Doctrine II – Les 01 Da Santa Jeje I Bijbel Baptist Kerk Les Doctrine II – Les 01 Da Santa Jeje I Robert D. Patton Da Froktoe foe da Jeje: Lobi 1/17/2019

Da Santa Jeje de wan persoon A no de wan sani A de wan soema Da Leri foe da Santa Jeje

Da Santa Jeje abi prakseri Rom. 8:27 En Hem disi ondrosoekoe da hati sabi san disi de na ini da prakseri foe da Jeje, bikasi A begi gi dem santawan nanga da wani foe Gado. Da Leri foe da Santa Jeje

A abi wan prakseri Kor. 2:10 Ma Gado ben sori dem na wi nanga Hem Jeje, bikasi da Jeje soekoe alasani, ja, dem dipi sani foe Gado Da Leri foe da Santa Jeje

Da Santa Jeje abi wan wani I Kor. 12:11 Ma da srefi Jeje wroko doro ala dem presenti disi, en A de gi dem presenti na ibri soema leki fa Hem wani. Da Leri foe da Santa Jeje

Da Santa Jeje tapoe soema Tori 16:6-7 6. Now di dem ben waka go pasa Frigia nanga da kondre foe Galatië, da Santa Jeje ben tapoe dem foe go preiki da woortoe na ini Asia. 7. Baka di dem ben kom na Mysië, dem ben wani waka go na Bitynië, ma da Jeje no ben gi dem pasi. Da Leri foe da Santa Jeje

Da Santa Jeje taki nanga soema Tori 8:29 Dan da Jeje ben taki gi Filippus taki: Go krosibei, waka na sei foe da asiwagi disi. Tori 10:19 Di Petrus ben denki abra da visioen, da Jeje ben taki gi hem taki: Loekoe, drie mansoema de soekoe joe. Tori 13:2 Di dem ben dini Masra en faste, da Santa Jeje ben taki: Seti Barnabas nanga Saulus aparti foe da wroko disi Mi kari dem foe doe. Open. 2:7. Da soema disi abi jesi foe jere, meki hem jere san da Jeje de taki gi dem kerki… Da Leri foe da Santa Jeje

Da Santa Jeje lobi Romeini 15:30 Now mi begi oen, mi brada, foe Masra Jezus Kristus ede, en foe da lobi foe da Santa Jeje ede, dati oen haswa makandra nanga mi na ini oen begi na Gado foe mi ede; Da Leri foe da Santa Jeje

Da Santa Jeje kan firi sari Efesi 4:30 En no meki sari kisi da Santa Jeje foe Gado, disi de da marki disi ben stampoe oen te leki da dei Gado sa bai oen baka. Da Leri foe da Santa Jeje

Da Santa Jeje begi gi wi Romeini 8:26 So srefi, da Jeje jepi wi swaki fasi toe; bikasi wi no sabi fa wi moesoe begi leki fa a de fiti; ma da Jeje Hemsrefi de begi gi wi nanga djeme disi oen no man taki. Da Leri foe da Santa Jeje

Da Santa Jeje de Gado A de na ala presi: Ps. 139:7 Pe mi sa go komopo foe Joe jeje? Efoe pe mi sa lon go kibri foe Joe fesi? Da Leri foe da Santa Jeje

Da Santa Jeje leki Gado sabi alasani I Kor. 2:10-11 10. Ma Gado ben sori dem na wi nanga Hem Jeje, bikasi da Jeje soekoe alasani, ja, dem dipi sani foe Gado. 11. Bikasi soema sabi dem sani foe wan libisoema, boiti da jeje foe da soema disi de na hem ini? So srefi, no wan libisoema sabi dem sani foe Gado, boiti da Jeje foe Gado. Da Leri foe da Santa Jeje

Da Santa Jeje ben abi wan pisi foe da schepping Gen. 1:2 Grontapoe no ben abi wan fasi, en a ben legi; en doengroe ben de na tapoe dem dipi presi. En da Jeje foe Gado ben bewegi na tapoe da fesi foe dem watra. Da Leri foe da Santa Jeje

Leki Gado, da Santa Jeje de foe teego Heb. 9:14 Hoe moro da broedoe foe Kristus, di A ben gi Hemsrefi sondro sondoe na Gado doro da Jeje foe teego, sa krin oen konsensi foe dem dede wroko foe dini da libilibi Gado? Da Leri foe da Santa Jeje

Petrus sori dati da Santa Jeje de Gado Tori 5:3-4 3. Ma Petrus ben taki: Ananias, foe san'ede Satan ben foeroe joe hati foe lei gi da Santa Jeje, en foe hori baka wan pisi foe da moni foe da gron? 4. Di a ben de nanga joe, a no ben de foe joe? En baka da tem joe ben seri hem, a no ben de na ini joe egi krakti? Foe san'ede joe ben prakseri na ini joe hati foe doe da sortoe sani disi? Joe no ben lei gi libisoema, ma gi Gado. Da Leri foe da Santa Jeje

Da Santa Jeje ben de di Jezus ben dopoe Mt. 3:16-17 16. Dan di Jezus ben dopoe kaba, A ben komopo foe da watra, en loekoe, hemel ben kom opo na Hem tapoe, en A ben si da Jeje foe Gado ben saka kom na ondro leki wan doifi, en A ben tan na Hem tapoe; 17. En loekoe, wan stem komopo foe hemel disi ben taki: Disi de Mi lobi Manpikin; nanga Hem Mi abi bigi prisiri. Da Leri foe da Santa Jeje

Da Santa Jeje ben tjari Jezus go na ini da woestijn Mt. 4:1 Dan da Santa Jeje ben tjari Jezus go na ini da woestijn foe didibri moesoe tesi Hem. Da Leri foe da Santa Jeje

Da Santa Jeje ben troostoe leki Jezus Jn. 14:16 En Mi sa begi da Tata, en A sa gi oen wan tra Troostoeman, so dati A sa tan nanga oen foe teego. (N.B. - tra = allos, wan tra wan foe da srefi sortoe) Jn. 14:26 Ma da Troostoeman, disi de da Santa Jeje, disi da Tata sa seni kom na ini Mi nem, A sa leri oen alasani, en A sa tjari alasani kom baka foe oen sa membre dem, ala dem sani disi Mi ben taki gi oen. Da Leri foe da Santa Jeje

Paulus poti 3 op een lijn II Kor. 13:13 Da gnade foe Masra Jezus Kristus, nanga da lobi foe Gado, nanga da gemeenschap foe da Santa Jeje de nanga oen alamala. Amen. Da Leri foe da Santa Jeje

Petrus poti dem op een lijn toe I Petrus 1:2 Dem soema disi Gado da Tata ben verkisi nanga Hem sabi fosi alasani ben de; dem disi da Santa Jeje ben meki kom santa; dem disi gi jesi en da broedoe foe Jezus Kristus ben trowe panja na dem tapoe: Foeroe gnade nanga vrede moesoe de gi oen. Da Leri foe da Santa Jeje

Jezus poti dem op een lijn Mt. 28:19-20 19. Foe dat'ede, go leri ala dem natie, en dopoe dem na ini da nem foe da Tata, en foe da Pikin, en foe da Santa Jeje; Da Leri foe da Santa Jeje

Dem nem foe da Santa Jeje Da Jeje foe Gado: I Kor. 3:16 Oen no sabi dati oen de da tempel foe Gado, en dati da Jeje foe Gado de libi na oen ini? Da Jeje foe Kristus: Romeini 8:9 Ma oen no de na ini da skin-fasi, ma na ini da Jeje-fasi, efoe da Jeje foe Gado de libi na oen ini. Now efoe iniwan soema no abi da Jeje foe Kristus, a no de foe Hem. Da Leri foe da Santa Jeje

Dem nem foe da Santa Jeje Da Jeje foe teego: Heb. 9:14 Hoe moro da broedoe foe Kristus, di A ben gi Hemsrefi sondro sondoe na Gado doro da Jeje foe teego, sa krin oen konsensi foe dem dede wroko foe dini da libilibi Gado? .Da Jeje foe waarheid: Jn. 16:13 Tokoe, te Hem, da Jeje foe waarheid sa kom, A sa tiri oen na ini ala waarheid; bikasi A no sa taki abra Hemsrefi, ma alasani disi A sa jere, dati A sa taki; en A sa sori oen sani disi sa kom pasa. Da Leri foe da Santa Jeje

Dem nem foe da Santa Jeje Da Jeje foe gnade: Heb. 10:29 Dan hoe moro ogri strafoe oen denki de fiti gi da soema disi ben trapoe da Manpikin foe Gado na ondro foetoe, en disi ben loekoe na da broedoe foe da akkorderi disi ben meki hem kom santa leki wan soso sani, en disi ben veragti da Jeje foe gnade? .Da Jeje foe glori: I Petrus 4:14 Prisiri foe dati, efoe dem veragti oen bikasi foe da nem foe Kristus ede, dan oen kisi blesi, bikasi da Jeje foe glori nanga Gado de na oen tapoe; foe dem soema taki ogri foe Hem, ma oen gi Hem glori Da Leri foe da Santa Jeje

Dem nem foe da Santa Jeje Da Jeje foe libi: Romeini 8:2 Bikasi da wet foe da Jeje foe libi na ini Kristus Jezus ben meki mi kom fri foe da wet foe sondoe nanga dede. .Da Jeje foe sabi: Efesi 1:17 Foe da Gado foe wi Masra Jezus Kristus, da Tata foe glori, moesoe gi oen da jeje foe sabi, foe kom sabi Hem boen; Da Leri foe da Santa Jeje

Dem nem foe da Santa Jeje Da troostoeman: Jn. 14:26 Ma da Troostoeman, disi de da Santa Jeje, disi da Tata sa seni kom na ini Mi nem, A sa leri oen alasani, en A sa tjari alasani kom baka foe oen sa membre dem, ala dem sani disi Mi ben taki gi oen. .Da Jeje foe pramisi (pramisi foe da Tata): Tori 1:4-5 4. En di dem ben kom makandra, A ben komanderi dem dati dem no ben moesoe gowe libi Jerusalem, ma dem moesoe wakti foe da pramisi foe da Tata, disi A ben taki: Oen ben jere foe Mi. 5. Foe troe, Johannes ben dopoe nanga watra, ma oen sa kisi dopoe nanga da Santa Jeje na wantoe dei na fesi. Da Leri foe da Santa Jeje

Dem nem foe da Santa Jeje Da Jeje foe tron Hem pikin: Rom. 8:15 Bikasi oen no ben kisi da jeje foe katibo agen foe meki oen frede; ma oen ben kisi da Jeje foe tron Hem pikin; en nanga dati wi bari taki: Abba, Tata! .Da Jeje foe bribi: II Kor. 4:13 Wi abi da srefi Jeje foe bribi, so leki a de skrifi taki: Mi ben bribi, en foe dat'ede mi ben taki; wi bribi toe, en foe dat'ede wi taki; Da Leri foe da Santa Jeje

Dem symbool foe da Santa Jeje Da doifi: disi taki foe krin-fasi, vrede nanga respeki-fasi Jn. 1:32 En Johannes ben getuigi taki: Mi ben si da Jeje saka komopo foe hemel leki wan doifi, en a ben kom tan na Hem tapoe. Da Leri foe da Santa Jeje

Dem symbool foe da Santa Jeje Watra Jes. 44:3 Bikasi MI sa trowe watra na tapoe hem disi abi dreiwatra, nanga floedoe na tapoe da drei gron; Mi sa kanti Mi Jeje na tapoe joe siri, nanga Mi blesi na tapoe joe bakatem pikin. Jn. 7:37-39 37. Na da laasti dei, da bigi dei foe da fesa, Jezus ben tanapoe en A ben bari taki: Efoe iniwan soema abi dreiwatra, meki hem kom na Mi en dringi. 38. Da soema disi bribi na Mi, so leki da Boekoe de taki: Liba foe libi watra sa lon komopo foe hem bere. 39. (Ma disi A ben taki foe da Jeje, disi dem disi de bribi na Hem sa kisi; bikasi da Santa Jeje no ben kom ete, foe di Jezus no ben kisi Hem glori ete.) Da Leri foe da Santa Jeje

Dem symbool foe da Santa Jeje Olie: taki abra leti, genezing, en salfoe foe dienst: Lk. 4:18 Da Jeje foe Masra de na mi tapoe, bikasi a ben salfoe mi foe preiki da boen njoensoe gi dem poti soema, en foe meki dem sari-hati soema kom boen baka, en foe preiki da verloesoe gi dem slafoe, foe meki dem breni wan kom si, foe meki dem soema disi ben sroto go fri, Tori 10:38 Fa Gado ben salfoe Jezus foe Nazaret nanga da Santa Jeje en nanga krakti; disi ben go lontoe foe doe boen wroko, en A ben meki ala dem soema disi didibri ben kwinsi kom boen baka; bikasi Gado ben de nanga Hem. I Jn. 2:20 Ma oen abi wan salfoe foe da Santa Wan, en oen sabi alasani. Da Leri foe da Santa Jeje

Dem symbool foe da Santa Jeje Wan stampoe: Disi taki abra soema abi wan sani, efoe wan sani bai kaba, efoe foe sabi disi de foe wan soema, efoe a de troe, en a abi waarti, en foe sori autoriteit: Efesi 1:13 Oen ben bribi na Hem tapoe toe, di oen ben jere da woortoe foe waarheid toe, da boen njoensoe foe oen verloesoe; en di oen ben bribi kaba, A ben stampoe oen toe nanga da Santa Jeje foe pramisi dati, Efesi 4:30 En no meki sari kisi da Santa Jeje foe Gado, disi de da marki disi ben stampoe oen te leki da dei Gado sa bai oen baka. II Kor. 1:22 En so srefi A ben stampoe wi en gi wi da panti foe da Jeje na ini wi hati. Da Leri foe da Santa Jeje

Voorbeeld foe stampoe Da kownoe ben stampoe da leeuw-olo foe Daniel di dem ben fringi hem go drape Haman ben teki da stampoe foe da kownoe di a ben proberi foe kiri dem Djoe. Moro lati, Mordekai ben kisi da stampoe Pilatus ben stampoe da grebi foe Jezus Da pikin boekoe ben stampoe 7 leisi… Da Leri foe da Santa Jeje

Dem symbool foe da Santa Jeje Winti: A sori krakti disi joe no man si: Jn. 3:8 Da winti de wai go pe a wani, en joe kan jere da bari foe hem, ma joe no sabi pe a komopo efoe pe a sa go; so a de toe nanga ibri soema disi gebore foe da Jeje. Tori 2:1-2 1. En di da dei foe Pinkster ben doro, dem alamala ben de nanga wan hati na ini wan presi. 2. En wantem wan bari ben komopo foe hemel leki wan tranga winti, en a ben foeroe da heri oso pe dem ben sidon. Da Leri foe da Santa Jeje

Dem symbool foe da Santa Jeje Faja: Disi wani sori dati MASRA de, foe A keur hem goed, efoe a de kibri, efoe a meki kom krin, efoe a kroetoe: .Da aanwezigheid foe MASRA. Exodus 3:2 En da Engel foe Masra ben sori Hemsrefi gi hem leki wan faja na mindri foe wan brantimaka; en a ben loekoe, en loekoe, da brantimaka ben kisi faja, ma a no ben bron. Da Leri foe da Santa Jeje

Faja – symbool foe da Santa Jeje .Masra feni wan sani boen: Leviticus 9:24 En wan faja ben komopo foe hemel na fesi foe MASRA, en a bron da bron-ofrandi nanga da fatoe disi ben de na tapoe da altari; di da heri pipel ben si disi, dem alamala ben bari en fadon tapoe dem fesi. .MASRA kibri: Exodus 13:21 En MASRA ben go na dem fesi na ini wan pilari foe wolkoe na deitem foe sori dem da pasi, en na ini wan pilari foe faja na neti foe gi dem leti, foe waka go dei nanga neti. Da Leri foe da Santa Jeje

Faja – symbool foe da Santa Jeje Masra meki sani kom krin: Jes. 6:1-8 (krofaja ben krini da mofo foe da profeti) .Da presenti foe MASRA: Tori 2:3 En wan sani ben sori hemsrefi na dem disi ben gersi priti faja-tongo, en a ben sidon na ibriwan foe dem tapoe. .Da kroetoe foe MASRA: Heb. 12:29 Wi Gado de wan faja disi bron alasani… Da Leri foe da Santa Jeje

Dem symbool foe da Santa Jeje II Kor. 1:22 En so srefi A ben stampoe wi en gi wi da panti foe da Jeje na ini wi hati. II Kor. 5:5 Now da Soema disi ben meki wi klari foe kisi da sani disi de Gado srefi, disi ben gi wi da Jeje leki wan panti toe. Efesi 1:14 Disi de da panti foe wi erfenis te leki A sa bai baka san A ben bai gi Hemsrefi, foe da prijse foe Hem glori. Da Leri foe da Santa Jeje

Dem wroko foe da Santa Jeje Da Schepping Ps. 104:30 Joe seni Joe jeje go na fesi en Joe meki dem; en Joe meki da fesi foe grontapoe kom njoen baka. Job 26:13 Doro Hem Jeje, A ben meki dem hemel moi; Hem anoe ben meki da kronkron sneki. Da Leri foe da Santa Jeje

Dem wroko foe da Santa Jeje Job 33:4 Da Jeje foe Gado ben meki mi, en da blo foe da Almakti Wan ben gi mi libi. Gen. 1:2 Grontapoe no ben abi wan fasi, en a ben legi; en doengroe ben de na tapoe dem dipi presi. En da Jeje foe Gado ben bewegi na tapoe da fesi foe dem watra. Dem ben taki dati da Hebreewse woortoe “bewegi:” taki abra da fasi wan doifi bewegi saf’safri abra dem eksi na ini hem nesi foe hori dem waran te leki dem pikin komopo. Da Leri foe da Santa Jeje

Da Santa Jeje de da auteur foe da Bijbel Openbaring: Da Santa Jeje ben taki doro 40 libisoema foe da Bijbel foe gi dem da boskopoe dati dem moesoe gi wi. Inspiratie: Da Santa Jeje ben tiri dem 40 skrifiman foe skrifi precis da boskopoe sondro foe foutoe Illuminatie: Da Santa Jeje wroko doro da Woortoe efoe a de skrifi efoe a preiki foe opo da prakseri foe dem soema disi jere hem. Da Leri foe da Santa Jeje

Da Santa Jeje – auteur foe O.T. David: II Sam. 23:2 Da Jeje foe MASRA ben taki dori mi, en Hem woortoe ben de na mi tongo. Jesaja: Jes. 59:21 En foe Mi, disi de Mi akkorderi nanga dem: so MASRA de taki. Mi Jeje disi de na joe tapoe, en Mi woortoe disi Mi ben poti na ini joe mofo no sa komopo foe joe mofo, efoe foe da mofo foe joe bakatem pikin, efoe foe da mofo foe dem pikin foe teego: so MASRA de taki. Da Leri foe da Santa Jeje

Da Santa Jeje – auteur foe da N.T. Jezus: Jn. 14:25-26 25. Dem sani disi Mi ben taki gi oen, di Mi de nanga oen ete. 26. Ma da Troostoeman, disi de da Santa Jeje, disi da Tata sa seni kom na ini Mi nem, A sa leri oen alasani, en A sa tjari alasani kom baka foe oen sa membre dem, ala dem sani disi Mi ben taki gi oen. Da Leri foe da Santa Jeje

Da Santa Jeje – auteur foe da N.T. I Kor. 2:13 Efoe wan soema denki taki a de wan profeti efoe wan jeje-soema, meki hem taki dati da sani disi mi skrifi gi oen de dem komanderi foe Masra. I Tess. 4:15 Bikasi disi wi taki gi oen doro da woortoe foe Masra, dati wi disi de na libi ete en tan dja te leki Masra sa kom baka no sa wini dem soema disi ben go sribi kaba. Da Leri foe da Santa Jeje

Da Santa Jeje – auteur foe da N.T. II Petrus 1:20. Disi oen moesoe sabi fosi: No wan profeti-taki na ini da Santa Boekoe de komopo foe wan leri disi de aparti gi hemsrefi; 21. Bikasi dem profeti-tori foe fositem no ben kom nanga da wani foe libisoema, ma dem santa mansoema foe Gado ben taki so leki da Santa Jeje ben meki dem taki. Da Leri foe da Santa Jeje

Da Santa Jeje – auteur foe N.T. Open. 1:10-11 10. Mi ben de na ini da Jeje na da dei foe Masra, en na mi baka, mi ben jere wan bigi stem leki wan trompeti taki: 11. Mi de da Alfa nanga da Omega, da fosiwan nanga da laastiwan, en: San joe de si, skrifi dati na ini wan boekoe, en seni hem go na dem sebi kerki disi de na ini Asia-kondre: gi Efeze nanga Smyrna nanga Pergamum nanga Tyatira nanga Sardes nanga Filadelfia nanga Laodicea. Open. 2:7 Da soema disi abi jesi foe jere, meki hem jere san da Jeje de taki gi dem kerki, taki: Na da soema disi wini, Mi sa gi hem pasi foe njan foe da bon foe libi disi de na mindri foe da paradijs foe Gado. Da Leri foe da Santa Jeje

Da Santa Jeje salfoe soema na ini da O.T. Jozef: Gen. 41:38 En Farao ben taki gi hem dinari taki: Wi kan feni wan soema disi de leki da man disi, wan man disi abi da Jeje foe Gado? Mozes: Num. 11:17 En Mi sa saka kom na ondro en taki nanga joe drape; en Mi sa teki foe da jeje disi de na joe tapoe, en Mi sa poti hem na dem tapoe; en dem sa tjari da hebi foe da pipel makandra nanga joe, so dati joe no sa abi foe tjari hem joe wawan. Da Leri foe da Santa Jeje

Da Santa Jeje salfoe soema na ini da O.T. Jozua: Num. 27:18 En MASRA ben taki gi Mozes taki: Teki Jozua, da manpikin foe Nun, wan man disi de foeroe nanga da Jeje, en poti joe anoe na hem tapoe; Otniel: Richteren 3:10 En da Jeje foe MASRA ben kom na hem tapoe, en a ben kroetoe Israël, en a ben go na feti; en MASRA ben gi Kusan-Risataïm, da kownoe foe Mesopotamië na ini hem anoe; en hem anoe ben wini Kusan-Risataïm. Da Leri foe da Santa Jeje

Da Santa Jeje salfoe… Gideon: Richteren 6:34 Ma da Jeje foe MASRA ben kom na tapoe Gideon, en a ben blo wan trompeti, en dem Abiëzriet soema ben kom makandra na hem. .Jefta: Richteren 11:29 Dan da Jeje foe MASRA ben fadon na tapoe Jefta, en a ben waka go doro Gilead nanga Manasse, en a ben waka pasa Mispa na ini Gilead, en di a komopo foe Mispa na ini Gilead, a ben waka go na dem Ammoniet soema. Da Leri foe da Santa Jeje

Da Santa Jeje nanga Simson Richteren 14:6 En da Jeje foe MASRA ben kom tranga na hem tapoe, en a ben priti da leeuw leki joe kan priti wan pikin krabita, sondro foe a ben abi wan sani na ini hem anoe. Ma a no ben taigi hem tata efoe hem mama san a ben doe. Richteren 14:19 En da Jeje foe MASRA ben kom na hem tapoe, en a ben waka go na Askelon, en a ben naki drie tenti man kiri drape, en a ben teki dem krosi gi dem soema disi ben poeroe da rai tori. En a ben abi bigi hatibron, en a ben go baka na hem tata oso Da Leri foe da Santa Jeje

Da Santa Jeje nanga Simson Richteren 15:14-15 14. Di a ben kom na Lechi, dem Filistijn soema ben bari agensi hem; dan da Jeje foe MASRA ben kom tranga na hem tapoe, en dem titei disi ben de na hem anoe ben kom leki drei titei disi ben bron nanga faja kaba, en dem banti ben loesoe komopo foe hem anoe. 15. En a feni wan njoen kaak-bonjo foe wan boeriki, en a ben langa hem anoe teki hem, en nanga dati a ben naki wan doesoen man kiri. Da Leri foe da Santa Jeje

Da Santa Jeje nanga Saul .Di Samuel ben salfoe hem leki kownoe: I Sam. 10:10 En di dem ben kom na da bergi, loekoe, wan groepoe profeti ben kom miti hem, en da Jeje foe Gado ben kom na hem tapoe, en a ben taki profeti-tori na dem mindri. .Fosi a ben wini na Jabes-Gilead: I Sam. 11:6 En da Jeje foe Gado ben kom na tapoe Saul di a ben jere da boskopoe dati, en a ben kisi bigi hatibron. Da Leri foe da Santa Jeje

Da Santa Jeje nanga David I Sam. 16:13 Dan Samuel ben teki da toetoe foeroe nanga olie, en a ben salfoe hem na mindri foe dem brada foe hem, en bigin foe da dei dati, da jeje foe MASRA ben kom na tapoe David. So Samuel ben opo, waka go na Rama. Da Leri foe da Santa Jeje

Da Santa Jeje nanga Elia: I Kon. 18:12 En a sa pasa so dati, so esi leki mi ben gowe foe joe, dan da Jeje foe MASRA sa tjari joe go na wan presi disi mi no sabi; en so te mi kom taigi Achab, en a no man feni joe, a sa kiri mi; ma mi, joe dinari, ben frede MASRA sinsi mi pikinnengre-tem. II Kon. 2:16 En dem ben taki gi hem taki: Loekoe now, feifi tenti tranga mansoema de nanga joe dinari; wi begi joe, gi dem pasi foe go soekoe joe masra; kande da Jeje foe MASRA ben opo hem go na loktoe, en A ben fringi hem na tapoe wan bergi, efoe na ini wan lagi presi. En a ben taki: Oen no sa seni dem go. Da Leri foe da Santa Jeje

Da Santa Jeje nanga Elisa: II Kon. 2:15 En di dem manpikin foe dem profeti disi ben loekoe na Jericho ben si hem, dem ben taki: Da jeje foe Elia ben fadon na tapoe Elisa. En dem ben kom miti hem, en dem ben boigi demsrefi na gron na hem fesi. .Ezekiel: Ezek. 2:2 En da Jeje ben kom na mi ini di A ben taki nanga mi, en A ben seti mi na tapoe mi foetoe, so dati mi ben jere Hem disi ben taki nanga mi. Da Leri foe da Santa Jeje

Da Santa Jeje nanga Daniel: Nebuchadnessar taki so: Dan. 4:9 O Beltesassar, masra foe dem tovroeman, bikasi mi sabi dati da jeje foe dem santa gado de na joe ini, taigi mi foe dem visioen foe mi dren disi mi ben si, en san a wani taki. Da mama foe Belsassar taki so: Dan. 5:11 Wan man de na ini joe kownoekondre, en da jeje foe dem santa gado de na hem ini; en na ini dem dei foe joe tata, dem ben feni leti nanga froestan nanga sabi na hem ini so leki da sabi foe dem gado; da kownoe Nebukadnessar, joe tata, da kownoe, mi taki, joe tata ben meki hem tron masra abra dem tovroeman nanga dem soema disi de loekoe na dem stari nanga dem Chaldeeër soema nanga dem loekoeman; Da Leri foe da Santa Jeje

Da Santa Jeje nanga Daniel Kownoe Darius: Dan. 6:4 Dan Daniël ben sori hemsrefi moro boen leki dem granman nanga dem fesiman, bikasi a ben abi wan toemoesi boen en koni jeje na hem ini; en da kownoe ben prakseri foe seti hem leki basi abra da heri kownoekondre. Da Leri foe da Santa Jeje

Da Santa Jeje nanga Micha: Micha 3:8 Ma foe troe, mi de foeroe foe krakti nanga da Jeje foe MASRA, nanga kroetoe nanga makti foe taki gi Jakob abra hem sondoe, nanga Israël abra hem takroedoe. .Da profeti Azarja: II Kron. 15:1 En da Jeje foe Gado ben kom na tapoe Azarja, da manpikin foe Oded; Da Leri foe da Santa Jeje

Da Santa Jeje nanga Zacharia da hogepriester: II Kron. 24:20 En da Jeje foe Gado ben kom tapoe Zekarja, da manpikin foe da hogepriester Jojada disi ben tanapoe na fesi da pipel, en a ben taki gi dem taki: So MASRA de taki: Foe san'ede oen doe sondoe agensi dem komanderi foe MASRA, foe oen no kan feni boen? Bikasi oen ben libi MASRA, A ben libi oen toe. A ben kom na tapoe dem gransoema foe Israel: Num. 11:25 En MASRA ben saka kom na ondro na in wan wolkoe, en A ben taki gi hem, en A ben teki foe da Jeje disi ben de na Mozes tapoe, gi hem na dem sebi tenti gransoema, sa so dati di da Jeje ben kom na dem tapoe, dem ben taki profeti-tori sondro foe tapoe. Da Leri foe da Santa Jeje

Da wolkoe – waarschijnlijk da Santa Jeje A ben kom tapoe da tabernakel foe Israel: Exodus 40:34 Dan wan wolkoe ben tapoe da tenti foe komakandra, en da glori foe MASRA ben foeroe da tabernakel. A ben kom tapoe da tempel foe Israel: I Kon. 8:10 En a ben pasa so dati di dem priester ben komopo foe da santa presi, dan da wolkoe ben foeroe da oso foe MASRA. Da Leri foe da Santa Jeje

Da Santa Jeje nanga Israel A ben tjari Israel doro da woestijn: Neh. 9:20 So srefi Joe ben gi dem Joe boen Jeje foe leri dem, en Joe no ben hori Joe manna baka foe dem mofo, en Joe ben gi dem watra foe dringi. Ma tokoe, Israel ben meki da blesi Santa Jeje kisi sari: Jes. 63:10 Ma dem ben feti agensi Hem, en dem ben kwinsi Hem Santa Jeje; foe dat’ede A ben tron dem feanti, en A ben feti agensi dem. Da Leri foe da Santa Jeje

Da Santa Jeje & Israel na ini da toekomst Open. 7:2-4 2. En mi ben si wan tra engel opo komopo foe da oost, disi ben abi da stampoe foe da libilibi Gado; en a ben bari nanga wan tranga stem na dem fo engel, disi ben abi pasi foe gi mankeri na grontapoe nanga da zee, 3. Taki: No gi grontapoe mankeri, efoe da zee, efoe dem bon te leki wi ben stampoe dem dinari foe wi Gado na tapoe dem fesi-hede. 4. En mi ben jere da nomroe foe dem disi dem ben stampoe; dem ben stampoe wan hondro nanga fo tenti na fo doesoen foe ala dem famiri foe dem pikin foe Israël. Da Leri foe da Santa Jeje

Da Santa Jeje nanga Israel na ini da toekomst Joel 2:28-32 28. En moro lati, a sa pasa so dati Mi sa kanti Mi jeje trowe na tapoe ala libisoema; en dem manpikin nanga dem oemapikin foe oen sa taki profeti-tori, en oen owroe mansoema sa dren dem dren, en oen jongoe man sa si dem visioen; 29. So srefi Mi sa kanti Mi jeje trowe na tapoe dem dinari nanga dem oema-dinari na dem dei dati. 30. En Mi sa sori wondroe marki na ini dem hemel en na grontapoe; broedoe nanga faja, nanga pilari foe smoko. 31. Da zon sa kom doengroe, en da moen sa tron broedoe fosi da bigi nanga skreki dei foe MASRA kom. 32. En a sa pasa so dati A sa verloesoe da soema disi sa kari da nem foe MASRA, bikasi verloesoe sa de na ini da bergi Sion nanga Jerusalem so leki MASRA ben taki, en na ini da groepoe disi de tan abra disi MASRA sa kari. Da Leri foe da Santa Jeje

Da Santa Jeje na ini da millenium Zach. 12:10 En Mi sa kanti da Jeje foe gnade nanga begi na tapoe da oso foe David nanga dem soema disi de libi na ini Jerusalem; en dem sa loekoe na Mi tapoe, disi dem ben boro, en dem sa sari foe Hem leki wan soema sa sari foe hem wan enkri manpikin, en dem sa de na ini bita-fasi foe hem, so leki wan soema disi de na ini bita-fasi foe da fosi pikin disi a ben meki. Da Leri foe da Santa Jeje

Da Santa Jeje na ini da millenium Ezek. 37:13-14 En oen sa sabi dati Mi de MASRA, di Mi ben opo oen grebi, O Mi pipel, en Mi ben tjari oen komopo foe oen grebi. Ezek.39:29 En Mi no sa kibri Mi fesi gi dem moro; bikasi Mi ben trowe Mi Jeje na tapoe da oso foe Israel: so Masra Gado de taki. Da Leri foe da Santa Jeje

Da Santa Jeje agensi didibri Jesaja 59:19 So dem sa frede da nem foe MASRA foe da west, en Hem glori foe da presi pe da zon de opo. Te da feanti sa kom na ini leki wan floedoe, da Jeje foe MASRA sa opo wan marki agensi hem. Da Leri foe da Santa Jeje

Da Santa Jeje agensi didibri II Tess. 2:7-14 7. Bikasi da kibri-tori foe sondoe wroko kaba; nomo da soema disi hori hem baka sa go doro te leki dem poeroe hem foe da pasi. 8. En dan dem sa si da Takroe soema disi Masra sa njan nanga da blo foe Hem mofo, en A sa figi hem poeroe doro da brinki foe Hem te A sa kom; 9. Hem disi sa kom nanga da wroko foe Satan nanga ala krakti nanga marki nanga bedriegi wondroewroko, 10. En nanga ala kori-fasi sondro gerechtigheid na ini dem soema disi go lasi, bikasi dem no ben teki da lobi foe da waarheid so dati dem ben kan kisi verloesoe. Da Leri foe da Santa Jeje

Da Santa Jeje agensi didibri II Tess. 2:11. En foe dat'ede, Gado sa seni wan tranga kori gi dem, so dati dem sa bribi wan lei. 12. So dati dem alamala moesoe lasi disi no ben bribi da waarheid, ma dem ben abi prisiri na ini sani disi no de opregti. 13. Ma wi moesoe gi Gado grantangi alatem foe oen, oen brada disi Gado lobi, bikasi na da bigin Gado ben verkisi oen sinsi da bigin, foe oen sa kisi verloesoe doro da santa wroko foe da Jeje nanga da bribi foe da waarheid. 14. Doro wi boen njoensoe, A ben kari oen kom foe kisi da glori foe wi Masra Jezus Kristus. Da Leri foe da Santa Jeje

Da Santa Jeje nanga Jezus Da Santa Jeje ben meki Jezus Kristus: Lk. 1:35 En da engel ben piki hem taki: Da Santa Jeje sa kom na joe tapoe, en da krakti foe da Moro Hei Wan sa de na joe tapoe; foe dat'ede dem sa kari da santa wan disi joe sa meki da Pikin foe Gado. Mt. 1:18-20 18. Now da geboorte foe Jezus Kristus ben pasa so: Di Hem mama Maria ben meki ondertrouw nanga Jozef, fosi dem ben kom makandra, a ben feni hem nanga bere foe da Santa Jeje. 19. Dan hem masra Jozef, disi ben de wan regtvaardiki man, no ben wani foe strafoe hem publiki, en so a ben prakseri foe prati nanga hem safri. Da Leri foe da Santa Jeje

Da Santa Jeje ben meki Jezus 20. Ma di a ben prakseri so, loekoe, da engel foe Masra ben sori hemsrefi na hem na ini wan dren, en a ben taki: Jozef, joe manpikin foe David, joe no moesoe frede foe teki Maria leki joe wefi; bikasi da bere foe hem ben komopo foe da Santa Jeje. Da troe Tata foe da skin foe Kristus ben de da Santa Jeje. Da troe wondroewroko no ben de da geboorte foe Masra Jezus, ma fa A ben meki fosi. Da Leri foe da Santa Jeje

Da Santa Jeje salfoe Jezus Da Santa Jeje ben salfoe Jezus Kristus Mt. 3:16 Dan di Jezus ben dopoe kaba, A ben komopo foe da watra, en loekoe, hemel ben kom opo na Hem tapoe, en A ben si da Jeje foe Gado ben saka kom na ondro leki wan doifi, en A ben tan na Hem tapoe; Lk. 4:18 Da Jeje foe Masra de na mi tapoe, bikasi a ben salfoe mi foe preiki da boen njoensoe gi dem poti soema, en foe meki dem sari-hati soema kom boen baka, en foe preiki da verloesoe gi dem slafoe, foe meki dem breni wan kom si, foe meki dem soema disi ben sroto go fri, Da Leri foe da Santa Jeje

Da Santa Jeje salfoe Jezus Tori 10:38 Fa Gado ben salfoe Jezus foe Nazaret nanga da Santa Jeje en nanga krakti; disi ben go lontoe foe doe boen wroko, en A ben meki ala dem soema disi didibri ben kwinsi kom boen baka; bikasi Gado ben de nanga Hem. Heb. 1:9 Joe ben lobi gerechtigheid, en Joe hati ben bron na tapoe sondoe; foe dat'ede Gado, Joe Gado srefi, ben salfoe Joe nanga da olie foe prisiri moro hei leki dem soema disi de nanga Joe. Da Leri foe da Santa Jeje

Da Santa Jeje stampoe Jezus Da Santa Jeje ben stampoe Jezus Kristus: Jn. 6:37 No wroko foe da njanjan disi kan pori, ma foe da njanjan disi de tan foe gi libi foe teego, disi Soemapikin sa gi oen; bikasi da Tata ben poti Hem stampoe na Hem tapoe. Da Leri foe da Santa Jeje

Da Santa Jeje tiri Masra Jezus Mt. 4:1 Dan da Santa Jeje ben tjari Jezus go na ini da woestijn foe didibri moesoe tesi Hem. Da Leri foe da Santa Jeje

Jezus wroko nanga da krakti foe da Santa Jeje Mt. 12:28 Ma efoe Mi jagi dem takroe jeje poeroe nanga da Jeje foe Gado, dan da kownoekondre foe Gado ben kom na oen kaba. Da Leri foe da Santa Jeje

Jezus ben foeroe nanga da Santa Jeje Jn. 3:34 Bikasi Hem disi Gado ben seni kom de taki dem woortoe foe Gado; bikasi Gado ben gi Hem da Jeje pasa marki. Lk. 4:1 Now Jezus ben foeroe nanga da Santa Jeje, en A ben kom baka foe da Jordaan liba, en da Jeje ben tiri Hem go na ini da woestijn Da Leri foe da Santa Jeje

Jezus ben sari na ini da Santa Jeje Jn. 11:33 Foe dat'ede di Jezus ben si hem krei, en dem Djoe disi ben kom nanga hem ben krei toe, A ben djeme na ini da jeje, en A ben firi dipi sari, Da Leri foe da Santa Jeje

A prisiri na ini da Jeje Lk. 10:21 Na da joeroe dati, Jezus ben prisiri na ini Hem jeje en A ben taki: Mi gi Joe grantangi, O Tata, Masra foe hemel nanga grontapoe, bikasi Joe ben kibri dem sani disi foe dem koni soema nanga dem sabiman, en Joe ben sori dem na dem pikinnengre. Ja, Tata, so a de boen na Joe ai. Da Leri foe da Santa Jeje

Jezus gi Hemsrefi abra doro da Santa Jeje Heb. 9:14 Hoe moro da broedoe foe Kristus, di A ben gi Hemsrefi sondro sondoe na Gado doro da Jeje foe teego, sa krin oen konsensi foe dem dede wroko foe dini da libilibi Gado? Da Leri foe da Santa Jeje

Jezus opo baka doro da Jeje Rom. 1:4 En Gado ben sori Hem foe de da Manpikin foe Gado nanga krakti, doro da Jeje foe santa-fasi nanga da opo baka foe dede. I Petrus 3:18 Bikasi so srefi Kristus ben pina wan leisi foe sondoe ede, wan boen soema gi dem ogri soema, foe Hem kan tjari wi kom na Gado; Hem skin ben dede, ma A ben kisi Hem libi baka doro da Jeje. Da Leri foe da Santa Jeje

Jezus komanderi doro da Santa Jeje Tori 1:2 Te leki da dei disi A ben opo go na loktoe, baka da tem dati A ben gi komanderi doro da Santa Jeje na dem apostel disi A ben verkisi. Da Leri foe da Santa Jeje

Jezus opo dede soema doro da Santa Jeje Rom. 8:11 Ma efoe da Jeje foe Hem disi ben opo Jezus foe dede de libi na oen ini, Hem disi ben opo Kristus foe dede sa gi oen skin libi toe doro Hem Jeje disi de libi na oen ini. Da Leri foe da Santa Jeje

Fa da Santa Jeje wroko na ini wan soema disi no bribi Jn. 16:7-11 7. Tokoe Mi taigi oen troe; A de boen gi oen dati Mi sa gowe, bikasi efoe Mi no gowe, dan da Troostoeman no sa kom na oen; ma efoe Mi libi oen gowe, Mi sa seni Hem kom na oen. 8. En te A sa kom, A sa getuigi gi grontapoe foe sondoe, foe gerechtigheid, nanga kroetoe: 9. Foe sondoe, bikasi dem no bribi na Mi; 10. Foe gerechtigheid bikasi Mi sa go na Mi Tata, en oen no sa si Mi moro; 11. En foe kroetoe, bikasi da fesiman foe da grontapoe disi ben kisi kroetoe kaba. Da Leri foe da Santa Jeje

Da woortoe getuigi - elegho Disi wani taki: Foe sori wi sondoe Foe fon wi konsensi Foe sori wan soema hem foutoe Da Leri foe da Santa Jeje

A sori da lasiwan sondoe A no de da sondoe foe smoko, hoeroe, foefoeroe, efoe moord A de da sondoe foe no bribi tapoe Jezus: Jn. 3:18 Da soema disi de bribi na Hem no sa kom na kroetoe, ma da soema disi no de bribi ben kisi hem vonisi kaba, bikasi a no ben bribi na da nem foe da wan enkri gebore Pikin foe Gado Da Leri foe da Santa Jeje

A sori abra gerechtigheid Gado de regtvaardiki .Gado taki dati wi moesoe de regtvaardiki .Gado meki wi kom regtvaardiki – disi de wan sani wi no man doe wisrefi Da Leri foe da Santa Jeje

A sori da kroetoe disi sa kom Ala lasi soema de foe didibri: Jn. 8:44 Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. Da Leri foe da Santa Jeje

…da kroetoe disi sa kom Ala lasi soema de foe didibri: Jn. 8:44 Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. Da Leri foe da Santa Jeje

…da kroetoe disi sa kom Ala dem lasiwan sa go moksi nanga hem: Mt. 25:41 Dan A sa taki gi dem soema na Hem kroektoeanoesei taki: Komopo na Mi fesi, oen vervloektoe soema, go na ini da faja foe teego, disi de klari kaba gi didibri nanga hem engel. Da Leri foe da Santa Jeje

Voorbeeld foe konsensi fonfon Pinkster Da kamerling foe Etiopie Saul foe Tarsus Cornelius da centurion Da waktiman na Filippi doengroe-oso Felix – ma a no drai libi Kownoe Agrippa – ma a no drai libi Da Leri foe da Santa Jeje

Da Santa Jeje nanga da universal kerki A ben meki Hem:Efesi 2:19-22 19. Now foe dat'ede oen no de vreemde soema nanga wakaman moro, ma oen de dem soema foe da kondre nanga dem santawan, en oen de foe da oso foe Gado; 20. En A bouw oen na tapoe da fondamenti foe dem apostel nanga dem profeti; Jezus Kristus Hemsrefi de da hoekoeston. 21. Na Hem ini, da heri oso de fiti makandra, en a de gro kom wan santa tempel na ini Masra. 22. En na Hem ini, doro da Jeje oensrefi de bouw makandra toe foe de wan tanpresi gi Gado. Da Leri foe da Santa Jeje

Da Santa Jeje na ini da locaal kerki A wani foe wroko na ini dem dienst: Filippi 3:3 Bikasi wi de foe dem besnijde soema, disi aanbegi Gado na ini da Jeje, en disi prisiri na ini Kristus Jezus, en wi no poti wi vertrouw na ini da skin-fasi. Efoe da preikiman nanga da pipel gi Hem pasi, da Santa Jeje foe Gado kan gi Hem aanwezigheid nanga Hem krakti na ibri kerki komakandra Da Leri foe da Santa Jeje

Da Santa Jeje tiri zendelingen Tori 8:29 Dan da Jeje ben taki gi Filippus taki: Go krosibei, waka na sei foe da asiwagi disi. Tori 13:3, 4 1. Now na ini da kerki disi ben de na Antiochië, wantoe profeti nanga leriman ben de; so leki Barnabas, Simeon, disi dem ben kari Niger, Lucius disi ben komopo foe Cyrene, Manaën, disi ben kweki makandra nanga Herodes, da basi foe fo kondre, nanga Saulus. 2. Di dem ben dini Masra en faste, da Santa Jeje ben taki: Seti Barnabas nanga Saulus aparti foe da wroko disi Mi kari dem foe doe. 4. Di da Santa Jeje ben seni dem go, dem ben waka go na Seleucië, en nanga boto dem ben loesoe komopo go na Cyprus; Da Leri foe da Santa Jeje

Da Santa Jeje tiri zendelingen Tori 16:6-7, 10 6. Now di dem ben waka go pasa Frigia nanga da kondre foe Galatië, da Santa Jeje ben tapoe dem foe go preiki da woortoe na ini Asia. 7. Baka di dem ben kom na Mysië, dem ben wani waka go na Bitynië, ma da Jeje no ben gi dem pasi.10. En baka di a ben si da visioen, wantem wi ben proberi foe go na Macedonië, bikasi wi ben sabi foe troe dati MASRA ben kari wi foe go preiki da evangelium gi dem. Da Leri foe da Santa Jeje

Da Santa Jeje tiri da zang dienst A wani wroko na ini da singi dienst: Efesi 5:18-19 18. En no kom droengoe nanga wini, bikasi dati de jajo-libi; ma foeroe nanga da Santa Jeje; 19. En taki nanga makandra na ini psalm nanga singi nanga jeje-singi; singi switi na ini oen hati na Masra. Foeroe leisi wan preikiman disi kom op bezoek feni nanga prisiri dati dem soema disi ben seti da pokoe ben verkisi dem juisti singi en speciaal muziek disi klop nanga da boskopoe. Na ini so wan situatie, da preikiman nanga da singiman ben arki na da tiri foe da Santa Jeje. Da Leri foe da Santa Jeje

Da Santa Jeje wani verkisi preikiman A wani sori soema moesoe de dem preikiman: Tori 20:28 Foe dat'ede, loekoe boen nanga oensrefi, nanga da heri hipi soema disi da Santa Jeje ben seti oen abra dem leki basi, foe gi njanjan na da kerki foe Gado, disi A ben bai nanga Hem egi broedoe. Da Leri foe da Santa Jeje

Da Santa Jeje wani salfoe da preikiman A wani salfoe dem preikiman: I Kor. 2:4 En mi taki nanga mi preiki no ben de nanga switi woortoe foe libisoema sabi, ma foe sori da Jeje nanga krakti; Dja wi si san da Santa Jeje wani doe na ini da dienst. Fosi A verkisi dem dinari foe Hem, en dan A salfoe dem. Da verkisi de wan leisi kaba, ma da salfoe moesoe kom dei foe dei. Da Leri foe da Santa Jeje

Da Santa Jeje wani waarskow dem bribiwan A wani gi dem bribiwan wan waarskow: I Tim. 4:1 Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. Da Leri foe da Santa Jeje

Da Santa Jeje wani tiri da gemeente A wani meki dem besroiti foe da kerki: Tori 15:28 Bikasi da Santa Jeje ben feni hem boen, nanga wisrefi toe, dati wi no poti wan moro hebi lai na oen tapoe dan dem fanowdoe sani disi: Da toemoesi belangrijk besroiti foe da komakandra na ini Jerusalem de wan boen voorbeeld foe fa da Santa Jeje ben wroko nanga dem kerki. Da Leri foe da Santa Jeje

Da Santa Jeje blesi dem kerki A wani blesi efoe kroetoe dem wroko so leki a de fanowdoe: Open. 2:7 Da soema disi abi jesi foe jere, meki hem jere san da Jeje de taki gi dem kerki, taki: Na da soema disi wini, Mi sa gi hem pasi foe njan foe da bon foe libi disi de na mindri foe da paradijs foe Gado. Open. 2:11 Da soema disi abi jesi foe jere, meki hem jere san da Jeje taki gi dem kerki, taki: Da soema disi wini no sa kisi mankeri na da di foe toe dede. Da Leri foe da Santa Jeje

A blesi dem kerki Open. 2:17 Da soema disi abi jesi foe jere, meki hem jere san da Jeje taki gi dem kerki taki: Na da soema disi wini, Mi sa gi hem da kibri manna foe njan, en Mi sa gi hem wan weti ston, en na ini da ston, wan njoen nem skrifi disi no wan soema sabi boiti da soema disi kisi hem. Si dem tra 4 kerki toe… Da Leri foe da Santa Jeje

Da Santa Jeje wani basi dem evangelizatie programma A wani de da basi foe dem programma foe evangelizatie nanga nazorg: Open. 22:17 En da Jeje nanga da bruid taki: Kom. En meki hem disi jere taki: Kom. En meki hem disi abi dreiwatra kom. En da soema disi sa wani, gi hem pasi foe dringi fri foe da watra foe libi. Disi de da laasti invitatie foe da Bijbel, en da Santa Jeje de taki doro da kerki foe dem lasiwan sa kom na Jezus Kristus. Da Leri foe da Santa Jeje

Da Santa Jeje na Pinkster Tori 2:1-4 1. En di da dei foe Pinkster ben doro, dem alamala ben de nanga wan hati na ini wan presi. 2. En wantem wan bari ben komopo foe hemel leki wan tranga winti, en a ben foeroe da heri oso pe dem ben sidon. 3. En wan sani ben sori hemsrefi na dem disi ben gersi priti faja-tongo, en a ben sidon na ibriwan foe dem tapoe. 4. En dem alamala ben kom foeroe nanga da Santa Jeje, en dem ben bigin foe taki tra tongo, so leki da Jeje ben gi dem pasi foe taki. 3 marki: geluid, priti faja-tongo, tongo Da Leri foe da Santa Jeje

Achtergron foe Pinkster Tori 1:4 En di dem ben kom makandra, A ben komanderi dem dati dem no ben moesoe gowe libi Jerusalem, ma dem moesoe wakti foe da pramisi foe da Tata, disi A ben taki: Oen ben jere foe Mi. San na da pramisi foe da Tata? Te wi loekoe na difrenti presi na ini da Bijbel, disi sori krin dati a de da pramisi foe da Tata nanga da Pikin dati da Santa Jeje sa kom: Da Leri foe da Santa Jeje

Profeti-taki kom troe… Joel 2:28 En moro lati, a sa pasa so dati Mi sa kanti Mi jeje trowe na tapoe ala libisoema; en dem manpikin nanga dem oemapikin foe oen sa taki profeti-tori, en oen owroe mansoema sa dren dem dren, en oen jongoe man sa si dem visioen; Tori 2:16-17 16. Ma disi de da sani disi da profeti Joël ben taki: 17. En a sa pasa so na ini dem laasti dei: so Gado de taki: dati Mi sa trowe Mi Jeje na tapoe ala libisoema; en oen manpikin nanga oen oemapikin sa taki profeti-taki, en oen jongoe man sa si dem visioen, en oen owroe mansoema sa dren dem dren Da Leri foe da Santa Jeje

Da Santa Jeje sa kom Jn. 14:16 En Mi sa begi da Tata, en A sa gi oen wan tra Troostoeman, so dati A sa tan nanga oen foe teego. Jn. 14:26 Ma da Troostoeman, disi de da Santa Jeje, disi da Tata sa seni kom na ini Mi nem, A sa leri oen alasani, en A sa tjari alasani kom baka foe oen sa membre dem, ala dem sani disi Mi ben taki gi oen. Da Leri foe da Santa Jeje

Da Santa Jeje sa kom Jn. 15:26 Ma te da Troostoeman sa kom, disi Mi sa seni kom na oen, disi ben komopo foe da Tata, da Jeje foe waarheid, disi komopo foe da Tata, A sa gi getuigi foe Mi. Jn. 16:7 Tokoe Mi taigi oen troe; A de boen gi oen dati Mi sa gowe, bikasi efoe Mi no gowe, dan da Troostoeman no sa kom na oen; ma efoe Mi libi oen gowe, Mi sa seni Hem kom na oen. Da Leri foe da Santa Jeje

N.T. Santa Jeje wroko njoen fasi 1. A sa wroko na ini ala folkoe en natie, en no soso gi dem Djoe 2. Hem wroko na ini wan soema sa tan. A no sa gowe libi wan soema 3. A sa meki da soema kom volmaakt Da Leri foe da Santa Jeje