Doctrine I Da Leer foe da Pikin IV Les 07 Bijbel Baptist Kerk Les Doctrine I Da Leer foe da Pikin IV Les 07 Robert D. Patton Da Froktoe foe da Jeje: Lobi 12/31/2018

Petrus & Johannes frigiti dati A sa opo baka Jn. 20:9 Bikasi dem no ben sabi da skrifi ete dati A moesoe opo baka foe dede. Lk. 24:12 Dan Petrus ben opo, en a ben lon go na da grebi; en a ben boigi hemsrefi, en a ben si dem linnen krosi disi ben didon na demsrefi, en a ben gowe, en a ben verwondroe na ini hem hati abra da sani disi ben pasa. Leri foe da Pikin - Les 4 12/31/2018

Dem discipel frigiti dati A sa opo baka Lk. 24:9-11 9. En dem ben kom baka foe da grebi, en dem ben taki ala dem sani disi gi dem elfoe discipel, nanga ala dem tra soema. 10. En Maria foe Magdala ben de, nanga Johanna nanga Maria, da mama foe Jakobus, nanga dem tra oema disi ben de nanga dem, disi ben taki dem sani disi na dem discipel. 11. En dem ben loekoe na dem woortoe leki soso taki, en dem no ben bribi dem. Leri foe da Pikin - Les 4 12/31/2018

Moro fara Dem toe discipel disi ben go na Emmaus ben frigiti, ma Jezus ben sori dem da tori Tomas ben frigiti en a no ben bribi te leki Jezus ben sori hem Hemsrefi Leri foe da Pikin - Les 4 12/31/2018

Wantoe bewijs foe da opo baka .Da grebi de legi .Dem libi foe dem discipel ben kenki Leri foe da Pikin - Les 4 12/31/2018

Dem krosi Jn. 20:5. En a ben boigi, en a ben loekoe na ini, en a ben si dem linnen krosi didon, ma a no ben go na ini ete. 6. Dan Simon Petrus ben kom na hem baka, en a ben go na ini da grebi, en a ben si fa dem linnen krosi ben didon, 7. En fa da angisa disi ben tai lontoe Hem hede no ben didon nanga dem linnen krosi, ma hem wawan ben domloe makandra na wan presi. 8. Dan da tra discipel ben go na ini toe, disi ben kom fosi na da grebi, en a ben loekoe, en a ben bribi. Leri foe da Pikin - Les 4 12/31/2018

San Johannes ben si? Mi bribi dati Johannes ben si dem krosi domloe ete, ma dem de legi en dem no priti opo, en da hangisa ben de precis pe Hem hede ben de fosi. Dem krosi de leki fa dem ben de lontoe da skin foe Jezus, ma now da skin verdwijn sondro foe stoor dem krosi. Leri foe da Pikin - Les 4 12/31/2018

Wantoe bewijs foe da opo baka .Dem Romeini soema nanga dem Fariseeman no ben taki noti: No wan leisi dem feanti ben proberi foe taki dati Jezus no ben opo baka. A no ben switi gi dem, en dem ben proberi foe kiri da tori, ma dem no ben man taki dati a no de so! Leri foe da Pikin - Les 4 12/31/2018

Wantoe bewijs foe da opo baka Dem kenki da dei foe aanbegi Gado komopo foe Zaterdag go na Zondag: Da sabbat ben de na ini dem hati nanga da geschiedenis foe dem apostel leki Djoe. A sa teki wan bigi sani foe kenki dem prakseri. Prakseri fa a sa de nownow efoe wi ben taki dati bigin foe tra wiki, wi sa wroko op zondag, ma wi alamala sa teki maandag leki wan fri dei… Leri foe da Pikin - Les 4 12/31/2018

Wantoe bewijs foe da opo baka .Da kerki: Na ini minder leki 50 jari baka da dede foe Kristus, da Kerki ben kom wan makti sani, disi ben meki da Romeini lanti frede foe si fa a ben kenki man nanga oema. Dem anansi tori no kom tranga so wan fasi. Leri foe da Pikin - Les 4 12/31/2018

Jezus sori Hemsrefi baka di A ben opo baka Jezus sori Hemsrefi 17 leisi Feifi na da fosi dei Siksi moro te leki Pinkster Siksi leisi baka Pinkster Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Fosi A ben sori Hemsrefi na Maria, disi ben drai go baka na da djari Di foe toe, A ben sori Hemsrefi na dem tra oema Di foe drie – Jezus ben sori Hemsrefi persoonlijk na Petrus: Lukas 24:34; I Kor. 15:5 Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Fosi A ben sori Hemsrefi na Maria, disi ben drai go baka na da djari Jn. 20:11. Ma Maria ben tanapoe na dorosei foe da grebi, en a ben krei; en di a ben krei, a ben boigi hemsrefi, en a ben loekoe na ini da grebi, 12. En a ben si toe engel na ini weti krosi disi ben sidon, wan na da hedesei en da trawan na da foetoesei pe da dedeskin foe Jezus ben didon. 13. En dem ben taki gi hem taki: Oema, foe san'ede joe de krei? A ben piki dem taki: Bikasi dem tjari mi Masra gowe, en mi no sabi pe dem poti Hem. Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Jn. 20:14. En di a ben taki so, a ben drai hemsrefi lontoe, en a ben si Jezus tanapoe, ma a no ben sabi dati a ben de Jezus. 15. Jezus ben taki gi hem taki: Oema, foe san'ede joe de krei? Soema joe soekoe? Di a ben denki dati a ben de da djariman, a ben taki gi Hem taki: Masra, efoe joe ben tjari Hem komopo foe dja, taigi mi pe joe ben poti Hem, en mi sa tjari Hem gowe. 16. Jezus ben taki gi hem taki: Maria. A ben drai lontoe, en a ben taki: Rabboeni: dati wani taki: Masra! Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Jn. 20:17. Jezus ben taki gi hem taki: No meri Mi; bikasi Mi no go na loktoe na Mi Tata ete, ma go na dem brada foe Mi, en taki gi dem taki: Mi opo go na Mi Tata nanga oen Tata, en na Mi Gado nanga oen Gado. 18. Maria foe Magdala ben kom taigi dem discipel dati a ben si Masra, en dati A ben taki dem sani disi gi hem. Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Matteüs 281. Na da kaba foe da sabbat, froekoe mamanten na da fosi dei foe da wiki, Maria Magdala nanga da tra Maria ben kom foe loekoe da grebi. 2. En loekoe, wan bigi aardbeifi ben pasa, foe di da engel foe Masra ben saka komopo foe hemel, en a ben kom lolo da ston komopo foe da doromofo, en a ben sidon na hem tapoe. 3. Hem fesi ben de leki dondroe-faja en hem krosi ben de so weti leki katoen; 4. En dem waktiman ben beifi nanga frede foe hem, en dem ben tron leki dede soema. Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Mt. 28:5. En da engel ben piki dem oema taki: No frede; bikasi mi sabi soema oen de soekoe, Jezus foe Nazaret, disi dem ben kruisi. 6. A no de dja; bikasi A ben opo baka, so leki A ben taki. Kom, loekoe da presi pe Masra ben didon. 7. En go es'esi, en taigi dem discipel foe Hem dati A ben opo baka na dede; en loekoe, A sa go na oen fesi na Galilea; drape oen sa si Hem; loekoe, mi ben taigi oen kaba. 8. En es'esi dem ben lon komopo foe da grebi nanga frede moksi nanga bigi prisiri; en dem ben lon go taigi Hem discipel. Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Mt. 28:9. En di dem ben go foe taigi Hem discipel, Jezus ben miti dem en A ben taki: Wan boen odi. En dem ben kom hori Hem na Hem foetoe, en dem ben aanbegi Hem. 10. Dan Jezus ben taki gi dem taki: No frede; taigi dem brada foe Mi foe go na Galilea, en drape dem sa si Mi. Di foe drie – Jezus ben sori Hemsrefi persoonlijk na Petrus: Lukas 24:34; I Kor. 15:5 Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Di foe drie – Jezus ben sori Hemsrefi persoonlijk na Petrus: Lukas 24:34 33. En dem ben opo da srefi joeroe, en dem ben drai go baka na Jerusalem, en dem ben feni dem elfoe discipel makandra, nanga dem soema disi ben de nanga dem. 34. En dem taki: Masra ben opo baka foe troe, en A ben sori Hemsrefi na Simon. 35. En dem ben taigi dem san ben pasa na pasi, en fa dem ben kom sabi Hem di A ben broko da brede. Leri foe da Pikin - Les 4 12/31/2018

Jezus sori Hemsrefi da fosi dei di A ben opo baka Di foe drie – Jezus ben sori Hemsrefi persoonlijk na Petrus: I Kor. 15:3. Bikasi fosi mi ben gi oen da sani disi mi ben kisi toe; fa Kristus ben dede foe wi sondoe ede, so leki a de skrifi kaba; 4. En dem ben beri Hem, en A ben opo baka foe dede na di foe drie dei, so leki a de skrifi; 5. En dati Kefas ben si Hem, en dan dem twalfoe apostel. Leri foe da Pikin - Les 4 12/31/2018

Jezus ben sori Hemsrefi… Jezus waka nanga toe discipel go na Emmaus: Lukas 24…23. En di dem no ben feni Hem dedeskin, dem ben kom baka en dem ben taki dati dem ben si wan visioen foe dem engel toe, disi ben taki dati A de na libi. 24. En wantoe foe dem soema disi ben de nanga wi ben go na da grebi, en dem ben feni da sani so leki dem oema ben taki, ma dem no ben si Hem. Leri foe da Pikin - Les 4 12/31/2018

Jezus ben sori Hemsrefi… Lk. 24:25. Dan A ben taki gi dem taki: O dom soema, disi abi wan hati disi teki langa foe bribi ala dem sani disi dem profeti ben taki kaba; 26. Kristus no ben moesoe pina nanga ala dem sani disi, en go na ini Hem glori? 27. En A ben bigin na Mozes nanga ala dem profeti, en A ben poeroe ala dem Skrifi abra Hemsrefi krin gi dem. Leri foe da Pikin - Les 4 12/31/2018

Jezus ben sori Hemsrefi… Jezus sori Hemsrefi na 10 discipel na da fosi neti na ini wan oso: Lk. 24:36. En di dem ben taki so, Jezus Hemsrefi ben tanapoe na mindri foe dem, en A ben taki gi dem taki: Vrede moe de nanga oenoe. 37. Ma dem ben skreki, en dem frede, bikasi dem ben denki dem ben si wan jorka. 38. En A ben taki gi dem taki: Foe san'ede oen skreki so? En foe san'ede dem prakseri disi opo na ini oen hati? 39. Loekoe na Mi anoe nanga Mi foetoe, dati a de Misrefi; fasi Mi en si; bikasi wan jorka no abi meti nanga bonjo leki oen si dati Mi abi. Leri foe da Pikin - Les 4 12/31/2018

Jezus ben sori Hemsrefi… Lk. 24:40. En di A ben taki so, A ben sori dem Hem anoe nanga Hem foetoe. 41. En di dem no bribi ete foe prisiri ede, en dem ben verwondroe, A ben aksi dem taki: Oen abi njanjan dja? 42. En dem ben gi Hem wan pisi losi fisi, nanga pikinso honi. 43. En A ben teki hem, en A ben njan na dem fesi. 44. En A ben taki gi dem taki: Mi ben taki dem woortoe disi gi oen di Mi ben de nanga oen ete, so dati alasani moesoe kom troe disi ben skrifi na ini da wet foe Mozes nanga dem profeti nanga dem psalm abra Mi. 45. Dan A ben opo dem froestan, foe dem ben kan froestan dem Skrifi. Leri foe da Pikin - Les 4 12/31/2018

Dem tem fosi Pinkster Di foe siksi – dem 11 discipel baka wan wiki, di Tomas ben de aanwezig.25. Foe dat'ede dem tra discipel ben taki gi hem taki: Wi ben si Masra. Ma a ben piki dem baka taki: Efoe mi no sa si dem spikri olo na ini Hem anoe, en poti mi finga na ini dem olo, en troesoe mi anoe na ini Hem sei, mi no sa bribi. 26. Aiti dei na baka, Hem discipel ben de na inisei agen, en Tomas ben de nanga dem. Dan Jezus ben kom, alwasi dem doro ben tapoe, en A ben tanapoe na dem mindri, en A ben taki: Vrede moe de nanga oenoe. 27. Dan A ben taki gi Tomas taki: Langa joe finga, en loekoe na Mi anoe, en langa joe anoe, en troesoe hem na ini Mi sei; no de sondro bribi, ma bribi. 28. En Tomas ben piki Hem taki: Mi Masra nanga Mi Gado. Leri foe da Pikin - Les 4 12/31/2018

Dem tem fosi Pinkster Di foe sebi – 7 discipel ben de na da zee foe Galilea. Jezus ben taki spesroetoe nanga Petrus Jn. 21:3. Simon Petrus ben taki gi dem taki: Mi sa go fisi. En dem ben taki gi hem taki: Wi sa go nanga joe toe. Dem ben go na doro, en wantem dem ben go na ini wan sipi; en da neti dati, dem no ben kisi noti. 4. Ma moesoedei, Jezus ben kom tanapoe na da sjoro, ma dem discipel no ben sabi dati a ben de Jezus. 5. Dan Jezus ben taki gi dem taki: Pikin, oen abi iniwan njanjan? En dem ben piki Hem taki: Nono. 6. En A ben taki gi dem taki: Fringi da neti na da letianoesei foe da sipi en oen sa feni. Foe dat'ede, dem ben fringi da neti, en dem no ben man hari hem bikasi so meni fisi ben de na ini. Leri foe da Pikin - Les 4 12/31/2018

Dem tem fosi Pinkster Jn. 21:7. Foe dat'ede, da discipel disi Jezus ben lobi ben taki gi Petrus taki: A de Masra. Now di Simon Petrus ben jere dati a ben de Masra, a ben weri hem fisi empi, bikasi a ben de nanga soso skin, en a ben trowe hemsrefi na ini da zee. 8. En dem tra discipel ben kom na ini wan pikin sipi; (bikasi dem no ben de farawe foe da sjoro, wan hondro meter nomo,) en dem ben hari da neti nanga dem fisi. 9. So esi leki dem ben doro na sjoro, dem ben si wan faja foe krofaja drape, en fisi didon na hem tapoe, nanga brede. 10. Jezus ben taki gi dem taki: Tjari som foe dem fisi kom disi oen ben kisi. Leri foe da Pikin - Les 4 12/31/2018

Dem tem fosi Pinkster Jn. 21:11. Simon Petrus ben opo go, en a ben hari da neti kom na sjoro foeroe nanga bigi fisi, wan hondro nanga feifi tenti na drie foe dem, en alwasi so foeroe ben de, tokoe da neti no ben broko. 12. Jezus ben taki gi dem taki: Kom njan. En no wan foe dem ben abi dek'ati foe aksi Hem taki: Soema na Joe? Bikasi dem ben sabi dati A ben de Masra. 13. Dan Jezus ben kom, en A ben teki brede, en A ben gi na dem, en so srefi fisi toe. 14. Now disi ben de di foe drie leisi dati Jezus ben sori Hemsrefi na dem discipel na baka da tem disi A ben opo baka foe dede. Leri foe da Pikin - Les 4 12/31/2018

Dem tem fosi Pinkster Di foe aiti – moro leki 500 soema: I Kor. 15:3. Bikasi fosi mi ben gi oen da sani disi mi ben kisi toe; fa Kristus ben dede foe wi sondoe ede, so leki a de skrifi kaba; 4. En dem ben beri Hem, en A ben opo baka foe dede na di foe drie dei, so leki a de skrifi; 5. En dati Kefas ben si Hem, en dan dem twalfoe apostel. 6. Baka dati, moro leki feifi hondro brada ben si Hem na da srefi tem, en moro foeroe foe dem de na libi te leki tide, ma wantoe foe dem ben fadon na sribi kaba. 7. Baka dati, Jakobus ben si Hem, en dan ala dem apostel. Leri foe da Pikin - Les 4 12/31/2018

Jezus sori Hemsrefi fosi Pinkster Di foe negi ben de gi Jakobus, da brada foe Masra Jezus. I Kor. 15:7. Wi bribi dati Jakobus no ben bribi tapoe Jezus te baka da opo baka: Jn. 7:3-5, ma direkt na baka da opo baka a ben moksi nanga dem tra bribiwan: Tori 1;14; Gal. 1:19. A ben tron wan foe dem moro tranga fesiman foe da kerki. Leri foe da Pikin - Les 4 12/31/2018

Jezus sori Hemsrefi fosi Pinkster Di foe tien ben de gi 11 discipel tapoe wan bergi na ini Galilea. Na da tem disi, A ben gi dem da bigi opdrakti foe preiki da evangelium: Mt. 28:18-20. A ben gi da srefi opdrakti na ini Mk. 16:15-18, en kande disi ben de da srefi tem, efoe moro froekoe. Leri foe da Pikin - Les 4 12/31/2018

Jezus tapoe da bergi Mt. 28:16. Dan dem elfoe discipel ben gowe na Galilea, na wan bergi disi Masra Jezus ben taigi dem. 17. En di dem ben si Hem, dem ben aanbegi Hem; ma som foe dem ben twijfel. 18. En Jezus ben kom taki gi dem taki: Mi ben kisi ala makti na ini hemel nanga grontapoe. 19. Foe dat'ede, go leri ala dem natie, en dopoe dem na ini da nem foe da Tata, en foe da Pikin, en foe da Santa Jeje; 20. En leri dem foe hori en doe alasani disi Mi ben komanderi oen. En loekoe, Mi de nanga oen alatem te leki da kaba foe grontapoe. Amen. Leri foe da Pikin - Les 4 12/31/2018

Jezus sori Hemsrefi fosi Pinkster Tori 1: 6. Foe dat'ede, di dem ben kom makandra, dem ben aksi Hem taki: Masra, na da tem disi, Joe sa meki da kownoekondre foe Israël kom baka? 7. En A ben taki gi dem taki: A no de foe oen foe sabi dem tem efoe dem joeroe disi da Tata ben poti na ini Hem egi krakti. 8. Ma oen sa kisi krakti, te da Santa Jeje sa kom na oen tapoe, en oen sa de getuigi foe Mi na ini Jerusalem, en na ini heri Judea, en na ini Samaria, en na da moro farawe presi foe grontapoe. Leri foe da Pikin - Les 4 12/31/2018

Jezus sori Hemsrefi fosi Pinkster Tori 1: 9. En di A ben taki dem sani disi, dem ben loekoe, en A ben go na loktoe, en wan wolkoe ben tapoe Hem so dati dem no ben kan si Hem moro. 10. En dem ben loekoe dorodoro na hemel di A ben go na loktoe, en loekoe, toe mansoema disi ben weri weti krosi ben tanapoe na dem sei; 11. En dem ben taki toe taki: Oen mansoema foe Galilea, foe san'ede oen loekoe dorodoro na hemel? Da srefi Jezus, disi komopo foe oen go na hemel sa kom baka na da srefi fasi disi oen ben si Hem go na hemel. Leri foe da Pikin - Les 4 12/31/2018

Jezus sori Hemsrefi baka Pinkster Di foe twalfoe leisi ben de na Stefanus net fosi dem ben kiri hem nanga ston: Tori 7:55-56. 55. Ma di a ben foeroe nanga da Santa Jeje, a ben loekoe dorodoro na ini hemel, en a ben si da glori foe Gado, en Jezus ben tanapoe na da letianoesei foe Gado. 56. En a ben taki: Loekoe, mi si dem hemel opo, en Soemapikin tanapoe na da letianoesei foe Gado. Leri foe da Pikin - Les 4 12/31/2018

Jezus sori Hemsrefi baka Pinkster Di foe tien-na-drie leisi A ben sori Hemsrefi ben de gi Paulus tapoe da pasi foe Damascus pe Paulus ben wani vervolgoe dem bribiwan. Tori 9:3-6, 22:6-11; 26:13-18. Na da tem disi Paulus ben drai hem libi. Leri foe da Pikin - Les 4 12/31/2018

Paulus tapoe da pasi foe Damascus Tori 9:3. En di a ben teki hem pasi, a ben doro krosibei na Damascus, en wantem wan leti disi ben komopo foe hemel ben skijn lontoe hem; 4. En a ben fadon na gron, en a ben jere wan stem taki gi hem taki: Saulus, Saulus, foe san'ede joe vervolgoe Mi so? 5. En a ben taki: Soema na Joe, Masra? En Masra ben piki taki: Mi de Jezus disi joevervolgoe; a sa de tranga gi joe foe naki maka nanga foetoe. 6. En a ben beifi en verwondroe, en a ben taki: Masra, san Joe wani mi foe doe? En Masra ben taki gi hem taki: Opo, en go na ini da foto, en joe sa jere san joe moesoe doe. Leri foe da Pikin - Les 4 12/31/2018

Jezus sori Hemsrefi baka Pinkster Di foe tien-na-fo leisi ben de gi Paulus na ini Arabie: Tori 20:24; Gal. 1:12, 17. A no taki direkt ma wi kan si dati a ben pasa na ini Gal. 1:12. Som soema bribi dati dem opdrakti disi Paulus ben kisi na ini Tori 26:17 a ben kisi na ini Arabie, en no tapoe da pasi foe Damascus. Leri foe da Pikin - Les 4 12/31/2018

Jezus sori Hemsrefi baka Pinkster Di foe tien-na-feifi leisi ben de gi Paulus na ini da tempel di Paulus ben kisi wan waarskow dati vervolgoe sa kom: Tori 22:17-21; cf. 9:26-30; Gal. 1:18 Di foe tien-na-siksi ben de bi Paulus di a ben de na ini doengroe-oso na Caesarea. Masra ben tan na hem sei en A ben taigi hem dati a sa de wan getuigi na ini Rome: Tori 23:11 Leri foe da Pikin - Les 4 12/31/2018

Jezus sori Hemsrefi baka Pinkster Di foe tien-na-sebi leisi ben de na in Openbaring 1:12-20 pe Jezus ben sori Hemsrefi gi da apostel Johannes. 9. Mi, Johannes, disi de oen brada toe, nanga wan mati na ini pina en na ini da kownoekondre nanga pasensi foe Jezus Kristus; mi ben de na da eilanti disi dem kari Patmos bikasi foe da woortoe foe Gado ede, en bikasi foe da getuigi foe Jezus Kristus ede. 10. Mi ben de na ini da Jeje na da dei foe Masra, en na mi baka, mi ben jere wan bigi stem leki wan trompeti taki: Leri foe da Pikin - Les 4 12/31/2018

Jezus sori Hemsrefi baka Pinkster Open. 1:11. Mi de da Alfa nanga da Omega, da fosiwan nanga da laastiwan, en: San joe de si, skrifi dati na ini wan boekoe, en seni hem go na dem sebi kerki disi de na ini Asia-kondre: gi Efeze nanga Smyrna nanga Pergamum nanga Tyatira nanga Sardes nanga Filadelfia nanga Laodicea. 12. En mi ben drai lontoe foe si da stem disi ben taki nanga mi. En di mi ben drai lontoe, mi ben si sebi gowtoe kandratiki; 13. En na mindri foe dem sebi kandratiki wan Soema ben de leki Soemapikin, disi ben weri wan krosi te leki Hem foetoe, nanga wan gowtoe krosi lontoe Hem borsoe. 14. Hem hede nanga Hem wiwiri ben weti leki katoen, en weti leki sneeuw; en Hem ai ben de leki wan faja-vlam; Leri foe da Pikin - Les 4 12/31/2018

Jezus sori Hemsrefi baka Pinkster Open. 1:15. En Hem foetoe ben de leki fini kopro disi dem ben bron na ini wan onfoe; en Hem stem ben de leki da bari foe foeroe watra. 16. En A ben abi sebi stari na ini Hem leti anoe, en wan howroe ben komopo foe Hem mofo disi ben srapoe na ala toe sei; en Hem fesi ben de leki da zon disi skijn na ini hem tranga. 17. En di mi ben si Hem, mi ben fadon na Hem foetoe-sei leki wan dedesoema. En A ben poti Hem leti anoe na mi tapoe, en A ben taki gi mi taki: No frede; Mi de da fosiwan nanga da laastiwan; 18. Mi na Hem disi libi, en disi ben dede; en loekoe, Mi libi foe teego. Amen; en Mi abi dem sroto foe hel nanga dede. Leri foe da Pikin - Les 4 12/31/2018

Da opo baka de belangrijk I Kor. 15:12-19 12. Now efoe dem preiki dati Kristus ben opo baka foe dede, dan fa wantoe soema na oen mindri taki dati no wan soema kan opo baka foe dede? 13. Ma efoe dem dede soema no opo baka, dan Kristus no ben opo baka; 14. En efoe Kristus no ben opo baka, dan wi preiki de foe soso, en oen bribi de foe soso toe. 15. Ja, en dem feni dati wi de falsi getuigi foe Gado, bikasi wi ben getuigi foe Gado dati A ben opo Kristus baka; ma A no ben opo Hem baka efoe dem dede soema no opo baka. Leri foe da Pikin - Les 4 12/31/2018

Da opo baka de belangrijk I Kor. 15:16. Bikasi efoe dem dede soema no opo baka, dan Kristus no ben opo baka. 17. En efoe Kristus no ben opo baka, dan oen bribi de foe soso, en oen de na ini oen sondoe ete. 18. Dan dem soema disi ben fadon na sribi na ini Kristus kaba de lasiwan toe. 19. Efoe na ini da libi disi nomo wi abi hopoe na ini Kristus, dan soema sa sari wi moro leki ala tra soema. Leri foe da Pikin - Les 4 12/31/2018

Da opo baka de belangrijk Ala preiki foe da evangelium de wan soso sani .Ala bribi disi ben de, de en sa de wan soso sani .Ala preikiman de bigi leiman Leri foe da Pikin - Les 4 12/31/2018

Da opo baka de belangrijk Ala dem bribiwan disi tan na libi de na ini dem sondoe ete .Ala dem bribiwan disi dede kaba doro na hel .No wan reden de foe libi srefi Leri foe da Pikin - Les 4 12/31/2018

Da volgorde foe da opo baka I Kor. 15:20-24 20. Ma now Kristus ben opo baka foe dede, en A de da fosi froktoe foe dem soema disi ben sribi kaba. 21. Bikasi sinsi doro wan mansoema, dede ben kom, doro wan mansoema, da opo baka foe dede ben kom toe. 22. Bikasi so leki ala soema dede na ini Adam, so srefi na ini Kristus, ala soema sa kom baka na ini libi. 23. Ma ibri soema na ini hem juisti tem; Kristus de da fosi froktoe; dan na baka, dem soema disi de foe Kristus te A kom baka. 24. Dan da kaba sa kom, te A sa gi da kownoekondre abra na Gado da Tata; te A sa broko ala basi nanga ala makti nanga ala krakti saka Leri foe da Pikin - Les 4 12/31/2018

Kristus opo fosi Mt. 28:5-8 5. En da engel ben piki dem oema taki: No frede; bikasi mi sabi soema oen de soekoe, Jezus foe Nazaret, disi dem ben kruisi. 6. A no de dja; bikasi A ben opo baka, so leki A ben taki. Kom, loekoe da presi pe Masra ben didon. 7. En go es'esi, en taigi dem discipel foe Hem dati A ben opo baka na dede; en loekoe, A sa go na oen fesi na Galilea; drape oen sa si Hem; loekoe, mi ben taigi oen kaba. 8. En es'esi dem ben lon komopo foe da grebi nanga frede moksi nanga bigi prisiri; en dem ben lon go taigi Hem discipel. Si Mk. 16:2-8; Lk. 24:1-8 Leri foe da Pikin - Les 4 12/31/2018

Opname foe da kerki I Kor. 15:51. Loekoe, mi sori oen wan kibri-tori: Wi alamala no sa sribi, ma wi alamala sa kenki; 52. Na wan bro so, na da brinki foe wan ai, na da laasti trompeti; bikasi da trompeti sa bari, en dem dede soema sa opo baka sondro pori-fasi, en wi sa kenki.53 Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. Leri foe da Pikin - Les 4 12/31/2018

Opname foe da kerki I Tess. 4:15. Bikasi disi wi taki gi oen doro da woortoe foe Masra, dati wi disi de na libi ete en tan dja te leki Masra sa kom baka no sa wini dem soema disi ben go sribi kaba. 16. Bikasi Masra srefi sa saka komopo foe hemel nanga wan bari, en nanga da stem foe da gran engel, en nanga da trompeti foe Gado, en dem soema disi ben dede na ini Kristus kaba sa opo baka fosi; 17. Dan wi disi tan na libi na grontapoe ete, A sa kisi hari go na loktoe nanga dem na ini dem wolkoe, foe miti Masra na ini da loktoe, en so wi sa de nanga Masra foe teego. Leri foe da Pikin - Les 4 12/31/2018

Da opo baka foe dem O.T. santawan Jn. 5:24 Troe, troe, Mi taki gi oen taki: Da soema disi jere Mi woortoe, en a bribi na tapoe Hem disi ben seni Mi kom, hem abi libi foe teego, en a no sa kom na kroetoe; ma a ben abra komopo foe dede kaba go na libi. Dan. 12:2 En foeroe foe dem disi de sribi na ini da doti foe da gron sa wiki baka, som foe go na libi foe teego, en som foe sjem en pori nem foe teego. Leri foe da Pikin - Les 4 12/31/2018

Da opo baka foe tem foe trobi Open. 20:5-6 5. Ma dem tra dedesoema no ben libi agen te leki da doesoen jari ben kaba. Disi de da fosi opo baka. 6. Da soema disi abi wan pisi foe da fosi opo baka de blesi en santa; da di foe toe dede no abi makti na dem tapoe, ma dem sa de priester foe Gado en foe Kristus, en dem sa de kownoe nanga Hem wan doesoen jari langa. Leri foe da Pikin - Les 4 12/31/2018

Sortoe skin wi sa abi? I Jn. 3:1-3 1. Loekoe na sortoe lobi da Tata ben gi na wi, dati dem sa kari wi dem pikin foe Gado; foe dat'ede grontapoe no sabi wi, bikasi a no ben sabi Hem. 2. Lobiwan, now wi de dem pikin foe Gado, en a no sori san wi sa de ete; ma wi sabi dati te A sa sori Hemsrefi baka, wi sa gersi Hem, bikasi wi sa si Hem leki fa A de. 3. En ibri soema disi abi da hopoe disi na hem ini de krini hemsrefi, so leki A de krin. Wi sa gersi Jezus Leri foe da Pikin - Les 4 12/31/2018

Jezus ben abi wan skin foe meti nanga bonjo Lk. 24:39-40 39. Loekoe na Mi anoe nanga Mi foetoe, dati a de Misrefi; fasi Mi en si; bikasi wan jorka no abi meti nanga bonjo leki oen si dati Mi abi. 40. En di A ben taki so, A ben sori dem Hem anoe nanga Hem foetoe. Leri foe da Pikin - Les 4 12/31/2018

Jezus ben njan na ini hem njoen skin: Lk. 24:41-43 41. En di dem no bribi ete foe prisiri ede, en dem ben verwondroe, A ben aksi dem taki: Oen abi njanjan dja? 42. En dem ben gi Hem wan pisi losi fisi, nanga pikinso honi. 43. En A ben teki hem, en A ben njan na dem fesi. Leri foe da Pikin - Les 4 12/31/2018

Jezus njan na ini Hem glori skin Jn. 21:12-13 12. Jezus ben taki gi dem taki: Kom njan. En no wan foe dem ben abi dek'ati foe aksi Hem taki: Soema na Joe? Bikasi dem ben sabi dati A ben de Masra. 13. Dan Jezus ben kom, en A ben teki brede, en A ben gi na dem, en so srefi fisi toe. Leri foe da Pikin - Les 4 12/31/2018

Jezus skin ben sori spikri marki Jn. 20:25-27 25. Foe dat'ede dem tra discipel ben taki gi hem taki: Wi ben si Masra. Ma a ben piki dem baka taki: Efoe mi no sa si dem spikri olo na ini Hem anoe, en poti mi finga na ini dem olo, en troesoe mi anoe na ini Hem sei, mi no sa bribi. 26. Aiti dei na baka, Hem discipel ben de na inisei agen, en Tomas ben de nanga dem. Dan Jezus ben kom, alwasi dem doro ben tapoe, en A ben tanapoe na dem mindri, en A ben taki: Vrede moe de nanga oenoe. 27. Dan A ben taki gi Tomas taki: Langa joe finga, en loekoe na Mi anoe, en langa joe anoe, en troesoe hem na ini Mi sei; no de sondro bribi, ma bribi. Leri foe da Pikin - Les 4 12/31/2018

Jezus skin abi spikri marki Lk. 24:40 En di A ben taki so, A ben sori dem Hem anoe nanga Hem foetoe. Open. 5:6 En mi ben loekoe, en loekoe, na mindri foe da kownoe-stoeroe nanga dem fo libisani, en na mindri foe dem gransoema, wan Lam ben tanapoe leki fa a ben dede, disi abi sebi toetoe nanga sebi ai, disi de dem sebi Jeje foe Gado disi A ben seni go na heri grontapoe. Leri foe da Pikin - Les 4 12/31/2018

Da siri – wan voorbeeld foe da opo baka Jn. 12:24 Troe, troe, Mi taki gi oenoe taki: Efoe wan siri foe karoe no fadon na gron en dede, a tan hem wawan, ma efoe a dede, a meki foeroe froktoe. I Kor. 15:35-38 35. Ma som soema sa taki: Fa dem dede soema opo baka? En nanga sortoe skin dem kom? 36. Joe dom soema; da sani disi joe zaai no kom na libi, efoe a no dede fosi. 37. En da sani disi joe zaai, joe no zaai da skin disi a sa kisi, ma wan siri nomo, efoe a de tarwe efoe wan tra sortoe wan. 38. Ma Gado gi hem wan skin so leki A wani, en ibri siri abi hem egi skin. Leri foe da Pikin - Les 4 12/31/2018

Da opo baka de moro boen I Kor. 15:39-41 39. Ala meti no de da srefi sortoe; ma libisoema abi wan sortoe meti; tra sortoe meti de gi dem boesi-meti, wan tra sortoe gi dem fisi, en wan tra sortoe gi dem fowroe. 40. En so srefi, tra sortoe skin de na ini loktoe, en trawan na grontapoe; ma da glori foe hemel de wan, en da glori foe grontapoe de trawan. 41. Da zon abi wan glori, en da moen abi wan tra glori, en dem stari ete wan tra glori; bikasi wan stari de difrenti foe trawan na ini glori.. Leri foe da Pikin - Les 4 12/31/2018

Da opo baka de moro boen leki da owroe skin leki: .Wan man de moro boen leki wan meti .Hemel de moro boen leki grontapoe .Da zon de moro boen leki da moen Leri foe da Pikin - Les 4 12/31/2018

Da opo baka sori direkt Dem sani disi pasa wantem gi dem bribiwan: .Wan bewijs dati wi de regtvaardiki: Fa didibri kan taki dati wan soema no de wan bribiwan efoe a ben teki Jezus Kristus kaba, bikasi dan a taki dati da opo baka no abi da krakti foe verloesoe wan soema, en disi de wan bigi lei .A de wan bewijs foe wi krakti nanga tranga tide: Efes. 1:18-2:10 .Wan bewijs dati wi wroko no sa de foe soso: A de wan bewijs dati san wi doe dja dem no sa frigiti na ini hemel: Leri foe da Pikin - Les 4 12/31/2018

Da opo baka sori wi I Kor. 15:58 Foe dat'ede, mi lobi brada, tan faste, no seki, ma doe foeroe wroko alatem na ini Masra, bikasi oen sabi taki oen wroko na ini Masra no de foe soso. Leri foe da Pikin - Les 4 12/31/2018

Bikasi Jezus ben opo baka… II Kor. 4:14 Di wi sabi dati da Soema disi ben opo Masra Jezus baka sa opo wi baka toe doro Kristus, en A sa sori wi makandra nanga oen. Leri foe da Pikin - Les 4 12/31/2018

Da opo baka blesi wi na ini da toekomst Wi sa kenki sani disi pori foe sani disi no kan pori: I Kor. 15:42 So a de toe nanga da opo baka foe dede. A zaai foe go pori, ma a opo foe noiti a kan pori. .Wi sa kenki sani disi de foe pori nem foe sani disi abi glori: I Kor. 15:43a A zaai sondro glori; a opo nanga glori Leri foe da Pikin - Les 4 12/31/2018

Dem blesi foe da opo baka Wi sa kenki swaki-fasi foe krakti: I Kor. 15:43b a zaai nanga swaki-fasi; a opo nanga krakti. Wi sa kenki wan meti skin foe wan jeje-fasi skin: I Kor. 15:44 A zaai wan meti-skin; a opo baka wan jeje-skin. Wan meti-skin de, nanga wan jeje-skin. Leri foe da Pikin - Les 4 12/31/2018

Da opo baka sori Gado krakti A de wan marki dati A de Gado: Romeini 1:4 En Gado ben sori Hem foe de da Manpikin foe Gado nanga krakti, doro da Jeje foe santa-fasi nanga da opo baka foe dede. Tori 10:40 Ma Gado ben opo Hem baka na di foe drie dei, en A ben sori Hem na foeroe soema; Leri foe da Pikin - Les 4 12/31/2018

Da opo baka gi Jezus bigi nem Tori 5:30-31 30. Da Gado foe wi tata ben opo Jezus, disi oen ben kiri en hanga na tapoe wan bon. 31. Gado ben opo Hem nanga Hem letianoe foe tron wan Fesiman nanga Verloesoeman, foe meki Israël abi sari-hati foe dem sondoe, en foe gi pardon na dem sondoe. Leri foe da Pikin - Les 4 12/31/2018

Da opo baka gi Jezus bigi nem Filippi 2:9-11 9. Foe dat'ede Gado ben opo Hem na hei toe, en A ben gi Hem wan nem disi de moro hei leki iniwan tra nem, 10. Dati na ini da nem foe Jezus, ibri kindi sa boigi foe dem sani na ini hemel nanga dem sani na grontapoe nanga dem sani disi de na ondro da gron; 11. En dati ibri tongo moesoe bekenti dati Jezus Kristus de Masra; foe gi Gado da Tata bigi nem. Leri foe da Pikin - Les 4 12/31/2018

Baka da opo baka, Jezus tron hede foe da kerki Efesi 1:19-23 19. En san da toemoesi bigi krakti de disi A gi wi bribisoema, so leki da wroko foe Hem makti krakti, 20. Disi A ben wroko na ini Kristus, di A ben opo Hem baka foe dede, en A ben seti Hem na Hem egi letianoesei na ini dem presi na ini hemel. 21. Moro hei leki ala hedeman nanga krakti nanga makti nanga granmasra nanga ibri nem disi dem kari, no na ini da tem disi nomo, ma so srefi na ini dem tem disi sa kom; Leri foe da Pikin - Les 4 12/31/2018

Baka da opo baka, Jezus tron hede foe da kerki Efesi 1:19-23 22. En A ben poti alasani na ondro Hem foetoe, en A ben meki Hem foe de da hede foe alasani gi da kerki, 23. Disi de Hem skin, da foeroe foe Hem disi de foeroe alasani na ini alasani. Leri foe da Pikin - Les 4 12/31/2018

Da opo baka sori wan kroetoe sa kom Tori 17:31 Bikasi A ben seti wan dei kaba, te A sa kroetoe grontapoe nanga gerechtigheid nanga da Mansoema disi A ben seti kaba; en A ben sori wan marki krin gi ala soema, di A ben opo Hem baka foe dede. Leri foe da Pikin - Les 4 12/31/2018

Da opo baka sori didibri lasi Heb. 2:14 Foe dat'ede, sinsi dem pikin abi skin nanga broedoe, Hemsrefi ben teki da srefi fasi toe, so dati doro da dede A ben sa figi hem disi ben abi da krakti foe dede poeroe, dati wani taki, didibri; Leri foe da Pikin - Les 4 12/31/2018

Bikasi foe da opo baka, dem kenki da dei foe aanbegi Tori 20:7 En na da fosi dei foe da wiki, di dem discipel ben kom foe broko brede makandra, Paulus ben preiki gi dem, en bikasi a ben klari foe gowe da tra dei, a ben preiki dorodoro te leki mindrineti. I Kor. 16:2 Na da fosi dei foe da wiki, ibriwan foe oen moesoe poti moni na wan sei, so leki Gado ben gi hem, so dati te mi sa kom mi no sa abi fanowdoe foe tjari moni kom makandra. Heb. 7:12 Bikasi efoe da priester-wroko ben kenki, a ben de fanowdoe foe kenki da wet toe. Leri foe da Pikin - Les 4 12/31/2018

Da symbool foe opo baka – dopoe Rom. 6:4-5 4. Foe dat'ede, wi ben beri nanga Hem nanga dopoe na ini dede; so leki Kristus ben opo baka foe dede nanga da glori foe da Tata, so srefi wisrefi moesoe waka na ini wan njoen fasi foe libi. 5. Bikasi efoe wi ben prani makandra na ini san disi gersi Hem dede, wi sa de na ini san gersi da opo baka foe Hem toe. Leri foe da Pikin - Les 4 12/31/2018

Jezus ben go na hemel Mk. 16:19 Na baka, di Masra ben taki nanga dem kaba, A ben go na loktoe na hemel, en A ben sidon na da letianoesei foe Gado. Lk. 24:51 En A ben pasa so dati di A ben blesi dem, dan A ben prati foe dem, en A ben go na loktoe na ini hemel. Tori 1:9 En di A ben taki dem sani disi, dem ben loekoe, en A ben go na loktoe, en wan wolkoe ben tapoe Hem so dati dem no ben kan si Hem moro Leri foe da Pikin - Les 4 12/31/2018

Jezus begi gi wi na ini hemel Romeini 8:34 Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Kol. 3:1 Efoe oen ben opo baka nanga Kristus dan, soekoe dem sani disi de na loktoe, pe Kristus sidon na da letianoesei foe Gado. Leri foe da Pikin - Les 4 12/31/2018

Jezus na ini hemel Heb. 1:3 A ben de da brinki foe Hem glori, nanga da prenki foe Hem persoon, en A hori alasani makandra nanga da woortoe foe Hem krakti. Di A ben figi wi sondoe poeroe Hemsrefi, A ben sidon na da letianoesei foe da Majesteit na hei. Heb. 8:1 Now da moro bigi sani disi wi ben taki de disi: Wi abi so wan hogepriester, disi sidon na da letianoesei foe da kownoe-stoeroe foe da Majesteit na ini dem hemel; Leri foe da Pikin - Les 4 12/31/2018

Jezus de na ini hemel Heb. 10:12-13 12. Ma da man disi, baka di A ben meki wan ofrandi foe sondoe foe teego, A ben sidon na da letianoesei foe Gado; 13. En te leki now, A wakti te A meki Hem feanti tron Hem foetoe-bangi. Leri foe da Pikin - Les 4 12/31/2018

Jezus de na ini hemel Heb. 12:2 En loekoe na Jezus, da fesiman nanga da kaba foe wi bribi, disi foe da prisiri disi ben seti na Hem fesi, A ben verdrage da kruisi, en A no ben prakseri foe da sjem, en A sidon na da letianoesei foe da kownoe-stoeroe foe Gado. I Pet. 3:22 Disi ben go na ini hemel, en disi de na da letianoesei foe Gado, en dem engel nanga dem maktiwan nanga dem trangawan de saka na Hem ondro. Leri foe da Pikin - Les 4 12/31/2018

Jezus ben go na ini hemel A de wi fesiman: Heb. 6:19-20 19. Da hopoe disi de wan ankra gi wi sieli; a de troe en a tan faste, en a go na baka da garden, 20. Pe da Soema de disi ben go na ini na wi fesi, Jezus, disi Gado ben meki wan hogepriester foe teego foe da speri foe Melchisedek. .A ben go foe meki wan presi klari gi wi: Jn. 14:2 Na ini Mi Tata oso foeroe presi de; efoe a no ben de so, Mi no ben sa taigi oen. Mi go foe meki wan presi klari gi oen. Leri foe da Pikin - Les 4 12/31/2018

Jezus ben go na ini hemel Foe gi jeje-presenti na dem bribiwan: Efesi 4:10-14 10. Hem disi ben saka go na ondro de da srefi Soema disi ben go na loktoe moro hei leki ala dem hemel, so dati A sa foeroe alasani.) 11. En A ben gi som leki apostel, en som leki profeti, en som leki dem soema disi preiki da boen njoensoe lontoe, en som leki preikiman nanga leriman, 12. Foe meki dem santawan kom volmaakt foe doe da wroko foe dini Gado, foe bouw da skin foe Kristus kom moro tranga; Leri foe da Pikin - Les 4 12/31/2018

Jezus ben go na ini hemel Efesi 4:13. Te leki wi alamala kom wan makandra na ini bribi nanga da sabi foe da Manpikin foe Gado, te leki wan volmaakt soema, te leki da marki foe da bigi foe da foeroe foe Kristus. 14. Dan wi no sa de pikinnengre moro disi degedege, en disi ibri winti foe leri tjari lontoe, nanga da kori-fasi foe libisoema, nanga dem koni korifasi disi dem loeroe wi foe kori wi; Leri foe da Pikin - Les 4 12/31/2018

Jezus na ini hemel gi wi dek’ati Heb. 4:14-16 14. Di wi abi wan bigi hoge-priester disi ben pasa go doro na ini dem hemel, Jezus, da Manpikin foe Gado, meki wi hori wi getuigi faste. 15. Bikasi wi no abi wan hogepriester disi no kan firi wi swaki-fasi, ma A ben kisi tesi na ala fasi so leki wi kisi tesi, ma tokoe noiti A ben doe sondoe. 16. Foe dat'ede meki wi kom nanga dek'ati na da kownoe-stoeroe foe gnade, so dati wi kan kisi sari-hati, en wi kan feni gnade foe jepi wi na ini da tem foe nowtoe Leri foe da Pikin - Les 4 12/31/2018

Jezus gi wi dek’ati di A de na ini hemel Heb. 12:1-3 1. Foe dat'ede, di wi si dati wisrefi abi so wan bigi wolkoe foe getuigi lontoe wi toe, meki wi poti ala wi hebi na wan sei, nanga da sondoe disi de kisi wi so makriki, en meki wi lon nanga pasensi da stree disi de seti na wi fesi. 2. En loekoe na Jezus, da fesiman nanga da kaba foe wi bribi, disi foe da prisiri disi ben seti na Hem fesi, A ben verdrage da kruisi, en A no ben prakseri foe da sjem, en A sidon na da letianoesei foe da kownoe-stoeroe foe Gado. 3. Ma prakseri Hem disi ben hori doro na da stree foe sondari agensi Hemsrefi; noso oen sa kom weri en flauw na ini oen prakseri. Leri foe da Pikin - Les 4 12/31/2018

Jezus begi gi wi na ini hemel Rom. 8:34 Soema na da soema disi vonisi? A de Kristus disi ben dede, en moro fara, A ben opo baka en A de na da letianoe sei foe Gado, en A de begi gi wi toe. Heb. 7:25-27 25. Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem. 26. Bikasi so wan hogepriester de fiti gi wi, disi de santa; A de sondro ogri, krin, en aparti foe dem sondari, en disi de moro hei leki dem hemel. 27. A no abi fanowdoe foe meki ofrandi ala dei leki dem tra priester ben doe, fosi foe Hem egi sondoe, en dan foe dem sondoe foe da pipel; bikasi A ben doe disi wan leisi kaba, di A ben meki wan ofrandi foe Hemsrefi. Leri foe da Pikin - Les 4 12/31/2018

Na ini hemel, Jezus begi gi wi Heb. 8:1 Now da moro bigi sani disi wi ben taki de disi: Wi abi so wan hoge-priester, disi sidon na da letianoesei foe da kownoe-stoeroe foe da Majesteit na ini dem hemel; Heb. 9:24 Bikasi Kristus no ben go na ini dem santa presi disi anoe ben meki, ma disi de wan prenki nomo foe da troe wan, ma na ini hemel srefi, foe sori Hemsrefi now na fesi foe Gado gi wi: Leri foe da Pikin - Les 4 12/31/2018

Jezus begi gi wi swaki fasi Lk. 22:31-32 31. En Masra ben taki: Simon, Simon, loekoe, Satan ben wani abi joe, foe a kan wai joe leki aleisi; 32. Ma Mi ben begi gi joe, foe joe bribi no sa fadon; en te joe sa drai joe libi, meki dem brada foe joe kom moro tranga. Now Masra Jezus wroko doro foe doe da srefi sani na ini hemel: Heb. 7:25 Foe dat'ede A kan verloesoe dem na ala fasi toe; dem disi kom na Gado doro Hem, foe di A libi foe teego foe begi gi dem Leri foe da Pikin - Les 4 12/31/2018

Jezus de wi afkati na ini hemel I Jn. 1:9 Ma efoe wi bekenti wi sondoe, A de getrouw en regtvaardiki foe gi pardon na wi sondoe, en foe krini wi foe ala ongerechtigheid. I Jn. 2:1 Mi pikinnengre, mi skrifi dem sani disi gi oen so dati oen no doe sondoe. En efoe iniwan soema doe sondoe, wi abi wan afkati nanga da Tata, Jezus Kristus, da regtvaardiki wan; Leri foe da Pikin - Les 4 12/31/2018

Jezus de wi afkati na ini hemel Heb. 9:24 Bikasi Kristus no ben go na ini dem santa presi disi anoe ben meki, ma disi de wan prenki nomo foe da troe wan, ma na ini hemel srefi, foe sori Hemsrefi now na fesi foe Gado gi wi: Open 12:10 En mi ben jere wan tranga stem taki na ini hemel taki: Now verloesoe nanga tranga nanga da kownoekondre foe wi Gado nanga da krakti foe Hem Kristus de kom; bikasi dem fringi da klagiman foe wi brada trowe, disi ben klagi dem na fesi foe wi Gado dei nanga neti. Leri foe da Pikin - Les 4 12/31/2018

Di Jezus go na hemel, A ben seni da Santa Jeje Tori 1:4 En di dem ben kom makandra, A ben komanderi dem dati dem no ben moesoe gowe libi Jerusalem, ma dem moesoe wakti foe da pramisi foe da Tata, disi A ben taki: Oen ben jere foe Mi. Tori 2:33 Foe dat'ede, di da letianoe foe Gado ben opo Hem go na hei, en di A ben kisi da pramisi foe da Santa Jeje foe da Tata, A ben doe da sani disi oen si en jere now. Leri foe da Pikin - Les 4 12/31/2018

Na ini hemel, Jezus A wroko doro Hem pipel: Jn. 14:12 Troe, troe, Mi taki gi oen taki: Da soema disi bribi na Mi, da wroko disi Mi doe, a sa doe dem toe; en a sa doe moro bigi wroko leki disi, bikasi Mi de go na Mi Tata. A sorgoe foe Hem kerki Leri foe da Pikin - Les 4 12/31/2018

Na ini hemel, Jezus Heb. 10:12-13 12. Ma da man disi, baka di A ben meki wan ofrandi foe sondoe foe teego, A ben sidon na da letianoesei foe Gado; 13. En te leki now, A wakti te A meki Hem feanti tron Hem foetoe-bangi. Leri foe da Pikin - Les 4 12/31/2018

Jezus sa kom baka foe kisi Hem pipel I Tess. 4:13-18 13. Ma mi brada, mi no wani oen foe de sondro froestan abra dem soema disi ben go sribi kaba, so dati oen no sa sari leki dem soema disi no abi no wan hopoe. 14. Bikasi efoe wi bribi dati Jezus ben dede en A ben opo baka toe, so srefi Gado sa tjari dem soema disi ben sribi na ini Jezus kaba foe kom baka nanga Hem. 15. Bikasi disi wi taki gi oen doro da woortoe foe Masra, dati wi disi de na libi ete en tan dja te leki Masra sa kom baka no sa wini dem soema disi ben go sribi kaba. Leri foe da Pikin - Les 4 12/31/2018

Jezus sa kom baka foe kisi Hem pipel I Tess. 4:16. Bikasi Masra srefi sa saka komopo foe hemel nanga wan bari, en nanga da stem foe da gran engel, en nanga da trompeti foe Gado, en dem soema disi ben dede na ini Kristus kaba sa opo baka fosi; 17. Dan wi disi tan na libi na grontapoe ete, A sa kisi hari go na loktoe nanga dem na ini dem wolkoe, foe miti Masra na ini da loktoe, en so wi sa de nanga Masra foe teego. 18. Foe dat'ede, troostoe makandra nanga dem woortoe disi. Leri foe da Pikin - Les 4 12/31/2018

Jezus sa kom baka foe Hem pipel I Kor. 15:51-57 51. Loekoe, mi sori oen wan kibri-tori: Wi alamala no sa sribi, ma wi alamala sa kenki; 52. Na wan bro so, na da brinki foe wan ai, na da laasti trompeti; bikasi da trompeti sa bari, en dem dede soema sa opo baka sondro pori-fasi, en wi sa kenki. 53. Bikasi da fasi disi pori moesoe weri da fasi disi no man pori moro; en da fasi disi dede moesoe weri da fasi disi noiti kan dede moro. Leri foe da Pikin - Les 4 12/31/2018

Jezus sa kom baka foe Hem pipel I Kor. 15:54. So te da pori-fasi disi sa weri da fasi disi noiti sa pori, en da fasi foe dede disi sa weri da fasi disi noiti sa dede, dan san ben skrifi kaba sa pasa taki: Da wini swari da dede. 55. O dede, pe joe maka de? O grebi, pe joe wini de? 56. Da maka foe dede de da sondoe; en da tranga foe da sondoe de da wet. 57. Ma grantangi foe Gado, disi ben meki wi tron winiman doro wi Masra Jezus Kristus. Leri foe da Pikin - Les 4 12/31/2018

Jezus sa kom baka nanga Hem pipel Mt. 24:29-31 29. Wantem baka da trobi foe dem dei disi, da zon sa kom doengroe, en da moen no sa gi hem leti, en dem stari sa fadon komopo foe hemel, en dem makti na ini hemel sa seki. 30. En dan da marki foe Soemapikin sa sori na ini hemel; en dan ibri famiri na grontapoe sa sari, en dem sa si Soemapikin saka kom na ini dem wolkoe foe hemel nanga krakti nanga bigi glori. 31. En A sa seni Hem engel kom nanga wan bigi bari foe wan trompeti, en dem sa meki dem soema disi A ben verkisi kom makandra foe dem fo winti-presi, komopo foe wan kaba-pisi foe hemel te doro da tra kaba-pisi. Leri foe da Pikin - Les 4 12/31/2018

Jezus sa kom baka nanga Hem pipel Judas 14 En Henoch srefi, di foe sebi soema baka Adam, ben taki profeti-taki foe dem toe taki: Loekoe, MASRA de kom nanga tien doesoen foe Hem santawan, Open. 1:7 Loekoe, A de kom na ini dem wolkoe, en ibri ai sa si Hem, nanga dem soema toe disi ben djoekoe Hem; en ala famiri foe grontapoe sa bari krei bikasi foe Hem. Na so a de: Amen. Leri foe da Pikin - Les 4 12/31/2018

Jezus sa kom baka nanga Hem pipel Open. 19:11-21 11. En mi ben si hemel opo, en loekoe, wan weti asi, en dem kari Hem disi ben sidon na hem tapoe Getrouw en Troe, en A kroetoe en A feti nanga gerechtigheid. 12. Hem ai ben de leki wan faja-vlam, en foeroe kroon ben de na tapoe Hem hede, en A ben abi wan nem disi ben skrifi, disi no wan soema ben sabi boiti Hemsrefi wawan. 13. En A ben weri wan krosi disi ben dopoe na ini broedoe: en dem kari Hem nem Da Woortoe foe Gado. 14. En dem legre disi ben de na ini hemel ben sidon na tapoe weti asi na Hem baka, en dem ben weri fini linnen, weti en krin. Leri foe da Pikin - Les 4 12/31/2018

Jezus kom baka nanga wi 15. En wan srapoe howroe komopo foe Hem mofo, en nanga dati A sa naki dem natie; en A sa basi dem nanga wan isri tiki; en A trapoe da druivi-baki foe da faja hatibron foe Almakti Gado. 16. En A abi wan nem skrifi na tapoe Hem krosi en na tapoe Hem bowtoe taki: KOWNOE FOE DEM KOWNOE EN MASRA FOE DEM MASRA. 17. En mi ben si wan engel disi ben tanapoe na ini da zon; en a ben bari nanga wan tranga stem gi ala dem fowroe disi de frei na mindri foe hemel taki: Kom makandra na da njanjan foe da bigi Gado;. Leri foe da Pikin - Les 4 12/31/2018

Jezus sa kom baka nanga wi… 18. Foe oen kan njan da skin foe dem kownoe nanga da skin foe dem kapten nanga da skin foe dem makti man nanga da skin foe dem asi nanga dem soema disi sidon na dem tapoe, nanga da skin foe ala mansoema, foe friman nanga slafoe, foe pikinwan nanga bigiwan 19. En mi ben si da meti, nanga dem kownoe foe grontapoe nanga dem legre kom makandra foe feti agensi Hem disi ben sidon tapoe da asi, en agensi Hem legre. Leri foe da Pikin - Les 4 12/31/2018

Jezus sa kom baka nanga wi 20. En A ben teki da meti, en nanga hem, A teki da falsi profeti disi ben wroko wondroewroko na hem fesi, dem wroko disi ben kori dem soema disi ben teki da marki foe da meti, nanga dem soema disi ben aanbegi hem popki. A ben fringi ala toe foe dem libilibi na ini da zee disi bron nanga faja nanga swarfoe. 21. En A ben kiri dem soema disi ben tan abra nanga da howroe foe Hem disi ben sidon na tapoe da asi, disi ben abi da howroe komopo foe Hem mofo; en ala dem fowroe ben njan dem dedeskin te leki dem bere ben foeroe. Leri foe da Pikin - Les 4 12/31/2018

Jezus – kownoe na da millenium Jesaja 9:5-6 Bikasi wan pikin de gebore gi wi; wan manpikin de gi wi; da wroko foe basi da kondre de na tapoe hem skowroe, en dem sa kari hem nem Wondroe Raiman, da Makti Gado, da tata foe teego, da Fesiman foe Vrede. 6. Da gro foe hem kownoekondre nanga vrede noiti sa kaba, na tapoe da kownoe-stoeroe foe David, en na tapoe hem kownoekondre, foe seti hem boen, en foe seti hem nanga kroetoe nanga leti foe now te foe teego. Da faja-hati foe MASRA foe dem legre sa doe disi. Leri foe da Pikin - Les 4 12/31/2018

Jezus – kownoe na da millenium Jeremia 23:5-6 Loekoe, dem dei sa kom: so MASRA de taki: dati Mi sa opo wan opregti Taki gi David, en wan Kownoe sa de basi, en alasani sa waka boen gi hem, en A sa koti kroetoe nanga leti na tapoe grontapoe. 6. Na ini hem dei, Juda sa feni verloesoe, en Israel sa libi nanga rostoe, en disi de da nem disi dem sa kari hem taki: MASRA, wi gerechtigheid. Leri foe da Pikin - Les 4 12/31/2018

Jezus na ini da millenium Lukas 1:32-33 32. A sa de bigi, en dem sa kari Hem da Manpikin foe da Moro Hei Wan, en Masra Gado sa gi Hem da kownoe-stoeroe foe Hem tata David; 33. En A sa de basi na tapoe da oso foe Jakob foe teego; en Hem kownoekondre noiti sa kaba. Jn. 18:37 Foe dat'ede Pilatus ben taki gi Hem taki: Joe na wan kownoe dan? Jezus ben piki taki: Joe taki dati Mi de wan kownoe. Foe disi Mi ben gebore, en foe disi Mi ben kom na grontapoe, foe Mi sa getuigi gi da waarheid. Ibriwan disi de foe da waarheid de jere Mi stem. Leri foe da Pikin - Les 4 12/31/2018

Foeroe O.T. soema sori na ini dem libi wan fasi foe Jezus… Jozef: Hem pina. A ben de da moro krin voorbeeld foe Kristus na ini da Owroe Testamenti .Dem hati ben bron na hem tapoe sondro wan reden: Gen. 7:4, 8; Jn. 15:25 .Dem ben spotoe hem: Gen. 37:19; Lk. 22:63 .Dem ben miti mofo agensi hem: Gen. 37:20; Jn. 11:53 .Dem ben poeroe hem krosi: Gen. 37:23; Jn. 19:23-24 Leri foe da Pikin - Les 4 12/31/2018

Voorbeeld foe Jezus – Jozef .Dem ben seri hem foe sorfoe: Gen. 37:28; Mt. 26:14-16 .Dem ben lei gi hem: Gen. 39:14; Mt. 26:61 .Dem ben poti hem na ini katibo nanga toe schuldig man: Gen. 40:1-3; Lk. 23:32-33 .Dem soema foe hem no ben sabi hem: Gen. 42:8; Jn. 1:11 Leri foe da Pikin - Les 4 12/31/2018