Owroe Testamenti I – Les 4 Da Gransoema Fase Bijbel Baptist Kerk Les Owroe Testamenti I – Les 4 Da Gransoema Fase Robert D. Patton Da Froktoe foe da Jeje: Lobi 12/4/2018

Inleiding – Gransoema Fase Dem bigi man disi kom na ini da tem disi da Abraham, Isaak, Jakob, Jozef, nanga Job. Abraham de da di foe toe foe dem moro bigi man disi ben libi na grontapoe. Dem man disi de Adam, Abraham, Mozes, David, Johannes da dopoeman, Petrus nanga Paulus. Les 1 Santa Jejej 12/4/2018

Inleiding – Gransoema Fase Na ini da schepping fase, Gado ben wroko nanga heri grontapoe. Gen. 1-11 taki abra ala libisoema. Ma now na ini da tem foe dem gran soema, Gado sa loekoe moro fin’fini komopo foe heri grontapoe go na wan natie, Israel, en na ini wan famiri lo na ini da natie dati, Juda, en dan na wan famiri na ini da famiri lo, di foe Isai, en te foe kaba, na wan soema na ini da famiri dati, Jezus Kristus. Les 1 Santa Jejej 12/4/2018

Inleiding – Gransoema Fase Da tem disi de ongeveer 350 jari langa. Wi leisi abra da fosi foe drie bigi akkorderi .Abrahamic: disi pramisi wan boen kondre (Gen. 15) .Davidic: disi pramisi wan kownoe: II Sam. 7 .Njoen: disi pramisi wan njoen pipel foe Gado Les 1 Santa Jejej 12/4/2018

Dem 4 bigi man foe Abraham famiri Gen 12-24: Abraham Gen. 24-27: Isaak Gen. 28-36: Jakob Gen 37-50: Jozef Les 1 Santa Jejej 12/4/2018

Abraham Di hem ben drai hem libi: Tori 7:2 Da Gado foe glori ben sori Hemsrefi na wi tata Abraham di a ben de na ini Mesopotamie... .Abraham ben gebore ongeveer 2166 B.C. Wi no sabi noti foe hem jongoe libi efoe fa a ben kom na Gado. Som ben denki dati kande Sem, Job efoe Melchizedek ben sori hem fa foe drai hem libi. Wi no kan overschat fa hem libi de belangrijk. Dem kari hem nem 308 leisi na ini da Bijbel: 234 leisi na ini da Owroe Testamenti; en 74 leisi na ini da Njoen Testamenti. Dem kom foe 27 boekoe: 17 na ini da Owroe Testamenti, en 11 na ini da Njoen Testamenti. Les 1 Santa Jejej 12/4/2018

Abraham belangrijk Da boekoe foe Genesis de abra 2350 jari efoe so. Dem fosi 11 hoofdstuk, disi ben taki abra da schepping, da fadon, da sondoe floedoe, nanga da toren foe Babel de abra wan tem foe 2000 jari. Dem laasti 39 hoofdstuk taki abra Abraham nanga hem bakatem pikin abra 350 jari. Gado ben taigi wi moro abra Abraham leki abra da schepping srefi. Les 1 Santa Jejej 12/4/2018

Ur – wan bigi foto Abraham ben gebore en dem ben kweki hem na ini da foto foe Ur foe dem Chaldeer soema. A ben de wan haven na da zee na da mofo foe da Eufraat liba, ongeveer 12 mijl foe pe traditie taki dati da djari foe Eden ben de. Ma fosi da tem foe Abraham, a ben de da moro bigi foto foe grontapoe, pe dem ben manufacture foeroe sani, dem ben prani, dem ben seni sani go nanga sipi, en dem ben abi dem caravan disi ben waka go na ala sei. Bigi sipi ben waka nanga ston nanga kopro te leki da zee. Les 1 Santa Jejej 12/4/2018

Ur… Da moro bigi gebouw ben de da ziggurat na ini dem dei foe Abraham. A ben gersi di foe da toren foe Babel. A ben de fo-kanti, dem ben meki terras gi hem, en dem ben prani dati nanga dem bon nanga dem pransoen. Da foto ben abi toe bigi gado, Nannar, da moen-gado, nanga hem wefi Ningal. Les 1 Santa Jejej 12/4/2018

Abraham pramisi Hem oproeping: Gen. 11:31; 12:1; Joz. 24:3; Tori 7:2 Gado ben kari hem foe komopo foe Ur nanga hem tata oso foe go na wan kondre disi Gado sa sori hem. Les 1 Santa Jejej 12/4/2018

Abraham pramisi .Hem commissie: Gen. 12:2-3; Tori 7:3 ben de 7 sani: .Mi sa meki joe tron wan bigi natie .Mi sa blesi joe .Mi sa meki joe kisi bigi nem .Joe sa de wan blesi .Mi sa blesi dem disi blesi joe .Mi sa floekoe dem disi floekoe joe Na ini joe, ala famiri foe grontapoe sa kisi blesi. Disi taki abra Jezus Kristus: Mt. 1:1 Les 1 Santa Jejej 12/4/2018

Abraham draidrai Gen. 11:31-32 Gado ben taigi hem foe komopo foe hem tata oso en go na Kanaan. Ma Abraham no ben gi jesi. A ben tjari hem tata nanga hem, en a ben gi pasi foe tapoe na Haran. Haran ben de da laasti presi foe civilizatie fosi joe kom na ini da bigi santi presi foe Arabie. A ben de wan 700 mijl noordwest foe Ur, en a ben de 60 mijl foe da Eufraat liba. A ben de tapoe da hoofdweg foe dem caravan disi waka foe dem foto foe da oost go na Damascus nanga Egypti. Les 1 Santa Jejej 12/4/2018

Abraham draidrai Gen. 11:31-32 Disi ben de wan belangrijk presi. Dem ben dini da srefi moen-gado nanga hem wefi leki dem ben doe na ini Ur. Kande Abram ben sa de tevrede foe tan na ini Haran, ma ete wan leisi Gado ben doe wan sani, en hem tata Terah ben dede. Baka dati Abram ben waka go es’esi! Da nem “Terah” wani taki “draidrai”. Soso Gado sabi omeni Kristen ben komopo foe Ur foe go na Kanaan na jeje-fasi, ma dem ben tapoe na Haran en dem no ben go moro fara. Les 1 Santa Jejej 12/4/2018

Abraham doro Kanaan 1. A kom na ini da pramisi kondre, en a seti hem tenti na ini Sichem, 30 mijl noord foe Jerusalem. .Gado ben sori Hemsrefi ete wan leisi gi hem. Wi moesoe si dati di a ben de na ini Ur, Gado ben pramisi soso foe sori hem da kondre, ma now Gado pramisi: Mi sa gi da kondre disi na joe bakatem pikin... (12:1 nanga 12:7) .Dja Abraham ben bouw hem fosi altari disi de skrifi .A ben froisi go na Betel, wan presi disi wani taki: oso foe Gado. A sa tron wan santa presi na ini Kanaan. (Gen. 28:1-22; 35:7) A ben bouw hem di foe toe altari na Betel Les 1 Santa Jejej 12/4/2018

Abraham swaki Baka wan pisi tem, da kondre ben abi wan angritem. So fara, a ben gi jesi na Gado en a ben libi nanga wan boen fasi na ini da Pramisi Kondre. Ma now wan tesi ben komopo foe satan: angritem ben de na ini da kondre .A ben libi Palestijn en a ben go na Egypti. Disi de da fosi tem wi leisi abra Egypti na ini da Bijbel. Egypti de wan symbool foe grontapoe na ini da Bijbel, wan sortoe fasi foe soekoe jepi foe libisoema aparti foe Gado. Les 1 Santa Jejej 12/4/2018

Egypti – voorbeeld foe grontapoe Gado srefi ben gi wan waarskow: Jes. 31:1 Heloe foe dem disi go na Egypti foe jepi, en disi poti dem vertrouw na tapoe asi, en na tapoe asiwagi, bikasi dem de foeroe, en na ini asiman, bikasi dem de toemoesi tranga; ma dem no loekoe na da Santa Wan foe Israël, en dem no soekoe MASRA! Te wan bribiwan “go na Egypti” disi wani taki dati a ben poti hem vertrouw tapoe wan soema efoe wan sani na presi foe da libilibi Gado: Les 1 Santa Jejej 12/4/2018

Farao nanga Sara Farao ben meki plan foe trow nanga Sarai, ma te foe kaba a ben leri dati Abraham ben kori hem di a ben kisi trobi nanga wan pesti-siki. Da kownoe ben kisi bigi hatibron en a ben taki tranga nanga Abraham foe disi. Baka wan tem foe gevaar nanga lasi fesi, Abraham ben go baka na Palestijn pe a ben moesoe tan na ini da fosi presi. Les 1 Santa Jejej 12/4/2018

Abraham skin-fasi meki… Gado ben firi sari: Da sondoe foe Abram & di foe wi meki Gado kisi sar’ati: Ps. 78:40; Ef. 4:30; Ps. 95:10; Mk. 3:5 .A ben meki hem egi bribi kom swaki: Moro lati, Abram ben fadon na ini da srefi trapoe en a ben lei abra hem wefi na ini Gen. 20. Baka da tem wi doe wan sondoe, a de moro gemakkelijk foe doe hem di foe toe leisi A be de wan takroe getuigi en voorbeeld gi hem neef Lot. Som foe dem grontapoe- fasi ben kom tapoe Lot, disi ben tjari foeroe sari kom: Gen. 13 & 19 Les 1 Santa Jejej 12/4/2018

Da gevolg foe Abraham sondoe A ben meki Farao kisi wan pesti-siki: Gen. 12:17. Som leisi dem heiden srefi pina bikasi foe da sondoe foe bribiwan. A de wan sari sani foe si dati Farao, wan soema disi no ben bribi, ben abi foe vermane Abraham, da bribiwan foe wan foutoe disi a ben meki. .A feni Hagar, wan Egypti oema slafoe: Gen. 16:3. Moro lati Hagar sa de da bijvrouw foe Abraham, en a sa meki Ismael, da tata foe dem Arabier soema. So na wan sortoe fasi som foe da trobi foe wan foe dem presi pe foeroe trobi de ben komopo foe da sondoe foe Abraham 39 eeuwen kaba. .A ben seti wan takroe voorbeeld gi hem boi Isaak. Alwasi Isaak no ben meki ete, wi bribi dati a ben moesoe jere da tori di a ben de wan jongoeman. Moro lati a ben fadon na ini da srefi trapoe di a ben lei abra hem wefi Rebekka. Les 1 Santa Jejej 12/4/2018

Abraham prati foe Lot Di a ben kom baka na Palestijn, a ben aanbegi Gado ete wan leisi na Betel, pe a ben libi da blesi foe Gado foe go na Egypti: Jes. 30:15; Open. 2:4-5 .Dem dinari foe Abraham nanga di foe Lot ben feti abra pe dem meti kan njan. Abraham ben broko hede abra disi en a ben gi da jongoe man wan kans foe verkisi da kondre disi a ben wani. Lot ben verkisi da gron krosibei na Sodom, en a ben libi da Pramisi Kondre, en noiti a ben kom baka. .Gado ben sori hemsrefi agen na Abraham, en A ben pramisi hem agen foe wan makti bakatem folkoe disi sa abi da pramisi kondre. Les 1 Santa Jejej 12/4/2018

Da fosi feti na ini da Bijbel Disi na da fosi bigi feti na ini da Bijbel. Da laasti bigi feti de na ini Open. 19:11-21. Te leki da tem dati, oorlog sa go doro. Na da hoofd gebouw foe da V.S., dem skrifi dem woortoe foe Mica 4:3...en dem sa masi dem howroe foe tron ploeg, en dem lansri foe tron koti-nefi; natie no sa opo wan howroe agensi natie, en dem no sa leri feti moro. Foe troe, disi sa kom troe na wan glori dei, ma a no sa pasa te leki da Fesiman foe Vrede sa kom foe de basi foe grontapoe. Les 1 Santa Jejej 12/4/2018

Da fosi feti… Da Society for International Law na ini London ben sori dati soso 268 jari foe vrede ben de na ini 4000 jari foe da geschiedenis, alwasi dem ben teken moro leki 8000 papiera foe vrede. Te leki Jezus sa kom baka, a ben sa de moro boen efoe da V.N. Ben skrifi dem woortoe foe Joel 3:9-10 9. Taki disi na mindri foe dem heiden soema taki: Meki klari foe feti, wiki dem makti man, meki ala fetiman kom krosibei, meki dem opo kom. 10. Naki oen ploeg foe tron howroe, en oen koti-nefi foe tron lansri; meki dem swaki wan taki: Mi de tranga. Les 1 Santa Jejej 12/4/2018

Sodom lasi, Lot tron slafoe A ben bigin di 5 kownoe disi ben de lontoe da dede zee ben kom na opstand agensi Kedorlaomer, da kownoe foe Elam, nanga 3 mati foe hem. Dem feifi kownoe ben lasi, en Sodom ben de na ini da groepoe. Lot ben froisi go na ini da ogri foto, en dem ben tjari hem gowe leki wan slafoe nanga omeni doesoen trawan. Gado no ben sa loekoe na da tori disi boiti dati dem ben teki Lot. Lot ben de foe Gado ete alwasi a no ben tjari hemsrefi leki wan bribiwan kwet’kweti. Ma Gado sabi dem di de foe Hem Les 1 Santa Jejej 12/4/2018

Abraham dek’ati Abraham ben leri da tori en a ben gi wapen na 318 dinari foe go feti. Wi leri wanlo sani abra Abraham nanga disi: .A ben de wan man foe sari-hati. A ben kan taki: Ba soekoe, ba feni, ba tjari... ma a no ben doe so. Abraham ben sori da waarheid disi dem ben skrifi moro lati na ini Mt. 7:1 & Gal. 6:1. .A ben de bereid. A ben hori hemsrefi bereid na skin-fasi, jeje-fasi, nanga famiri, en nanga hem prakseri. Som leisi Gado no man gebruiki wan Kristen, no bikasi a de doti, ma bikasi a no de bereid. Da Bijbel taki foeroe abra foe tan klari: Les 1 Santa Jejej 12/4/2018

Abraham wini, miti Melchizedek A ben waka wan neti, en Abraham ben kisi dem na noord foe Damascus en a ben wini dem di a ben veraas dem nanga wan aanval. Abraham nanga Melchizedek: 14:17-24 .Di Abraham ben kom foe wini Kedorlaomer, en a ben miti Melchizedek, da kownoe foe Salem (Jerusalem), disi ben de wan priester foe Gado. Les 1 Santa Jejej 12/4/2018

Soema na Melchizedek? A de Sem. Disi de da traditie foe dem Djoe. Efoe so, a ben sa de da moro owroe soema na grontapoe foe da momenti dati. Sem ben dede di a ben de 600 jari owroe. A de Kristus, en disi de wan Kristofanie (wan Owroe Testamenti tem disi Jezus Kristus ben kom fosi A ben kom na Betlehem). Dem soema disi bribi disi loekoe na Heb. 7:1-4 .A ben de soso da fosi leisi dati dem ben taki abra da kownoe foe Jerusalem. Melchizedek wani taki: kownoe foe gerechtigheid en Salem de da froekoe nem foe Jerusalem. Wi leisi abra Melchizedek agen na ini Ps. 110, en na ini da Njoen Testamenti, na ini Heb. 5:6-20 & 7:1-22. Les 1 Santa Jejej 12/4/2018

Melchizedek Melchizedek ben tjari brede en wini gi hem. Disi de da fosi leisi dati wi leisi abra brede nanga wini na ini da Bijbel, en a loekoe na fesi foe da wroko foe Jezus Kristus tapoe da kruisi. Les 1 Santa Jejej 12/4/2018

Dem 3 belangrijk positie Da profeti ben de wan soema disi ben taki foe Gado gi libisoema: I Kon. 19:16 .Da priester ben de wan soema disi ben vertegenwoordig libisoema na fesi foe Gado: Lev. 8:12; Ps. 133:2 .Da kownoe ben de da soema disi ben basi libisoema na ondro Gado: I Sam. 10:1; 16:13 Les 1 Santa Jejej 12/4/2018

Masra Jezus hori ala 3 positie A ben de wan profeti na ini dem dei na wi baka: Jn. 1:18; Mt. 21:11; Lk. 7:16; Jn. 4:19; Heb. 1:1-2 A de wan priester now: Rom. 8:34; Heb. 4:14-16; 7:24-25; I Jn. 1:1 .A sa de wan kownoe: Open. 19:11-16 Les 1 Santa Jejej 12/4/2018

Abraham gi tiende Baka da tem disi Melchizedek ben blesi hem, Abraham ben gi hem wan tiende foe alasani disi a ben abi. Som soema bribi dati foe gi da tiende ben de soso gi Israel na ondro da wet, en a no de foe wi now. Ma disi no de so. Abraham ben gi tiende langa fosi Israel ben tron wan natie, en 400 jari fosi dem ben kisi da wet. Te wi doro na ini da Njoen Testamenti, wi feni dati a no de soso da tiende, ma alasani disi de foe Gado: I Kor. 6:19-20. Disi wani taki foe hem tem: Efes. 5:16; Ps. 90:12; hem talenti: Rom. 12:6; I Kor. 7:7; II Tim. 1:6, nanga dem goedoe foe hem: I Kor. 16:1-2; II Kor. 9:7 .Abraham no ben wani dem goedoe foe da goddeloze kownoe Bera, da kownoe foe Sodom. Bera ben wani hem foe prati dem goedoe foe da oorlog. Les 1 Santa Jejej 12/4/2018

Abraham akkorderi nanga Gado .Gado ben taki nanga Abraham na ini wan visioen taki: 15:1 No frede, Abram, Mi de joe schild nanga joe moro bigi paiman. Disi de da fosi leisi wi feni dem moi pikin woortoe: No frede. Abraham ben abi dem woortoe fanowdoe na da momenti disi, bikasi a ben meki wantoe tranga feanti bikasi foe sani a ben doe na ini Gen. 14 .Abram ben sori Gado dati a no ben abi wan pikin nanga Sarai, en a ben taki dati wan dinari dem kari Eliezer moesoe tron hem erfgenaam. Ma Gado no ben wani. Moro lati Abram sa wroko nanga Eliezer na wan tra fasi: Gen. 24:1-4 Les 1 Santa Jejej 12/4/2018

Gado pramisi Abraham bakatem pikin Gado ben pramisi hem owroe dinari wan pikin ete wan leisi, en a ben taki:15:5 Loekoe na loktoe na hemel, en teri dem stari, efoe joe kan teri dem; en A ben taki gi hem taki: So joe siri sa de. Dja wi si ete wan bewijs dati da Bijbel de da woortoe foe Gado. Tide wi sabi dati dem de so meni stari na ini hemel leki dem abi santi na dem zee sjoro. Ma na ini dem dei foe Abram, libisoema ben bribi dati da totaal nomroe ben de moro minder leki 1200. Les 1 Santa Jejej 12/4/2018

Abraham kom regtvaardiki doro bribi Di Gado ben tapoe, wi leisi: 15:6 En a ben bribi MASRA, en A ben loekoe na disi leki hem ben de wan regtvaardiki soema. Disi de da fosi tem foe 3 belangrijk woortoe na ini da Bijbel, en wi sa loekoe na dem now: .Bribi: disi no wani taki dati Abram ben de da fosi man disi ben bribi na ini Gado, ma dati a taki dati da bribi foe hem de wan prenki foe dem bribiwan na ini da toekomst: Rom. 4; Gal. 3:6-9; Heb. 11:8-10, 17-19 Les 1 Santa Jejej 12/4/2018

Abraham kom regtvaardiki doro bribi Loekoe (reken) Na ini da Njoen Testamenti, da woortoe disi wani taki foe poti wan sani tapoe wan soema rekening. Wi feni drie bigi rekening na ini da Bijbel .Poti da sondoe foe Adam tapoe libisoema: Rom. 3:23; 5:12 .Poti da sondoe foe libisoema tapoe Jezus Kristus: Jes. 53:5-6; Heb. 2:9; II Kor. 5:14-21; I Pet. 2:24 .Poti da gerechtigheid foe Gado tapoe da sondari disi ben tron bribiwan: Fil. 3:9; Jak. 2:23; Rom. 4:6, 8, 11, 22-24 Les 1 Santa Jejej 12/4/2018

Gerechtigheid Gerechtigheid: Disi wani taki: dem juisti krosi. Da Bijbel leri wi dati ala sondari de nanga soso skin na fesi foe Gado. Gen. 3:10; Heb. 4:13; Open. 3:17. Som sabi disi, en dem proberi foe meki dem egi jeje-krosi, ma Gado loekoe na dem leki morsoe krosi (Jes. 64:6) Foe dat’ede di wan sondari sabi dati a de nanga soso skin, en a kari na da sari-hati foe Gado, a kisi wan njoen krosi: II Kor. 6:7; Efes. 6:14; Open. 19:7-8 Les 1 Santa Jejej 12/4/2018

Abraham akkorderi nanga Gado Na ini wi kultuur tide, te toe soema meki wan akkorderi, dem skrifi sani tapoe papiera, en ala toe pipel teken. Ma na ini dem dei foe Abram, sani ben de wan tra fasi. Na ini dem dei, dem toe groepoe ben sa kiri wantoe meti, dem sa koti dem na ini pisi, en dem sa poti dem toe pisi na ini toe lo. Dan ala toe groepoe sa hori anoe en waka na respeki fasi na mindri foe dem meti. Di dem ben doe so, dem ben meki wan sweri na mindri foe broedoe, pina nanga dede, dati dem sa hori dem woortoe Les 1 Santa Jejej 12/4/2018

3 sortoe akkorderi Da akkorderi foe broedoe: Gen. 15:10; Jer. 34:18-19 .Da akkorderi foe wan soesoe: Ruth 4:7-8 .Da akkorderi foe sowtoe: Num. 18:19; II Kron. 13:5 Les 1 Santa Jejej 12/4/2018

Gado sa hori Hem pramisi Fosi Gado ben kom na ini wan smoko faja-patoe nanga wan faja-tiki, Abram ben fadon na ini wan dipi sribi. Di a ben sribi, da aanwezigheid foe Gado ben waka na mindri foe dem pisi meti hem wawan. Disi ben sori dati dem pramisi foe Jehova abra da verloesoe foe Abram en dati hem bakatem pikin sa abi da kondre no ben abi voorwaarden foe Abram. Gado ben taki abra da pramisi na ini Gen. 12:1-4, a ben taki baka na ini 13:14-17 & 15:1-7, ma now a tron wan legaal sani na ini 15:8-19. Les 1 Santa Jejej 12/4/2018

Gado taki profeti-taki Dem bakatem pikin foe Abram sa de vreemdelingen na ini wan tra kondre: Gen. 46:2-4 .Dem sa de dinari na ini da kondre dati: Ex. 1:7-14 .Dem sa de dinari 400 jari langa: Ex. 12:40 .Gado srefi sa kroetoe da natie disi ben meki Israel tron slafoe: Ex. 7-12 .Abram srefi no sa si disi: Gen. 25:7-8 Les 1 Santa Jejej 12/4/2018

Gado taki profeti-taki Baka 4 generatie na ini Egypti, Israel sa kom baka na da kondre foe Palestijn: Ex. 6:16-20. Dja wi leri dati Levi, da avoopikin foe Abraham ben de da fosi generatie, en da manpikin foe Levi, Kohat sa de di foe toe generatie, dan hem manpikin Amram sa de di foe drie, en hem manpikin Mozes de di foe fo. .Israel sa komopo foe Egypti nanga foeroe goedoe: Ex. 12:35-36; Ps. 105:37 Les 1 Santa Jejej 12/4/2018

Gado abi pasensi, ma a kaba wan dei Gado sa teki wan langa tem foe doe disi, bikasi da sondoe foe dem Amoriet soema no ben kom foeroe ete. Dja wi feni ete wan leisi wan sani disi wi ben si na ini Gen. 6:3. Sondoe kom moro hipi te leki dem hatibron foe Gado nanga Hem kroetoe fadon na hem tapoe. Na ini da situatie disi, dem Amoriet soema ben de dem bakatem pikin foe Kanaan: Gen. 10:16 disi ben tan na ini Palestijn 400 jari kaba di Abraham ben tan na ini da kondre. Ma Gado sa gi dem ete 400-500 jari fosi A sa figi dem poeroe. (Joz. 10) Wi si da waarheid disi na ini Rom. 2:4-5; II Pet. 3:1-9; II Kron. 36:15-16. So alwasi da pasensi de foe Gado de dipi, en so srefi A kan gi pardon, ma tokoe A no hori pasensi foe teego, ma te foe kaba wan kaba sa kom: Spreuk. 27:1. Les 1 Santa Jejej 12/4/2018

Abraham teki Hagar Sarai ben taki te leki Abram ben de eens foe meki wan pikin doro da Egypti oema dinari foe hem, Hagar. Dan dem sa teki da pikin leki di foe demsrefi .Hagar hori bere, en dan a kisi bigi fasi so dati Sarai jagi hem komopo foe da oso. Da versi disi sori dati polygamy (abi moro leki wan frow) no de boen. Gado ben gi pasi, ma noiti A ben keur hem goed: Gen. 2:23; I Tim 3:2 Da engel foe Masra ben feni Hagar na ini da woestijn, en a gi hem wan opdrakti foe go baka na Abram nanga Sarai. Da engel ben taki dati a sa meki wan boi, en dati a moesoe kari hem nem Ishmael. Les 1 Santa Jejej 12/4/2018

Da engel foe MASRA Disi de da fosi leisi wi feni da engel foe Masra. Som theoloog bribi dati te wi feni da titel disi na ini da Owroe Testamenti, a de wan tra nem foe Masra Jezus Kristus. Da engel disi ben doe foeroe belangrijk wroko gi Israel: Da engel foe Masra ben haswa nanga Jakob: Gen. 32:24-30 A ben bai Jakob baka: Gen. 48:16 .A ben taki na Mozes komopo foe wan brantimaka disi ben bron: Ex. 3:2 Les 1 Santa Jejej 12/4/2018

Da engel foe MASRA A ben kibri Israel na da Redi Zee: Ex. 14:19 .A ben meki Israel tan klari foe go na ini da pramisi kondre: Ex. 23:20-23; Ps. 34:7; Jes. 63:9; I Kor. 10:1-4 .A ben gi opdrakti na Gideon: Richt. 6:11 .A ben dini Elia: I Kon. 19:7 .A ben gi wan toto na Jozua: Joz. 5:13-15 .A ben verloesoe Jerusalem: Jes. 37:36 .A ben kibri 3 jongoe Djoe man: Dan. 3:25 Les 1 Santa Jejej 12/4/2018

Da engel foe MASRA Da engel foe Masra troostoe Hagar. Hagar no sori hemsrefi so boen na ini da Bijbel, bikasi a abi bigi fasi, hatibron, a no sori respeki, a prodo, en a no de wan boen mama. Tokoe, Gado lobi hem, en A seni hem engel kom foe troostoe hem. .A ben meki Ishmael di Abram ben de 86 jari owroe. Les 1 Santa Jejej 12/4/2018

Gado no taki nanga Abraham 13 jari langa .Na da kaba foe hoofdstuk 16, Abram de na da moro lagi presi jeje-fasi na ini hem libi. A ben doe sondoe, en a no de boen nanga Gado efoe hem famiri. Ma a gersi dati Gado no doe noti nanga Abram. Gado no sa strafoe hem? Efoe wi si dati Abram de 86 te Ismael ben meki, ma a de 99 te Gado taki baka nanga hem, a gersi dati Gado no ben piki hem 13 jari langa. A de leki Psalm 106:15: A ben gi dem san dem ben aksi, ma A ben seni mangri-fasi na ini dem sieli. Les 1 Santa Jejej 12/4/2018

Gado gi Abraham pardon Tokoe Gado ben gi hem pardon en tjari hem baka na ini relatie nanga Hem (Ps. 51) Da titel Almakti Gado de El Shaddai. Da woortoe Shadd wani taki foe da bobi foe wan mama disi gi bobi na hem pikin. Da woortoe El wani taki ‘da tranga wan.” Gado ben gi Jakob troostoe nanga hem nem: Gen. 35:10-11 .Gado ben troostoe Mozes nanga da nem disi: Ex. 6:3 .Jakob ben blesi Jozef nanga da nem disi: Gen. 49:25 Wi feni da titel disi 31 leisi na ini da boekoe foe Job, moro leki iniwan tra Owroe Testamenti boekoe. En da pinaman dati ben abi hem fanowdoe Les 1 Santa Jejej 12/4/2018

Abram tron Abraham Gado kenki da nem foe Abram, disi wani taki “bigi tata” te leki Abraham, “tata foe wan bigi hipi soema. Disi de da di foe fo leisi dati Gado ben pramisi da kondre nanga da siri akkorderi: Gen. 12:2, 3, 7; 13:14-17; 15:5. Na da okasi disi (17:9-14) Gado komanderi Abraham foe besnijd hemsrefi nanga ala dem mansoema na ini hem oso, en na ini da toekomst, ibri manpikin na di foe 8 dei. Les 1 Santa Jejej 12/4/2018

Besnijdenis Abraham ben de da fosi man foe besnijd. Moro fara, disi ben de wan wroko foe bribi, bikasi disi ben meki ala dem man na ini da kampoe so dati dem no ben man feti .Besnijdenis ben de da marki foe da pramisi foe Gado, alwasi a no ben de da oorsprong foe da pramisi. .Da oorsprong ben de foe bribi tapoe da woortoe foe Gado .Besnijdenis foe da skin sondro besnijdenis foe da hati ben de foe soso. Les 1 Santa Jejej 12/4/2018

Troe besnijdenis Deut. 10:12, 16 12. En now, Israël, san MASRA joe Gado komanderi joe foe doe boiti foe frede MASRA joe Gado, en foe waka na ala Hem pasi, en foe lobi Hem, en foe dini MASRA joe Gado nanga joe heri hati en nanga joe heri sieli,…..16. Foe dat'ede besnijd oen hati, en no abi tranga jesi moro, Les 1 Santa Jejej 12/4/2018

Da pramisi foe Gado Dem ben kenki da nem foe Sarai (disi wani taki stree) te Sara (wan princess) .Abraham lafoe foe prisiri (Rom. 4:19-21) di a ben denki foe hem erfenaam, en a aksi Gado foe blesi Ishmael .Gado pramisi foe blesi Ishmael, ma dan a komanderi Abraham & Sara foe kari da njoen pikin Isaak, disi sa de da erfenaam foe da akkorderi .Abraham ben gi jesi en besnijd ala mannengre Les 1 Santa Jejej 12/4/2018

Engel kom op bezoek Masra nanga toe engel kom na Abraham. Di a ben dini dem, Gado ben pramisi hem ete wan leisi dati a sa abi wan erfgenaam, en a taigi hem sortoe tem: 18:10, 14 .Sara jere da taki en lafoe bikasi a no ben bribi. Gado ben vermane Abraham foe da feit dati Sara no ben bribi, ma Sara ben taki dati a no ben lafoe: 18:10-15 .Dan Abraham & Sara jere Gado taki: 18:14 Iniwan sani de di MASRA no kan doe? Si Lk. 1:26-27; Mt. 19:23-26 Les 1 Santa Jejej 12/4/2018

Abraham begi gi Sodom Dem toe engel gowe foe wan wroko na Sodom. Masra sori Abraham dati A sa figi Sodom poeroe: 18:16-22 Abraham ben begi na wan bijzonder fasi gi Sodom. A ben de wan foe dem moro tranga begi dorodoro na ini da Bijbel A ben de precis .A ben sori respeki .A ben abi bribi: 18:25 Da Kroetoeman foe heri grontapoe no sa doe leti? Les 1 Santa Jejej 12/4/2018

Begi gi Sodom Fosi a ben aksi Gado foe kibri da foto efoe 50 regtvaardiki soema ben de na ini da foto. Dan a ben saka go na 45, 40, 30, 20 en te foe kaba 10. Foe san’ede Abraham no ben saka go na 5? Kande a ben denki dati zeker 10 soema ben de. Dem ben abi Lot, hem wefi, dem toe meisje disi no ben trow ete, nanga dem oemapikin disi ben trow nanga dem masra. Foe troe, moro leki 10 moesoe de! Ma Abraham hati ben broko, bikasi a ben gersi dati soso Lot nanga dem toe meisje ben drai dem libi. Les 1 Santa Jejej 12/4/2018

Sodom – voorbeeld foe da toekomst Dja wi abi da tori foe fa Gado ben figi Sodom poeroe, da di foe toe voorbeeld disi Masra Jezus ben gebruiki foe sori abra da kroetoe disi sa kom. Da trawan ben de foe da floedoe foe Noach: Lk. 17:26-30 Dem engel ben feni Lot na da portoe foe Sodom. A ben de wan sortoe basi drape. Les 1 Santa Jejej 12/4/2018

Da kompromis foe Lot .A ben loekoe na Sodom: 13:10 .A ben verkisi wan gron krosibei na Sodom: 13:11 A ben poti hem tenti krosibei na Sodom: 13:12 .A ben froisi go na ini Sodom: 14:12 .A gi dem oemapikin nanga hem energie na Sodom: Gen. 19. Wi si san da Njoen Testamenti taki na ini Jakobus 3:5 Loekoe fa da faja de bigi disi wan pikin faja bigin! Sondoe de leki takroe siki efoe gwasi-siki. A bigin pikin, ma te foe kaba a panja te leki a kiri joe. Les 1 Santa Jejej 12/4/2018

Lot ben ontvang dem engel Lot ben meki wan fesa gi dem toe engel, en a ben meki brede sondro zuurdegi. Da feit dati a ben gi dem brede sondro zuurdegi sori dati a ben sabi dati dem ben de bezoeker foe hemel. Kande bikasi hemsrefi ben baka da brede sori wi dati da wefi no ben span foe dem sani foe hem masra, efoe dem sani foe Gado. .Dem engel waarskow Lot dati dem sa figi Sodom poeroe. Dem ben abi foe meki dem man disi ben wani abi sex nanga dem kom breni di dem ben kom lontoe da oso foe Lot. Dem Sodomiet man no ben respeki Lot kwet’kweti. Les 1 Santa Jejej 12/4/2018

Lot & Sodom Lot ben fadon so fara dati a ben meki wan offer foe gi dem man hem toe meisje disi no ben sabi wan man ete. A ben kari dem “brada” toe: II Jn. 10-11 .A ben teki da kaba foe da neti foe proberi foe meki dem oemapikin foe hem disi ben trow kaba foe lowe go kibri nanga hem. .Moesoedei, dem engel ben abi foe srepi Lot, hem wefi nanga dem toe oemapikin komopo foe Sodom, en dem ben taigi dem foe lowe go kibri na ini dem bergi Les 1 Santa Jejej 12/4/2018

Lot & Sodom Lot ben begi dati dem kan gi hem pasi foe tan na ini Soar, wan pikin dorpoe disi ben de krosibei na presi foe dem bergi .Da famiri foe Lot ben kisi wan laasti waarskow: 19:22 Go es'esi, lon go kibri drape; bikasi mi no kan doe noti fosi oen doro drape. Fa dem figi Sodom poeroe de wan voorbeeld foe da tem foe bigi trobi, en fa Lot ben lowe ben de wan sortoe voorbeeld foe da opname foe da kerki: II Tess. 2:6-7 .19:24 Dan MASRA ben meki swarfoe nanga faja fadon leki alen komopo foe MASRA na ini hemel na tapoe Sodom en na tapoe Gomorra. Les 1 Santa Jejej 12/4/2018

Da frow foe Lot Da wefi foe Lot ben drai lontoe, en a ben tron wan pilari foe sowtoe. Na ini Lk. 17:32, Masra Jezus taigi wi foe membre da wefi foe Lot. Dja wi kan taki: Joe kan teki wan soema disi lobi grontapoe komopo foe grontapoe, ma joe no man teki da grontapoe-lobi komopo foe wan soema disi lobi hem. Dem soema disi no bribi lafoe na da tori foe Lot’s wefi. Gado ben kan meki hem tron wan bigi hipi sowtoe, ma wi bribi dati moro waarschijnlijk, wan bigi hipi swarfoe ben fadon na hem tapoe en tapoe hem nanga da sani disi ben de wan sortoe sowtoe. Les 1 Santa Jejej 12/4/2018

Lot – wan vleselijk bribiwan Gado ben membre Abraham, en A ben poeroe Lot komopo. Wan Gado foe gnade ben pramisi foe frigiti ala dem sondoe dati wan bribiwan ben bekenti (Heb. 8:12) ma na ini Hem betrouw-baarheid, a membre toe sani: .Dem begi foe wan bribiwan: Gen. 18:23; Open. 5:8 .Dem wroko foe wan bribiwan: Heb. 6:10 So wi si Lot ben feni verloesoe alwasi a ben waka moro foeroe na ini da vlees. Kande Judas ben bedoel Lot di a ben skrifi taki: Judas 22-23 22. En som ben abi sari-hati, en dem meki wan difrenti; 23. En trawan oen moesoe verloesoe nanga frede, en poeroe dem komopo foe da faja, en no lobi da krosi disi de flaka nanga skin-fasi. Les 1 Santa Jejej 12/4/2018

Da sari kaba foe Lot Lot ben frede en a pasa Soar en a ben go na ini wan bergi nanga hem toe oemapikin disi no ben trow. Dem oemapikin ben frede dati noiti dem sa trow, en so dem ben meki dem egi tata droengoe, en dem ben abi sex nanga hem. Ala toe ben hori bere. Da moro owroe oemapikin ben kari hem boi Moab, disi ben de da tata foe dem Moabiet soema, en da moro jongoe wan ben kari hem boi Ben-ammi, disi ben de da tata foe dem Ammoniet soema. Ala toe foe dem natie ben gi foeroe trobi na Israel: Gen. 19:30-39 Les 1 Santa Jejej 12/4/2018

Abraham & Abimelek Abraham fadon na ini da srefi sondoe a ben doe na ini Egypti. A ben froisi go na ini da kondre foe dem Filistijn soema, en a ben lei abra Sara leki a ben lei gi Farao. .Gado ben waarskow Abimelek na ini wan dren foe no didon nanga Sara .Abimelek vermane Abraham abra fa a ben lei gi hem. .Abraham ben begi foe Gado blesi Abimelek Les 1 Santa Jejej 12/4/2018

Abraham prisiri nanga Isaak: 21:1-34 .Sara ben meki Isaak leki Gado ben pramisi: Hem nem wani taki: lafoe .Dem ben hori wan bigi fesa di Sara ben poeroe hem foe bobi .Abraham ben seni Hagar nanga hem 14 jari owroe boi Ishmael bikasi foe fa a ben spotoe Isaak na da tem disi: Si san Paulus taki na ini Gal. 4:22-31 .Gado ben sori gnade gi Hagar nanga Ishmael di dem ben lasi pasi na ini da woestijn foe Beerseba, di a ben sori hem wan watra-peti. Ishmael ben trow nanga wan Egypti meisje, en a ben kom wan hontiman nanga peiri. Les 1 Santa Jejej 12/4/2018

Abraham & Isaak tapoe Moria: 22:1-24 .Gado ben tesi Abraham di A ben gi hem wan opdrakti: 22:2 En A ben taki: Now teki joe manpikin, joe wan enkri manpikin Isaak, disi joe lobi, en waka go na da kondre foe Moria; en gi hem leki wan bron-ofrandi na tapoe wan foe dem bergi disi Mi sa sori joe. .Da bergi Moria ben de da birti lontoe Jerusalem pe dem ben bouw da tempel moro lati: II Kron. 3:1. Les 1 Santa Jejej 12/4/2018

Abraham & Isaak San Gado ben aksi Abraham foe doe nanga Isaak? Moro lati, na ini Leviticus 1:1-9, wi leisi abra dem wet foe da bron ofrandi: .A moesoe de wan manwan sondro foutoe .Da man disi ben abi hem moesoe gi nanga hem fri wani .A moesoe kiri hem en trowe da broedoe .Dan dem sa koti hem pis’pisi .Dan dem ben moesoe wasi hem en bron hem Wi no sabi omeni foe dem sani disi Abraham ben sabi, ma wi sabi dati a ben froestan dati Gado ben taigi hem foe slakti hem lobi manpikin. Les 1 Santa Jejej 12/4/2018

Abraham & Isaak Dem ben doro na di foe drie dei. Abraham ben libi da mamanten baka da dei disi Gado ben gi hem da opdrakti, en a ben teki 3 dei langa foe doro Moria. Disi klop nanga Ex.12:3, pe dem moesoe hori da paska lam 4 dei langa fosi dem kiri hem: Gen. 22:3-4 .Abraham ben taigi hem dinari taki: 22:5 En Abraham ben taigi dem jongoe mansoema foe hem taki: Tan djaso nanga da boeriki; mi nanga da boi sa go janda en aanbegi, en wi sa kom baka na joe. Dja wi si pikinso foe da bribi foe Abraham. Les 1 Santa Jejej 12/4/2018

Abraham bribi foe troe Alwasi a ben de bereid foe gi Isaak abra, a ben bribi dati Gado ben sa opo hem foe dede! So wi kan si dati dem toe moro hei punt foe da man disi ben de: .Bribi Gado abra da boven-natuurlijk geboorte foe Isaak: Rom. 4:18-21 .Bribi Gado foe da boven-natuurlijk opo baka foe hem manpikin: Heb. 11:17-19 Les 1 Santa Jejej 12/4/2018

Pe da juisti lam de foe da ofrandi? Isaak ben aksi: 22:7 ma pe da lam de foe wan bron-ofrandi? Grontapoe aksi da vraag disi ete tide. Pe da lam de? Pe wi moesoe loekoe foe wi verloesoe? Grontapoe aksi da juisti vraag, ma dem loekoe foe da verkeerti sani .Da lam foe educatie .Da lam foe boen wroko .Da lam foe da V.N. Da lam foe dopoe .Da lam foe kerki lidmaatschap Les 1 Santa Jejej 12/4/2018

Abraham & Isaak Abraham piki baka nanga wan hebi hati taki: 22:8 En Abraham ben piki taki: Mi manpikin, Gado srefi sa gi wan lam foe wan bron-ofrandi; en so dem ben go ala toe foe dem makandra. Da pikin woortoe disi de wan samenvatting foe da Bijbel. Wi kan loekoe na disi na toe fasi: .Gado sa gi wan lam gi Hemsrefi - dati wani taki, da lam sa komopo foe Hemsrefi .Gado sa gi Hemsrefi foe wan lam - dati wani taki, da lam disi meki foe wan ofrandi de Gado Ala toe de troe Les 1 Santa Jejej 12/4/2018

Abraham & Isaak Abraham bouw da altari en a tai hem egi manpikin na hem tapoe. Disi wani taki boen foe Isaak, bikasi Isaak no ben de wan pikin boi, ma kande wan man efoe wan tiener. Ma tokoe a gi pasi foe hem owroe tata foe tai hem tapoe wan altari foe dede. (22:9) .Da Jeje foe Gado sori wi na wan dramatic fasi san sa pasa tapoe da bergi dati: Gen. 22:10 En Abraham ben langa hem anoe, en a ben teki da nefi foe kiri hem manpikin. Ma fosi a kan doe disi, Gado tapoe hem, en A sori hem wan man skapoe krosibei, en A taigi Abraham foe gebruiki hem na presi foe hem manpikin. Abraham doe disi nanga prisiri, en a kari da nem foe da presi: Jehovah-jireh Les 1 Santa Jejej 12/4/2018

Abraham & Isaak Da titel Jehovah-jireh de wan foe dem bigi nem foe Gado na ini da Owroe Testamenti. A wani taki: Masra sa voorzien. A de wan boen sani foe dini Gado. Meki wi si san Gado ben doe gi Abraham kaba: .Verloesoe foe teego: 15:6 .Tiri hem: 12:1 .Dek’ati: 14:15 .Jeje blesi: 14:19 Les 1 Santa Jejej 12/4/2018

Gado voorzien Abraham .San a abi fanowdoe tapoe grontapoe: 13:2 .Dem sani foe da toekomst: 15:15 .Pardon foe sondoe: 20:17 .Wan manpikin na ini hem owroe jari: 21:3 .Kibri hem dorodoro: 15:1 .Da pramisi foe wan foto na ini hemel: Heb. 11:10 Les 1 Santa Jejej 12/4/2018

Fa Abraham gersi Gado da Tata: Ala toe ben abi wan lobi manpikin: Mt. 3:17; 17:5 Ala toe ben gebore na wan boven-natuurlijk fasi: Lk. 1:35 .Ala toe ben abi manpikin disi ben gi jesi foe gi demsrefi abra: Jn. 10:18 .Ala toe ben gi dem manpikin abra: Jn. 3:16 Ala toe na da srefi presi Les 1 Santa Jejej 12/4/2018

Fa Abraham gersi Gado da Tata: Ala toe ben kisi dem manpikin baka nanga bigi prisiri: Ps. 24:7-10. N.B. - Som soema bribi dati da Psalm disi taki abra fa Jezus sa kom baka na hemel baka Hem dede en opo baka .Ala toe ben meki alasani klari foe da trow-oso foe dem manpikin: Gen. 24, Abraham ben seni hem vertrouw dinari foe feni wan bruid gi Isaak. Na ini da Njoen Testamenti, wi leisi abra fa da Tata ben meki sani klari gi Hem manpikin foe Hem trow-oso: Mt. 22:1-2 Les 1 Santa Jejej 12/4/2018

Nachor meki foeroe pikin Di a ben doro na oso, Abraham ben kisi wan boskopoe disi taki abra hem brada Nachor, disi a no ben si sinsi a ben komopo foe Ur. Nachor ben froisi go na Haran, en Gado ben blesi hem nanga hem wefi Milka nanga 8 boi. Da di foe feifi boi, Betuel sa de belangrijk, bikasi a ben abi wan oemapikin disi nem Rebekka, en wan boi disi dem kari Laban. Moro lati Rebekka sa trow nanga Isaak, en Jakob sa teki dem oemapikin foe Laban, Rachel nanga Lea, leki hem wefi: 22:19-24 Les 1 Santa Jejej 12/4/2018

Sarai lasi libi Da bergi-olo foe Makpela: 23:1-20 .Sara dede di a de 127 jari owroe. Som soema aanbegi Maria, ma na ini da Njoen Testamenti, dem taki abra Sara (I Pet 3:1-6) .Abraham bai wan bergi-olo na Makpela foe 400 pisi sorfoe moni, en a beri hem lobi wefi drape. Moro lati hemsrefi sa beri drape. Les 1 Santa Jejej 12/4/2018

Rebekka Abraham taigi hem vertrouw dinari Eliezer foe go na Haran foe feni wan wefi gi Isaak .Di a ben doro drape, da dinari ben saka kindi en begi Gado foe jepi gi hem koni. Disi de wan foe dem moro verwondroe begi na ini da Bijbel, bikasi a ben sori bigi bribi, en moro fara, Gado ben piki hem fosi a ben kaba foe begi. Da dinari ben aksi Gado foe sori hem da juisti meisje te a sa taigi hem dati a sa tjari watra gi hem nanga hem kameli. Les 1 Santa Jejej 12/4/2018

Rebekka 24:15 En a ben pasa so dati fosi a ben kaba foe taki, dan loekoe, Rebekka ben komopo, disi ben gebore gi Betuël, da manpikin foe Milka, da wefi foe Nachor, da brada foe Abraham, nanga wan patoe na hem skowroe. .Sondro foe sabi, Rebekka ben gi antwoord na hem begi di a ben taki dati a sa hari watra gi hem nanga hem kameli. Les 1 Santa Jejej 12/4/2018

Isaak & Rebekka trow Da dinari miti da brada en mama foe Rebekka. A ben taigi dem abra san a ben kom foe doe, en fa Gado ben gi antwoord na hem begi .Rebekka de eens foe go trow nanga Isaak .Isaak wakti hem bruid na ini wan firi na Hebron. Dem tron man nanga wefi Les 1 Santa Jejej 12/4/2018

Types – Genesis 24 Abraham de da type foe da Tata na ini hemel, disi de meki wan plan foe wan trow-oso foe Hem manpikin: Mt. 22:2 .Isaak de da type foe Masra Jezus Kristus. Leki Jezus, Isaak ben offer leki wan ofrandi (Gen. 22 & Mt. 27) en a soekoe hem bruid. Leki Kristus, Isaak ben kisi alasani foe hem tata: (24:36 & Fil. 2:9-10) Isaak leki Kristus lobi hem bruid foe troe. (24:67 & Ef. 5:25) . Les 1 Santa Jejej 12/4/2018

Types – Genesis 24 Eliezer de wan type foe da Santa Jeje. Da dinari foe Abraham ben kom na Mesopotamie foe wan reden nomo, foe teki wan bruid foe Isaak. Na ini Tori 2, da Santa Jeje ben kom na Pinkster foe wan reden, foe teki wan bruid foe da Pikin. Di a ben de na Mesopotamie, da dinari ben gi bigi nem na da tata nanga da manpikin. So srefi da Santa Jeje wroko so tide. Jn. 15:26 .Rebekka de wan type foe da kerki. Fosi iniwan soema kan kom na ini da troe kerki, a moesoe piki leki Rebekka ben piki da dinari foe Eliezer: 24:58 En dem ben kari Rebekka kom, en dem ben taki gi hem taki: Joe sa go nanga da man disi? En a ben piki taki: Mi sa go. Les 1 Santa Jejej 12/4/2018

Abraham & Ketura Abraham trow nanga wan oema na nem Ketura. A meki 6 manpikin gi hem .Da moro belangrijk boi ben de Midjan, da di foe fo boi, disi ben tron da tata foe dem Midjaniet soema, disi ben trobi Israel foeroe. Les 1 Santa Jejej 12/4/2018

Abraham dede Gen. 25:7-10 7. Disi ben de dem jari foe Abraham libi: wan hondro nanga sebi tenti na feifi jari.8. En Abraham blo ben tapoe, en a ben dede di a ben de owroe, en hem jari ben de foeroe, en a ben go moksi nanga hem granavoo.9. En hem manpikin Isaak nanga Ismaël ben beri hem na ini da bergi-olo foe Makpela, na da firi foe Efron, da manpikin foe da Hethiet Sochar, disi de na abrasei foe Mamre.10. Da firi disi Abraham ben bai foe dem Hethiet soema, na drape dem ben beri Abraham, so leki hem wefi Sara. Les 1 Santa Jejej 12/4/2018

Da foto foe Abraham Heb. 11:8-10 8. Doro bribi, di Gado ben kari Abraham foe komopo go na wan presi disi a sa kisi leki wan erfenis moro lati, a ben gi jesi, en a ben komopo alwasi a no ben sabi pe a ben moesoe go. 9. Doro bribi, a ben tan na ini da kondre foe pramisi leki na ini wan vreemde kondre, en a ben libi na ini tenti nanga Isaak nanga Jakob, disi ben moesoe kisi da srefi pramisi nanga hem; 10. Bikasi a ben soekoe wan foto disi ben abi fondamenti, disi Gado ben bouw en meki hem. Les 1 Santa Jejej 12/4/2018

Isaak Tapoe wan bergi foe Jerusalem: 22:1-14. Da manpikin disi gi jesi: Isaak ben gi hemsrefi abra leki wan ofrandi .Na wan firi na Hebron: 24:61-67; 25:9-11; 19-26 Da safri-fasi bruidegom .A miti Rebekka foe da fosi leisi: 24:61-67 .A beri Abraham nanga hem brada Ismael 25:9 Abraham ben libi 38 jari baka da dede foe Sara .Ismael dede na 137 jari owroe Les 1 Santa Jejej 12/4/2018

Isaak Isaak ben begi Gado foe gi pikin na hem nanga hem wefi. 25:21 Disi de da di foe toe foe 5 begi foe wan pikin: .Abraham: 15:2 .Isaak: 25:21 .Rachel: 30:1, 22 .Hanna: I Sam. 1:10-11; 2:1-10 .Zacharia: Lk. 1:5-7; 13-17 .Rebekka ben meki wan tweeling boi; Esau nanga Jakob Les 1 Santa Jejej 12/4/2018

Isaak & Abimelek Na ini da oso foe wan Filistijn soema: 26:1-14 .Isaak ben doe da srefi sondoe leki hem tata: I Kor. 10:13 Na ini angritem, a ben libi Palestijn en a ben go na ini da birti foe dem Filistijn leki Abraham ben go na Egypti .A ben lei gi kownoe Abimelek abra Rebekka, en a ben kari hem hem sisa .Abimelek ben feni da waarheid en a ben vermane Isaak abra fa a ben lei Les 1 Santa Jejej 12/4/2018

Gado gnade Alwasi a ben sori skin-fasi, Isaak ben kisi wan woortoe foe Gado dati a sa kisi da akkorderi foe Abraham, en Gado ben blesi hem foeroe nanga materiaal sani. Les 1 Santa Jejej 12/4/2018

Isaak wroko tranga .Dem Filijstijn soema ben kom djaroesoe foe da bigi success foe Isaak, en dem ben bigin foe tapoe som foe dem watrapeti disi Abraham ben diki nanga doti. Isaak ben teki foeroe tem foe krini dem baka. Les 1 Santa Jejej 12/4/2018

Isaak wroko tranga Ma dem falsi leriman ben tapoe foeroe foe dem nanga dem falsi leri. Da bigi wroko foe wan jongoe man de foe krini dem baka foe meki dem gi da krin watra baka gi dem drei-watra libisoema wan sani foe dringi. Da jongoe preikiman kan leri wan les dja. Na ini da geschiedenis, wi tata ben diki dipi na ini da woortoe foe Gado en feni dem boen krin watra foe da geboorte foe Jezus sondro wan man, fa a ben libi sondro sondoe, Hem dede, opo baka, kren go na ini hemel, en fa A sa kom baka. Les 1 Santa Jejej 12/4/2018

Isaak wroko tranga Isaak ben meki wan akkorderi nanga kownoe Abimelek: Spreuk. 16:7 .Gado ben sori Hemsrefi gi Isaak agen .Isaak nanga Rebekka ben firi sari abra da trow foe Esau, disi ben teki heiden frow di a ben de 40 jari owroe. Les 1 Santa Jejej 12/4/2018

Isaak blesi Isaak ben denki di a ben tapoe 137 dati a sa dede. Te foe kaba, a sa libi ete 43 jari en dede di a ben tapoe 180 jari. (35:28) Kande a ben denki so bikasi hem brada Ismael ben dede di a ben de 137 jari owroe (25:17) .A taigi Esau foe go kiri wan dia en meki wan njanjan gi hem so dati a kan blesi hem fosi a dede. A de wan sari sani dati na da momenti disi, Isaak ben denki moro foeroe abra hem maag, en hem jeje-konditie no ben de so boen (Fil. 3:18-19) Les 1 Santa Jejej 12/4/2018

Isaak blesi Rebekka ben jere da tak’taki, en a ben meki wan komplot nanga Jakob so dati da blesi sa kom na Jakob. Rebekka ben abi leti dati Gado ben wani Jakob foe kisi da blesi, (Gen. 25:23), ma a ben de fout di a ben teki da tori disi na ini hem egi anoe. Noiti a de leti foe doe wan ogri bikasi joe wani wan boen foe kom (Rom. 3:8) .Jakob ben denki dati da plan no sa wroko. Alwasi hem tata no ben man si moro, Jakob ben sabi dati hem tata ben sa firi hem, en 27:11 En Jakob ben taki gi Rebekka hem mama taki: Loekoe, mi brada Esau de wan man nanga foeroe wiwiri, en mi de wan man disi skin grati; 12. Kande mi tata sa firi mi, en a sa loekoe na mi leki wan bedriegi man; en mi sa tjari wan floekoe na misrefi tapoe na presi foe wan blesi. Les 1 Santa Jejej 12/4/2018

Isaak blesi Rebekka ben taki dati da floekoe moesoe kom na hem tapoe (Mt. 27:24-25), en a ben jepi Jakob na ini hem bedriegi wroko di a bori da meti so dati a gersi wan dia, en a ben poti Jakob na ini dem krosi foe Esau en a ben tapoe hem anoe nanga hem neki nanga dem meti-boeba foe dem krabita (27:16) .Jakob ben kom na fesi hem tata leki Esau. Di a ben aksi fa a ben feni da dia so esi, Jakob lei taki: Bikasi Masra joe Gado ben tjari hem kom na mi (27:20) .Isaak ben twijfel, ma a ben gi Jakob da blesi. Les 1 Santa Jejej 12/4/2018

Bedriegi bosi Jakob ben bosi he tata. Disi de da fosi foe drie bedriegi bosi na ini da Bijbel .Jakob bosi hem tata foe kori hem: Gen. 27:27 .Joab bosi Amasa foe kiri hem: II Sam 20:9 .Judas bosi Kristus foe tori Hem: Mt. 26:49 Les 1 Santa Jejej 12/4/2018

Isaak blesi Net di Jakob ben komopo, Esau ben kom na ini en Isaak ben sabi san ben pasa. Esau ben bari krei abra da kori disi (Heb. 12:16) en a ben besroiti foe kiri Jakob baka da beri foe hem tata: 27:41 .Rebekka ben leri abra disi, en a ben aksi Isaak foe seni Jakob go na Haran foe soekoe wan frow. Ma da moro bigi prakseri ben de foe hori hem na libi. Les 1 Santa Jejej 12/4/2018

Isaak samenvatting Isaak ben kari Jakob kom, a ben blesi hem, en a ben seni hem go na Haran en a ben taigi hem dati a no moesoe soekoe wan frow na mindri foe dem Kanaaniet oema. Wi no jere noti moro foe Isaak alwasi a tan na libi ete 43 jari. Wi kan meki wan samenvatting foe hem libi: .A ben abi saka-fasi leki wan manpikin A ben de bereid foe Abraham kan meki hem wan ofrandi (Gen. 22:7-10 . Les 1 Santa Jejej 12/4/2018

Isaak samenvatting A ben gi hem tata pasi foe verkisi wan wefi gi hem: Gen. 24 .A ben de wan man disi ben abi skin–fasi Wi si hem lobi hem wefi: 26:8 .A ben lostoe foe njanjan: 27:1-4 Les 1 Santa Jejej 12/4/2018

Isaak samenvatting A ben de wan tata disi ben gi toemoesi fri na hem wefi & pikin: .A no ben abi boen control abra Esau, disi ben trow nanga toe heiden oema: Gen. 26:34 .A no ben abi Rebekka na ondro control, disi ben firi fri foe kori hem: 27:5-13 .A no ben abi Jakob na ondro control, disi ben loekoe na hem mama na presi foe hem: 27:13 .Tokoe a ben de wan man nanga bribi: Gen. 28:1-4; 22:7-10; Heb. 11;20 Les 1 Santa Jejej 12/4/2018