De presentatie wordt gedownload. Even geduld aub

De presentatie wordt gedownload. Even geduld aub

Oetgegeve in 1870 Eus eige kinderleedsjes en kinderveerskes Deilke 1 B Miert 2010 Klikke um wijer te goon.

Verwante presentaties


Presentatie over: "Oetgegeve in 1870 Eus eige kinderleedsjes en kinderveerskes Deilke 1 B Miert 2010 Klikke um wijer te goon."— Transcript van de presentatie:

1

2 Oetgegeve in 1870 Eus eige kinderleedsjes en kinderveerskes Deilke 1 B Miert 2010 Klikke um wijer te goon

3 Oetgegeve in 1870 Adam en Eva die zaote in e kuupke Adam lufde e beinsje op en Eva leet e puupke. Adam en Eva die zaote in e kuupke Eva leet häör vötsje zien en Adam leet e puupke.

4 Leesbook oet 1910 Leugeveerske Adam en Eva späölde op d'n ölger. D'n ölger waos gebroke, ze späölde op e paar knoke. De knoke waore te laank, ze späölde op 'n plaank. Die plaank die waos te dik, ze späölde op 'n mik. Die mik die waos te dun, ze späölde op 'n un. Die un die waos te rot, Ze späölde op 't peerd z'n vot.

5 Beukske oet 1918 Ins gegeve blijf gegeve Aofgenome is gestole Dee ziech zoe mer get heet gepak Dee verdwijnt strak in de zak. Bij 'ne ruil woort dit gezag en de kinder speide debij op de groond um hun wäörd krach bij te zètte: Ins gegeve blijf gegeve Aofgenome is gestole Dreimaol door de hèl gevloge. of

6 Twie kanne water twie kanne blood 't Is mien eige speulgood. Bij 'ne ruil woort dit gezag en de kinder speide debij op de groond um hun wäörd krach bij te zètte:

7 Beukske oet 1847 Es de kinder vreuger sjäölke späölde, beide ze ouch. Onze Vader mikkelemik (mikkemik) snij m'n boteram neet te dik. Want 't is de lèste mik die hei in 't keske ligk. Wees gegroet m'ne noonk is doed. Wee heet 'm daan begraove? Zeve batteraove. Boe höbbe ze 'm daan gelag? Op 't heukske vaan de Kleine Grach.

8 Iersten drök 1885 Appele pere priesters proeme Bizze-bizze-bame De kat zal krame D'n hoond zal spinne Bruudsje te winne Hamelsblok Pietersklok Slók alles op en d'n dèksel trop! Es de kinder vreuger sjäölke späölde woort ouch zoegenaomp “gebeid”.

9 Printebook oet 1927 Dao kaom e menneke euver de brögk mèt 'nen doedelzak op ziene rögk. Dao kaom 'm e vruike tege. Vruike maag iech mèt wandele goon? Nein maan, iech höb 'ne maan, boe iech good mèt wandele kaan. (dee mèt miech al wandele kaan) Wie hèt dee maan? Knuipjaan. Wie hèt zien vrouw? Knuddel-in-de-mouw. Wie hèt zie keend? Snótsvink. 't Weurt ouch mèt dees wäörd gezoonge: Dao kaom ins e menneke euver de brögk Mèt 'nen doedelzak op ziene rögk. Eus kinneke kaom 'm tege. Kinneke wèlstiech gedoedeld zien? Nein maan, iech höb 'ne maan dee miech beter doedele kaan. Wie hèt dee maan? Knuipjaan. Wie hèt zien vrouw? Knuddel-in-de-mouw. Wie hèt 't keend? Snótsvink!

10 Oetgegeve umstreeks 1870 Leedsje um te liere loupe: Boerinneke, boerinneke, vaan wee is daan dat hinneke? Vaan miech. Boerinneke, boerinneke, wieväöl kos dien hinneke? Vief cent.

11 De mam zóng dit leedsje mèt 't kinneke op sjoet. Robbe dobbe dob miene maan is koume. Robbe dobbe dob wat heet heer gebrach? Robbe dobbe dob e sjeep vol wègke. Robbe dobbe dob boe goon veer ze lègke? Robbe dobbe dob in 'nen iezere pot. Robbe dobbe dob mèt 'nen dèksel drop.

12 Twie kinder pakke de han vas en drage 'n aander keend roond op 't "steulke” dat zoe gevörmp weurt. Bij "vaan je ein twie" weurt 't gesjogkeld en bij "drei" weer op de groond gezat. Kakkestole meie, veer zalle 't kinneke leie, vaan hei tot aon 't brögkske, 't kinneke is e krökske, vaan je ein twie drei.

13 Krinkspäölselke Lieske zaot in de kamer, op e steulke. Erm Lieske wat biste kraank totste neet mie springe kaans. Lieske spring! Alweer 'nen aandere krink.

14 Plaogveerske Meister iech kom uuch bedaanke Veur 't zitte in de baanke Veur 't liere oet 't book Veur 't stoon al in d'n hook Veur 't sloon op mien brook Veur 't stoete in miene rögk Meister iech kom vaan ze leve neet mie trök!

15 Oet 1926 Mèt de ermkes euverein zege Hout zege panne vege klumpkes make tot ze krake. Sjele, sjele knech Maak Merieke häör klumpkes rech.

16 Zjang Pielewie, Zjang Pielewie Zjang Pielewie z'n vrouw. Had e mötske op, had e mötske op, zoe zwart wie de sjouw!

17 Beukske oet óngeveer 1880 Sjrepkes zètte op e pepèrke en denao tèlle: Ein/ twie/ dao/ Viele/ viele/ vao/ Viele/ viele/ viele/ viele/ Viele/ viele/ vao/ De boer/ dee kaan/ gein twinteg/ tèlle/ twinteg/ stoon/ 'rs/ dao! Sjrepkes zètte op e pepèrke en denao tèlle: Menneke/ menneke/ boe geis/ te nao touw/ Iech/ gaon nao/ mie vruike/ touw/ Wèdde/ veur/ e tönneke/ wien/ Tot/ dit/ zestien/ sjrepkes/ zien?

18 of Of iech zal diech bij de neuske pakke! of Of iech zal diech um d'n oere lappe! Iech zal diech ins get vertèlle vaan twie mammezèlle, meh de maags 't neet verklappe aanders zal iech d'ch de neuske aofhappe!

19 Kinderbook oet 1870 Krinkspäölselke veur kleinekes. Bij "meh" mote ze op de huukskes goon zitte of liet ederein ziech op de groond valle. Ringele ringele (roeze) roze Sókker in de (doeze) doze Sókker in de tasse Mörge goon veer wasse Euvermörge 't sjäöpke slachte En daan zeet 't sjäöpke "mèh."

20 Hans en Grietje Zege, zege menneke boter in 't penneke boter in 't kuupke En liet e puupke

21 Kinderbook oet 1880 Volges Endepols woort dit veerske gebruuk bij 't digkele. Dat is e speul veur meidskes boebij digkele (bikkels) en 'ne bal gebruuk woorte. Dee bal woort opgegoejd oonderwijl ein vaan de kinder 't veerske opzag. Bij "bogkelebaj", dat waor es 2 digkele opein vele, waor me aof. Vaan ierste sjierke tot vijfde sjierke Look pans vörke stoke Ketelke opzètte Was wasse Striek strieke Bogkelebaj

22 Iech höb d'n hik Iech höb de slik Iech höb 'm noe Iech höb 'm daan Iech geef 'm aon 'nen aandere maan Daan höb iech gein las mie devaan. Vrouw Holle Veerske um d’n hik te bezwere !

23 Oetgegeve in 1867 Veur hiel kleinekes! Dao waor ins e menneke dat kroop in 't penneke. 't Kroop d'r weer oet! 't Vertèlselke is oet. Plaogveerske es d'n oondergood oet d'n bovekleier stik. Mesjeel! D'n humme is langer wie d'ne keel.

24 Soldere, soldere, de ketel is kepot. En dee 'm heet gebroke, kaan noe gein sop mie koke. Hieronymus van Alphen “Kleine Gedigten voor kinderen” 1783

25 Bladzij oet "Het baker en kniedeuntjes" (liedboek) oet ± 1850 Späölselke mèt de vingers Doemeling had 'nen os gekoch De wijze had 'm geslage De lange had 'm thoesgebroch Ringske had de weurs gemaak En 't pinkske had alles opgegete! Op de bladzij heineve zeet geer oongeveer 't zelfde veerske oet ± 1850 in 't Nederlands stoon.

26 E speciaol woord vaan daank aon Virg en Jo Caris Truus en Lam Daenen Zoonder hunnen inbring had iech noets zoeväöl bijein kinne zeumere. Ouch broeder Ananias de Vries (zaoleger) en Charles Thewissen (zaoleger) waore 'n oonoetpötteleke bron vaan aw Mestreechse kinderleedsjes en veerskes. Compleminte vaan TINY


Download ppt "Oetgegeve in 1870 Eus eige kinderleedsjes en kinderveerskes Deilke 1 B Miert 2010 Klikke um wijer te goon."

Verwante presentaties


Ads door Google