasi da kownoe-kondre foe Gado no de njanjan nanga dringi, ma gerechtigheid nanga vrede nanga prisiri na ini da Santa Jeje. Belangrijk sani de: Gerechtigheid Vrede Prisiri na ini da Santa Jeje 2/23/2019 ABI Module 9 Romeini III

No gi soema pasi foe taki takroe abra da boen wroko disi joe doe 18. Bikasi da soema disi dini Kristus na ini dem sani disi, Gado teki hem, en libisoema taki boen foe hem. 19. Foe dat'ede meki wi waka na baka dem sani disi tjari vrede kom, nanga dem sani disi kan bouw trawan kom moro tranga. 2/23/2019 ABI Module 9 Romeini III

Soekoe foe bouw op Waka baka dem sani disi tjari vrede kom Soekoe dem sani disi kan bouw trawan kom moro tranga 2/23/2019 ABI Module 9 Romeini III

Loekoe boen gi joe brada Rom. 14:20. No pori da wroko foe Gado foe njanjan ede. Alasani de krin foe troe; ma a de wan ogri gi da soema disi de njan sondro wan krin konsensi. 21. A de boen efoe joe no njan meti efoe dringi wini efoe iniwan tra sani disi sa meki joe brada naki foetoe fadon, efoe foe wani doe sondoe, efoe foe kom swaki. No meki hem naki foetoe Wani doe sondoe Kom swaki 2/23/2019 ABI Module 9 Romeini III

Loekoe boen gi joe brada Rom. 14:20. No pori da wroko foe Gado foe njanjan ede. Alasani de krin foe troe; ma a de wan ogri gi da soema disi de njan sondro wan krin konsensi. 21. A de boen efoe joe no njan meti efoe dringi wini efoe iniwan tra sani disi sa meki joe brada naki foetoe fadon, efoe foe wani doe sondoe, efoe foe kom swaki. 2/23/2019 ABI Module 9 Romeini III

Hori rekening nanga joe brada No meki hem naki foetoe No meki hem wani doe sondoe No meki hem kom swaki Doro dem handeling foe joe 2/23/2019 ABI Module 9 Romeini III

Wroko nanga bribi, no degedege Rom. 14:22. Joe abi bribi? Abi dati gi joesrefi na Gado fesi. Da soema abi prisiri disi no vonisi hemsrefi nanga da sani disi a gi hemsrefi pasi foe doe. 23. Ma da soema disi de degedege kisi vonisi kaba efoe a njan, bikasi a njan sondro bribi, en alasani disi no komopo foe bribi de sondoe. 2/23/2019 ABI Module 9 Romeini III

Alasani disi no komopo foe bribi de sondoe Disi de wan belangrijk beginsel Efoe mi twijfel dati da sani de boen, en mi go doro foe doe hem nanga mi twijfel, dan mi doe sondoe agensi mi egi konsensi alwasi kande da sani de toegestaan. Dan mi taki: Mi no sabi efoe a de boen, ma tokoe mi sa go doro foe doe hem – en dati de sondoe… 2/23/2019 ABI Module 9 Romeini III

Tjari da swaki-fasi foe swaki… Rom. 15:1. Dan wi disi de tranga moesoe tjari da swaki-fasi foe dem swaki soema, en no gi wisrefi prisiri nomo. 2. Meki ibriwan foe wi gi da naaste foe wi prisiri foe hem egi boen en foe bouw hem kom moro tranga. 2/23/2019 ABI Module 9 Romeini III

Jepi dem swakiwan Tjari da swaki-fasi foe dem swaki wan Wi moesoe soekoe foe bouw trawan Wi moesoe soekoe hem boen 2/23/2019 ABI Module 9 Romeini III

Kristus no ben gi Hemsrefi prisiri, ma dini trawan Rom. 15:3. Bikasi Kristus no ben gi Hemsrefi prisiri, ma so leki a de skrifi taki: Da veragti foe dem soema disi ben veragti joe ben fadon na mi tapoe. 4. Bikasi dem ben skrifi dem sani disi na fesi so dati wi kan leri, so dati doro pasensi nanga troostoe na ini da Boekoe, wi kan abi hopoe. 2/23/2019 ABI Module 9 Romeini III

Kristus no ben gi Hemsrefi prisiri, ma dini trawan Kristus ben teki wi pina na Hem tapoe. A no ben abi foe hori ala dem Djoe wet, ma A ben doe so foe A no gi aanstoot. Kristus troostoe wi nanga da hopoe disi da woortoe foe Gado gi wi 2/23/2019 ABI Module 9 Romeini III

Teki trawan nanga pasensi Rom. 15:5. Now da Gado foe pasensi nanga troostoe meki oen abi da srefi prakseri wan nanga trawan makandra so leki oen abi na ini Jezus Kristus; 6. So dati nanga wan prakseri nanga wan mofo oen kan gi Gado da Tata foe wi Masra Jezus Kristus glori. 7. Foe dat'ede meki oen teki trawan na oen mindri, so leki Kristus ben teki wi toe na da glori foe Gado 2/23/2019 ABI Module 9 Romeini III

Teki trawan alwasi swaki efoe tranga Kristus Jezus ben teki wi leki bribiwan. Som foe wi de tranga; som de swaki Efoe Kristus Jezus kan teki ala toe, swakiwan nanga trangawan, dan wi toe kan tai wisrefi kom na wan makandra. 2/23/2019 ABI Module 9 Romeini III

Kristus verloesoe dem heiden toe Rom. 15:8. Now mi taki dati Jezus Kristus ben de wan dinari foe dem besnijde soema foe da waarheid foe Gado ede, foe meki dem pramisi disi Gado ben gi dem tata kom troe; Kristus Jezus ben tjari dem OT pramisi gi dem Djoe 2/23/2019 ABI Module 9 Romeini III

Kristus verloesoe dem heiden toe Rom. 15:9. En so dati dem heiden soema ben kan gi Gado glori foe Hem gnade ede; so leki a de skrifi taki: Bikasi foe disi mi sa bekenti Joe na mindri foe dem heiden soema, en mi sa singi gi Joe nem. 10. En agen a ben taki: Oen heiden soema, prisiri nanga Hem pipel. Kristus Jezus de da verloesoeman foe dem heiden toe, leki da OT taki. 2/23/2019 ABI Module 9 Romeini III

Kristus verloesoe dem heiden toe Rom. 15:11. En wan leisi baka taki: Prijse Masra, ala oen heiden soema; en gi Hem bigi nem, ala oen pipel. 12. En agen, Jesaja de taki: Wan loetoe sa komopo foe Isaï, en a sa opo foe tron basi abra dem heiden soema, en ala dem heiden soema sa vertrouw na Hem tapoe. Kristus verloesoe Djoe nanga heiden leki dem 4 OT versi disi sori krin 2/23/2019 ABI Module 9 Romeini III

Da Gado foe hopoe… Rom. 15:13. Now da Gado foe hopoe moesoe foeroe oen nanga ala prisiri nanga vrede na ini bribi, so dati oen sa foeroe nanga hopoe doro da krakti foe da Santa Jeje. 2/23/2019 ABI Module 9 Romeini III

Da Gado foe hopoe Wi moesoe foeroe nanga prisiri & vrede Wi sa foeroe nanga hopoe – doro da krakti foe da Santa Jeje, disi de na wi ini 2/23/2019 ABI Module 9 Romeini III

Vermane makandra Rom. 15:14. En misrefi bribi abra oen, mi brada, dati oensrefi de foeroe nanga boen, en foeroe nanga ala koni, foe oen man vermane makandra toe. 2/23/2019 ABI Module 9 Romeini III

Vermane makandra Gado wroko so wan fasi dati wan bribiwan kan vermane trawan. Disi de wan foe dem wroko foe da gemeente Vermane = moro foeroe – gi wan toto 2/23/2019 ABI Module 9 Romeini III

Paulus, da dinari foe Jezus Kristus gi dem heiden Rom. 15:15. Tokoe, mi brada, mi ben skrifi nanga wan moro dek'ati fasi gi oen, foe poti oen na ini prakseri bikasi foe da gnade disi Gado ben gi mi, 16. Dati mi sa de da dinari foe Jezus Kristus gi dem heiden soema, en dini da boen njoensoe foe Gado, dati dem heiden soema sa de wan ofrandi disi Gado sa teki, disi ben kom santa doro da Santa Jeje.17. Foe dat'ede mi abi wantoe sani pe mi kan glori doro Jezus Kristus na ini dem sani disi de foe Gado. 2/23/2019 ABI Module 9 Romeini III

Paulus wroko Leki apostel gi dem heiden, a wani tjari dem heiden gi Gado leki wan ofrandi gi Hem. Dus a hopoe foe kom loekoe na dem te a abi wan kans 2/23/2019 ABI Module 9 Romeini III

Paulus doe wondroe-wroko Rom. 15:18. Bikasi mi no abi dek'ati foe taki abra iniwan sani disi Kristus no ben doe na mi ini foe meki dem heiden soema gi jesi, na ini woortoe nanga wroko, 19. En nanga bigi marki nanga wondroewroko doro da krakti foe da Jeje foe Gado; so dati foe Jerusalem mi ben go te leki Illyrië toe, en mi ben preiki da heri boen njoensoe foe Gado. 2/23/2019 ABI Module 9 Romeini III

Paulus doe wondroe-wroko Da Santa Jeje gi Paulus krakti foe doe wantoe wondroe-wroko leki marki foe hem wroko Breni wan tovroeman Genees omeni soema, enz. 2/23/2019 ABI Module 9 Romeini III

Paulus preiki da boen njoensoe 20. Ja, mi ben feti foe preiki da boen njoensoe, no pe dem ben jere foe Kristus kaba, so dati mi no sa bouw na tapoe wan tra soema fondamenti. Paulus ben wani tjari da evangel-ium na presi disi no ben jere ete 2/23/2019 ABI Module 9 Romeini III

Paulus preiki da boen njoensoe 21. Ma so leki a de skrifi taki: Dem soema sa si disi no ben jere abra Hem; en dem soema disi no ben jere sa froestan; 22. Bikasi foe da wroko disi toe, foeroe sani ben tapoe mi foe kom na oen. Didibri ben tjari foeroe sani foe tapoe Paulus foe doro na Rome 2/23/2019 ABI Module 9 Romeini III

Paulus wani loekoe dem Rom. 15:23. Ma now, di mi no abi wan presi moro na ini dem birti disi, en di mi ben hangri foe kom na oen foeroe jari langa, 24. Te mi sa waka go na Spanje, mi sa kom na oen; bikasi mi vertrow dati mi sa si oen na ini mi waka, en dati oen sa jepi mi moro fara foe kom na oen, efoe fosi mi kan kom foeroe foe de nanga oen makandra 2/23/2019 ABI Module 9 Romeini III

Paulus wani loekoe dem Rom. 15:25. Ma now mi de go na Jerusalem foe dini dem santawan. Paulus no ben sabi sortoe sani sa miti hem te a go na Jerusalem, en fa dem sa sroto hem, en fa a sa doro Rome leki wan strafoeman. 2/23/2019 ABI Module 9 Romeini III

Da ofrandi gi dem potiwan Rom. 15:26. Bikasi dem santawan foe Macedonië nanga Achaje ben prisiri foe gi moni foe jepi dem poti santawan disi de na Jerusalem. 27. A ben gi dem prisiri foe troe, en dem moesoe pai dem baka toe. Bikasi efoe dem heiden soema ben kisi som foe dem jeje sani, a de dem plikti toe foe dini dem na ini dem skin-fasi sani toe. 2/23/2019 ABI Module 9 Romeini III

Da ofrandi gi dem potiwan Dem heiden ben kisi Jeje-blesi foe dem Djoe A de fiti dati dem jepi dem Djoe na skin-fasi nanga wan ofrandi 2/23/2019 ABI Module 9 Romeini III

Paulus wani kom na Rome Rom. 15:28. Foe dat'ede, te mi ben doe disi kaba, en mi ben stampoe da froktoe disi gi dem, dan mi sa kom na oen te mi sa waka go na Spanje. 29. En mi sabi troe dati te mi sa kom na oen, mi sa kom na ini da foeroe blesi foe da boen njoensoe foe Kristus. Paulus wani kom nanga wan blesi 2/23/2019 ABI Module 9 Romeini III

Paulus aksi dem foe begi gi hem Rom. 15:30. Now mi begi oen, mi brada, foe Masra Jezus Kristus ede, en foe da lobi foe da Santa Jeje ede, dati oen haswa makandra nanga mi na ini oen begi na Gado foe mi ede; 31. Dati mi sa komopo na da anoe foe dem soema na ini Judea disi no bribi, en dati dem santawan sa teki da dinari-wroko disi mi abi na Jerusalem; Paulus ben kisi wan antwoord, ma no leki hem ben verwakti 2/23/2019 ABI Module 9 Romeini III

Paulus aksi dem foe begi gi hem Rom. 15:32. En dati mi sa kom na oen nanga prisiri na ini da wani foe Gado, en dati oen sa kom moro tranga.33. Now da Gado foe vrede de nanga oen alamala. Amen. 2/23/2019 ABI Module 9 Romeini III

Febe sa tjari da brifi kom Rom. 16:1. Mi seni Febe, wi sisa, kom na oen, disi de wan dinari foe da kerki na ini Kenchreeën; 2. Foe oen sa teki hem na ini Masra leki fa a de fiti foe dem santawan, en dati oen moesoe jepi hem nanga iniwan sortoe wroko disi a sa abi oen fanowdoe; bikasi a ben jepi foeroe soema kaba, en a ben jepi mi toe. 2/23/2019 ABI Module 9 Romeini III

Febe Da frow disi ben de wan betrouwbaar bribiwan, en a ben tjari da brifi foe Romeini gi dem soema. Disi ben de foe sori dati a sa kom, en dati a de wan boen tranga wrokoman gi da kerki 2/23/2019 ABI Module 9 Romeini III

Dem kerki miti na soema oso Rom. 16:3. Gi odi na Prisca nanga Aquila, dem wrokoman nanga mi na ini Kristus Jezus; 4. Dem de soema disi ben poti dem egi neki na gevaar foe mi libi ede, en a no de mi wawan disi gi dem grantangi, ma ala dem kerki foe dem heiden soema toe. 5. So srefi gi odi na da kerki disi miti na ini dem oso. Gi odi na mi lobi Epenetus, da fosi-froktoe foe Achaje disi ben teki Kristus. 2/23/2019 ABI Module 9 Romeini III

Aquilla & Priscilla Dem ben de leki famiri, en Paulus ben wroko nanga dem foe meki tenti. Dem ben abi wan kerki na dem oso, en dem ben hori dati alwasi na da risiko foe dem libi. Epenetus ben de da fosi soema na ini Achaje foe drai hem libi 2/23/2019 ABI Module 9 Romeini III

Kande ete toe apostel de dja… Rom. 16:6. Gi odi na Maria, wan soema disi ben wroko nanga foeroe moeiti gi wi. 7. Gi odi na Andronikus nanga Junias, dem famiriman foe mi en disi ben de na ini doengroe-oso nanga mi, disi dem ben loekoe nanga respeki na mindri foe dem apostel; fosi mi, dem ben de na ini Kristus kaba. 8. Gi odi na Ampliatus, mi lobiwan na ini Kristus. 9. Gi odi na Urbanus, wi jepiman na ini Kristus, nanga mi lobiwan Stachys. 2/23/2019 ABI Module 9 Romeini III

Moro nem ete… Rom. 16:10. Gi odi na Apelles, disi ben abi boen nem na ini Kristus. Gi odi na dem soema foe da oso foe Aristobulus. 11. Gi odi na mi famiriman Herodion. Gi odi na dem soema disi de foe da oso foe Narcissus, disi de na ini Masra.12. Gi odi na Tryfena nanga Tryfosa, disi wroko na ini Masra. Gi odi na da lobi Persis, disi ben wroko foeroe na ini Masra. 13. Gi odi na Rufus, wan soema disi Masra ben verkisi, nanga hem mama, disi de mi mama toe.14. Gi odi na Asynkritus, Flegon, Hermes, Patrobas, Hermas, nanga dem brada disi de nanga hem. 2/23/2019 ABI Module 9 Romeini III

Da kaba foe da lijst Rom. 16:15. Gi odi na Filologus nanga Julia, Nereus nanga hem sisa, nanga Olympas, nanga ala dem santawan disi de nanga dem.16. Gi odi wan na trawan nanga wan santa bosi. Dem kerki foe Kristus seni odi. Alwasi Paulus no ben doro na Rome ete, a skrifi ongeveer 28 naam foe soema a ben sabi kaba. Si fa a begi en sabi dem soema foe hem… 2/23/2019 ABI Module 9 Romeini III

No tjari prati kom Rom. 16:17. Now mi begi oen, brada, loekoe boen na dem soema disi tjari prati kom, en disi seti trapoe na tra fasi leki da leri disi oen ben kisi; en drai komopo foe dem. 18. Bikasi dem soema dati no dini wi Masra Jezus Kristus, ma dem egi bere, en nanga boen woortoe nanga moi taki dem kori dem hati foe dem soema disi mankeri koni. 2/23/2019 ABI Module 9 Romeini III

No tjari prati kom Dem soema soekoe dem egi boen Dem taki moi Dem kori dem hati foe dem swakiwan Poeroe komopo foe dem – foe taki leti, disi de wan reden foe kerki tucht 2/23/2019 ABI Module 9 Romeini III

No sabi ogri, ma soso boen Rom . 16:19. Bikasi ala soema ben kom jere fa oen gi jesi. Foe dat'ede, mi breiti foe oen ede, tokoe mi wani oen foe abi koni foe sabi boen, ma foe de dom foe sabi takroe. 20. En da Gado foe vrede sa masi Satan na ondro oen foetoe na wan sjatoe pisi tem. Da gnade foe wi Masra Jezus Kristus de nanga oen. Amen. 2/23/2019 ABI Module 9 Romeini III

No sabi ogri, ma soso boen Rom . 16:19. Bikasi ala soema ben kom jere fa oen gi jesi. Foe dat'ede, mi breiti foe oen ede, tokoe mi wani oen foe abi koni foe sabi boen, ma foe de dom foe sabi takroe. 20. En da Gado foe vrede sa masi Satan na ondro oen foetoe na wan sjatoe pisi tem. Da gnade foe wi Masra Jezus Kristus de nanga oen. Amen. Koni foe sabi boen; dom foe sabi takroe Disi ben de da probleem nanga Adam & Eva. Dem ben kom sabi ogri nanga ervaring! Vrede sa kom na wan sjatoe tem 2/23/2019 ABI Module 9 Romeini III

No sabi ogri, ma soso boen Rom . 16:19. Bikasi ala soema ben kom jere fa oen gi jesi. Foe dat'ede, mi breiti foe oen ede, tokoe mi wani oen foe abi koni foe sabi boen, ma foe de dom foe sabi takroe Koni foe sabi boen; dom foe sabi takroe Disi ben de da probleem nanga Adam & Eva. Dem ben kom sabi ogri nanga ervaring! 2/23/2019 ABI Module 9 Romeini III

Gado sa wini didibri Rom. 16. 20. En da Gado foe vrede sa masi Satan na ondro oen foetoe na wan sjatoe pisi tem. Da gnade foe wi Masra Jezus Kristus de nanga oen. Amen. Vrede sa kom na wan sjatoe tem Fosi foe didibri: da peti disi no abi gron Moro lati, A sa fringi hem go na ini a faja-zee foe teego 2/23/2019 ABI Module 9 Romeini III

Odi komopo foe Paulus groepoe Rom. 16:21. Timoteüs, da wrokoman disi de makandra nanga mi; nanga dem famiriman foe mi, Lucius, Jason nanga Sosipater, seni odi. 22. Mi, Tertius, disi ben skrifi da brifi disi, seni odi gi oenoe na ini da nem foe Masra. 23. Gajus, disi ben sorgoe foe mi, nanga da heri gemeente, seni odi. Erastus, da soema disi moesoe loekoe na da foto lantimoni, nanga Quartus, wan brada, seni odi. 24. Da gnade foe wi Masra Jezus Kristus de nanga oen alamala. Amen. 2/23/2019 ABI Module 9 Romeini III

Wan marki foe Paulus A aksi Gado foe gi dem gnade Soso Paulus aksi foe disi na dem tra skrifi, plus Hebreeen Foeroe soema bribi dati Paulus srefi ben skrifi Hebreeen 2/23/2019 ABI Module 9 Romeini III

Gado moesoe abi glori Rom. 16 25. Now da Soema disi abi krakti foe seti oen stampoe nanga mi boen njoensoe nanga da preiki foe Jezus Kristus, leki fa da kibri-tori ben sori hemsrefi disi ben kibri sinsi grontapoe ben meki; Gado kan seti wi faste doro da preiki foe da boen njoensoe foe Jezus Kristus Gado ben gi Paulus da kibri-tori foe da kerki foe tjari gi trawan 2/23/2019 ABI Module 9 Romeini III

Gado moesoe abi glori Rom. 16 26. Ma now a ben kom sori hemsrefi krin, nanga dem skrifi foe dem profeti, disi da Gado foe teego ben komanderi dem foe skrifi, A ben meki ala natie kom sabi so dati dem kan gi jesi na da bribi. 27. Da Gado disi Hem wawan abi koni, Hem moesoe kisi glori doro Jezus Kristus foe teego. Amen. 2/23/2019 ABI Module 9 Romeini III

Gado moesoe kisi glori Da tori ben kibri, ma now ala soema kan sabi doro dem profeti Gado abi so wan koni A moesoe abi bigi nem foe teego 2/23/2019 ABI Module 9 Romeini III