Doctrine III – Les 7 Da Leri Abra Da Kerki III Bijbel Baptist Kerk Les Doctrine III – Les 7 Da Leri Abra Da Kerki III Robert D. Patton Da Froktoe foe da Jeje: Lobi 2/5/2019

Aanbegi foe da kerki Ps. 29:2 Gi MASRA da glori disi de fiti Hem nem; aanbegi MASRA na ini da moi foe santa-fasi. Jn. 4:23-24 23. Ma da joeroe sa kom, en a de dja kaba, te dem troe bribisoema sa aanbegi da Tata na ini jeje nanga waarheid; bikasi da Tata de soekoe dem sortoe soema dati foe aanbegi Hem. 24. Gado de wan Jeje, en dem soema disi sa aanbegi Hem moesoe Les 1 Santa Jejej 2/5/2019

San “aanbegi” wani taki? Proskuneo: foe boigi joesrefi efoe foe didon plata na ini saka-fasi nanga bigi respeki .Sebomai: Foe loekoe na tapoe nanga bigi respeki nanga frede .Latreuo: Foe gi wan dienst na... Andrew W. Backwood ben taki so: Aanbegi de fa libisoema piki Gado baka te A sori Hemsrefi na dem. Foe aanbegi Gado de foe gi Hem da moro hei respeki disi Hem wawan de waarti foe kisi. Les 1 Santa Jejej 2/5/2019

Aanbegi de belangrijk Da verschil na mindri foe Adam nanga dem meti na ini Eden no ben de bikasi Adam ben de moro bigi efoe moro tranga, ma bikasi Adam ben kan aanbegi hem Gado. Gado ben poti Adam na ini da djari foe Eden, no foe bouw wan bigi kerki, ma foe abi gemeenschap nanga Hem, en waka na baka hem Schepper. Les 1 Santa Jejej 2/5/2019

Fa wi moesoe aanbegi? Wi moesoe aanbegi Gado foe da wroko disi A ben doe leki Schepper Ps. 95:6 O kom, meki wi aanbegi en boigi wisrefi na ondro; meki wi saka kindi na fesi foe MASRA disi ben meki wi. Open. 4:10-11 10. Dan dem twenti na fo gransoema fadon na fesi foe Hem disi ben sidon na tapoe da kownoe-stoeroe, en dem aanbegi Hem disi libi foe teego, en dem trowe dem kroon na fesi foe da kownoe-stoeroe, en dem taki: 11. Joe de waarti, O Masra, foe kisi glori nanga bigi nem nanga krakti; bikasi Joe ben meki alasani, en dem de, en Joe ben meki dem foe Joe prisiri ede. Les 1 Santa Jejej 2/5/2019

Fa foe aanbegi? Wi moesoe aanbegi Gado foe Hem wroko foe bai wi baka: Open. 5:9 En dem ben singi wan njoen singi, taki: Joe de waarti foe teki da boekoe, en loesoe dem stampoe foe hem; bikasi dem ben kiri Joe, en Joe ben bai wi baka gi Gado nanga Joe broedoe, komopo foe ibri famiri nanga tongo nanga pipel nanga natie; Les 1 Santa Jejej 2/5/2019

Wi aanbegi Gado te wi .Wi moesoe stoeka da woortoe foe Gado Tori 6:2 Dan dem twalfoe apostel ben kari da hipi foe dem discipel kom na dem, en dem ben taki: A no de wan boen sani foe wi sa libi da woortoe foe Gado go wroko na tafra. II Tim. 2:15Wroko tranga foe sori joesrefi leki wan boen wrokoman na ini da ai foe Gado, wan wrokoman disi no abi foe kisi sjem, disi prati da woortoe foe waarheid na wan leti fasi. II Tim. 3:15 En sinsi joe pikinnengre tem joe ben sabi dem santa Skrifi, disi kan meki joe kisi sabi te leki verloesoe doro da bribi na ini Kristus Jezus. Les 1 Santa Jejej 2/5/2019

Wi aanbegi te wi leisi da woortoe foe Gado Rom. 10:17 Na so bribi de kom nanga jere, en jere nanga da woortoe foe Gado. Kol. 4:16 Te dem leisi da brifi disi na oen mindri, meki dem leisi hem toe na ini da kerki foe Laodicea; en so srefi, oen moesoe leisi da brifi foe Laodicea. I Tess. 5:27 Mi taigi oen doro Masra dati oen moesoe leisi da brifi disi gi ala dem santa brada. I Tim. 4:13 Te leki mi sa kom, poti prakseri boen na ini leisi, nanga preiki, nanga leri. Open. 1:3 Blesi foe da soema disi de leisi, en dem disi jere dem woortoe foe da profeti-taki disi, en hori dem sani disi de skrifi na ini; bikasi da tem doro kaba. Les 1 Santa Jejej 2/5/2019

Wi aanbegi Gado te wi Leri trawan: Tori 2:42 En dem ben hori doro nanga da leri nanga da gemeenschap foe dem apostel, en foe broko brede, en foe begi. Tori 6:7 En da woortoe foe Gado ben gro, en da nomroe foe dem discipel ben kom foeroe na ini Jerusalem, en wan bigi groepoe foe dem priester ben kom na bribi. Tori 12:24 Ma da woortoe foe Gado ben gro en panja. Les 1 Santa Jejej 2/5/2019

Leri trawan… Tori 18:28 Bikasi a ben sori dem Djoe na wan makti fasi, en publiki toe, nanga da Skrifi dati Jezus ben de da Kristus. Tori 19:20 So da woortoe foe Gado ben abi makti en a ben wini. I Tim. 4:6 Efoe joe meki dem brada membre dem sani disi, joe sa de wan boen wrokoman foe Jezus Kristus disi ben gro na ini dem woortoe foe bribi nanga boen leri, en joe ben waka krosibei na dem baka. Les 1 Santa Jejej 2/5/2019

Aanbegi doro leri trawan II Tim. 1:13 Hori da prenki foe dem gesontoe woortoe faste disi joe ben jere foe mi na ini bribi nanga lobi disi de na ini Kristus Jezus. II Tim. 2:2 En dem sani disi joe ben jere mi taki na fesi foe foeroe getuigi, dem srefi sani joe moesoe gi abra na vertrouw soema, disi abi koni foe leri trawan toe. Les 1 Santa Jejej 2/5/2019

aanbegi = Preiki da woortoe Wi moesoe preiki da woortoe: II Tim. 4:2 Preiki da woortoe, tan klari na boen tem en na takroe tem; sori dem foutoe; klagi dem, vermane dem nanga pasensi na ini pina en nanga leri. .Te wi hori dem ordinance .Dopoe Avondmaal Les 1 Santa Jejej 2/5/2019

Aanbegi Gado Te wi singi psalm, hymn & jeje-singi Mt. 26:30 En di dem ben singi wan psalm, dem ben go na da Olijfbergi. Efesi 5:19 En taki nanga makandra na ini psalm nanga singi nanga jeje-singi; singi switi na ini oen hati na Masra. Kol. 3:16 Meki da woortoe foe Kristus libi foeroe na oen ini; nanga ala sabi, oen moe leri en vermane makandra na ini psalm nanga singi nanga jeje-singi; singi nanga gnade na ini oen hati gi Masra. Jak. 5:13 Iniwan na oen mindri de pina? Meki hem begi. Iniwan abi prisiri? Meki hem singi psalm-singi. Les 1 Santa Jejej 2/5/2019

Kande disi de singi… Efesi 5:14 Foe dat'ede, A taki: Wiki, joe disi de sribi, en opo foe dede, en Kristus sa gi joe leti. I Tim. 3:16 En sondro foe stree, da kibri-tori foe Gado-fasi de bigi: Gado ben kom sori Hemsrefi na skin-fasi; A ben kom regtvaar-diki na ini da Jeje; dem engel ben si Hem; dem ben preiki Hem gi dem heiden soema; dem ben bribi na Hem tapoe na grontapoe, en A ben go na loktoe na ini glori. Les 1 Santa Jejej 2/5/2019

Aanbegi Gado = begi Te wi begi na ala sortoe fasi: Tori 2:42, 46: 42. En dem ben hori doro nanga da leri nanga da gemeenschap foe dem apostel, en foe broko brede, en foe begi.46. En dem ben go doro ala dei na ini da tempel, en dem ben broko brede foe oso na oso, en dem ben njan nanga prisiri nanga wan hati, Tori 3:1 1. Now Petrus nanga Johannes ben go makandra na ini da tempel na da tem foe begi, na drie joeroe bakadina. Tori 4:31 En di dem ben begi, da presi ben bewegi pe dem ben kom makandra, en dem alamala ben foeroe nanga da Santa Jeje, en dem ben taki da woortoe foe Gado nanga bigi dek'ati. Les 1 Santa Jejej 2/5/2019

Begi… Efesi 6:18 Begi alatem nanga ala begi nanga djeme na ini da Jeje, en loekoe boen nanga ala pasensi nanga begi gi ala santawan; Fil. 4:6 No broko hede foe no wan sani, ma na ini ibri sani nanga begi nanga djeme nanga grantangi, meki Gado sabi san oen wani. Kol. 4:2 Begi dorodoro, loekoe boen en gi grantangi; I Tess. 5:17 Begi dorodoro. I Tim. 2:1-2, 8 1. Foe dat'ede mi begi na da fosi presi dati oen begi, aksi, djeme, en gi grantangi foe ala soema; 2. Gi dem kownoe nanga ala dem soema disi basi trawan so dati wi kan libi tiri na ini vrede nanga ala Gado-fasi nanga opregti-fasi. 8. Foe dat'ede mi wani dem mansoema foe begi na ala presi, en opo santa anoe, sondro hatibron efoe degedege. Les 1 Santa Jejej 2/5/2019

Aanbegi = meki ofrandi Doro ofrandi disi wi meki: I Petrus 2:5-9 nanga Openbaring 1:6 taki dati ibri Njoen Testamenti bribiwan de wan priester foe Gado I Pet. 2:5-9 5. So srefi oen moesoe de leki libilibi ston disi de bouw wan jeje oso; oen de dem santa priester disi meki jeje-ofrandi disi de boen na ini da ai foe Gado doro Jezus Kristus. 6. So leki a skrifi kaba taki: Loekoe, na ini Sion Mi seti wan bigi diri hoekoe-ston, wan disi ben verkisi kaba; da soema disi de bouw na hem tapoe no sa fadon na sjem. Les 1 Santa Jejej 2/5/2019

Meki ofrandi… 7. A de diri foe troe gi oen bribisoema; ma gi dem soema disi no gi jesi, da ston disi dem bouw-meester ben trowe, dati ben tron da hoekoeston. 8. A de wan ston foe meki soema naki foetoe fadon en wan ston foe sjem gi dem soema disi de fadon na da woortoe disi dem no wani gi jesi; so wan presi dem ben kisi kaba. 9. Ma oen de wan speri disi A ben verkisi, wan famiri foe dem kownoe-priester, wan santa folkoe, wan pipel disi seti aparti gi Gado, foe oen sa gi Hem bigi nem, Hem disi ben kari oen komopo foe doengroe, kom na ini Hem moi leti. Open. 1:6 En A ben meki wi tron kownoe nanga priester gi Gado nanga Hem Tata; Hem moesoe abi glori nanga makti foe teego. Amen. Les 1 Santa Jejej 2/5/2019

Ofrandi leki priester Da ofrandi foe wi skin: Rom. 12:1 Foe dat'ede, mi brada, mi begi oen nanga da sari-hati foe Gado, dati oen gi oen skin abra leki wan libi ofrandi, disi de santa en boen na ini da ai foe Gado, en disi de da juisti fasi foe dini Hem. .Da ofrandi foe wi prijse: Heb. 13:15 Foe dat'ede, doro Hem, meki wi gi da ofrandi foe prijse na Gado dorodoro, dati wani taki, da froktoe foe wi mofo-boeba disi gi grantangi na Hem nem. Les 1 Santa Jejej 2/5/2019

Ofrandi leki priester Da ofrandi foe wi boen wroko: Heb. 13:16 Ma no frigiti foe doe boen en prati san oen abi gi trawan toe, bikasi Gado abi prisiri nanga dem sortoe ofrandi dati. .Da ofrandi foe san wi abi: Fil. 4:18 Ma mi abi alasani, en mi abi foeroe; mi abi nofo di mi ben kisi dem sani foe Epafro-ditus disi oen ben seni kom, wan switi smeri sani, wan boen ofrandi disi Gado sa teki nanga prisiri. Les 1 Santa Jejej 2/5/2019

Da dienst foe da kerki I Kor. 4:1-2 1. Dem soema moesoe loekoe na wi leki dinari foe Kristus, en soema disi abi frantwoortoe foe dem kibri-tori foe Gado. 2. Moro fara, a de wan plikti foe wan dinari, dati dem feni hem getrouw. I Pet. 4:10 So leki ibri soema ben kisi da presenti, da wan moesoe dini trawan nanga da srefi presenti, leki boen wrokoman foe da bigi gnade foe Gado. Les 1 Santa Jejej 2/5/2019

Leki dinari, wi moesoe loekoe na wi tem… I Kron. 29:15 Bikasi wi de vreemde soema na Joe fesi, en wakaman, so leki ala dem tata foe wi ben de; dem dei foe wi na grontapoe de leki wan kowroepe nomo, en no wan sa tan. Job. 7:6 Dem dei foe mi go moro esi leki wan weverspoel, en dem lon sondro foe abi hopoe. Ps. 39:5-6 5. MASRA, meki mi kom sabi da kaba foe mi, en omeni dei mi abi, o langa a de; so dati mi sa sabi fa mi de wan swaki libisoema. 6. Loekoe, Joe ben meki mi dei leki da bradi foe wan anoe; en dem jari foe mi de leki noti na Joe fesi; foe troe, ibri man na hem moro boen konditie de wan soso sani. Selah. Les 1 Santa Jejej 2/5/2019

Wi tem de belangrijk… Ps. 89:48 Membre fa mi tem de sjatoe; foe san'ede Joe ben meki ala soema foe soso? Ps. 90:12 Leri wi foe nomroe wi dei, so dati wi kan poti wi hati foe kisi sabi. Rom. 13:11-12 11. En joe sabi da tem, dati a de da tem foe wiki komopo foe sribi; bikasi now da verloesoe foe wi kom moro krosibei leki di wi ben kom na bribi fosi.12. Da neti kom na kaba; moesoedei de krosibei; foe dat'ede meki wi trowe dem wroko foe doengroe, en meki wi weri da feti-krosi foe leti. Les 1 Santa Jejej 2/5/2019

Wi tem de belangrijk Efesi 5:16 Bai da tem baka, bikasi dem dei de takroe. Kol. 4:5 Waka nanga koni gi dem soema foe dorosei, en bai oen tem baka. Jak. 4:14-15 14. Tokoe oen no sabi san sa pasa tamara. Bikasi san na oen libi? A de wan dampoe nomo, disi oen kan si foe wan sjatoe pisi tem, en dan a gowe. 15. Bikasi san oen taki moesoe de so, taki: Efoe Masra wani, wi sa de na libi, en wi sa doe disi efoe dati. Les 1 Santa Jejej 2/5/2019

Wi tem…. I Pet. 1:17-18 17. En efoe oen kari na oen Tata, da Soema disi no loekoe na soema persoon te A kroetoe ibri soema wroko, dan oen moesoe pasa oen tem dja na grontapoe nanga frede. 18. Bikasi oen sabi dati A no ben bai oen baka nanga sani disi kan pori leki sorfoe nanga gowtoe foe oen soso waka di oen ben hori oen gransoema gwenti; Les 1 Santa Jejej 2/5/2019

Fa wi gebruiki wi talenti Lk. 12:37 Blesi foe dem dinari, disi dem masra sa feni de wakti hem te a de kom; foe troe, Mi taki gi oen taki: A sa weri hem leriboeba, en a sa meki dem go sidon foe njan, en a sa kom dini dem. Lk. 16:10 Da soema disi de getrouw na ini wan pikin sani sa de getrouw toe na ini wan bigi sani; en da soema disi de onregtvaardiki na ini wan pikin sani de onregtvaardiki toe na ini wan bigi sani. Rom. 12:6 Bikasi wi abi difrenti presenti disi komopo foe da gnade disi A ben gi wi; efoe profeti-taki, meki wi taki dati so foeroe leki wi de bribi; Les 1 Santa Jejej 2/5/2019

Fa wi wroko nanga wi talenti I Kor. 4:7 Bikasi soema meki oen difrenti foe trawan? En san oen abi disi soema no ben gi oen kaba? Now efoe soema ben gi hem na oen, dan oen sa prodo leki soema no ben gi hem na oen kaba? I Kor. 7:7 Bikasi mi ben sa wani dati ala soema sa de leki misrefi. Ma ibri soema abi hem egi presenti foe Gado, wan foe da fasi disi, en da trawan foe da fasi dati. I Kor. 12:11 Ma da srefi Jeje wroko doro ala dem presenti disi, en A de gi dem presenti na ibri soema leki fa Hem wani. Les 1 Santa Jejej 2/5/2019

Talenti – Pastor Jeremia sori wi Nanga Hem koni, Gado ben gi ibri soema wan talenti efoe moro leki wan disi wi moesoe gebruiki foe gi Gado glori .San wi doe nanga san wi abi sa de wan basis foe da kroetoe foe Gado .Efoe wi no gebruiki wi talenti gi Gado, wi sa lasi hem. Les 1 Santa Jejej 2/5/2019

Fa wi gebruiki wi moni: Na ini da Njoen Testamenti, 38 gersi-tori de, en 12 de abra moni. Wan versi na ini siksi na ini Matteus, Markus nanga Lukas de abra moni. Bikasi 100% foe san wi abi ben komopo foe Gado, dan wi abi frantwoortoe foe gebruiki 100% na wan koni fasi leki fa Gado wani. Gado wani sabi da heri tori, en no 10% nomo. San wi doe nanga wi moni de belangrijk gi Gado. Kande da moro boen fasi foe sabi pe wan soema de na ini da Jeje de foe si san a doe nanga hem moni. Jezus ben taki abra moni, bikasi a de wan belangrijk sani. Les 1 Santa Jejej 2/5/2019

Mi moesoe sabi dati moni komopo foe Gado Deut. 8:18 Ma joe sa membre MASRA joe Gado; bikasi Hem ben gi joe da krakti foe kisi goedoe, so dati A man seti Hem akkorderi faste disi A ben sweri gi dem tata, foe oen, leki fa a de tide. I Kron. 29:11-12 11. O MASRA, Joe abi da bigi nem nanga da krakti nanga da glori nanga da wini nanga da kownoe-fasi, bikasi alasani na ini hemel nanga grontapoe de foe Joe; Joe abi da kownoekondre, O MASRA, en Joe ben kisi bigi nem na tapoe alasani. 12. Goedoe nanga bigi nem komopo foe Joe, en Joe de kownoe abra alasani; en krakti nanga makti de na ini Joe anoe, en na ini Joe anoe krakti de foe meki bigi, en foe gi tranga na ala soema. Jak. 1:17 Ibri boen presenti en ibri presenti disi de volmaakt komopo foe loktoe, en a saka kom na ondro komopo foe da Tata foe dem leti, en A no kenki, en A no abi no wan kowroepe foe drai. Les 1 Santa Jejej 2/5/2019

Mi moesoe sabi dati moni no man meki mi tevrede: Jes. 55:1-2 1. O ibriwan disi de nanga dreiwatra, kom na dem watra, en da soema disi no abi moni; kom, bai, en njan; ja, kom, bai wini nanga merki sondro moni en sondro prijs.2. Foe san'ede joe bai sani nanga moni disi no de brede? En foe san'ede joe wroko foe kisi sani disi no kan gi joe wan prisiri hati? Arki boen na mi, en njan da sani disi de boen, en meki joe sieli prisiri hemsrefi na ini fatoe. Wan soema taki dati toe groepoe soema de disi no abi prisiri tapoe grontapoe. Wan groepoe de sari bikasi dem no ben kisi dem sani disi dem ben wani. Da tra groepoe de nanga sari bikasi dem ben kisi dem sani disi dem ben wani Les 1 Santa Jejej 2/5/2019

Mi no moesoe poti moni na fesi foe Masra Jezus: Lk. 16:13 No wan dinari kan dini toe masra; efoe a sa lobi da wan, a no sa lobi da trawan, en efoe a sa hori na da wan, a sa veragti da trawan. Oen no kan dini Gado moksi nanga grontapoe goedoe. I Tim. 6:10, 17 10. Bikasi da lobi foe moni de da loetoe foe ala ogridoe; som soema ben wani dati, en dem ben dribi gowe foe da bribi, en dem ben djoekoe demsrefi nanga foeroe sari.17. Komanderi dem soema disi abi grontapoe goedoe dati dem no moesoe abi hei-membre, efoe poti dem vertrouw na tapoe soso goedoe, ma poti vertrouw na tapoe da libilibi Gado, disi gi wi foeroe foe alasani foe wi kan prisiri; Les 1 Santa Jejej 2/5/2019

Gado sa gi mi alasani fanowdoe Mi moesoe bribi dati Gado sa gi mi alasani disi mi abi fanowdoe disi mi no man feni gi misrefi na wan leti fasi: Mt. 6:31-32 31. Foe dat'ede oen no moesoe broko hede taki: San wi sa njan, efoe san wi sa dringi, efoe san wi sa weri? 32. Bikasi dem heiden soema de soekoe ala dem sani disi; bikasi oen Tata na ini hemel sabi kaba dati oen abi ala dem sani disi fanowdoe. Fil. 4:19 Ma mi Gado sa gi oen alasani disi oen abi fanowdoe foe Hem goedoe na ini glori doro Kristus Jezus. Les 1 Santa Jejej 2/5/2019

Fa foe feni moni Mi verdini hem: Gen. 3:19 Ma mi Gado sa gi oen alasani disi oen abi fanowdoe foe Hem goedoe na ini glori doro Kristus Jezus. Spreuk. 14:23 Na ini ala wroko nanga moeiti foeroe wini de; ma soso taki nanga mofo-boeba de tjari soso pina kom. Spreuk. 28:19 Da soema disi ben wroko hem gron sa abi foeroe brede; ma da soema disi waka na baka soso soema sa kom foeroe nanga poti-fasi. Les 1 Santa Jejej 2/5/2019

Fa foe feni moni – verdini hem Lk. 10:7 Tan na ini da srefi oso, en njan en dringi dem sani disi dem gi oen; bikasi da wrokoman de waarti foe hem paiman. No komopo foe wan oso, go na wan tra oso. Efesi 4:28 No gi da foefoeroeman pasi foe foefoeroe moro, ma meki hem wroko boen sani nanga hem anoe so dati a sa abi wan sani foe gi da soema na ini nowtoe. II Tess. 3:10 Bikasi di wi ben de nanga oen, disi wi ben komanderi oen, dati efoe iniwan soema no ben wani wroko, dan a no sa njan toe. Les 1 Santa Jejej 2/5/2019

Kisi moni Wi kan kisi moni te wi investeer hem: Mt. 25:27 Dan joe ben moesoe poti mi moni na bangi, foe mi kan kisi mi moni nanga intres te mi kom baka. .Wi kan kisi hem leki wan erfenis: Ex. 29:9 En joe sa tai dem banti na dem mindri, Aäron nanga dem manpikin foe hem, en poti dem hati na dem hede, en dem sa abi da priester wroko leki wan wet foe teego; en joe sa seegi Aäron nanga hem manpikin. Spreuk. 13:22 Wan boen man sa libi wan erfenis gi hem granpikin; en dem goedoe foe dem sondoe soema dem hori foe gi na dem opregti soema. Spreuk. 21:6 Foe kisi goedoe nanga wan lei-tongo de wan soso sani dati dem soema disi soekoe foe dede fringi go fringi kom. Les 1 Santa Jejej 2/5/2019

Fa foe gi Gado wani wi foe gi wi wani abra na Hem fosi wi gi wi moni Rom. 12:1 Foe dat'ede, mi brada, mi begi oen nanga da sari-hati foe Gado, dati oen gi oen skin abra leki wan libi ofrandi, disi de santa en boen na ini da ai foe Gado, en disi de da juisti fasi foe dini Hem. II Kor. 8:5 En dem ben doe disi na ini wan fasi moro leki wi ben hopoe, ma fosi dem ben gi demsrefi na Masra, en na wi nanga da wani foe Gado, Les 1 Santa Jejej 2/5/2019

Omeni foe gi Na ini da Owroe Testamenti, joe ben abi toe sortoe gi: Da gi disi ben plikti - 10% (Lev. 27:32), nanga dem gi nanga fri wani: Ex. 25:1-2; 36:5-7; I Kron. 29:9; Spreuk. 3:9 - omeni joe wani gi: Lev. 27:32 En foe da tiende foe dem meti, dem kaw, dem skapoe nanga dem krabita disi pasa na ondro da tiki, da tiende de foe MASRA. Ex. 25:1-2 1. En MASRA ben taki gi Mozes taki:2. Taigi dem pikin foe Israël foe dem tjari wan ofrandi kom gi Mi; oen sa teki Mi ofrandi foe ibri soema disi de gi hem nanga hem heri hati. Les 1 Santa Jejej 2/5/2019

Gi – O.T. Ex. 36:5-7 5. En dem ben taki gi Mozes taki: Da pipel de tjari toemoesi foeroe sani kom foe da wroko disi MASRA ben komanderi foe meki. 6. En Mozes ben komanderi, en dem ben panja da boskopoe doro da heri kampoe, taki: No gi man efoe oema pasi moro foe tjari moro ofrandi kom gi da wroko foe da santa presi. So dem ben tapoe dem soema so dati dem no ben man gi moro.7. Bikasi da sani disi dem ben tjari kom ben sari foe ala dem wroko, en a ben hipi toemoesi. Les 1 Santa Jejej 2/5/2019

Gi – O.T. I Kron. 29:9 Dan da pipel ben abi prisiri, bikasi dem ben gi nanga dem fri wani, bikasi nanga wan krin hati dem ben meki ofrandi nanga dem fri wani na MASRA; en David da kownoe ben abi bigi prisiri toe. Spreuk. 3:9 Gi MASRA bigi nem nanga joe goedoe, en nanga da fosi froktoe foe alasani disi joe kisi; Les 1 Santa Jejej 2/5/2019

NT gi? Foeroe stree ben meki abra efoe dem Njoen Testamenti bribiwan de na ondro da wet foe gi wan tiende. Alwasi san joe kan taki, a de tranga foe bribi dati na ondro gnade joe sa gi minder leki na ondro da wet. Les 1 Santa Jejej 2/5/2019

Pe mi moesoe gi? Wi moesoe gi na da kerki? Som soema stree abra disi, ma a de wan boen sani foe prakseri dati mi moesoe steun da kerki pe mi kisi mi tranga ala wiki. A no taki dati joe no man jepi tra presi, ma da kerki abi da fosi prioriteit. Les 1 Santa Jejej 2/5/2019

Fa foe gi… Da voorbeeld foe Macedonie: II Kor. 8:1-3 1. Moro fara, mi brada, wi wani oen kom sabi da gnade foe Gado disi A ben gi na dem kerki na Macedonië; 2. Fa, alwasi dem ben de na ini bigi tesi nanga pina, dem ben abi foeroe prisiri na ini dem bigi pina foe gi foeroe leki dem ben de goedoeman. 3. Bikasi dem ben gi so meni leki dem ben man, en, mi taki, dem ben wani gi moro srefi leki dem ben abi krakti foe gi; Les 1 Santa Jejej 2/5/2019

Fa foe gi… Da voorbeeld foe Gado da Tata: II Kor. 9:15 Grantangi foe Gado foe Hem presenti disi de pasa san wi kan taki! .Da voorbeeld foe Gado da Pikin: II Kor. 8:9 Bikasi oen sabi da gnade foe wi Masra Jezus Kristus; dati alwasi A ben goedoe, tokoe A ben kom poti foe oen ede, so dati doro Hem poti-fasi, oen sa kom goedoe. Les 1 Santa Jejej 2/5/2019

Da plan foe gi Da plan fo gi: A moesoe de systematic: I Kor. 16:2 Na da fosi dei foe da wiki, ibriwan foe oen moesoe poti moni na wan sei, so leki Gado ben gi hem, so dati te mi sa kom mi no sa abi fanowdoe foe tjari moni kom makandra. .Da verwondroe sani foe gi: Wi no kan taki fa disi sa pasa boiti foe Gado. Efoe mi bigin nanga $100, en mi gi Gado $15, dan mi abi $85 disi tan abra. Ma Gado wroko so wan fasi dati mi kan doe moro nanga da $85 dati leki da $100 disi mi ben abi fosi. Les 1 Santa Jejej 2/5/2019

Voorbeeld foe gi Jn. 6:9-13 9. Wan boi de dja, disi abi feifi brede foe gerst nanga toe pikin fisi, ma san na dem sani disi gi so foeroe soema? 10. En Jezus ben taki: Meki dem mansoema sidon. Now foeroe grasi ben de na da presi dati. So dem mansoema ben sidon, wan feifi doesoen so. 11. En Jezus ben teki dem brede, en di A ben gi grantangi, A ben gi dem abra na dem discipel, en dem discipel ben prati dem gi dem soema disi ben sidon; so srefi, dem fisi, so foeroe leki dem ben wani. Les 1 Santa Jejej 2/5/2019

Fa foe gi 12. En di dem bere ben foeroe kaba, A ben taki gi Hem discipel taki: Go piki dem sakasaka disi ben libi abra kom makandra, so dati wi no sa lasi wan sani. 13. Foe dat'ede dem ben tjari dem kom makandra, en dem ben foeroe twalfoe baskita nanga dem sakasaka foe dem feifi gerst brede disi ben libi abra foe dem soema disi ben njan kaba. Spreuk. 11:24-25 24. Som panja, en tokoe dem kisi moro, ma trawan hori baka moro leki disi de fiti, ma dati tjari pina kom. 25. Da soema di lobi foe gi sa kom fatoe; en da soema disi prati watra, hemsrefi sa kisi watra toe. Les 1 Santa Jejej 2/5/2019

Foe san’ede mi moesoe gi? .Foe steun da wroko foe Gado: I Tim. 5:17-18 17. Meki dem gi dem gransoema disi tiri da kerki na wan boen fasi dobroe bigi nem, spesroetoe dem soema disi wroko na ini da woortoe nanga da leri. 18. Bikasi da Skrifi de taki: Joe no moesoe tai da mofo foe wan kaw disi de masi karoe; en: Da wrokoman de waarti foe hem paiman. Les 1 Santa Jejej 2/5/2019

Foe san’ede mi moesoe gi? So dati wi kan kisi blesi na ini wi egi libi: Spreuk. 3:10 9. Gi MASRA bigi nem nanga joe goedoe, en nanga da fosi froktoe foe alasani disi joe kisi; 10. Dan joe makzien sa kom foeroe nanga goedoe, en njoen wini sa komopo foe joe druivi-pers leki wan floedoe. Spreuk. 28:20 Wan getrouw mansoema sa abi foeroe blesi; ma da soema disi proberi foe kom goedoe es'esi no sa de sondro foutoe. Les 1 Santa Jejej 2/5/2019

Foe san’ede mi moesoe gi… Mal. 3:10 Tjari ala dem tiende kom na ini da makzien, foe njanjan sa de na ini Mi oso, en tesi Mi nanga disi: so MASRA foe dem legre de taki: efoe Mi no sa opo dem fensre foe hemel, en trowe wan blesi na oen tapoe, so dati oen no sa abi presi nofo foe kibri hem. Lk. 6:38 Gi, en oen sa kisi; dem soema sa gi oen wan boen marki disi ben seki boen, en disi de lon abra. Bikasi da srefi marki disi oen gi trawan sa de da marki disi oen sa kisi baka. II Kor. 9:6 Ma disi mi taki: Da soema disi de prani weiniki sa koti weiniki toe; en da soema disi de prani foeroe sa koti foeroe toe. Les 1 Santa Jejej 2/5/2019

Foe san’ede mi moesoe gi .Foe gi wan uitdaging na tra bribiwan: II Kor. 9:2 Bikasi mi sabi fa oen ben angri foe jepi, en mi ben gi oen bigi nem na dem soema foe Macedonië, dati Achaje ben klari wan jari kaba; en oen faja-hati foe jepi ben meki foeroe tra soema wani jepi toe. .Foe gi glori na Gado da Tata: II Kor. 9:12 Bikasi da wroko disi no de gi dem santawan san dem mankeri nomo, ma a de so foeroe toe dati wi gi someni grantangi na Gado. Les 1 Santa Jejej 2/5/2019

Foe san’ede mi moesoe gi? Foe jepi tra bribiwan na ini nowtoe: Tori 11:29 Dan dem discipel ben teki besroiti foe seni jepi gi dem brada disi ben libi na ini Judea, ibri mansoema so meni leki a ben man seni. I Jn. 3:17 Ma da soema disi abi da goedoe foe disi grontapoe, en a si hem brada mankeri wan sani, en a tapoe hem inisei firi foe sari-hati gi hem, fa da lobi foe Gado de libi na hem ini? Les 1 Santa Jejej 2/5/2019

Foe san’ede wi gi? Wi no gi bikasi Gado abi wi moni fanowdoe, ma bikasi A gi wi wan kans foe gi: Ps. 50:12. Efoe angri ben kiri Mi, Mi no ben sa taigi joe; bikasi grontapoe de foe Mi, nanga da foeroe foe hem. 13. Mi sa njan da skin foe man kaw efoe dringi da broedoe foe krabita? 14. Meki ofrandi na Gado foe gi grantangi; en pai san joe ben sweri na da Moro Hei Wan. 15. En kari na Mi na ini da dei foe trobi; Mi sa verloesoe joe, en joe sa gi Mi glori Les 1 Santa Jejej 2/5/2019

Foe san’ede mi moesoe gi? A de wan prisiri foe gi: II Kor. 9:7 Meki ibri soema gi so leki hem wani na ini hem hati, no nanga dwingi, efoe leki a de fanowdoe nomo; bikasi Gado lobi da soema disi gi nanga prisiri. II Kor. 8:11-12 11. Now foe dat'ede, klari foe doe dati; so dati leki oen ben wani doe so kaba, doe so toe nanga san komopo foe da sani disi oen abi. 12. Bikasi efoe wan prakseri de fosi foe wani doe so, dan Gado sa teki san wan libisoema abi foe gi, en no san a no abi. Les 1 Santa Jejej 2/5/2019

Fa mi wroko nanga mi moni? Foe pai sortoe paiman mi abi: II Kon. 4:7 Dan a ben kom taigi da man foe Gado. En a ben taki gi hem taki: Go, seri da olie, en pai joe paiman, en dan joe nanga dem pikin foe joe kan hori joesrefi na libi nanga san disi tan abra. Mt. 17:24 En di dem ben kom na Kafarnaüm, dem soema disi kisi da kerki hedemoni ben kom na Petrus, en dem aksi taki: Oen Masra no pai da hedemoni? Rom. 13:8 Joe no moesoe abi foe pai soema iniwan sani baka, boiti foe lobi makandra; bikasi da soema disi de lobi trawan ben hori da wet. Les 1 Santa Jejej 2/5/2019

Fa mi wroko nanga mi moni? Foe sorgoe foe mi famiri: I Tim. 5:8 Ma da soema disi no sorgoe foe dem weduwe, en spesroetoe foe hem egi famiri, taki dati a no bribi foe troe, en a wroko moro takroe leki wan heiden soema. Les 1 Santa Jejej 2/5/2019

Fa foe kibri moni Wi moesoe meki wi srefi klari gi da kowroetem na ini da waran tem: Spreuk. 30:25 Wi moesoe poti wi moni pe a sa gro: Mt. 25:27 Wi moesoe meki wi plan te wi denki dati iniwan tem Jezus Kristus kan kom baka: Jak. 4:13-16 Les 1 Santa Jejej 2/5/2019

Kerki tucht Da definitie foe tucht: Disi wani taki foe strafoe wan soema foe broko dem wet foe wan groepoe foe society pe a de na so wan fasi dati a sa kom baka na ondro dem wet .Da basis foe tucht: A de da santa-fasi foe Gado: Ps. 93:5 Joe getuigi de faste; santa-fasi de meki Joe oso moi, O MASRA, foe teego. I Pet. 1:16 Bikasi a de skrifi kaba taki: Oen moesoe de santa bikasi Mi de santa. Les 1 Santa Jejej 2/5/2019

Efoe wi loekoe na da santa-fasi foe Gado leki wan soso sani, wi kan verwakti wan tucht foe Gado: Heb. 10:26-30 26. Bikasi efoe wi doe sondoe foe ekspresi, di wi ben kisi da sabi foe da waarheid kaba, dan no wan ofrandi libi moro gi wi sondoe, 27. Ma nanga frede wi kan loekoe foe da kroetoe nanga da faja hatibron disi sa njan dem feanti. 28. Da soema disi ben veragti da wet foe Mozes ben moesoe dede sondro sari-hati nanga da woortoe foe toe efoe drie getuigi; Les 1 Santa Jejej 2/5/2019

Kerki tucht 29. Dan hoe moro ogri strafoe oen denki de fiti gi da soema disi ben trapoe da Manpikin foe Gado na ondro foetoe, en disi ben loekoe na da broedoe foe da akkorderi disi ben meki hem kom santa leki wan soso sani, en disi ben veragti da Jeje foe gnade? 30. Bikasi wi sabi Hem disi ben taki kaba taki: Revensi de foe Mi; Mi sa pai baka: so Masra de taki. En ete wan leisi A taki: Masra sa kroetoe Hem pipel. I Pet. 4:17 Bikasi da tem ben doro dati kroetoe moesoe bigin na da oso foe Gado; en efoe a bigin nanga wi fosi, sortoe fasi a sa kaba nanga dem soema disi no wani gi jesi na da boen njoensoe foe Gado? Les 1 Santa Jejej 2/5/2019

Da autoriteit foe kerki tucht: komopo foe Jezus Kristus, disi taigi da kerki foe doe so wan sani te a de fanowdoe: Mt. 16:19 En Mi sa gi joe dem sroto foe da kownoekondre foe hemel; en da sani disi joe sa tai na grontapoe sa tai na ini hemel; en da sani disi joe sa loesoe na grontapoe sa loesoe na ini hemel. Mt. 19:17-20 17. Ma efoe a no wani foe jere dem, dan joe moesoe taki gi da kerki; ma efoe a no wani arki da kerki, dan meki hem de na joe ai leki wan heiden man en leki wan tolnaar. Les 1 Santa Jejej 2/5/2019

Kerki tucht autoriteit 18. Troe troe Mi taki gi oen taki: Da sani disi oen sa tai na grontapoe sa tai na ini hemel toe; en da sani disi oen loesoe na grontapoe sa loesoe na ini hemel toe. 19. Mi taki agen gi oen taki: Efoe toe efoe drie foe oenoe sa agri na grontapoe abra iniwan sani disi dem sa aksi, Mi Tata na ini hemel sa doe dati gi dem. 20. Bikasi pe toe efoe drie soema kom makandra na ini Mi nem, Mi de drape na dem mindri. I Kor. 5:4 Na ini da nem foe wi Masra Jezus Kristus, te oen kom makandra, nanga mi jeje, nanga da krakti foe wi Masra Jezus Kristus, Les 1 Santa Jejej 2/5/2019

.Soema sa kisi kerki tucht? .Soema disi tjari prati efoe trobi kom na ini da kerki: Spreuken 6:16, 19 16. Dem siksi sani disi MASRA no lobi; ja, sebi de wan takroedoe gi Hem; 19. Wan falsi getuigi disi de taki leitori, en da soema disi de zaai trobi na mindri foe dem brada. Rom. 16:17 Now mi begi oen, brada, loekoe boen na dem soema disi tjari prati kom, en disi seti trapoe na tra fasi leki da leri disi oen ben kisi; en drai komopo foe dem. Les 1 Santa Jejej 2/5/2019

Dem soema disi libi na wan broeja-broeja fasi: I Tess. 5:14 Now wi vermane oen, brada, waarskow dem disi djoegoe-djoegoe, troostoe dem swaki bribisoema, hori dem swaki soema foe dem no fadon, en hori pasensi nanga ala soema. II Tess. 3:6, 11 6. Now wi komanderi oen, brada, na ini da nem foe wi Masra Jezus Kristus, dati oen poeroe oensrefi komopo foe ibri brada disi de waka na wan pori fasi, en disi no waka nanga da leri disi a ben kisi foe wi. 11. Ma wi jere dati som soema de na oen mindri disi waka na wan pori fasi, disi no wroko kwet'kweti, ma disi boemoei demsrefi nanga tra soema tori. Les 1 Santa Jejej 2/5/2019

Dem soema disi no wani gi jesi na dem belangrijk leri foe wi bribi II Tess. 3:14 En efoe iniwan soema no wani gi jesi na wi woortoe na ini da brifi disi, loekoe boen na da soema dati, en no hori oensrefi nanga hem so dati a sa kisi sjem. Dem soema disi no bribi dem basis leri foe wi bribi: I Tim. 6:3-5 3. Efoe wan soema leri tra fasi, en a no agri nanga gesontoe leri, dem woortoe foe wi Masra Jezus Kristus srefi, nanga da leri disi de foe Gado-fasi,… Les 1 Santa Jejej 2/5/2019

No bribi da juisti leri 4. Da soema abi prodo-fasi, en a no sabi noti, ma a stree abra kwesi nanga stree-taki disi meki djaroesoe, stree, kosi, takroe prakseri kom, 5. Nanga stree disi komopo foe soema nanga pori prakseri disi mankeri da waarheid, en dem prakseri dati goedoe de Gado-fasi; poeroe joesrefi komopo foe dem sortoe soema dati. Les 1 Santa Jejej 2/5/2019

Falsi leri… II Tim. 2:16-18 16. Ma no moksi nanga soso tak'taki disi no de santa; bikasi dem sa meki soema go moro farawe foe Gado-fasi. 17. Dem woortoe foe dem sa njan soema leki wan takroe-siki; Hymeneüs nanga Filetus de foe dem sortoe soema dati. 18. Dem ben meki foutoe abra da waarheid, en dem taki dati da opo baka ben pasa kaba; en dem pori da bribi foe som soema. Titus 3:10 Efoe joe waarskow wan soema disi bribi falsi leri wan leisi, en baka di foe toe leisi a no wani jere joe ete, libi hem; Les 1 Santa Jejej 2/5/2019

Falsi leri II Jn. 10-11 10. Efoe iniwan soema sa kom na oen, en a no tjari da leri disi kom, oen no moesoe teki hem na ini oen oso, en oen no moesoe gi hem wan switi blesi toe; 11. Bikasi da soema disi gi hem wan blesi abi wan pisi foe hem takroedoe. Open. 2:14 Ma Mi abi wantoe sani agensi joe, bikasi joe abi wantoe soema drape disi hori nanga da leri foe Bileam, disi ben leri Balak foe seti wan ston na fesi foe dem pikin foe Israël foe dem naki foetoe fadon, foe njan dem sani disi ben de ofrandi gi dem popki, en foe hoeroe. Les 1 Santa Jejej 2/5/2019

Immoraliteit Dem soema disi de immoreel: I Kor. 5:1-5 1. Foeroe soema taki dati hoeroedoe de na oen mindri, en wan sortoe hoeroedoe dati dem no taki na mindri foe dem heiden soema srefi, dati wan soema ben sa seti libi nanga hem tata wefi. 2. En oen abi bigi-membre, en oen no ben de nanga sari, dati da soema disi ben doe da sani disi ben sa komopo na oen mindri. 3. Ma foe mi sei, alwasi mi no de na oen mindri na ini mi skin, ma mi de na oen mindri na ini jeje, mi ben koti kroetoe kaba leki mi ben de drape foe da soema disi ben doe da sani disi. 4. Na ini da nem foe wi Masra Jezus Kristus, te oen kom makandra, nanga mi jeje, nanga da krakti foe wi Masra Jezus Kristus, 5. Oen moesoe gi so wan soema abra na Satan foe pori da skin so dati da jeje sa kisi verloesoe na ini da dei foe Masra Jezus. Les 1 Santa Jejej 2/5/2019

Fa foe doe kerki tuchtiging: A moesoe pasa nanga foeroe begi, voorzichtig, nanga leti kroetoe: Fosi marki dem soema disi abi tucht fanowdoe: Rom. 16:17 Now mi begi oen, brada, loekoe boen na dem soema disi tjari prati kom, en disi seti trapoe na tra fasi leki da leri disi oen ben kisi; en drai komopo foe dem. (Si II Tess. 3:14 Miti prive nanga da soema disi ben doe da ogri: Mt. 18:15 Moro fara, efoe joe brada sa doe joe wan ogri, joe moesoe go taigi hem abra hem foutoe, joe wawan; efoe a jere joe, joe ben wini joe brada. Les 1 Santa Jejej 2/5/2019

Kerki tucht – fa… Efoe disi no de sari, abi ete wan komakandra nanga wanlo tra soema de drape toe: Mt. 18:16 Ma efoe a no wani jere joe, dan teki wan efoe toe tra brada moro go nanga joe; bikasi nanga da woortoe foe toe efoe drie getuigi alasani kan kom na krin. Na ini dem komakandra, joe moesoe vermane da soema foeroe leisi (Titus 3:10), taigi hem dem foutoe (II Tim. 4:2), en waarskow hem (I Tess. 5:14) Les 1 Santa Jejej 2/5/2019

Kerki tucht – laasti stap Efoe da soema no wani kenki prakseri, dan tjari da soema na fesi foe da heri kerki: I Tim. 5:20 Vermane dem soema disi doe sondoe na fesi foe ala soema, so dati trawan sa frede toe. (Si Mt. 18:17) .Efoe a no sa saka na da kerki tucht ondro, dan na jeje-fasi joe poti da soema na dorosei. Disi wani taki: Les 1 Santa Jejej 2/5/2019

Tucht – poti na dorosei… A no moesoe abi da krosibei gemeenschap foe dem bribiwan: .Drai komopo foe dem: Rom. 16:17 Now mi begi oen, brada, loekoe boen na dem soema disi tjari prati kom, en disi seti trapoe na tra fasi leki da leri disi oen ben kisi; en drai komopo foe dem. .Poeroe joesrefi foe dem : II Tess. 3:6 .No waka nanga hem: II Tess. 3:14 .Hari joesrefi komopo foe so wan soema: I Tim. 6:3-5 .Libi so wan soema: Titus 3:10 Efoe joe waarskow wan soema disi bribi falsi leri wan leisi, en baka di foe toe leisi a no wani jere joe ete, libi hem; Les 1 Santa Jejej 2/5/2019

Gi abra na satan… Gi so wan soema abra na satan I Kor. 5:5 Oen moesoe gi so wan soema abra na Satan foe pori da skin so dati da jeje sa kisi verloesoe na ini da dei foe Masra Jezus. I Tim. 1:20 Hymeneüs nanga Alexander de na dem mindri, disi mi ben gi abra na didibri so dati dem kan leri fa dem no moesoe kosi Gado. Les 1 Santa Jejej 2/5/2019

Gi abra na Satan San disi wani taki? Da Grieki woortoe foe pori na ini I Kor. 5:5 de olethros, disi wani taki foe pori wan sani. A gersi dati Paulus taki dja taki: Efoe da soema disi de wan kerki lid prisiri so foeroe na ini hem soeta, poti hem na dorosei foe da gemeenschap, en meki satan fon hem pikinso. Meki hem tesi fa a de foe de na ini grontapoe disi no lobi bribiwan sondro foe da begi nanga da dienst foe da kerki. Disi wani taki, te wan kerki doe disi, a de leki Gado ben taki gi satan abra Job na ini Job 2:6: En MASRA ben taki gi Satan taki: Loekoe, a de na ini joe anoe, ma hori hem na libi. Les 1 Santa Jejej 2/5/2019

Attitude na ini kerki tucht Wi no moesoe prodo, en wi no moesoe soekoe revensi: Gal. 6:1 Mi brada, efoe wan soema meki wan foutoe, oen disi da Jeje de tiri moesoe meki so wan brada kom boen baka na ini da jeje foe saka-fasi, ma loekoe boen dati oensrefi no kisi tesi toe. .Wi no moesoe loekoe na da soema leki wan feanti, ma leki wan brada disi ben lasi pasi: II Tess. 3:15 Ma no loekoe na hem leki wan feanti, ma vermane hem leki wan brada. Les 1 Santa Jejej 2/5/2019

Attitude na ini kerki tucht Wi moesoe kom na hem nanga sari-hati: II Kor. 2:4 Bikasi mi ben skrifi gi oen nanga foeroe pina nanga sari-hati nanga watra-ai; no dati oen moesoe firi sari, ma dati oen kan sabi da lobi disi mi abi moro foeroe gi oen. (Si I Kor. 5:2) .Wi moesoe de klari foe gi pardon da momenti a aksi pardon: II Kor. 2:7 So now, na da tra sei, oen moesoe gi hem pardon, en troostoe hem; noso toemoesi sari kan swari so wan soema. Les 1 Santa Jejej 2/5/2019

Tucht – gi pardon… II Kor. 7:10-11 10. Bikasi sari nanga Gado-fasi wroko wan difrenti prakseri te leki verloesoe, disi no sa meki oen kisi sari, ma da sari foe grontapoe wroko dede. 11. Bikasi loekoe na da srefi sani, disi oen ben sari nanga Gado-fasi, en fa a ben wroko tranga na oen ini; ja, nanga foe aksi pardon foe oensrefi, ja, nanga hatibron, ja, nanga frede, ja, nanga tranga wani, ja, nanga faja-hati, ja, nanga revensi! Na ini alasani oen ben sori krin dati oen de krin na ini da tori disi. Wi moesoe de voorzichtig bikasi: .I Kor. 2:7 - ...noso toemoesi sari kan swari so wan soema. .II Kor. 2:11 So dati didibri no sa wini wi, bikasi wi sabi hem triki. Les 1 Santa Jejej 2/5/2019

Tucht foe hori wan standaard foe grontapoe sa si hem… Mt. 5:13-16 13. Oenoe de da sowtoe foe grontapoe; ma efoe da sowtoe lasi hem tesi, fa a kan tron boen sowtoe baka? A no de waarti foe noti, boiti foe trowe na gron pe soema sa waka na hem tapoe. 14. Oenoe de da leti foe grontapoe. Wan foto disi bouw na tapoe wan bergi no man kibri. 15. So srefi, libisoema no sa leti wan kandra en dan poti wan tobo na hem tapoe, ma dem sa poti hem na tapoe wan kandratiki, foe so fasi a kan gi leti na ala soema disi de na ini da oso. 16. Meki oen leti skijn gi dem tra soema, so dati dem kan si dem boen wroko foe oen, en dem sa gi bigi nem na oen Tata disi de na ini hemel. Les 1 Santa Jejej 2/5/2019

Tucht – voorbeeld Ananias & Saffira Tori 5:11-16 11. En wan bigi frede ben fadon na tapoe da heri kerki, en na tapoe ala soema disi ben jere dem sani disi 12. En foeroe marki nanga wondroewroko ben pasa nanga dem anoe foe dem apostel na mindri da pipel; (en dem ben de nanga wan hati na da gadri foe Salomo. 13. En no wan soema foe dem trawan ben abi dek'ati foe moksi hemsrefi nanga dem; ma da pipel ben gi dem bigi nem. 14. En moro soema ben kom bribi na Masra, foeroe mansoema nanga oemasoema.) Les 1 Santa Jejej 2/5/2019

Ananias… 15. En dem ben tjari dem siki soema kom na ini dem strati, en dem ben meki dem didon na dem bedi efoe dem matrasi, so dati da kowroepe foe Petrus sa tapoe som foe dem te a ben waka pasa. 16. En so srefi wan hipi soema ben komopo foe dem foto lontoe Jerusalem, en dem ben tjari dem siki soema kom, nanga dem soema disi dem takroe jeje ben kwinsi dem, en dem alamala ben kom boen baka. Rom. 2:24 Bikasi dem heiden soema kosi da nem foe Gado bikasi foe oenoe ede, so leki a de skrifi kaba. Wan reden dati da kerki no abi foeroe invloed tapoe grontapoe de dati grontapoe abi toemoesi foeroe invloed tapoe da kerki. Les 1 Santa Jejej 2/5/2019

Tucht – so sondoe no panja Joz. 7:10. En MASRA ben taki gi Jozua taki: Opo joesrefi; foe san'ede joe de didon so nanga joe fesi na gron? 11. Israël ben doe sondoe, en dem ben broko san Mi ben komanderi na ini Mi akkorderi nanga dem; bikasi dem ben teki da floekoe sani, en dem ben foefoeroe toe, en dem ben lei toe, en dem ben kibri da sani na mindri foe dem egi goedoe. 12. Foe dat'ede dem Israëliet soema no ben man tanapoe na fesi foe dem feanti, ma dem ben drai dem baka gi dem feanti, bikasi dem ben de na ondro da floekoe; en Mi no sa de nanga oen moro, boiti te leki oen figi da floekoe soema poeroe na oen mindri. Les 1 Santa Jejej 2/5/2019

Tucht foe sondoe no panja 13. Opo, meki da pipel kom santa, en taki: Meki oensrefi kom santa foe tamara; bikasi so MASRA Gado foe Israël taki: Wan floekoe sani de na joe mindri, O Israël; joe no kan tanapoe na fesi foe joe feanti…. I Kor. 5:6-7 6. Oen glori no de boen. Oen no sabi dati pikinso zuurdegi sa meki da heri brede kom swa? 7. Foe dat'ede poeroe da owroe zuurdegi so dati oen sa de wan njoen brede so leki oen de sondro zuurdegi. Bikasi Kristus, wi paska lam, de slakti gi wi. Les 1 Santa Jejej 2/5/2019

Tucht A de foe jepi da soema disi ben doe sondoe feni da pasi baka na Gado: II Kor. 2:6-8 6. Da strafoe di so wan soema ben kisi de nofo kaba, disi foeroe soema ben poti na hem tapoe. 7. So now, na da tra sei, oen moesoe gi hem pardon, en troostoe hem; noso toemoesi sari kan swari so wan soema. 8. Foe dat'ede mi begi oen dati oen sa sori krin fa oen lobi hem. Les 1 Santa Jejej 2/5/2019

Tucht .A de foe kibri dem santawan foe toe strafoe disi kan miti santawan disi go dorodoro na ini dem sondoe: I Kor. 11:30-31 30. Bikasi foe disi, foeroe soema na oen mindri de swaki en siki, en foeroe soema sribi kaba. 31. Bikasi efoe wi ben sa kroetoe wisrefi, Gado no ben sa kroetoe wi. .Siki .Skin-dede Les 1 Santa Jejej 2/5/2019

Soema tucht? Soema da kerki kan tuchtig? Da kerki abi frantwoortoe foe tuchtig iniwan bribiwan na ini da kerki disi abi disi fanowdoe, ma soso bribiwan. A no abi da autoriteit foe kroetoe soema disi no de bribiwan. Da frantwoortoe disi a abi gi dem lasiwan de foe sori dem da pasi foe kom na Jezus. Les 1 Santa Jejej 2/5/2019

Tucht Da reactie na tuchtiging: Fa wan soema moesoe reageer na so wan sani? .A kan veragti hem, efoe loekoe na hem leki wan soso sani, leki Esau ben doe nanga hem fosi geboorte leti: Heb. 12:5 En oen ben frigiti da vermane disi taki gi oen leki pikin taki: Mi manpikin, no veragti da strafoe foe Masra, efoe kom swaki te A vermane oen. .A kan flauw, ma dati a no moesoe doe: Heb. 12:5b efoe kom swaki te A vermane oen. Les 1 Santa Jejej 2/5/2019

Reactie na tucht A kan kenki doro hem: Heb. 12:10-11 10. Bikasi foe troe, dem ben strafoe wi foe wantoe dei nomo foe dem egi prisiri, ma A strafoe wi foe a sa de wan wini gi wi, dati wi ben sa kisi wan pisi foe Hem santa-fasi. 11. Now no wan strafoe de switi na da tem dati, ma a tjari sari kom; tokoe, moro lati a meki da vrede-froktoe foe gerechtigheid gi dem soema disi leri foe hem. A de wan belangrijk sani foe mi no doe sondoe, ma so srefi a de wan belangrijk sani te mi abi da juisti attitude te mi kisi strafoe foe mi ogridoe. Les 1 Santa Jejej 2/5/2019

Kerki oorlog Wi feanti de didibri: Efesi 6:10-18 10. Te foe kaba, mi brada, de tranga na ini Masra nanga da krakti foe Hem makti. 11. Weri da heri feti-krosi foe Gado, so dati oen kan tanapoe agensi dem triki foe didibri. 12. Bikasi wi no feti agensi skin nanga broedoe, ma agensi dem fesiman, agensi dem maktiwan, agensi dem hedeman foe doengroe foe disi grontapoe, agensi jeje takroedoe na ini hei presi. 13. Foe dat'ede, weri da heri fetisani foe Gado, so dati oen kan tanapoe agensi dem na ini da ogri dei, en di oen ben doe alasani, foe tanapoe ete. Les 1 Santa Jejej 2/5/2019

Kerki oorlog 14. Foe dat'ede tanapoe, en tai waarheid lontoe oen mindri, en weri gerechtigheid na tapoe oen borsoe; 15. En weri soesoe na oen foetoe foe tan faste foe tjari da boen njoensoe foe vrede. 16. Moro fara, weri da schild foe bribi; nanga dati oen kan kiri ala dem faja-peiri foe da ogriwan. 17. En weri da feti-hati foe verloesoe, nanga da howroe foe da Jeje, disi de da woortoe foe Gado. 18. Begi alatem nanga ala begi nanga djeme na ini da Jeje, en loekoe boen nanga ala pasensi nanga begi gi ala santawan; Les 1 Santa Jejej 2/5/2019

Dem feanti Dem fetiman foe hem: Efesi 6:12 Bikasi wi no feti agensi skin nanga broedoe, ma agensi dem fesiman, agensi dem maktiwan, agensi dem hedeman foe doengroe foe disi grontapoe, agensi jeje takroedoe na ini hei presi. .Fesiman - kande de general foe satan, disi abi makti abra heri natie (Dan. 10) .Maktiwan - kande disi taki foe dem moro lagi soldati disi libi na inisei foe libisoema: (Mt. 17; Mk. 5) .Hedeman foe doengroe foe disi grontapoe: Kande dem takroe jeje disi abi positie leki basi abra da wroko foe satan na ini grontapoe .Jeje-takroedoe na ini hei presi: kande dem takroe jeje disi tjari falsi leri na ini dem religie foe grontapoe Les 1 Santa Jejej 2/5/2019

Fa didibri wroko Efesi 6:11b dem triki foe didibri.. Da bigi Grieki leriman Kenneth Wuest skrifi na ini Ephesians and Colossians, bl. 141 taki “triki” de methodeia na ini da Grieki, disi taki foe “koni wroko, kori-fasi, triki...” A wani taki foe go doro efoe foe loekoe fin’fini nanga wan plan, foe seti trapoe, en foe kori. II Kor. 2:11 So dati didibri no sa wini wi, bikasi wi sabi hem triki. I Tim. 3:7 Moro fara, a moesoe abi wan boen nem na dem soema foe dorosei; so dati a no sa kisi wan pori nem en fadon na ini da trapoe foe didibri. Les 1 Santa Jejej 2/5/2019

Ala sortoe tesi… Efesi 6:16b ala dem faja-peiri foe da ogriwan Disi taki abra peiri disi dem dopoe na ini tara, en dem dem meki dem kisi faja fosi dem soetoe dem. I Pet. 1:7 Dem trobi tesi oen bribi, wan bribi disi de moro diri leki gowtoe disi sa pori gowe en disi faja sa tesi. Dem tesi sa tjari prisiri nanga bigi nem nanga glori te Jezus Kristus sa kom baka. I Pet. 4:12 Lobiwan, no denki dati a de wan vreemde sani te wan faja tesi sa kom tesi oen, leki wan aparti sani ben miti oen; Les 1 Santa Jejej 2/5/2019

Weri da heri fetisani foe Gado Efesi 6:11-17 11. Weri da heri feti-krosi foe Gado, so dati oen kan tanapoe agensi dem triki foe didibri. 12. Bikasi wi no feti agensi skin nanga broedoe, ma agensi dem fesiman, agensi dem maktiwan, agensi dem hedeman foe doengroe foe disi grontapoe, agensi jeje takroedoe na ini hei presi. 13. Foe dat'ede, weri da heri fetisani foe Gado, so dati oen kan tanapoe agensi dem na ini da ogri dei, en di oen ben doe alasani, foe tanapoe ete. 14. Foe dat'ede tanapoe, en tai waarheid lontoe oen mindri, en weri gerechtigheid na tapoe oen borsoe; 15. En weri soesoe na oen foetoe foe tan faste foe tjari da boen njoensoe foe vrede. 16. Moro fara, weri da schild foe bribi; nanga dati oen kan kiri ala dem faja-peiri foe da ogriwan. 17. En weri da feti-hati foe verloesoe, nanga da howroe foe da Jeje, disi de da woortoe foe Gado. Les 1 Santa Jejej 2/5/2019

Da leriboeba foe waarheid Tai waarheid lontoe oen mindri... da leriboeba foe waarheid: Expositor’s Commentary taki: Fosi na ini da lijst foe dem fetisani de da leriboeba. Disi de troe, bikasi da soldati kan abi ibri tra pisi foe dem feti-sani, ma sondro disi a no ben abi san a ben abi fanowdoe foe weri hem krosi na da juisti fasi. Da leri-boeba no ben de wan moimoi, ma wan belangrijk stuk foe hem feti-sani. A ben lontoe hem heup en a tai da kaba pisi foe da borswapoe, en moro lati, a ben steun da howroe toe. A ben hori ala dem tra pisi pe dem moesoe de so dati a kan waka en bewegi na wan fri fasi. Disi wani taki dati ibri bribiwan moesoe taki da waarheid. Les 1 Santa Jejej 2/5/2019

Da borswapoe foe gerechtigheid Da borsoe pantser (borswapoe) foe gerechtigheid: Disi taki abra dem juisti sani dati da Kristen doe. Disi kibri da hati foe da soldati. Te wan Kristen doe sani disi no de fiti, dan a no kan kibri hem hati moro, en a opo hem hati gi satan. Heb. 10:22 Meki wi kom krosibei nanga wan troe hati en foeroe dek'ati foe bribi, di wi hati ben nati foe poeroe wan takroe konsensi, en wi skin ben wasi nanga krin watra. Les 1 Santa Jejej 2/5/2019

Gerechtigheid – kande waarheid toe Heb. 13:9 No gi pasi na difrenti vreemde leri foe srepi oen go lontoe. Bikasi a de wan boen sani efoe da hati tan faste nanga gnade; no nanga njanjan, disi no ben meki dem soema disi ben wroko nanga dati feni wini. Jak. 1:26 Efoe iniwan soema na oen mindri loekoe leki a abi bribi, ma a no hori hem tongo, a kori hem egi hati, en da bribi foe da man disi de wan soso bribi. Jak. 4:8 Kom krosibei na Gado, en A sa kom krosibei na oen. Krini oen anoe, oen sondari, en krini oen hati, oen soema nanga toe prakseri. Les 1 Santa Jejej 2/5/2019

Soesoe Soesoe na oen foetoe foe tan faste foe tjari da boen njoensoe foe vrede. Dem Romeini soldati ben weri sandali disi dem ben tai nanga deki titei lontoe da enkel, en dem ben poti foeroe sjatoe spikri na ondrosei foe da sandali. Disi ben gi da soldati wan stampoe fasi foe tanapoe na ini wan feti. Kande disi taki fa wi kan abi dek’ati te wi sabi dem bigi waarheid foe da boen njoensoe: Efesi 4:14 Dan wi no sa de pikinnengre moro disi degedege, en disi ibri winti foe leri tjari lontoe, nanga da kori-fasi foe libisoema, nanga dem koni korifasi disi dem loeroe wi foe kori wi; I Pet. 3:15 Ma meki Masra Gado kom santa na ini oen hati, en tan klari alatem foe piki na wan boen fasi na ibri soema disi sa aksi oen abra da hopoe disi de na oen ini; piki nanga safri-fasi nanga frede. Les 1 Santa Jejej 2/5/2019

Waarheid… I Jn. 3:19-22 19. En disi de fa wi sabi dati wi de foe da waarheid, en fa wi kan abi wan kowroe hati na Hem fesi. 20. Bikasi efoe wi hati kroetoe wi, Gado de moro bigi leki wi hati, en A sabi alasani. 21. Lobiwan, efoe wi hati no kroetoe wi, dan wi abi kowroe hati na Gado fesi. 22. En alasani disi wi aksi, dati wi sa kisi foe Hem, bikasi wi hori Hem koman-deri, en wi doe dem sani disi de boen na ini Hem ai. Les 1 Santa Jejej 2/5/2019

Bribi & verloesoe Da schild foe bribi: K. Wuest skrifi (ibid. bl. 141) taki: Da woortoe foe schild disi de dja taki foe da schild foe dem foetoe soldati - wan bigi wan, ongeveer 4 foetoe langa nanga 2 ½ foetoe bradi, disi som leisi beni kom na inisei pikinso. Heb. 11 taki abra da feti-sani disi .Da helm foe verloesoe: Da helm kibri da hede nanga da hersen. Kande disi taki abra boen Bijbel leri, so dati wan soema ai no kan kom breni nanga hem jesi dofoe en hem hede broeja nanga da aanval foe da skin-natuur, grontapoe-fasi nanga didibri srefi. Les 1 Santa Jejej 2/5/2019

Da howroe foe da Jeje Da howroe foe da Jeje: Disi de da wan feti-sani disi de foe feti agensi trawan. Dem tra feti-sani de foe kibri joesrefi. Da howroe foe da Jeje de da woortoe foe Gado: Heb. 4:12 Bikasi da woortoe foe Gado de libi en tranga, en a de moro srapoe leki wan howroe disi srapoe na ala toe sei, en a kan prati da sieli nanga da jeje na mindri, en foe dem bonjo-skroefoe nanga da iniseimeti foe bonjo; en a sori krin dem prakseri nanga da wani foe da hati. Les 1 Santa Jejej 2/5/2019

Weri dem… Efesi 6:13 Foe dat'ede, weri da heri fetisani foe Gado, so dati oen kan tanapoe agensi dem na ini da ogri dei, en di oen ben doe alasani, foe tanapoe ete. Teki de da woortoe analambano, disi wani taki: “teki foe gebruiki”. Da woortoe de aortist imperative, disi wani taki dati a de wan opdrakti disi joe gi leki da basi foe dem soldati gi wan opdrakti, wan bevel disi joe moesoe doe, en joe moesoe doe hem wantemwantem. Les 1 Santa Jejej 2/5/2019

Weri… Disi wani taki dati da Kristen moesoe poti da heri feti-sani foe Gado na hem tapoe wan leisi en hori dem feti-sani na hem tapoe hem heri libi langa, en noiti a moesoe kom slap foe weri dem sani en dwingi hemsrefi. Da bigi historicus Gibbon ben taki dati di dem no ben dwingi dem soldati moro, en dem no ben oefen ala dei, dem ben kom lesi en swaki, en dem no ben man doe da dienst moro. Dem ben klagi dati dem feti-sani ben wegi toemoesi, en dem ben kisi pasi foe poti wan pisi foe hem na wan sei. Les 1 Santa Jejej 2/5/2019

Fa foe wini Wi moesoe tanapoe: Paulus taigi wi foe tanapoe fo leisi na ini dem versi. Noiti da Bijbel taigi wi foe val didibri aan, ma foe wi moesoe tanapoe agensi hem. I Pet. 5:8-9 8. Tan nanga krin ai nanga krin hede, bikasi oen feanti, didibri, de leki wan krasi leeuw disi waka lontoe foe soekoe soema a kan swari. 9. Oen moesoe tanapoe agensi hem na ini bribi, di oen sabi taki dem srefi pina miti dem tra bribi brada na ini grontapoe. Les 1 Santa Jejej 2/5/2019

Tanapoe Te wi kisi wan tesi foe doe wan ogri, wi moesoe lowe leki Jozef ben doe: Gen. 39:12 En a ben graboe hem nanga hem krosi, en a taki: Didon nanga mi; en Jozef ben libi hem krosi na ini hem anoe, en a ben lowe, komopo go na dorosei. Ma te didibri val wi aan foe doe leti, dan wi moesoe tanapoe leki dem 3 mati foe Daniel ben doe (Dan. 3). Soema taki dati leki vreemdelingen en wakaman wi waka, leki getuigi wi taki, leki sportman wi lon, ma leki fetiman wi tanapoe. Les 1 Santa Jejej 2/5/2019

Wini - begi Wi moesoe begi: Mt. 17:21 Ma da sortoe takroe jeje disi komopo nomo nanga begi nanga faste. I Tess. 5:17 Begi dorodoro Judas 20 Ma lobiwan, oen moesoe bouw oensrefi kom moro tranga na ini oen santa bribi, en begi na ini da Santa Jeje. Les 1 Santa Jejej 2/5/2019

Wi moesoe wakti: Mt. 24:43 Ma disi oen moesoe sabi: Efoe da goedoeman foe da oso ben sabi sortoe joeroe da foefoeroeman ben sa kom, a ben sa wakti hem, en a no ben sa gi hem pasi foe kom na ini, foefoeroe. Tori 20:31 Foe dat'ede wakti, en membre dati drie jari langa mi noiti ben tapoe foe waarskow ibriwan foe oen dei nanga neti nanga watra-ai. I Kor. 16:13 Loekoe boen; tan faste na ini bribi; sori oensrefi leki mansoema; de tranga. Les 1 Santa Jejej 2/5/2019

Wakti Lk. 12:37-40 37. Blesi foe dem dinari, disi dem masra sa feni de wakti hem te a de kom; foe troe, Mi taki gi oen taki: A sa weri hem leriboeba, en a sa meki dem go sidon foe njan, en a sa kom dini dem. 38. En efoe a sa kom na di foe toe wakti, efoe di foe drie wakti, en a sa feni dem so, blesi foe dem dinari disi. 39. En sabi disi, efoe da hedeman foe da oso ben sabi sortoe joeroe da foefoeroeman ben sa kom, a ben sa wakti, en a no ben sa gi hem pasi foe kom na ini hem oso. 40. Foe dat'ede, oen moe tan klari toe; bikasi Soemapikin sa kom na so wan joeroe disi oen no sa verwakti Hem. Les 1 Santa Jejej 2/5/2019

Wakti II Kor. 6:5 Na ini fonfon, te dem sroto wi na ini doengroe-oso, na ini oproeroe, na ini tranga wroko, na ini wakti, na ini faste; II Kor. 11:27 Nanga weri skin nanga skin-hati, nanga foeroe wakti; nanga angribere nanga dreiwatra; nanga foeroe faste; nanga kowroe sondro krosi. I Tess. 5:6 Foe dat'ede no meki wi sribi so leki trawan doe; ma meki wi loekoe boen en hori wisrefi. Les 1 Santa Jejej 2/5/2019

Wakti II Tim. 4:5 Ma joe moesoe loekoe boen na ini alasani; hori doro na ini pina; doe da wroko foe preiki da boen njoensoe; doe joe heri wroko fin'fini. I Pet. 4:7 Ma da kaba foe alasani de krosibei; foe dat'ede, hori oensrefi boen, en wakti nanga begi. Open. 3:2 Loekoe boen, en meki dem sani disi tan abra kom moro tranga, disi de klari foe dede; bikasi Mi no ben feni dati joe wroko de volmaakt na fesi foe Gado. Open. 16:15 Loekoe, Mi kom leki wan foefoeroeman. Blesi foe da soema disi de wakti, en disi hori hem krosi so dati a no sa waka nanga soso skin so dati dem sa si hem sjem. Les 1 Santa Jejej 2/5/2019

Wakti & begi Grontapoe: Mk. 13:33 Loekoe boen; wakti en begi, bikasi oen no sabi sortoe tem a sa de. .Wi skin-fasi: Mk. 14:38 Wakti en begi; noso oen sa fadon na ini tesi. Da jeje wani foe troe, ma da skin de swaki. .Didibri srefi: Efesi 6:18 Begi alatem nanga ala begi nanga djeme na ini da Jeje, en loekoe boen nanga ala pasensi nanga begi gi ala santawan; Les 1 Santa Jejej 2/5/2019

Bestemming foe da kerki Da bruidegom sa hari da kerki kom na loktoe na da opname foe da kerki: I Kor. 15:51-53 51. Loekoe, mi sori oen wan kibri-tori: Wi alamala no sa sribi, ma wi alamala sa kenki; 52. Na wan bro so, na da brinki foe wan ai, na da laasti trompeti; bikasi da trompeti sa bari, en dem dede soema sa opo baka sondro pori-fasi, en wi sa kenki. 53. Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. Les 1 Santa Jejej 2/5/2019

Opname foe da kerki I Tess. 4:15-17 15. Bikasi disi wi taki gi oen doro da woortoe foe Masra, dati wi disi de na libi ete en tan dja te leki Masra sa kom baka no sa wini dem soema disi ben go sribi kaba. 16. Bikasi Masra srefi sa saka komopo foe hemel nanga wan bari, en nanga da stem foe da gran engel, en nanga da trompeti foe Gado, en dem soema disi ben dede na ini Kristus kaba sa opo baka fosi; 17. Dan wi disi tan na libi na grontapoe ete, A sa kisi hari go na loktoe nanga dem na ini dem wolkoe, foe miti Masra na ini da loktoe, en so wi sa de nanga Masra foe teego. Les 1 Santa Jejej 2/5/2019

Baka disi, wi no si da kerki te leki Openbaring 19 Open. 4:1 Baka disi, mi ben loekoe, en loekoe, wan doro ben opo go na ini hemel, en da fosi stem disi mi ben jere ben gersi wan trompeti disi ben taki nanga mi, disi ben taki: Kom dja na loktoe, en mi sa sori joe sani disi moesoe pasa na dem dei na wi fesi. Les 1 Santa Jejej 2/5/2019

Da bema stoeroe foe Kristus Jezus Kristus sa ondrosoekoe en gi beloning na da kroetoe-stoeroe (bema) foe Kristus: Rom. 14:10-12 10. Ma foe san'ede joe kroetoe joe brada? En foe san'ede joe loekoe na joe brada leki a de lagi? Bikasi wi alamala sa tanapoe na fesi foe da kroetoe-stoeroe foe Kristus.11. Bikasi a de skrifi taki: So leki Mi de libi: so Masra de taki: Ibri kindi sa boigi gi Mi, en ibri tongo sa bekenti na Gado.12. We dan, ibriwan foe wi moesoe taki foe hemsrefi na fesi foe Gado. Les 1 Santa Jejej 2/5/2019

Da kroetoe-stoeroe foe Kristus I Kor. 3:11-15 11. Bikasi no wan soema kan seti wan tra fondamenti boiti da wan disi ben seti kaba, disi de Jezus Kristus. 12. Now efoe iniwan soema bouw na tapoe da fondamenti disi nanga gowtoe, sorfoe, diri ston, oedoe, drei grasi, efoe aleisi boeba; 13. Ibriwan soema wroko sa kom na krin, bikasi da dei sa sori dati; bikasi da faja sa sori hem, bikasi a sa kom na krin nanga faja; en da faja sa tesi ibri soema wroko, foe si sortoe wroko a de… Les 1 Santa Jejej 2/5/2019

Da kroetoe-stoeroe foe Kristus 14. Efoe iniwan soema wroko sa tan disi a ben bouw na tapoe, dan a sa kisi hem paiman. 15. Ma efoe iniwan soema wroko sa bron, dan a sa lasi dati, ma hemsrefi sa feni verloesoe, tokoe so leki doro faja. II Kor. 5:10 Bikasi wi alamala moesoe kom na fesi foe da kroetoe-stoeroe foe Kristus, foe ibri soema sa kisi dem sani disi a ben doe na ini hem skin, so leki a ben doe, efoe boen, efoe ogri. Les 1 Santa Jejej 2/5/2019

Da trow-oso foe da Lam Da kerki sa kom na wan nanga Kristus na da trow-oso foe da Lam: II Kor. 11:2 Bikasi mi djaroesoe foe oen nanga wan djaroesoe foe Gado; bikasi mi ben gi oen foe trow nanga wan masra, dati mi kan gi oen leki wan krin wendje na Kristus. Open. 19:7-8 7. Meki wi prisiri en breiti, en gi Hem bigi nem; bikasi da trow foe da Lam doro kaba, en Hem wefi ben meki hemsrefi klari. 8. En a ben kisi pasi foe weri fini linnen, krin en weti; bikasi da fini linnen de da gerechtigheid foe dem santawan. Les 1 Santa Jejej 2/5/2019

Da trow-oso foe da Lam Da kerki sa sidon nanga Kristus na da trow-oso foe da Lam: Open. 19:9 En a ben taki gi mi taki: Skrifi taki: Blesi foe dem soema disi dem kari foe kom na da trow-oso foe da Lam. En a ben taki gi mi taki: Disi de dem troe taki foe Gado. Les 1 Santa Jejej 2/5/2019

Da kerki na ini da millenium Da kerki sa de basi nanga Kristus na ini da millenium Open. 1:6 En A ben meki wi tron kownoe nanga priester gi Gado nanga Hem Tata; Hem moesoe abi glori nanga makti foe teego. Amen. Open. 3:21 Mi sa gi pasi na da soema disi wini foe sidon nanga Mi na Mi kownoe-stoeroe, so leki Mi ben wini toe, en Mi sidon nanga Mi Tata na Hem kownoe-stoeroe. Open. 20:6 Da soema disi abi wan pisi foe da fosi opo baka de blesi en santa; da di foe toe dede no abi makti na dem tapoe, ma dem sa de priester foe Gado en foe Kristus, en dem sa de kownoe nanga Hem wan doesoen jari langa. Les 1 Santa Jejej 2/5/2019

Da njoen Jerusalem Dem sa de nanga Kristus foe teego na ini da Njoen Jerusalem: Open. 21:1-2 1. En mi ben si wan njoen hemel nanga wan njoen grontapoe; bikasi da fosi hemel nanga da fosi grontapoe ben pasa kaba; en no wan zee ben de moro. 2. En mi, Johannes, ben si da santa foto, da njoen Jerusalem, saka kom na ondro foe Gado komopo foe hemel, disi ben meki klari leki wan bruid disi dem ben meki moi gi hem masra. Si moro fara Open. 21:9-27 Les 1 Santa Jejej 2/5/2019

Foe teego nanga Kristus Da kerki sa sori da glori foe Kristus foe teego: Efesi 1:6 Prijse da glori foe Hem gnade, di A ben teki wi na ini da Lobiwan. Efesi 1:12 So dati wi sa de foe da prijse foe Hem glori, wi disi fosi ben bribi na ini Kristus. Efesi 3:10 So dati now doro da kerki dem maktiwan nanga dem kraktiwan na ini dem hemel presi sa kom sabi da bigi koni foe Gado. Les 1 Santa Jejej 2/5/2019