De presentatie wordt gedownload. Even geduld aub

De presentatie wordt gedownload. Even geduld aub

Eus eige leedsjes Deil 11 Deil 11 Klikke um wijjer te goon.

Verwante presentaties


Presentatie over: "Eus eige leedsjes Deil 11 Deil 11 Klikke um wijjer te goon."— Transcript van de presentatie:

1

2 Eus eige leedsjes Deil 11 Deil 11 Klikke um wijjer te goon

3 Sjang sjeij oet, De sjäörs mien hummeke Sjang sjeij oet, De sjäörs mien hummeke vaan ónderoet. Aw Maosbrök 1671 J. de Grave

4 Dao kaom 'ne Waol Wallon al in mien hoes maison Dee stool 'n sjink jambon al oet m'ne ketel chaudron Iech pakde 'ne stek bâton en houde dee Waol Wallon Al mèt m'ne stek bâton op zien sjinke jambons! Hoegbrökstraot 1669 Valentijn Klotz In de Hollandse verzie oet 1874 woort gezónge: “Daar kwam een dief larron”. Dao höbbe de Mestreechtenere mer ‘ne Waol Wallon vaan gemaak. Die Waole laoge zoe te hure neet zoe good in de merret !

5 ‘t Vollegende leedsje "Veer drage 3 kleure die stoon us zoe good" is 't ajdste Mestreechs karnavalsleedsje dat is opgesjreve. 't Is trökgevónde in 't Arsjief in 2002 mer stamp oet ¹) In 1840 (volleges de offisjeel statute) woort in ‘nen dörrepskaffee op Sint Pieter de “Momus” opgeriech door o.a. de hiere L. Polis, F. Stiel, G. Stiel en J. Naus. De vereiniging waor in ierste instansie bedoeld es vastelaovendsvereiniging mer heel ziech ouch bezig mèt sjariteit. Achter ‘t ellefde artikel in ‘t “Momusreglemint” steit jummers: “Wat doen tog de Momusse? Ze geve d’n erreme broed en doen de rieke lagche”. ²) De Momuslede droge allemaol 'n narrekap mèt bepaolde kleure. Later zien dees kleure es symbole vaan de vastelaovend door de ganse provinsie euvergenómme. Die kleure kint geer allemaol wel want mèt de vastelaovend weurt me demèt doedgegoejd: Roed Geel en Greun In dit leedsje mèt oersprunkelik 6 koeplètte woort aon de Momezy ‘t gebruuk vaan die kleure oetgelag: - Roed dat steit veur 't verlange nao vrunsjap ónderein. -Geel, in deen tied woort gesproke euver wit mer in de loup vaan d'n tied is dat geel gewore, weurt vergeleke mèt maon- en zonneleech dat ónsjöldig zoeväöl vräög in Mestreech brink. - Greun dat duijt op d'n hoop um door eindrach de Momezy te laote greuje. Geer huurt miech allein 't twiede koeplètsje zinge umtot bijj mie wete dat allein nog mer gezónge weurt. Wijjer steit In de oersprunkelike verzie vaan 1842 in 't refrein: Tra la la la la la mer iech zing 't mèt Vaan tiederalalala Dit umtot iech ‘t leedsje vreuger door de aw luij altied höb hure zinge mèt “vaan tiederalalala” en in de gesjreve verzies (in mie bezit altans) dat ouch steit. Woersjienelik is d’n teks in de loup vaan d'n tied (168 jaor) veraanderd. Denao laot iech uuch ouch nog 'n aander verzie vaan dit leedsje hure. Bronne: ¹) "Boekèt Mestreechs“ vaan Flor Aarts en Lou Spronck. ²) ”Momus-Jubilei ”

6 Jaokopskèrrek 1671 Valentijn Klotz Veer drage 3 kleure die stoon us zoe good En wee ze neet dreug heet gei Momusseblood Vaan tiederalalala Vaan tiedera, vaan tiedera Vaan tiederalalala. Veer drage twie kleure die stoon us zoe sjoen Eine rok mèt e lijfke drage veer mèt fatsoen Fiederalalala Fiedera, fiedera Fiederalalala. Aander verzie:

7 En de pestoer dee had 'n geit geslach geit geslach, geit geslach. Heer had ze in 't zaajt gelag al vaan de pestoer zien geit. En zjiemla En de pestoer zien geit had einen ujer einen ujer, einen ujer En 't waor de pestoer zienen touwbaksbugel al vaan de pestoer zien geit. En zjiemla En de maog en de maog die waor neet gek waor neet gek, waor neet gek Zie stool ziech e stök veur häöre bek al vaan de pestoer zien geit. En zjiemla En de köster dat waor 'ne maan 'ne maan, 'ne maan Dee pakde wat heer pakke kaan al vaan de pestoer zien geit. En zjiemla Vriethof 1840 Touwgesjreve aon Ph. van Gulpen De mèssendeenders mèt z'n vere, mèt z'n vere. Die ginge vaan 't vleis perbere al vaan de pestoer zien geit. En zjiemla

8 Slevrouwekèrrek 1740 Touwgesjreve aon J. de Beijer Noets geine pottemaan, Noets geine blozer Eine oet d'n ove weurt miene maan. Bolle-bolle-bolle-biemba (3 kier) Biemba-ja-ja. Sjeel is me zuster mottig is me broor. Daan höb iech nog ‘nen aandere dee zuut (sjit) zoe greun wie poor !

9 Mèrret 1740 Touwgesjreve aon J. de Beijer En zoelang es de lepel in de reurpot steit daan treure veer nog neet, daan treure veer nog neet. En zoelang es de lepel in de reurpot steit daan treure veer nog neet. En zoelang es e gleeske in de kroek blijf stoon daan treure veer nog neet, daan treure veer nog neet. En zoelang es e gleeske in de kroek blijf stoon daan treure veer nog neet. En zoelang es Kalvarie op de Zabstraot steit daan treure veer nog neet, daan treure veer nog neet. En zoelang es Kalvarie op de Zabstraot steit daan treure veer nog neet. En zoelang es Naardes op d'n ölleger späölt daan treure veer nog neet, daan treure veer nog neet. En zoelang es Naardes op d'n ölleger späölt daan treure veer nog neet.

10 " En zoelang es de lepel in de (b)reurpot steit" is ouch noe nog e hiel bekind leedsje. 't Ierste koeplètsje is letterlik oet de Hollandse verzie euvergenómme. ‘t Twiede koeplètsje is zoe te hure vaan ‘ne Mestreechse zjeneverdrinker. 't Derde koeplètsje, boe-in de Zabstraot weurt geneump, is zoe Mestreechs es mer kin ! Es me Endepols maag geluive is dit leedsje " 'n uting vaan Mestreechse vastelaovendsvierders die door Kalvarie (Sjariteit) óndersteund woorte". Die kraoge hun óndersteuning en ginge daan geliek door nao de kaffee um alles um te zètte in draank. Dat waor in deen tied sjijnbaar de gewoenste zaak vaan de wereld. Oet de "Noedkisrede", die dr. Poels op 12 miert 1917 gehawwe heet, is bekind tot op dat momint 1400 gezinne hun hand ophele bijj Kalvarie. En M. Ubachs sprik in zie book "Een eeuw modern kapitalisme" euver 1700 einkamerwoeninge. Me kin ziech veurstèlle tot door zoe’n touwstande väöl febrikswèrrekluij hun heil in de kaffees zeukde. 't Veerde koeplètsje stónt op 17 december 1965 in "De Nieuwe Limburger" in de rubriek vaan Charles Thewissen. De naom Naardes is miech ónbekind. Vermoedelik zal dit ‘nen öllegerspeuler oet ‘ne kaffee gewees zien. In de sevetiger jaore höbbe de “Zingende Pótsvrouwe” dit leedsje op ‘n plaat gezat en in plaots vaan Naardes lete zie de Pender op zienen ölleger speule. Jef Penders waor in deen tied dirrizjent vaan ‘t koer.

11 Zabstraot gezeen vaanaof de Tóngersestraot Valentijn Klotz 1671 Tante Griet tiedeliedeliet Had een kat tiedeliedelat En die kat tiedeliedelat Had een staart tiedeliedelaart En die staart tiedeliedelaart Had een krul tiedeliedelul En die krul tiedeliedelul Had een punt. Vajer sliep bijj mojer Mojer sliep bijj vajer Vajer sliep bijj mojer En 't kinneke dat sliep in de weeg Geef us e klei bitteke water En e klei bitteke beer Daan gaon iech dao achter aon dat täöfelke En zèt iech miech lekker deneer.

12 Sint Pieter mèt Lichtenberreg J. de Grave óngeveer 1669 Triene de bökkem heet 'ne klepel en aon dee klepel hink 'n bel. En es ze rope : "Sjiet in de ketel" daan sprink Triene oet häör vel. Trieneke hijj, Trieneke dao, (2 kier) Triene, Triene, Triene hijj en dao ! Dit leedsje stónt op 9 julie 1966 in ”De Limburger” in de rubriek vaan Sjarel Thewissen. De wijs is vermoedelik oet 1842 en toen hètde ‘t ”Momusvreug”’. D’n awwerdom vaan d’n teks hijjbove is ónbekind.

13 Hier Valentijn Klotz 1670 ‘t Ierste leedsje is op de wijs vaan: “Si tu veux faire mon bonheur Marguerite” En vaan de hónderd nog gein tien höbben 'ne kerrep, höbben 'ne kerrep en vaan de hónderd nog gein tien höbben 'ne kerrep oets gezeen. Veer zien de meidskes vaan ‘t lómmelefebrik en veer móte wèrreke en veer móte wèrreke. Veer zien de meidskes vaan ‘t lómmelefebrik en veer móte wèrreke tot ‘t stik. Kerrep=karper

14 Kastiel Neercanne. Touwgesjreve aon J. Lefebre 3e kwaart vaan de 19e iew Piejotte, piejotte, die höbbe lere votte. Ze loupe op hun zokke de meidskes te lokke. En dee neet veur de keuning seert dee krijg ziene baard vol sjroep gesmeerd. Tralalalalalala.

15 Sint Pietersberreg 1826 G. Lamberts Mien meer die had e lepke Tralalalala En ze maakde miech e kepke Tralalalala En mien meer die had 'ne groete lap En ze maakde miech 'n nievelskap Tralala-tralalalalala M'ne peer dee had e plenkske Tralalalala En heer maakde miech e benkske Tralalalala M'ne peer dee had 'n groete plaank En heer maakde miech 'n groete baank Tralala-tralalalalala 'n nievelskap = e vrouwemötske

16 Kloesterkèrrek vaan de Witte Vrouwe oppe Vriethof boe noe d’n Tejater steit. Touwgesjreve aon Valentijn Klotz. Dit Leedsje mèt Mina in d’n Hollandsen teks stónt in de ”NIEUWE TILBURGSCHE COURANT” vaan zóndag 19 miert Mer wel mèt ‘ne netten teks! En vooruit en vooruit en vooruit Merie Sjiet 'ne keutel en dans neet mie. En vooruit en vooruit en vooruit Merie Sjiet 'rs daan mer twie. Annemerie, sjiet 'ne keutel en dans neet mie. En vooruit en vooruit en vooruit Merie Sjiet 'ne keutel en dans neet mie. En vooruit en vooruit en vooruit Merie Sjiet 'rs daan mer twie.

17 Mesjiens höb geer in ein of aander kèske nog tekste of meziek vaan aw Mestreechse leedsjes ligke. Of kint geer nog vaan die leedsjes die euren ampa of eur ama altied zóng. Iech zouw ‘t errig op pries stèlle es geer die mèt miech zouwt wèlle deile. Geer kint miech bereike op dit addrès: Dit is alweer ‘t ind …….


Download ppt "Eus eige leedsjes Deil 11 Deil 11 Klikke um wijjer te goon."

Verwante presentaties


Ads door Google