Owroe Testamenti I – Les 1 Da Schepping Bijbel Baptist Kerk Les Owroe Testamenti I – Les 1 Da Schepping Robert D. Patton Da Froktoe foe da Jeje: Lobi 12/7/2018

Gado taigi wi foe stoeka Hem woortoe Joz. 1:8 Da boekoe disi foe da wet no sa libi joe mofo; ma joe sa prakseri hem dei nanga neti, foe joe kan doe alasani disi skrifi na ini fin'fini; bikasi dan joe sa waka so leki joe wani, en alasani sa waka boen nanga joe. . Les 1 Santa Jejej 12/7/2018

Gado taigi wi foe stoeka Hem woortoe II Tim. 2:15 Wroko tranga foe sori joesrefi leki wan boen wrokoman na ini da ai foe Gado, wan wrokoman disi no abi foe kisi sjem, disi prati da woortoe foe waarheid na wan leti fasi. .Mt. 4:4 Ma Jezus ben piki hem taki: Boekoe foe Gado taki: Wan soema no sa libi foe brede wawan, ma nanga ibri woortoe disi komopo foe da mofo foe Gado. Loekoe boen dati Jezus ben taki ibri woortoe. Les 1 Santa Jejej 12/7/2018

Sondari kan verloesoe doro da woortoe Rom. 10:13-17 13. Bikasi ibri soema disi sa kari da nem foe Masra sa feni verloesoe.14. Ma fa dem sa kari na Hem dan efoe dem no ben bribi na Hem tapoe? En fa dem sa bribi na Hem tapoe efoe dem no ben jere abra Hem? En fa dem sa jere sondro foe wan preikiman?15. En fa dem sa preiki, efoe wan soema no seni dem go? So leki a de skrifi kaba taki: Fa dem foetoe de moi foe dem soema disi de preiki da boen njoensoe foe vrede en disi tjari da prisiri boskopoe foe boen sani kom!16. Ma dem alamala no ben gi jesi na da boen njoensoe. Bikasi Jesaja ben taki: Masra, soema ben bribi san wi ben taki?17. Na so bribi de kom nanga jere, en jere nanga da woortoe foe Gado. Les 1 Santa Jejej 12/7/2018

Petrus preiki op Pinkster Tori 2:14 Ma Petrus ben tanapoe nanga dem elfoe apostel, en a ben opo hem stem, en a ben taki gi dem taki: Oen soema foe Judea, nanga ala oen disi libi na Jerusalem, meki oen kom sabi disi, en arki boen na mi woortoe taki: Tori 2:37 Now di dem ben jere disi, da sani ben djoekoe dem na ini dem hati, en dem ben taki gi Petrus nanga dem tra apostel taki: Mansoema nanga brada, san wi moesoe doe? Les 1 Santa Jejej 12/7/2018

Filippus tjari da woortoe go… Tori 8:4-8 4. Foe dat'ede dem ben panja, en dem ben go na ala presi foe preiki da woortoe. 5. Dan Filippus ben go na da foto foe Samaria, en a ben preiki Kristus gi dem. 6. En nanga wan hati, da pipel ben arki na da sani disi Filippus ben taki, en dem ben jere en si dem wondroewroko disi a ben doe. 7. Bikasi dem takroe jeje ben bari nanga wan tranga stem, en dem ben komopo foe foeroe soema disi ben abi dem na dem tapoe; en foeroe swaki nanga verlam soema ben kom boen baka. 8. En bigi prisiri ben de na ini da foto dati. Les 1 Santa Jejej 12/7/2018

Da woortoe tjari verloesoe kom I Pet. 1:23 Leki soema disi de gebore njoen baka, no doro siri disi kan pori, ma doro siri disi noiti kan pori, doro da woortoe foe Gado, disi de libi en tan foe teego. Jak. 1:18 A ben meki wi nanga Hem egi wani nanga da woortoe foe waarheid, so dati wi sa de wan sortoe fosi-froktoe foe dem sani disi A ben meki. Les 1 Santa Jejej 12/7/2018

Da Bijbel jepi bribiwan kom moro santa Jn. 17:17 Meki dem kom santa nanga Joe waarheid; Joe woortoe de waarheid. I Pet. 2:2 En leki njoen gebore pikin, oen moesoe angri foe da krin merki foe da woortoe, foe oen kan gro nanga dati, I Tess. 4:3 Bikasi disi de da wani foe Gado, foe oen sa kom santa, dati oen sa hori oensrefi aparti foe hoeroedoe, Les 1 Santa Jejej 12/7/2018

Da Bijbel jepi bribiwan kom moro santa Psalm 119:9-11 9. Nanga san wan jongoe man sa krini hem pasi? Te a poti prakseri boen na Joe woortoe. 10. Nanga mi heri hati mi ben soekoe Joe; O no gi mi pasi foe dribi komopo foe Joe komanderi. 11. Joe woortoe mi ben kibri na ini mi hati, so dati mi no ben sa doe sondoe agensi Joe. Spreuk. 30:5-6 5. Ibri woortoe foe Gado de krin; A de wan schild gi dem soema disi poti dem vertrouw na Hem tapoe. 6. No poti moro sani na ini Hem woortoe, noso A sa vermane joe, en dem sa feni dati joe de wan leiman. Les 1 Santa Jejej 12/7/2018

Da Bijbel jepi bribiwan kom moro santa Jn. 15:7 Efoe oen tan na Mi ini, en Mi woortoe tan na oen ini, dan oen sa aksi san oen wani, en dati sa pasa gi oen. Tori 20:32 En now, brada, mi poti oen na ini da anoe foe Gado, en na da woortoe foe Hem gnade, disi kan bouw oen kom moro tranga, en gi oen wan erfenis na mindri foe dem santawan Les 1 Santa Jejej 12/7/2018

Didibri srefi stoeka da Bijbel Mt. 4:5-6 5. Dan didibri ben tjari Hem go na ini da santa foto, en a ben poti Hem na tapoe da pinti foe da tempel. 6. En a ben taki gi Hem taki: Efoe Joe de da Pikin foe Gado, hiti Joesrefi go na ondro, bikasi a de skrifi kaba taki: A sa gi Hem engel wan opdrakti abra Joe; en dem sa tjari Joe na ini dem anoe, so dati noiti wan tem Joe sa naki Joe foetoe na wan ston. Dja didibri taki foe Psalm 91:11-12. A poeroe hem komopo foe kontext, foe troe, ma fa didibri ben verkisi hem na ini da fosi presi? Wan dei didibri ben sidon en stoeka Psalm 91 Les 1 Santa Jejej 12/7/2018

Paulus stoeka da Bijbel San a ben doe de dangra wi hede. Da man ben meki 3 zendings reis, a ben bigin en a ben de da voorganger foe kande 50 kerki disi ben bribi da Bijbel, a ben skrifi moro leki 50% foe da Bijbel, disi ben si Jezus disi ben opo baka na 5 leisi, wan leisi a ben go na ini da di foe drie hemel srefi. Ma dan dem ben sroto hem en vonisi dati a moesoe dede..…. Les 1 Santa Jejej 12/7/2018

Paulus stoeka da Bijbel II Tim.  4:6-8, 13 6. Bikasi mi de klari now foe dem sa gi mi abra leki wan ofrandi, en da tem di mi moe gowe ben doro kaba. 7. Mi ben feti wan boen feti; mi ben kaba nanga mi stree; mi ben hori da bribi faste. 8. Na fesi, da kroon foe gerechtigheid tan klari gi mi, disi Masra, da regtvaardiki kroetoeman, sa gi mi na da dei dati; en no na mi wawan, ma na ala dem soema toe disi lobi fa A sa sori Hemsrefi…. Les 1 Santa Jejej 12/7/2018

Paulus stoeka… 13. Te joe kom, tjari da djakti kom nanga joe disi mi ben libi na Troas nanga Karpus, nanga dem boekoe en spesroetoe dem boekrol. San na dem boekrol? Dem de dem copie foe dem Owroe Testamenti lolo. Alwasi a ben doe so foeroe sani na ini da libi foe hem, tokoe da apostel ben firi dati a kan gro moro na ini froestan te a leisi da woortoe foe Gado alwasi a sa dede na wan sjatoe pisi tem. Les 1 Santa Jejej 12/7/2018

Da Bijbel taigi mi pe mi ben komopo Gen. 1:26-27 26. En Gado ben taki: Meki Wi meki mansoema leki wan prenki foe Wisrefi, foe gersi Wisrefi; en meki dem de basi na tapoe dem fisi foe da zee nanga dem fowroe foe loktoe, en na tapoe dem meti foe kweki, en na tapoe heri grontapoe, en na tapoe ibri kroipi sani disi de kroipi na tapoe grontapoe. 27. So Gado ben meki mansoema foe gersi Hemsrefi; leki wan prenki foe Gado A ben meki hem; A ben meki dem mansoema nanga oemasoema. Ps. 100:3 Oen sabi dati MASRA, Hem na Gado; na Hem ben meki wi, en wi no ben meki wisrefi; wi de Hem pipel, nanga dem skapoe foe Hem weigron. Les 1 Santa Jejej 12/7/2018

Da Bibjel taigi mi… Foe san’ede mi de dja? Pred. 12:13 Meki wi jere da kaba-pisi foe da heri tori; Frede Gado, en hori Hem komanderi, bikasi disi de da heri wroko foe libisoema. Open. 4:11 Joe de waarti, O Masra, foe kisi glori nanga bigi nem nanga krakti; bikasi Joe ben meki alasani, en dem de, en Joe ben meki dem foe Joe prisiri ede. Les 1 Santa Jejej 12/7/2018

Da Bijbel taigi mi… Pe mi sa go? Jn. 3:16-18 16. Bikasi Gado ben lobi ala soema so tee dati A ben gi Hem wan enkri gebore Pikin abra, foe ibri soema disi de bribi na Hem no moesoe go lasi, ma a sa abi da libi foe teego. 17. Bikasi Gado no ben seni Hem Pikin kom na grontapoe foe verdoem grontapoe, ma dati doro Hem ala soema moesoe feni verloesoe. 18. Da soema disi de bribi na Hem no sa kom na kroetoe, ma da soema disi no de bribi ben kisi hem vonisi kaba, bikasi a no ben bribi na da nem foe da wan enkri gebore Pikin foe Gado. Les 1 Santa Jejej 12/7/2018

Da Bijbel taigi mi… Pe mi sa go: Ps. 23:1, 6 1. MASRA de mi herder; noti sa mankeri mi. 6. Foe troe, boen nanga sari-hati sa waka na mi baka ala dem dei foe mi libi, en mi sa tan na ini da oso foe MASRA foe teego. Open. 20:15 En dem ben teki ibri soema disi dem no feni hem nem skrifi na ini da boekoe foe libi trowe na ini da faja-zee. Les 1 Santa Jejej 12/7/2018

Som versi de soso foe wi tem now Noiti joe kan wroko nanga I Kor. 10:13 na ini hemel: No wan tesi ben miti oen boiti libisoema tesi; ma Gado de getrouw, disi no sa gi pasi foe oen tesi sa moro oen, ma nanga da tesi A sa meki wan pasi foe komopo, so dati oen kan verdrage hem. Wi no sa abi foe wroko nanga I Johannes 1:9 na ini hemel: Ma efoe wi bekenti wi sondoe, A de getrouw en regtvaardiki foe gi pardon na wi sondoe, en foe krini wi foe ala ongerechtigheid. Les 1 Santa Jejej 12/7/2018

Soso grontapoe wroko… Nor Fil. 4:19 Ma mi Gado sa gi oen alasani disi oen abi fanowdoe foe Hem goedoe na ini glori doro Kristus Jezus. .Wi no sa abi wan reden foe wroko nanga Johannes 14:1-3 . No meki oen hati kom skreki; oen bribi na Gado; bribi na Mi toe. 2. Na ini Mi Tata oso foeroe presi de; efoe a no ben de so, Mi no ben sa taigi oen. Mi go foe meki wan presi klari gi oen. 3. En efoe Mi go foe meki wan presi klari gi oen, Mi sa kom baka, en Mi sa teki oen foe kom na Mi, so dati pe Mi de, drape oen sa de toe. Les 1 Santa Jejej 12/7/2018

Disi no sa de geldig… Wi no sa abi foe wroko nanga Ps. 23:4 Ja, alwasi mi waka ini da lagi presi foe da kowroepe foe dede, mi no sa frede wan ogri; bikasi Joe de nanga mi; Joe tiki nanga Joe aka-tiki, dem de troostoe mi. Foe san’ede? Dede no de. Les 1 Santa Jejej 12/7/2018

Wilmington organizatie A sa wroko na ini 12 fase – disi abi de maak nanga bepaalde tijd 9 O.T. 3 N.T. Les 1 Santa Jejej 12/7/2018

Fase I – Da Schepping 1. Da schepping 2. Libisoema fadon na ini sondoe 3. Da sondoe floedoe 4. Da toren foe Babel Les 1 Santa Jejej 12/7/2018

Fase 2 – Gran soema fase 1. Da geschiedenis foe Abraham, Isaak, Jakob, Jozef & Job 2. Da bigin foe da natie foe dem Djoe 3. Dem Djoe ben kom na Egypti Les 1 Santa Jejej 12/7/2018

Fase 3 - Exodus 1. Dem komopo foe Egypti 2. Dem kisi da wet 3. Dem bouw da tabernakel 4. Dem fadon na Kades-Barnea Les 1 Santa Jejej 12/7/2018

Fase 4 – Wini 1. Kom na ini da kondre 2. Wini da kondre 3. Prati da kondre Les 1 Santa Jejej 12/7/2018

Fase 5 - Richteren 1. Dem wroko foe dem 12 kroetoeman 2. Wan Moabiet oema trow (Ruth) 3. Kari nanga wroko foe Samuel Les 1 Santa Jejej 12/7/2018

Fase 6 – Wan Koninkrijk Fase 1. Kownoe Saul, David nanga Salomo 2. Kisi da ark baka en wini Jerusalem 3. Bouw da fosi tempel Les 1 Santa Jejej 12/7/2018

Fase 7 – Broeja-broeja koninkrijk 1. Oorlog mindri Israel & Juda 2. Assyria wini dem 10 lo foe Israel na da noord 3. Babylon wini dem 2 lo foe Juda na da zuid Les 1 Santa Jejej 12/7/2018

Fase 8 – Ballingschap fase 1. Da dienst foe Daniel nanga Ezekiel 2. Babylon fadon 3. Perzie opo Les 1 Santa Jejej 12/7/2018

Fase 9 – Kom Baka Fase 1. Opdrakti foe Kores 2. Bouw da di foe toe tempel 3. Verloesoe dem Djoe na ini Perzie Les 1 Santa Jejej 12/7/2018

Fase 1:Da Schepping: Genesis 1-11 Dem drie belangrijk man foe da fase disi de: Adam, Henoch nanga Noach Dem fo belangrijk sani disi ben pasa de: Da schepping, Da fadon na ini sondoe, Da sondoe floedoe, Da toren foe Babel Les 1 Santa Jejej 12/7/2018

Genesis inleiding Disi de da wan enkri presi pe wi leisi dati Gado ben teki blo: Gen. 2:2-3 Dja wi feni da fosi libisoema disi ben meki (Adam), nanga da fosi wan disi ben gebore (Kain) - Gen. 1:26; 4:1 Disi taki abra da fosi man foe dede (Abel), nanga da fosi wan disi no ben dede (Henoch) - Gen. 4:8; 5:24 Wi miti wan sneki, wan tingi fowroe, nanga wan doifi: Gen. 3:1; 7:1, 8 Les 1 Santa Jejej 12/7/2018

Genesis Wi si da glori foe Gado na ini da schepping (Gen. 1:1) nanga da gnade foe Gado na in verloesoe: (Gen. 6:8) Wi si da fosi civilizatie foe libisoema (Kainiet) nanga da moro owroe man foe grontapoe (Methuselach) (Gen. 4:17; 5:27) Wi feni da fosi trow, da fosi moord, nanga da fosi pramisi foe da messias: Gen. 2:23-25; 4:8, 3:15 Les 1 Santa Jejej 12/7/2018

Genesis A gi wi da fosi illustratie foe libisoema religie (figa blatie) nanga da fosi voorbeeld foe da paiman foe Gado (krosi foe meti-boeba): Gen. 3:7; 21 Wi feni sondari disi soengoe, en wan santawan disi ben kom droengoe: Gen. 7:21; 9:20-21 Wan sipi naki tapoe wan bergi, en wan toren komopo foe wan plata presi: Gen. 8:4; 11:1-4 Les 1 Santa Jejej 12/7/2018

Samenvatting Genesis 1-11 Da schepping foe alasani: Gen. 1-2 .Fosi dei .Di foe toe dei .Di foe drie dei .Di foe fo dei .Di foe feifi dei .Di foe siksi dei Di foe sebi dei Les 1 Santa Jejej 12/7/2018

Samenvatting Alasani kom pori: Gen. 3-5 .Da kori-fasi foe didibri: 3 .Da sondoe foe Adam:3 .Gado bai dem baka: 3 .Da tori foe Kain & Abel: 4 .Da dienst foe Henoch: 5 .Da vonisi foe alasani: Gen. 6-9 .Fa a ben de fosi da floedoe: 6 .Verloesoe doro da floedoe: 7-8 .Da sari tori baka da floedoe: 9 Les 1 Santa Jejej 12/7/2018

Samenvatting Genesis 1-11 Alasani broeja: Gen. 10-11 .Da bigi-fasi foe libisoema .Da kroetoe foe Gado .Dem natie bigin Les 1 Santa Jejej 12/7/2018

Na da bigin… Gen. 1:1 Na bigin Gado ben meki hemel nanga grontapoe. Na ini da Hebreewse tongo, da woortoe hemel de meervoud. Da Bijbel taki abra 3 hemel, en Gado ben meki ala drie Loktoe – wolkoe, fowroe, enz. Interstellar ruimte – dem stari, planeet, enz Da presi pe Gado srefi tan Les 1 Santa Jejej 12/7/2018

Genesis 1:1 Agensi pantheisme – disi taki dati Gado nanga da schepping de wan. Ma Genesis 1:1 sori dati dem de aparti Disi taki agensi polytheisme – bikasi a de wan Gado de ben meki alasani, en a no ben de foeroe – alwasi Elohim de meervoud Disi taki agensi materialisme – bikasi Gado no de san A ben meki – A de Jeje Les 1 Santa Jejej 12/7/2018

Da fosi hemel Da fosi hemel - da presi foe dem fowroe nanga dem wolkoe: Dan. 4:12 Hem blatie ben de moi, en a ben abi foeroe froktoe, en na hem ini, njanjan ben de gi alasani; dem meti foe da firi ben kibri demsrefi na ini da kowroepe foe hem, en dem fowroe foe hemel ben libi na ini dem taki foe hem, en ala meti ben kisi dem njanjan foe hem. Mt. 6:26 Loekoe dem fowroe na loktoe; dem no prani, dem no koti, dem no kibri sani na ini makzien; tokoe oen Tata na ini hemel de gi dem njanjan. Oenoe no de waarti moro leki dem? Les 1 Santa Jejej 12/7/2018

2e & 3e hemel Di foe toe hemel - pe da zon, moen nanga dem stari de Ps. 19:2 Dem hemel taki foe da glori foe Gado, en da loktoe sori Hem wroko. Di foe drie hemel: Pe dem engel nanga dem santawan disi dede kaba de: II Kor. 12:2 Mi sabi wan soema na ini Kristus moro leki tien-na-fo jari kaba, (efoe a ben de na ini da skin, mi no sabi; efoe na dorosei foe da skin, mi no sabi: Gado sabi;) so wan soema ben go na di foe drie hemel. Les 1 Santa Jejej 12/7/2018

Fosi dei Fosi dei: Gado meki leti: 1:2-5 Da Santa Jeje ben bewegi tapoe grontapoe. Komopo foe da energie disi wi ben feni dem energie golven foe wi: dem foe golven waran nanga magnetisme. So da heri heelal ben kisi krakti. Grontapoe ben bigin foe go lontoe na da tem disi. Dem ben abi energie nanga stof na ini da ruimte, en tem ben de toe. Wi si dati 3 basis energie ben kom .Foe zwaartekracht: da energie na mindri foe toe sani .Electro-magnetic: da energie na mindri foe da electron nanga da nucleus foe da atom .Nuclear: da energie na mindri foe da proton nanga neutron na ini da atom. Les 1 Santa Jejej 12/7/2018

Da Santa Jeje de kaba 1. Na bigin Gado ben meki hemel nanga grontapoe. 2. Grontapoe no ben abi wan fasi, en a ben legi; en doengroe ben de na tapoe dem dipi presi. En da Jeje foe Gado ben bewegi na tapoe da fesi foe dem watra.3. En Gado ben taki: Leti moesoe de, en leti ben de. Som soema meki wan foutoe di dem bribi dati da fosi tem dati da Santa Jeje ben kom na grontapoe ben de na Pinkster na ini Tori 2, en dati A sa gowe na da opname. Ma dja wi feni hem na ini versi 2 foe da Bijbel. Les 1 Santa Jejej 12/7/2018

Di foe toe dei Di foe toe dei: dem prati dem watra: 1:6-8. Da watra disi ben de na ini toe fasi: .Watra ini ini da zee, liba nanga meer na grontapoe Na ini loktoe leki wan sortoe dampoe Les 1 Santa Jejej 12/7/2018

Di foe drie dei Di foe drie dei: dem pransoen: 1:9-13 Foeroe pransoen nanga bromiki kom na tapoe da drei gron. Dem versi sori dati da leri foe “theistic evolutie”, dati wani taki dati Gado ben meki alasani doro evolutie disi ben bigin omeni miljard jari kaba nanga wan pisi pransoen disi dribi tapoe wan zee no ben de so. Mozes taki dati libi ben komopo foe Gado na di foe drie dei, en a ben bigin tapoe drei gron. Les 1 Santa Jejej 12/7/2018

Di foe fo dei Di foe fo dei: da zon, da moen nanga dem stari: 1:14-19. Na da fosi dei Gado ben meki leti. Now A meki spesroetoe presi pe da leti komopo. Dem sani na ini hemel ben abi 3 wroko: .Dem ben de marki: Dem ben leri en membre wi foe da wroko foe Gado: Ps. 8:4 Te mi prakseri dem hemel foe Joe, da wroko foe Joe finga, da moen nanga dem stari, disi Joe ben seti, Les 1 Santa Jejej 12/7/2018

Di foe fo dei – dem marki na ini loktoe Rom. 1:19-20 19. Bikasi dem sani disi dem kan sabi foe Gado, dem ben si kaba, bikasi Gado ben sori dem dati kaba. 20. Bikasi sinsi A ben meki grontapoe, dem sani foe Hem disi joe no kan si de krin foe si now; bikasi joe kan froestan dem doro dem sani disi A ben meki kaba: Hem krakti foe teego, nanga Hem Gado-fasi, so dati dem no abi wan excuus kwet'kweti. .Foe seizoen: Dem wroko leki wan kalander, en dem prati dem seizoen, dem dei nanga dem jari so dati joe kan seti joe wroko moro boen .Dem de leti, disi ben teki da presi foe da fosi leti. Les 1 Santa Jejej 12/7/2018

San’ede Gado meki grontapoe fosi da zon nanga da moen & stari? Wan foe prioriteit: Gado ben meki grontapoe fosi bikasi a ben de moro belangrijk na ini Hem prakseri. A ben de tapoe da planeet grontapoe dati Gado sa meki wan soema foe gersi Hem tapoe di foe siksi dei. Libisoema sa tan na grontapoe, en no tapoe da moen. Dem plan ben meki kaba foe da di foe toe persoon foe da drie-in-eenheid sa kom na grontapoe na da juisti tem foe tron wan libisoema. Moro fara, a sa de tapoe grontapoe dati da Kownoe foe Kownoe sa kom baka tapoe da Olijf bergi foe seti Hem kondre foe 1000 jari, en no tapoe wan foe dem tra planeet. Les 1 Santa Jejej 12/7/2018

Foe san’ede grontapoe meki fosi? Bescherming: Bijna ala dem owroe koninkrijk ben aanbegi da zon. Ma Gado ben wani dem foe aanbegi da Schepper. So A sori wi krin dati libi nanga leti ben de fosi da zon. Jak. 1:17 Ibri boen presenti en ibri presenti disi de volmaakt komopo foe loktoe, en a saka kom na ondro komopo foe da Tata foe dem leti, en A no kenki, en A no abi no wan kowroepe foe drai. Les 1 Santa Jejej 12/7/2018

Di foe feifi dei Di foe feifi dei: Schepping foe dem fisi nanga dem fowroe: 1:20-23. Wi si dati ala sortoe sani meki foe da pikin dansi-meester te leki da bigi walvis. Da walvis kan kom moro langa leki 110 foetoe, en a kan wegi 150 ton. Les 1 Santa Jejej 12/7/2018

Di foe siksi dei Schepping foe dem meti tapoe da gron, en foe libisoema. Meki wi loekoe na san Gado ben taki na ini Gen. 1:26 En Gado ben taki: Meki Wi meki mansoema leki wan prenki foe Wisrefi, foe gersi Wisrefi; en meki dem de basi na tapoe dem fisi foe da zee nanga dem fowroe foe loktoe, en na tapoe dem meti foe kweki, en na tapoe heri grontapoe, en na tapoe ibri kroipi sani disi de kroipi na tapoe grontapoe. Les 1 Santa Jejej 12/7/2018

Di foe siksi dei Dja wi feni da fosi bewijs tranga bewijs foe da drie-in-eenheid na ini da Owroe Testamenti. Si Gen. 11:7; Ps. 2:7; 45:7; 110:1, Jes. 48:16 Kom krosibei na Mi; oen jere disi; Mi no ben taki kibri-fasi sinsi da bigin; sinsi da tem disi a ben pasa, Mi de; en now MASRA Gado, nanga Hem Jeje, ben seni Mi kom. Les 1 Santa Jejej 12/7/2018

Libisoema gersi Gado Libisoema ben meki foe gersi Gado, en foe abi da moro hei sortoe libi .Da libi foe dem pransoen no de bewust .Dem meti de bewust, ma dem no sabi demsrefi .Libisoema sabi demsrefi toe. Dja de wan schepsel disi no sa njan nomo, ma sa loekoe na hemel en gi grantangi na da Schepper disi ben meki da soema nanga da njanjan. Les 1 Santa Jejej 12/7/2018

Dem wroko foe libisoema A moesoe basi grontapoe en foeroe hem .Gado ben gi hem wan aanmoediging foe njan foe da bon foe libi nanga ala tra bon boiti wan nomo: 2:9, 16 .A no moesoe njan foe da bon foe da sabi foe boen nanga ogri: 2:17 .A ben moesoe gi nem na ala dem meti: 2:19 Les 1 Santa Jejej 12/7/2018

Adam kisi wan frow A ben kisi wan frow: 2:18-25 Dja wi feni da fosi foe dem drie bigi institutie disi Gado ben gi libisoema: Trow: Gen. 2; Lanti: Gen. 9; Kerki: Mt. 16. Les 1 Santa Jejej 12/7/2018

Fa Gado meki libisoema Moro fara, wi si di foe toe methode disi Gado ben meki libisoema: .Fosi wan man sondro wan mama efoe tata (Adam) .Wan frow sondro wan mama (Eva) .Man sondro wan tata (Jezus) .Libisoema nanga mama nanga tata Les 1 Santa Jejej 12/7/2018

Di foe sebi dei Gado teki bro: 2:1-3 Disi de da wan enkri presi pe a taki foe Gado teki bro. Na wan sjatoe tem, sondoe sa kom, en da heri drie-in-eenheid de bezig foe verloesoe. Les 1 Santa Jejej 12/7/2018

Dem basis wet foe thermodynamica Dja da fosi wet foe thermodynamics de wroko. Disi taki dati energie kan kenki foe wan fasi go na wan trawan, ma a no kan meki efoe figi poeroe. Te joe poti da wet disi nanga da di foe toe wet, da wet foe entropy, disi sori dati alasani pori saf’safri, evolutie no de mogelijk… Les 1 Santa Jejej 12/7/2018

Da “gap” theorie Som soema taki dati omeni miljoen jari de na mindri foe Genesis 1:1 & 1:2, en dati didibri ben fadon na mindri foe da tem dati, en dati evolutie ben pasa na mindri foe dem toe versi: Genesis 1:1. Na bigin Gado ben meki hemel nanga grontapoe. 2. Grontapoe no ben abi wan fasi, en a ben legi; en doengroe ben de na tapoe dem dipi presi. En da Jeje foe Gado ben bewegi na tapoe da fesi foe dem watra. Les 1 Santa Jejej 12/7/2018

Mi persoonlijk bribi Mi no de eens nanga da gap theorie. Mi bribi dati disi de wan fasi dati libisoema ben proberi foe hori evolutie nanga da Bijbel en taki dati ala toe de troe. Ma evolutie no de troe kwet’kweti… Moro fara, da momenti joe gi pasi na evolutie, joe no bribi moro dati dede de da paiman foe sondoe – bikasi na ini Genesis 3, wi si da fosi sondoe nanga da fosi dede Les 1 Santa Jejej 12/7/2018

Da dei-age theorie Disi wani taki dati Genesis 1&2 de troe, ma di a ben kari da woortoe dei, a bedoel wan langa pisi tem – omeni miljoen jari Disi no de klop nanga wan stoeka foe da woortoe na ini Hebreewse tongo, en a no klop nanga dem toe tori Bijv. Evolutie taki dati libi ben bigin na ini da zee, ma da Bijbel dati a ben bigin na da gron Les 1 Santa Jejej 12/7/2018

Evolutie vs. dei-age theorie Fa joe kan abi pransoen foe omeni miljoen jari fosi da zon nanga da moen ben de – tussen dei 3 & 4. Da volgorde foe dem libisani no klop ook toe… Les 1 Santa Jejej 12/7/2018

Njoen informatie tegen evolutie Evolutie ben de da basis bribi foe wetenschap foe moro leki 100 jari Ma now foeroe njoen informatie sori dati a no de mogelijk. Disi de spesroetoe troe na ini da “designer universum” informatie theorie. Bijv. Efoe joe loekoe na eiwit efoe DNA, tem nanga stof no de nofo foe a kan kom doro hemsrefi..... Les 1 Santa Jejej 12/7/2018

Wantoe tra sani abra evolutie Da volgorde no klop nanga da Bijbel Evolutie – libi bigin na zee Bijbel – bigin tapoe grontapoe Evolutie – insecten na fesi foe fisi & fowroe Bijbel – fisi & fowroe fosi kroipi sani Les 1 Santa Jejej 12/7/2018

Evolutie Foeroe bewijs de foe wan “jongoe grontapoe”, ma evolutie eis foeroe tem foe omeni miljoen efoe miljard jari Circular reasoning – dem ston de owroe bikasi foe dem bonjo na ini. Dem bonjo de owroe bikasi foe dem ston…. Les 1 Santa Jejej 12/7/2018

Dem engel… Wi no feni da schepping foe dem engel dja, ma na ini Job 38:7, kande a ben de na da srefi momenti dati Gado ben meki dem stari. Efoe disi de juisti, dan dem ben kom na di foe 4 dei. Trawan bribi dati dem engel ben de kaba na da schepping foe grontapoe. Efoe disi de troe, dan dem ben meki na da fosi dei foe da schepping wiki. Les 1 Santa Jejej 12/7/2018

Satan, basi foe takroe jeje Moro lati, wi sa loekoe na wan theorie disi de fout, ma dem kari hem da “Gap” theorie. Disi wani taki dati da fadon foe satan ben de na mindri foe Gen. 1:1 & 1:2. Ma Mozes wi bribi poti hem na mindri foe Gen. 2 & 3. Moro foeroe informatie de na ini Jesaja 14 & Ezekiel 28. Les 1 Santa Jejej 12/7/2018

Da koni foe satan: 3:1 .A taki doro da sneki. A ben loeroe Eva doro da sneki skin foe no gi jesi na Gado. A gersi dati Adam nanga Eva ben kan taki nanga dem meti na dem dei dati na wan fasi disi wi no sabi now. Fosi sondoe ben kom, da sneki ben de da moro koni meti, ma kande da moro moi wan toe. A de duidelijk dati a no ben kroipi tapoe hem bere leki a de doe now (3:14). Kande a ben abi frei, en a ben tanapoe. Les 1 Santa Jejej 12/7/2018

3 meti taki na ini da Bijbel Genesis 3 – da sneki Numeri 22 – wan boeriki Openbaring 8 – wan adelaar Les 1 Santa Jejej 12/7/2018

Da sneki de wan symbool foe sondoe nanga kori-fasi. Ps. 58:5. Dem wisi de leki da wisi foe wan sneki; dem gersi da dofoe takroe sneki disi de tapoe hem jesi; Mt. 23:33 Oen sneki, oen sneki-broedoe, fa oen kan kibri foe da kroetoe foe hel? Open. 12:9 En dem ben trowe da bigi draak go na doro, da owroe sneki dati, disi dem kari didibri nanga satan, disi ben kori heri grontapoe; dem ben trowe hem go na grontapoe, en dem ben trowe hem engel nanga hem. Open. 20:2 En a ben fasi da draak, da owroe sneki dati, disi de didibri nanga Satan, en a ben tai hem wan doesoen jari langa, Les 1 Santa Jejej 12/7/2018

Fa satan ben bigin foe kori Eva A ben bigin nanga twijfel foe da woortoe foe Gado: 3:1b Ja, Gado ben taki: Joe no sa njan foe ibri bon foe da djari? Now Eva doe wan dom sani. A proberi foe tak’taki nanga didibri. No wan soema moesoe proberi foe doe so. Wi kan tanapoe agensi hem, ma no stree nanga woortoe nanga hem. Les 1 Santa Jejej 12/7/2018

Tanapoe agensi didibri, no taki nanga hem I Pet. 5:8-9 8. Tan nanga krin ai nanga krin hede, bikasi oen feanti, didibri, de leki wan krasi leeuw disi waka lontoe foe soekoe soema a kan swari. 9. Oen moesoe tanapoe agensi hem na ini bribi, di oen sabi taki dem srefi pina miti dem tra bribi brada na ini grontapoe. Jak. 4:7 Foe dat'ede saka oensrefi na Gado ondro. Tanapoe agensi didibri, en a sa lowe foe oen. Les 1 Santa Jejej 12/7/2018

No poti, no poeroe foe da woortoe Moro ogri ete, Eva ben taki moro foeroe leki Gado ben taki na ini hem tak’taki: 3:3. Gado no ben taigi hem dati a no moesoe meri da froktoe. Didibri prisiri toemoesi te a kan feni wan soema disi sa poti efoe poeroe foe da woortoe foe Gado. Spreuk. 30:5-6 5. Ibri woortoe foe Gado de krin; A de wan schild gi dem soema disi poti dem vertrouw na Hem tapoe. 6. No poti moro sani na ini Hem woortoe, noso A sa vermane joe, en dem sa feni dati joe de wan leiman. Les 1 Santa Jejej 12/7/2018

No poti, no poeroe Open. 22:18-19 18. Bikasi mi getuigi gi ibri soema disi de jere dem woortoe foe da profeti-taki foe da boekoe disi taki: Efoe iniwan soema sa poti moro foeroe na tapoe dem sani disi, Gado sa poti dem pesti-siki disi de skrifi na ini da boekoe disi na hem tapoe; 19. En efoe iniwan soema sa poeroe foe dem woortoe foe da boekoe foe da profeti-taki disi, Gado sa poeroe hem pisi foe da boekoe foe libi, en foe da santa foto, en foe dem sani disi de skrifi na ini da boekoe disi. Les 1 Santa Jejej 12/7/2018

Didibri taki dati Gado lei… Te foe kaba, didibri taki dati Gado no taki troe: 3:4 En da sneki ben taki gi da oema taki: Joe no sa dede sref'srefi. Lei de na ini da Bijbel? Jazeker. Disi de da fosiwan. Gado ben taigi Adam nanga Eva dati dem sa dede efoe dem no gi jesi, ma didibri taki dati dem no sa dede. Wi moesoe taki dati da Bijbel noiti leri wi foe lei, ma som presi a skrifi dem lei foe dem sondari (Saul - I Sam. 15:20) nanga David (I Sam. 21:2). Les 1 Santa Jejej 12/7/2018

Drie fasi didibri tesi wi I Jn. 2:16 Bikasi alasani disi de na grontapoe, da lostoe foe da skin, da lostoe foe da ai, nanga da prodo-fasi foe libi, no de foe da Tata, ma a de foe grontapoe. Na ini da djari, satan tesi Eva nanga ala drie: .Da oema ben si dati da bon ben de boen foe njanjan (lostoe foe da skin) .En a ben de moi foe si (da lostoe foe da ai) .En a bon...foe meki wan soema koni (da prodo-fasi foe libi) Les 1 Santa Jejej 12/7/2018

Soema wini da tesi? Jezus Moro lati Masra Jezus Kristus sa kisi wan tesi na da srefi fasi na ini da woestijn: Mt. 4:3-10 .Komanderi dem ston foe tron brede: (lostoe foe da skin) .A ben sori Hem ala dem kownoekondre foe grontapoe (lostoe foe da ai) .Fringi Joesrefi komopo foe da pinti foe da tempel...bikasi A sa gi Hem engel opdrakti abra Joe.. (prodo-fasi foe libi) Jezus wini ala 3 nanga “boekoe foe Gado taki… Les 1 Santa Jejej 12/7/2018

Wan hafoe troe = lei Gen. 3:5 Bikasi Gado sabi dati da dei dati joe njan foe hem, dan joe ai sa opo, en joe sa de leki dem gado, foe sabi boen nanga ogri. Na wan sortoe fasi, san satan ben pramisi ben de troe. Dem ai ben kom opo, en dem ben sabi san disi de boen nanga ogri. Ma dem no ben sabi dem leki Gado! So te joe kisi wan hafoe foe da waarheid ma dem poti hem leki da heri waarheid, a de wan lei. Gado ben wani Adam nanga Eva foe sabi san boen de, en ogri ben sa de; ma na presi foe dati, a ben kom sabi san ogri de, en san boen ben sa de! Wi kan leri foe ervaring, ma som leisi da prijs de hei toemoesi Les 1 Santa Jejej 12/7/2018

Adam – da fosi sondari A de da fosi sondari. Alwasi Eva ben sondoe fosi, da Njoen Testamenti taki dati Adam de da fosi sondari. Disi de bikasi Adam ben de da hede foe da ras foe libisoema, en a ben abi frantwoortoe foe san dem ben doe. Rom. 5:12 Foe dat'ede, so leki doro wan mansoema, sondoe ben kom na grontapoe, en doro sondoe, dede ben kom; so dede ben pasa na tapoe ala soema, bikasi dem alamala ben doe sondoe. Les 1 Santa Jejej 12/7/2018

Adam – da fosi sondari II Kor. 11:3 Ma mi frede dati na wan fasi, so leki da sneki ben kori Eva nanga hem bedriegi-fasi, so oen prakseri sa pori foe da krin fasi disi de na ini Kristus. I Tim. 2:14 En didibri no ben kori Adam, ma a ben kori da oema foe fadon na ini sondoe. Les 1 Santa Jejej 12/7/2018

Dem mankeri da glori foe Gado A ben proberi foe kibri hem soso-skin fasi foe Gado. (3:7) A gersi dati wan fasi da skin foe Adam so srefi leki hem sieli ben kenki. Kande da skin foe Adam nanga Eva ben tapoe nanga wan safoe leti foe krin-fasi. Masra Jezus ben tapoe nanga wan leti disi ben brinki moro leki da zon di A ben kenki fasi: Mt. 17:2. Ma now dati no de moro. So Adam nanga Eva ben si: 3:7 En dem ai foe ala toe foe dem ben kom opo, en dem ben kom sabi dati dem ben de nanga soso skin, en dem ben nai figa blatie makandra, foe meki wan sortoe pangi. Les 1 Santa Jejej 12/7/2018

Da fosi religie Now wi abi da fosi sortoe religie disi komopo foe libisoema. Religie de iniwan fasi foe weri krosi gi wisrefi aparti foe da gerechtigheid foe Kristus. Now libisoema proberi skoro, kerki, dopoe, gi tiende, belijdenis, boen wroko. Ma dem de soso sani: Jes. 64:6 Ma wi alamala de leki wan doti sani, en ala wi gerechtigheid de leki morsoe krosi; en wi kom drei leki wan blatie, en wi sondoe, leki da winti, ben tjari wi gowe. Les 1 Santa Jejej 12/7/2018

Sondoe prati wi foe Gado Adam ben proberi foe kibri gi Gado. 3:8 En dem ben jere da stem foe MASRA Gado disi ben waka na ini da djari na da kowroetem foe da dei, en Adam nanga hem wefi ben kibri dem srefi komopo na fesi foe MASRA Gado na mindri foe dem bon foe da djari. Disi de wan sari sani na ini sondoe. A no prati foe libisoema foe Gado wawan, ma moro fara, a meki hem wani kibri gi Gado. Les 1 Santa Jejej 12/7/2018

Fa joe sa kibri gi Gado? Ps. 69:6. O Gado, Joe sabi mi dom-fasi; en mi sondoe no de kibri gi Joe. Ps. 139:7 Pe mi sa go komopo foe Joe jeje? Efoe pe mi sa lon go kibri foe Joe fesi? Mt. 10:26 Foe dat'ede oen no moesoe frede dem soema; bikasi no wan sani de kibri disi no sa kom na krin; en no wan sani kibri so dati soema no sa sabi hem. Les 1 Santa Jejej 12/7/2018

Fa joe sa kibri gi Gado? Open. 6:15-17 15. En dem kownoe foe grontapoe nanga dem bigi man nanga dem goedoeman nanga dem fosi kapten nanga dem makti man nanga ibri slafoe nanga ibri fri man ben lon go kibri demsrefi na ini dem bergi-olo en na mindri foe dem ston foe dem bergi; 16. En dem ben krei na dem bergi nanga dem ston taki: Fadon na wi tapoe, en kibri wi foe da fesi foe Hem disi sidon na da kownoe-stoeroe, en foe da faja-hatibron foe da Lam; 17. Bikasi da bigi dei foe Hem faja hatibron ben kom, en soema kan tanapoe? Les 1 Santa Jejej 12/7/2018

Gado bai wi baka – gnade Gado bai wi baka: Te leki now, wi si soso dem sani foe Gado disi taki abra Hem schepping. Disi taki abra Hem koni nanga Hem krakti. Ma na ini da hoofdstuk disi, baka da sondoe foe libisoema, wi si sani disi de foe verloesoe wi, foe bai wi baka: Hem santa fasi nanga Hem gnade. Les 1 Santa Jejej 12/7/2018

Da strafoe foe sondoe – Adam Tapoe da man: 3:17 “Da gron de na ondro floekoe foe joe ede...” Gado floekoe da gron, didibri nanga da sneki, ma Gado no floekoe libisoema. Foe san’ede? Bikasi a wani bai libisoema baka, en A no wani floekoe san A sa verloesoe. Tokoe dem soema disi no drai libi no kan verwakti wan boen sani aparti foe da verloesoe foe Kristus: Job 5:7 Tokoe libisoema de gebore foe trobi, so leki da faja de soetoe go na loktoe. Job 14:1 Mansoema disi gebore foe wan oema abi wantoe dei nomo, disi de foeroe nanga trobi. Les 1 Santa Jejej 12/7/2018

Da strafoe foe sondoe – Eva Tapoe da oema: 3:16 Na da oema A ben taki: Mi sa meki joe abi foeroe sari te joe hori bere, na ini sari joe sa meki pikin; en joe sa wani joe masra, en a sa de basi na joe tapoe. Da pina te a meki pikin no de wan direkt strafoe foe Gado ma da resultaat foe sondoe. Sondoe meki pina, siki, prati, nanga sari kom alatem. Les 1 Santa Jejej 12/7/2018

Da heri natuur floekoe Tapoe heri natuur: 3:18 A sa meki maka nanga takroe wiwiri gi joe toe, en joe sa njan dem groentoe foe da pranigron; San ben de wan paradijs ben tron wan woestijn. Dem meti tron wan tra fasi, en disi sa pasa te leki da floekoe komopo na ini da millenium. Les 1 Santa Jejej 12/7/2018

Da floekoe komopo na da millenium Rom. 8:19-22 19. Bikasi da tranga wani foe dem sani disi Gado ben meki de wakti dem pikin foe Gado foe sori demsrefi.20. Bikasi dem sani disi Gado ben meki tron soso sani, no nanga dem egi wani, ma bikasi foe da wani foe Hem disi ben meki dem saka na Hem ondro na ini hopoe.21. Bikasi san Gado ben meki srefi sa kom verloesoe foe da katibo foe pori-fasi toe, en kom na da glori fri foe dem pikin foe Gado.22. Bikasi wi sabi dati ala sani disi Gado ben meki de djeme en pina te leki now. Les 1 Santa Jejej 12/7/2018

Da di foe toe wet foe thermodynamica Now da di foe toe wet foe thermodynamics pasa. Disi wani taki dati di energie komopo foe wan fasi foe go na trawan, som foe hem tron hitte, disi no kan go baka na wan tra fasi en a lasi. Da heelal saf’safri saka go na ondro: Ps. 102:26-27 26. Na owroetem Joe ben seti da fondamenti foe grontapoe; en dem hemel de da wroko foe Joe anoe. 27. Dem sa pori gowe, ma Joe sa tan; ja, ala dem sa kom owroe leki wan krosi; leki wan krosi, Joe sa kenki dem, en dem sa kenki. Les 1 Santa Jejej 12/7/2018

Da di foe toe wet foe thermodynamica Heb. 1:10-12 10. En: Na da bigin, Joe, Masra, ben seti da fondamenti foe grontapoe; en dem hemel de dem wroko foe Joe anoe. 11. Dem sa lasi gowe, ma Joe de tan, en dem sa kom owroe leki wan krosi; 12. Joe sa lolo dem makandra leki wan krosi, en dem sa kenki, ma Joe tan da srefi, en noiti Joe jari sa kaba. Les 1 Santa Jejej 12/7/2018

Da strafoe tapoe da sneki Tapoe da sneki: 3:14 En MASRA Gado ben taki gi da sneki taki: Bikasi joe ben doe disi, joe sa de da moro floekoe wan na mindri foe dem meti foe kweki, en moro leki ibri meti foe da firi; joe sa waka na tapoe joe bere, en joe sa njan stof ala dem dei foe joe libi. Gado no gi da sneki wan kans foe piki Hem foe san’ede a ben doe so wan sani. A kisi vonisi direkt. Bikasi a ben gi hem skin abra na didibri, Gado floekoe da sneki foe kroipi tapoe stof Les 1 Santa Jejej 12/7/2018

Da strafoe foe da sneki sa tan En Jesaja sori dati da floekoe disi sa tan na ini da millenium srefi: Jes. 65:25 Da wolf nanga da pikin skapoe sa njan makandra, en da leeuw sa njan grasi leki da kaw; en da sneki sa njan doti. Dem no sa gi mankeri efoe figi poeroe na ini Mi santa bergi: so MASRA de taki. Les 1 Santa Jejej 12/7/2018

Da strafoe foe didibri Tapoe didibri: 3:15 En Mi sa poti feanti-fasi na mindri foe joe nanga da oema, en na mindri foe joe pikin nanga hem pikin; a sa masi joe hede, en joe sa masi hem baka-foetoe. Te joe loekoe na da versi disi fosi, joe sa denki dati a taki soso abra fa libisoema no lobi sneki. Ma foe omeni eeuwen dem soema disi stoeka da Bijbel ben si wan moro bigi en dipi waarheid na ondro dem versi disi. Dem si wan voorspelling foe da kruisi en fa Jezus sa wini abra didibri. Les 1 Santa Jejej 12/7/2018

Da strafoe tapoe didibri En faja hatibron sa de na mindri foe satan nanga Kristus. Te foe kaba, Kristus sa masi da hede foe satan, ma Hem baka-foetoe sa kisi mankeri te A doe so. Dem kari disi da fosi pisi foe da evangelium na ini da Bijbel: Rom. 16:20 En da Gado foe vrede sa masi Satan na ondro oen foetoe na wan sjatoe pisi tem. Da gnade foe wi Masra Jezus Kristus de nanga oen. Amen. Jes. 53:5 Ma a ben kisi mankeri foe wi sondoe ede, en dem ben fon hem foe wi ogridoe ede; da fonfon foe wi vrede ben de na hem tapoe, en nanga hem fonfon wi ben kom boen baka. Les 1 Santa Jejej 12/7/2018

Gado gnade… .A ben soekoe Adam: 3:9 En MASRA Gado ben kari na Adam Som leisi dem professor foe da universiteit taki dati da Bijbel de da tori foe libisoema soekoe Gado. Ma disi no de troe kwet’kweti. A de Gado disi soekoe libisoema! Jes. 1:18 Kom now, en meki wi prakseri makandra: MASRA de taki: Alwasi oen sondoe de redi, dem sa de weti leki katoen; alwasi dem de redi leki scharlaken, dem sa de leki wol. Les 1 Santa Jejej 12/7/2018

Gado soekoe libisoema Jes. 55:1-3 1. O ibriwan disi de nanga dreiwatra, kom na dem watra, en da soema disi no abi moni; kom, bai, en njan; ja, kom, bai wini nanga merki sondro moni en sondro prijs.2. Foe san'ede joe bai sani nanga moni disi no de brede? En foe san'ede joe wroko foe kisi sani disi no kan gi joe wan prisiri hati? Arki boen na mi, en njan da sani disi de boen, en meki joe sieli prisiri hemsrefi na ini fatoe.3. Kaka joe jesi, en kom na Mi; arki, en joe sieli sa libi; en Mi sa meki wan akkorderi foe teego nanga joe, dem blesi foe troe foe David Les 1 Santa Jejej 12/7/2018

Gado soekoe libisoema Jn. 7:37-38 37. Na da laasti dei, da bigi dei foe da fesa, Jezus ben tanapoe en A ben bari taki: Efoe iniwan soema abi dreiwatra, meki hem kom na Mi en dringi. 38. Da soema disi bribi na Mi, so leki da Boekoe de taki: Liba foe libi watra sa lon komopo foe hem bere. Open. 22:17 En da Jeje nanga da bruid taki: Kom. En meki hem disi jere taki: Kom. En meki hem disi abi dreiwatra kom. En da soema disi sa wani, gi hem pasi foe dringi fri foe da watra foe libi. Lk. 19:10 Bikasi Soemapikin ben kom foe soekoe en verloesoe dem lasiwan. Les 1 Santa Jejej 12/7/2018

Gado tapoe libisoema nanga krosi A ben meki krosi gi dem: 3:21 MASRA Gado ben meki krosi foe meti-boeba gi Adam nanga hem wefi toe, en A ben tapoe dem skin. Alwasi wi no sabi da tori foe troe, a gersi dati wan wan onschuldig meti ben abi foe dede so dati Adam nanga Eva ben kisi krosi. Dja wi abi da fosi voorbeeld foe da bigi Bijbel leri foe wan onschuldig soema dede na presi foe da soema disi de schuldig: Les 1 Santa Jejej 12/7/2018

Jezus dede gi wi… Jes. 53:5-6 5. Ma a ben kisi mankeri foe wi sondoe ede, en dem ben fon hem foe wi ogridoe ede; da fonfon foe wi vrede ben de na hem tapoe, en nanga hem fonfon wi ben kom boen baka. 6. Wi alamala de leki skapoe disi ben lasi pasi; wi ben drai ibriwan foe teki hem egi pasi; en MASRA ben poti da sondoe foe wi alamala na hem tapoe. I Pet. 3:18 Bikasi so srefi Kristus ben pina wan leisi foe sondoe ede, wan boen soema gi dem ogri soema, foe Hem kan tjari wi kom na Gado; Hem skin ben dede, ma A ben kisi Hem libi baka doro da Jeje. Les 1 Santa Jejej 12/7/2018

Da symbool foe gerechtigheid Da di foe toe symbool - gerechtigheid nanga verloesoe de leki leti krosi (Loekoe na Jes. 64:6 Ma wi alamala de leki wan doti sani, en ala wi gerechtigheid de leki morsoe krosi; en wi kom drei leki wan blati, en wi sondoe, leki da winti, ben tjari wi gowe. Open. 19:7-8 7. Meki wi prisiri en breiti, en gi Hem bigi nem; bikasi da trow foe da Lam doro kaba, en Hem wefi ben meki hemsrefi klari. 8. En a ben kisi pasi foe weri fini linnen, krin en weti; bikasi da fini linnen de da gerechtigheid foe dem santawan. Les 1 Santa Jejej 12/7/2018

Gado sori lobi en poeroe dem foe Eden Gado poeroe dem foe da djari foe Eden: 3:24 So A ben jagi da man komopo, en A ben poti dem cherub na oost foe da djari na Eden nanga wan faja-howroe disi de drai lontoe na ibri sei, foe hori wakti gi da pasi foe da bon foe libi. Di Gado ben jagi Adam nanga Eva komopo foe da djari, disi ben de wan sani foe sori sari-hati gi dem, en a no ben de wan vonisi. A no ben wani dem foe libi foe teego na ini sondoe efoe dem ben njan foe da bon dati… Les 1 Santa Jejej 12/7/2018

Da bon foe libi doro baka na ini Openbaring Open. 22:1-2 1. En a ben sori mi wan krin liba foe watra foe libi, krin leki kristal, disi komopo foe da kownoe-stoeroe foe Gado en foe da Lam. 2. Na mindri foe da strati foe hem, en na ala toe sei foe da liba, da bon foe libi ben de, disi ben meki twalfoe sortoe froktoe, en a ben meki hem froktoe ibri moen; en dem blatie foe da bon ben de foe da gesontoe foe dem natie. Les 1 Santa Jejej 12/7/2018