De presentatie wordt gedownload. Even geduld aub

De presentatie wordt gedownload. Even geduld aub

Eus eige leedsjes Deilke 12 Eus eige leedsjes Deil 12 Fibberwarie 2011 Klikke um wijer te goon, veur de res geit alles vaan allein.

Verwante presentaties


Presentatie over: "Eus eige leedsjes Deilke 12 Eus eige leedsjes Deil 12 Fibberwarie 2011 Klikke um wijer te goon, veur de res geit alles vaan allein."— Transcript van de presentatie:

1

2 Eus eige leedsjes Deilke 12 Eus eige leedsjes Deil 12 Fibberwarie 2011 Klikke um wijer te goon, veur de res geit alles vaan allein.

3 En tot 't vastelaovend is, houwe veer, houwe veer. En tot 't vastelaovend is, houwe v'r op die kis. Hoh hoh hoh Pie! Zeve cent ‘ne reiperok. Mörge sleit de boter op. ‘n Aander aajd vastelaovensleedsje is dit :

4 Mien meer heet sop gekook. Zeve daog vaan eine knook. Du, du liegst mir am Herzen. Du, du liegst mir im Sinn. Ho ̈ bste soms jeuk, Daan móste diech kretse. Al waorste e mooswief of wel keizerin. Keuning de zawweleer dee góng zien dochter zeuke zeuke. Heer zeukde in ’t gans palies vaan kelder tot de keuke. Mer heer voont häör lekker neet! Ze zaot op e weike, Ze zaot op e weike, mèt André.

5 Zoondagsmiddags um twie ore, trok de Momus door de stad. Dao kaom ziech 'n juffrouw prizzentere, zoonder kroen of zoonder wat. 't Sjijnt ze waor nog gaar neet bang! Mer ze waor verlege veur 'ne frang! Stadsstaar Lambriks, diech weurs keuningin! Stadsstaar Lambriks, diech weurs keuningin!

6 Zoondagsaoves nao tien ore, en daan zien us centsjes op. En daan gone v'r mer nao Lies Bosch touw, en dao poompe veer mer löstig op. Viva d'n ölger, viva d'n ölger Viva d'n ölger, al vaan Lies Bosch (2 kier)

7 Louw, Louw, lieleke Louw! Höbste gei geld, verkoup d’n vrouw! Boeveur zouw iech mien vrouw verkoupe, die iech zoe lang höb naogeloupe. Louw, Louw, lieleke Louw! Höbste gei geld, verkoup d'n vrouw. En jonges, jonges, jonges, wat ‘n lol! Mèt Sint Gilis kriege veer ‘ne krollebol. (2 kier)

8 Hagenbeck dee kaom ins kieke In 't naojaor vaan 1919 doog “Circus Hagenbeck” Mestreech aon. Twie wèthawwers raakde zoe oonder d’n indrök vaan de bere vaan dee cirk tot ze dachte: "Es veer hei in Mestreech ins e paar bere hadde, dat zouw 'n groete attraksie zien. En.... es 't e menneke en e vruike waor kóste veer ouch nog demèt fókke en zoe geld verdene !” Afin, in 1920 köp de Gemeinte vaan cirkdirecteur Wilhelm Hagenbeck twie broun bere veur 1350 gölde. Dat waor in deen tied 'n enorm bedraag, dao bouwde ziech 'ne mins haos e hoes veur! Meh, zoe dach de Gemeinteraod, dat verdeent ziech gemekelek trök es veer eimaol aon ’t fokke zien. De bere woorte oondergebrach in 't Stadspark in ’n berekouw. Dat waor 'n iezere geval dat gemaak waor door de lierlinge vaan de ambachsjaol. Gans Mestreech ging zoondags nao de bere kieke. Veur de Mestreechtenere waor dat zoegezag 'n “attraksie zoonder vermakelekheidsbelasting” (Fons Tuinstra). En zoe kaom ‘t tot ederein in Mestreech wachde op gezinsoetbreiing bij Max en Pol (die oondertösse zoe geneump waore). Mer wat neet kaom waore klein bebiebeerkes. Geer veult ‘t al aonkoume, Hagenbeck had de Gemeinte twie mennekesbere verkoch. Geer begrèp wel tot hei flink op gesjamp woort in leedsje. Meh... haos ‘n iew later is oetgekoume wie dat zaot mèt die mennekesbere: wèthawwer vaan Oppen waor erg preuts en had 2 mennekes bestèld. Heer wouw zoe veurkoume tot die twie bere in ‘t openbaar veur naogeslach zörgde! Vaan ‘n aander leedsje höb iech allein mer d’n teks: De Gemeinteraod is gek, 'r Heet ziech laote bezeike vaan deen Hagenbeck. Iech höb nog vaan ‘n aander sjampleedsje teks en milledie. Duit mer op de knóp um dat leedsje te hure: De bere zien gestik, de bere zien gestik. Ze höbbe eus belastingbreve ingeslik! (2 kier) Volges “De Limburger Koerier” vaan 3 augustus 1940 zaog ‘t aon ‘t begin vaan d’n 2 e Wereldoorlog denao oet tot de bere aofgemaak zouwe weure es “Ouwehands Dierenpark” ze neet zouw wèlle. Door de veujseldistributie (voedseldistributie) waor neet genóg ete, aajd broed, veur de bieste. Zoe wied is ‘t gelökkig neet gekoume! In “De noedkreet vaan Max en Pol” huurt geer wie ze ziech beklaoge. Mer iers ‘t leedsje euver Hagenbeck.

9 Hagenbeck dee kaom ins kieke, wie 't oetzaog in de stad. En heer zag: " 't Waor get veur de rieke, es me hei ins bere zat”. En ze kochten e hiel klein kuike, goojekoup meh toch hiel fien. En noe goon veer zoondags mèt eus snake nao de belastingbere zien. Goon veer op eus kloompe, goon veer door de Koompe. Goon veer nao de bere touw, en zègke: ”Noondezjouw! Wat zien dat veur 'n dinger, ze biete diech in d'n vinger! Dat is weer 'ne slummen trek, vaan “Circus Hagenbeck."

10 Höb geer 't geleze vaan Max en Pol ? Die goon ze noe verkoupe, 't is neet veur de lol. En de Gemeinte is zier content, noe krijg ze weer eine sjoene cent. Dat is veur Max en Pol. (2 x) Toen ze 't hun vertèlde lete ze 'n traon. Iech höb 't wel gewete, meh doch neet mie dao aon. En euze Pol heet geprottesteerd, heer zag: "Zien veer noe niks mie weerd ?” Lèt op Max en Pol. (2 x) Max begós te kriete: "Doot us ei plezeer. Laot us nog get blieve, v'r loupe mer op en neer. Es geer get verkoupe wèlt, verkoup daan de brögk, want de bere krijg geer noets mie trök.” Deen erme Max en Pol. (2 x) Nao viefentwinteg jaore trouwen deens. Kinne ze 't neet mie kr0ppe, op d'n distributiedeens. Dat neume ze ei sjoen Mestreech, meh de berekouw die kump zoe leeg. Deen erme Max en Pol. (2 x) Veer mote mer ei beroop doen op de ganse stad. Die höbbe vaan us kunste, ‘t plezeer gehad. Mestreechteneers laot us neet allein, v'r sterve vaan de sjagrein. Deen erme Max en Pol. (2 x)

11 Kropslaoj, andievie, sèlderij, poor! De maog vaan de beurstel is mèt de steel devaan door. Kropslaoj, andievie, selderij, poor! Posmes zien maog is mèt zien weurs devaan door.

12 Wèlt geer miejer weite euver de achtergronde vaan de leedsjes? Gaot daan eve nao Dao stoon ze ouch op alfabet en kint geer zoe gemekelek eur leedsje vinde. Wijer kint geer miech bereike op mien addrès


Download ppt "Eus eige leedsjes Deilke 12 Eus eige leedsjes Deil 12 Fibberwarie 2011 Klikke um wijer te goon, veur de res geit alles vaan allein."

Verwante presentaties


Ads door Google