Doctrine III – Les 6 Da Leri Abra Da Kerki III Bijbel Baptist Kerk Les Doctrine III – Les 6 Da Leri Abra Da Kerki III Robert D. Patton Da Froktoe foe da Jeje: Lobi 12/31/2018

Da kerki organizatie Dem ben abi kerki ofsiri. A no de da voorbeeld foe da fosi kerki nomo, ma trawan disi ben doe disi. Paulus, di a ben drai go baka foe Derbe, ben seti gran soema na ini ibri kerki (Tori 14:23) Na ini da Grieki, a sori dati disi dem ben doe nanga wan stemming, en no dati dem apostel ben verkisi dem. Paulus ben aksi Titus foe verkisi gransoema (Tit. 1:5). Wi ben si kaba dati da kerki na Jerusalem ben seti diaken foe jepi wroko nanga dem potiwan. Na ini da kerki foe Efesi, gransoema ben de (Tori 20:17), en na ini da kerki foe Antiochie, dem ben abi profeti nanga leriman (tori 13:1, en na ini da kerki foe Filippi, dem ben abi dem bischop nanga diaken: Les 1 Santa Jejej 12/31/2018

Da kerki bigin foe miti op zondag Wi sabi dati dem discipel ben miti na da fosi dei foe da wiki direkt baka da opo baka foe Jezus Kristus: Jn. 20:19, 26. Na ini I Korintiers 16:2, Paulus taki dati da kerki moesoe poti wan moni na sei da fosi dei foe da wiki, so leki Masra ben blesi dem. Les 1 Santa Jejej 12/31/2018

Kerki tucht ben de fosi toe Dem ben abi regels foe fa joe moesoe tjari joesrefi leki wan bribiwan na ini kerki: I Kor. 14:34 en dem ben abi kerki tuchtiging. Jezus ben taki dati efoe wan bribiwan no wani gi jesi na ondro vier ogen, dan meki hem kom na fesi foe da kerki. (Mt. 18:17) Paulus ben aksi dem Korintier soema foe tuchtig wan man (I Kor. 5:13). A ben gi dem srefi sortoe instructie na da kerki na Rome: Rom. 16:17. Na ini III Johannes 10, wi leisi dati Diotrefes no ben wroko boen na ini kerki tuchtiging. Les 1 Santa Jejej 12/31/2018

Da kerki ben kisi moni Dem ben kisi moni foe doe da wroko foe Masra. Di Paulus ben skrifi da kerki foe Korinte komopo foe Efesi, a ben taigi dem dati a ben gi wantoe instructie kaba na dem kerki na ini Galatië, en dati dem moesoe leni wan anoe foe gi moni na dem potiwan: I Kor. 16:1-2. Dem moesoe gi ala dem fosi dei foe da wiki so leki Masra ben meki dem feni boen foe dem santawan. Na ini II Korintiers, Paulus ben gi dem wan toto foe gi na wan opo anoe: II Kor. 9:7. Les 1 Santa Jejej 12/31/2018

Dem ben seni brifi gi tra gemeente Dem ben seni brifi go na tra kerki disi ben taki boen abra soema dem ben seni kom. Dem ben doe disi di Apollos ben komopo foe Efesi en go na Korinte. (Tori 18:24-28) Wi feni disi toe na ini da vraag foe Paulus na ini II Kor. 3:1 efoe a moesoe tjari wan brifi disi taki boen abra hem. Na ini Rom. 16:1-2, wi feni wan voorbeeld foe wan brifi foe Febe Les 1 Santa Jejej 12/31/2018

Fasi foe organizeer da kerki Da Episkopal systeem, efoe wan systeem disi gersi wan kownoe: Da nem komopo foe da Grieki woortoe episkopos, disi wani taki foe opzichter efoe bischop. Tori 20:28 Foe dat'ede, loekoe boen nanga oensrefi, nanga da heri hipi soema disi da Santa Jeje ben seti oen abra dem leki basi, foe gi njanjan na da kerki foe Gado, disi A ben bai nanga Hem egi broedoe. Filippi 1:1 Paulus nanga Timoteüs, dem dinari foe Jezus Kristus, gi ala dem santawan na ini Kristus Jezus disi de na Filippi, nanga dem fesiman nanga dem dinari: Les 1 Santa Jejej 12/31/2018

Da Episkopal system I Tim. 3:2 Wan preikiman moesoe de sondro foutoe, da masra foe wan wefi, disi de dwingi hemsrefi, disi tan nanga krin ai, disi seti hem libi na wan boen fasi, disi lobi foe teki vreemde soema na ini hem oso; disi sabi foe leri trawan; Titus 1:7 Bikasi wan gransoema moesoe de sondro foutoe leki da dinari foe Gado; a no moesoe de nanga tranga jesi; a no moesoe de wan soema disi hem hati bron esi, efoe wan soema disi lobi wini, efoe wan fetiman, efoe wan soema disi de gridi foe kisi moni; I Petrus 2:25 Bikasi oen ben de leki skapoe disi ben lasi pasi; ma now oen ben kom baka na da Skapoeman nanga da Dominee foe oen sieli. Les 1 Santa Jejej 12/31/2018

Da Episkopal systeem Dem Lomsoe, Episcopal, Methodist en Grieki Catholic kerki ben teki da systeem disi leki da basis foe dem kerki organizatie. A de wan kerki pe dem bischop de basi, en dem preikiman nanga dem diaken jepi dem. Da basis bribi de dati da leti foe poti tra bischop en foe seti preikiman nanga diaken de na ini da anoe foe dem bischop wawan. Disi wani taki dati dem bischop de alatem basi foe dem toe tra groepoe. Da systeem disi ben opo na ini da 2e eeuw A.D. en wi no feni hem na ini da Njoen Testamenti. Les 1 Santa Jejej 12/31/2018

Presbyterian systeem Dem abi vertegenwoordigers Da federal efoe representative systeem: Dem kan kari disi da Presbyterian systeem, disi komopo foe da Grieki woortoe presbuteros. Dem feni da woortoe disi 62 leisi, en dem vertaal hem nanga da woortoe gransoema. Da systeem disi wi feni na ini da Presbyterian nanga dem Hervormd kerki. A gersi da fasi dati wi feni na ini da lanti foe da V.S. en na som fasi na Suriname. Ibri plaatselijke kerki verkisi gransoema foe de dem vertegen-woordigers. Dem meki wan verschil na mindri foe dem gransoema disi preiki en gi dem ordinance, en dem disi no preiki efoe gi dem ordinance. I Tim. 5:17 Meki dem gi dem gransoema disi tiri da kerki na wan boen fasi dobroe bigi nem, spesroetoe dem soema disi wroko na ini da woortoe nanga da leri. Les 1 Santa Jejej 12/31/2018

Presbyterian systeem Da groepoe disi de moro hei de da presbytery. Disi abi ala dem gransoema preikiman nanga da top gransoema foe ibri kerki na ini wan distrikt. Alwasi dem kerki verkisi dem egi preikiman, da presbytery moesoe gi toestemming. Moro hei leki da presbytery de da synod (wan Grieki woortoe disi wani taki wan groepoe), en na tapoe da synod de da General Assembly, disi de da moro hei raad foe da kerki. Les 1 Santa Jejej 12/31/2018

Congregational systeem Da congregational form: Wi feni da sortoe groepoe disi na ini dem Baptist, Congregational, Evangelical Free, Disciples of Christ, en onafhankelijke Bijbel kerki. Dem soema disi waka na baka da systeem disi bribi dati no wan dorosei man efoe groepoe foe mansoema abi authoriteit abra wan plaatselijke kerki. Foe dat’ede da lanti moesoe de na ini da anoe foe dem kerki demsrefi. Da voorganger de da gransoema foe da kerki. Da kerki leden kari hem kom, en dem verkisi hem. A kisi jepi te dem verkisi diaken foe jepi hem sorgoe dem skapoe. Les 1 Santa Jejej 12/31/2018

Congregational systeem Na ondro da congregational systeem, dem loekoe na da voorganger leki da wan gransoema foe da kerki. Wi feni wan steun na ini Openbaring 2 & 3, pe dem ben abi wan leider (dem ben kari hem wan engel, ma waarschijnlijk a taki abra wan libisoema), en dati na ini I Tim. 3 da fosi pisi taki abra da (enkelvoud) bischop (gransoema) ma da di foe toe pisi taki abra dem diaken. Disi wani taki dati wan gransoema ben de nomo, alwasi foeroe diaken ben de. Les 1 Santa Jejej 12/31/2018

Dem ofsiri – bischop Bischop: Da Grieki woortoe foe bischop de episkopos, en a taki foe wan opzichter. Paulus ben abi da prakseri foe da wroko foe wan voorganger. Wi feni ete wan nem na ini da Njoen Testamenti disi kande sa taki abra da srefi positie: presbuteros na ini da Grieki - wan gransoema. Dem kenki dem nem foe wan go na trawan na in Tori 20:17-28, Titus 1:5-7. Da woortoe bischop taki abra hem frant-woortoe, ma da woortoe gransoema taki abra fa a moesoe de volmaakt na ini da jeje. Si I Tim. 3:1-7, Titus 1:5-9 Les 1 Santa Jejej 12/31/2018

Dem ofsiri – diaken Diaken: Wi noiti feni wan precis informatie abra da natuur nanga da wroko foe da positie disi na ini da Bijbel. A gersi dati dem ben poti da positie disi foe jepi na ini organizatie na ini da fosi kerki di a ben gro so snel. (Tori 6:1-8) Da Grieki woortoe foe diaken de diakonos. Les 1 Santa Jejej 12/31/2018

Da bischop Bischop: .A moesoe de wan mannengre .A moesoe de sondro foutoe (mi froestan dati disi wani taki dati a no abi trobi nanga soema na ini da gemeente sondro foe proberi foe meki hem kom boen baka: rdp) Les 1 Santa Jejej 12/31/2018

Da bischop = voorganger Da man foe wan wefi: Disi de wan presi pe soema no de 100% eens abra san disi wani taki: .Wan taki dati disi wani taki dati wan soema no man abi moro leki wan wefi na wan tem na ini hem oso. Ma foeroe problemen de na ini da interpretatie disi. Les 1 Santa Jejej 12/31/2018

Da man foe wan frow Paulus ben taki disi kaba: Rom. 7:1-3 1. Oen no sabi, brada, (bikasi mi taki nanga dem soema disi sabi da wet kaba) fa da wet de basi abra wan soema so langa dati a de na libi?2. Bikasi da oema disi abi wan masra abi wan verbontoe nanga hem masra doro da wet so langa dati a de na libi; ma efoe hem masra dede kaba, dan a de fri foe da wet foe hem masra.3. Moro fara, efoe hem masra de na libi ete, en a trow nanga wan tra masra, dem sa kari hem wan hoeroe-oema; ma efoe hem masra dede kaba, a de fri foe da wet dati, so a no de wan hoeroe-oema moro alwasi a trow nanga wan tra masra. I Kor. 7:2 Tokoe, foe hoeroedoe no sa pasa, meki ibri man abi hem egi wefi, en meki ibri oema abi hem egi masra. Les 1 Santa Jejej 12/31/2018

Da man foe wan frow .Da Romeini lanti ben taki dati a no gi toestemming foe wan man abi moro leki wan frow .Noiti wi feni na ini da fosi kerki dati disi ben de wan probleem .Na ini I Tim. 5:9, wi feni da woortoe drai lontoe foe taki abra wan oema foe wan masra. Les 1 Santa Jejej 12/31/2018

Da man foe wan frow Da di foe toe positie de dati wan soema no ben man prati nanga wan frow en teki wan trawan. Disi wani taki dati wan man disi ben prati nanga hem frow en teki ete wan frow no man de da voorganger alwasi sortoe situatie ben de foe hem prati. Moro hipi foe dem Bijbel studenten bribi disi. Dem soema disi no de eens taki dati dem soema disi hori da positie no sabi fa da gnade foe Gado de bigi, disi figi da achtergrond foe da sondari poeroe. Foe taki abra jeje-fasi, disi de troe. Ma disi no kenki da situatie dja na grontapoe. Les 1 Santa Jejej 12/31/2018

Da man foe wan frow Bijvoorbeeld, efoe wan strafoeman drai hem libi te a de na ini doengroe-oso, tokoe a de wan strafoeman ete. Moro fara, wi moesoe membre dati Paulus no taki abra da verloesoe foe wan sondari dja, ma dem voorwaarden foe wan ofsiri. Moro fara, disi de da wan enkri wan foe dem voorwaarde disi joe no man meki kom boen baka nanga begi. Bijvoorbeeld, efoe wan preikiman abi problemen nanga bigi ai, a kan begi en tapoe dati. Ma a no man begi en meki wan frow disi a ben prati nanga hem so dati a no de moro. Les 1 Santa Jejej 12/31/2018

Da bischop – voorganger A moesoe de nanga krin ai A moesoe de nanga krin prakseri A moesoe tjari hemsrefi na wan boen fasi - na ini hem preiki, hem krosi, nanga hem manieri A moesoe lobi foe teki vreemde soema na ini hem oso Les 1 Santa Jejej 12/31/2018

Da voorganger A moesoe abi da fasi foe leri soema Efesi 4:11 En A ben gi som leki apostel, en som leki profeti, en som leki dem soema disi preiki da boen njoensoe lontoe, en som leki preikiman nanga leriman, .A no moesoe lobi wini efoe sopi .A no moesoe de wan fetiman .A no moesoe gridi foe moni .A moesoe abi pasensi Les 1 Santa Jejej 12/31/2018

Da voorganger A no moesoe de wan man disi lobi stree .A no moesoe abi bigi ai efoe lostoe foe dem sani foe trawan .A moesoe tiri hem egi oso boen .A no moesoe de wan njoen soema disi net ben drai hem libi .A moesoe abi wan boen reputatie na dorosei foe da kerki Les 1 Santa Jejej 12/31/2018

Voorwaarde foe wan diaken .A moesoe abi boen respeki .A no moesoe gongosa .A no moesoe lobi wini efoe sopi .A no moesoe gridi Les 1 Santa Jejej 12/31/2018

Voorwaarde foe wan diaken .A moesoe sabi dem bigi waarheid foe da Bijbel A moesoe abi wan krin konsensi Dem moesoe tesi hem fosi foe si dati a kan doe da wroko A moesoe abi wan boen reputatie na dorosei foe da kerki Les 1 Santa Jejej 12/31/2018

Frantwoortoe Na ini Fil. 1:1, Paulus skrifi: Paulus nanga Timoteüs, dem dinari foe Jezus Kristus, gi ala dem santawan na ini Kristus Jezus disi de na Filippi, nanga dem fesiman nanga dem dinari: A. R. Fausset ben taki: Disi de da fosi wan foe dem brifi pe wi feni bischop nanga diaken, en da wan enkri wan pe dem kari dem nem aparti na wan presi. Les 1 Santa Jejej 12/31/2018

Frantwoortoe foe voorganger Da woortoe bischop de da vertalling foe wan Grieki woortoe disi dem gebruiki foe wan opzichter ini iniwan wroko, bijv. wan ofsiri disi de basi foe meki wan tempel kom boen baka, efoe wan ofsiri na ini da legre. Da woortoe wani taki “foe loekoe na tapoe”. Paulus gebruiki disi leki wan tra nem foe wan gransoema, disi wani taki foe da titel foe da wroko so fara leki hem wroko na ini da kerki de, en da fosi nem taki abra da sortoe frantwoortoe en wroko na ini da wroko srefi, dati foe loekoe na da jeje gesontoe foe da kerki. Les 1 Santa Jejej 12/31/2018

Frantwoortoe foe diaken Da woortoe diaken de da nem foe da Grieki woortoe disi taki abra wan dinari. A kan taki abra wan slafoe efoe wan joeroe dinari. A no loekoe na da soema na ini relatie nanga hem masra, ma na ini relatie foe hem wroko Les 1 Santa Jejej 12/31/2018

Diaken… Da woortoe diaken komopo foe wan moksi Grieki woortoe disi wani taki foe meki da stof drai. Disi wani sori wi wan prenki foe wan soema disi wroko sa esi doro dem doti pasi foe Palestina foe doe hem wroko dati hem foetoe meki da stof go na loktoe. So foeroe wroko ben de foe dem diaken foe doe dati dem no ben man draidrai. Dem ben wroko so tranga dati dem ben meki da stof srefi drai; so dem ben kari dem soema “dem soema disi drai da stof” efoe diaken. Les 1 Santa Jejej 12/31/2018

Wroko foe voorganger A moesoe doe dem ordinance Mt. 28:19-20 19. Foe dat'ede, go leri ala dem natie, en dopoe dem na ini da nem foe da Tata, en foe da Pikin, en foe da Santa Jeje; 20. En leri dem foe hori en doe alasani disi Mi ben komanderi oen. En loekoe, Mi de nanga oen alatem te leki da kaba foe grontapoe. Amen. .A moesoe de wan man disi begi foeroe: I Tim.2:1 Foe dat'ede mi begi na da fosi presi dati oen begi, aksi, djeme, en gi grantangi foe ala soema; Les 1 Santa Jejej 12/31/2018

Da wroko foe wan voorganger A moesoe waarskow dem skapoe foe hem: I Tim. 4:1, 6 Now da Jeje taki krin dati na ini dem laasti dei, som soema sa libi da bribi, en dem sa arki na takroe jeje disi sa kori dem nanga dem leri foe dem takroe jeje. 6. Efoe joe meki dem brada membre dem sani disi, joe sa de wan boen wrokoman foe Jezus Kristus disi ben gro na ini dem woortoe foe bribi nanga boen leri, en joe ben waka krosibei na dem baka. .A moesoe stoeka da woortoe: II Tim.2:15 Wroko tranga foe sori joesrefi leki wan boen wrokoman na ini da ai foe Gado, wan wrokoman disi no abi foe kisi sjem, disi prati da woortoe foe waarheid na wan leti fasi. Les 1 Santa Jejej 12/31/2018

Da wroko foe wan voorganger Preiki da woortoe: II Tim. 4:2 Preiki da woortoe, tan klari na boen tem en na takroe tem; sori dem foutoe; klagi dem, vermane dem nanga pasensi na ini pina en nanga leri. (Si I Tim. 4:11-16, Tori 6:2-4) .A moesoe vermane en strafoe: I Tess. 5:12 En wi begi oen, brada, foe sabi dem soema disi wroko na oen mindri, en disi de na oen tapoe na ini Masra, en disi vermane oen; Titus 2:15 Taki dem sani disi, en vermane en krasi nanga ala makti. No gi pasi foe wan soema sa veragti joe. Les 1 Santa Jejej 12/31/2018

Voorganger moesoe loekoe dem sieli .Dem foe hemsrefi: Tori 20:28 Foe dat'ede, loekoe boen nanga oensrefi, nanga da heri hipi soema disi da Santa Jeje ben seti oen abra dem leki basi, foe gi njanjan na da kerki foe Gado, disi A ben bai nanga Hem egi broedoe. Kol. 4:17 En taki gi Archippus taki: Loekoe boen na da wroko disi joe ben kisi foe Masra, dati joe doe hem. Les 1 Santa Jejej 12/31/2018

Voorganger – loekoe sieli I Tim. 4:16 Loekoe boen na joesrefi nanga da leri; hori doro nanga dem, bikasi te joe doe so, joe sa verloesoe joesrefi nanga dem soema disi arki joe. I Tim. 6:11 Ma joe, O mansoema foe Gado, lowe foe dem sani disi, en lon na baka gerechtigheid, Gado-fasi, bribi, lobi, pasensi, nanga saka-fasi. Les 1 Santa Jejej 12/31/2018

Voorganger loekoe na sieli Dem foe trawan toe: Heb. 13:17 Gi jesi na dem soema disi de basi na oen tapoe, en saka oensrefi na dem ondro, bikasi dem moesoe sorgoe foe oen sieli, bikasi dem abi da frantwoortoe, so dati dem kan doe dati nanga prisiri, en no nanga sari-hati; bikasi dati no sa tjari wini gi oen. (Si Tori 20:28-31) Les 1 Santa Jejej 12/31/2018

Wroko foe voorganger A moesoe tiri da hipi skapoe, en gi dem njanjan Tori 20:28 Foe dat'ede, loekoe boen nanga oensrefi, nanga da heri hipi soema disi da Santa Jeje ben seti oen abra dem leki basi, foe gi njanjan na da kerki foe Gado, disi A ben bai nanga Hem egi broedoe. I Pet. 5:2 Gi njanjan na dem skapoe foe Gado disi de na oen mindri, en loekoe dem boen, no nanga dwingi, ma nanga oen fri wani; no foe kisi goedoe, ma nanga da wani foe oen hati; Les 1 Santa Jejej 12/31/2018

Wroko foe wan voorganger A moesoe de wan voorbeeld gi ala soema: I Kor. 11:1 Waka na mi baka, so srefi leki fa mi de waka na Kristus baka. Fil. 3:17 Brada, waka makandra na mi baka, en loekoe boen na dem soema disi de waka, so leki oen abi wi leki wan eksempre. II Tess. 3:9 No bikasi wi no ben abi leti foe doe dati, ma foe meki wisrefi de wan eksempre gi oen, foe oen sa waka na wi baka. Les 1 Santa Jejej 12/31/2018

Wroko foe wan voorganger I Tim. 4:12 No gi wan soema pasi foe veragti fa joe de jongoe; ma de wan eksempre gi dem bribisoema na ini woortoe, na ini waka, na ini lobi, na ini jeje, na ini bribi, en na ini krin libi. I Pet. 5:3 No prei basi na tapoe da erfenis foe Gado, ma de leki wan eksempre gi dem skapoe, Les 1 Santa Jejej 12/31/2018

Dem prioriteit foe leiderschap Da juisti fasi foe loekoe na Gado: Tori 20:19 Fa mi ben dini Masra nanga saka-fasi, en nanga foeroe watra-ai, en nanga tesi disi ben miti mi di dem Djoe ben loeroe mi; .Da juisti fasi foe loekoe na da kerki: Tori 20:20 En fa mi no ben hori noti kibri gi oen disi kan bouw oen kom moro tranga, ma mi ben sori oen krin, en mi ben leri oen publiki en foe oso na oso, Les 1 Santa Jejej 12/31/2018

Dem prioriteit foe leiderschap Da juisti fasi foe loekoe na dem lasiwan: Tori 20:21 En mi ben getuigi na dem Djoe nanga dem Grieki foe drai dem libi kom na Gado, en foe bribi na ini wi Masra Jezus Kristus. .Da juisti fasi foe loekoe na hemsrefi: Tori 20:22 En now loekoe, mi de go na Jerusalem en mi de tai na ini da jeje, en mi no sabi sortoe sani sa miti mi drape; Les 1 Santa Jejej 12/31/2018

Prioriteit – Tori 20… Hori joesrefi leti nanga Gado: Tori 20:28a Foe dat'ede, loekoe boen nanga oensrefi .Tiri en gi njanjan na da hipi skapoe foe Gado: Tori 20:28b nanga da heri hipi soema disi da Santa Jeje ben seti oen abra dem leki basi, foe gi njanjan na da kerki foe Gado, disi A ben bai nanga Hem egi broedoe. Les 1 Santa Jejej 12/31/2018

Prioriteit – Tori 20 Foe waarskow en kibri da hipi skapoe foe dem falsi leriman nanga dem wrokoman foe didibri: Tori 20:29-31 29. Bikasi mi sabi disi; baka da tem mi sa gowe, krasi wolf sa kom na oen mindri, en dem sa kiri som foe da hipi. 30. So srefi mansoema sa opo demsrefi na oen mindri, en dem sa taki takroe sani, en dem sa hari discipel kom na dem. 31. Foe dat'ede wakti, en membre dati drie jari langa mi noiti ben tapoe foe waarskow ibriwan foe oen dei nanga neti nanga watra-ai. Les 1 Santa Jejej 12/31/2018

Prioriteit – Tori 20 Begi en stoeka: Tori 20:32 32. En now, brada, mi poti oen na ini da anoe foe Gado, en na da woortoe foe Hem gnade, disi kan bouw oen kom moro tranga, en gi oen wan erfenis na mindri foe dem santawan. Les 1 Santa Jejej 12/31/2018

Prioriteit – Tori 20 Foe de fri foe sani disi de gi joesrefi: Tori 20:33-35 33. Mi no ben lostoe foe iniwan soema sorfoe efoe gowtoe efoe krosi. 34. Ja, oensrefi sabi dati dem anoe disi ben wroko foe dem sani disi mi nanga dem soema disi ben de nanga mi ben abi fanowdoe. 35. Mi ben sori oen alasani; fa oen moesoe wroko foe jepi dem swaki soema, en foe membre dem woortoe foe Masra Jezus, di A ben taki: A de moro blesi foe gi dan foe kisi. Les 1 Santa Jejej 12/31/2018

Oema na ini da kerki Na ini Rom. 16:1, a kari Febe wan diaken. So wan diaken kan de wan oema. (mi no de eens – wan verschil de, bikasi wan frow no moesoe abi gezag tapoe dem man,alwasi som soema abi wan tra nem foe frow disi hori so wan positie) .Da Bijbel abi foe taki abra san oema kan doe na ini da kerki, en san dem no man doe… .Baka da tem Jezus ben opo go na hemel, dem oema ben kom makandra nanga dem man na ini da sodro kamra. So oema ben de belangrijk na ini da fosi kerki: Tori 5:14 Les 1 Santa Jejej 12/31/2018

Oema na ini da gemeente Wan foe dem fosi bribiwan, Maria, ben gi hem oso abra leki wan presi foe miti makandra gi dem bribiwan na ini Jerusalem. Lydia ben doe da srefi na ini Filippi. Tori 16:14-15 .Na ini Romeini 16, wi feni dem nem foe 8 oema nanga 18 man disi Paulus ben gi bigi nem foe dem dienst. .Dem oemapikin foe Filippus ben de profeti: Tori 21:8-9. Priscilla & Aquilla ben leri Apollos: Tori 18:24-26 Les 1 Santa Jejej 12/31/2018

Oema na ini da gemeente Dem oema abi wan belangrijk presi foe tjari da evangelium: Na ini Ps. 68:12, na ini wan vertalling a taki: Masra gi da woortoe; dem oema disi taki da evangelium de wan bigi hipi (na ini wi vertalling a no taki efoe na man efoe oema) .Paulus ben gi dem oema wan bigi nem di a ben taki: I Kor. 11:7 Bikasi a no fiti foe wan mansoema tapoe hem hede, bikasi a de wan prenki nanga glori foe Gado, ma da oema de da glori foe da man. Ma a no poti dem tapoe wan man Les 1 Santa Jejej 12/31/2018

Oema na ini da kerki Da Bijbel sori dati som presi de pe dem oema no abi pasi foe dini: I Tim. 2:11-12 de da moro belangrijk woortoe na ini da leiderschap foe da kerki. Nanga I Kor. 14:34-35, a sori wan basis fondamenti, na ini da order foe Gado, dem oema de na ondro dem man. Da basis foe disi de dati dem oema ben meki baka da man (I Tim.2:13) en a ben de da fosi wan foe fadon na sondoe (I Tim. 2:14) Sinsi disi de na ini da openbaar dienst, dan oema no de na ini wan positie abra mansoema. No wan presi na ini da Bijbel a ben taki dati wan oema kan de wan gransoema. Foe taki leti, te joe loekoe na I Tim. 3:1-7 & Titus 1:5-9, a kan taki soso foe mannengre. Les 1 Santa Jejej 12/31/2018

Oema na ini da kerki Te joe poti oema pe dem abi frantwoortoe disi de gi dem mannengre, joe misbruiki da kari disi Gado ben gi dem, en a ben meki dem poti dem presi pe dem kan doe moro foeroe boen na wan sei. Ryrie taki: Foeroe leisi na ini da natie efoe na ini dem farawe wroko-presi foe Gado, no wan man de foe doe da wroko. Na ini dem situatie, wi moesoe membre dati Paulus ben koman-deri dati wi moesoe doe ala sani na wan boen ordelijk fasi, ma ook toe dati wi moesoe doe dem sani. Les 1 Santa Jejej 12/31/2018

Ryrie… Na ini dem situatie dati, mi firi dati a de moro boen foe doe da wroko nanga wan oema disi kan doe da wroko leki foe doe noti, alwasi disi no de da moro boen fasi. Ma wi moesoe waarskow dem oema so dati dem no go doro foe doe dem sani te dem leri dem man foe doe da wroko. A de belangrijk foe sabi san da Bijbel taki. Da wan fasi na ini da prakteit de foe wroko foe meki moeiti dati da situatie disi Gado wani kom troe. Les 1 Santa Jejej 12/31/2018

Kerki ordinance San ordinance wani taki? A de wan dorosei sani disi joe kan si disi wi feni leki wan opdrakti na ini da Bijbel disi sori wi wan foe dem fondamenti waarheid foe da Bijbel. A de wan sani wi doe foe membre wisrefi foe san ben pasa na ini da geschiedenis disi de toemoesi belangrijk. Les 1 Santa Jejej 12/31/2018

Sacramenti… San na wan sacrament? Da Lomsoe raad groepoe na ini Trent na ini 1551 taki: Wan sacramenti de wan sani disi joe kan si, disi abi da krakti doro da krakti foe Gado foe tjari gnade kom, en a no de wan symbool nomo. Wan ordinance de wan sani wi doe, no foe kisi gnade, ma foe sori dati wi ben feni gnade kaba! Lomsoe kerki taki dati 7 sacramenti de. Da Njoen Testamenti poti boiti toe sani, en da Njoen Testamenti taki dati dem de ordinance, en no sacramenti. Les 1 Santa Jejej 12/31/2018

Avondmaal Mt. 26:26-30 26. En di dem ben njan, Jezus ben teki brede, en A ben blesi hem, en A ben broko hem, en A ben gi hem na Hem discipel, en A ben taki: Teki, njan; disi de Mi skin. 27. En A ben teki da kan, en A ben gi grantangi, en A ben gi hem na dem, en A ben taki: Oenoe ala dringi foe hem; 28. Bikasi disi de Mi broedoe foe da njoen akkorderi, disi ben trowe gi foeroe soema foe gi dem pardon foe dem sondoe. 29. Ma Mi taki gi oen taki: Mi no sa dringi foe da druivi-sap disi moro te leki da dei disi Mi sa dringi hem njoen baka nanga oen na ini da kownoekondre foe Mi Tata. 30. En di dem ben singi wan psalm, dem ben go na da Olijfbergi. Les 1 Santa Jejej 12/31/2018

?Avondmaal Wi no feni avondmaal per se na ini Johannes, ma som bribi dati Jezus ben denki abra disi na ini Johannes 6:51, 53-56: 51. Mi de da libi brede disi ben komopo foe hemel; efoe iniwan libisoema sa njan foe da brede disi, a sa libi foe teego; en da brede disi Mi sa gi de Mi skin, disi Mi sa gi foe da libi foe ala soema… Les 1 Santa Jejej 12/31/2018

Avondmaal??? 53. Dan Jezus ben taki gi dem taki: Troe, troe, Mi taki gi oen taki: Efoe oen no sa njan da skin foe Soemapikin en dringi Hem broedoe, oen no abi libi na oen ini. 54. Da soema disi njan Mi skin, en disi dringi Mi broedoe, abi da libi foe teego; en Mi sa opo hem baka na da laasti dei. 55. Bikasi Mi skin de njanjan foe troe, en Mi broedoe de dringi foe troe. 56. Da soema disi de njan Mi skin, en disi de dringi Mi broedoe, a de libi na Mi ini, en Mi de libi na hem ini. Les 1 Santa Jejej 12/31/2018

Dem nem foe avondmaal .Eucharist (Grieki = gi grantangi) Disi komopo foe I Kor. 11:24 En di A ben gi grantangi, A ben broko hem, en A ben taki: Teki, njan; disi de Mi skin, disi broko foe oen ede; doe disi foe membre Mi. .Eulogia (Grieki = blesi) Disi komopo foe I Kor. 10:16a Da kan foe blesi disi wi blesi, a no de da gemeenschap foe da broedoe foe Kristus? Les 1 Santa Jejej 12/31/2018

Dem nem foe avondmaal Prosphora (Grieki = ofrandi) Da nem ben kom bikasi dem soema ben gwenti foe gi presenti na dem potiwan di dem ben njan avondmaal .Gemeenschap: Disi komopo foe I Kor. 10:16a toe Da kan foe blesi disi wi blesi, a no de da gemeenschap foe da broedoe foe Kristus? Broko brede: Disi kom foe Tori 2, en som denki dati a taki abra avondmaal: Tori 2:42 En dem ben hori doro nanga da leri nanga da gemeenschap foe dem apostel, en foe broko brede, en foe begi. Les 1 Santa Jejej 12/31/2018

Leri abra avondmaal Lomsoe: Trans-substantiation Disi de da Lomsoe leri disi taki dati da brede nanga da win tron da skin nanga da broedoe foe Jezus Kristus di da priester taki so na ini da mis, alwasi dem loekoe da srefi en dem tesi da srefi. So da soema disi doe so njan foe da skin foe Kristus en dringi Hem broedoe. Foe taki troe, da Bijbel taki dati disi no kan de, na ini bijzonder na ini da boekoe foe Hebreeen: Les 1 Santa Jejej 12/31/2018

Avondmaal no de da skin foe Kristus letterlijk… Heb. 7:24-27 24. Ma da man disi, bikasi A de libi foe teego, abi wan priester-wroko disi noiti sa kenki. 25. Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. 26. Bikasi so wan hogepriester de fiti gi wi, disi de santa; A de sondro ogri, krin, en aparti foe dem sondari, en disi de moro hei leki dem hemel. 27. A no abi fanowdoe foe meki ofrandi ala dei leki dem tra priester ben doe, fosi foe Hem egi sondoe, en dan foe dem sondoe foe da pipel; bikasi A ben doe disi wan leisi kaba, di A ben meki wan ofrandi foe Hemsrefi. Les 1 Santa Jejej 12/31/2018

No da skin foe Kristus… Heb. 9:11. Ma Kristus ben tron wan hogepriester foe dem boen sani disi sa kom, doro wan moro bigi en moro volmaakt tabernakel, disi no ben meki nanga anoe, dati wani taki, no foe da grontapoe disi; 12. En A ben go na ini da santa presi wan leisi nomo, no doro da broedoe foe krabita nanga pikin kaw, ma doro Hem egi broedoe, en A ben bai wi baka foe teego Les 1 Santa Jejej 12/31/2018

No da skin foe Kristus… Heb. 9:24. Bikasi Kristus no ben go na ini dem santa presi disi anoe ben meki, ma disi de wan prenki nomo foe da troe wan, ma na ini hemel srefi, foe sori Hemsrefi now na fesi foe Gado gi wi: 25. A no foe A sa gi Hemsrefi leki wan ofrandi foeroe leisi, so leki da hogepriester ben go na ini da santa presi ibri jari nanga da broedoe foe trawan; Les 1 Santa Jejej 12/31/2018

No da skin foe Kristus Heb. 9:26. Bikasi dan a ben moesoe pina foeroe leisi sinsi da bigin foe grontapoe; ma now wan leisi na da kaba foe dem tem, A ben sori Hemsrefi foe poti sondoe na wan sei nanga da ofrandi foe Hemsrefi. 27. En so leki Gado poti dati libisoema moesoe dede wan tron, ma na baka disi, dan da kroetoe sa kom, 28. So srefi, wan tron A ben meki wan ofrandi foe Kristus foe tjari da sondoe foe foeroe soema; en di foe toe tron, A sa sori Hemsrefi sondro sondoe leki verloesoe gi dem soema disi de verwakti Hem. Les 1 Santa Jejej 12/31/2018

No da skin foe Kristus Heb. 10:10-14 10. Doro da wani disi, wi kom santa kaba doro da wan ofrandi foe da skin foe Jezus Kristus wan leisi nomo. 11. En ibri priester tanapoe ibri dei foe wroko en foeroe leisi a meki dem srefi ofrandi, disi noiti kan tjari sondoe gowe; 12. Ma da man disi, baka di A ben meki wan ofrandi foe sondoe foe teego, A ben sidon na da letianoesei foe Gado; 13. En te leki now, A wakti te A meki Hem feanti tron Hem foetoe-bangi. 14. Bikasi doro wan ofrandi A ben meki dem santa soema kom volmaakt foe teego. Les 1 Santa Jejej 12/31/2018

Consubstantiation vs. Memorialization Consubstantiation: Disi de da leri foe da Lutherse kerki disi taki dati da brede nanga da win tan da srefi, ma da skin foe Kristus de “nanga, na ini, en na ondro” dem elementi. Alwasi da fout no de so bigi leki da fosi, tokoe a no abi basis na ini da Bijbel. .Memorialization (wan sani foe membre) Disi de da leri disi taki dati da brede nanga da win de soso symbool foe membre en jepi da bribiwan foe loekoe na da fosi en di foe toe kom foe Masra Jezus Kristus. Disi klop nanga da Bijbel Les 1 Santa Jejej 12/31/2018

OT voorbeeld foe avondmaal Paska lam: Ex. 12:12-13 12. Bikasi Mi sa pasa doro da heri kondre foe Egypti da neti disi, en Mi sa kiri ala dem fosi-gebore foe Egypti, foe libisoema nanga meti; en Mi sa koti kroetoe agensi ala dem gado foe Egyptikondre; Mi de MASRA.13. En da broedoe sa de wan marki gi oen na tapoe dem oso pe oen de tan; en te Mi si da broedoe, Mi sa abra pasa oen, en da pesti-siki no sa kom na oen tapoe foe figi oen poeroe te Mi sa naki da kondre foe Egypti. Les 1 Santa Jejej 12/31/2018

Paska lam Ex. 12:21-22 21. Dan Mozes ben kari ala dem gransoema foe Israël kom, en a ben taki gi dem taki: Komopo, en teki wan lam gi dem famiri foe oen, en kiri da paska lam. 22. En oen sa teki wan taki foe wan hyssop, en dopoe hem na ini da broedoe disi oen ben kisi na ini wan baki, en naki dem toe sei postoe en da tapoe postoe foe da doro nanga da broedoe disi de na ini da baki; en no wan foe oen moesoe komopo foe hem oso te leki mamanten. Les 1 Santa Jejej 12/31/2018

Paska lam Ex. 12:26-27 26. En a sa pasa so dati te dem pikin foe oen sa aksi taki: San da dienst disi wani taki? 27. Dan oen sa piki dem taki: A de da ofrandi foe da paska foe MASRA, disi ben pasa abra dem oso foe dem pikin foe Israël na ini Egypti da tem disi A ben naki dem Egypti soema, en A ben verloesoe wi oso. Dan da folkoe ben boigi dem hede en aanbegi. Les 1 Santa Jejej 12/31/2018

Paska lam & avondmaal Paulus ben tai da paska lam nanga avondmaal: I Kor. 5:7-8 7. Foe dat'ede poeroe da owroe zuurdegi so dati oen sa de wan njoen brede so leki oen de sondro zuurdegi. Bikasi Kristus, wi paska lam, de slakti gi wi. 8. Foe dat'ede meki wi hori da fesa, no nanga da owroe zuurdegi, en no nanga da zuurdegi foe ogridoe nanga takroedoe, ma nanga da brede sondro zuurdegi foe krin-fasi nanga waarheid. Les 1 Santa Jejej 12/31/2018

Doel foe avondmaal Wi moesoe loekoe na baka: I Kor. 11:26 Bikasi ibri leisi dati oen njan da brede disi en dringi da kan disi, oen sori da dede foe Masra te leki A kom baka.. Wi moesoe loekoe na inisei: I Kor. 11:28 Ma meki wan soema kroetoe hemsrefi, en dan meki hem njan foe da brede dati, en dringi foe da kan dati. .Wi moesoe loekoe na fesi: I Kor. 11:26. te leki A kom baka. Avondmaal de geschiedenis, a de wan ondro-soekoe na ini wi egi libi, en a de wan sortoe profeti-taki. A taki foe da kruisi nanga da kroon toe! Les 1 Santa Jejej 12/31/2018

Soema kan njan avondmaal? Soema kan njan avondmaal? A de soso bribiwan, ma a de ala bribiwan. Disi kan de troe alwasi kande dem no de leden foe wan plaatselijke kerki. San wi moesoe doe leki voorwaarden? Soema no moesoe njan avondmaal? Dem soema disi no de bribiwan, en dem soema disi no de krin. Johannes gi wan advies na dem: Les 1 Santa Jejej 12/31/2018

Johannes taigi dem soema… Dem soema disi no drai dem libi ete: Jn. 3:16 Bikasi Gado ben lobi ala soema so tee dati A ben gi Hem wan enkri gebore Pikin abra, foe ibri soema disi de bribi na Hem no moesoe go lasi, ma a sa abi da libi foe teego. Dem soema disi moesoe krini baka: I Jn. 1:9 Ma efoe wi bekenti wi sondoe, A de getrouw en regtvaardiki foe gi pardon na wi sondoe, en foe krini wi foe ala ongerechtigheid. Les 1 Santa Jejej 12/31/2018

Avondmaal – wan waarskow Da strafoe foe njan avondmaal na wan fasi disi no de fiti: I Kor. 11:29-30 29. Bikasi da soema disi njan en dringi na wan fasi disi no de fiti, a njan en dringi wan vonisi gi hemsrefi, di a no sabi san da skin foe Masra wani taki gi wi. 30. Bikasi foe disi, foeroe soema na oen mindri de swaki en siki, en foeroe soema sribi kaba. A de belangrijk foe teki disi na wan fasi disi de fiti. No wan soema de waarti foe teki hem, ma wi kan teki hem, ma na ini wan fasi disi de fiti. Anders wi si dati wan vonisi kan kom na hem tapoe. Les 1 Santa Jejej 12/31/2018

Vonisi – teki avondmaal so maar Skin siki (I Kor. 11:30) .Dede foe da skin - disi taki foe “foeroe soema sribi kaba:. Da Grieki woortoe foe sribi dja de koimao, en disi wani taki foe dede skin-fasi: Jn. 11:11-13 11. A ben taki dem sani disi, en baka dati A ben taki gi dem taki: Wi mati Lazarus go sribi; ma Mi sa go wiki hem baka foe hem sribi. 12. Dan Hem discipel ben taki: Masra, efoe a sribi, a sa kom boen baka. 13. Tokoe Jezus ben taki abra hem dede, ma dem ben denki dati A ben taki foe teki rostoe na ini sribi. Les 1 Santa Jejej 12/31/2018

San “sribi” wani taki…. Jn. 11:11-13 11. A ben taki dem sani disi, en baka dati A ben taki gi dem taki: Wi mati Lazarus go sribi; ma Mi sa go wiki hem baka foe hem sribi. 12. Dan Hem discipel ben taki: Masra, efoe a sribi, a sa kom boen baka. 13. Tokoe Jezus ben taki abra hem dede, ma dem ben denki dati A ben taki foe teki rostoe na ini sribi. I Kor. 15:20. Ma now Kristus ben opo baka foe dede, en A de da fosi froktoe foe dem soema disi ben sribi kaba. 51. Loekoe, mi sori oen wan kibri-tori: Wi alamala no sa sribi, ma wi alamala sa kenki; Les 1 Santa Jejej 12/31/2018

Omeni leisi joe moesoe hori avondmaal? O meni leisi dem moesoe hori avondmaal? Som kerki abi hem ala 3 moen, en dem abi wan dienst na fesi na ini da wiki foe meki demsrefi kom klari fosi dem hori hem. Som soema doe disi ibri moen. Trawan taki dati a de boen foe doe ala wiki. Foe taki leti, da Bijbel no taki o meni leisi wi moesoe abi avondmaal. Alwasi dem fosi bribiwan ben hori hem ala dei direkt na baka Pinkster, disi no wani taki dati dem ben abi hem na ini ibri oso komakandra, ma dati wan foe dem presi na ini Jerusalem dem ben abi hem ibri dei (Tori 2:46). Na Troas, (Tori 20:7) dem ben hori hem op zondag, ma a no taki dati dem ben doe dati ibri zondag. A de belangrijk foe teki tem nofo, en foe no doe disi es’esi. Les 1 Santa Jejej 12/31/2018

Dopoe Dopoe: Mt. 28:19 Foe dat'ede, go leri ala dem natie, en dopoe dem na ini da nem foe da Tata, en foe da Pikin, en foe da Santa Jeje; .San dopoe wani taki? Wi sa si dati ala kerki taki dati dopoe na ini Grieki taki foe soengoe… Les 1 Santa Jejej 12/31/2018

Dopoe taki soengoe Da standard Grieki lexicon (boekoe) ben skrifi doro Liddell & Scott, foe da kerki foe Engeland (dem doe pikinnegre dopoe - rdp). Da New Testamenti Grieki lexicon ben skrifi doro Thayer, wan bigi leriman foe da Congregational kerki (dem ben doe pikinnengre dopoe toe - rdp) Da lexicon foe dem theoloog woortoe ben skrifi doro Cremer, wan Duits Lutherse kerkiman (dem doe pikinnengre dopoe). Ala dem soema de eens dati da basis betekenis foe da woortoe de foe dopoe na ini, saka na ondro, soengoe. Les 1 Santa Jejej 12/31/2018

San dopoe wani taki? Da woortoe ben hori hem basis betekenis sondro foe kenki. Sinsi da bigin foe da Grieki skrifi te leki da kaba foe dati, wan 2000 jari so, no wan voorbeeld ben feni foe iniwan tra betekenis. Da woortoe foe trowe watra efoe kanti watra noiti wi feni na ini da Njoen Testamenti te a taki abra dopoe. Ibri leriman foe ibri groepoe foe dem kerki moesoe de eens dati da oorsprongelijk betekenis foe da woortoe na ini da Njoen Testamenti de foe dopoe, efoe soengoe. Les 1 Santa Jejej 12/31/2018

Foe san’ede soema no soengoe? Dan wi kan aksi: fa ben pasa dati soema ben bigin foe trowe watra leki da fasi foe dopoe soema? Disi ben pasa di soema ben bigin foe denki dati dopoe srefi ben tjari verloesoe gi da soema. No wan bewijs de na ini da Bijbel dati disi de so. Dan dem ben denki dati efoe disi de troe, dan wan soema disi dede sondro foe dopoe sa lasi, ma dem no ben man soengoe da soema bikasi foe da siki foe hem, en a kan dede. So dem ben bigin foe trowe watra na dem tapoe. Da fosi tem dati wi sabi dati soema ben trowe watra ben de na ini A.D. 250 di Novatian ben didon siki na ini hem bedi, en a ben denki dati a sa dede. A ben abi dem trowe watra abra hem heri skin na ini da bedi leki wan sortoe dopoe. Les 1 Santa Jejej 12/31/2018

Geschiedenis foe dopoe A no ben de te leki A.D. 1311 dati da Lomsoe Kerki na da Raad foe Ravenna ben gi pasi foe trowe watra lei wan fasi foe dopoe. Na ini 1644 da kerki foe Engeland ben teki trowe watra leki dopoe nanga wan stemming na ini Parliament. Da jari na fesi wan bigi kerki groepoe ben gi wan rai foe doe so. Da stemming ben de 25 ja, 24 nee foe so wan dopoe. Wi no kan abi wan Njoen Testamenti kerki wroko na so wan libisoema fasi. Les 1 Santa Jejej 12/31/2018

Sortoe dopoe de? Wi ben sori dati da theoloog betekenis foe dopoe de “identificatie” - dati wani taki dati toe sani abi wan sani pe dem de wan, efoe dem gersi demsrefi. Wi sa si 8 difrenti dopoe na ini da Njoen Testamenti, en na ibri wan wi kan si dati toe sani de tai makandra na wan sortoe fasi: Les 1 Santa Jejej 12/31/2018

Difrenti dopoe Da dopoe foe sondoe tapoe Kristus na Calvarie: Lk. 12:50 Ma Mi abi wan dopoe san Mi moesoe kisi, en fa a de kwinsi Mi te leki Mi sa teki dati. (Si Mt. 20:20-23. Moro fara, foe si identificatie, II Kor. 5:21) .Da dopoe foe da Santa Jeje tapoe dem bribiwan na Pinkster: Mt. 3:11 Foe troe mi dopoe oenoe nanga watra foe drai libi, ma Hem disi sa kom na mi baka de makti moro leki mi, en mi no de waarti foe tjari Hem soesoe; A sa dopoe oen nanga da Santa Jeje en nanga faja. Tori 1:5 Foe troe, Johannes ben dopoe nanga watra, ma oen sa kisi dopoe nanga da Santa Jeje na wantoe dei na fesi. Les 1 Santa Jejej 12/31/2018

Difrenti sortoe dopoe Pinkster… Tori 2:1-4 1. En di da dei foe Pinkster ben doro, dem alamala ben de nanga wan hati na ini wan presi. 2. En wantem wan bari ben komopo foe hemel leki wan tranga winti, en a ben foeroe da heri oso pe dem ben sidon. 3. En wan sani ben sori hemsrefi na dem disi ben gersi priti faja-tongo, en a ben sidon na ibriwan foe dem tapoe. 4. En dem alamala ben kom foeroe nanga da Santa Jeje, en dem ben bigin foe taki tra tongo, so leki da Jeje ben gi dem pasi foe taki. Les 1 Santa Jejej 12/31/2018

Difrenti sortoe dopoe Da dopoe foe ala Kristen na ini da skin foe Kristus doro da Santa Jeje: I Kor. 12:13 Bikasi nanga da wan Jeje wi alamala dopoe na ini wan skin, alwasi wi de Djoe efoe heiden soema, slafoe efoe friman, en wi alamala ben dringi na ini da wan Jeje. .Da dopoe foe Israel na Mozes: I Kor. 10:2 En dem alamala ben teki dopoe na Mozes na ini da wolkoe en na ini da zee. Les 1 Santa Jejej 12/31/2018

Difrenti sortoe dopoe Da dopoe foe Johannes da dopoeman (da dopoe foe da natie foe Israel foe drai libi) Mk. 1:4 Johannes ben dopoe na ini da woestijn, en a ben preiki da dopoe foe drai oen libi, foe kisi pardon foe sondoe. Tori 13:24 Fosi A ben kom, Johannes ben preiki da dopoe foe drai libi gi da heri pipel foe Israël. Les 1 Santa Jejej 12/31/2018

Difrenti sortoe dopoe Da dopoe foe Jezus Kristus .Nanga watra doro Johannes: Mt. 3:15 Jezus ben taki gi hem taki: Meki a pasa so now; bikasi so a de fiti foe doe ala wi plikti reti. Dan a ben gi Hem pasi. .Nanga da Santa Jeje doro da Tata: Mt. 3:16 Dan di Jezus ben dopoe kaba, A ben komopo foe da watra, en loekoe, hemel ben kom opo na Hem tapoe, en A ben si da Jeje foe Gado ben saka kom na ondro leki wan doifi, en A ben tan na Hem tapoe; Les 1 Santa Jejej 12/31/2018

Difrenti sortoe dopoe Da dopoe foe dede soema: I Kor. 15:29 Noso san dem sa doe disi dopoe gi dem dede soema, efoe dem dede soema no opo baka? Foe san'ede dem teki dopoe gi dem dede soema? Wi no sabi precis san disi wani taki, ma wi no de eens nanga da Mormon kerki disi dopoe soema foe soema disi ben dede kaba… Waarschijnlijk a taki foe dem njoen bribiwan foe teki da presi foe dem soema disi ben dede na ini Kristus kaba Les 1 Santa Jejej 12/31/2018

Watra dopoe Da watra dopoe foe soema disi ben drai dem libi na ini Tori: .Na Pinkster: 3000 ben dopoe: Tori 2:41 Dan dem soema disi ben teki hem woortoe nanga prisiri ben teki dopoe, en da srefi dei wan drie doesoen soema so ben kom na ini da kerki. .Na Samaria: Filippus da evangelist ben dopoe dem: Tori 8:12 Ma di dem ben bribi Filippus, disi ben preiki dem sani foe da kownoekondre foe Gado en foe da nem foe Jezus Kristus, dem ben teki dopoe, man so leki oema. Les 1 Santa Jejej 12/31/2018

Watra dopoe… Na Gaza: Da man foe Ethiopie ben teki dopoe nanga Filippus: Tori 8:38 En a ben komanderi dem foe tapoe da wagi, en ala toe foe dem ben saka go na ini da watra, Filippus nanga da basi foe da moni kamra; en a ben dopoe hem. .Na Damascus: Ananias dopoe Paulus: Tori 9:18 En wantem dem boeba ben fadon komopo foe hem ai, en a ben si baka, en a ben opo, en a ben teki dopoe. Na Caesarea: Petrus ben dopoe Cornelius nanga dem mati foe hem: Tori 10:48 En a ben komanderi dem foe dopoe dem na ini da nem foe Masra. En dem ben begi hem foe tan wantoe dei nanga dem. Les 1 Santa Jejej 12/31/2018

Watra dopoe Na Filippi: Paulus ben dopoe Lydia nanga da waktiman foe da doengroe-oso: Tori 16:15 En di a ben teki dopoe, hem nanga hem oso, a ben begi wi taki: Efoe joe loekoe na mi leki wan vertrouw soema foe MASRA, kom na ini mi oso, en tan drape. En a ben dwingi wi. Tori 16:33 En da srefi joeroe na neti, a ben teki dem, en a ben wasi dem soro, en dan wantem a ben teki dopoe, hem nanga hem heri famiri. Les 1 Santa Jejej 12/31/2018

Watra dopoe Na Korinte: Paulus ben dopoe Crispus, Gajus, Stefanus, nanga trawan: Tori 18:8 En Crispus, da fesiman foe da Djoe kerki, ben bribi na Masra nanga hem heri oso; en foeroe foe dem Korintiër soema disi ben jere ben bribi en teki dopoe. I Kor. 1:14, 16 14. Mi gi Gado grantangi dati mi no ben dopoe no wan foe oenoe, boiti Crispus nanga Gajus;16. En mi ben dopoe da famiri foe Stefanus toe; moro fara, mi no sabi efoe mi ben dopoe iniwan trawan. Les 1 Santa Jejej 12/31/2018

Watra dopoe Na Efeze: Paulus ben dopoe som soema disi ben waka na baka Johannes da dopoeman: Tori 19:3-5 3. En a ben taki gi dem taki: Na ini san oen ben teki dopoe dan? En dem ben piki taki: Na ini da dopoe foe Johannes da dopoeman. 4. Dan Paulus ben taki: Foe troe, Johannes ben dopoe da dopoe foe drai libi, en a ben taki gi da pipel dati dem moesoe bribi na tapoe Hem disi sa kom na hem baka, dati wani taki, na tapoe Kristus Jezus. 5. Di dem ben jere disi, dem ben teki dopoe na ini da nem foe Masra Jezus. Les 1 Santa Jejej 12/31/2018

Falsi leri abra dopoe A de fanowdoe foe verloesoe: Disi no de troe kwet’kweti. Omeni presi na ini da Bijbel a sori dati verloesoe de soso doro gnade doro bribi, en no wan wroko moksi na ini: Rom. 4:1-6 1. San wi sa taki dan disi Abraham, wi tata na skin-fasi, ben feni?2. Bikasi efoe Abraham ben kom regtvaardiki nanga wroko, dan a abi wan sani foe prodo abra dati, ma no na fesi foe Gado.3. Bikasi san da skrifi de taki? Abraham ben bribi Gado, en Gado ben loekoe na disi leki gerechtigheid gi hem. Les 1 Santa Jejej 12/31/2018

Dopoe no tjari verloesoe 4. Now na da soema disi de wroko, dem no loekoe na da paiman leki a komopo foe gnade, ma dati a ben verdini hem. 5. Ma na da soema disi no wroko, ma disi bribi na tapoe Hem disi de meki dem soema sondro Gado-fasi kom regtvaardiki, Gado loekoe na hem bribi leki gerechtigheid. 6. So leki David srefi ben taki abra fa da soema de blesi efoe Gado sa kari hem regtvaardiki sondro foe wroko, Les 1 Santa Jejej 12/31/2018

Dopoe no tjari verloesoe Efesi 2:8-9 8. Bikasi doro gnade oen ben kisi verloesoe doro bribi; en dati no ben komopo foe oensrefi; a de da presenti foe Gado; 9. A no komopo foe wroko, so dati no wan soema kan taki nanga bigi-fasi. Titus 3:5 No foe dem boen wroko foe gerechtigheid disi wi ben doe, ma foe Hem boen-hati ede A ben verloesoe wi doro da wasi foe da njoen-geboorte, nanga da njoen libi foe da Santa Jeje, Les 1 Santa Jejej 12/31/2018

Dopoe no tjari verloesoe Da moro tranga versi agensi dopoe disi tjari verloesoe de na ini I Kor. 1:17 Bikasi Kristus no ben seni mi kom foe dopoe, ma foe preiki da boen njoensoe; no nanga koni foe woortoe; noso mi sa meki da kruisi foe Kristus tron wan soso sani. Na ini I Kor. 15:1-4, Paulus sori san de da boen njoensoe, en wi no feni dopoe na ini da tori kwet’kweti Les 1 Santa Jejej 12/31/2018

Dopoe no tjari verloesoe Wan tekst dati soema gebruiki foeroe foe sori dati dopoe kan gi joe njoen libi baka de Tori 2:38: Dan Petrus ben taki gi dem taki: Drai oen libi, en ibriwan foe oen teki dopoe na ini da nem foe Jezus Kristus foe pardon foe sondoe, en oen sa kisi da presenti foe da Santa Jeje. Ma da pikin Grieki woortoe “eis” disi vertaal “foe” kan beteken “bikasi foe” ook toe leki dem sori na ini tra versi. Moro fara, da vraag na ini Tori 2:37 no de “san mi moesoe doe foe kisi verloesoe” ma san wi moesoe doe? Les 1 Santa Jejej 12/31/2018

Dopoe no tjari verloesoe Dopoe teki da presi foe besnijndenis: Disi de fout bikasi: .Besnijdenis ben de soso foe mannengre, ma na ini da Njoen Testamenti, wi leisi foe oema disi teki dopoe: Tori 8:12: Ma di dem ben bribi Filippus, disi ben preiki dem sani foe da kownoekondre foe Gado en foe da nem foe Jezus Kristus, dem ben teki dopoe, man so leki oema. (Si Tori 16:15) .Besnijdenis no taki noti abra da bribi foe da pikin. A taki soso dati a de wan Djoe. Les 1 Santa Jejej 12/31/2018

Dopoe no tjari verloesoe Dopoe no taki abra da nationaliteit foe da soema. A taki soso abra hem bribi. .Dem Djoe ben go doro nanga besnijdenis baka da tem dem ben dopoe soema: Tori 16:3 Paulus ben wani hem foe go nanga hem; en a ben teki hem en besnijd hem, bikasi foe dem Djoe disi ben de na ini dem birti dati, bikasi dem alamala ben sabi dati hem tata ben de wan Grieki soema. Les 1 Santa Jejej 12/31/2018

Soema moesoe dopoe? Dem moesoe dopoe ala bribiwan: F. F. Bruce skrifi na ini The Book of Acts, bl. 77 taki: No wan soema ben abi da idee foe wan Kristen disi no ben teki dopoe. Dopoe no de wan sani foe wisrefi verkisi, ma wan sani disi Gado srefi taki. .Soso bribiwan moesoe teki dopoe. Dem woortoe foe bribi en dopoe ben tai makandra na ini da Bijbel. Bribi de da loetoe, en dopoe de da froktoe. Tori 2:41; i:12; 8:36-38; 16:14-15; 16:30-33; 18:8; 19:4-5. Wi no abi wan steun foe da Bijbel foe dopoe wan baby. Les 1 Santa Jejej 12/31/2018

San dopoe wani taki? Sortoe symbool de foe dopoe? San joe denki dati dopoe sori? San joe denki sa sori sortoe fasi joe sa dopoe toe: .San da soema denki disi trowe watra: Dem bribi dati dopoe sori dati da Santa Jeje kom tapoe da bribiwan. Dem taki dati efoe calvarie ben abi wan ordinance kaba (avondmaal), no wan trawan de fanowdoe foe sori da srefi sani. .Da soema disi wani soema foe saka go na ondro da watra taki dati dopoe de wan symbool foe da dede, beri & opo baka foe da bribiwan, en dati da bribiwan ben dopoe na ini da dede, da beri nanga da opo baka foe Jezus Kristus leki wi feni na ini Rom. 6:1-10 & Kol. 2:11-13 Les 1 Santa Jejej 12/31/2018

Avondmaal vs. dopoe Avondmaal taki moro foeroe abra da dede foe Kristus .Dopoe taki moro foeroe abra da dede foe da bribiwan .Avondmaal sori toe da kom baka foe Jezus Kristus .Da opo baka foe Kristus wi si na ini dopoe .Na ini avondmaal, wi si gerechtigheid (da kruisi) nanga glori (da kroon) .Wi si santa-fasi na ini dopoe: Rom. 6:4 Foe dat'ede, wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. Les 1 Santa Jejej 12/31/2018

Da doel foe dopoe Identificatie nanga da verloesoeman: Da moro belangrijk sani foe dopoe de foe sori fa a de wan nanga Jezus Kristus. Di a doe disi, da bribiwan sori dati a kom na ini da fasi foe da makti foe Masra Jezus Kristus pe A de basi. A no de dati da nem foe Kristus Jezus wawan de kari abra da dopoe soema, ma da dopoe soema kari tapoe da nem foe Jezus Kristus toe: Tori 22:16. Te a doe so, a sori na wan openbaar fasi dati a aksi pardon foe sondoe, en dati a bribi en saka na ondro Jezus leki Masra: Les 1 Santa Jejej 12/31/2018

San dopoe wani taki? Te wi de wan nanga Kristus Jezus, wi de wan nanga Hem makti wroko toe. Dem watra foe dopoe sori dati wi de wan nanga da krini foe sondoe (Tori 22:16; Heb. 10:22; I Kor. 6:11; Tori 2:38). Moro fara, na ini da Bijbel, dopoe taki foe da sondoe soema dede kaba gi hem owroe libi, en a opo baka na wan njoen libi bikasi a de wan nanga Kristus. Les 1 Santa Jejej 12/31/2018

San dopoe wani taki? Da apostel aksi foe wan santa libi bikasi wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. (Rom. 6:4) Na ini Kolossi, a skrifi na ini 2:12 Oen beri nanga Hem na ini dopoe, en oen opo baka nanga Hem toe doro bribi na ini da wroko foe Gado disi ben opo Hem baka foe dede. Les 1 Santa Jejej 12/31/2018

San dopoe wani taki? Alwasi wan sani disi pasa te wi kom wan nanga Kristus de dati wi kom krini foe sondoe, da verloesoe de da dede foe wi gi wi owroe libi, en da opo baka te leki wan njoen libi na ini Kristus. Moule sori fa disi de belangrijk, bikasi a si dati efoe joe loekoe moro foeroe na dopoe leki wan sani disi krini joe, dan joe sa abi wan neiging foe denki dati a ben krini joe foe dem sondoe disi joe ben doe kaba, en dan da soema disi teki dopoe moesoe wroko foe hori hemsrefi krin. Ma te joe loekoe na da njoen libi na ini Kristus leki da moro belangrijk sani, dan da boven-natuurlijk wroko foe Gado kom na fesi. Les 1 Santa Jejej 12/31/2018

Dopoe sori wi de na ini da skin foe Kristus toe Da dede en opo baka foe Kristus no taki soso dati wi kom wan na ini Kristus, ma dati wi kom na ini wan eenheid leki leden na ini da srefi skin: I Kor. 12:12 Bikasi so leki da skin de wan, ma tokoe a abi foeroe pisi, en ala dem pisi foe da skin dati, alwasi dem de foeroe, meki wan skin nomo; so srefi Kristus de toe. Wi no kom wan nanga da hede efoe wi no kom wan nanga da heri skin toe. Paulus skrifi dati ala dem bribiwan kom na ini wan njoen man... Efesi 2:15. Les 1 Santa Jejej 12/31/2018

Dopoe – wi kom na ini da kerki Disi sori dati da soema ben kom na ini da groepoe foe dem bribiwan (Tori 2:41). Te joe teki dopoe, joe sori dati joe komopo foe da owroe libi kom na wan njoen libi, ma so srefi joe komopo foe da grontapoe systeem foe kom wan na ini da groepoe foe bribiwan. Na ini dopoe, da bribiwan ben tanapoe na sei foe dem discipel foe Kristus. Les 1 Santa Jejej 12/31/2018